Në rubrikën “Ka një mesazh për ty” tek E Diela Shqiptare, ka qenë Vilma, një grua e cila prej vitesh është dh.un.uar nga burri dhe familja e tij.
Ajo ka duruar çdo ofendim dhe sharje nga ata dhe sërish nuk ka nxjerrë zë.
Një gjë që e ka mërzitur dhe lene pa fjale më tepër, është momenti kur e ka kapur burrin me një femër tjetër duke e tradhëtuar në dhomën e saj të gjumit.
Ishte një zhgënjim i madh për të, por sërish heshti, nuk dëshironte që familja e saj të dëmtohej.
Ardit Gjebrea: Pse nuk divorcoheshe?
Vilma: Kam pasur shumë arsye të forta për t’u divorcuar. Kur kam pasur çunin 1 vit e gjysmë, e kam gjetur bashkëshortin me dikë që më tradhëtonte. Ka qenë një skenë e paparë. I pashë me sytë e mi në dhomën time të gjumit.
Ardit Gjebre: Si reaguan ata?
Vilma: Nuk reaguan fare, as unë nuk reagova, vetëm kaq thashë si ka mundësi dhe kam ikur. Jam një tip që më shumë mbuloj të tjerët sesa veten time dhe i thashë jo se do të ta fal, por po e bëj për hatër të djalit dhe po hesht. Këtë histori ja tregoj mamit dhe mami më thotë merre çunin dhe hajde. Unë i thashë që kur doja të kthehesha ti nuk pranoje, kështu që tani unë do ta vuaj në vetëvete dhe unë do rrij këtu.
Ardit Gjebrea: Mamit ia tregove se me kë ishte bashkëshorti?
Vilma: Po dhe nuk e prishte, ngeli shumë e befasuar, por i jam përgjëruar unë që të mos bëjë asnjë gjë.
Ardit Gjebrea: Kjo gjë nuk është diskutuar më kurrë?
Vilma: Kur më shante dhe ofendonte bashkëshorti, i thoja të paktën unë nuk kam bërë këto gjëra që ke berë ti dhe ai më krenari më thoshte, më lumtë mirë kam bërë. Kur bëri djali 3 vjeç, kam lindur vajzën. Ishim 14 veta në shtëpi që jetonim. Motra me bashkëshortin dhe fëmijët, unë, kunati i vogël, kunata dhe dy prindërit e ish-burrit.
Bëni kujdes ndaj të papriturave! Hëna ju vihet kundër dhe parashikohen momente krizash dhe tensioni, sidomos në dashuri, për gjithë ata që ju duhet të bëjnë një zgjidhje. Parashikohet një e diel aspak e frytshme sa i takon ndjenjave. Mundohuni që ti menaxhoni sa më mirë situatat, në mënyrë që të mos përfundoni në debate.
Demi
Dashuria e parë që duhet të ndjeni, është ajo ndaj vetes dhe vetëm kështu mund ti doni të tjerët dhe të jepni më shumë. Ndikimi i favorshëm i Venusit, parashikon lindjen e ndjenjave të reja pozitive. Kushtojuni më shumë kohë emocioneve dhe raporteve me të tjerët.
Binjakët
Bëni kujdes me shpenzimet! Parashikohet një humbje e ndjeshme! Ndikimi i kundërt i Neptunit, parashikon krizë, ndaj tregohuni më të matur lidhur me situatën financiare. Kjo krizë pritet të reflektohet edhe në raportin në çift.
Gaforrja
Mjafton që të përqendroheni në gjetjen e shkakut që ju ka prishur humorin! Ka ardhur momenti që të lini pas krahëve krizën dhe të reagoni për të ecur përpara. Në vendin e punës do të ndiheni të nënvlerësuar, ndaj bëni kujdes për të rifituar terren.
