Lajmet e Fundit
Në vitin e largët 1937, po luhej ndeshja mes Chelseat dhe Charlton.
Por, kjo ndeshje u ndërpre në minutën e 60-të për shkak të mjegullës së madhe.
Ndërsa, portieri i ekipit mik, Charlton, qëndroi i vetëm në fushë për më shumë se 20 minuta, duke mos e ditur se ndeshja është ndërprerë.
Kjo situatë, vazhdon të komentohet dhe kthehet në kujtime edhe sot nga shumë media të sportit.
Një ndë manitë e shqiptarëve është të mbushin çantat dhe valixhet me mish, bulmet dhe madje edhe turshi kur ikin në vendet perëndimore. Por nuk janë të oaktë ata që gjithçka u shkon dëm.
Një shqiptar është ndaluar në aeroportin e Olbias pasi i janë gjetur në valixhe 15 kg produkte ushqimore si djathë e mish, pa etiketë që të vërtetonte origjinën, specien dhe çertifikatën përkatëse fitosanitar.
Ai është ndaluar për kontroll nga zyrtarët e Agjencisë së Doganave dhe Monopoleve të Sassarit në bashkëpunim me ushtarët e Guardia di Finanza të Grupit Olbia.
Ushqimet i janë sekuestruar, në pritje të analizave higjeno-sanitare të mjekut fitopatolog të Departamentit të Reformës Bujqësore të Sardenjës dhe do të asgjësohen.
Ka shumë gjëra që një shofer mund të bëjë për të reduktuar konsumin e karburantit të makinës së tij, por ka një gjë që pothuajse askush nuk e bën.
Me synimin për të kursyer para, kohët e fundit shoferët janë bërë shumë më të kujdesshëm për mënyrën e vozitjes, për shkak të çmimeve të larta të karburantit.
Ekziston edhe një faktor që neglizhohet nga shumica e shoferëve dhe që kontribuon në rritjen e konsumit.
Ky faktor nuk është tjetër veçse pesha, jo e vetë makinës por e asaj që shtojmë duke lënë gjëra të ndryshme në kabinë dhe sigurisht në bagazh. Prandaj do të ishte mirë të kryeni një “pastrim” të mirë të makinës.
Hiqni gjithçka që nuk është e nevojshme duke mbajtur vetëm ata që janë të rëndësishme. Me një shpejtësi konstante për periudha të gjata kohore,
si për shembull kur lëvizim në autostradë, pesha shtesë luan një rol më të vogël në rritjen e konsumit, sesa faktorët e tjerë, si shpejtësia e lëvizjes.
Klevisa Ymeri, e cila shkaktoi aksidentin në Kroaci ku humbën jetën motër e vëlla Stjepan dhe Katarina Derek, është dënuar me 4 vite burg.
Sipas mediave kroate, në gjyqin e sotëm, dëshmitari Jonuz Alija, pasagjer në veturën “Mercedes” të Ymerit, dëshmoi gjithashtu sot në gjyq.“Unë dhe shoku im Armalindo Docano u nisëm nga Milano për në Shqipëri me një Mercedes. Me ne ishte Klevisa dhe gruaja e kushërirës së Armalindos, Diana. Këto të dyja po na ndiqnin pas më “BMW”. Klevisa mori drejtimin e mjetit Mercedez për shkak se shoferi u lodh. Po ecnim pas njëri-tjetrit, unë po flisja me familjen në celular, kur në një moment, në mënyrë refleksive ndjeva se makina kaloi shumë shpejt, dhe atëherë ngrita kokën dhe pashë tym. Kur arrita te makina e parë, dhashë ndihmën e parë, por shpejt kuptova se nuk mund të bëhej asgjë më shumë. Klevisa ka dalë nga makina dhe si pasojë e përplasjes ka rënë pa ndjenja,”-tregoi dëshmitari.
Sipas të dhënave të INSTAT, që referohen në treguesit e fundit të “Burimeve dhe përdorimeve” në ekonomi, familjet shqiptare kanë shpenzuar për shërbimet e transportit ajror (bileta avioni) rreth 11,7 miliardë lekë (117 mln euro) në vitin 2023. Në vitin 2022, konsumi i familjeve shqiptare për shërbimet ajrore ishin 7,5 miliardë.
Në 2023, shpenzimet e familjeve për shërbimet e transportit ajror shënuan rritje vjetore me 55.7%. Burimet nga Tirana International Airport pohojnë se fluksi i udhëtimeve në Aeroportin Nënë Tereza është rritur ndjeshëm nga viti në vit. Në vitin 2023, Aeroporti i vetëm në vend shënoi rreth 7,3 milionë pasagjerë, me rritje 39% në krahasim me vitin 2022.
