Month: November 2024

Në një postim në rrjetet sociale, Egla Ceno u pyet nëse do të dëshironte të ishte opinioniste në spektaklin “Big Brother Vip Albania”.

Ajo u përgjigj duke thënë se nuk është shumë e prirur për këtë rol, pasi i duhet të përgatitet dy herë në javë, por la të hapur mundësinë. “Jo, sepse përtoj të pispillosëm 2 herë në javë, por nëse më propozohet do e vlerësoj,” shkruan ajo.

Kjo përgjigje sugjeron se, ndonëse ajo nuk është plotësisht e vendosur për një rol të tillë, nuk do të refuzonte një ofertë të mundshme. Fansat e saj janë kuriozë për të parë nëse Egla do të marrë ndonjë propozim për këtë pozicion dhe si do të përgjigjet ajo.

Pas një periudhe të vështirë dhe pas ndarjes nga Bes Kallaku, këngëtarja Xhensila Myrtezaj ka ndarë këngën e saj të re “Thuaju”, e cila vjen si një rrëfim i sinqertë për sfidat dhe sakrificat që shumë gra përjetojnë në heshtje.

Në videomesazhin e saj emocional të postuar në rrjetet sociale, Xhensila flet për dhimbjen dhe fuqinë e një gruaje që ka duruar padrejtësi për hir të fëmijëve dhe për të ruajtur balancat. Ajo pranon se çdo ditë përballet me kritika, por edhe me mbështetje të madhe nga ndjekësit e saj.

“Ky album është për të gjitha gratë, vajza, mbi të gjitha nënat, të cilat për hir të fëmijëve kanë duruar, kanë sakrifikuar, kanë mohuar veten, kanë qeshur ndërkohë që brenda shpirti ka qarë. Për hir të fëmijëve kanë heshtur për të mos e thënë të vërtetën e tyre kurrë”, shprehet Xhensila.

Aktori Bes Kallaku, ka folur për herë të parë lidhur me tekstet e këngëve të tij, të cilat shpesh herë, që prej ndarjes nga Xhensila Myrtezaj, është aluduar se i dedikohen asaj. Në një intervistë të shkurtër, Besi nuk e mohoi që tekstet që janë shkruar nga vetë ai, janë një frymëzim personal, edhe pse nuk e quan veten këngëtar.

“Projektet e mija televizive për momentin janë stopuar për momentin, deri në sezonin e ardhshëm. Tani patjetër që jam fokusuar tek këngët, unë e kam thënë që nuk jam këngëtar. Po them gjithçka në lidhje me këngën, unë kam bërë krijimin e teksteve dhe mund ta quaj frymëzim personal”, tha ai për “Goca dhe Gra” në një lidhje telefonike.

Kjo deklaratë e aktorit, vjen pak ditë pasi ai publikoi këngën e tij më të fundit, ku nuk kanë qenë të pakta komentet se është një dedikim për Xhensilën.

“Falja, të gjithë më thonë falja, jo nuk ma bën zemra. Doja të ta falja. A ia vlejti kur zemrën e shite”, janë disa nga vargjet e këngës, ku nënkuptohet se fajtore e ndarjes mund të ketë qenë Xhensila. Kjo është kënga e dytë që Besi bën me pothuajse të njëjtën temë. Edhe në bashkëpunimin e tij të mëparshëm, artisti fliste për një femër që i kishte thyer zemrën, duke e quajtur “Mosmirënjohëse”.

Tashmë, pas disa muajsh nga divorci i bujshëm me këngëtaren, Besi ka zgjedhur këtë mënyrë për të zbuluar se ka qenë Xhensila shkaku për këtë ngjarje. Deri më tani, asnjë nga ish-çifti, apo miqtë e afërt, nuk flasin për detaje nga kjo ndarje.

Vetë Xhensila, edhe me mikeshat e afërta ka zgjedhur që mos të japë shumë detaje nga kjo ndarje, duke u mjaftuar me faktin se prej kohësh kishin probleme. Sakaq, më i prekur është shfaqur Besi, i cili edhe përtej këngëve, është shprehur nëpër miq se ndarja ka ardhur me kërkesë të Xhensilës, pasi ai vetë nuk do të donte ta prishte familjen.

