Month: October 2024

Çdokujt i ndodh që të gjendet në situata të ndryshme, të cilat jo gjithmonë i kuptojmë.

Një qytetari nga Tirana i ka ndodhur pikërisht kjo ditën e sotme teksa është ulur të pijë kafe me shoqërinë.

Atij i është shfaqur fjala “Allah” në filxhanin e kafenesë krejt pa e kuptuar dhe i riu ka mbetur pa fjalë.

Ndërkohë ai shkruan pranë JOQ:

Përshëndetje JOQ! Më doli shkrimi “Allah” te kafja sot dhe më bëri shumë kurioz se çfarë domethënie ka apo çfarë mesazhi mund të jetë.

Filxhani ishte plot fare dhe kur ra gati në gjysmë m’u shfaq kjo fjala dhe ngela komplet i habitur.

Dua ta di nëse është gjë e mirë, nëse dikush ia ka idenë se çfarë mund të jetë”, përfundoi qytetari.

Kjo është mjaft e rrallë në fakt dhe urojmë që të jetë një shenjë e mirë për qytetarin.

Duket se fati ka qenë në anën e saj, por ajo ka zgjedhur që të marrë një vendim, që në fund duket më se i drejtë.

Këngëtarja Anxhela Peristeri ka për emisionin “Soiree”, surprizën e madhe që i kishte bërë një fanse e saj.

Ajo tha se fansja e saj i kishte ofruar gjithë pasurinë në shenjë respekti dhe dashurie,

mirëpo Anxhela nuk e kishte pranuar, ndërsa ka thënë se nuk duhet të pranojmë dhurata kaq të mëdha nga njerëz që nuk i kemi të afërt.

Epo… ndodh edhe kështu!!

Një nënë e re e divorcuar thotë se mentaliteti i zonës ku banon nuk po e lejon të ketë punën që sipas saj meriton. Historia e saj është rrëfyer.

“Jam nje vajzë 30-vjeçare nga Maliqi. Që kur kam qenë e vogël kam patur ëndërr që të bëja një jetë të thjeshtë dhe të bukur, ndoshta ngaqe lexoja shumë libra dhe shkruaja shumë.

Ne moshën 19-vjeçare u njoha me dikë dhe në moshën 24-vjeçare u martova me të. Kaluan disa kohë dhe u ndamë bashkë edhe pse ishim me një fëmijë.

Vë re që paragjykohem shumë nga mentaliteti edhe pse une kam një jetë normale, një punë timen, një profesion dhe nuk bëj një jetë adoleshenteje.

Kur them që jam e ndarë, pavarësisht seriozitetit që kam si person dhe jetës së rregullt që bëj, shikohem jo si personi që jam,

por privohem nga mundësitë për t’u punësuar prej administratës sidomos, edhe pse jam kryefamiljare.

Pa dashur të dukem mëndjemadhe po siç më thonë njerëzit jam njeri i kompletuar.

Një pyetje kam unë: Përse femrat e ndara gjykohen kaq shumë (edhe pse jetojnë me këmbë në tokë)?”, shkruan ajo.

Dashi

Dashuria: Është momenti më pak i përshtatshëm për të bërë xheloz partnerin/en, përpiquni të zgjidhni gjithçka me durim të madh. Mos i besoni zgjedhjet tuaja në dashuri ndaj rastit dhe nxirrni gjithë guximin tuaj. Për beqarët do të ketë pak zhgënjim midis miqve dhe të njohurve të rinj.

Puna: Sot mund të keni probleme dhe bezdi nga një koleg pune. Mos u jepni shpjegime dhe injoroni ata.

Demi

Dashuria: Ju më mirë të përballeni haptazi në çdo situatë, ekzistojnë sqarimet, por gjithashtu do ketë shumë polemika që do të jenë të padobishme. Nëse ndiheni të vetmuar dhe të keqkuptuar, përpiquni ta kapërceni këtë ditë pa u dëmtuar, pasi do të jetë veçanërisht monotone.

Puna: Perspektiva të mira për ata që punojnë në kontakt me publikun: sot është një ditë e veçantë për të treguar cilësitë tuaja.

Binjakët

Dashuria: Kush ka nisur një histori dashurie do të duhet të jetë në gjendje të lexojë mes linjave mesazhet që dërgon personi për të cilin janë të interesuar. Mos e mbyllni zemrën, por lëreni të lirë të veprojë. Sot është një ditë e mirë për beqarët që duan të rimarrin marrëdhënien me një të njohur të vjetër.