Luani
Përfitoni nga horoskopi i mirë i kësaj të diele dhe veproni. Kushtojini më shumë kohë vetes tuaj dhe partnerit/es, duke i dhënë jetë fushës së ndjenjave. Parashikohet që të ndodhë diçka pozitive.
Virgjëresha
Lëreni zemrën të lirë gjatë kësaj dite, pasi vetëm kështu do mund që të jetoni diçka vërtetë speciale. Nëse keni qenë shumë të zënë me punën kohëve të fundit dhe e keni lënë pas dore jetën private, gjërat do të bëhen më mirë. Do të keni raporte të shkëlqyera me të lindurit e shenjës së gaforres dhe akrepit.
Peshorja
Gjatë kësaj të diele jo çdo gjë do të shkojë ashtu siç ju dëshironi. Këshillohet që të mos jeni shumë të nxituar me marrjen e vendimeve, por duhet të reflektoni mirë. Situata sentimentale pritet të ketë një përmirësim të lehtë.
Akrepi
Yjet do të kenë ndikim të favorshëm për të lindurit e kësaj shenje, duke i furnizuar me energji dhe ndjesi pozitive, shkruan noa.al. Megjithatë parashikohet që të ketë një situatë sqaruese dhe ballafaqimi. Historitë e dashurisë, do të nisin rikuperim të ndjeshëm.
Shigjetari
Do të jetë një e diel e cila parashikon rikuperim total për të lindurit e kësaj shenje. Parashikohen të reja të rëndësishme, sa i takon dashurisë, lidhjeve të reja, apo pajtimeve.
Bricjapi
Përqendrojini të gjitha fuqitë tuaja, për të kaluar momentet e tensionit që po jetoni. Me ndikimin e favorshëm të Saturnit dhe Mërkurit, do ia dilni. Për ata që janë vetëm, parashikohen zhvillime të rëndësishme.
Ujori
Yjet ju favorizojnë mjaft në dashuri. Më në fund do arrini të shijoni momente të kënaqshme. Parashikohen rikuperime në vendin e punës dhe disa nisma të reja, të cilat nuk duhen lënë në mes.
Peshqit
Do të jeni të mbushur nga një dëshirë për të shfaqur hapur ndjenjat tuaja. Do të ndjeni nevojën për rikuperim, sidomos nëse keni kaluar një tradhti. Në çdo rast, situata sentimentale, parashikohet e përmirësuar. Kushtojani të gjithë energjinë tuaj rikuperimit të brendshëm dhe çdo gjë do shkojë mirë.
Eneda Tarifa dhe Gent Lasku janë padyshim ndër çiftet që më së shumti kanë vëmendjen e ndjekësve. Historia e tyre e dashurisë u zbulua rreth 1 vit më parë, ku të dy, nga dy martesa të dështuara gjetën më në fund dashurinë.
Që atëherë, çifti i ka pasur të rralla daljet televizive, por gjithnjë kur ishin prezent, nuk linin pa folur me shumë dashuri për njëritjetrin. Këtë herë ka qenë ish-sportisti, që ka ndarë me publikun detaje nga kjo histori dashurie. I ftuar në një emision televiziv për të folur rreth muzikës dhe ndikimit që ajo ka në gjendjen shpirtërore, ishte Gent Lasku, i cili ka shkruar tekstin e këngës “Më fort”, me të cilën partnerja e tij, këngëtarja Eneda Tarifa, konkurron në “Kënga Magjike”.
Lasku u shpreh se muzika të bën që disa gjëra t’i përjetosh ndryshe. Ai u shpreh se si çift ndajnë histori të ngjashme dhe zbuloi se ishte vetë këngëtarja që donte të bënte një këngë e cila të tregonte historinë e saj dhe mënyrën se si ajo ia ka dalë të përballojë gjithçka.