Xhensila Myrtezaj iu drejtua Gjykatës me padi për divorc, pas konflikteve me ish-partnerin e saj për pasurinë. Fillimisht dyshja tentuan t’i jepnin fund martesës me marrëveshje, por pas kërkesës së aktorit që këngëtarja të hiqte dorë nga pasuria u janë drejtuar dyerve të gjykatave. Padia e parë e këngëtares për zgjidhjen e martesës u kthye mbrapsht nga Gjykata për shkak se nuk e kishte firmosur, por kishte autorizuar avokaten. Gjithashtu, u kthye mbrapsht edhe padia e po ashtu për arsye procedurale i është kthyer edhe Bes Kallakut. Këngëtarja dhe aktori e kanë ridorëzuar padinë të plotësuar sipas procedurave.

Në dokumentet e depozituara në gjykata nga ana e këngëtares mësohet se ish-çifti prej rreth 1 viti nuk jetojnë së bashku. Në padi thuhet se martesa e tyre ka qenë harmonike, por në dy vitet e fundit marrëdhëniet në çift janë acaruar. Gjithashtu, thuhet se martesa ka mbetur formale, nuk funksionon më dhe ka humbur kuptimin e saj për të cilin është lidhur. Shkak, sipas padisë, “kanë qenë keqkuptimet e vazhdueshme, të cilat edhe pse me përkushtim nga të dyja palët, nuk kanë gjetur gjuhën e përbashkët për zgjidhje përfundimtare”. “Paditësja Xhensila Kallaku dhe i padituri Besart Kallaku, kanë lidhur martesë ndërmjet tyre, të cilën e kanë celebruar në datë 13.06.2018, siç vërtetohet edhe nga certifikata e martesës e lëshuar nga Zyra e Gjendjes Civile 381, Njësia Administrative nr. 9. Palët ndërgjyqëse janë njohur me dashuri.

Paditësja dhe i padituri janë njohur në një moshë shumë të re. Ata kanë ndërtuar marrëdhënien e tyre mbi baza të dashurisë dhe respektit reciprok. Palët ndërgjyqëse kanë filluar të bashkëjetojnë me njëri-tjetrin në vitin 2011, në banesën e prindërve të të paditurit. Më datë 1 (një) Shtator të viti 2017 palët kanë realizuar martesën faktike. Pas celebrimit të dasmës së tyre, palët kanë filluar bashkëjetesën”, thuhet në padinë e depozituar në gjykatë.

Ndërsa vazhdon: “Marrëdhëniet bashkëshortore kanë qenë të mira dhe harmonike. Në dy vitet e fundit, marrëdhëniet në çift janë acaruar, shkak kanë qenë keqkuptimet e vazhdueshme, të cilat edhe pse me përkushtim nga të dyja palët, nuk kanë gjetur gjuhën e përbashkët për zgjidhje përfundimtare. Çifti ka rreth një vit që nuk jetojnë më bashkë. Në kushtet që martesa ka mbetur formale nuk funksionon më, dhe ka humbur kuptimin e saj për të cilin është lidhur, paditësja i drejtohet Gjykatës me padi për zgjidhjen e kësaj martese dhe rregullimin e pasojave që vijnë prej saj”, deklarohet në padinë për zgjidhje martese pa faj.”

Ndarja e çiftit të njohur, Bes Kallaku dhe Xhensila Myrtezaj, është prej kohësh në qendër të vëmendjes. Burime nga gjykata e Tiranës bëjnë me dije detaje të tjera nga padia e këngëtares, e cila jo vetëm kërkon që divorci të kryhet pa faj, por, gjithashtu, kërkon lënie për edukim dhe rritje të fëmijëve si edhe pension ushqimor prej 150 mijë lekë të vjetra për dy të miturit. Problemet e tyre kanë filluar që dy vite më parë, gati një vit është tentuar që t’i rregullojnë marrëdhëniet, por prej një viti nuk janë më bashkë…

Aktori i famshëm, Arben Derhemi ka sulmuar Ermal Mamaqin në një postim në rrjetet sociale, ku e quan një pseudo humorist të kthyer në “producent filmash” që ofendon figura që kanë bërë art në kohë të vështira.

