Month: December 2024

Një ngjarje tragjike ka ndodhur të enjten në një shtëpi në Shtërpcë, ku një grua u gjet e vdekur dhe sipas informacioneve të para dyshohet se i dha fund jetës.

Viktima po dyshohet se bëri vetëvrasje pas një feste familjare, për motive dhe në rrethana akoma të paqarta.

Bëhet fjalë për një grua 34-vjeçare, e cila bazuar në dëshminë e familjes ka qenë në pritje të ëmbël, në muajin e katërt të shtatzënisë.

Vdekjen e saj e ka konstatuar ekipi mjekësor në vendin e ngjarjes dhe trupi është tërhequr për t’u dërguar në IML për obduksion.

E ndjera dyshohet se i dha fund jetës me armë zjarri, brenda shtëpisë së tyre.

Njësitë policore kanë kryer ekzaminimet e nevojshme, teksa akoma nuk dihet motivi që çoi viktimën drejt këtij akti të rëndë.

Me urdhër të Prokurorit të Shtetit, është iniciuar hetimi për zbardhjen e këtij rasti

Bazuar në informacionet e para, pas ekzaminimeve nga ana e mjekëve janë vërejtur hematome në trupin e të ndjerës.

Bashkëshorti i saj e ka njoftuar Policinë dhe ekipin mjekësor se bashkëshortja e tij ishte në pritje të ëmbël, në muajin e katërt të shtatzënisë.

Njësitë policore kanë kryer ekzaminimet e nevojshme në vendin e ngjarjes, ku edhe është sekuestruar arma që dyshohet se u përdor nga viktima.

Një autobus që transportonte turistë u përplas me një furgon pasagjerësh pranë Rovaniemit në Finlandën veriore.

Nga aksidenti ka humbur jetën dy persona dhe janë plagosur 37 të tjerë.

Një përfaqësues i qendrës rajonale të urgjencës konfirmoi se në autobus ndodheshin turistë të huaj, por nuk bëri të ditur kombësinë e tyre.

Dy automjetet u përplasën kokë më kokë rreth 25 kilometra jashtë Rovaniemit.

Dukshmëria në zonë ishte e kufizuar për shkak të reshjeve të mëdha të borës.

Rovaniemi është një destinacion i njohur turistik, veçanërisht në këtë periudhë të vitit, pasi në periferi të tij ndodhet i famshëm “Fshati i Babagjyshit”.

“Golat e Arnautoviçit dhe Asllanit janë një sinjal shumë i rëndësishëm për mua dhe për të gjithë grupin”. Kështu e nis analizën e tij për “Sportmediaset” trajneri Simone Inzagi.

“Ishte një ndeshje e rëndësishme që duhet ta fitonim patjetër. Kur unë them që kam 25 titullarë, është sepse e mendoj vërtet. Pastaj duhet të bëj disa zgjedhje për të mirën e Interit. Kemi bërë një ndeshje serioze sepse kishim shumë për të humbur. E rëndësishme është që e interpretuam ashtu siç duhet”, tha fillimisht trajneri.

Eliminimi i vitit të kaluar shërbeu si një mësim? E kemi thënë që në fillimin e sezonit. E dimë që ka shumë vështirësi, por kam fatin që po punoj me një grup djemsh të jashtëzakonshëm dhe duhet të vazhdojmë kështu. Për 4 ditë kemi ndeshje sërish dhe në 28 po ashtu. Kemi edhe Superkupën, por po marr sinjale pozitive.

Sa e rëndësishme është të ndryshosh kaq shumë lojtarë, por jo lojën? Jemi duke u përmirësuar nga dita në ditë. Të hënën kemi fituar një ndeshje të madhe, por e analizova sepse mund të bënim më mirë. Sot kishim një rival me vlera dhe bëra 8 zëvendësime. Në fushë nuk ranë në sy. Udineze kishte mesfushën që luajti në kampionat. Skuadra ime ishte e përqendruar deri në fund.

Sa i lumtur jeni me përgjigjet në fushë nisur nga fakti që Atalanta dhe Napoli po bëjnë mirë? Ne jemi duke vrapuar, por të njëjtën gjë po bëjnë edhe skuadrat e tjera. Është një kampionat i hapur dhe jo si ai i viteve të fundit ku një apo dy ekipe kanë dominuar. Dëshira ime është që t’i kem të gjithë lojtarët në dispozicion. Kemi disa probleme mbrapa sepse prej një muaji mungojnë Pavar dhe Açerbi. Kërkova një sakrificë nga Bastoni dhe Bisek. Të gjithë po japin garanci.

