Month: November 2024

Një telefonatë e pazakontë ka mbërritur këtë të martë në “Aldo Morning Show” nga një 25–vjeçare, e cila ka kërkuar të njihet me një tjetër vajzë.

Elona, e cila ishte transferuar nga Berati në Tiranë, tha se ka pasur disa të dashur, por ka kuptuar se diçka nuk shkon me të dhe kërkon një vajzë që të jetë nga fshati, pasi e frymëzojnë më shumë.

“Jam Elona nga Berati, por tani kam ardhur të jetoj në Tiranë që të kaloj pjesën tjetër të jetës.

Unë jam 25 vjeç dhe kërkoj një lidhje me një femër tjetër. Jam shumë e bindur për këtë duke qenë se kam patur lidhje me disa meshkuj.

Mendoj se duhet të ndryshoj pretekstin pasi kam kuptuar se ka diçka që nuk shkon”.

“Dua që të jetë nga fshati, të vjelë rrush ose të mjelë lopë se më inspiron shumë. Nuk i dua më kastravecat, dua domate ose pomodorini, po edhe nga ata domatet e pjekura s’ka gjë.

Kush është e interesuar të më marrë. Unë kam hequr dorë nga meshkujt dhe po kërkoj një femër, mund të jetë edhe një mashkull që është kthyer në femër, s’ka gjë”, tha 25-vjeçarja.

Qenka e rëndë kur dikush ta rrahë nënën në shtëpinë tënde dhe ti e kupton se ai qenka dashnori i saj.

Tashmë e urrej edhe nënën, por më duhet të pajtohem me fatin se nuk kam baba dhe duhet t’i përballoj të gjitha…, shkruan D. “Nuk mund të mësoj, edhe pse jam regjistruar në kursin veror për mësimin e gjuhës angleze. 

Nuk dal askund me shoqëri, por as nuk mund të fle, sepse prindërit e mi janë ndarë para dy vjetësh. Por, ky nuk është i tërë problemi.

Vjen dashnori i nënës sime në banesën tonë dhe fle me nënën time, kurse unë fle vetëm, në dhomën tjetër. Tash jam 12 vjeçe dhe i kuptoj të gjitha, por më pengon shumë ai, i cili vjen në banesën tonë si të jetë banesa e tij.

Në fillim, sa herë që vinte ai, nëna më thoshte të shkoja te fqinji ynë, Beni, e të luaja me të, kurse kohëve të fundit nuk më thotë asgjë,

por mbyllet me të nën dhomën e fjetjes, kurse unë rri në kuzhinë duke shikuar televizorin ose dal para banesës dhe luaj me shoqet e hyrjes sonë… E rrihte nënën dhe…

Ditë më parë, derisa luaja me shokë e shoqe para ndërtesës sonë, u ngatërruam thuajse për asgjë. Një shoqe imja, e cila edhe u grind me mua, më tha troç:

“Po të ishe trime, siç je tash, do e dëboje dashnorin e nënës tënde nga shtëpia, e jo ai të fle aty sa herë që të dojë…”. Kjo gjë më bëri të ndihesha keq, ma ngriti gjakun…

Sepse, nuk isha më vajzë e klasës së parë, por sapo e kreva klasën e gjashtë dhe merrja sado pak erë nga jeta… E hidhëruar shkova në banesë dhe posa hyra brenda i thash nënës:

“A është e vërtetë se ai… shoku yt…, që po vjen në banesën tonë, është dashnori yt?”. “Pse?!”, ma ktheu me habi ajo. “Kjo nuk është punë për ty!”, më qortoi ajo. Dhe, nuk voni shumë e ai erdhi.

Edhe atë natë, si zakonisht, meqë ishte mbrëmje, qëndroi te ne. Pas mesnate ma nxorën gjumin shuplakat e tij teksa e rrihte nënën time. E pata vështirë teksa e dëgjoja nënën kah qante, kah dëneste…

Pas shuplakave pasonin edhe veprimet tjera të pakëndshme në shtrat, të cilat sjellje as që ia kujtonin ndonjërit se unë isha aty, në dhomën tjetër dhe i dëgjoja pa dashje…

Të nesërmen, por edhe ditëve të tjera në vazhdim, as që doja ta shihja time nënë me sy. E urrej me tërë shpirtin dhe për herë të parë e ndjeva me shpirt mungesën e babait tim, i cili para dy vitesh iku prej nesh, duke na lënë vetëm dhe shkoi në Zvicër, ku edhe jetonte dhe punonte prej kohësh…