“Unë dhe Eneda jemi një çift që vjen së bashku me njëri-tjetrin me eksperiencë, pra kemi kaluar shumë. Në vlerësim dhe falënderim të plotë të gjithçkaje që kemi kaluar, sepse na ka shërbyer kjo eksperienca, dhe një nga gjërat që kemi bërë është që të flasim me njëri-tjetrin. Kështu që unë e di historinë e jetës së Enedës, e kemi shumë të ngjashme dhe kur po diskutonte, ajo donte të bënte një këngë për veten e saj, për jetën e saj dhe për “luftën” që ka bërë. Jo në mënyrën e tregimit, por se çfarë e shtyu të mësonte dhe t’i kalonte. Dhe kënga flet pikërisht për njohjen e dualitetit të gjendjes shpirtërore që ti ke, sepse nëse ti je një femër, ke dhe një mashkull brenda, dhe kjo i lind femrës në momentet më të vështira të jetës,” u shpreh Lasku.
Nga ana tjetër, Eneda tha se ajo dhe Genti donin të bënin diçka të fortë, të bukur dhe frymëzuese, pasi është në një periudhë që dëshiron të bëjë këngë pozitive dhe motivuese.
Kur u zbulua lidhja e Gentit me Enedën, menjëherë u bë me dije edhe divorci i vështirë nga i cili sportisti po dilte. Genti nuk ka shumë kohë që është ndarë nga bashkëshortja e tij, me të cilën ka tre fëmijë. Kujtojmë se lidhja e dyshes u zbulua muaj më parë, teksa prej disa kohësh e kishin mbajtur të fshehtë larg syrit të publikut. Madje ka qenë paparazzi i “Panorama Plus”, i cili herë pas herë ka publikuar foto të çiftit ku shfaqeshin krahë njëri-tjetrit në evente të ndryshme.
“Kemi ca kohë, konsiderueshëm për të kuptuar që është një lidhje e bukur dhe serioze. Të tjerët nuk e kanë besuar. Po sigurisht, ne kështu e kemi marrëdhënien, ngacmohemi. Sa u përket rrethanave të njohjes, besoj që do jetë për një moment tjetër si u njohëm se edhe ajo ka bukurinë e vet, ishte shumë e bukur. Ne ishim shokë, pastaj më vonë lindi dashuria. Po kaq, pastaj sa u përket njerëzve që kemi vërdallë kemi vendosur që të mos dëgjojmë shumë, të mos marrim shumë energjinë e tyre sepse të them të drejtën sa herë që thua jam e lumtur, sikur marrin mësysh, nuk i bëhet njeriu qejfi, duhet të thuash jam keq, më kanë rrahur, jam viktimë e shoqërisë që të të duan”, u shpreh çifti në deklaratën e parë të tyre së bashku.
Ish-basketbollisti ka zbuluar për ndjekësit Enedën që nuk e njohim.
“Është pjekuria, maturia, gjërat që kemi kaluar dhe eksperiencat dhe dëshira që kjo histori për shkak të ndjenjës të shkojë ashtu siç duhet, të ketë komunikimin e duhur dhe atë idealin. Eneda është një njeri i drejtë, shumë i çiltër dhe shumë i pastër. Është një nga njerëzit më punëtorë që unë njoh. Ka shumë dashuri brenda dhe këtë nuk ma jep vetëm mua, por ua jep të gjithëve. Është një prind i shkëlqyer dhe unë kam mësuar edhe vetë nga ajo”, u shpreh Genti.
Nga ana tjetër, edhe këngëtarja ka zbuluar anën romantike të partnerit të saj.
“Nuk jemi as të parët dhe as të fundit. Të gjitha marrëdhëniet dhe lidhjet e tilla duan kohën e tyre. Nuk iu kemi fshehur gjë, s’iu kemi mbajtur gjë. E kemi bërë gradualisht duke pritur që të na kuptojnë dhe duke iu treguar se sa e rëndësishme është jeta e secilit dhe se sa të rëndësishëm janë ata mbi të gjitha. Mendoj se fëmijët na kanë kuptuar dhe na kanë mbështetur. Dhurata Genti më ka bërë shumë, por më një moment të caktuar është nisur nga larg ka ardhur dhe më ka dhënë një lule të freskët. Ajo ishte një kujtim shumë i bukur”,rrëfeu Eneda.