Në golin e parë dy sulmuesit kanë lëvizur në stërvitje, apo ishte instikt? U treguan të zotët. Nuk ka asgjë për skemë sepse Taremi e shpiku asistin. Arna bëri një lëvizje të zgjuar dhe kjo nuk mësohet në stërvitje. Janë lojtarë me eksperiencë dhe nuk befasohen. Të gjithë sulmuesit duhet të vazhdojnë kështu.

Kreu i Partisë Demokratike Sali Berisha ka zbuluar detaje nga skenari që ka përgatitur opozita për protestën e radhës që do të mbahet më 23 dhjetor. Berisha i ftuar në emisionin ‘Debat’ në A2 CNN, deklaroi se të hënën do të ketë marshim dhe bllokim, teksa paralajmëroi surpriza dhe tronditje gjatë kësaj proteste.

“Marshim dhe bllokim më 23 dhjetor. Do të jem aty ku janë qytetarët. Qytetarët mezi presin të rrëzohet qeveria. Ka presion ndaj tyre. Të zvarrisësh një ish-president, një ish-kryeministër pa asnjë akuzë, është akt terrorizues, më i madhi pas ekzekutimit të një personi. Njerëzit kanë një urrejtje ndaj tyre. Kanë ca video që shpërndajnë, pa asnjë impakt. Ministret bëjnë raporterin, dhe atë se bëjnë dot. Nuk vijnë në asnjë debat. Debatet në studio janë të domosdoshme, por ato nuk vijnë. Parashikojmë një protestë të fuqishme. Skenari i saj është i fuqishëm. Ka tronditje të madhe brenda”, u shpreh Berisha.

Florina Cani, nëna e 14-vjeçarit të vrarë me thikë në afërsi të shkollës “Fan Noli” në Tiranë, ka dhënë një intervistë televizive, ku ka shprehur dhimbjen e saj të thellë për humbjen e të birit.

Ajo theksoi se faji për këtë ngjarje të rëndë i takon shkollës, pasi nuk ishte njoftuar për sherrin që dy adoleshentët kishin pasur vetëm disa ditë para tragjedisë.

Florina Cani theksoi se as mësuesja kujdestare dhe as drejtoria e shkollës nuk e kishin kontaktuar për të lajmëruar për incidentin mes fëmijëve dhe për t’i ofruar mbështetje.

Ajo u shpreh se, madje, as nuk e kishin ngushëlluar pas humbjes së të birit. Sipas saj, kur ata e kanë kontaktuar pas një jave, pasi kishte ndodhur ngjarja e rëndë, ajo nuk ka pranuar të komunikojë me ta.

Dhimbja dhe zhgënjimi i Florinës ishte i madh, duke theksuar se nuk kishte marrë asnjë vëmendje apo mbështetje nga shkolla pas tragjedisë që ndodhi me të birin.

Kënga “E duam lumturinë” e Parashqevi Simakut me kompozitor Pirro Çako dhe tekstshkrues Agim Doçin, ka ekzistuar në kanalin “YouTube” prej më shumë se 9 vitesh, e ngarkuar në një kanal jozyrtar nga persona anonimë dhe të paautorizuar, me plot gati 6 milionë shikime, e ku të shumtë ishin ata që riktheheshin herë pas here për ta dëgjuar. Shumë njerëz ju rikthyen ta dëgjonin edhe tani që Parashqevi Simaku u shfaq sërish. Por ngjalli shumë debat në rrjet fakti që Pirro Çako e ka fshirë nga Youtube këtë këngë, por kantautori e ka bërë për një qëllim.

Ai ka fshirë këngën e hedhur në mënyrë abuzive nga persona që nuk kanë patur të drejtat e autorit, në mënyrë që ta regjistroj sërish.

Për më tepër tani më që Parashqevi Simaku u gjet ai dëshiron që këngën ta hedhin në kanalet e tyre zyrtare me shpresë që edhe Parashqevia të ketë mundësi të hapë kanalin e saj zyrtar. Nga ky ripublikim edhe Parashqevia do të fitojë atë që i përket. Ndonse pritet që kënga të rikthehet sërish, në mënyrë korrekte me të drejtat autoriale që i përkasin Pirro Çakos dhe Parashqevi Simakut, pasi personi që ka publikuar këngën abuzivisht nuk mund të përfitonte më në kurriz të tyre.