Puna: Sot dikush nga Binjakët do të duhet të përballet me disa teste që do të jenë të rëndësishme për të ardhmen e punës.

Gaforrja

Dashuria: Risi në dashuri, veçanërisht për ata që sapo kanë mbyllur një histori. Një marrëveshje e mirë mund të lindë me një njohje të re, por është ende herët të thuhet. Edhe për beqarët mund të jetë koha e duhur, por peshoni gjithçka përpara se të merrni ndonjë vendim.

Puna: Ditë stresi në punë, ngadalësoni ritmin tuaj të përditshëm dhe kushtojini një pjesë të kohës tuaj vetes.

Luani

Dashuria: Sot mund të ketë lajme të vërteta në fushën sentimentale. Ngjarjet pozitive vazhdojnë por jini të kujdesshëm që të mos i besoni shumë gjëra njerëzve të sapo-njohur. Beqarët mund të kënaqen me një relaksim sot duke ia kushtuar të gjithë kohën vetes!

Puna: Planet e sotme të favorshme frymëzojnë strategjitë e duhura për të zgjidhur disa nga problemet e punës me të cilat ballafaqoheni për njëfarë kohe.

Virgjëresha

Dashuria: Mbroni privatësinë tuaj dhe jepini një prerje miqësive që duan të përfitojnë prej jush. Nëse dashuria do t’ju japë pak kënaqësi, do të jetë vetëm sepse ju keni bërë durim, virtyti juaj kryesor. Beqarët do të duhet të jenë më të hapur dhe përfshirës me një person.

Puna: Për sot harroni inatet dhe përpiquni të buzëqeshni me të gjithë. Ju do të shihni përfitimet dhe do të merrni më shumë rezultate se sa mendoni.

Peshorja

Dashuria: Dita juaj sot do të pësojë disa kthesa herëpashere dhe nuk paraqitet e jashtëzakonshme. Dashuria paraqitet me ulje dhe ngritje sidomos te çiftet e vjetra. Nëse jeni vetëm duke u përpjekur të ëmbëloni personin që ju intereson, sot ju do të jeni veçanërisht magjepsës.

Puna: Një problem që ju shqetëson fillon të zgjidhet. Mos e tregoni veten shumë të shqetësuar dhe përpiquni të qëndroni të qetë.

Akrepi

Dashuria: Indiferenca juaj mund ta largojë partnerin/en tuaj nga ju. Kaloni më pak kohë në punë dhe bëhuni më shumë me familjen që ka nevojë për vëmendjen tuaj. Edhe beqarët do të duhet të përpiqen të tregojnë veten më të dashur nëse duan të bëjnë njohje të reja.

Puna: Vendosni më shumë energji në punën tuaj, veçanërisht nëse jeni profesionist. Projekti juaj do të ketë sukses, por ju duhet të angazhoheni më shumë.

Shigjetari

Dashuria: Mund të dalin në dritë marrëdhëniet e rrezikshme, ata që jetojnë një histori jashtëmartesore do të duhet të mësojnë të dallojnë ndjenjat e vërteta nga pasionet. Beqarët do të duhet të përpiqen të mos jenë të përshkuar nga ngjarjet, më shumë qartësi është e nevojshme për të vendosur.

Puna: Mos u nxitoni në marrjen e vendimeve në punë, keni mjaft kohë për të menduar për këtë.

Bricjapi

Dashuria: Për çiftet është një moment mjaft i vështirë. Mundohuni të bëni gjithçka të mundshme për të transformuar marrëdhënien tuaj në mënyrë që të forconi marrëveshjen. Nëse jeni vetëm, mos lejoni veten të zvarriteno nga disa njerëz rreth jush që dëshirojnë të krijojnë probleme.

Puna: Mos u mundoni të shtrëngoni veten në disa çështje të punës, lëri gjërat të marrin rrugën e tyre.

Ujori

Dashuria: Dashuria përparon në mesin e shumë vështirësive të vogla dhe keqkuptimeve. Mos mendoni shumë dhe kushtojini vetes diçka që ju pëlqen. Takime të favorizuara nga miqtë, beqarët mund të organizojnë një mbrëmje të këndshme.

