Month: November 2024

Kancelari gjerman Olaf Scholz dhe presidenti francez Emmanuel Macron pasi e kanë uruar Donald Trump për fitoren e thellë në zgjedhjet presidenciale të SHBA, nuk e kanë fshehur as shqetësimin që mund të vijë nga një kontekst i ri gjeopolitik në kontinentin e vjetër.

Scholz dhe Macron kanë zhvilluar një bisedë telefonike ku kanë theksuar nevojën për forcimin e bashkëpunimit mes shteteve evropiane në këtë realitet të ri politik.

Scholz thekson edhe rrezikun që i paraqitet sigurisë së Evropës nga Rusia ndërsa në reagimin e tij, Macron thotë se Bashkimi Evropian duhet të fokusohet në mbrojtjen e interesave dhe vlerave të saj.

Reagimi i Scholz:

Amerika ka votuar. Gjermania mbetet një partner i besueshëm transatlantik. Kjo vlen edhe për kërcënimin e sigurisë që paraqet Rusia në rajonin euroatlantik sipas të gjithë aleatëve të NATO-s.

BE-ja tani duhet të qëndrojë veçanërisht afër – dhe të veprojë e bashkuar. Si Kancelar, unë jam duke punuar drejt këtij qëllimi, së bashku me Emmanuel Macron. Ne jemi duke u koordinuar ngushtë me krerët e shteteve dhe qeverive të BE-së – nesër në Budapest dhe në javët në vijim.

Gjermania dhe SHBA ndajnë një partneritet dhe miqësi që është rritur gjatë dekadave. Ne besojmë se jemi më mirë së bashku. Mund të arrijmë shumë më tepër duke punuar së bashku sesa kundër njëri-tjetrit.

Reagimi i Macron:

Sapo fola me kancelarin Olaf Scholz. Ne do të punojmë për një Evropë më të bashkuar, më të fortë, më sovrane në këtë kontekst të ri. Duke bashkëpunuar me Shtetet e Bashkuara të Amerikës dhe duke mbrojtur interesat dhe vlerat tona.

Në prag të 10-vjetorit të ndarjes nga jeta të Dr. Florit, një shesh në Tiranë është dedikuar për nder të tij.

Këngëtari i njohur i grupit West Side Family, i cili la një trashëgimi të vyer në muzikën shqiptare, tashmë do të kujtohet përjetësisht me një shesh që mban emrin e tij, në zonën e Tiranës së Re.

Roland Hysi, mik i ngushtë i Dr. Florit dhe anëtar i grupit, ka ndarë një foto të momentit me Kaltrinën, vajzën e Dr. Florit, në rrjetet sociale, ku shpreh emocione të thella dhe kujtime të çmuara për mikun e tij të dashur.

Ai ka shoqëruar postimin me vargje nga një nga këngët më të njohura të Dr. Florit, duke përkujtuar kontributin e tij të paharruar në muzikën shqiptare.

Për familjen e Dr. Florit, kjo është një ngjarje emocionuese, pasi emri i tij do të mbetet i gdhendur në kujtesën kolektive të shqiptarëve përmes sheshit “Floran Kondi” në Tiranë.

https://www.instagram.com/p/DCCFFMoNbm0/?utm_source=ig_embed&ig_rid=82bc66ae-fc9d-47d6-8d23-9b3ff3d42135&ig_mid=5B18A44C-64BF-41BB-9106-7E2A98F091AB

Shtetet e Bashkuara të cilat e kanë luftën kundë korrupsionit një strategji kombëtare, kanë vendosur sanksione ndaj një individi dhe një kompanie në Bosnje e Hercegovinë, duke i akuzuar se e mbështesin një rrjet të korrupsionit në Bosnje e Hercegovinë, i cili është duke bërë përpjekje për t’i shmangur sanksionet amerikane.

Zyra amerikane për Kontrollin e Aseteve të Huaja (OFAC) tha se ky rrjet është drejtpërdrejt i lidhur me të sanksionuarin Igor Dodik, djalin e Millorad Dodikut, presidentit të sanksionuar të entitetit serb të Bosnjës, Republika Sërpska (RS).

Njoftimi për sanksione vjen në ditën kur Millorad Dodik e uroi presidentin e zgjedhur të Shteteve të Bashkuara, Donald Trump.