Këngëtarja e njohur Liljana Kondakçi, ka komentuar lajmin e bujshëm të ditëve të fundit për gjetjen e Parashqevi Simakut të pastrehe në Amerikë.

Në studion e News24 në “Opinion” Kondakçi u shpreh se ishte tronditur kur kishte marrë merr lajmin, ndërsa shtoi se e ka njohur si një vajzë pa fjalë dhe me një vullnet shumë të madh.

“E kam përjetuar shumë keq, nuk kam shumë kujtime më të, por për aq sa e kam njohur, ka qenë një vajzë pa fjalë, me një vullnet shumë të madh. Një këngëtare shumë e mirë”, tha ajo.

Ndër të tjera ajo u shpreh se Parashqevia edhe pse u largua nga Shqipëria la gjurmë dhe populli e donte shumë.

“Atë nuk e larguan, u largua vetë. Parashqevia la gjurmë në skenën shqiptare. Siç e shikoni ajo aq shumë gjurmë ka lënë, saqë pa qenë fare këtu, ka vëmendjen e njerëzve. Pavarësisht se i mungoi popullit shqiptar prej vitesh, ajo ishte shumë e dashur”, theksoi Kondakçi.

Liljana Kondakçi: E kam përjetuar shumë keq, nuk kam shumë kujtime më të, por për aq sa e kam njohur, ka qenë një vajzë pa fjalë, me një vullnet shumë të madh. Një këngëtare shumë e mirë. Nuk kisha asnjë informacion për të. Më vjen mirë që po ndihmohet dhe shumë shpejt ta shohim në skenë. Gjatë kohës që ishte këtu kishte shumë sukses dhe u largua më pas. Është e drejta e saj se çdo bënte me jetën e saj. Siç e shikoni ajo e ka vendin e saj këtu edhe pa qenë fare këtu, ka lënë gjurmë. Brezi jonë ka dhënë maksimumin, janë respektuar akoma dhe respektohemi akoma. Nuk mund them themi për Parashqevinë që iku dhe i mungoi skenës kaq vite.

Një 25-vjeçar ka vdekur pasi u qëllua me disa të shtëna në një garazh parkimi në qendër të Norrköping. Sipas informacioneve të SVT, i vrarë është reperi Gaboro, i cili ka lidhje të njohura me bandat e drogës.

Sipas gazetarit të SVT në vendngjarje, katër deri në gjashtë goditje të forta u dëgjuan para se të arrinte policia.

“Ajo që mund të themi është se një burrë ka vdekur në lidhje me një krim të rëndë të dhunshëm. Ai u dërgua me autoambulancë, por u konstatua i vdekur në spital. Të afërmit janë informuar‘- thotë Mats Pettersson, zëdhënës i shtypit për policinë në rajonin Lindor.

Rita Ndoci ka folur sërish për Parashqevi Simakun.Ajo u shpreh se shteti shqiptar apo qeveria nuk i detyrohet asgjë nga ana materiale Parashqevi Simakut.

Sipas artistes zgjedhja për tu larguar nga vendi është një zgjedhje e lirë dhe prej vitesh nuk paguajnë më taksa për Shqipërinë.

“Ndihma është një gjë shumë e shenjtë. Ama më e shenjtë bëhet kur nuk e di askush. Shteti shqiptar, apo qeveria, pa pasur parasysh kush është kryeministër nuk na ka asnjë borxh.

Flas borxh material se moralin e mbajmë mënjanë se tek e fundit politikani nuk ka pse të ketë moral.

Pse e them unë këtë, sepse po marr shembullin tim, kam kaq vite që nuk paguaj asnjë taksë, kam 34 vite që nuk i jap asnjë taksë vendit tim, prandaj Shqipëria mua nuk më detyrohet asgjë. Ikja nga vendi është zgjedhje e lirë.

Politika e asaj kohe na bëri që të urrejmë çdo gjë. Por tani shteti shqiptar nuk më ka mua asnjë borxh.

Më lejo të kujtoj se shteti shqiptare i ka dhënë apartament aso kohe Parashqevi Simakut. Erdhi nga Kavaja në Durrës”- u shpreh Rita Ndoci në ‘Dekalog’ me gazetarin Roland Qafoku.

Gjithsej 27 lloje të reja janë zbuluar në pyllin tropikal peruan të dominuar nga njeriu.

