Month: October 2024

Dy influencues në Brazil e paguan shtrenjtë dashurinë e tyre për selfiet.

Mediat e huaja bëjnë me dije se dy influencuese janë mbytur pasi anija me të cilën po bënin shëtitje është fundosur.

Ato nuk patën mundësi të shpëtonin, pasi nuk kishin pranuar që të vishnin jelekët e shpëtimit, pasi nuk mund të tregonin ngjyrën e bukur që kishin marrë në trup nga rrezet e diellit.

Ngjarja tragjike ka ndodhur një muaj më parë me rezultatet e hetimeve të shpallura pak 24 orë më parë.

Sipas policisë, 37-vjeçarja Aline Tamara Moreira de Amorim dhe 27-vjeçarja Beatriz Tavares da Silva Faria u gjetën të mbytur pas rrënojave të varkës në të cilën ndodheshin në zonën “Qafa e Djallit”.

“Disa nga njerëzit në varkë nuk donin të vishnin jelek shpëtimi sepse po bënin selfie. Ata thanë gjithashtu se jelekët e shpëtimit fshehin nxirjen e tyre”, tha shefi i policisë në qytetin e Sao Vincente.

Sipas operatorit të varkës, tragjedia ka ndodhur kur një dallgë ka goditur varkën më 29 shtator teksa po kthehej në breg.

Sipas tij, në bordin e varkës ndodheshin gjashtë influencues dhe ai, ndërsa kapaciteti i varkës ishte për pesë persona./Mirror

Gazetari Basir Çollaku ishte i ftuar në një studio televizive ku komentoi ndalimin e dytë në Dubai, të Durim Bamit, një personazhi të njohur në botën e krimit. Çollaku deklaroi se arrestimi i Bamit nuk qëndron vetëm brenda kornizës së grupeve kriminale, por edhe ato politike. Sipas tij, amerikanët kanë dijeni për çështje politike ku ai është përfshirë dhe bisedat që do të zbardhen nga Sky Ecc do të jenë befasuese.

“Unë mendoj se këtu është dorë e partnerëve amerikanë. Ne na mungon një marrëveshje ekstradimi me Emiratet e Bashkuara, në këtë pellg të Dubai, jo për mos dëshirë të vendeve ku ndodhen ata, por për shkak të mungesës së vullnetit të palës shqiptare. Nuk e di pse duhet të dërgojmë drafe, si ka mundësi që të pandehurit shkojnë në Belgjikë. Mungesa e kësaj marrëveshje me Shqipërinë bëhet sepse këta çunat në Dubai janë elektoral, janë çunat me arkivë të gjerë penal, jo individual, jo thjesht me grupet kriminale, por edhe me deputetë dhe ministra. Kjo hataja e SKY do befasojë dhe të shurdhërit dhe të verbërit. Kjo e Bamit, mendoj se partnerët janë në dijeni të detajuar për çështje ku ai është i përfshirë, me ngarkesë politike. Ka ngjyrime politike dhe diplomatike, ka një ‘Big Brother’ edhe në Prokurorinë e Posaçme, edhe ata po veprojnë siç po ju thonë,”-u shpreh gazetari.

Ndërkohë, Bami ka kërkuar nga autoritetet në Emiratet e Bashkuara Arabe që të mos ekstradohet, me arsyetimin se jeta e tij është në rrezik në Shqipëri. Ai pretendon se rrezikohet nga rreth 16 banda që synojnë eliminimin e tij fizik. Durim Bami është një nga emrat më të përfolur të botës së krimit në Shqipëri. Ai rezulton i përfshirë në kultivimin e parcelave të drogës në zonën e Fushë-Krujës, po ashtu, mbi të rëndojnë akuzat për sigurimin e kushteve për të vrarë ish-deputetin e Partisë Socialiste në Lezhë, Arben Ndoka, si dhe për sigurimin e kushteve për të vrarë dy miqtë e Ervis Martinaj, Erigers Mihasin dhe Tori Xheçukën.

Edi Rama u ka premtuar pensionistëve rritjen e bonuesit të fundvitit, ndërsa ka sulmuar ish-kryeministrin duke thënë se jepte një gjel deti për dy pensionistë.

“Taksat janë të fëmijëve, sigurimet shoqërore janë të pensioneve. Kur ndodh që kontributet shoqërore janë më pak se cna duhet, i marrim nga taksat. Për këtë arsye po ju them se 500 milion është cdo vit gropa që duhet të mbushim për pensionet.

