Ditën e sotme Gjesti dhe Egli kanë pasur një debat shumë të ashpër me njëri-tjetrit duke marrë shkas nga situatat e ndodhura së fundmi pas hapjes së ‘valixhes së tundimeve’.
Një një moment gjatë debatit, Egli u ul në gjunjë duke i thënë më fal se jam unë e keqe dhe ti i mirë.
Gjesti: O vëlla ndalo, mos më hajde kështu mbrapa se po më luan
Egli: Ty të paska lënduar që unë kam menduar që ti të flesh rehat.
Gjesti: Natën e mirë
Egli: Ti qenke lënduar jashtë mase
Gjesti: Po ta respektoj. Të kam thënë po ta respektoj
Egli: Çfarë ke respektuar ti more
Gjesti: Kur të them nuk dua të flej, dua të fle tjetërkund mos më thuaj fle në tokë
Egli: Jam shumë e keqe, je shumë i mirë. U kry çdo sen. Më fal, më fal, më fal! Mos hajde të flasësh më me mua. Po të them më fal, po të kërkoj falje, t’u ula në gjunjë më fal që të kam ardhur dhe të kam thënë hajde fli tek kolltuku
Numri i fëmijëve që kanë kërkuar ndihmë në qendrat shëndetësore ka rënë ndjeshëm këtë javë, por mjekja pediatre Sonila Brati apelon për vigjilencë ndaj simptomave, veçanërisht kollës, e cila mund të tregojë praninë e infeksioneve virale. Ajo thekson rëndësinë e vaksinimit dhe kujdesit të përgjithshëm shëndetësor për të parandaluar sëmundjet e dimrit.
Java që lam pas ka shënuar një rënie të konsiderueshme të numrit të fëmijëve që janë drejtuar në qendrat shëndetësore. Megjithatë mjekja pediatre Sonila Brati apelon për kujdes dhe mosneglizhentë ndaj simptomave
“Mund të them që krahasimisht në periudhën e janarit dhe dy javët e para të shkurtit shohim se ka një tendencë rënie përsa I përket numrit të personave që paraqiten në qendrën shëndetësore. Temperatura e lartë është një nga simptomat që vazhdon të dominojë në këtë virozë. Ka dhe disa shenja të tjera që është dhimbja e kokës, lodhja shumë e madhe që fëmijët shprehin, përgjumja, dhimbja e forte e kockave, dhimbja e fytit.”
Mjekja Brati thotë se periudha e dimrit ishte një periudhë kritike për fëmijët sidomos moshat pediatrike.
Sipas saj, kolla është gjithashtu një simptomë tjetër që duhet vënë re, pasi mund të jetë një tregues i pranisë së infeksioneve virale.
“Ndryshe nga vitet e kaluara ku kemi pasur prezente dhe kollën e mirë dhe ajo ka pasur atë zgjatjen e vetë në kollë, duke qenë se zgjaste shumë, në këtë periudhë kemi pare që kola ka qenë një nga ato problematika të shtuara tek fëmijët. Pra, ose ka qenë një virozë që ka bërë vetëm temperature dhe nuk ka pasur asnjë element tjetër, ose pastaj ka pasur kollën brenda. Dhe është tipike në fakt, mendoj unë, në ccdo lloj viroze që kalohet edhe për shkak të faktorëve alergjikë, dhe për shkak të lagështirës, pra futen shumë faktorë brenda, është e para simptomë që nisë dhe e fundit simptomë që largohet.”
Mjekja Brati përmendi rëndësinë e vaksinimit dhe kujdesit të përgjithshëm shëndetësor për të parandaluar sëmundjet e dimrit.
Një aksident tragjik ka ndodhur në Bari, Itali, ku një 19-vjeçar shqiptar, Klajdi Malaj, humbi jetën pas përfshirjes në një përplasje të trefishtë.
Ngjarja e rëndë ka ndodhur pak pas mesnate dhe ka përfshirë tre makina, duke lënë gjithashtu viktimë edhe një 44-vjeçar, Filippo Nettis, ndërsa shoferi i makinës tjetër ka shpëtuar pa lëndime.