Conservation International udhëhoqi ekspeditën në Peizazhin Alto Mayo që zbuloi këto specie të reja. Lista përfshin katër gjitarë, tetë peshq, tre amfibë dhe 10 lloje fluturash.

Ekipi u bashkua në terren nga shkencëtarë peruan nga Global Earth dhe ekspertë vendas me njohuri të gjera tradicionale nga Federata Rajonale Indigjene e Komuniteteve Alto Mayo Awajun.

“Zbulimi qoftë edhe i një specie të re gjitarësh në një ekspeditë do të ishte i jashtëzakonshëm, por zbulimi i katër llojeve të reja gjitarësh, si dhe tetë peshqve të rinj dhe tre amfibëve të rinj, është befasues,” thotë Trond Larsen, i cili drejton Programin e Vlerësimit të Shpejtë të Conservation International. (RAP).

Çfarë gjetën studiuesit në pyllin tropikal peruan?

Pasi puna në terren për vitin 2024 përfundoi, pasuan muaj analizash komplekse të të dhënave për të konfirmuar zbulimin e specieve të reja dhe për të dalë me plane ruajtjeje për to, shpjegon Larsen.

Studiuesit gjetën gjithsej 151 gjitarë, katër prej tyre të rinj në shkencë, duke përfshirë një lakuriq nate, një ketër dhe një mi me gjemba. Të paktën 12 nga këto specie kërcënohen me zhdukje .

Ekipi gjeti gjithashtu 68 lloje peshqish – me tetë të reja për shkencën – duke përfshirë një peshk me kokë njollë, për të cilin ata ende nuk e dinë qëllimin dhe për të cilin Larsen është “më i emocionuar”, duke pasur parasysh pasionin e tij personal për krijesat ujore.

“Është vërtet emocionuese dhe e mahnitshme të hasësh një specie të tillë si peshku me kokë që është kaq i çuditshëm dhe i dallueshëm, por nuk është parë kurrë më parë nga shkencëtarët,” thotë ai.

“Është kënaqësi të spekulosh dhe të përpiqesh të kuptojmë pse kjo specie peshku ka një strukturë kaq të pazakontë në kokën e saj”.

Larsen është gjithashtu “ngazëllyer” nga zbulimi i një miu amfib tepër të rrallë.

“Kjo specie e re i përket një grupi brejtësish mishngrënës gjysmë ujorë që janë jashtëzakonisht të rrallë dhe të vështirë për t’u hasur në fushë,” thotë ai.

Studiuesit gjetën gjithashtu 45 specie zvarranikësh dhe amfibësh, me tre të reja për shkencën: një bretkocë shiu, një bretkocë me gojë të ngushtë dhe një salamandër ngjitëse.

12 insekte të reja për shkencën ishin ndër 289 që ata regjistruan në total. Kjo është së bashku me 536 lloje zogjsh dhe 955 lloje bimore – duke përfshirë orkide të rralla dhe florë të tjera që gjenden vetëm në këtë zonë.

48 lloje të tjera bimësh dhe kafshësh të vëzhguara gjatë ekspeditës mund të jenë gjithashtu të reja për shkencën, por kërkojnë kërkime të mëtejshme përpara se kjo të konfirmohet.

Nga 2046 kërkuesit e pabesueshëm të specieve të ndryshme të regjistruara, të paktën 34 prej tyre duket se jetojnë vetëm në Peizazhin Alto Mayo të rajonit San Martin të Perusë.

Ka rreziqe kërcënuese për jetën që lidhen me ekspeditat tropikale

Ekipi nuk përdori vetëm metoda tradicionale për anketimin e bimëve dhe kafshëve.

Ata vendosën teknologji të tilla si kurthe të automatizuara të kamerave, sensorë bioakustikë dhe ADN mjedisore (eDNA) për të identifikuar kafshët bazuar në ADN-në që kanë derdhur në ujë, shpjegon Larsen.

“Kjo ekspeditë ishte ndoshta RAP më kompleks dhe në shkallë të gjerë që kemi bërë ndonjëherë,” shton ai. “Kërkuesit punuan pa pushim dhe me pak pushim për të arritur këtë detyrë masive.”

Megjithatë, Larsen thotë se të jetosh në një tendë në pyllin tropikal të shiut “ndihet si në shtëpi”.

Puna në terren në vende të largëta tropikale anembanë botës mund të përbëjë shumë rreziqe për shëndetin.