Shqipëria po përjeton një periudhë të re në luftën kundër korrupsionit dhe krimit ekonomik, dhe goditja që pritet të vijë ka nisur të shkaktojë valë shqetësimi në nivelet e larta të pushtetit. SPAK ka forcuar së fundmi bashkëpunimin me autoritetet britanike, në ndjekje të parave të pista që prej kohësh fshihen pas perdes së pasurisë dhe fuqisë politike. Kjo aleancë ndërkombëtare, e përforcuar nga përvoja dhe teknologjia e avancuar britanike në gjurmimin e financave të paligjshme, është një paralajmërim i qartë për ata që deri tani kanë qëndruar të paprekur mbi ligjin.
Detajet nga njoftimi i SPAK
SPAK ka dhënë detaje nga largimi me urgjencë i kryeprokurorit Altin Dumani tre ditë më parë nga seanca gjyqësore për Ilir Metën. Sipas Prokurorisë së Posaçme, është zhvilluar një takim me rëndësi të lartë me përfaqësues të lartë të Prokurorisë Mbretërore të Mbretërisë së Bashkuar. Sarah Dineley, zëvendësdrejtuesja e Prokurorisë Mbretërore britanike dhe Marion Langford, drejtuese e Njësisë së Divizionit Ndërkombëtar u takuan me Dumanin ku i rikonfirmuan mbështetjen e tyre ndaj SPAK. Ndërsa Dumani është shprehur se do të vijojë thellimi i bashkëpunimit mes dy vendeve në luftën kundër korrupsionit të zyrtarëve të lartë si dhe pastrimit të parave.
“Drejtuesi i Prokurorisë së Posaçme, Altin Dumani zhvilloi një takim të rëndësishëm me përfaqësues të lartë të Prokurorisë Mbretërore të Mbretërisë së Bashkuar. Në takim morën pjesë, Sarah Dineley, zëvendësdrejtuesja e Prokurorisë Mbretërore britanike dhe drejtuese e Divizionit për Çështjet Ndërkombëtare dhe Marion Langford, drejtuese e Njësisë së Divizionit Ndërkombëtar. Në këtë takim të nivelit të lartë ishte e pranishme edhe zëvendësambasadorja e Mbretërisë së Bashkuar në Shqipëri, Mia Marzouk së bashku me koordinatorin për Ballkanin Perëndimor në ambasadën britanike, për çështjet që lidhen me ndjekjet penale. Përfaqësuesit e lartë rikonfirmuan mbështetjen e Zyrës së Prokurorisë së Mbretërisë së Bashkuar për punën e SPAK. Gjatë diskutimeve, të dyja palët vunë theksin në bashkëpunimin e suksesshëm mes Prokurorisë së Posaçme dhe agjencive ligjzbatuese britanike. Përfaqësuesit nga të dy vendet u shprehën të angazhuar për forcimin e mëtejshëm të këtij partneriteti në luftën kundër krimit të organizuar dhe korrupsionit, si dhe për intensifikimin e përpjekjeve për konfiskimin e aseteve kriminale.
Kreu i Prokurorisë së Posaçme, Altin Dumani tha: “Bashkëpunimi mes dy institucioneve është shumë i rëndësishëm për luftën e përbashkët ndaj krimit të organizuar dhe korrupsionit të zyrtarëve të lartë, i cili ka rezultuar i suksesshëm dhe do të vijojë të shtrihet edhe në rikuperimin e aseteve dhe në luftën kundër pastrimit të parave, në të dy vendet”. Ky takim shënon një hap të mëtejshëm në forcimin e marrëdhënieve ndërkombëtare të SPAK, për luftën kundër korrupsionit dhe krimit të organizuar”, thuhet në njoftimin e SPAK.