“U ulën malet, u ngritën halet”, shkruan Arben Derhemi për aktorin e humorit, i cili pasi u largua nga “Portokallia” dhe u bë autor i emisionit të tij “6 ditë pa Ermalit, u kthye në producent filmash dhe bën trajnime se si të bëhesh i suksesshëm.

Arben Derhemi shprehet se dëgjon me dhimbje ofendimin e figurave që kanë bërë art me punë e sakrifica, dhe “jo duke u zvarritur si larva dhe duke u lëpirë e bërë lolo te çdo lloj pushteti e pasunari”, që është konsideruar thumb për Ermal Mamaqin.

“Sa me dhimbje lexojmë që pseudo humoriste bëhen “producentë filmash” dhe akoma me më dhimbje i dëgjojmë që ofendojnë figura që me aq sakrifica e pune, ia kanë dalë të bëjnë art në kohët më të vështira, jo duke u zvarritur si larva dhe duke lëpirë e bërë lolo të çdo lloj pushteti e pasunari…….. Ps. U ulen malet u ngritën halet”, shkruan ai.

Reagimi i Derhemit, vjen pasi Mamaqi i quajti pijanecë kineastët e mëparshëm. Por kjo nuk është hera e parë që aktori ka sulmuar Ermal Mamaqin, pasi menjëherë pas eventit të “Dy gisht mjaltë” u shpreh se bën film një njeri që s’ka lidhje me teatrin, regjinë dhe aktrimin.

“Fatkeqësia e ndjek edhe televizionin edhe filmin. Jo më larg se para ca kohësh, patëm një event të çuditshëm d.m.th, u shkul e gjithë Shqipëria! S’e merr vesh njeri. Bën film një njeri, i cili nuk ka lidhje fare me teatrin, me regjinë me aktrimin. Bën film dhe ti vetëm kur dëgjon nga dikush: Ore, sa bukur, e ke parë atë filmin?”, shkruante Arben Derhemi.

Keidi Bare është kthyer pas shumë kohësh në listën e Kombëtares shqiptare, me trajnerin Silvinjo që e ka përfshirë mes emrave të përzgjedhur për sfidat e muajit nëntor ndaj Çekisë dhe Ukrainës. Por prania e mesfushorit është në dyshim për shkak të një dëmtimi që ka pësuar prej dy javësh e që vazhdon ta mbajë larg fushave të lojës

Trajneri Silvinjo e pranoi se situata e Bares ishte nën vëzhgim, por tashmë zbulohet se ka një kërkesë zyrtare që ai të mos jetë i grumbulluar më Shqipërinë për shkak të dëmtimit të pësuar së Spanjë.

Klubi i Saragozës ka kërkuar që Bare të mos jetë i pranishëm në listën e kuqezinjve për këto ndeshje, duke argumentuar se nuk është ende i riaftësuar nga dëmtimi për të zhvilluar stërvitje normalisht, arsye pse gjatë gjithë këtyre ditëve ka bërë vetëm ushtrime veçmas grupit.

Klubi spanjoll shpreson që Silvinjo të pranojë këtë kërkesë dhe të lërë të lirë Baren që të mos udhëtojë drejt vendit tonë për t’u verifikuar nga stafi mjekësor kuqezi, për të vazhduar rikuperimin e tij në Spanjë. Vetëm të hënën do të mësohet vendimi i Silvinjos dhe stafit të tij sa i përket grumbullimit apo jo të mesfushorit, i cili ishte një nga mungesat e mëdha në Euro 2024 edhe pse po kalonte një formë shumë e mirë me klubin e tij.

Mikela Pupa, ish-banorja e njohur e “Big Brother VIP Albania,” ka përjetuar një nga momentet më të bukura në jetë duke u bërë nënë për herë të parë.