Puna: Mëngjesi hapet me disa pengesa dhe do të vonohesh për disa takime, por asgjë nuk është serioze.

Peshqit

Dashuria: Dita është pak e nënshtruar dhe do të jeni pak të tensionuar. Mos theksoni xhelozinë dhe mos provokoni me qëndrime të pazakonta në dashuri. As Venusi nuk duket se buzëqeshë tek beqarët, por mbani mend se mësoni shumë nga zhgënjimet dhe vështirësitë.

Puna: Sot shmangni gjykimin e punës së të tjerëve dhe reflektoni shumë para se të vendosni për çështje të rëndësishme.

Pas vendimit të Gjykatës së Romës për të kthyer pas 12 emigrantët e parë që mbërritën në Shqipëri, në Gjadër, ka pasur një “lumë” reagimesh nga politika italiane. Kryeministrja Giorgia Meloni thotë se është e vështirë të punosh me opozitën e institucioneve”. “Është shumë e vështirë të punosh dhe të përpiqesh t’i japësh përgjigje këtij kombi kur ke edhe kundërshtime nga disa prej institucioneve që duhet të ndihmojnë në dhënien e përgjigjeve”, deklaroi ajo. “Unë nuk mendoj se është përgjegjësi e gjyqësorit të përcaktojë se cilat vende janë të sigurta dhe cilat jo. Është përgjegjësi e qeverisë, kështu që mendoj se qeveria duhet të sqarojë më mirë se çfarë do të thotë një vend i sigurt”, shtoi ajo.

“Kam respekt për gjyqtarët. Ne do të luftojmë brenda mekanizmave gjyqësorë. Betejë në kuptimin e afirmimit në aspektin ndërkombëtar, evropian dhe kombëtar. Do apelojmë dhe shkojmë në Gjykatën e Lartë”, tha ministri i Brendshëm, Matteo Piantedosi. “Përpara qendrave në Shqipëri, do të jetë një model i BE-së. Jo vetëm që do të ecim përpara me apelimet gjyqësore, por do të ecim përpara edhe me këto nisma sepse nga viti 2026 ato që Italia po zbaton në Shqipëri dhe jo vetëm atje, do të bëhen ligj europian”, tha ai. “Jam mësuar të respektoj vendimet e gjyqësorit por do të doja që të respektohen edhe vendimet e pushtetit ekzekutiv dhe legjislativ, sepse demokracia bazohet në ndarjen trepalëshe të pushteteve. Gjyqësori duhet të zbatojë ligjet, jo t’i modifikojë ato”, tha ministri i Jashtëm Antonio Tajani. “Absurd! Gjykata nuk vërteton ndalimin e emigrantëve në Shqipëri. E majta gjyqësore i vjen në ndihmë të majtës parlamentare”, thuhet në një postim në profilin X të Fratelli d’Italia

BBVK startoi mbrëmjen e së premtes.

Në moderim me Jonida Vokshin dhe Alaudin Hamiti, si dhe opinionistë Olta Gixharin dhe Milaim Zeken, ky edicion pritet te thyejë rekorde.

Banorja e pare qe hyri në shtëpinë më të famshme në Kosovë ishte këngëtarja e njohur Rovena Stefa.

Rovena Stefa duket se e ka nisur lojën e saj që natën e parë.

Ajo ka pasur dy momente “përplasjhe” me organizatorët e këtij spektakli,, si dhe me moderatoren Jonida Vokshi dhe opinionisten Olta Gixhari.

Rovena ka zgjedhur të thumbojë live dhe drejtpërsëdrejti Olta Gixharin duke i kujtuar asaj eksperiencën e saj në BBVA.

“Unë hyra e para për të dalë e fundit, por kam parë dhe disa që hyjnë të parët dhe rrugës dorëzohen.’- tha ajo.

Ky koment i ka djegur opinionistes, duke qenë se rasti i Oltës është i njëjtë me atë që Rovena deklaroi.

Rikujtojmë këtu që Olta Gixhari ishte banore në BBV2A dhe ishte e para që hyri në shtëpinë më të famshme të Shqipërisë, dhe po ashtu ishte po vetë ajo që u dorëzua dhe vendosi ta linte në mes këtë rrugëtim.

Rovena duket lojtare e fortë dhe me deklarata të bujshme, por nëse ajo do të bëjë bujë vërtet pritet për t’u parë në ditët në vazhdim.

