Month: December 2024

Një tjetër video e ikonës së muzikës shqiptare, Parashqevi Simaku, ka pushtuar rrjetin. Në platformën “TikTok” po qarkullon një moment i veçantë ku këngëtarja shfaqet duke kënduar gjatë një darke në restorant.

Krah saj ndodhet një burrë, i cili i bashkohet në interpretimin e një këngë italiane, duke krijuar një atmosferë të ngrohtë dhe emocionuese. Në përfundim të këngës, Simaku e përqafon bashkëkënduesin, duke dhuruar një moment të paharrueshëm për ata që ishin të pranishëm dhe miliona ndjekës online.

SHIKO VIDEON KËTU

Artisti Robert Aliaj ka bërë një deklaratë shokuese për këngëtaren Parashqevi Simaku.

Teksa të gjithë po ngrejnë lart figurën e saj, e po e ndihmojnë financiarisht, Aliaj u shpreh se çështja po ekzagjerohet. Në emisionin ‘Zonë e Lirë’, ai tha se e njeh nga afër Simakun dhe nuk ka qenë asnjëherë interesante për të. Sipas tij, ajo ishte me një mentalitet shumë fshatar dhe e pakultivuar.

“Ishte një qenie me një mentalitet shumë fshatar, e zgjuar por e pakultivuar, sigurisht këndonte lezetshëm. Është një artiste që ka manipuluar masën, ishte nga këto që shpëlante trutë e masës. E bënte ndaç me dashje, ndaç me dashje. Kështu e njoh unë Parashqevinë. Unë këndoja në estradën e shtetit, por unë personalisht nuk kam pasur asnjë lloj tërheqje se nuk përmbushte asnjë kriter estetik femëror për mua. Ishte simpatike, por për mua nuk ngjallte aspak interes. Kemi kënduar bashkë në skenë, por ishte një fshatare dhe kaq. Ka në Tiranë më fshatarë se ata që jetojnë në shpellë. Në aq vite, kishte rast dhe flisnim. Me atë kemi pasur përshëndetje, por nuk i mbaj mend asgjë. Ishte komplet jashtë çdo interesi që kam pasur unë si femër dhe si artiste. Ishte e zgjuar, e kapte situatën. Ishte më e zgjuar se shumë këngëtare më të talentuara se ajo që ishte ajo, e kapte situatën. Bëri diferencën se nuk ishte rebele fare, nuk ishte e lirë. Ne ishim të gjithë të shtypur në atë kohë, por ajo vetë si natyrë femërore dhe si formim, ishte më e shtypur. Nuk ishte vetëm faji i Parashqevisë”, tha Aliaj.

Qeveria ka përcaktuar bonusin e paralajmëruar të pranverës për pensionistët në vend, duke zbuluar sasinë që do të shpërndahet dhe se si ndahen kategoritë e përfituesve.

Pensionistët me pensione nën 20,000 lekë do të përfitojnë 10,000 lekë, ndërsa ata mbi këtë shumë do të marrin 5,000 lekë.

Për këtë sasi parash do të krijohet një llogari speciale në Bankën e Shqipërisë për pensionistët, ku do të transferohen 6.3 miliardë lekë për garantimin e bonusit të pranverës.

Ministri i Financave Petrit Malaj u shpreh se një fond prej 2.2 miliardë lekësh do të shpërndahet në formën e shpërblimeve për kategoritë sociale më vulnerabël. Bonus prej 15,000 lekësh do të përfitojnë familjet që trajtohen me Ndihmë Ekonomike, Personat me Aftësi të Kufizuar, si dhe kujdestarët e tyre.

Për bujqësinë, do të alokohet një fond shtesë prej 1.4 miliardë lekësh, ndërsa për bashkitë do të sigurohen 1.6 miliardë lekë për shlyerjen e detyrimeve të prapambetura dhe përmirësimin e shërbimeve publike.

Mbrëmja e ditës së premte dhe nga nesër deri të shtunën do të ketë reshje shiu, ndërsa nga fillimi i javës tjetër do të ulen temperaturat derri në minus 5 gradë. Paralajmërimi u dha në Dita Jonë nga meteorologia Tanja Porja.