Ndërsa nga janari deri më 21 shtator 2024 janë tejkaluar 8 milionë pasagjerë, duke sinjalizuar se rritja e fluksit të udhëtimeve do të jetë edhe më e lartë këtë vit. Të dhënat tregojnë se një pjesë e madhe e fluksit të lëvizjeve po vjen edhe nga udhëtimet e shqiptarëve jashtë vendit.
Biletat e lira dhe rritja e shërbimeve “low cost” po bëjnë që gjithnjë e më shumë shqiptarë të kalojnë fundjavat jashtë vendit. Shërbimet e transportit u renditën në katër grupet me rritjen me të madhe të shpenzimeve të familjeve për vitin 2023.
Kompanitë e fluturimeve ajrore vitet e fundit kanë shtuar destinacionet me kosto të përballueshme për familjet shqiptare. Teksa Shqipëria po shtrenjtohet nga flukset e larta të turistëve të huaj, shumë shqiptarë preferojnë të udhëtojnë.
Shpenzimet për bileta të avioni zunë 0,75% të konsumit final të familjeve shqiptare me 2023, nga 0.5% që ishte pesha e këtij zëri në vitin 2022. Pas pandemisë udhëtimet dhe shërbimet e lidhura me to kanë pësuar rritje të shpejtë.
Pas skandalit të zbuluar në spitalin e Onkologjikut muaj më parë ku hetimet e Prokurorisë dëshmuan sesi mjekët nuk u jepnin trajtimin e duhur pacientëve të sëmurë me kancer të cilët i drejtonin tek klinika private të cilat i kishin në pronësi, apo ishin të punësuar, tashmë edhe bisedat e zhvilluara mes mjekëve të tjerë po nxjerrin në dritë fakte tronditëse të cilat edhe mund të cilësohen si vepra penale pasi luhet me shëndetin e njerëzve.
Në bisedat e radhës që gazetari Osman Stafa ka publikuar mes mjekëve të Onkologjikut, shihet qartë sesi njëri prej tyre me inicialet B.K, përgjegjës zyre përcaktonte pa asnjë tagër përgjysmimin e ciklit të trajtimit për pacientët e sëmurë me kancer, duke u kërkuar anëtarëve të tjerë të stafit që as mos të përmendnin ilaçin ‘cetuximab’ duke argumentuar se nuk ka sasi të mjaftueshme për të gjithë pacientët.
Ndërsa për të demonstruar seriozitetin e gjësë me të cilën jemi përballë, theksojmë edhe një mesazh që njëri prej anëtarëve të stafit të Onkologjikut ka dërguar në bisedën konkrete ku shkruan: “Zot na ruaj ne dhe familjarët tanë”.
Komunikimi mes mjekëve në whatsapp:
[19.6.23, 9:06:31 AM] AP(mjek onkolog): Cetuximab a ka
[19.6.23, 9:16:55 AM] BK(mjek onkolog, pergjegjes njesie): mmgj . Ne lidhje me cetuximabin ,besoj e kuptoni , paciente të rinj ne trajtim nuk do të kete per nje kohe të gjatë .Nuk duhet ta përmendni fare nje trajtim qe nuk është i mjaftueshëm per te gjithë .
[19.6.23, 4:17:55 PM] BK(mjek onkolog, pergjegjes njesie): kush e trajton nje paciente me ca mame qe trajtohet me fesgo .MK?.
[19.6.23, 4:30:57 PM] FP(mjek onkolog): Eshte pacientja ime
[19.6.23, 5:04:45 PM] AP(mjek onkolog): Cfare ke bere F?
[19.6.23, 5:05:18 PM] EC(mjek onkolog): Nuk e thote se ka frike
[19.6.23, 5:05:43 PM] FP(mjek onkolog): Eshte ankuar per phesgo
[19.6.23, 5:06:07 PM] AP(mjek onkolog): Cne? ????
[19.6.23, 5:06:23 PM] EC(mjek onkolog): Sjellje e keqe e Flutures qe eshte ankuar????
[19.6.23, 5:06:24 PM] FP(mjek onkolog): Per hobi.
https://www.facebook.com/plugins/video.php?height=476&href=https%3A%2F%2Fwww.facebook.com%2Fostafa%2Fvideos%2F562136326161830%2F&show_text=false&width=267&t=0
[19.6.23, 5:16:09 PM] BK(mjek onkolog, pergjegjes njesie): çështja u zgjidh shume shpejt . Do të vazhdohet vetëm trastuzumab qe e paçim sa malet.
