Month: October 2024

Me kaq shumë aksidente sa po ndodhin në vendin tonë, nuk kishte se si një prej tyre të mos kapej “live” në kamera.

Kjo ka ndodhur mbrëmë në emisionin “D Night”, ku gazetari ishte duke raportuar nga sheshi “Nënë Tereza” në Tiranë.

Disa të rinj mesa duket janë emocionuar nga prezenca e kamerës dhe i kanë dhënë gaz makinës. Vetëm pak metra më larg, ata janë përplasur me një makinë tjetër që vinte po me shpejtësi.

Sheshi “Nënë Tereza” është një pikë ku në orët e vona mblidhen të rinj e të reja, shumë prej tyre të apasionuar pas shpejtësisë.

Kur Qasem Soleimani, komandanti i Brigadave Al-Quds të Iranit në Irak, u vra në një atentat nga Shtetet e Bashkuara në aeroportin e Bagdadit në fillim të janarit 2020, Udhëheqësi Suprem i Iranit Ayatollah Ali Khamenei e quajti atë një deklaratë lufte dhe u zotua për një hakmarrje të madhe.

Si përgjigje, Irani kreu sulme ajrore në bazën ushtarake Al-Asad në Irak dhe në bazën ushtarake amerikane në Erbil, në Irakun verior. Sulmet shkaktuan dëme materiale, por askush nuk u vra.

Kur Izraeli, pas sulmit nga Hamasi më 7 tetor 2023, bombardoi intensivisht Rripin e Gazës dhe numri i viktimave midis palestinezëve u rrit, ministri i jashtëm iranian Hossein Amir-Abdolahian paralajmëroi se nëse Izraeli vazhdon të sulmojë civilët e paarmatosur në Gaza, nuk mund të garantohet se konflikti nuk do të përhapet. Me fjalë të tjera: Irani mund t’i bashkohet konfliktit. Por në mars 2024, agjencia e lajmeve Reuters raportoi njoftimin e Hezbollahut libanez se, pas konsultimit me Teheranin, do të drejtonte në mënyrë të pavarur luftën kundër Izraelit dhe se Irani nuk do të përfshihej ushtarakisht.

Khamenei urdhëroi sulmin me raketa ndaj Izraelit vetëm pasi shtatë anëtarë të Gardës Revolucionare iraniane u vranë në një sulm të synuar ndaj ambasadës iraniane në Damask më 1 prill. Por Teherani njoftoi sulmin paraprakisht dhe madje informoi qeverinë amerikane. Disa orë pas sulmit me raketa iraniane, të cilat u kapën kryesisht nga Izraeli, Irani deklaroi se incidenti mund të konsiderohet “i përfunduar”. Nuk u fol shumë për suksesin e sulmit.

Dhe kur Ismail Hanije, lideri i Hamasit u vra më 31 korrik 2024, në një atentat në Teheran, për të cilin Izraeli mbahet përgjegjës, Irani u betua të hakmerret. Por ende nuk është zbatuar, shkruan DW.

Mungesa e mbështetjes brenda vendit

Është e qartë se regjimi iranian nuk është i gatshëm apo në gjendje të përmbushë kërcënimet e tij të shumta. Një arsye e rëndësishme është mungesa e mbështetjes nga popullata. Shumica e iranianëve duan fundin e regjimit dhe ankohen për shpenzimet e mëdha për të mbështetur aleatët e Iranit, ndërsa në të njëjtën kohë një pjesë e madhe e popullsisë jeton nën kufirin e varfërisë. Protestuesit kanë brohoritur prej vitesh: “As Gaza, as Libani. Unë ia kushtoj jetën time Iranit!”

Përveç kësaj, në rast të një sulmi ndaj Izraelit, Iranit do t’i duhet të llogarisë në kundërsulme të rënda, të cilat do të dobësonin në vend që të forconin regjimin në Teheran. Izraeli është ushtarakisht superior, dhe edhe nëse sulmet do të kishin për qëllim vetëm infrastrukturën, mund të shkaktonte pakënaqësi edhe më të madhe në mesin e popullatës. Përveç kësaj, Iranit do t’i duhet të frikësohej se Izraeli do të sulmonte gjithashtu objektet e tij bërthamore nëntokësore duke përdorur bomba thërrmuese, siç bëri me selinë e Hezbollahut.

Duke pasur parasysh këtë, Ayatollah Khamenei dhe pasuesit e tij duhet të mendojnë me kujdes se si do t’i përgjigjen vdekjes së Hassan Nasrallah dhe nëse do të përfshihen në një konfrontim ushtarak me Izraelin.

Të shtunën e 5 tetorit, të gjithë do të “mbërthehen” pas ekranit të Top Channel, me serialin më të ri “Tenxherja Kapakun”, me aktorët e dashur për publikun, Elvana Gjata dhe Romeo Veshaj.