Nuk ka një shpellë diku me florinj që duhet ta hapim. Çdo pension që rritet rritet për gjithmonë. Ka dy gjëra për të bërë, e para është të fillojmë që tani.

Ka qenë njëri që ka thënë do të japim gjel. Ju kujtohet një i gjeli që këndon si gjysmagjeli në maj të penxheres. Edhe juve u dha një gjysmagjel

Ne e rritëm bonusin dhe e bëmë jo një gjel për dy pensionist, por një bonus 50 euro për secilin. Kjo nuk mjafton më.

Jemi duke finalizuar rritjen e bonusit, e dyta jemi duke parë një plan rritjeje pensionesh gradual, duke shtuar pjesën tonë dhe duke rritur të ardhurat nga ata që duhet të paguajnë një për një sigurimet shoqërore”, tha Rama.

Mëngjesin e sotëm, një ngjarje e rëndë ka ndodhur në Meksikë, ku gazetari 25-vjeçar Mauricio Cruz Solis, u qëllua për vdekje me armë zjarri nga persona ende të panjohur.

Vrasja ndodhi në shtetin e Michoacán-it, pak minuta pas një interviste që ai i mori me kryetarin e rajonit. Një kamera sigurie ka regjistruar tingujt e të shtënave ndaj gazetarit të ri.

Gazetari 25-vjeçar, ishte drejtor i faqes së lajmeve “Minuto x Minuto” dhe prezantoi një emision në radiostacionin lokal “La Poderosa Uruapan”.

Vrasjet e gazetarëve thuajse të gjitha kanë mbetur të pandëshkuara, si dhe shumë vrasje të tjera në Meksikë.

“Maurisio ishte më shumë se një koleg, ai ishte një mik i përkushtuar, një burim frymëzimi dhe një zë i palodhshëm në shërbim të komunitetit tonë”, tha nga radiostacioni për të cilin punonte.

Më shumë se 150 gazetarë janë vrarë në Meksikë që nga viti 2000, sipas numrave të OJQ-së Reporterët pa Kufi (Reporters sans Frontière, RSF).

Sipas një OJQ-je tjetër, neni 19, 2022 ishte viti më vdekjeprurës për shtypin në vend, pasi u regjistruan nga autpritetet të paktën 13 vrasje të gazetarëve.

Shteti i Veracruz (juglindje), është vendi ku shumica e gazetarëve janë vrarë që nga viti 2000 (31). 18 prej tyre u vranë ndërsa Javier Duarte (2010-2016) ishte guvernator i saj, i cili në vitin 2018 u dënua me nëntë vjet burg për pastrim parash, konspiracion dhe përfshirje në bandë.

Prej vitit 2000, më shumë se 150 gazetarë janë vrarë në Meksikë.

https://twitter.com/ImpudorPolitico/status/1851515029507752265?ref_src=twsrc%5Etfw%7Ctwcamp%5Etweetembed%7Ctwterm%5E1851515029507752265%7Ctwgr%5E55a7c4b7bf649640331052c0ec7586132ad1b1b4%7Ctwcon%5Es1_&ref_url=https%3A%2F%2Fshqiperia-ime.com%2Fe-rende-pas-intervistes-me-kryebashkiakun-ekzekutohet-gazetari-25-vjecarvideo%2F

Në orët e para të mëngjesit të sotëm, një aksident i rëndë ka ndodhur në Greqi, ku një 25-vjeçar shqiptar ka humbur jetën.

Aksidenti i rëndë ka ndodhur pak pas orës 02:00 pas mesnate, në rrugën nga Rethymno për në Arkadia në Kretë të Greqisë.

Drejtuesi i një motomjeti ka humbur kontrollin, duke dalë nga rruga.

Si pasojë e përplasjes, ka humbur edhe jetën drejtuesi, një 25-vjeçar shqiptar.

Gazetarja Anduena Llabani tha në “Now me Erla Mëhillin”, se opozitën e vërtetë në Shqipëri do e bëjë ish-zëvendës kryeministri Arben Ahmetaj, i cili është shpallur në kërkim. Sipas gazetares ai do të vijë në Shqipëri e do dëshmojë në Prokurori duke dhënë prova, dokumente e fakte të pakontestueshme.