“Janë zbutur kushtet e motit shtohen vranësirat. Gjatë mbrëmjes dhe natës presim reshje në veri dhe nga nesër reshjet zbresin drejt qendrës e jugut. Reshjet do të vijojnë deri mesditën e së shtunës. Temperaturat të premten do të jenë 0-16 gradë. Rrebeshe afatshkurtra. Reshjet e dëborës do të lokalizohen në 900 metra lartësi. E shtuna sjell rënie të theksuar të temperaturave. Reshje dëbore në zonën lindore. Përmirësim i përkohshëm i kushteve të motit të shtunën deri të dielën. Fundjava mjaft e ftohtë. Temperatura tipike të dimrit gjatë fundjavës termometri zbret në minus 5 gradë”.Por ditët e dimrit, sipas meteorologes do të jenë në fillim të javës tjetër. Porja paralajmëron reshje shiu dhe dëbore dhe ulje të temperaturave. termometri zbret në minus 5 gradë. Temperatura tipike të dimrit gjatë fundjavës.

“E hëna, e marta dhe më pak e mërkura sjellin ditë të vërteta dimri. Reshje shiu në zonat e ulëta dhe bregdet. Reshje bore në zonat malore. Të hënën e të martën rrezikohet edhe zona e ulët nga reshjet e dëborës. Java tjetër shi e dëborë”, paralajmëroi Porja.

Sot, më 20 dhjetor 2024, dollari amerikan blihet me 93.8 lekë dhe shitet me 95.3 lekë.

Euro blihet me 98 lekë dhe shitet 98.7 lekë.

Franga zvicerane këmbehet në blerje me 104.5 lekë, ndërsa në shitje me 105.7 lekë.

Paundi britanik blihet me 118 lekë dhe shitet me 119 lekë.Dollari kanadez sot në blerje këmbehet me 65.4 lekë, ndërsa në shitje me 66.6 lekë.

Teksa është duke u mbajtur mbledhja e përbashkët parlamentare Kosovë-Shqipëri, Rama dhe Kurti kanë nisur me shkëmbimin e letrave.

Ka qenë kryeministri i Shqipërisë, ai i cili i ka nisur Kurtit një letër, teksa ishte duke folur kreu i AAK-së, Ramush Haradinaj.

Kurti e mori letrën, por nuk e habi duke pasur një pamje të shqetësuar në fytyrë.

Dashi

Pas një periudhe jo shumë të begatë, sot problemet do mbarojnë dhe do e shihni me më shumë optimizëm të ardhmen. Nëse keni një lidhje do i shprehni edhe më shumë ndjenjat dhe nuk do ndieni për asnjë moment mërzitje. Nëse jeni beqarë Venusi do krijojë kushtet e përshtatshme për një takim mbresëlënës, i cili do ndryshojë gjithë të ardhmen. në punë ambicia do rizgjohet dhe do e keni më të lehtë nga më parë për të arritur objektivat që i keni vënë vetes. Buxheti nuk do jetë i shkëlqyer, megjithatë me një menaxhim të mirë do ju dalin paratë për të kryer shpenzimet më të domosdoshme.

Demi

Përgatituni për një ditë të ngrohtë dhe emocionuese sot. Nëse jeni në një lidhje do e forconi edhe më shumë marrëdhënien dhe do luftoni fort me rutinën që ka filluar t’iu pushtojë. Pasdite çdo gjë ka për të qenë më e bukur. Nëse jeni beqarë pasioni do ju pushtojë si me magji sepse më në fund do filloni lidhjen me personin që aq shumë e keni adhuruar. Në punë mos prisni të arrini asgjë vetëm me ndihmën e të tjerëve, por bëni edhe ju përpjekjet tuaja. Pozicionimi i Plutonit do bëjë që edhe buxheti të ekuilibrohet goxha. Nuk do jeni më impulsivë me shpenzimet.