Në një intervistë të dhënë për “Ftesë në 5”, të dy ata kanë treguar sfidat që kanë kaluar gjatë xhirimeve të këtij seriali, teksa gjithashtu kanë zbuluar dhe surprizat që priten nga ky serial.

“Përtej shakasë ka qenë një gjë shumë e bukur. Romeo ka qenë surprizë, sepse është një aktor shumë i mirë.

Ka skena që i kemi bërë me një xhirim, ka skena që kanë zgajtur. Jemi njerëz në fund të ditës, pavarësisht se mundohemi të përshtatemi me personazhin. Ishte një projekt sfidues, por ja kemi dalë siç duhet.

Kush vjen i pari në xhirime? Me kë po e bën intervistën e parë?! (qesh)”, u shpreh Elvana.

“Elvana është një super artiste. Përveç se një këngëtare është dhe një aktore shumë e mirë komedie. Është privilegj të kesh një kolege të tillë. Në këtë serial do të qeshni. Janë xhiruar aq shumë materiale sa që se di sa kohë kemi që xhirojmë.

Që unë vij i pari në xhirime janë vetëm llafe, sepse unë vij me një orë me vonesë (qesh). Të shkretët partnerët e mi, sepse më presin një orë. Unë këta ose i bëj që të punojnë të gjithë, ose s’ka.

Seriali? Janë situata në çift, zënkat, jeta e një çifti në të gjitha dimensionet. Do ta gjejnë veten të gjithë çiftet, ose ata që do të bëhen çifte.

Gëzimi këtu është i shpesh, por zgjat shumë pak. Duhet të xhirosh shumë shpejt dhe nuk ke kohë të gëzohesh fare. Jemi bërë si “Game of Thrones”. Kam hyrë 27 vjeç e nuk e di kur do dalë. Kemi një vit që xhirojmë. Është bërë një super punë. Është një nga produksionet më të arrira.

Ka vetë, dy aktorë. Xhirohet vetëm me një dubël dhe teksti është fantastik. Regjisorja është fantastike, Andia Xhunga. Kemi një super staf. Jemi një familje e madhe që shkojmë shumë mirë me njëri-tjetrin. Përveç se janë njerëz të mirë, janë dhe shumë profesionist.

Batutat që kam jashtë i fus brenda, ato që bëj brenda nuk i nxjerr jashtë.

10 seri të tjera? Patjetër që po. Është fat që jam këtu dhe punoj me këta njerëz për këtë projekt”, tha Romeo.

5 tetor, ora 21:00 është data që duhet të mbani shënim për të shijuar serialin komedi më të ri, vetëm në Top Channel.

Adoleshenti shqiptar 17-vjeçar (mbush 18 pas pak javësh), i cili dyshohet se vrau gjatë një takimi intim një 42-vjeçare rumune në Viadana të Mantovës në Itali, ka dëshmuar në detaje atë që ndodhi në garazhin e shtëpisë së tij, të cilin e kishte kthyer në palestër.

Sipas asaj që raportojnë mediat italiane (të cilat për shkak të moshës nuk kanë publikuar deri tani as inicialet e emrit të autorit), i riu mbyti gruan “duke ia shtrënguar krahun dhe parakrahun rreth qafës”.

Një lëvizje e sportit të mundjes, ndoshta një nga ato lëvizje e provuar edhe për argëtim me partnerët stërvitor gjatë seancave stërvitore në sportet luftarake, në atë palestër që ishte vendi i shpirtit të tij: shkonte atje edhe kur ishte sëmurë.

Nëse përpara se të organizonte takimin me pagesë me Maria Campai-n  “të njohur rastësisht në një faqe takimesh”, djali në burg i akuzuar për vrasjen e saj, kishte kërkuar në internet teknika të vrasjes me lëvizje duarsh, sapo të përfundonte raporti dhe mbrëmjen e 19 shtatorit ai zbatoi planin e përgatitur prej ditësh.

Seanca e së hënës për vlerësimin e masës së sigurisë nuk ndryshoi qëndrimin e gjyqtarit ndaj 17-vjeçarit me origjinë nga Shqipëria.

Në garazh, në mëngjes ekspertët shkencorë punuan në kërkim të gjurmëve të reja për të konsoliduar akuzat e prokurorisë, pasi djali më kot u përpoq të largonte njollat ??e gjakut dhe mbetjet organike.

Maria Campai, gruaja rumune e vrarë nga 17-vjeçari shqiptar

Në çdo rast, pas bashkëpunimit fillestar me hetuesit, ai tregoi menjëherë vendin, kopshtin e një vile të pabanuar ngjitur, ku ai dyshohet të ketë varrosur trupin e Marias.

