Month: October 2024

Përpara se të futej në sallën e Kuvendit Monika Kryemadhi u ndal për një deklaratë të shkurtër për gazetarët, ku u kërkoi atyre që të merren seriozisht me kryeministrin Edi Rama, pasi siç tha ajo është peshku i madh në telefonin e saj.

“Merreni seriozisht edhe Ramën. A ka deklaruar kurimin e djalit të vet në Amerikë? Kush ia ka paguar dhe sa kushtuar? Merreni seriozisht. Peshku i madh është Edi Rama në telefonin tim. E kam telefonin l cloud”, u shpreh Kryemadhi.

Deputetja e PL-së iu përgjigj edhe Sali Berishës, që mbrëmjen e 25 tetorit tha se ajo i kishte dorëzuar 460 mijë euro Edi Ramës.

Sipas Kryemadhit, Berishën e kanë ngatërruar, ndërsa akuzoi ish-ambasadoren e BE-së se kishte marrë para nga Rama për të blerë deputetë e opozitës.

“Mos e ka fjalën për buxhetin që Romana Vlahutin kishte marrë nga Rama për të blerë deputetët e opozitës për të votuar reformën në drejtësi”.

Tri ditë më parë Sali Berisha i bëri thirrje Monika Kryemadhi që të sqarojë një shumë parash që i ka dorëzuar Edi Ramës.

“I bëj thirrje zonjës Kryemadhi, e cila deklaroi se Edi Rama ka urdhëruar Dumanin të fshijë të gjithë komunikimet e saj me Edi Ramën, t’ju bëjë të ditur shqiptarëve, të informojë shqiptarët për “peshkun e madh”, të informojë shqiptarët me ç’rast i dorëzove Edi Ramës 460 mijë euro. Të informojë shqiptarët gjithçka di për këtë kryehajdut të të gjitha kohërave”.

Por, sot në një konferencë me gazetarët, Berisha u pyet nëse me këtë thirrje kërkonte që Kryemadhi të bëhej bashkëpunëtore e drejtësisë. Në përgjigjen e tij, kreu i Partisë Demokratike krahasoi Altin Dumanin me të penduarin e drejtësisë Nuredin Dumani.

Sipas Berishës, kthimi i Kryemadhit në një ‘pentito’ do të ishte njësoj sikur të rrëfehej përpara vrasësit me pagesë, Nuredin Dumani.

“Tani, do na falni pak, por unë përgjigje nuk mund të jepja se sa të krahasoja Altinin me Nuredinin. Çka nënkuptoja se për mua ishte njëlloj si të më thoshin se a duhet të bëhet e penduar Monika Kryemadhi tek Nuredin Dumani. Këtë nuk mund të ma thuash dhe unë nuk mund t’ia them kujt këtë”, tha Berisha.

Gazetari Blendi Fevziu u shpreh në një emision televiziv se opozita me dy kryetarë në burg, Metën dhe Berishën, mosbindja civile dhe protestat janë makijazhe.

Ai tha se Berisha duhet të ikte dhe të linte një lider të ri dhe vetë të rrinte kryetar nderi, por tani është shumë vonë

“Unë në 2019 e kam thënë se dalja nga parlamenti dhe vendimi për të mos hyrë në zgjedhjet lokale do t’i kushtojë opozitës të paktën për 2 dekada. Në këtë rrethanë që është opozita sot nuk do të dija ç’të bëja.

Me dy kryetarë në burg, Metën dhe Berishën, sidomos me kreun e PD-së, me këtë mosbindjen civile etj. Këto janë makiazhe. Opozita mund t’i bëjë më atraktive këto, që të vërë në lojë Ramën. Ky që po bëjnë është make up. Në këto rrethana them se nuk ka se çfarë të bëjë. Tre vjet më parë ta dhashë zgjidhjen në këtë studio. Berisha duhet të ikte dhe të linte një lider të ri dhe vetë të rrinte kryetar nderi. Tani kjo nuk ndodh më dhe është shumë vonë. Kjo donte një tre vjeçar.

Një lëvizje mund të ndryshojë shumë rendin politik. Në qershor, korrik ishte e sigurtë që Trump do të ishte fitues përballë Biden dhe u fut Kamala Harris dhe tani nuk është e sigurtë që fiton Trump”-tha Fevziu.