“Unë mendoj se opozitën e vërtetë në qeverinë Rama do e bëjë Arben Ahmetaj. Ai ka pranuar të vij në Shqipëri dhe të dëshmojë. Do vijë në Shqipëri dhe do të dëshmojë për prokurorinë shqiptare. Ai ka pranuar ftesën e prokurorisë për të ardhur e për të dëshmuar. Ai do dalë e do flasë për ato që di, ai ka letra, dokumente video, prova të pakontestueshme. Ai do vijë në Shqipëri për të dëshmuar në prokurorinë shqiptare. Ai mund të jetë bërë edhe i penduar i drejtësisë”,-tha Llabani.

Megjithatë vetë Ahmetaj e ka përgënjeshtruar këtë lajm. Ai ka reaguar gjatë emisionit “Now” për moderatoren Erla Mëhilli ku është shprehur se “nuk ka ndërmend të vijë e të dëshmojë në Shqipëri.

Dje u mbajt mosbindja civile e Partisë Demokratike, duke bllokuar akset kryesore rrugore të vendit.

Një protestues në Milot, gjatë fjalës së tij, bëri edhe një gafë jo të vogël. Ai tha “Poshtë komunizmi, rroftë Edi Rama”. Sapo tha këtë frazë, menjëherë edhe qytetarët e tjerë të pranishëm nisën të qeshin. Ndërsa, më tej protestuesi tha kritika për qeverinë.

Protestuesi në Milot: Shqipëria është bërë vend izolimi dhe internimi. Edi Rama po e çon mbrapa Shqipërinë. Poshtë komunizmi, rroftë Edi Rama. Duhen zgjedhje të lira si në Maqedoninë e Veriut.

Nuk kërkojmë ndonjë lëmoshë. Vetëm të votojmë të lirë, asgjë tjetër. Do fitojmë si në vitin 1992 vetëm të kemi zgjedhje të lira.

(BalkanWeb)

Komisioni Evropian mbështet Shqipërinë për mbylljen e negociatave të anëtarësimit deri në 2027. Në një komunikatë që KE ka bërë për vendet aspirante thuhet se “Shqipëria ka bërë progres për reformat dhe se ka rezultate të mirë për sa i takon luftës kundër korrupsionit”. Por gjithashtu vihet theksi te reformat në sundimin e ligjit, duke konsoliduar historikun e zbatimit të ligjit, në luftimin efektiv të korrupsionit dhe krimit të organizuar dhe promovimin e të drejtave themelore, duke përfshirë lirinë e medias, të drejtat e pronës dhe pakicat.

“Njëzet vjet pas zgjerimit më të madh në historinë e BE-së me 10 shtete të reja anëtare, anëtarësimi në BE mbetet një shtytës kryesor i sigurisë afatgjatë, paqes, stabilitetit dhe prosperitetit në Evropë”, sipas Komisionit Evropian.

Ai vazhdon të promovojë vlera të përbashkëta, duke përfshirë demokracinë, shtetin e së drejtës dhe respektimin e të drejtave themelore, duke nxitur rritjen ekonomike. Një perspektivë e besueshme e anëtarësimit në BE nxit reformat dhe është thelbësore për nxitjen e pajtimit. Rëndësia e integrimit evropian u demonstrua më tej gjatë pandemisë COVID-19, e cila vuri në qendër të vëmendjes ndërlidhjen e Evropës dhe nevojën për të përballuar sfidat globale së bashku. Tre aplikimet për anëtarësim nga fqinjët lindorë të BE-së në vazhdën e luftës së agresionit të Rusisë kundër Ukrainës në vitin 2022, dhe vendimet që pasuan nga Këshilli Evropian, janë dëshmi e mëtejshme e peshës gjeopolitike të zgjerimit të BE-së”, shtohet në të.

“Procesi i zgjerimit hyri në një fazë të re me një vrull të ri në vitin 2024. Pas vendimit të Këshillit Evropian të dhjetorit 2023 për hapjen e negociatave me Ukrainën dhe Moldavinë, konferencat e para ndërqeveritare që hapën negociatat me të dy vendet u mbajtën më 25 qershor 2024. Më pas, Komisioni filloi takimet dypalëshe të shqyrtimit që tani janë në ecje të plotë. Pas vendimit të Këshillit që pranoi se Mali i Zi kishte përmbushur standardet e përkohshme për kapitujt e sundimit të ligjit, konferenca ndërqeveritare më 26 qershor komunikoi standardet përmbyllëse për këta kapituj. Kjo hapi gjithashtu rrugën për të filluar mbylljen e përkohshme të kapitujve të negociatave. Seancat e shqyrtimit përfunduan si me Shqipërinë ashtu edhe me Maqedoninë e Veriut në fund të vitit 2023”, shton ai.