Sipas mediave fqinje, Klajdi Malaj ka humbur jetën në vendin e ngjarjes, ndërsa Filippo Nettis ka ndërruar jetë më vonë në spital për shkak të plagëve të marra. Karabinierët italianë janë duke punuar për të zbardhur shkaqet e këtij aksidenti të rëndë.
“Është një ditë e madhe për Gjermaninë dhe për Shtetet e Bashkuara nën lidershipin e Trump. Urime të gjithëve”.
Kështu është shprehur vetë Donald Trump në rrjetin e tij social Truth, duke komentuar rezultatin e zgjedhjeve në Gjermani.
“Duket se partia konservatore në Gjermani ka fituar me diferencë të madhe. Ashtu si në SHBA, edhe gjermanët janë lodhur nga politika pa sens, veçanërisht në çështjet e energjisë dhe imigracionit, që ka mbizotëruar për shumë vite.
Kjo është një ditë e madhe për Gjermaninë dhe për Shtetet e Bashkuara nën lidershipin e një zotërie të quajtur Donald Trump. Urime të gjithëve, shumë fitore të tjera do të vijnë”, ka deklaruar Trump.
Ka përfunduar orari zyrtar i votimeve në Gjermani. E teksa pritet që të vijohet me procedurat e radhës, atë të numërimit të votave, exit poll-et tregojnë se Kristian Demokratët e qendrës së djathtë (CDU/CSU) kanë fituar përqindjen më të lartë të vendeve në Parlament, me afro 29%.
Alternativa e ekstremit të djathtë për Gjermaninë (AfD) ka më pak se 20%. Në vendin e tretë renditen socialdemokratët e qendrës së majtë (SPD) në pushtet me 16%, që kapërcejnë partnerët e tyre aktual të koalicionit, të Gjelbrit, me 13.5%.
Rezultatet e Exit poll-eve
Pjesëmarrja në këto zgjedhje raportohet të jetë 84%, më e larta që nga viti 1990. Zgjedhja e kancelarit të ri të Gjermanisë nga Bundestag nuk do të bëhet derisa të krijohet një koalicion qeverisës, pasi asnjëra nga partitë nuk pritet të sigurojë votat e vetme. Ky proces sipas asaj që mediat vendase thonë, mund të zgjasë me muaj.
Nëse këto parashikime fillestare qëndrojnë, atëhere kandidati i CDU/CSU, Friedrich Merz, mund të jetë kryesuesi për të pasuar kancelarin Olaf Scholz. Qeveria në largim e Scholz do të qëndrojë në detyrë përkohësisht, derisa Bundestag të zgjedhë kancelarin e ri.
E teksa në selinë e CDU-së ka “shpërthyer” festa, kryetarja e ekstremit të djathtë AfD, Alice Weidel është shprehur e lumtur për rezultatin e exit poll-eve.
“Zgjedhjet e ardhshme do të vijnë shumë më herët dhe ne do ta kalojmë CDU-në”, tha Weidel, e cila nuk i fshehu ambiciet e saj për të marrë pjesë në qeveri, ndonëse ajo është përjashtuar nga çdo parti tjetër.
19-vjeçari që humbi jetën gjatë natës nga aksidenti fatal në Itali, është kushëriri i ish-banores së Big Brother Genta Gjalpi.
Këtë gjë e ka konfirmuar vetë Genta, përmes një reagimi në rrjetet sociale, ku shpreh dhimbjen e madhe për këtë humbje të parakohshme.
“U prehsh në paqe Klajdush, akoma nuk e besoj, dhe nuk do e besoj kurre, ishe kushëriri më i vogel më i miri dhe në të donim shumë zemra e motrës, ishe shumë i vogël. Zoti i dhëntë forcë hallës”, shkruan Genta, teksa publikon një video krah kushëririt.
Kujtojmë se aksidenti ndodhi gjatë mesnatës në provincën e Barit. Mediat italiane raprortuan se viktimë mbeti një 19-vjeçar shqiptar, banues në Gioia del Colle, i cili humbi jetën në vend. Ndërkohë, një 44-vjeçar, i cili u shpëtua nga ekipet mjekësore të emergjencës, ndërroi jetë pak pas mbërritjes në spitalin Miulli në Acquaviva delle Fonti.