“Shtetet e Bashkuara mbesin të përkushtuara për t’i vënë në pah përpjekjet e Dodikut dhe familjes së tij për t’i ruajtur rrjetet e tyre të korrupsionit”, thuhet në njoftim.

Sanksionet e reja përfshijnë Vladimir Perishiq dhe kompaninë “Elpring doo Laktaši”.

OFAC tha se Dodiku për vite të tëra e ka përdorur pozitën e tij zyrtare për të mbledhur pasuri personale përmes kompanive të lidhura me të dhe me të birin, Igor.

“Ky korrupsion ka kontribuar në minimin e besimit të publikut në institucionet shtetërore të Bosnjës dhe në sundim të ligjit”, tha OFAC.

“Presidenti i RS-së, Millorad Dodik, bashkëpunëtorët e tij, dhe mundësuesit e tij, vazhdojnë t’i përdorin pozitat e tyre të privilegjuara, për ta çrrënjosur besimin e publikut në kornizat rajonale të paqes dhe në institucione që kanë sjellë stabilitet dhe siguri në Bosnje e Hercegovinë”, tha ushtruesi i detyrës së nënsekretarit të Thesarit për Terrorizëm dhe Inteligjencë Financiare, Bradley T. Smith.

Pas sanksionimit të kompanisë “Kaldera” më 18 qershor 2024, Igor Dodik urdhëroi Millenko Qiçiq, i cili më parë ishte në listën e të sanksionuarve, ta themelonte firmën “Elpring doo Laktaši”, e cila do të shërbente si zëvendësim për “Kaldera”.

Me miratimin e Igorit, Qiçiq e themeloi firmën “Elpring” dhe koordinoi transferimin e të gjitha aseteve dhe operacioneve të kompanisë “Kaldera”, duke përfshirë punonjësit e saj.

Më 18 qershor, pesë kompani të lidhura me familjen e Dodikut u përfshinë në listën e zezë të SHBA-së.

Shtetet e Bashkuara e vendosën Millorad Dodikun në listën e sanksioneve më 5 janar 2022, sepse ai në mënyrë të drejtpërdrejtë ose të tërthortë, mori pjesë në shkeljen, ose pengimin, apo kërcënonte zbatimin e Marrëveshjes së Dejtonit, si dhe për aktivitete korruptive.

Dodik ishte sanksionuar më parë më 17 korrik 2017, për pengim ose kërcënim për pengim të Marrëveshjes së Dejtonit./REL

Ernest Muçi është kthyer tashmë në një lojtar të domosdoshëm për Beshiktashin dhe këtë po e tregon duke shënuar ndeshje pas ndeshje.

Sot sulmuesi shqiptar shënoi në ndeshjen e tretë radhazi, pasi pas dy golave në kampionat në ndeshjet e fundit, shënoi edhe në Ligën e Europës, ku Beshiktashi luante përballë Malmo.

Sulmuesi ishte rreshtuar mes titullarëve dhe në pjesën e dytë, ishte ai i cili shënoi golin e avantazhit 1-0 për ekipin e tij.

SHIH VIDEON

Të gjithë tifozët thirrën në kor emrin e sulmuesit shqiptar, por ky i fundit zgjodhi të mos festonte duke tundur gishtin, ndoshta edhe në shenjë proteste ndaj kritikave të pamerituara që ka marrë gjithë këtë kohë, teksa po tregon se është një lojtar i cili është kthyer në forcën kryesore të sulmit të Beshiktash.

Një deklaratë e bërë së fundmi nga moderatorja Erjola Doçi, ka shkaktuar të qeshura dhe reagime. Ajo është ngacmuar nga moderatori me një pyetje pikante të cilës Erjola nuk nguroi t’i jap një përgjigje të sinqertë.

“Erjola a mendon se një njeri që nuk bën seks është nervoze edhe duhet të martohet,” iu drejtua Salsano Rrapi, në emisionin “Ndryshe”, në ‘Top Albania Radio’.

“Po më ka ndodhur mua, jam shumë nervoze kur nuk bëj,” tha Erjola.

Përgjigjia e saj u prit me të qeshura nga të ftuarit e tjerë.

Një aksident i rëndë automobilistik ka ndodhur këtë mbrëmje në Korçë.