42-vjeçarja me origjinë rumune, e divorcuar nga bashkëshorti, nënë e dy fëmijëve, u gjet nën një shtresë gjethesh dhe shkurresh.

Edhe pse, me pranimin e vetë avokatit të tij, Paolo Antonini, nuk ka ose nuk do të kishte asnjë motiv pas masakrës.

Ose më mirë, për momentin do të ishte programimi i kthjellët i bazuar në video të ndryshme të marra nga interneti dhe ekzekutimi i furishëm në garazh si një lidhje midis mendimeve dhe veprimeve.

Gjithçka zgjati disa sekonda, tha 17-vjeçari. Pak sekonda kohë dhe pa hezitim. E në ditët në vijim nuk ka ndryshuar rutinë, nuk ka tradhtuar veten, nuk ka shprehur shqetësim apo nervozizëm, nuk ka menduar të largohet nga Viadana, aq më pak, ka menduar të lëvizë trupin e Marias.

Ata që kanë jetuar me 17-vjeçarin, sigurisht duke filluar nga familja e tij, nuk kanë vënë re ndonjë shenjë të veçantë që të sillte ndonjë shqetësim.

Situatë e njëjtë në shkollë, një institut profesional që trajnon elektricistë, ndërsa kujton se si 17-vjeçari e ka zakon, kur mes bashkëmoshatarëve të tij, të tërhiqet, hesht, zgjedh të mos ndërveprojë, me pak fjalë të zhduket.

Rruga e tij e vetme e shpëtimit duket se ka qenë ai sport luftarak, me djersën e përditshme për t’i fryrë gjithnjë e më shumë muskujt dhe duke e trajtuar veten me portrete në fotografi dhe video për t’i postuar në kanalet sociale për të mbledhur pëlqime të shpërndara.

Një aktivitet që vazhdoi më pas në shtëpi, e pajisur si një palestër private me pesha me shtangë dhe pasqyra rreth divanit që priti takimin me Marian dhe ekzekutimin e saj. Nuk kishte prova të konsumimit së alkoolit ose drogës: djali ishte plotësisht i kthjellët.

Georgina Rodriguez, e fejuara e Ronaldos, ka bërë jo pak bujë me deklaratën e saj të fundit, ku në dokumentarin e Netflix ka pranuar se beson te forcat jo njerëzore, madje bukuroshja ka pranuar se ka parë djallin në shtëpinë e tyre në Arabinë Saudite.

Në një nga episodet që po shfaqet në Netflix, në dokumentarin që i kushtohet jetës së sajë, Georgina ka zbuluar në detaje se çfarë i ndodhi:

“Një ditë po ushqehesha vetëm në shtëpinë, papritur ngrita kokën dhe pashë një fytyrë, me sy, shpatulla dhe brirë. Thashë me vete:: Au, duket si djalli. Unë besoj se forcat errëta ekzistojnë, por e di gjithashtu që jam e mbrojtur nga Zoti”, u shpreh Georgina.

Në deklaratën e sajë, Gerogina shtoi se edhe fëmijët e kanë ndjerë prezencën e kësaj force të errët, duke e cilësuar si “monstra”.

Ish-presidenti i klubit Partizani, Paro Laçi, duke folur për urdhrat e Sali Berishës gjatë kohës që ai ka qenë president ka treguar dhe urdhrat për të eliminuar kundërshtarët e tij të asaj kohe Rexhep Meidani dhe Neritan Cekën në vitin 1996.

Pjesë nga intervista dhënë gazetarit Arbër Hitaj në emisionin Studio Live në Report Tv.

Paro Laci: Kush desh me vra Neritan Cekën? Kush desh e hodhi në shkëmb makinën e Rexhep Meidanit e donte të vriste Rexhep Meidanin? Ti hapin dosjet.

Arbër Hitaj: Përse i bënit?

Paro Laci: I bënim sepse ishte që Berisha duhej të rrinte pa tjetër në pushtet   

Arbër Hitaj: E bënit me urdhër apo iniciativa tuaja për të shërbyer.

Paro Laci: Si mund të bëhej një ngjarje pa dhënë urdhër Sali Berisha. Nëse do e bëja do arrestohesha të nesërmen. Si mund të merret makina e Rexhep Meidanit sa del nga PS dhe hidhet në shkëmb në Krrabë. Pse hidhet. E di shoferi pse u hodh. U mor nga 3 persona dhe u hodh në shkëmb. Pse do vritej Rexhep Mejdani në Mamurras?! Sepse Rexhep Mejdani ishte përgatitur për ti zënë vendin Sali Berishës. Sali Berisha e dinte këtë gjë?