Një 67-vjeçar shqiptar ka humbur jetën në mënyrë tragjike në Greqi.

Mediat vendase bëjnë me dije se ditën e djeshme ( 18 tetor) 67-vjeçari me origjinë shqiptare vdiq në vend, pasi u rrëzua nga një pemë, në të cilën kishte hipur për të mbledhur dardhë.

Ngjarja e rëndë ka ndodhur në Kalavrita.

Shqiptari fatkeq ishte duke lëvizur me makinë drejt Dafni Kalavryton, kur në një moment anash rrugës pa një pemë me dardhë.

Ai ndaloi për të marrë disa dardhë nga pema, por për fat të keq u rrëzua dhe ndërroi jetë.

Qeveria italiane nuk tërhiqet, ndërsa paralajmëron se javën e ardhshme pritet një tjetër transferim emigrantësh drejt qendrës së Gjadrit në Lezhë. Kjo të paktën sipas mediave italiane, ndërsa Kryeministrja Gioergia Meloni ka njoftuar një mbledhje Qeveri të hënën ku pritet të gjendet një zgjidhje e re, pas vendimit të Gjykatës së Romës

“Çështja nuk është Shqipëria, çështja është shumë më e gjerë. Në thelb, gjyqtarët thonë se nuk ka vende të sigurta. Kështu që unë ju komunikoj zyrtarisht se problemi nuk është në Shqipëri, problemi është se askush nuk mund të riatdhesohet, nuk mund të largoni njerëzit, nuk mund të bëni asnjë politikë për të mbrojtur kufijtë.Shpresoj se do të më thoni edhe se si zgjidhet, si menaxhohet rendi publik, kush do të paguajë miliardat e mikpritjes që ne do të duhet të paguajmë”, tha Meloni.

Do të gjej një zgjidhje edhe për këtë problem, premton Meloni, ndërsa thekson “kam ndërmend të eci përpara. Por është një çështje që do ta zgjidhim së shpejti”.

E ndërsa në Itali po rikthehen 12 emigrantët e sjellë në Gjadër tre ditë më parë, ministri i Drejtësisë Carlo Nordio e konsideron anormal vendimin e dhënë. Ministri thotë se “reagimi i politikanëve nuk ka qenë kundër drejtësisë por kundër vendimit, me të cilin ne nuk jemi dakord dhe madje e konsiderojmë jonormal. Nuk mund të jetë drejtësia që përcakton një shtet pak a shumë të sigurt, është një vendim shumë i lartë politik. Ne do të marrim masa legjislative”.

Nordio shprehet se “nëse gjyqësori i tejkalon kompetencat e tij duke i atribuar prerogativa që nuk mund t’i ketë, si ai i përcaktimit të një shteti të sigurt, duhet të ndërhyjë politika që shpreh vullnetin popullor. Ne i përgjigjemi popullit, nëse njerëzit nuk janë dakord me atë që bëjnë, ne shkojmë në shtëpi. Gjyqësori, i cili është autonom dhe i pavarur, nuk i përgjigjet askujt dhe për këtë arsye nuk mund të marrë prerogativa të hollësishme dhe në thelb politike”.

Matteo Salvini mblodhi një këshill federal të Lidhjes me urgjencën më të madhe. Për Salvinin, “kushdo që a pengon të mbrojmë kufijtë, e vë vendin në rrezik”.

“Më duket e qartë se ka një pjesë të gjyqësorit që angazhohet shumë në politikën e majtë. Ka disa gjyqtarë që mendojnë se janë më shumë në një qendër komunitare sesa në një gjykatë. Nëse nuk u pëlqejnë ligjet e imigracionit, duhet të kandidojnë dhe të kërkojnë votat e italianëve”, shtoi Salvini.

Ministri për Biznesin Adolfo Urso gjithashtu ka reaguar.

“A duhet të vazhdojmë, duke pasur parasysh vendimet në këtë drejtim? Vendi kishte një mandat të qartë nga votuesit dhe qytetarët. Vendimet politike dhe qeveritare, të cilat janë konsekuente, pasqyrojnë plotësisht mandatin e marrë. Ne jemi aty, do të donim të ishin edhe të tjerët”, thotë ai në margjinat e një takimi në Palermo.