Kështu, pas asaj dite jeta ime vazhdonte me trauma psikike dhe për këtë ime ëmë as që brengosej, por qëllimi i saj i vetëm ishte kënaqësia me dashnorin dhe asgjë tjetër…

Nuk fliste me mua… Një mbrëmje i thash nënës ta largonte nga shtëpia atë njeri, që për mua dita-ditës bëhej gjithnjë e më bajat. Por, ajo ma ktheu: “Unë nuk mund ta largoj, sepse ai po na mban.

Kur të rritesh ti, punësohu dhe tek atëherë mund të jetojmë të pavarur prej tij”. “Turp të kesh! E shet veten për të jetuar?!”, i thash pa mëdyshje. “Pse nuk e thërret babanë tim dhe t’i tregosh se nuk kemi nga të ekzistojmë, në mënyrë që ai të na dërgojë para, por na mban ai që të rrahë sa herë t’i teket, sa herë të dojë?!”.

Dhe, për çudi, ime ëmë ia kishte thënë të gjitha atij dhe nga ai moment ai më nuk fliste me mua, madje as nuk më përshëndeste, ndonëse shkuarje-ardhjet e tij në banesën tonë as sot e asaj dite nuk kanë të ndalur…D

Për këtë qëllim egziston edhe një agjenci e që koordinon këtu lidhje përmes internetit. 

Beqarët e vjetër maqedonas dhe serbët vazhdojnë të martohen me femra shqiptare duke paguar shuma të majme parash.

Një numër i serbëve, maqedonasve, boshnjakëve e kanë gjetur gruan e tyre përmes grupit “Shqiptaret për martesë” në Facebook.

Agjensia Kurir në Serbi thotë se motivet e grave të reja shqiptare për t’u martuar janë kryesisht për t’i shpëtuar varfërisë,

dhe motivi më i zakonshëm për burrat serbë është që ata nuk mund të gjejnë gra të përshtatshme për veten e tyre.

Shqiptarët janë patriarkalë dhe “skllave të shtëpisë”, thonë nga agjensia.

Ky është një variant i lirë që kushton rreth 1.000 euro, dhe ekziston mundësia që nusja të sillet në

shtëpi te burri i saj i ardhshëm dhe të qëndrojë atje për 10 ditë, pas së cilës burri vendos nëse qëndron apo jo.

Ky variant kushton rreth 2,000 euro, thonë nga agjensia. Psikologu social Vesna Tomic thotë se martesa të tilla

kanë ekzistuar gjithmonë, por tani janë në rritje pasi shumë njerëz, sidomos gra, largohen nga fshatrat.

Lisa Wagstaff,zbuloi surprizën më të hi dhur të jetës.Një ditë,ajo vendosi të kontrollonte llogarinë në Facebook të nënës,

pasi ajo kishte fjalëkalimin e saj dhe zbuloi se ajo kishte thënë “I love you” një djali që dukej shumë më i ri se ajo. 

Por gjëja e pakëndshme erdhi më vonë, kur e kuptoi se dashnori mi stik i nënës së saj ishte burri i saj me emrin Sam,i cili ishte përgjigjur me të njëjtën frazë romantike.

“U ndjeva e tme rru ar kur pashë mesazhet mes nënës sime dhe të dashurit tim.Ata kishin pasur një aventurë pas meje për disa muaj.

Mami kishte dërguar edhe fotografitë e saj te Sami”,tha ajo.Lisa u largua duke marrë fëmijët e saj.

Ajo gjithashtu tha se, aktualisht,ish-i i saj Sam dhe nëna e saj,Angie,vazhdojnë të jetojnë së bashku dhe nuk kanë tentuar të kontaktojnë për të ditur për familjen.

Egert Bakalli, trajneri i Dinamo U-15 bashkë me lojtarët e skuadrës kanë surprizuar sot në spital, Luis Meçen, i cili mori 4 plagë në trup gjatë sherrit me thika pranë shkollës “Fan Noli”.

Në këto momente mjaft të vështira, shokët janë më të bashkuar se kurrë, jo më në fushën e blertë, por fatkeqësisht në ambientet e spitalit.

