Month: December 2024

Në Everton po presin me padurim rikuperimin e Brojës, nga trajneri Sean Dyche te tifozët, të gjithë “kryqëzojnë gishtat” që “bomberi” kuqezi të jetë gati të dielën për sfidën kundër Man.United. Gjithçka po shkon sipas parashikimeve pasi Broja kaloi me sukses edhe testin e dytë, ku në takimin kundër Notingham U-21 u aktivizua për 70 minuta.

Pas takimin të parë kundër Watford, ku luajti për 45 minuta, Broja qëndroi më gjatë në fushë duke shfaqur një formë të mirë fizike. Paraqitja dhe gjendja ndezin dritën jeshile që Broja të jetë të paktën në stol për takimin kundër “djajve të kuq”, fakt që pranoi edhe vetë trajneri në konferencë për shtyp:

“Broja bëri një punë shumë të mirë, ndihet mirë. Unë kam folur me të për mundësinë që të përfshihet në ndeshje, të shohim”, u shpreh Sean Dyche.

Everton po kalon një moment të vështirë ku pas 12 javësh ndodhen në vendin e 15-të në Premier League, 2 pikë larg zonës së ftohtë.

(BalkanWeb)

Kryetari i Partisë Demokratike, Sali Berisha është shprehur se disponon dokumentet për politikanë të lartë të implikuar direkt në dosjen “Toyota Yaris”.

Ish-kryeministri deklaroi se do t’i bëjë publike dokumentet me emrat e politikanëve, që sipas tij, janë të përfshirë.

Berisha theksoi se “ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre”.

“Gjithçka disponon Sali Berisha, do të ua paraqesë ju. Po kam dokumente për politikanë të lartë, direkt të implikuar dhe unë do ti paraqes para jush. Unë ju thashë, sepse shumë e drejtë pyetja e shtruar. Pse e quan Skapin organizatë kriminale, është gjë shumë e rëndë, apo s’është. Nuk mund ta quaja kurrë nëse nuk do të kisha ato dokumente. Nuk shkon.

Kurse ai është kreu i një organizate kriminale se fle mbi to. Fle mbi to se e kanë kapur mat me Ymer Lalën, për arsye se Luftar Reçi e ka denoncuar Ymer Lalën për vrasje dhe zotëria e tij në 19 pyetje si ka bërë asnjë pyetje për vrasjen dhe e ka ekzauruar nga vrasja.

Pra ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre”, tha Berisha.

Ky edicion i “Big Brother VIP Kosova” po ofron dinamika të paparashikuara dhe tensione të reja mes banorëve. Një moment është kthyer në një nga temat më të diskutuara në rrjetet sociale.

Anisa ka sjellë trazira duke ndarë informacione që vijnë nga jashtë. Sipas saj, familjarët e Dianës i kishin kërkuar që t’i përcillte mesazhin për të shmangur afrimin me Arionin.

Kjo situatë ka marrë një kthesë tjetër kur Anisa ia rrëfeu këtë Xhenetës, e cila nga ana e saj e ndau informacionin me Arionin.

Qëllimi duket se ishte të shkaktohej konfuzion në marrëdhënien mes Dianës dhe Arionit. Megjithatë, Arioni ka mbetur i fokusuar tek raporti i tij me Dianën, pavarësisht tensioneve që u krijuan.

Ekspertët e sigurisë po paralajmërojnë që udhëtarët të shmangin përdorimin e stacioneve të karikimit të telefonave në aeroporte dhe të mbajnë me vete ‘powerbank’, për të mbrojtur pajisjet e tyre nga rreziqet e mundshme të sigurisë.

Kjo është e rëndësishme pasi telefonat celularë janë të lidhur ngushtësisht me jetën tonë dhe shpesh përmbajnë informacione të ndjeshme, si bileta fluturimi dhe të dhëna personale. Pavarësisht se këto stacione të karikimit të telefonave janë të lehta për t’u përdorur, ato mund të përbëjnë rreziqe serioze.

Në vitin 2023, FBI-ja paralajmëroi kundër përdorimit të stacioneve të ngarkimit publik, përfshirë ato në aeroporte, hotele dhe qendra tregtare. Sipas FBI-së, këto stacione mund të manipulohet për të instaluar softuerë të dëmshëm në telefonat e përdoruesve, të cilët mund të vjedhin informacion të ndjeshëm si fjalëkalime dhe të dhëna bankare.

