Month: February 2025

Kryeministri Edi Rama në një intervistë dhënë tv grek “Mega” është shprehur se ka ndryshuar mendim ndaj presidentit të SHBA, Donald Trump, referuar deklaratës së tij në vitin 2016 kur u shpreh se një fitore e mundshme e Trump do të ishte dëm për votën demokratike.

“Në 2016 nuk i kisha të gjithë flokët e bardhë. Isha më i ri dhe ai nuk ishte president ishte kandidat. Më pas u bë president. Munda ta shoh në veprim nga afër, e sigurisht kam ndryshuar mendim.

Për më tepër mendoj se nëse Europa do të fajësojë Trump për situatën e saj do të ishte gabim i tmerrshëm”, ka deklaruar Rama gjatë intervistës së dhënë ditët e fundit në tv “Mega”.

I pyetur nëse mendon se ka mungesë qeverisjeje në BE, kryeministri Rama tha se kështu siç është Europa ngjan me një pacient me 27 mjekë.

“Europa është projekti më i mrekullueshëm i njerëzimit, por kështu siç është Europa ngjan me një pacient me 27 mjekë. Nuk është panoramë që të jep forcë e siguri. Jo vetëm se janë 27 mjekë por dhe patologë.

Nuk është panoramë që të jep forcë e siguri. Jo vetëm se janë 27 mjekë por dhe patologë”, është shprehur Rama.

Në intervistën dhënë medias greke, Rama e quan kërcënimin më të madh që mund ti vijë Evropës, shndërrimin e tij në të parëndësishëm.

Sa i takon ecurisë së procesit të integrimit në BE, Rama tha se megjithë hapat e ndërmarrë duhet bërë shumë më tepër.

“Na duhej Vladimir Putin që Europa të zgjohej për të shtyrë këtë proces, e kemi plan që brenda 2027 ta mbyllim pjesën teknike. Objektivi im është 2030 të jemi së bashku në të njëjtën familje të madhe”, ka deklaruar Rama.

(Balkan web)

Presidenti rus Vladimir Putin i ka ofruar SHBA-së shitjen e mineraleve të rralla të Rusisë për kompanitë amerikane, duke përfshirë ato në Ukrainën e pushtuar nga Rusia, teksa nënvizoi më tej mesazhin e tij për Donald Trumpin se Rusia duhet të fitojë.

“Ne jemi gati të punojmë me partnerët tanë, përfshirë amerikanët”, tha Putin, duke shtuar se Rusia mund të rifillojë shitjen e aluminit në SHBA.

“Ne padyshim kemi, dua të theksoj, shumë më shumë burime të këtij lloji sesa Ukraina”, tha presidenti rus.

Putin tha se marrëveshjet e mundshme për eksplorimin e metaleve të rralla të tokës mund të shtrihen edhe në depozitat në territorin në Ukrainën lindore që Rusia mban të pushtuara pas tre vjet aksioni ushtarak.

Më herët, Trump u tha gazetarëve në Uashington se “transaksionet kryesore të zhvillimit ekonomik me Rusinë” do të ndodhin.

Brenda dy orëve nga deklarata e presidentit amerikan, Putin kryesoi një takim të paparalajmëruar me ministrat dhe këshilltarët e tij ekonomikë për metalet e rralla të tokës.

Rusia ka rezervat e pesta më të mëdha në botë të metaleve të rralla, sipas të dhënave të Shërbimit Gjeologjik të SHBA-së, pas Kinës, Brazilit, Indisë dhe Australisë.

Presidenti i Ukrainës, Volodomyr Zelensky tha më herët se nuk ka në plan të nënshkruajë me SHBA një marrëveshje që do t’i duhej 10 brezave të ardhshëm ukrainas që ta paguanin.

Rreth dy vite më parë, Mesut Ozil njoftoi zyrtarisht tërheqjen nga futbolli dhe që atëherë ka nisur të ndërtojë një karrierë të re larg vëmendjes së mediave dhe botës së sportit.