Kryetari i Partisë së Lirisë, Ilir Meta ka mohuar akuzat për lobimin e LSI-së në SHBA.

Në një postim në rrjetin social Facebook, ndërsa ndodhet në burgun 313, ai thotë se nuk ka autorizuar veprime të paligjshme, teksa shprehet se kontratat janë bërë sipas ligjeve shqiptare dhe amerikane.

Ai ka deklaruar se kompania “McKeon Group” e ka nënshkruar kontratën me një avokat greko-amerikan Fideszis, pa dijeninë dhe autorizimin e tij apo të LSI-së.

Pjesë nga deklarata e Ilir Metës:

Lidhur me lobingjet, siç e sqarova edhe në sallën e gjyqit, në dijeninë time çdo gjë është bërë sipas ligjeve shqiptare dhe amerikane dhe kurrë nuk kam autorizuar veprime të paligjshme.

Në sallën e gjyqit me shkresë konkrete demonstrova sesi kompania “McKeon Group” kishte regjistruar në FARA (Departamenti i Drejtësisë) një konkratë të nënshkruar nga një avokat greko-amerikan Fideszis, pa dijeninë dhe autorizimin tim dhe të LSI.

Në 20 Janar, Presidenti i “McKeon Group” i kërkoi zyrtarisht FARA (Departamenti i Drejtësisë) të korrigjonte atë marrëveshje pasi Kryetari i Kuvendit të Shqipërisë, z.Ilir Meta na tha se ky person s’ka qenë i autorizuar nga ai dhe LSI dhe se qëllimet e bashkëpunimit janë të tjera.

Po kështu më duhet të sqaroj se lidhur me dy kompanitë e lobimit të prezantuara nga shqiptaro-amerikani, Adrian Shatku, në dijeninë time çdo vendim i LSI ka qenë i ligjshëm në respekt të ligjit shqiptar dhe amerikan.
Nëse SPAK-ut i rezultojnë diferenca midis deklarimeve në KQZ dhe përfitimeve nga kompanitë e lobimit për interes të LSI-së, SPAK-u dhe FBI i kanë patur të gjitha mundësitë të verifikojnë se cilët persona ose kompani kanë paguar në USA dhe t’i vendosin në ndjekje penale.

Është e padiskutueshme që unë Ilir Meta të kem autorizuar dikë të bëjë veprime të tilla ose të kem patur dijeni.
Por SPAK-ut nuk i intereson e vërteta e përgjegjësisë por përpjekja për të krijuar tymnajën që përderisa këto janë deklaruar si shërbime ndaj LSI dhe Ilir Metës, paguesi është Ilir Meta, kur kjo është e pavërtetë dhe SPAK-u dhe FBI e dinë se cilët janë paguesit që duhet të përgjigjen para ligjeve shqiptare dhe amerikane.

Po kështu më duhet të distancohem me neveri nga aludimet dhe insinuatat që bën SPAK-u nga tabulatet e telefonave të sekuestruara ish-bashkëshortes time se unë kam ndikuar në favor të biznesmenit shqiptaro-amerikan, Adrian Shatku dhe kam qenë në dijeni të përfitimeve nga ish-bashkëshortja ime.

Kjo është një përpjekje e dëshpëruar e SPAK-ut për të shtuar një insinuatë më shumë në fletërrufenë e gjatë.
Akoma më i turpshëm është konkluzioni se unë kam përfituar nga kartat që ish-bashkëshortja ime paska marrë dhe përdorur nga Adrian Shatku, gjë që s’do ta kisha lejuar kurrë.

Po kështu konkluzioni se Kryetari i Kuvendit ka ndërhyrë për të bërë një ndryshim ligjor në favor të një biznesmeni është absurd.

Procedura e ligjbërjes është e përcaktuar se si nis dhe konkludohet dhe roli i Kryetarit të Kuvendit është si ai i çdo deputeti tjetër në votim, në bazë të bindjes së tij.

Si nuk u shqetësua SPAK-u për shumë ligje me porosi dhe emra të përveçëm që bëri Edi Rama dhe u denoncuan nga Presidenti i Republikës?

Akoma më absurd është konkluzioni se meqënëse Kryetari i Parlamentit ka biseduar me Kryetaren e AKEP-it për shqetësimet e ngritura nga e vetmja kompani shqiptare në fushën e telekomunikacionit, PLUS, qënkan ndërhyrje për favorizim kur ankesa e tyre ishte se po diskriminoheshin nga kompanitë e huaja.