“Kur ka një përplasje mes fuqive të të njëjtit vend është gjithmonë problem. Dhe rrezikon të bëhet problem për demokracinë. Ne vazhdojmë të mbështesim që ligji Bossi Fini duhet kapërcyer”, komenton sekretari i përgjithshëm i Uil, Pierpaolo Bombardieri.

Argita Malltezi Berisha, ka reaguar ndaj padisë që gjyqtarja Irena Gjoka ka ngritur ndaj saj, nën akuzën se ka shpifur për një ryshfet 500 mijë euro.

Malltezi, teksa ka përmendur tre emrat e gjyqtares së Posaçme, është shprehur se nuk e ka akuzuar zonjën në fjalë, por ka hedhur pyetjen dhe thirrjen ndaj mediave, që të pyesin në SPAK nëse ekziston një çështje e tillë ndaj saj.

Reagimi i Argita Malltezit:

Jam njohur nga mediat me kallzimin e gjyqtares simbol të reformës në drejtësi, ish kryetare e GJKKO, gjyqtarja Spata Maneku Gjoka. Nuk e di objektin dhe përmbajtjen e aktit sepse nuk kam marre ende njoftim. Por cilido qofte fustani qe ka vendosur t’i veshe zonja Spata Maneku Gjoka problemeve të saj me të kaluarën dhe të tashmen e saj, ky akt provon tre aspekte:

Së pari, Në emisionin në fjalë une kam bere pyetje dhe njëkohësisht thirrje mediave te hetojne, te pyesin ne SPAK nese ekziston nje ceshtje e tille dhe a po behet hetim. Kjo besoj do duhej të gëzonte gjyqtaren me tre mbiemra dhe madje çdokush tjetër, i bindur në pastërtinë e tij, do bënte deklaratë sqaruese dhe thirrje SPAK të hetonte dhe të reagonte. Znj.Spata Maneku Gjoka ka zgjedhur të fshihet pas kolegeve të saj, gjë që zbulon aspektin e dytë korruptiv të sistemit,

Keqperdorimin e drejtesise. Nuk ka asnjë dispozitë ligjore që i jep të drejtë SPAK të hetojë çështje ku ankues ose i paditur është një prokuror apo gjyqtar i drejtësisë së posacme. Kjo është një praktikë e ekstraligjore dhe abuzive e krijuar nga vetë ata. Kjo praktikë përdoret nga gjyqtarët dhe prokurorët e organeve të posaçme (GJKKO, SPAK) që nëpërmjet njëri tjetrit ata të lajnë duart për veprat penale që kryejnë vetë. Në çdo gjykatë apo prokurori tjetër të vendit një çështje ndaj një gjykatësi apo prokurori do të transferohej në një rreth tjetër gjyqësor për hetim dhe gjykim në mënyrë që të evitoheshin ndikimet e paligjshme, por kjo nuk vlen për aradhën e kamikazëve të degës së posacme.

Së treti, akti i zonjës që xhonglon mbiemrat ka të bëjë me hallin e saj të madh me shkeljen e ligjit Une kam kallzuar ne Prokurorine e Tiranës prokurorët Millonai e Kraja, gjyqtaren Spata Maneku Gjoka dhe gjyqtaren Oldashiper nje sere veprash penale ne proceduren e ceshtjes së KP, konkretisht veprën penale “Shpërdorimi i detyrës” në bashkëpunim të parashikuar nga neni 248 i K.Penal “Kryerja e veprimeve arbitrare” të parashikuar nga neni 250 i Kodit dhe “Mosmarrja e masave për të ndërprerë gjendjen e paligjshme” të parashikuar nga neni 251 i K.P. Kete kallzim Prokuroria e Tiranës ia ka kaluar SPAK, pa më njotuar. Koleget e Krajës e Millonait, që janë njëkohësisht edhe kontrollues të GJKKO, pra mbrojtës të aseteve Gjoka e Olldashi, kanë vendosur mos-fillimin e procedimit. Ky vendim sigurisht do të ankimohet, prokurorët dhe gjyqtarët ligjshkelës e dine shumë mirë që vendim-marrjet e korruptuara të kolegëve të tyre mund t’a shtyjnë, por nuk mund t’a fshijnë kurrë dënimin veprave penale të konsumuara prej tyre në këtë rast. Ndaj zonja në fjalë mendon se mund të ofrojë pazar duke ngritur çështje të tilla.