Në moshën 34-vjeçare, gjermani vendosi t’i japë fund karrierës pas aventurës së tij të fundit me Istanbul Basaksehir dhe qëndroi në Turqi së bashku me familjen e tij për t’u marrë me angazhimet e tij të reja.

Por të dielën, karriera e tij mori një kthesë, pasi u zgjodh anëtar i Këshillit të Partisë për Drejtësi dhe Zhvillim (AKP) në Ankara, partisë që drejtohet nga presidenti turk Recep Tayyip Erdogan. Kongresi i mbajtur dje e rizgjodhi për herë të nëntë politikanin turk në krye të partisë.

Ish-futbollisti nuk e ka fshehur kurrë simpatinë e tij për Erdogan, madje e zgjodhi atë si dëshmitar në dasmën e tij me Amine Gülse në vitin 2019, e cila u shpall Miss Turqia në vitin 2014.

Kjo afërsi shkaktoi polemika gjatë Kupës së Botës 2018, duke çuar në largimin e tij nga kombëtarja gjermane.

Ozil i zgjedhur në partinë e Erdogan

Pas përfundimit të karrierës si futbollist, Ozil nisi jetën e tij të re në politikë. Në muajt e fundit, ai ka habitur tifozët e tij duke treguar transformimin fizik të jashtëzakonshëm pas tërheqjes nga futbolli. Megjithatë, ai nuk zgjodhi të vazhdojë në botën e sportit si trajner apo analist televiziv, një rrugë që kanë ndjekur shumë nga ish-shokët e tij të skuadrës. Ish-lojtari ka lindur në Gelsenkirchen, por familja e tij ka origjinë turke, një lidhje që ai e ka ndjerë gjithmonë fort dhe që tani e ka çuar të jetojë në Turqi, ku tashmë do të punojë si politikan.

Gjatë një kongresi të mbajtur dje në Ankara, ai u zgjodh anëtar i këshillit qendror të AKP-së, partisë së themeluar nga Erdogan në vitin 2001. Zgjedhja e tij nuk është e rastësishme, pasi Ozil ka qenë gjithmonë një mbështetës i madh i presidentit turk dhe është fotografuar disa herë në shoqërinë e tij në raste të ndryshme.

Madje, ai ishte dëshmitar në dasmën e Ozilit në vitin 2019, duke vulosur një lidhje të fortë mes tyre, e cila i kushtoi kritika dhe largimin nga kombëtarja gjermane shumë kohë para tërheqjes nga futbolli, për shkak të kundërshtimit të tifozëve ndaj mbështetjes së tij për Erdogan.

Prej 5 muajsh, Edlira Çepani dhe familja e saj mbartin dhimbjen e humbjes së Gerti Bogdanit. Politikani u nda nga jeta papritur në moshën 44-vjeçare nga një atak kardiak duke lënë pas Edlirën dhe dy fëmijët e mitur.

Në rrëfimin e saj të parë pas kësaj humbjeje, në programin “Rudina” në Tv Klan, Edlira kujton marrëdhënien e tij të jashtëzakonshme me fëmijët. “Ishte një baba perfekt. Nëse do të kishte një baba perfekt, ishte ai”, u shpreh ajo. Ky fakt nuk e bënte më të lehtë detyrën për t’u treguar fëmijëve për tragjedinë, por e konsideron veten me fat që Gerti jeton ende në sytë e tyre.

Edlira Çepani: Ishte një…një nga momentet më të vështira në jetë. Nuk ka fjalë që e përshkruajnë dhimbjen dhe nuk ka fjalë sesi mund t’ia shpjegosh një fëmije një situatë të tillë. Fati i tyre është që ata janë rritur në një familje e cila i ka dhënë aq shumë dashuri, me një baba dhe dy prindër që u kanë dhënë aq shumë dashuri sa ata kanë një dashuri të rrënjosur në zemër për gjithë jetën. Një pengesë kaq e madhe patjetër që nuk do të plotësohet kurrë, por janë fryti më i bukur i dashurisë sonë dhe unë sa herë që shoh në sy secilin prej tyre, aty shoh Gertin… kam një fat kaq të madh që jam mamaja e tyre dhe kam një fat kaq të madh që Gerti më ka lënë një dhuratë kaq të bukur në jetë sa ata të dy.