Mikela dhe partneri i saj mirëpritën në jetë një vajzë, të cilën e kanë pagëzuar me emrin e bukur Aura.

Lajmin emocionues e ndau me ndjekësit e saj në rrjetet sociale, aty ku tregoi edhe emrin që ka zgjedhur për të voglën e saj.

Urime Mikelës për këtë kapitull të ri në jetën e saj dhe mirëseardhjen e vogëlushes Aura!

Shtatë emigrantët që mbërritën pak ditë më parë në Shëngjin, për t’u strehuar në kampin e Gjadrit, do të kthehen sërish në Itali.

Seksioni i imigracionit në gjykatën e Romës ka referuar në Gjykatën Evropiane të Drejtësisë çështjen e emigrantëve të mbajtur në Shqipëri, duke pezulluar masën e vlefshmërisë së ndalimit. Vendimi ka të bëjë me shtatë emigrantë, egjiptianë dhe bangladeshas, të cilët tashmë ndodhen brenda qendrës së paraburgimit italian për riatdhesimin, në Gjadër.

Pas përfundimit të afateve të vlefshmërisë, shtatë emigrantët do të duhet të largohen nga qendra e Gjadrit. Teksti i dispozitës së seksionit XVIII të imigracionit të Gjykatës së Romës, “i referohet Gjykatës së Drejtësisë së Bashkimit Evropian, në zbatim të nenit. 267 TFBE” dhe “pezullon vendimin aktual të vlefshmërisë së pa paragjykuar efektet e ndalimit të përkohshëm të urdhëruar nga administrata me ligj (neni 6 Dekreti Legjislativ 142/2015 dhe 14 TU Emigracioni dhe neni 4 i Protokollit Shqiptar)”.

Sipas këtij vendimi, shtatë emigrantët do të kthehen në Itali pasi të kenë mbaruar afatet e paraburgimit, pra 48 orë, për të cilat gjykata ka pezulluar vendimin. Prandaj ata do të largohen nga Gjadri ku u dërguan nga anija Libra e Marinës Italiane.

Kjo është hera e dytë që grupi i emigrantëve ilegalë nga Italia dërgohet në Gjadër, e më pas kthehet sërish në Itali.

Një burrë gjeti vdekjen tragjikisht në bordin e avioni, i cili ishte nisur nga Tirana drejt Mançesterit të dielën mbrëma.

Fluturimi i Ryanair nga Tirana për në Aeroportin e Mançesterit u detyrua të devijonte papritur drejt Londrës Stansted për shkak të urgjencës mjekësore në bord.

Mediat britanike shkruajnë se burri, mosha e të cilit nuk është konfirmuar, sikurse nuk është bërë i ditur edhe identiteti i tij, u shpall i vdekur në vendngjarje.

London Stansted konfirmoi se fluturimi u devijua pak para orës 20:00, për shkak të urgjencës mjekësore në bord.

Itinerari i fluturimit tregon se si avioni u nis nga Shqipëria të dielën, përpara se të fluturonte mbi Itali, Zvicër e Francë, ndërsa u detyrua të ulej në Stanstead.

Një zëdhënës i Shërbimit të Ambulancës Lindore të Anglisë tha se ‘pavarësisht përpjekjeve më të mira të të gjithë të përfshirëve, burri kishte vdekur në avion”.

Një zëdhënës i aeroportit Stansted shtoi: “Fluturimi të cilit i referoheni u devijua në Stansted të Londrës pak para orës 20:00, të së dielës mbrëma, për shkak të një urgjence mjekësore në bord.

Ryanair është kontaktuar për një koment.

Ish-kryeministri Sali Berisha i është përgjigjur thirrjes së Këshillit të Lartë të Prokurorisë, pasi i kërkoi të mos ofendojë prokurorët e SPAK-ut.

Thirrja e KLP-së erdhi pas një lumë epitetesh me fjalë të ulëta që Berisha i drejtoi dy ditë më parë kreut të SPAK-ut, Altin Dumani.