[19.6.23, 5:17:48 PM] BK(mjek onkolog, pergjegjes njesie): kur s’kemi sorrën ,do te hame pulen thotë populli ????
[19.6.23, 5:28:38 PM] EC(mjek onkolog): Ouuu! Phesgo qenka sorra????
[19.6.23, 5:36:36 PM] BK(mjek onkolog, pergjegjes njesie): po është sorre qe ben zhurme dhe na leshon shume glasa nga lart mbi koke .????
[19.6.23, 5:37:51 PM] EC(mjek onkolog): Qe nuk ishte lapsus e dija , por nuk po ia nxirrja dot kuptimin
[19.6.23, 5:41:14 PM] AP(mjek onkolog): Ne vend qe te rimbursojme edhe tdm1 ne heqim edhe fesgon… po ne ato qe progresojne pas herceptines..? Zot na ruaj ne e familjaret tane
[19.6.23, 5:52:57 PM] BK(mjek onkolog, pergjegjes njesie): edhe trastuzumab ishte nje sorre ne fillim por tani është nje pule qe ben veze dhe nuk i lodh me njerëzit . Nje bar qe nuk mjafton per te gjithe është me shume nje helm i rrezikshem .
[19.6.23, 5:54:26 PM] EC(mjek onkolog): Po , por zgjidhja duhet te ishte per te gjithe jo mos te jete ????
[19.6.23, 6:10:18 PM] BK(mjek onkolog, pergjegjes njesie): meqenese ra fjala për phesgon ,kam vendosur qe per pacietet neoadjuvante të përdorim skemen carbo /doce /Phesgo x 6 cikle per të gjithë pacientet . Keshtu do të kemi nje standart per te gjithe pac. Do të jete per pacietet e Tiranës kuptohet .Ju lutem mos jepni fjale per fesgo për trajtime qe kane filluar tashme .Cdo trajtim neo adjuvant do ta bejme kështu qe te kemi edhe nje përvojë me te unifikuar .
[20.6.23, 9:09:17 AM] AR(kryeinfermier): Leucoverina dacarbazina jane mungese do ju njoftoj une kur te vijne.
Mbrëmjen e djeshme, deputeti Agron Shehaj, tekas ishte i ftuar në emisionin “Top Story” në Top Channel, lidhur me çështjen e Ervin Salianjit, i cili që prej ditës së premte vuan dënimin në burgun e Fierit, pasi u shpall fajtor për kallëzim të rremë, ai paralajmëroi edhe burgosjen e tij.
Shehaj u shpreh se mund të ketë fatin e Salianjit, pasi vetë demokrati ka një gjyq me socialistin Damian Gjiknurin, për shpifje.
Ndër të tjera, Shehaj tha se situata është shumë e rëndë.
Deputeti komentoi edhe zgjedhjet e vitit të ardhshëm, ku tha se do të jenë formale.
“Nuk isha se nuk dyshoja se do ndodhte kjo që ndodhi. Nuk dua të gjykoj kolegët e opozitës, por besoj se kjo nuk mjafton. Kemi 12 vjet që pas çdo skandali bëjmë diçka të ngjashme. Mendoj se duhet diçka më shumë. Harrojmë që njerëzit duhet të kenë besim te ne. Situata është shume e rëndë… situata me Salianjin ndryshon çdo gjë. Nëse ndjekim këtë logjikë, edhe unë do dënohem me burg. I bie që do më hedhin në gjyq dhe do më çojnë në burg. Kushdo në Shqipëri, pas asaj që ndodhi është më pak i sigurt, i lirë seç ishte më parë. Të ishte kritik ndaj qeverisë, administratës. Kjo është shumë e rëndë.
Kjo nuk është një gjë që lind nga hiçi, ishin të gjitha shenjat. E kam thënë dhe sulmohem kur e them që zgjedhjet e vitit të ardhshëm janë formalitet. Nëse themi që gjendja është e rëndë është sepse është e rëndë, dhe kërkon që të përfshihemi, dhe jo të ikim. Ne duhet të shohim realitetin në sy, është si njeri sëmurë. Duhet të jemi të vetëdijshëm që zgjedhjet e ardhshme si do shkojnë. Unë them që ne duhet të themi të vërtetën.