Gjatë vizitës në Athinë ku pati takim me shqiptarët e Diasporës, kryetari i Partisë Demokratike, Sali Berisha dha disa intervista për median greke.

Në intervistën për “To Manifesto”, Berisha preku aspektet më të rëndësishme të marrëdhënieve mes Athinës dhe Tiranës, për zgjedhjet e ardhshme dhe për zhvillimet politike në vendin fqinj.

I pyetur për shqiptarët në Greqi, Berisha tha se do të përpiqet të gjejë zgjidhje për çështjet e pensioneve. Megjithatë, siç e tha ai, shtylla kryesore e politikës së tij do të jetë hapja e rrugës për kthimin e shqiptarëve në atdheun e tyre. “Do të krijojmë kushtet më të mira të mundshme për t’i kthyer ata, investimet e tyre dhe miqtë e tyre grekë që të vijnë dhe të investojnë në vendin tonë.

Në vitet 2009-2010, shumë erdhën dhe investuan në Shqipëri. Marrëdhëniet ekonomike greko-shqiptare po zhvilloheshin shpejt dhe kishte investime shumë të rëndësishme në vendin tonë, shumica e të cilave tani kanë ikur”, tha Berisha.

Gjithashtu, ai theksoi se do të përpiqet të bashkëpunojë me qeverinë greke për çështjen e gjuhës shqipe për të gjetur mundësi të pagesave për mësuesit ose çdo gjë që është e nevojshme për t’i ndihmuar bashkëatdhetarët e tij të shpëtojnë gjuhën dhe kulturën e tyre në disa aspekte.

I pyetur për kontaktet e tij në Greqi, Sali Berisha u përgjigj se vitet e fundit këto ishin të karakterit simbolik, pasi ai ishte (gati) jashtë politikës.

“Kemi kontakte me Partinë Demokratike të Re, që është aleati ynë i vjetër. Konstantinos Mitsotakis ishte kryeministri i parë i huaj që takova në jetën time. Ai erdhi në Shqipëri tri javë pas themelimit të Partisë Demokratike dhe erdhi dhe më takoi si lider i opozitës. Që atëherë, marrëdhëniet tona nuk janë ndalur kurrë, kemi marrëdhënie shumë të mira dhe do të bëhen të shkëlqyera”, theksoi ai.

Në lidhje me atë se si ka ndërmend të shfrytëzojë pjesëmarrjen e partisë së tij në Partinë Popullore Evropiane (PPE) organizatën më të madhe politike evropiane për të ndryshuar imazhin e vendit të tij, Berisha ishte shumë i qartë:

“Shqipëria duhet fillimisht të shpërbëjë diktaturën narkotike të saj. Shqipëria nuk duhet të eksportojë kriminalitet tek fqinjët dhe në Evropë. Nëse nuk e bën këtë, Shqipëria nuk ka mundësi të përmirësojë imazhin e saj. Tolerancë zero ndaj krimit të organizuar! Shteti i së drejtës, zbatimi i ligjit do të jetë prioriteti ynë kryesor dhe sigurisht, sapo Shqipëria të arrijë të shpëtojë nga diktatura e drogës dhe të bëhet një shtet i së drejtës, reputacioni i saj do të ndryshojë shpejt dhe ne do të jemi një vend vërtet të respektuar.

Shqipëria nuk duhet të bëhet kurrë një qendër e trafikut dhe drogës. Shteti nuk duhet të jetë partner me organizatat kriminale, siç ndodh sot në Shqipëri”, theksoi ai.

Egli Tako ka tërhequr vëmendjen e publikut për marrëdhëniet e saj me disa prej banorëve brenda shtëpisë së Big Brother Albania.