Megjithatë unë e vlerësoj këtë rast si një mundësi të shkëlqyer për t’i drejtuar xhongleres së mbiemrave ato pyetje që unë i drejtova publikisht. A je përzënë nga Greqia për vepra të dënueshme?

A ekziston një video e gjetur në shtëpinë e gazetarit të larguar tashmë nga Shqipëria, në të cilën ajo është rregjistruar me qëllim shantazhi duke negociuar me një ish deputet të PS marrjen e shumës prej 500 mijë eurosh në këmbim të lehtësirave ligjore shfajësuese për këtë ish deputet?

SPAK është organ publik dhe ka detyrimin të sqarojë nëse ekziston një rrethanë e tillë opinion publik ndaj i bëj edhe një here thirrje t’i përgjigjet kësaj pyetjeje, që është në interes të publikut. Gjithashtu inkurajoj mediat të pyesin dhe hetojnë për këtë çështje

Ato ishin dy kunatat më të famshme në vend. Njëra moderatore dhe imazh shumë i dashur për publikun, ndërsa tjetra finaliste e “Big Brother” dhe tashmë moderatore. Përgjatë verës, Heidi Baçin dhe Bora Zemanin i pamë së bashku në shoqërinë e dy partnerëve të saj, Donaldit dhe Romeos

Megjithatë, prej gati 2 muajsh po përflitet për një ndarje mes Heidit dhe Romeos, çfarë duket se ka sjellë edhe problemet për dy kunatat. Gjithçka u duk se ishte perfekt mes dy bukurosheve, kur Bora ishte e ftuar në panelin që Heidi moderon. Duke ngritur dyshime se çifti është ende bashkë dhe se raporti mes tyre është shumë i mirë, Bora nuk harroi ta përmenden përgjatë intervistës që dha.

“Do t’ju shikoj me shumë kureshtje, edhe pse kam përshtypjen do të jem më dakord me Heidin”, u shpreh Bora çfarë edhe na shtyu të mendojmë se dy vajzat kanë një raport perfekt mes tyre, ashtu si dy kunata duhet ta kenë.

Por, në fakt, nuk qenka kështu. Vetëm pak ditë më parë, të dyja kanë qenë prezente në të njëjtën festë, ku kanë shijuar atmosferën me miqtë dhe bashkëpunëtorët deri në orët e para të mëngjesit. Por ajo që u vu re ishte fakti se vajzat nuk postuan asnjë foto së bashku. Madje, nga të pranishëm, zbuluam se vajzat as nuk janë përshëndetur me njëra-tjetrën, duke qenë se ishin në tavolina të ndryshme. Fakt ky që tregon se realisht, raporti i tyre nuk është më ai i para disa muajve.

Që pas zërave për një ndarje mes Romeos dhe Heidit, Bora shpesh herë ka ndarë në rrjetet sociale foto nga e përditshmja e saj, ku gjithnjë është edhe Romeo, por duket se tashmë mungon Heidi, e cila është shkëputur nga ky raport, si dhe nga miqësia që kishte me çiftin Bora-Donald.

Megjithatë, dy vajzat vijojnë ende që të ndiqen në rrjetet sociale. Marrëdhënia mes Heidi Baçit dhe Romeo Veshajt nuk dihet si po shkon pasi çifti po përfliten për një krizë në romancën e tyre, por vetë protagonistët nuk kanë reaguar deri më tani për situatën. Të shumta janë aludimet që thonë se çifti është bashkë, dhe se gjithçka po e bëjnë për më shumë famë dhe bujë në media. Përfshi këtu edhe lajmet se tashmë Romeo ka një tjetër të dashur.

Kujtojmë që javën e shkuara, Panorama mësoi nga miq pranë Romeos se një vajzë po shfaqet gjithnjë e më pranë aktorit të humorit, duke zbuluar se tashmë ka një raport të ri. Së fundmi moderatorja ka deklaruar se arsyeja që po qëndron në Shqipëri nuk është puna apo profesioni, por arsye të tjera të cilat nuk preferoi t’i ndante me publikun.

“Mua s’më mban në një vend profesioni ose puna. Ka shumë arsye të tjera që unë të rri në Shqipëri”,- tha Heidi Baci. Kaq u desh që fansat të kuptonin se lidhja mes çifti nuk ka marrë fund plotësisht, por duket se kriza në marrëdhënien e tyre ende vazhdon pasi dyshja kanë kohë që nuk shfaqen më së bashku. Aktori i njohur Romeo Veshaj, pak dite me pare ka fshirë nga profili i tij të gjitha fotot përfshirë dhe ato me Heidin. Kjo lëvizje e tij vjen një natë pas publikimit të një poezie të thurur nga ishbanorja e ‘BBV’, e cila u lexua nga Egla Ceno në emisionin “Goca dhe Gra”.