Por Berisha nuk e ka pritur mirë thirrjen e KLP, pasi ka sulmuar edhe kryetaren e këtij institucioni Mirela Bogdani, duke e quajtur si “skllave të Vath Stakës dhe Altin Dumanit”.

Deklarata e Berishës:

Të dashur miq, sot kryetarja e KLP-së, zonja Bogdani, e cila është kryetare e KLP-së, kandidatura e Arben Rakipit, e mafiozit, e kryemafiozit të Shkollës së Magjistraturës dhe xhelatit të Sigurimit të Shtetit, sot ka bërë një komunikatë pas sulmeve të ligjshme që unë me fakte, me dokumente kam bërë kundër Altin Dumanit, mercenarit të organizatës kriminale Skapi i partisë dhe BKH-së, kundër prokurorëve skapistë që i paguajnë qytetarët shqiptarë sa 70 pensionistë në muaj.

Që marrin rrogat më të larta në Ballkan dhe si gjakpirës tregtojnë me dosje krimi gjithë natën dhe ditën me vrasësit dhe trafikantët për t’u marrë ryshfete dhe gjoba.

Për të falsifikuar dokumente dhe për t’i fshehur ato.

Për të prishur provat dhe lehtësuar krimet e tyre.

Zonja Bogdani, nuk të njoh dhe nuk e kam për mbarë që për njerëz që nuk i njoh, të flas.

Por për deklaratën tënde, së pari duhet të siguroj çdo punonjës të institucioneve të Shqipërisë, që bëjnë punën me nder, që bëjnë punën me përkushtim, unë kam vetëm respekt dhe vetëm respekt.

Por ti zonjë, që reagove sot, ti je skllave e Vath Stakës dhe Altin Dumanit.

Gazetarja Anila Hoxha tregoi për herë të parë se është kontaktuar nga i shumëkërkuari Ibraim Lici, vëllai i të cilit u vra pak ditë më parë në masakrën e Dobraçit.

Gazetarja tregoi bisedën, ku Lici i kishte rrëfyer se akuzonte me emra punonjës të policisë apo ekspertëve të vendngjarjeve, që kishin manipuluar ngjarjet që ai akuzohet si i përfshirë.

Hoxha tregoi se gjatë bisedës, i kërkoi Licit që ai të dorëzohej dhe të raportonte publikisht për ato që ai pretendonte.

“Ibraim Lici më shkruan nga Turqia. Më dërgon fotografinë e pasaportës. Unë jam ibraim Lici thotë, e marr si shaka i them kush jeni ju. Unë jam thotë, në atë bisedë dhe atë çfarë ka shkruar ky person i kërkuar, akuzon, policinë, ekspert të vendngjarjeve, prokurorinë që sipas tij manipulonin ngjarjen. Do dëshiroja që ky njeri të dorëzohej dhe ato që ka shkruar në telefonin tim ti tregonte. Zyrtare policie me emër mi ka shkuar për manipulim ngjarje dhe Shkodra nuk është marrë asnjëherë seriozisht. Shkodra është si Vlora 2015 qe kishe frikë të lëvizje të qytet”-tha Anila Hoxha në Top Story.

DASHI

E nesërmja do të nisë me një sprint të jashtëzakonshëm. Megjithatë, kini kujdes: mund të lindin rivalitete ose konflikte me partnerin tuaj, veçanërisht nëse ka çështje që lidhen me paratë. Për sa i përket punës, keni nevojë për angazhim maksimal në nivel profesional për të zgjidhur dilemat që ju mundojnë prej disa kohësh.

DEMI

Sipas horoskopit të Paolo Fox (e martë 12 nëntor 2024), kjo nuk është koha e duhur për të shtyrë takime të rëndësishme. Nëse ka një person që ju pëlqen, kjo është koha e duhur për të filluar të flisni për projekte të reja apo programe të reja. Mbeten shumë dyshime se çfarë duhet bërë vitin e ardhshëm, sidomos nga maji e në vazhdim.