Fillimisht, ajo shprehu një pëlqim për Redonin, më pas krijoi një lidhje të ngushtë me Gjestin, dhe së fundmi ka bërë një deklaratë të papritur për Aldon.

“E di sa herë më ka marrë malli për ty, të betohem. Ia kam thënë edhe atij (Gjestit)” i drejtohet Egli Aldos.

Biznesmeni i njohur shqiptar, Elton Ilirjani, që ka marrë përsipër të ndihmojë këngëtaren Parashqevi Simaku, para pak orësh ka njoftuar përmes një “InstaStory” se artistja e njohur tashmë menaxhon 100% llogarinë e saj zyrtare në “Instagram”.

“Parashqevi Simaku kontrollon dhe menaxhon 100% Instagramin e saj!”,-shkruan ai.

Kujtojmë se ky lajm vjen pas një kalvari vuajtjesh që Parashqevia ka përjetuar në jetën e saj, nga ndarja me bashkëshortin, mungesën e djalin e deri tek jetesa në rrugë, por pas trajtimit për tre javë me rradhë në psikiatri, ajo shfaqet në një gjendje të mirë.

I ftuar ditën e sotme në “Live From Tirana” me Ronaldo Sharkën ishte ish-banori i Bog Brother, Elton Tozaj, për të komentuar dhe analizuar situatat dhe banorët e “BBV4”.

Sa i përket raportit Egli Gjesti, ai u shpreh: “Të lidhur s’janë por janë ‘friends with benefits’”.

Më pas ai tha: “Në kuadër të lojës njeriu bën seks ndonjëherë. Unë e kam ndjekur atë natë dhe më ka pëlqyer fakti që më në fund dy të rinj patën guximin të bëjnë seks. Unë e pashë. S’ka ndonjë gjë të keqe. Egli është kokë e këmbë [e dashuruar] me Gjestin pas asaj nate]”.

Sa i përket raportit Egli-Gjesti, ai u shpreh:

“Përndjekëse. Nëse ajo do ishte burrë, do të ishte një përndjekëse manjake seriale. Është bërë shumë e lodhshme. Po kalon çdo limit, çdo cak. Ka nevojë urgjentë të lërë shtëpinë e “BBV” dhe të kurohet. Ajo është sëmundje. I vjen familja në ‘prime’ dhe i thotë hap sytë dhe kujdesu për veten, ajo vazhdon dhe madje kundërshton dhe motrën, mua kjo s’më duket normale… Nuk më duket normale as sjellja e Gjestit, bëja më të lehtë kur e sheh ashtu”.

Kreu i PD-së, Sali Berisha ka publikuar videon e një kamioni të mbushur me dosje pranë Bashkisë Tiranë.

Kryedemokrati ka hedhur akuaza se kryebashkiaku Erion Veliaj ka urdhëruar nga burgu zhdukjen e dokumenteve.

Sali Berisha thekson se “pasi kanë vjedhur, duan të zhdukin gjurmët”.

“Nga burgu, Lal Vjedhësi urdhëron zhdukjen e dokumentave! Pasi kanë vjedhur, duan të zhdukin gjurmët! sb”, shkruan Berisha.

SHIKO VIDEON KËTU

Një ngjarje e rëndë ka ndodhur mëngjesin e së martës në një fshat të Vernios në Itali, ku një 22-vjeçar shurdhmemec vrau me thikë nënën e tij dhe më pas i vuri flakën shtëpisë.

Në vendngjarje ishin zjarrfikësit, karabinierët, kryeprokurori i Prato Luca Tescaroli dhe prokurorja publike në detyrë Laura Canovai, teksa po punojnë për zbardhjen e këtij krimi.

Hetuesit po punojnë për të konstatuar çdo element që qëndron pas dramës familjare, për të përcaktuar me siguri përgjegjësitë dhe dinamikën. Dhe hetimet shkencore janë duke u zhvilluar.