Një metodë e njohur si “juice jacking” mund të përdoret për të vjedhur të dhënat tuaja. Kjo ndodh kur një portë USB është ‘korruptuar’ dhe përdoret për të instaluar malware në telefonin tuaj, duke marrë kontroll mbi të dhënat tuaja dhe duke i dërguar ato tek hakerat. Kjo mund të shkaktojë edhe bllokimin e pajisjes tuaj.

Edhe nëse stacioni i ngarkimit nuk është manipuluar, ka rrezik që të dhënat tuaja të bëhen të ekspozuara gjatë procesit të karikimit. Shumë herë, telefonat ofrojnë mundësinë për të zgjedhur mes opsionit “Vetëm për karikim” dhe “Për transferim të skedarëve”, por kjo mund të kalojë përtej me disa stacione karikimi. Kjo mund të lejojë që të dhënat tuaja të shkarkohen ose të vjedhen, duke e rrezikuar identitetin tuaj.

Kryetari i Komitetit për Çështjet e Jashtme të Parlamentit të Gjermanisë, Michael Roth, ka dënuar fuqishëm sulmin e fundit në kanalin e ujit Ibër-Lepenc në Kosovë, duke e quajtur atë një akt terrorist.

Përmes një mesazhi në platformën X, Roth theksoi se metoda e përdorur në sulm ishte në përputhje me terrorizmin në stilin rus.“Këto janë metoda terroriste ruse kundër një shteti sovran në zemër të Europës. Këto sulme duhet të hetohen në thellësi. Nëse Serbia vërtet është pas kësaj, gjë që shpresoj të mos jetë, kjo do të shënonte fundin e negociatave të BE-së me Serbinë”, pohoi deputeti gjerman.

Das sind russische Terror-Methoden gegen ein souveränes Land im Herzen Europas. Diese Anschläge müssen schonungslos aufgeklärt werden. Sollte Serbien wirklich dahinter stecken, was ich nicht hoffe, dann wäre dies das Ende der EU-Verhandlungen mit Serbien. https://t.co/qfZ2H8WZe4

— Michael Roth – official 🇪🇺🇺🇦🇮🇱🇬🇪 (@MiRo_SPD) November 30, 2024

Ndryshe, sulmi ndaj kanalit, i cili siguron furnizimin me ujë për dy centrale energjetike me qymyr në Kosovë, ka ngritur shqetësime për sigurinë energjetike dhe të ujit të vendit.

Media greke Newsbomb.gr nuk është kursyer aspak në komente raciste kundrejt shqiptarëve që kanë mbushur sheshet të feshur kuqezi, me rastin e festave të 28-29 nëntorit.

Në një artikull, media greke e konsideron një turp veshjen kuqezi dhe shkruan se nëse grekët do të festonin me flamujt e tyre në Tiranë, do të burgoseshin pa u gjykuar.

Ata e konsiderojnë një mungesë repsekti për ‘bukën’ e dhënë nga vendi fqinj, duke qenë se shumë shqiptarë kanë emigruar prej vitesh në Greqi, ku jetojnë e punojnë.

Artikulli i NewsBombgr:

Skena që provokojnë grekët dhe shpërqendrojnë vendin janë shpalosur në sheshin Sintagma në eventin e ndezjes së pemës së Krishtlindjes.

Po të bëhej diçka e tillë nga grekët në Shqipëri, të gjithë do të arrestoheshin dhe do të futeshin në burg pa u gjykuar… Këtu në Greqi ne i bieM bilbilit indiferent…

Skenat që u zhvilluan mbrëmjen e së enjtes në sheshin Sintagma janë të paimagjinueshme.

Grupe të organizuara shqiptarësh që jetojnë në Greqi mbërritën me makinat e tyre në Syntagma, teksa valëvitnin flamujt shqiptarë nga dritaret e tyre gjatë gjithë rrugës!

Me të mbërritur në Sintagma, ata u ngjitën në pjesën e sipërme të sheshit, përballë Parlamentit Helen, shpalosën flamujt e tyre dhe brohoritën parulla për… Kombin e tyre.

Vihet re se në të njëjtën kohë është ndezur pema e Krishtlindjeve në sheshin Sintagma me shqiptarët që përpiqen të mbulojnë muzikën me zërin e tyre. Madje, ata arritën deri aty sa të thërrisnin edhe parulla për UÇK-në, ndërsa mes tyre kishte edhe më provokues që valëvitnin pankarta me… Shqipërinë e Madhe!