Një sinjal për zyrtarët e lartë
Fakti që SPAK po mbështetet nga një partner i fuqishëm si Mbretëria e Bashkuar ka intensifikuar klimën e frikës mes zyrtarëve të korruptuar dhe pasanikëve të lidhur me krimin ekonomik. Me rritjen e kapacitetit të SPAK për të ndjekur, sekuestruar dhe përfundimisht arrestuar personat përgjegjës, shumë prej tyre tashmë ndihen të rrezikuar nga humbja e pasurive dhe ndikimit të tyre politik. Deri tani, prokurorët shqiptarë janë përballur me vështirësi të mëdha në zbulimin e aseteve të fshehura jashtë vendit, veçanërisht në shtetet e njohura për fshehjen e parave. Duke bashkëpunuar me Mbretërinë e Bashkuar, SPAK jo vetëm që mund të zbulojë rrugëtimin e parave të pista, por edhe të identifikojë dhe bllokojë llogari bankare, investime apo pasuri të patundshme të zyrtarëve të korruptuar në Londër e më gjerë. Kjo do të thotë që shumë pasuri të grumbulluara gjatë viteve nga politika dhe korrupsioni po shkojnë drejt sekuestrimit.
Çfarë përfshin ky bashkëpunim?
Ky bashkëpunim përfshin krijimin e një linje të përhershme komunikimi dhe ndarje informacioni midis SPAK dhe agjencive britanike, si dhe përdorimin e ekspertizës teknike për gjurmimin e burimeve të parave të pista. Duke monitoruar lëvizjen e këtyre fondeve, SPAK dhe autoritetet britanike pritet të zbulojnë edhe shumë skema të mbështetura nga influenca politike dhe kriminale. Kjo goditje e përbashkët synon që jo vetëm të mbyllë dyert për pasuritë e ngritura mbi korrupsionin, por edhe të vendosë një standard të ri për ndëshkimin e krimit ekonomik në Shqipëri. Kujtojmë se një ndër emrat që është përfolur për prona në Angli është Ilir Meta, të cilit i është kopsitur dosja nga SPAK. Mësohet se prokuroria ka dërguar edhe disa letër-porsi në Londër. Po ashtu ka dhe emra të tjerë që kanë fshehur atje llogari bankare dhe prona.
Në Enriko Tardini këtë fundjavë do të jetë me mision një prej skautëve kryesorë të Interit, i cili do të ndjekë ndeshjen Parma-Empoli. Siç raportojnë mediat pranë klubit zikaltër, në fokus janë katër lojtarë, mes tyre edhe një shqiptar.
Bëhet fjalë për Ardian Ismajlin, një profil që pëlqehet nga Interi dhe jo vetëm, pasi edhe Juventusi e ndjek mbrojtësin pas dëmtimit të Bremer, i cili mbylli sezonin. Ismajli është në fund të kontratës dhe mund të jetë një përforcim dhe një okazion me parametra zero, edhe pse pritet të ketë një konkurrencë me bardhezinjtë, të cilët e kanë të nevojshëm një mbrojtës që e njeh mirë Serinë A.
Sa u përket lojtarëve të tjerë, zikaltrit janë të interesuar edhe për Sebastian Espoziton, Adrian Bernabe apo Ange Joan Boni.
Vetëm javën e shkuar, shkruam për marrëdhënien e vështirë që Ilnisa dhe Meritoni kishin hasur me familjarët e këtij të fundit. Por teksa prisnim që raportet të sistemoheshin, duket se problemet kanë nisur edhe për vetë çiftin. Ajo që ditët e fundit po vihet re gjithmonë e më shumë është pikërisht mungesa e këtij çifti në praninë e njëri-tjetrit. Thuhet se dyshja është duke kaluar një periudhë krize, ku gjithnjë e më shpesh po përflitet për një ndarje.