Binjakët

Shpesh do ndiheni të pafuqishëm sot dhe nuk do arrini dot të hidhni hapat që keni menduar. Nëse jeni në një lidhje duhet të bëni të pamundurën për të ruajtur një klimë të ngrohtë. Të shumtë do jenë personat që do mundohen t’iu prishin punë prandaj bëni kujdes. Ju beqarët do jeni shumë lozonjarë dhe joshës kështu që mund të tërhiqni pas vetes cilindo që do pëlqejë. Në punë vështirësitë do ekzistojnë. por kjo nuk do të thotë që ju ta lëshoni plotësisht veten. Merrni masa dhe mund t’ia dilni mbanë. Sektori i financave do jetë me shumë fat. Do keni para edhe për të bërë investime edhe për të hequr mënjanë.

Gaforrja

Planetët nuk do i keni në krah sot dhe nuk do keni një ditë shumë të mirë. Nëse keni një lidhje marrëdhënia juaj nuk ka për të qenë më aq e fortë sa më parë dhe kjo për shkak të mungesës së përkushtimit nga ana juaj. Do i përkushtoheni më tepër familjes dhe punës sot. Ju beqarët nuk do doni të bëni asgjë me detyrim dhe nëse ata që pëlqeni nuk do ua kthejnë do preferoni të prisni në qetësi. Në punë do jeni më guximtarë dhe do filloni një projekt të madh. Për financat kombinimi i yjeve nuk do jetë i favorshëm dhe herë pas here do ju dalin goxha probleme.

Luani

Mirë është që gjatë kësaj dite të bëni një bilanc të jetës tuaj dhe të merrni disa vendime. Nëse keni një lidhje dhe dyshoni se partneri nuk po ju qëndron besnik më mirë flisni hapur me të dhe zgjidhni njëherë e mirë çdo gjë. Mund të jenë edhe thjesht hamendësimet tuaja. Nëse jeni beqarë duhet të tregoheni pak më të duruar sepse tani për tani nuk do ndodhë ndonjë mrekulli. Në punë menaxhojeni me shumë kujdes çdo gjë dhe keni për ta parë do ju realizohen të gjitha planet. Buxheti do jetë i mirë dhe mund të arrini të shlyeni çdo borxh që keni marrë.

Virgjëresha

Herë pas here do jeni me nerva sot dhe mundet të debatoni ashpër me këdo që do ju dalë përpara. Jeta juaj në çift mund të ketë edhe momente delikate, por në tërësi gjërat kanë për të ecur goxha mirë. Mes jush nuk do ketë as probleme. Nëse jeni beqarë nuk do doni të bëni asnjë lloj ndryshimi në jetën tuaj sepse edhe ashtu do ndihen për mrekulli. Në punë nuk do doni aspak të dëgjoni çfarë të tjerët do ju thonë dhe duke vepruar me impulsivitet e kokëfortësi mund të gaboni. Buxhetin do dini gjithmonë si ta menaxhoni kështu që gjendja do jetë e kënaqshme në çdo moment.

Peshorja

Bëni atë që do ju thotë zemra sot dhe nuk keni për t’u zhgënjyer në asnjë moment. Nëse keni një lidhje mendoni për ndonjë udhëtim në ditët në vijim sepse do ju bëjë mirë. Gjithsesi gjatë kësaj dite emocionet që do përjetoni do jenë goxha të forta. Ju beqarët do keni temperament të fortë dhe do dini çfarë hapash të hidhni e me kë. Në punë nuk duhet të shqetësoheni për asgjë sepse planetët do i keni pranë dhe shefat do ju vlerësojnë përherë. Mund të merrni edhe një detyrë të re shumë më të përshtatshme. Shpenzimet do i shtoni goxha, por situata do vazhdojë të mbetet e mirë.

Akrepi

Ditë aspak problematike kjo e sotmja. Nëse jeni në një lidhje, marrëdhënia juaj me partnerit do bazohet tek bashkëpunimi dhe mirëkuptimi reciprok. Do jeni shumë të afërt me njëri-tjetrin dhe do dashuroheni pa dorashka. Ju beqarët duhet të dëgjoni përherë zërin arsyes sepse vetëm ashtu keni për të pasur jetën që keni ëndërruar. Në punë do dini të bëni përpjekjet e duhura dhe gjendja do përmirësohet. Kolegëve të vjetër mund t’iu besoni pa frikë. Jupiteri do jetë planeti që do ua mbrojë financat dhe do bëjë që ato të jenë përherë të mira. Mund të blini edhe ndonjë gjë për qejf.