Një kamion u përplas me një automjet ‘Chevrolet’ dhe si pasojë ka humbur jetën 35-vjeçari Kosta Nako. Gjithashtu, nga aksidenti u plagos edhe një pasagjer, që udhëtonte në mjetin Chevrolet.

“Korçë/ Informacion paraprak

Rreth orës 17:05, në aksin rrugor “Korçë- Pogradec” në afërsi të fshatit Bulgarec, një kamion me drejtues shtetasin I. P., është përplasur me një automjet tip “Chevrolet”.

Si pasojë e përplasjes ka ndërruar jetë shtetasi Kosta Nako, rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve.

Grupi hetimor ndodhet në vend ngjarje për zbardhjen e rrethanave dhe shkakut të aksidentit”, njofton policia.

Vullneti përgjatë një bisede me Gresën ka hedhur dyshimet e tij në raportin midis Drenushës dhe Atillës.

Ai i tha Gresës se hyrja e Atillës mund të jetë një lojë e dyfishtë midis këtyre të dyve, duke pretenduar se mund të jetë një strategji e tyre.

Vullneti i tha Gresës, që këtë dyshim ia tha edhe Atillës. Për më shumë detaje, kuptojeni nga video në vazhdim:

Dihet disi në kulturën pop që fansat e “The Simpsons” besojnë se seriali ka parashikuar një sërë ngjarjesh botërore, si presidenca e Donald Trump në 2016, kthesa në fund të Game of Thrones dhe në përgjithësi gjithçka. që ndodh sot.

Nuk janë të pakta rastet kur duke parë një nga parashikimet e “The Simpsonëve” kemi mbetur me gojë hapur dhe kemi menduar “por a është e mundur?”.

Megjithatë, sot është koha për të folur për kohën kur “The Simpsons” “humbën”.Në episodin nga sezoni i 11-të i serialit, i titulluar “Bart in the Future” që u transmetua për herë të parë në vitin 2000, duket se parashikon rrugën e Trump për në Shtëpinë e Bardhë.

Gjatë episodit, Lisa e veshur me një kostum lejla zgjidhet Presidente në të ardhmen. Kjo vjen pas një qëndrimi të tmerrshëm me Trump në krye.

“Siç e dini, ne trashëguam një situatë mjaft të vështirë fiskale nga Presidenti Trump,” tha Lisa.

Në vitin 2021, klipi ishte bërë viral në mbarë botën kur Harris u bë zëvendëspresidentja e parë femër e SHBA-së kur presidenti Joe Biden fitoi zgjedhjet e vitit 2020.

Astrologia e njohur Denisa Shyle mbrëmjen e së martës ishte në lidhje Skype në emisionin “D-Night” në “Ora News” për të na treguar më shumë rreth Horoskopit.

Se çfarë parashikojnë yjet për muajin nëntor dhe cila është shenja më me fat?

Astrologjia tha se shenjat e Akrepit dhe Shigjetarit do të jenë ato më të ndikuarat deri në fund të muajit.

“Është një periudhë pozitive ndaj duhet shfrytëzuar”, u shpreh Denisa Shyle.

Ja parashikimi për 12 shenjat e Zodiakut nga astrologjia Denisa Shyle

Dashi: Periudhë e mirë dhe pozitive. Kanë fat në dashuri, deri në fund të muajit. Në përgjithësi një periudhë e mirë e pret shenjën e Dashit.

Demi: Fazë e mirë por do dalin në skenë disa probleme me partneritetet. Kjo del në skenë për të qartësuar lidhjen dhe për ti shëruar. Kalimi i diellit në shigjetar bën që të ardhurat dhe bashkëpunimet do i bëjnë shumë mirë.

Binjakët: Një muaj pushimesh. Janë në një fazë pozitive. Në fund të muajit drejtuesit e mërkurit kalojnë në retrograde tek shenja shigjetarit. Kjo mund të shkaktojë probleme në partneritet. Ky muaj duhet shfrytëzuar për komunikim dhe anë romantike.

Gaforrja: Periudhë pozitive kanë të vendosur diellin tek shtëpia e pestë. Prioritet çështjet e zemrës, mund të shërojnë çdo problem që ka ardhur nga e kaluara. Pas datës 21 kujdes me shëndetin.