Ndërkohë që te PLUS, kishim aksionerë shqiptarë dhe shqetësim i tyre nuk mund të injorohej.

Si përfundim për sot, e gjithë Fletërrufeja e SPAK-ut kundër meje është një justifikim për të realizuar aktin e rrëmbimit dhe izolimit të thellë politik, me qëllim që në koordinim me Edi Ramën, Erion Velinë, SHISH dhe bashkëpunëtorët e tyre të infiltruar në Partinë e Lirisë të rrëmbejnë drejtimin e kësaj force politike, për ta kthyer në një freskore të regjimit.

Kjo gjë nuk ka për të ndodhur kurrë ndaj i kërkoj Sekretarit të Përgjithshëm, z.Tedi Blushi, Kryesisë dhe gjithë strukturave tona anembanë vendit, t’i japin përgjigjen e merituar këtij skenari ogurzi për demokracinë, se Partia e Lirisë nuk mund të bëhet Partia e Tradhtisë.

Ish-presidenti Bolivian Evo Morales pretendoi të dielën se i kishte shpëtuar një atentati herët në mëngjes, kur sulmues të armatosur të paidentifikuar hapën zjarr mbi automjetin e tij.

Morales postoi një video në mediat sociale që dukej se tregonte vrima plumbash në makinën e tij si dhe një shofer të plagosur.

Ai pretendoi se katër persona të maskuar të veshur me të zeza dhe me armë dolën nga dy automjete dhe filluan të qëllonin herët në mëngjes.

Ai pohoi se ngjarja ndodhi teksa ishte duke u nisur për të drejtuar programin e tij të rregullt të së dielës.

Sulmi i supozuar vjen mes përshkallëzimit të tensioneve politike në Bolivi, ku Morales, i cili udhëhoqi vendin nga 2006 në 2019, ka mbledhur mbështetës pasi u ndalua nga zgjedhjet e ardhshme nga një vendim i gjykatës kushtetuese.

Autoritetet boliviane nuk kanë komentuar menjëherë mbi incidentin.

https://streamable.com/e/h7oyzl?quality=highest

Binjakët identikë Matthew dhe Michael Youlden mund të flasin secili 26 gjuhë, njëra prej të cilave as nuk gjendet në etimologji.

Të frymëzuar nga peizazhi kulturor në Mançester, në Mbretërinë e Bashkuar, vëllezërit poliglotë tani kanë një kompani tyren për gjuhët e huaja, interesi ndaj të cilave nisi në moshë mjaft të hershme.

Por gjuha e tyre e parë, umeri, ishte e shpikur nga vetë ata. “Umeri nuk ishte kurrë një gjë thjesht për komunikimin sekret. Ka vlerë sentimentale për ne pasi tregon lidhjen e fortë që kemi si binjakë identikë”.

Vëllezërit s’mbajnë mend si ishte jeta e tyre para gjuhës umeri, duke kujtuar kohën kur ishin në arsimin parashkollor dhe mësuesit habiteshin kur ata bënin shaka me të gjuhën e tyre ‘sekrete’.

Spanjishtja ishte gjuha e tretë që mësuan gjatë pushimeve familjare kur ishin 8 vjeç, më pas italishtja dhe gjuhët skandinave teksa njëkohësisht studionin dhe zhvillonin strukturën gramatikore për gjuhën e tyre.

Sipas BBC, 30-50% e binjakëve krijojnë një formë unike komunikimi që njihet si cryptophasia.

“Binjakët kanë gjuhën e tyre që në një pikë nuk e përdorin më sepse kanë turp”, tha Matthew. Kur ai dhe Michael komunikonin në umeri, familjarët dhe miqtë thoshin: “Ia filluan prapë me gjuhën e tyre”.

Binjakët e standardizuan dhe kodifikuan gjuhën. Në një pikë, provuan edhe të krijonin alfabetin, por kur morën kompjuterin e parë kuptuan se s’do të duhej pasi s’kishte lloj shkrimi umeri. Tani gjuha shkruhet me anë të alfabetit latin.

Ata s’kanë si qëllim që ta trashëgojnë këtë gjuhë, por kanë vazhduar ta zhvillojnë për veten e tyre.

“Është një prej atyre gjërave që fatkeqësisht kanë datë skadence”, përfundon Michael.