Nëse i hedhim një sy rrjeteve sociale, prej shumë ditësh tashmë, asnjëri prej të dyve nuk poston më foto e video në shoqërinë e njëri-tjetrit. Kujtojmë këtu, që pas përfundimit të “Big Brother”, çifti ishte ndër ata që më së shumti publikon së bashku, duke folur publikisht për dashurinë e tyre. Por u bënë disa javë, që këto postime tashmë po mungojnë. Ndonëse që të dy vijojnë të jenë aktiv në Instagram, pozat së bashku nuk janë publikuar më. Megjithatë, Ilnisa dhe Meritoni vijojnë të ndiqen në rrjetet sociale. Miqtë e afërt nuk dinë të thonë se çfarë ka ndodhur mes këtij çifti, duke ngritur dyshimet se, në fakt, edhe dyshja është duke bërë gjithçka për famë, ashtu si edhe përflitet se ka ndodhur me Heidin dhe Romeon.
Megjithatë, fakt është që prej kohësh Meritoni nuk është parë në Tiranë, ndonëse u tha se do të moderonte një emision në vendin tonë. Nga ana tjetër Ilnisa ka publikuar foto e video nga eventet e ndryshme ku edhe merr pjesë, por këtë herë e vetme, pa praninë e Meritonit. Nuk dihet nëse familjet e të dyve kanë ndikuar për këtë krisje që lidhja e tyre ka pasur, apo vetë të dy kanë ndeshur problemet e para.
Të shpeshta kanë qenë aludimet se familjarët e moderatorit kosovar, nuk e kanë pranuar partneren e re të djalit. Dhe në fakt, pas disa muajsh nga bashkëjetesa e këtij çifti, duket se familja Mjekiqi, ende nuk pranon Ilnisën si të dashurën e djalit. Nga ajo çfarë dihet, Ilnisa nuk ka shkuar ende tek shtëpia e Meritonit, pasi familjarët e tij janë kundra kësaj lidhjeje. Në një intervistë të dhënë disa javë më parë, gazetarja e konfirmoi një gjë të tillë, duke u shprehur se ende nuk kishte gjetur kohën.
“Vera ka qenë intensive për atë çfarë pritet të vijë dhe ende nuk kemi gjetur kohë”, tha shkurtazi Ilnisa, duke zgjedhur që mos të komentojë më gjatë raportin që ka me familjen e partnerit të saj. E teksa në Prishtinë situata është ende e nderë, në Tiranë, Meritoni është pranuar tashmë si ‘dhëndër’. Vetë gazetarja ka zbuluar takimin e tij me vajzën e tij, por nuk ka përmendur në asnjë sekondë takimin me prindërit e saj, duke ngritur dyshimet se kjo lidhje, ndonëse është pranuar nga familja e saj, nuk shihet me sy edhe aq të mirë.
Ajo tregoi mes të tjerash se si është marrëdhënia e Meritonit, partnerit të saj me Anaisin, e bija e gazetares. Ilnisa u shpreh se takimi i tyre i parë shkoi shumë mirë, ashtu siç ajo e kishte pritur dhe menduar.
“Ky ka qenë takimi i tyre i parë. Këta janë shumë shokë, bëjnë shumë gjëra që unë bëhem me nerva, bëjnë shumë lojëra. Anaisi është shumë e mirë, është një dritë. Takimi i tyre ishte siç e kisha pritur, i ëmbël, i qetë. E rëndësishme është që ka dashuri shumë në familjen tonë”- u shpreh Ilnisa.
Ajo tha se me Meritonin po bashkëjetojnë, se ka projekte të mëdha dhe janë aq të zënë sa nuk u intereson se ç’bëhet përreth: “Më beso, nuk kemi kohë të shohim se ç’bëhet vërdallë. Unë një xhiro e bëj në Instagram dhe shoh ato që shkruhen për mua. Kur dëgjoj ndonjë deklaratë të ndonjë ‘zero me xhufkë’, zgjedh të hesht. Nuk ka përgjigje më të mirë se sa heshtja”.