Edhe pse, moderatorja tha se kishte dy vite që nga krijimi i asaj poezia e cila në fillim ishte shkruar në gjuhën italiane por më vonë ishte përshtatur në shqip, në thelb ajo shprehte shumë dhimbje të cilën ndjekësit e lidhën menjëherë me Romeon. Nuk dihet nëse këto dy ndodhi janë të lidhura me njëra-tjetrën, pasi dyshja ndiqen ende në rrjetet sociale dhe vetë Heidi ka në profilin e saj të gjitha fotot me aktorin. Kujtojmë që ka gati një muaj që përflitet për një ndarje mes Romeos dhe Heidit. Dy ish-finalistët e “Big Brother” ishin padyshim ndër çiftet më të dashura për publikun, ku vazhduan të konfirmonin dashurinë e tyre edhe pas përfundimit të spektaklit. Por ishte fillimi i shtatorit, kur u fol për një krizë mes tyre.

Që atëherë, dy protagonistët kanë zgjedhur që mos të flasin për historinë e tyre, duke vazhduar së shfaquri veç e veç. Vetëm javën e shkuar, “Panorama” publikoi disa fotografia të Heidit, ku shfaqej në Tiranë, në shoqërinë e një mashkulli. Nga ato çfarë mund të mësonim, bëhet me dije se djali në fjalë është një afërm i saj dhe nuk bëhet fjalë për një flirt të ri.

E veshur me një palë xhinse dhe një xhaketë të bardhë, Heidi kishte vendosur një kapele dhe një palë syze dielli, si për t’ju shmangur disi syve të kureshtarëve, por duket se nuk ia ka dalë. Nga ana tjetër, Romeo kohët e fundit e ka ndarë kohën mes projekteve të reja. Sakaq, ai i është rikthyer edhe muzikës, duke pasur disa koncerte në agjendën e tij. Zërat për një ndarje u vulosën edhe më tej, kur Romeo u shfaq në një dasmë, në shoqërinë e Donaldit dhe Borës, por Heidi mungonte.

Ishte pikërisht kjo prova që fansat po prisnin, për të konfirmuar se dyshja e dashur, tashmë i ka dhënë fund. Tashmë, të shumtë janë ndjekësit që po kontrollojnë me imtësi rrjetet sociale të aktorit, për të parë nëse ka lëvizje që do të çonin në identifikimin e vajzës që ka nisur të shoqërohet me Romeon. Ishte fillimi i shtatorit, kur dhe vëllezërit Veshaj, Romeo dhe Donald festuan ditëlindjen e tyre, çfarë nxori në pah edhe krisjen mes dyshes.Në 29 vjetorin e lindjes së tyre të dy moderatorët morën urime të veçanta nga familjarët dhe miqtë.

Por Heidi Baçi, e dashura e Romeos me të cilën u njoh brenda shtëpisë së “BigBrother Vip”, nuk u pa ta uronte moderatorin në rrjetet sociale. Kjo ngriti dyshimet se çifti i njohur ndoshta po kalon një krizë në marrëdhënien e tyre. Po ashtu, prej disa kohësh ata nuk kanë postuar foto me njëritjetrin në rrjetet sociale, ndërkohë që më parë kanë qenë më aktiv dhe të pandarë në profilet e tyre.

Dyshja shpesh herë ndanin në profilet e tyre çaste të bukura nën shoqërinë e njëri-tjetrit, ku nuk mungonin as momentet romantike e gazmore. Mesa duket krisja mes çiftit është reale dhe shkak ka qenë pikërisht rruga e ndryshme që kanë zgjedhur. Planet e çiftit kanë sjellë edhe përplasjet e para, ku teksa Romeo duket një hap më larg televizionit, e ndërsa Heidi ka zgjedhur që të investohet tek ekrani. Kujtojmë që romanca mes çiftit filloi teksa të dy ata u bën pjesë e reality show-t të BBV, ata u përfolën mjaft nga publiku si dhe fituan dashurinë e tyre