Kujtohet se më 28 nëntor 1912 u nënshkrua shpallja e pavarësisë së Shqipërisë nga Perandoria Osmane.

Siç shihet në videot e postuara në TikTok, shqiptarët mbanin në duar flamuj, të veshur me këmisha me stemën kombëtare dhe duke kënduar himne tradicionale të atdheut të tyre me sloganet “Shqipëria e Madhe”.

Në periudhën e fundit, si me burgosjen e Fredi Belerit, ashtu edhe me festat e Edi Ramës në Galatsi dhe Selanik, shqiptarët po tregojnë një provokim agresiv të paparë ndaj Greqisë.

Do thoni ju që gjejnë dhe bëjnë… Sepse po të ishte serioz shteti nuk do të lejonte një propagandë të tillë para Kuvendit të Greqisë dhe monumentit të ushtarit të panjohur.

Nuk e respektojnë as bukën që hanin e hanë në Greqi!

Fjala turp nuk mjafton për të përshkruar imazhet specifike dhe tolerancën e propagandës së zezë të shqiptarëve.

Sabrina Krasniqi, një modele 27-vjeçare, dyshohet se ka qëlluar për vdekje bashkëshortin e saj, përpara se të vristeveten. 

Për arsye ende misteriose, Sabrina qëlloi 5 herë me armë në drejtim të bashkëshortit të saj, 34 vjeçarit Pajtim Krasniqi në ballkonin e banesës së tyre luksoze në Beach Club II Hallandale.

Më pas, e reja vrau veten me armë, shkruanNYP.

Kur policia shkoi në vendngjarje gjeti trupat e pajetë të çiftit në ballkonin në katin e 45-të të ndërtesës.

“Përmes hetimeve është konstatuar se Sabrina Krasniqi ka qëlluar për vdekje disa herë bashkëshortin e saj para se t’i merrte jetën. Ngjarja ka ndodhur në banesën e tyre të përbashkët”, tha policia në një njoftim për media të premten.

“Gruaja e Pajtimit zgjodhi t’i merrte jetën vëllait tim kur e qëlloi 5 plumba në gjoks”, shkroi Albana Krasniqi Munrett në një postim në Facebook. “Personi të cilit i besonte më shumë, personi me të cilin zgjodhi të kalonte jetën ishte ajo që ia mori. Ajo e tradhtoi atë, dashurinë dhe besimin e tij. Ajo shkatërroi familjen time. Unë dhe familja ime nuk do të jemi kurrë të njësoj. Kam frikë se nëna ime nuk do të shërohet kurrë.”

Raportohet se brenda banesës janë gjetur një arush pellushi, një kuti me trëndafila me një zemër në të, ndërsa televizori ishte ende ndezur.

“Dëgjuam të bërtitura dhe ishte e frikshme”, tha një dëshmitar, Max Braedlin, për mediat lokale: “Dëgjova të shtënat dhe pas disa minutash makinat e policisë.”

Sabrina, me emrin e vajzërisë Sabrina Dzaferovic, ishte një modele, e cila kishte pozuar për Inside Edition të vitit 2021, sipas Local 10 News.

Vdekja e çiftit nga Kosova, 34-vjeçarit Pajtim Krasniqi dhe bashkëshortes së tij, 27-vjeçares Sabrina Krasniqi ka tronditur komunitetin shqiptar në SHBA.

Ngjarja e rëndë u regjistrua pas pas mesnatës në apartamentin ku jetone çifti.

Policia amerikane ka dalë në një deklaratë ku sqaron se çifti u gjetën të vrarë me armë zjarri në një ndërtesë shumëkatëshe luksoze në Hallandale Beach.

Ndërsa janë zbardhur edhe motivi dhe se çfarë ka ndodhur mes çiftit. 

Dyshohet se Sabrina Krasniqi ka qëlluar për vdekje disa herë bashkëshortin e saj dhe më pas ka qëlluar edhe vetën, duke kryer vetëvrasje. Shkak dyshohet tradhëtia bashkëshortore.

“Përmes hetimeve është konstatuar se Sabrina Krasniqi ka qëlluar për vdekje disa herë bashkëshortin e saj para se t’i merrte jetën. Ngjarja ka ndodhur në banesën e tyre të përbashkët”, tha policia në një njoftim për media të premten..

Autoritetet treguan se krimi i rëndë ndodhi në apartamentin e tyre, ndërsa janë gjetur edhe prova që dëshmojnë se gruaja ka qëlluar mbi burrin dhe më pas veten.