Vdekje e 14-vjeçarit pas një sherri për arsye banale jashtë shkollës me një grup bashkëmoshatarësh tronditi mbarë opinion publik.

E teksa Martin Cani atë ditë duhej të kthehej për stërvitje në fushën e gjelbër, 14-vjeçarit ju ndërprenë ëndrrat në mes pas një sherri që degradoi në përdorimin e thikës.

Ngjarja u shënua mesditën e kësaj të hëne, ku një konflikt mes nxënësve të “Fan Nolit” dhe një tjetër shkolle në Sauk përfundoi në tragjedi. Konflikti mes të rinjve kishte nisur në rrjetet sociale dhe u zhvendos në afërsi të shkollës “Fan Noli” në të cilën shkolloheshin dy të rinjtë, viktima dhe shoku i tij.

Policia e Tiranës bëri me dije se ngjarja ndodhi  rreth 200-300 metra larg shkollës “Fan Noli”. Katër të rinjtë u konfliktuan me njëri-tjetrin, konflikt i cili më pas agravoi deri në përdorimin e thikës.

Mot i qëndrueshëm në fundjavë por i ftohtë. Meteorologia Lajda Porja parashikon se gjatë mbrëmjes së të premtes, reshjet e shiut do të dobësohen, por në zonat juglindore, do të konvertohen në reshje dëbore. Një masë ajrore e ftohtë që vjen nga verilindja e Evropës, do të sjellë rënie temperaturash.

“Sa i përket mbrëmjes, gjatë natës do të ketë dobësim të reshjeve dhe konvertim të tyre në dëborë në zonat juglindore. Për shkak se gjatë natës do të kemi depërtimin e një mase të ftohtë që po vjen nga verilindja e kontinentit duke sjellë rënie të menjëhershme të temperaturave. Sot është dita e fundit me temperatura të larta dhe ditë tipike vjeshte, ku maksimalet janë 19-20 gradë.

Duke filluar nga nesër, e shtuna dhe e diela, përmirëson ndjeshëm situatën e reshjeve, ku territori do të jetë pa reshje, përjashtuar juglindjen ku do të ketë reshje dëbore. E diela do të jetë pa reshje por të ftohta. Temperatura -3 gradë presim të shtunën. Maksimalet do të pësojnë gjithashtu rënie ku do të jetë 16-17 gradë. E diela do të sjellë një tjetër rënie, duke bërë që temperaturat në vlerat minimale të jenë -5 gradë.“, tha Porja.

Edhe rajoni do të jetë me mot të qëndrueshëm gjatë fundjavës por me temperatura të ulëta. Në Kosovë, parashikohet që temperaturat të bien në -6 gradë ndërsa në Maqedoninë e Veriut në -4 gradë.

Mario Perlleshaj, 14 vjeçari që akuzohet se ka vrarë me thikë shokun e tij të shkollës Martin Cani, rezulton se ka qenë një nxënës ekselent te “Fan Noli”. Babai i tij, i tronditur dhe pa fjalë nga ngjarja e kobshme, ka nxjerr deftesën e tij të shkollës.

Siç u pa dhe nga pamjet që solli emisioni “Top Story”, Mario Perlleshaj i kishte të gjitha lëndët 10-ta. Babai i tij, Ndue Përlleshaj i ka vënë në dispozicion gazetarit Eraldo Harlicaj deftesën e djalit, të cilën mund ta shihni më poshtë.

“Unë nuk di asnjë gjë, as si ka ndodh dhe as çfarë ka ndodh. Unë kam qenë në ndërtim kur ka ndodh problemi, ka kamera. Mos të spekulojmë, unë punoj me djersë, mbaj familjen time. Kush është ai prind që i lë thikë fëmijë?! Ça i ke këto pyetje banale që bën. Unë nuk kam fjalë për të thënë për familjen që i ka ndodhur fatkeqësia. Nuk kam fjalë, do të flas. Le ta marrë ligji në dorë. Djali është i tronditur, i shokuar, ai nuk di çfarë flet. Është në spital, i plagosur”, u shpreh Ndue Perlleshaj.

Ai është shprehur se familja e tij është e tronditur nga ngjarja dhe dhimbja është aq e madhe sikur të kishte vdekur djali i tij. Ndue ka theksuar se nuk ka folur me familjen e 14 vjeçarit të ndjerë, por do ta bëjë atë sepse ata nuk kanë dashur t’i bëjnë keq askujt.