Luani: Do jenë më të fokusuar te familja. Do kenë një zgjerim për vendin ku jetojnë dhe numrit të familjes. Luani cilësohet shenja më me fat e këtij muaj. Prandaj ky muaj duhet përdorur shumë mirë.

Virgjëresha: Muaj me fat për Virgjëreshën. Deri në datë 21 përsa i përket marrëveshjeve ka dhe një komunikim shumë pozitiv. Është një fazë rregullimi. Pas datës 21 do kalojnë në tema familjare.

Peshorja: Tema kryesore për ta ana materiale dhe vlerat e rritura. Venusi ndodhet tek shenja shigjetarit dhe u jep një frymë aventuriere dhe i zgjeron. Udhëtime dhe ndikime familjare.

Akrepi: Jemi në sezonin e tij, do kenë një disbalancë brenda vetes së tyre. Duke qenë se kanë diellin në shenjën e tyre arrijnë t’i kalojnë këto probleme. Shërim në të gjitha fushat e jetës, dhe në anën e tyre romantike. Rritje nga ana materiale.

Shigjetari: Deri në datën 21 do jetë pak i përzier, sepse dielli ndodhet te shtëpia e tyre e dymbëdhjetë në shenjën e akrepit. Botëkuptim i thellë dhe i gjerë arrijnë të dallojnë ku qëndron problemi në fushat e ndryshme të jetës sidomos karrierës. Do kemi një stabilitet për shigjetarët.

Bricjapi: Rritje e madhe dhe kolosale. Dielli është te shenja e akrepit në shtëpinë e ëndrrave. Ëndrra të kthyera në realitet. Do kenë një kreativitet të lartë. Do jenë me partneritet të lartë.

Ujori: Tashmë kemi kalimin e Plutonit te shenja e tyre. Aktualisht tema më e rëndësishme karriera e tyre, në këtë pikë zhvillime të madha e presin ujori. Do përdorin të gjitha shanset që u dalin përpara. Frymë romantike, dhe do kenë njohje të reja.

Peshqit: Janë në një fazë të mirë. Pas datës 11 mund të përballen me shpirtin binjak sepse Venusi kalon në shtëpinë e tyre të njëmbëdhjetë. Ëndrra të realizuara dhe lidhje të frytshme. Pasi kanë krijuar kufij të shëndetshëm.

Konkurrenti i “Përputhen”, Genti, ka realizuar takime me dy nga vajzat e spektaklit – Gertën dhe Keldën. Gjatë emisionit, Megi Pojani e sfidoi duke e pyetur drejtpërdrejt për preferencën e tij mes dy vajzave. Por Genti ngurron të japë një përgjigje të prerë, duke ngjallur pakënaqësinë e Megit, e cila, me një ton të tensionuar, i thotë: “Ti qenke drru, do vi të ta nxjerr më zorr.”

Atmosfera nxehet edhe më tej kur Kelda hedh një deklaratë të papritur, duke aluduar se sensualiteti i saj e shqetëson Gertën. Gerta, e revoltuar, i përgjigjet Keldës duke thënë: “Ti nuk di të lidhësh brekët e tua, ik moj vajzë, se me vajzë rrugë po merrem.” Në këtë moment ndërhyn Zhaklina, duke e kritikuar Gertën për sjelljen e saj dhe i sugjeron që të mos përqëndrohet te Kelda, por të përballet drejtpërdrejt me Gentin.

Gjatë takimit të saj me Gentin, Gerta e bën të qartë dëshirën e saj për një trajtim “si princeshë”, duke sinjalizuar se kërkon një mashkull që ta vlerësojë dhe të përpiqet më shumë për të. Ndërkohë, Kelda zbulon disa detaje nga e kaluara e saj, duke treguar se kishte një lidhje njëvjeçare që përfundoi për shkak të mungesës së përputhjes në karakter.

“Nuk u kuptuam. Nga ajo lidhje mësova që nuk duhet të lejosh askënd të të pengojë për gjërat që ke dëshirë. Mua më pëlqen të krijoj foto artistike, topless, dhe kam kuptuar se meshkujt shqiptarë shpesh nuk e mirëpresin këtë,” tha Kelda, duke shprehur hapur pasionet dhe kufizimet që ka ndier në marrëdhëniet e saj.