Ndërsa Larsen doli i padëmtuar nga kjo ekspeditë e fundit e Alto Mayo RAP, ai më parë ka marrë “një sërë sëmundjesh dhe parazitësh, duke përfshirë malarinë, leishmaniozën (një sëmundje që ha mish), shpërthimin zvarritës (krimbat parazitarë që formojnë tunele të përflakur ndërsa gërmojnë rreth nën lëkurë), larva të vogla që futen në mish dhe futen brenda dhe jashtë të një vrime të frymëmarrjes dhe një mori parazitësh të zorrëve”.

Ai gjithashtu tani është “alergjik vdekjeprurës” ndaj mishit të kuq dhe bulmetit pasi mijëra pickime rriqrash i dhanë atij një gjendje të quajtur sindroma alfa gal.

Si zgjidhen emrat për speciet e reja?

Nëse një specie është e re në shkencë, atëherë nuk do të ketë ende një emër të përbashkët.

“Studiuesit zgjedhin një të tillë bazuar në tiparet më dalluese dhe të pazakonta të zbulimit,” shpjegon Larsen, siç është rasti me peshkun me kokë.

Por gjithashtu, thotë ai, “emrat e zakonshëm mund t’i referohen grupit të specieve të cilit i përket kafsha, siç është salamandra me gjuhë kërpudhash, për të cilën specie të tjera në të njëjtën gjini kanë gjithashtu një gjuhë të ngjashme por të dallueshme”.

Ndonjëherë shkencëtarët u japin një emër studiuesve të tjerë të respektuar të fushës – dhe Larsen di një ose dy gjëra për këtë, duke qenë se ai ka 10 brumbuj të emëruar pas tij.

“Ndihem mirënjohës dhe i përulur që jam njohur dhe nderuar nga kolegë shkencëtarë që kanë zgjedhur të shpërblejnë punën time të palodhur, përkushtimin dhe pasionin për ekologjinë tropikale duke emërtuar speciet që kam zbuluar sipas meje.”

“Mundësia për të eksploruar vende të reja dhe për t’u zhytur në natyrë , duke zbuluar dhe mësuar më shumë rreth diversitetit të jashtëzakonshëm të jetës, është me të vërtetë ajo që më shtyn dhe më bën të ndihem më i lumtur.”

A mund të bashkëjetojë natyra me njerëzit?

Peizazhi Alto Mayo është një rajon me biodiversitet të jashtëzakonshëm, pavarësisht nga dendësia e tij relativisht e lartë e popullsisë. Prania e njerëzve ka bërë presion të madh në mjedisin lokal nga shpyllëzimi dhe zgjerimi bujqësor.

Por Conservation International ka punuar me grupe indigjene në rajon, si populli Awajún, si dhe komunitetet lokale dhe qeveritë për të mbështetur jetesën e qëndrueshme dhe praktikat bujqësore që balancojnë nevojat e njerëzve dhe natyrës në rajon.

“Zbulimet e jashtëzakonshme dhe biodiversiteti unik që gjetëm në ekspeditën RAP Alto Mayo janë një dëshmi e faktit se biodiversiteti mund të lulëzojë së bashku me njerëzit,” thotë Larsen.

“Këto gjetje nënvizojnë se edhe në zonat e ndikuar shumë nga njerëzit, biodiversiteti mund të vazhdojë, por vetëm nëse ekosistemet menaxhohen në mënyrë të qëndrueshme.”

Të dhënat nga kjo ekspeditë do të ndihmojnë në informimin e planeve për të lidhur Pyllin e Mbrojtur Alto Mayo me Zonën Rajonale të Ruajtjes Cordillera Escalera dhe krijimin e një korridori ekologjik që do të ndihmojë speciet të mbijetojnë.

Ai gjithashtu do të ndihmojë komunitetet lokale të mbrojnë më mirë natyrën që i rrethon.

“Ky Vlerësim i Shpejtë i lejon Awajún të mbrojë kulturën tonë, burimet natyrore dhe territorin tonë, pasi ne kemi një lidhje të thellë me natyrën,” thotë Yulisa Tuwi, një grua Awajún që ndihmoi në kërkimin mbi zvarranikët dhe amfibët.

“Të jesh pjesë e këtij hulumtimi më ka lejuar të kuptoj më mirë se si bimët, kafshët dhe ekosistemet ndërveprojnë me njëra-tjetrën dhe se si kjo është pjesë e kozmovizionit tonë Awajún.”