Ndërsa personat e tjerë të përfshirë në këtë aksident kanë pësuar lëndime dhe janë dërguar menjëherë në spital. Pavarësisht përpjekjeve të ekipit mjekësor, përpjekjet për shpëtim ishin të kota dhe dy viktimat u deklaruan të vdekur kur mbërritën shërbimet e urgjencës.
Filimisht ka dyshime nga grupi hetimor se shkak mund të jenë bërë faktorë të tillë si shpërqendrimi i shoferit ose shpejtësia e tepërt mund të kenë kontribuar në humbjen e kontrollit të automjetit të përfshirë.
Në vendngjarje ndërhynë zjarrfikësit dhe Karabinierët, të cilët punuan deri në orët e para të mëngjesit për të sqaruar shkaqet dhe rrethanat e aksidentit.
Menaxheri i fushatës elektorale të Donald Trump, Chris LaCivita, ka marrë tashmë një punë në lagjen tonë, duke u zotuar që të rikthejë në pushtet ish-presidentin dhe ish-kryeministrin shqiptar Sali Berisha, në zgjedhjet që do të mbahen në 11 maj të këtij viti.
“Ne jemi sot këtu sepse duam të ndihmojmë në zgjedhjen e një kryeministri që është një mik i vërtetë i SHBA-së dhe që do të punojë me sukses me Presidentin Trump dhe SHBA-në”, tha LaCivita në konferencën për shtyp gjatë prezantimit të tij nga Berisha.
Në të njëjtën kohë, ai e ktheu zjarrin kundër kryeministrit aktual, Edi Ramës.
“Kryeministri aktual nuk është gjë tjetër veçse një kukull e George Soros. Ju nuk mund të jeni një kukull e George Soros dhe një mik i SHBA-së. Thjesht nuk është e mundur”, shtoi ai.
Të dielën, më 23 shkurt, Sali Berisha ka caktuar një fjalim fushate në Athinë në stadiumin e ‘Irinis ke Filias’.
Synimi i tij është të bindë sa më shumë shqiptarë në diasporë, që të votojnë me postë në zgjedhjet e 11 majit, pasi afati i regjistrimit në platformë skadon në 4 mars.
Një thirrje për regjistrim masiv në platformën e votimit me postë, po drejtohet njëkohësisht edhe nga politikani grek në Shqipëri, Vangjel Dule, kryetar i partisë Bashkimi për të Drejtat e Njeriut, i cili përfaqëson minoritetin grek në parlamentin shqiptar.
Në takimin me diasporën në Parma, kryedemokrati Sali Berisha tha se Shqipëria madhështore është qëllimi më madhor i jetës së tij.
Berisha tha se Shqipëria duhet të përqafojë teknologjitë dhe inovacionin e së ardhmes.
Sipas tij, Shqipëria duhet të bëhet një qendër rajonale e inovacionit dhe teknologjisë së lartë.
Ai theksoi se vendi ka potencialin për t’u shndërruar në një lider në fushën e blockchain-it, kriptomonedhave dhe inteligjencës artificiale.
“Ndaj dhe programi ynë, së pari një Shqipëri ku jetohet normalisht. Objektivi i parë, më i rëndësishëm, një Shqipëri ku biznesi ka sukses, ka besim, sjell investime, krijon vende pune, zgjeron aktivitetin. Një Shqipëri me zero tolerancë ndaj mafies dhe krimit të organizuar. Një Shqipëri me zero tolerancë ndaj korrupsionit. Këto janë të domosdoshme, janë themele, por nuk mjaftojnë. Shqipëria madhështore kërkon që ëndrra e bijave dhe bijve të saj, të ndërtohet në Shqipëri dhe të ndërtohet me të avancuarat që ka koha. Kjo kërkon që Shqipëria të bëhet një epiqendër e rëndësishme e high-tech-ut në rajon dhe më gjerë. Të bëhet Shqipëria e internetit 3, e blockchain, e kriptomonedhave, e inteligjencës artificiale, e datacenter-ave. Kjo është Shqipëria e ëndrrës rinore shqiptare. Kjo do jetë Shqipëria madhështore. Dhe unë u jap fjalën ju, u jap fjalën shqiptarëve se ky është qëllimi më madhor i jetës sime në këtë stad”, tha Berisha.