Shigjetari

Gjatë kësaj dite do arrini të ruani optimizmin dhe disa takime të reja do ju bëjnë të reflektoni më mirë. Nëse keni një lidhje përgatituni për momente shumë të veçanta e të privilegjuara. Do dashuroni dhe do ju dashurojnë me shumë pasion. Nëse jeni ende një zemër e vetmuar lëreni veten të lirë dhe luani me sharmin që keni pasi keni për të arritur atë që doni. Në punë do jetë një ditë interesantë. Do ndërmerrni iniciativa, do jeni të vendosur dhe keni për të arritur lart e më lart. Financat mund të kenë edhe ndonjë tronditje të vogël, por nuk duhet kurrsesi ta lëshoni veten.

Bricjapi

Dita e sotme do varet tërësisht nga mënyra sesi ju do silleni e si do veproni. Nëse keni një lidhje dhe shihni dikë tjetër me adhurim do fillojnë debatet e zjarrta me partnerin dhe mund të arrihet edhe ne ndarje. Nëse i përkushtoheni atij do ndiheni vërtet mirë. Nëse jeni beqarë di gjendeni përballë dy personash shumë joshës dhe nuk do dinë të kë zgjedhin. Në punë do ju kërkohet gjatë gjithë kohës ndihmë sepse ju vlerësojnë më të mirin e grupit. Mos hezitoni të jepni një dorë sepse mirësia do ju kthehet mbrapsht. Gjendja e financave do jete aq e mirë saqë do ju duket sikur keni fituar ndonjë lotari.

Ujori

Jeta juaj do jetë e ndriçuar sot dhe nuk do mërziteni për asgjë. Nëse keni një lidhje do kaloni vetëm çaste të lumtura dhe të bukura pranë atij që dashuroni. Si ju ashtu edhe partneri do jeni pozitivë dhe do e merrni çdo gjë shtruar. Ju beqarët duhet të bëni vetëm pak kujdes me nxitimin. Vërtet personat që do takoni janë interesantë, por duhet të prisni pak para se të hidhni hapa. Në punë do jetë Marsi që do iu japë më shumë dinamizëm. Do jeni më të drejtpërdrejtë dhe sipërmarrës. Në planin financiar gjërat do fillojnë të kenë përmirësimet e para dhe do ndiheni shumë më të qetë.

Peshqit

Qielli do hapet sot dhe do lindin rrezet e para te diellit. Nëse jeni në një lidhje do kaloni momente shumë të këndshme pranë atij që dashuroni dhe do ndiheni më të sigurt për të hedhur hapa më tej. Ju beqarëve nuk do iu joshin më aventurat kalimtare dhe do jeni në kërkim të dashurisë së madhe. Mundësitë nuk do jenë shumë të mira, por të paktën do tentoni. Në punë Urani do ju ndihmojë t’i realizoni në mënyrën më të mirë projektet e nisura dhe do merrni plot vlerësime e falënderime. Edhe vetë do e kuptoni se tashmë e keni bërë çdo gjë dhe më mirë. Financat do jenë më të normalizuara.

Në një emision televiziv, deputetja Flutura Akça tregoi se gjatë një udhëtimi me tren në vitet ’90, kishte qenë në të njëjtin vagon me këngëtaren Parashqevi Simaku

Açka përshkroi një moment të shëmtuar kur një zotëri po flirtonte me Simakun, e cila ende nuk kishte mbushur 20 vjeçe.

Deputetja e cilësoi këtë si një situatë sarkastike dhe të neveritshme, duke shprehur keqardhje për sjelljen e atij personi.