Sot e kuptuam ne se Salianji u dënua? Unë kam një gjyq me Gjiknurin, që më akuzon se kam shpifur. Më ka hedhur në gjyq, unë e di shumë mirë si do shkojë ai gjyq. Nuk ka gjykatës apo prokurorë, hiq ndonjë që ka gjasa nga SPAK”, u shpreh Shehaj.
Artan Hoxha ka folur për drejtorin e ri të Policisë së Shtetit që pritet të firmoset nga Edi Rama së shpejti. Emri i propozuar është Ilir Proda. I ftuar në emisionin “Të Paekspozuarit”, Hoxha tha se drejtorin e ka zgjedhur ekzkluzivisht Edi Rama dhe jo grupet kriminale, pasi sipas tij, nuk ka “asnjë bandë kriminale më të fuqishme se Rama”. Hoxha shpjegoi edhe karrierën e 43 vjeçarit Proda.
Hoxha tha se Proda, është oficer që ka ngjitur hierarkinë duke kryer të gjithë detyrat si inspektor, pasj shef komisariati, nëndrejtor krimesh, se aty mbledh edhe informacion dhe prej një viti ishte drejtori i policisë së Elbasanit.
“Mendoj se në një vend si Shqipëria kryeministri ka marrë votën dhe merr përsipër edhe riskun. Si trajneri i kombëtares, Duka e zgjedh atë. Edhe drejtorin e përgjithshëm e zgjedh Rama, nuk mund të zgjedhë Lamallari.
Për mua, Edi Rama mund ta zgjidhte direkt, ai i thërret kandidatët. Gjëja tjetër, patjetër organizatat kriminale kanë patur interest të dinë se kush do të zgjidhet. Por sot, nuk ka asnjë organizatë më të fuqishme se Edi Rama. Sot nuk ka asnjë organizatë kriminale më të fuqishme se kryeministri. Kështuqë e vendos ai. E ka vendosur Edi Rama. Tani vijmë te kandidati. Edhe në komunikatëtn e Ministrisë së Brendshme, kandidatët kryesorë, janë klasifikuar me shumë pak diferencë me njëri tjetrin. U zgjodh një i brezit të ri, 43 vjeç. Unë mendoj se një drejtor policie duhet ta ketë të fundit këtë në karrierë, jo të jenë të rinjtë.
Zoti Proda, është oficer që e ka nisur nga gaveta, ka ngjitur hierarkinë duke kryer të gjithë detyrat si inspektor, pasj shef komisariati, nëndrejtor krimesh, se aty mbledh edhe informacion dhe prej një viti ishte drejtori i policisë së Elbasanit. Është emër i ri, që po vihet me këtë ide, jashtë ndikimeve dhe problematikave që ka patur Shqipëria. Pra këto çështjet që ka SPAK nëpër duar. Emri i parë që u lakua në një hetim të SPAK ishte pikërisht emri i Ilir Prodës, për çështjen e celularit që i mori SPAK. Tani ndodhemi në momentin kur ky zotëri merr detyrën në një moment jo të favorshëm, e dëgjove Nokën çfarë tha. Objektivi kryesor janë zgjedhjet, duhet të thërrasë njerëzit”, tha Hoxha
Në tregun e këmbimit valutor shqiptar sot një dollar do blihet me 88.1 lekë dhe do shitet me 89.2 lekë.
Ndërkohë monedha evropiane euro do blihet me 98.5 lekë dhe do shitet me 99.2 lekë.
Franga zvicerane sot në tregun shqiptar do blihet me 104 lekë dhe do shitet me 105.2 lekë.
Ndërsa paundi britanik do blihet me 117.8 lekë dhe do shitet me 119 lekë.
Një vajzë nga Tirana ka bërë veprimin e tmerrshëm pasi prindërit nuk e linin të dilte natën për t’u argetuar me shoqerine.
Në “Aldo Morning show”, gazetarja ka treguar sot se vajza i ka vënë prindërit në gjumë me valium që të dilte.
“Një vajzë donte të dilte në club, por familja nuk e ka lënë. Vajza ka përgatitur darkën dhe në supë ka hedhur valium.
Valiumi ka bërë punën e tij, familjarët kanë fjetur dhe vajza ka dalë”, tregoi gazetarja.
“Ditën tjetër mamaja u mburrej grave të lagjeve që vajza donte të dilte, por nuk e la.
Ta dinte ajo që vajzën e kishte gjithë natën jashtë”, u shpreh gazetarja e “Aldo Morning show”.