Ilnisa ceku edhe për lajmin e rremë për aksidentin e Meritonit: “Besoj që reagimi im nuk ka rënë në vesh të shurdhër, pasi duhet të kemi shumë kujdes me atë që shkruajmë dhe me atë që shesim. Duke ditur se në kohët e fundit gjithçka ka një centrifugë të përshpejtuar lajmit të rremë”. Ajo u shpreh se ata ishin në shtëpi kur lajmi mori dhenë: “Ne ishim në shtëpi dhe befas dëgjuam një trokitje që po shpërthente në një zhurmë ekstreme. Ishte Kevi, im vëlla, shumë i shqetësuar. Kishte shumë telefonata nga familja e tij”..,
Prej më shumë sesa 2 vitesh, Megi Pojani dhe Endri Çekiçi janë në një histori dashurie. Çifti, shpesh ka pasur ulje dhe ngritjet e veta, duke bërë që këtë histori shpesh edhe ta ndërpresin. Mes dinamikave të ndryshme që të dy kanë pasur në karrierën e tyre si dhe xhelozisë, çifti duket se ia ka dalë që të vijojë të mbajë gjallë ndjenjën.
Ndonëse shumë shpesh kemi sjellë prova se kjo dyshe është së bashku, ata asnjëherë nuk kanë pranuar publikisht që të flasin për këtë histori dashurie. Megjithatë, moderatorja, tashmë ka folur për herë të parë për statusin e saj, duke pranuar se është e dashuruar. Pas disa vitesh me ulje dhe ngritje, mesa duket tashmë çifti e ka gjetur gjuhën e përbashkët, sa për të pranuar ndjenjat e tyre.
Sipas saj, kur lidhjen e bën publike ka disa pasoja, ndaj ka zgjedhur që ta mbajë në fshehtësi. Ajo thotë se nuk është aq budallaqe sa të shesë të dashurin e saj.
“Fakt është që unë gjej larva, i bëj flutura dhe krahët dua t’ia përdor vetë”-u shpreh moderatorja.
“Shpresoj të jetë hera e fundit që unë them këtë, sepse unë nuk jam aq budallaqe sa të them publikisht marrëdhënien time. Nëse unë jam Megi Pojani, një influencer që shet kremra fytyre, a e dini ju si mund ta shes unë të dashurin tim. D.m.th. ai kalon në 1200 filtrat e mi dhe unë e them publikisht, vajza unë e miratoj këtë unë për ju. Po pse kaq budallaqe jam unë sa ta them. Nëse unë them po apo jo, hetimet e tjera vazhdojnë dhe të çojnë tek cili është ai?! Fakt është që unë gjej larva, i bëj flutura dhe krahët dua t’ia përdor vetë”, u shpreh moderatorja.
Kujtojmë se vitin e shkuar, e ftuar në studio televizive, Megi shprehej se ishte single dhe nuk kishte asnjë lidhje, ndonëse historia me futbollistin vijonte. Por pas gati 1 vit nga këto deklarata, çifti mesa duket i ka dhënë fund njëherë e mirë problemeve që kishin, duke shijuar këtë histori dashurie të qetë dhe larg vëmendjes së mediave.
Ndërsa e pyetur për gabimin më të madh që ajo ka bërë, Megi Pojani u përgjigj kështu: “Tre muaj të jetës sime unë kam qenë mbipeshë, në atë tre muaj unë vendosa të shtiresha si balerinë, ky është gabimi më i madh që kam bërë dhe kur e mendoj veten time tek Dancing With The Stars, them Megi nuk je njohur kurrë për një vajzë të mbushur bravo të qoftë, njëherë që t’u dha mundësia të veshësh kostumet e vogla, ishe ashtu”,-tha Megi.