“Grup-kapitulli i parë me Shqipërinë më 15 tetor 2024”, thekson KE.
Në kapitullin për Shqipërinë, KE thotë se mbështet Shqipërinë për mbylljen e negociatave të anëtarësimit deri në 2027.

Shqipëria
Në Shqipëri, autoritetet kanë deklaruar vazhdimisht angazhimin e tyre të vendosur politik për integrimin në BE si prioriteti kryesor strategjik i vendit dhe kanë ruajtur një nivel të lartë ambicie për të ecur përpara në negociatat e anëtarësimit.

Shqipëria ka vazhduar të bëjë progres në reformat nën grupin themelor, veçanërisht në reformën gjithëpërfshirëse në drejtësi dhe procesin e vetingut, përfundimi i të cilit në shkallë të parë është i pashmangshëm, nëpërmjet rezultateve të mira në çështjet antikorrupsion dhe duke rritur kapacitetet e saj në hetimet financiare kundër krimit të organizuar.

Angazhimi aktiv i Shqipërisë gjatë mandatit të saj si anëtare jo e përhershme në Këshillin e Sigurimit të OKB-së deri në fund të vitit 2023, si dhe të dhënat e saj të përafrimit të plotë me politikën e përbashkët dhe të jashtme të sigurisë së BE-së, dëshmojnë për zgjedhjen e saj strategjike për anëtarësimin në BE dhe rolin e një partneri të besueshëm ndërkombëtar.

Pas konferencës së parë ndërqeveritare për negociatat e anëtarësimit në korrik 2022, seancat e shqyrtimit për të gjashtë grupet e acquis të BE-së përfunduan në nëntor 2023.

Në fund të vitit 2023, Komisioni i paraqiti Këshillit raportin e vlerësimit të standardeve hapëse, ku ai arriti në përfundimin se Shqipëria kishte përmbushur kërkesat për hapjen e negociatave për grupin themelor.

Komisioni përshëndet hapjen e negociatave mbi grupin themelor në konferencën e dytë ndërqeveritare të mbajtur më 15 tetor, e cila shënoi një moment kyç në rrugën drejt anëtarësimit.

Komisioni gjithashtu mbështet hapjen e negociatave në grupin 6 – Marrëdhëniet me Jashtë drejt fundit të vitit nëse vijon trendi pozitiv.

Qeveria shqiptare sinjalizoi objektivin e saj për mbylljen e negociatave të anëtarësimit deri në fund të vitit 2027 dhe Komisioni është i gatshëm të mbështesë këtë objektiv ambicioz.

Për këtë qëllim, është thelbësore që autoritetet të intensifikojnë më tej ritmin e BE-së, reforma të orientuara, veçanërisht në sundimin e ligjit, duke konsoliduar historikun e zbatimit të ligjit, në luftimin efektiv të korrupsionit dhe krimit të organizuar dhe promovimin e të drejtave themelore, duke përfshirë lirinë e medias, të drejtat e pronës dhe pakicat.

Sot, më 30 tetor 2024, dollari amerikan, blihet me 90.4 lekë dhe shitet me 91.4 lekë.

Euro, blihet me 98 lekë dhe shitet 98.6 lekë.

Franga zvicerane, këmbehet në blerje me 104.1 lekë, ndërsa në shitje me 105.1 lekë.

Paundi britanik, blihet me 117.3 lekë dhe shitet me 118.5 lekë.

Dollari kanadez, sot në blerje këmbehet me 65.1 lekë, ndërsa në shitje me 66.4 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Në kuadër të festave të 28-29 Nëntorit, një flamur i përmasave gjigante është duke u përgatitur në Fier. Kjo falë Kryetarit të Shoqatës Atdhetare për Unitet dhe Bashkim, Kristaq Ziu. Ky i fundit është duke qepur flamurin e përmasave 800 metër katror.

Ky është jo vetëm flamuri i krenarisë kombëtare, por edhe i bashkimit ndër shqiptarë ka pohuar Ziu, i cili që prej tre ditëah po merret me qepjen e flamurit më të bukur në botë!
“Ne pretendojmë ta kemi Shqipërinë e bashkuar jo vetëm për festat e Nëntorit apo stadium, por shqiptarët duhet të jenë 24 orë të bashkuar për çështjet e flamurit”, tha ai.
Ziu ka dhënë mesazhin për gjithë shqiptarët anembanë botës ta mbajnë gjithmonë në zemër flamurin kuq e zi që është larë me gjak ndër breza.