“Me familjen e Martinit nuk kam folur. Kam aq burrni, aq karakter e aq shpirt sa të flas me familjen e Martinit. Nuk i kam bërë keq askujt në jetën time, unë nuk jam familje ordinere. Jam familje që punojmë në ndërtim. Kemi një djalë, që jemi munduar me e rrit.

Ju keni publikuar budalliqe më përpara. Keni dashur me degjeneru familjen time. Unë dhimbjen e ndaj me zotërinë, sikur të më kishte vdek djali im. Unë njerëzit nuk i ndaloj dot, mua më intereson fatkeqësia e zotërisë. Djali im është i sëmurë, është në spital, jashtë rrezikut për jetën”, tha Ndue Perlleshaj.

Në tregun e këmbimit valutor shqiptar sot një dollar do blihet me 92.8 lekë dhe do shitet me 94.2 lekë.

Ndërkohë monedha evropiane euro do blihet me 97.8 lekë dhe do shitet me 98.4 lekë.

Franga zvicerane sot në tregun shqiptar do blihet me 104.8 lekë dhe do shitet me 105.8 lekë.

Ndërsa paundi britanik do blihet me 117 lekë dhe do shitet me 118 lekë.

Sot është Dita e Alfabetit Shqip, tashmë e shpallur festë zyrtare e Shqipërisë. 22 Nëntori ka simbolikë të veçantë dhe specifikon momentin më të madh unifikues të shqiptarëve, në përkujtim të Kongresit të Manastirit, i zhvilluar mes datave 14 deri në 22 Nëntor të vitit 1908.

Këshilli i Ministrave, miratoi një vendim për një ndryshim për ligjin për festat kombëtare dhe ditët përkujtimore, duke i propozuar Kuvendit të Shqipërisë shtimin e Ditës së Alfabetit si një nga festat tona kombëtare.

Dita e Alfabetit Shqip, u miratua nga Kuvendi në shkurt të këtij viti dhe kjo është hera e parë që kremtohet si festë zyrtare. Iniciativa u mor edhe pas diskutimeve në samitin e diasporës.

Në Kongresin e Manastirit, morën pjesë 50 delegatë nga 26 qytete të ndryshme, klube dhe shoqata. Në këtë Kongres, u miratua vendimi që të pranohet alfabeti latin me disa ndryshime të shkronjave, duke i përshtatur ato për gjuhën shqipe.

Në Manastir morën pjesë intelektualë shqiptarë nga të gjitha trojet. Kryetar i kongresit u zgjodh Mid’hat Frashëri, kurse nënkryetarë ishin Luigj Gurakuqi dhe Gjergji Qiriazi, ndërsa motra e tij Parashqevi Qiriazi ishte gruaja e vetme në këtë kongres.

Sipas numrit dhe rëndësisë së pjesëmarrësve, Kongresi i Manastirit, ka qenë ngjarja më e rëndësishme e popullit shqiptar në fillimet e shekullit XX, ku si rezultat i kësaj pune më 28 nëntor të vitit 1912 u shpall edhe pavarësia e Shqipërisë.

Edhe për shqiptarët e Maqedonisë së Veriut, kjo ditë është festë kombëtare. Në Manastir funksionon Muzeu i Alfabetit të Gjuhës Shqipe, në të cilin gjenden rreth 56 fotografi të pjesëmarrësve dhe 230 dokumente në formë digjitale dhe në letër.

Një 55-vjeçar ka rënë në prangat e Policisë së Korçës pasi ka djegur banesën e tij.

Sipas njoftimit të policisë mësohet se ngjarja ka ndodhur në fshatin Sovjan, ku shtetasi Durim Rusi, dyshohet se i ka vënë zjarrin banesës së tij.

Ndaj këtij shtetasi rëndojnë akuza “Shkatërrimi i pronës me zjarr”.  

 Njoftimi i Policisë:

Në vijim të informacionit paraprak të dhënë ditën e djeshme, për një zjarr në fshatin Sovjan, në banesën e shtetasit D. R., 55 vjeç, iu informojmë se Specialistët e Hetimit të Krimeve në Komisariatin e Policisë Maliq, arrestuan në flagrancë 55 vjeçarin për veprën penale “Shkatërrimi i pronës me zjarr”, pasi dyshohet se i ka vënë vetë zjarrin banesës.