Sakaq, ne do të na duhet të presim të tjera detaje nga ky çift, për të zbuluar copëza të kësaj historie dashurie. Vitin e shkuar, të shpeshta kanë qenë udhëtimet e moderatores drejt Turqisë, ku edhe takohej me partnerin e tij. Ndërsa këtë sezon, ndoshta prej ngarkesës, apo ndoshta ka zgjedhur që mos ti postojë në rrjetet sociale, Megi ka udhëtuar më pak. Dyshja ka zgjedhur që ti ketë takimet edhe më të rralla, duke u fokusuar si prioritet tek karrierat e tyre.
Më herët, futbollisti në intervistat e dhëna është ngacmuar edhe për thashethemet e kohëve të fundit lidhur me romancën me Megi Pojanin. Futbollisti tha se për momentin, statusi i tij është “complicated”, pra jo edhe aq i thjeshtë sa mund të mendohet, ndërkohë i pyetur nëse golat e tij ja dedikon “mamit me M”, Endri u përgjigj me “Po”, pasi në fakt edhe mamasë së tij emri i fillon me këtë shkronjë. Qëkur ka nisur kjo histori, çifti është ndarë dhe ribashkuar disa herë, duke e vendosur shpeshherë në pikëpyetje këtë marrëdhënie. Vetëm pak kohë më parë, Endri dhe Megi e shkëputën këtë lidhje.
Por, duket se dyshja ka arritur të ribashkohet dhe arsyeja ishte pikërisht ditëlindja e futbollistit vitin e shkuar. Endri Çekiçi ka zgjedhur të festojë me miqtë dhe njerëz të dashur ditën e lindjes në një restorant afër Durrësit. Por sigurisht, në këtë festë nuk ka munguar edhe partnerja e tij, Megi Pojani.
Ka qenë motra e saj Ina që ka postuar një foto nga i njëjti ambient ku shohim futbollistin me miqtë dhe familjarët e tij. E duket se kanë qenë pikërisht motrat e Megit që kanë ndikuar në këtë ribashkim. Tashmë, kur të gjitha këto i përkasin të shkuarës, Endri dhe Megi duken më të qetë në këtë lidhje, duke shijuar dashurinë në fshehtësi të plot.
Policia e Kosovës ka konfirmuar se mëngjesin e sotëm në rrugën Bill Clinton në Pejë, dy persona kanë sulmuar fizikisht kryetarin e kësaj bashkisë, Gazmend Muhaxheri.
Muhaxheri ka pësuar lëndime trupore, ndërsa agresorët janë arrestuar menjëherë pas sulmit.
Muhaxheri është nënkryetar i Lidhjes Demokratike të Kosovës dhe ky është mandati i tij i tretë si kryebashkiak i Pejës.
Kryeministri Edi Rama nga SHBA, është shprehur se Reforma në Drejtësi u bë nga Amerika jo nga pushteti politik, ndërsa theksoi se askush nuk është më i paprekshëm.
Rama: Asnjë forcë politike dhe asnjë forcë e pushteti politk s’e bëri dot, i hoqëm duart nga drejtësia, e bëmë me vetëdije të plotë, askush s’është më i paprekshëm, cilido që kërkohet nga drejtësia nuk merr mbrojtje, nga ne investimi më i madh politik i PS gjatë shekullit të ri, shprehja shembullore e besnikërisë sonë të zgjedhësve që na votuan tri vite rresht, për ta bërë një shtet evropian të së drejtës në BE ku barazia para ligjit vlen njësoj si qytetarin e zakonshëm dhe kryeministrin e vendit.
Lexoni shihni dhe dëgjoni se sa përpjekje bëhen gjatë kanaleve mediatike se reforma është një blof i qeverisë për të goditur kundërshtarët se reformën e beri Amerika me goditjet e shumëpritura me opinionin politik, për të dënuar të paprekshmit, aty ishte edhe para ardhjes sonë në qeveri, fuqinë e saj Amerika e kishte po aq të madhe seç e pati, aty është edhe ne vende të rajonit, ata që janë në nato, si mundi që s’e solli më parë këtë peshqesh.