“Ka qenë një udhëtim, ka mundësi të këtë ndodhur rreth viteve 1987-1988 ose 1986 domethënë ne nuk kishim mbushur akoma 20 vjeçe dhe ishte një nga këto trenat e mërzitshëm nga Tirana në Elbasan, studente më duheshein 4-5 orë të mbërrija në shtëpi, ka qenë një gjë e tmerrshme për ta treguar. Në atë tren në një moment të caktuar pashë Parashqevinë që ishte varur te dritarja, një vajzë e re, simpatike, tërheqëse, kishte filluar atë veshtullinë e yllit dhe ishte bërë goxha e pranueshme dhe duartrokitur në publik. Ndërkohë aty ishte një zotëri që zbriti në Durrës me sa mbaj mend, kuptohet që isha e pakujdesshme për ti vënë re të gjitha gjërat por ishe një moment sarkastik dhe i shëmtuar i cili tregon të tërën që dua të them. Ata po flisnin për provimet dhe diçka të kësaj natyre dhe folën dhe për marksizmin dhe rastësisht Parashqevia përmendi ligjin e famshëm të shfrytëzimit të njeriut nga njeriu, kështu ka qenë ligji që kemi mësuar ne në marksizëm. Ky zotëria ky rehaluci, rehaluci që po e kapte tani në gabim, në faj, këtë vajzë, dhe flirtonte edhe i thotë jo Parashqevi e ke gabim, është ligji i njeriut mbi njeriun. Të tilla gjëra domethenë unë kam qene shumë e re, pa mendoni se çfarë ndodhte me këto vajza dhe që nga ai moment kam pasur një neveri ndaj kësaj kaste që i rrethonte, që i përgjonte, jo vetëm këto por dhe të persekutuarat, të përndjekurat që janë persekutuar në të njetën formë”, tha deputetja Flutura Açka.

Shumë pak ditë kanë ngelur nga nisja e edicionit të katërt të BBV,i cili hap dyert e shtëpisë më të famshme në 21dhjetor në moderimin e Ledion Liços dhe Arbër Hajdarin e Neda Ballukun si opinionistë.

E ndërsa ditët kalojnë, më shumë emra të personazheve që pritet t’i bashkohen shtëpisë zbulohen e shumë të tjerë aludohen

Një ‘listë’ me shume emra banorësh ka nisur të qarkullojë në rrjet dhe emrat e tyre me siguri do t’iu mbajnë pas ekranit.

Megjithatë ende asnjë emër nuk është i konfirmuar zyrtarisht.

Është një prej këngëve më të famshme të Parashqevi Simakut, fituese e festivalit të 27-të në vitin 1988.

Bëhet fjalë për këngën melodioze “E duam lumturinë”, ku Simaku shkëlqeu në skenën e festivalit të RTSH-së së bashku me korin e fëmijëve, duke u shpallur edhe kënga fituese.

Kjo këngë ka ekzistuar në kanalin “YouTube” prej më shumë se 9 vitesh, e ngarkuar në një kanal jozyrtar, me plot 5 milionë e gjysmë klikime, e ku të shumtë ishin ata që riktheheshin herë pas here për ta dëgjuar.

Mbi 200 mijë klikime, këngës iu shtuan vetëm gjatë javës së fundit, dhe kjo falë interesit të madh që ngjallën lajmet për këngëtaren në SHBA.

Është vështirë të thuhet se Parashqevi Simaku ka përfituar ndonjëherë monetarisht nga këngët e saj.

Por së fundmi diçka e çuditshme ka ndodhur me këngën “E duam lumturinë”. Versioni i vjetër me miliona klikime është fshirë nga YouTube, ndërsa kënga është rihedhur një ditë më parë, në mesin e interesit të shtuar për Parashqevi Simakun, nga kanali zyrtar i Pirro Çakos.

Të drejtat e këngës duket se tashmë po i menaxhon kompania “FOLÉ PUBLISHING”. Vlen të theksohet se Pirro Çako është kompozitori i kësaj kënge me tekst të poetit të ndjerë Agim Doçi.

Gjithashtu, shumë këngë nga albumi i fundit i Parashqevi Simakut, disa të padëgjuara më parë, janë hedhur së fundmi në Youtube, nga një kanal që me gjasë nuk ka të drejta për t’i publikuar dhe duke shfrytëzuar kështu momentin mesa duket për t’i monetizuar ato.