BINJAKËT

Afërdita është gati të kthehet në neutralitet dhe kjo sigurisht përfaqëson një lajm të mirë edhe sepse do t’ju lejojë të menaxhoni disa konflikte në punë me lehtësi. Java e ardhshme do të jetë një provë shumë e rëndësishme për çiftet, gjithashtu për të kuptuar se sa e fortë është lidhja që ju bashkon me të dashurin tuaj.

GAFORRJA

Ju po vini në dyshim dashurinë tani. Keni nevojë për vëmendje të vazhdueshme por jo gjithmonë e merrni atë nga partneri juaj. Mundohuni të jeni të kujdesshëm në marrëdhëniet me familjen tuaj dhe të qëndroni pranë atyre njerëzve që kanë nevojë për ju.

LUANI

Sipas horoskopit të Paolo Fox (e martë 12 nëntor 2024), Marsi në shenjën tuaj do t’ju bëjë mjaft të fortë në gjykimet tuaja dhe kurrë nuk do të dorëzoheni. Tani për tani ju jeni vetëm i gatshëm të shkoni në rrugën tuaj. Është koha për të lënë vend për ide të reja dhe miqësi të reja.

VIRGJËRESHA

Nëse e keni humbur çelësin e problemit të jetës tuaj, tani do të ketë të gjitha kushtet për ta gjetur përsëri. Jupiteri kundër tij mund të përfaqësojë ende një burim mundimi për ju, por disa rezultate të mira mund të arrijnë gjatë kësaj jave. Së shpejti do të jeni në gjendje të arrini në fund të problemeve tuaja.

PESHORJA

Gjatë kësaj jave mund të kthehen disa fantazma të lidhura me të kaluarën tuaj. Do të jetë më e lehtë të humbisni durimin… Është e vërtetë që disa përgjegjësi rëndojnë ende mbi jetën tuaj, por kjo nuk do të thotë se do t’ju duhet të ktheheni pas në kohë.

AKREPI

Sipas horoskopit të Paolo Fox (e martë 12 nëntor 2024), pas një periudhe disi të turbullt qielli po ju buzëqesh sërish. Do të arrini të rikuperoheni nga problemet me të cilat u përballët javën e kaluar. Këto ditë do t’ju duhet pak përzemërsi dhe Afërdita do të japë menjëherë një tranzit të favorshëm.

SHIGJETARI

Nuk është një kohë e mirë nëse jeni duke përjetuar një krizë sentimentale. Një nga cilësitë tuaja më të mira është që ju gjithmonë e thoni atë që mendoni pa asnjë filtër, por pikërisht për këtë arsye rrezikoni të bëni armiq. Mërkuri do të forcohet nga një hënë e mirë që do t’ju ndihmojë të zbatoni idetë tuaja fituese në dy ditët e ardhshme.

BRICJAPI

Ky qiell do të vazhdojë të krijojë tokë pjellore për emocione të bukura. Nëse ka situata kritike që ju kanë krijuar probleme prej disa kohësh, ndoshta do të ishte më mirë t’i mbyllni ato menjëherë dhe të shikoni përpara. Këshilla e yjeve është të mos izoloheni, veçanërisht nëse jeni duke përjetuar një dështim romantik.

UJORI

Sipas horoskopit të Paolo Fox (e martë 12 nëntor 2024), në këtë moment ju prireni të vini veten kundër gjithçkaje dhe të gjithëve. Propozimet tuaja novatore nuk kuptohen gjithmonë nga të gjithë, ndaj do t’ju duhet të merreni me të. Jupiteri dhe Mërkuri janë në anën tuaj, prandaj në këtë moment duhet të çoni përpara idetë tuaja.

PESHQIT

Xhelozia juaj shpesh mund të bëhet e pakontrollueshme, veçanërisht nëse keni një partner me shenjën e Dashit, Peshores ose Gaforres. Jupiteri disonant do ju detyrojë të futni ndryshime sidomos në vendin e punës. Fakti që shqetësohesh gjithmonë për të tjerët mund të shfrytëzohet nga dikush…