Brenda banesës kishte prova të shumta, një arush pelushi, një kuti me trëndafila me një dizajn zemre dhe një televizor që ishte ende ndezur.

“Dëgjuam të bërtitura dhe ishte e frikshme”, tha Max Braendlin, i cili jeton matanë rrugës. “Dëgjova të shtënat dhe më pas pas disa minutash makinat e policisë dhe ishte një skenë e mbushur me njerëz”.

Në lidhje me këtë tragjedi ka reaguar edhe motra e Pajtimit, Albana, përmes një postimi emocional në rrjetet sociale.

Në mesazhin e saj, ajo shpreh dhimbjen dhe akuzon bashkëshorten e të vëllait për krimin.

“Ajo i mori jetën njeriut që i kishte besuar më shumë. Një tradhti që shkatërroi familjen tonë. Ne nuk do të jemi më kurrë të njëjtë,” shkruan ajo./NewYorkPost

Autoritetet kishin hequr dorë nga shpresa për ta gjetur atë të gjallë. Sam Benastick, 20 vjeç, ishte zhdukur për më shumë se një muaj.

I riu u raportua i zhdukur më 19 tetor: pasi u nis për një udhëtim 10 ditor në Redfern Keily Park, një rajon i largët dhe i akullt i shkretëtirës në malet veriore Rocky të Kanadasë, pas disa ditësh ai ndaloi së dhëni lajme për familjarët e tij.

“Është e vështirë të mbijetosh në -20°C, mes maleve të ashpra të banuara nga arinj dhe reshje dëbore”, tha policia, e cila përfundoi pas disa ditësh kërkimet, ku ka marrë pjesë edhe familja e të riut.

Pastaj të martën vjen pika e kthesës. Dy burra që shkonin për në punë e gjetën në anë të rrugës, shëndoshë e mirë dhe e çuan në spital për t’u trajtuar.

Sam kishte arritur të mbijetonte vetëm për 50 ditë, në pyllin e shkretëtirës së largët dhe të ngrirë të Rockies Veriore të Kanadasë.

Sipas informacioneve fillestare, i riu thjesht ka humbur rrugën gjatë ekskursionit të tij, i cili duhej të zgjaste 10 ditë (e filloi më 7 tetor).

Pasi qëndroi disa ditë në makinën e tij, ai qëndroi për 10-15 ditë pranë një përroi.

Më pas, zbriti në luginë, ku ngriti kampingun duke përdorur një tendë dhe disa pajisje që kishte me vete dhe kështu arrin të mbijetojë.

“Kur mësuam se ai ishte shëndoshë e mirë, – tha menaxheri i Buffalo Inn Pink Mountain, një hotel afër parkut, ku familja e Sam kishte kaluar javë të tëra gjatë kërkimit për djalin e tyre, – të gjithë u përqafuam dhe nisëm të qanim. Unë kam tre fëmijë dhe pesë nipër e mbesa, e di se çfarë po kalonin”.

Nuk është ende e qartë se çfarë shkoi keq dhe si mund të kishte humbur pa gjetur rrugën e kthimit. Policia tha se do të përpiqet të zbulojë më shumë sapo ai të shërohet. Ndërkohë, nëna e tij, Sandra Crocker, ndau një foto të tij në shtratin e spitalit për televizionin kanadez CBC dhe tha se ankohej se nuk kishte kapur asnjë peshk.

Kryeministri grek, Kyriakos Mitsotakis, ka njoftuar në një intervistë për Ant1 se do të rikandidojë në vitin 2027 për të marrë përsëri drejtimin e qeverisë.

Gjatë intervistës, Mitsotakis diskutoi çështje të rëndësishme për Greqinë, por gjithashtu u pyet për Fredi Belerin dhe marrëdhëniet Shqipëri-Greqi.

Ai theksoi se marrëdhëniet mes dy vendeve kanë kaluar periudha të vështira, por shtoi se Beleri, si eurodeputet i zgjedhur, përfaqëson të drejtat e pakicës greke në Bashkimin Europian.

Mitsotakis gjithashtu u shpreh se “Greqia ka çdo arsye për të mbështetur Shqipërinë në procesin e anëtarësimit të saj në BE”.

Sa i përket marrëveshjes së Prespës, ai vlerësoi se “po ecet në drejtimin e duhur”, dhe theksoi se Maqedonia e Veriut do të kuptojë se nuk është në interesin e saj të pengojë ndryshimin e marrëveshjes.