Reperi i njohur Noizy, emri i vërtetë i të cilit është Rigels Rajku, u përfshi pak muaj më parë në një incidenti të dhunshëm ndaj Medi Isenit, një influencues në TikTok. Ai u arrestua, e pas disa kohësh u la i lirë pasi pagoi një shumë të konsiderueshme parash.

Megjithatë, ai nuk lejohet të hyjë në SHBA për shkak të rastit penal, i cili është i hapur në Kosovë. Sipas mediave, Noizy u përpoq të udhëtonte për në SHBA nga Greqia, por ndalimi i hyrjes ishte rezultat i akuzave që e rëndojnë.

Këtë e ka bërë të ditur vetë ai përmes një postimi në rrjetet sociale.

“Me keqardhje ju njoftoj se nuk do jem prezent në turneun e Amerikës këtë rradhë, problemi ishte tek vizat. Gjithsesi uroj që shumë shpejt të jem pranë jush”, ka shkruar Noizy.

Noizy ishte i përfshirë në rrahjen brutale të Medi Isenit më 2 gusht në Pejë dhe, pas kësaj ngjarjeje, u arratis nga Kosova. Ai u arrestua në Shqipëri pesë ditë më vonë, në Shëngjin, dhe u mbajt në burg deri më 16 gusht, kur Gjykata e Durrësit e liroi atë pas ofrimit të një garancie prej 50 mijë eurosh.

Nga ana tjetër, Arkimed Lushaj, i njohur si Stresi, vazhdon të jetë në arrati për të njëjtin rast.

Ernest Muçi ka realizuar një gol spektakolar për Besiktas, në humbjen 2-1 ndaj Galatasarayt.

Në sfidën e sotme, lojtari nuk u aktivizua titullar teksa u aktivizua në minutën e 68-të, në vend të Mario

Pas një aksioni të shpejtë në minutën e 94-t, Muçi lëshoi një gjuajtje të bukur me të majtën, për ta ndalur në rrjetë, i ndihmuar edhe nga shtylla.

Ky është goli i parë sezonal për sulmuesin në Superligën turke ndërsa për Galatasaray-n, shënuan Osimhen dhe Sanches.

23-vjeçari në sezonin e kaluar me këtë skuadër luajti 13 ndeshje dhe “tundi rrjetën” 3 herë.

Sulmuesi kuqezi ishte i grumbulluar me Shqipërinë për ndeshjet e kaluara, por Silvinjo nuk i besoi duke luajtur 4 minuta ndaj Çekisë, ndërsa qëndroi në stol në sfidën në Gjeorgjisë.

🇦🇱🇹🇷 Ernest Muci's fantastic Goal with his weak Foot ⚽ pic.twitter.com/vopT8OhTIp

— Albanian Football Scout 🇦🇱 (@FootballAlbXI) October 28, 2024

Olta Gixhari është rikthyer edhe njëherë në qendër të vëmendjes pasi u konfirmua si opinioniste në spektaklin “Big Brother VIP Kosova”.

Përpos kësaj, aktoren e shohim aktive edhe në rrjetet sociale, ku shpesh poston momente nga e përditshmja e saj.

Mirëpo në një nga postimet e saj të fundit, Olta ka treguar më shumë se ç’duhet. Megjithatë aktorja nuk vonoi shumë për ta fshirë postimin.

Kujtojmë se eksperienca e Oltës në një spektakël si ai i “Big Brother VIP Kosova” nuk është për herë të parë — jo si opinioniste por si banore. Ajo ka qenë në “Big Brother-in” shqiptar dy vite më parë.

Avokati Idajet Beqiri ka komentuar në një emision televiziv arrestimin e kreut të Partisë së Lirisë, Ilir Meta. Beqiri i cili është edhe një kallëzuesve në dosjen ‘Meta’, thotë se drejtësia e ka marrë rrugën e saj dhe nuk ka më të pandëshkueshëm.

Beqiri thotë se Meta duhet të tregojë se ku ka fshehur pasuritë, sipas tij që janë hotele, restorante bare, casino apo edhe llogari banakre jashtë shtetit.