Pse do të vritej Neritan Ceka?! Sepse iu bë kundërshtar në një moment që Berisha nuk e priste që Neritan Ceka të ishte kundërshtar i tij.  Vetëm Zoti i madh e ka shpëtuar Neritan Cekën.

Arbër Hitaj: Po bëni deklarata shumë të forta. Drejtësia do të të thërasë.

Paro Laci: Jepi numrin, unë vij direkt.

Safaa Ahmed, një spikere e njohur e televizionit sirian, është vrarë së bashku me dy të tjerë në një sulm izraelit gjatë natës në Damask, njoftoi agjencia shtetërore siriane e lajmeve SANA.

“Autoriteti i Përgjithshëm për Radion dhe Televizionin njofton vdekjen e spikeres Safaa Ahmed pas agresionit tradhtar izraelit në kryeqytetin Damask”, thuhet në raport sipas CNN.

Ministria siriane e Mbrojtjes tha se ushtria izraelite shënjestroi Damaskun me dronë dhe aeroplanë rreth orës 2 të mëngjesit me orën lokale nga “drejtimi i Lartësisë së Golanit të pushtuar”.

“Sistemet tona të mbrojtjes ajrore u përballën me raketat dhe dronët e agresionit dhe rrëzuan shumicën e tyre,” tha ministria, duke shtuar se tre civilë dhe nëntë të tjerë u plagosën si rezultat i sulmit.

Një shpërthim ndodhi pranë një ndërtese në Siri, në perëndim të aeroportit ushtarak të qytetit.

Nuk është e qartë nëse ky është vendi ku Ahmedi apo të tjerët u vranë, dhe vendndodhja e vdekjes së tyre nuk u raportua nga SANA.

Kur u pyetën për raportet, ushtria izraelite tha: “Ne nuk komentojmë raportet në mediat e huaja”.

Izraeli ka nisur sulme ajrore në Siri me ndërprerje që nga sulmet e Hamasit të 7 tetorit të vitit të kaluar, por zakonisht nuk konfirmon se kur ka kryer sulme atje.

UASHINGTON – Shtetet e Bashkuara do të dërgojnë “disa mijëra” ushtarë shtesë në Lindjen e Mesme për të shtuar sigurinë dhe për t’u përgatitur për të mbrojtur Izraelin nëse është e nevojshme, njoftoi Pentagoni të hënën.

Forcat shtesë do të përbëhen nga pjesëtarë të disa njësiteve të aeroplanëve luftarakë, tha zëdhënësja e Pentagonit, Sabrina Singh.

Ky vendim vjen pas sulmeve të fundit në Liban dhe vrasjes së drejtuesit të Hezbollahut Hassan Nasrallah, një përshkallëzim i rëndësishëm i luftës në Lindjen e Mesme, kësaj radhe ndërmjet Izraelit dhe Hezbollahut.

Trupat shtesë do të përfshijnë pjesëtarë nga njësitet e aeroplanëve luftarakë F-15E Strike Eagle, F-16, A-10 dhe F-22 dhe ekipet shoqëruesi për të mbështetur ata. Aeroplanët luftarakë pritej të zëvendësonin njësitet që tashmë janë të vendosura në Lindje të Mesme. Por tani ato që janë atje dhe njësitet e reja do të qëndrojnë së bashku për të dyfishuar fuqinë luftarake ajrore në këtë rajon.

Të dielën, Sekretari amerikan i Mbrojtjes Lloyd Austin gjithashtu njoftoi se do të zgjasë përkohësisht qëndrimin e aeroplanmbajtëses amerikane “USS Abraham Lincoln” dhe njësiteve shoqëruese në rajon.

Aeroplanët nuk janë atje për të ndihmuar me evaukimet e mundshme, tha zëdhënësja Singh, por “janë atje për të mbrojtur forcat amerikane”.

Bloggerja e njohur Sara Hoxha ka tërhequr vëmendjen e ndjekësve të saj në Instagram me një foto të re, ku shfaqet me një fustan të bardhë elegant.

Ky postim ka ngjallur interes, sidomos pasi ish-vjehrra e saj, Xheraldina Vula, mamaja e reperit Ledri Vula, e ka pelqyer atë.

Sara dhe Ledri kanë pasur një lidhje të gjatë dhe kanë një vajzë së bashku.

Megjithatë, pas një romancë që zgjati disa vite, çifti vendosi të japë fund marrëdhënies rreth një vit më parë.

Postimi i fundit i Sarës dhe reagimi pozitiv nga Xheraldina mund të sugjerojnë një marrëdhënie të mirë mes tyre, pavarësisht ndarjes.

Sara Hoxha vazhdon të jetë një figurë e rëndësishme në botën e mediave sociale, duke ndarë jo vetëm stilin e saj, por edhe momente nga jeta e saj personale, duke mbajtur gjithmonë interesin e ndjekësve të saj.