“Kapitulli Meta duhet të konsiderohet i mbyllur, shqiptarët kanë shpëtuar nga bosi më i madh i krimit të organizuar dhe korrupsionit të lartë në këtë vend. Shqiptarët presin që SPAK, sikur shfaroi njëherë folenë e grerëzave të familjes Meta, duhet të vejë edhe në të gjitha skutat ku ai ka fshehur dhe depozituar pasuritë e Shqipërisë dhe shqiptarëve, të cilat i ka grabitur me mjetet e tij mafioze, me shpërdorimin e rëndë që i ka bërë pushtetit dhe besimit të atyre që e çuan në ato detyra. Qoftë Meta, por edhe ata që i shkojnë ende nga pas Metës, i përkasin botës së krimit, botës së të mundurve. Elementë të tillë i kemi parë prej kohësh.

Aferat, vrasje e Metës do zbulohen një nga një, edhe aferat. Të tregojë ku i ka fshehur pasuritë, përveç atyre që i janë zbuluar. Shqipëria dhe shqiptarët duan sekuestrimin dhe konfiskimin e të gjitha pasurive, aseteve, hotele, restorante, bare, kazino dhe pastaj llogaritë bankare që Meta e Kryemadhi kanë në disa vende të botës.

Një pjesë e tyre nuk janë thjesht vjedhje që i kanë bërë shqiptarëve, por edhe para të pista për të sabotuar Shqipërinë, për t’i shitur detin Shqipërisë. Meta përfaqëson një nga kokat më të mëdha të krimit dhe korrupsionit në këtë vend, ky vend s’do këtë më të pandëshkueshëm, drejtësia e ka marrë rrugën e duhur”, tha Beqiri.

Blendi Fevziuka folur për arrestimin e dhunshëm të ish-Presidentit, Ilir Meta.

I ftuar në TPZ, Fevziu e kritikoi arrestimin, duke e quajtur të papërshtatshëm për një ish kryetar shteti dhe një person që nuk paraqiste rrezikshmëri.

Ai gjithashtu deklaroi se Meta nuk ka pse të qëndrojë i burgosur, sepse do të na kushtojë shtrenjtë nëse del i pafajshëm në fund të gjykimit, por ai mund të hetohet dhe gjykohet në gjendje të lirë.

“Për dosjen e Metës nuk them dot gjë sepse nuk e njoh në brendësi. Lexova atë që ka çuar prokuroria në gjykatë për të kuptuar dicka. Ajo që më ka bërë përshtypje dhe mendoj se ishte shfaqje që duhej evituar ishte arrestimi i tij. Ka një problem, nëse hyn në rrjetet sociale, ka shumë njerëz, shumica emigrantë, qe befas shpërthejnë me komente “mirë ja bënë”, ta “kishin tërhequr zvarrë”. Jam habitur, nga njerëz që jetojnë në perëndim të kenë këtë.

E para, nuk i hyj procesin, nuk e gjykojmë dot dosjen. Arrestimi i Metës në shfaqje force në një nga zonat me pubike, ishte i panevojshëm dhe jo dinjitoz, jo për Metën si ish President, por për çdo qytetar. Skena të tilla i takojnë kriminelëve dhe banditëve që përbëjnë rrezik, nuk janë dinjitoze për asnjë qytetar.

E treta, mendoj se klasa politike duhet të përgjigjet, por bëhet përmes dokumentimit të problemeve dhe jo detyrimisht të jenë në burg.

E dini sa paguajmë për ditët e burgut kur dalin të pafajshëm personat? Kemi modelin e Tahirit që u ndoq në gjendje të lirë, ndejti dhe pastaj u dënua vajti në burg. Kemi rastin e Salianjit. Nëse ai do të arrestohej në 2018, do të bënte 8 vjet proces dhe do të dënohej me një vit, do ti paguanim minimalisht 60 euro dita. Për çdo njeri, jo vetëm një politikan.

Kur nuk përbën rrezikshmëri, e gjykon dhe pastaj jepet vendimi.

SPAK argumenton se mund të përbëjë rrezikshmëri, por unë mendoj se njerëzit duhet të gjykohen në liri dhe pastaj nëse është fajtor bën burgun.

Po marr një person që arrestohet në vitin 2024. Gjyqi mund të zgjasë 4 vite. Nëse e mbajmë kaq vite, shpenzojmë mbi 60 euro dita. Pastaj do ti paguash edhe ditët e dëmshpërblimit.

Edhe gjykimet duhet të jenë pak më të shpejta“, tha Fevziu.