Alternativa për Gjermaninë ka vënë kryetaren e saj si kandidate kryesore për zgjedhjet federale 2025. Weidel shpesh polarizon – edhe brenda radhëve të saj.
Ajo i përket një pakice shumë të vogël: Alice Weidel është një nga nëntë gratë në fraksionin parlamentar të së djathtës populiste dhe pjesërisht ekstremiste, Alternativa për Gjermaninë (AfD). Pjesa tjetër: 69 burra. Përqindja e grave: 11,5 për qind. Asnjë parti tjetër nuk ka një përqindje kaq të ulët. Përqindja varion nga 25,4 për qind (CDU/CSU) deri në 59,3 për qind (Të Gjelbrit).
Politikisht, Weidel është një peshë e rëndë brenda AfD-së së dominuar nga burrat: Ajo ndan kryesinë e partisë dhe të fraksionit parlamentar me Tino Chrupalla. E njëjta situatë ishte edhe në zgjedhjet federale të vitit 2021, ku të dy hynë në garë së bashku. Rezultati ishte zhgënjyes për AfD-në: 10,3 për qind krahasuar me 12,6 për qind në vitin 2017. Që atëherë, sondazhet kanë shkuar pothuajse vetëm në një drejtim: lart. Në zgjedhjet rajonale, AfD arriti së fundmi rezultate prej 18,4 për qind (Hesen) dhe 32,8 për qind (Tyringi). Ky sukses në të gjitha nivelet politike e ka shtyrë AfD-në të nominojë një si kandidate për kancelare për zgjedhjet federale 2025: Alice Weidel.
Kandidatura për kancelare
45-vjeçarja u zgjodh në janar në një kongres kombëtar të partisë në Riesa (Saksoni). Në sondazhe, AfD-ja, e cilësuar nga Zyra Federale për Mbrojtjen e Kushtetutës (BfV) si e dyshuar për ekstremizëm të djathtë, ka rreth 20 për qind dhe renditet e dyta. “Prej këtej nxjerrim qartë të drejtën tonë për të qeverisur,” thotë Weidel.
Megjithatë, mundësitë që ajo të bëhet kancelare e Gjermanisë janë zero. Edhe nëse AfD bëhet forca më e madhe politike, me shumë gjasa nuk do të gjente asnjë parti që do të bashkëpunonte me të.
Modeli i kandidates për kancelare: Margaret Thatcher
Weidel mund vetëm të ëndërrojë të ndjekë hapat e modelit të saj: Margaret Thatcher. “Më impresionon biografia e saj, notimi kundër rrymës, edhe kur situata bëhet e pakëndshme,” tha liderja e AfD-së në një intervistë me gazetën gjermane “Bild” për kryeministren britanike të viteve 1979-1990.
Pseudonimi i Thatcher-it ishte “Zonja e Hekurt”, sepse ajo mbajti një kurs radikal ekonomik liberal kundër të gjitha kundërshtimeve. Parimet e saj: taksa të ulëta, më pak subvencione shtetërore, privatizime. Një kurs që përputhet me idetë e Weidel-it si ish-këshilluese për korporata. “Thatcher mori në dorë Britaninë e Madhe, kur vendi ishte ekonomikisht në krizë dhe e vuri atë në rrugën e duhur.”
“Po përpiqemi të reformojmë BE-në”
Kur Weidel iu bashkua AfD-së në vitin 2013, vetëm disa muaj pas themelimit të saj, partia kishte një program euroskeptik dhe liberal kombëtar. Sipas kandidates për kancelare, kjo nuk ka ndryshuar: “Po përpiqemi të reformojmë BE-në,” tha ajo në gusht për gazetën “Welt am Sonntag”. Në rast se një reformë e Bashkimit Evropian dështon, çdo vend duhet të ketë mundësinë të votojë me referendum për qëndrimin e tij në BE.
Në të njëjtën intervistë, Weidel mohoi çdo prirje të djathtë ekstreme brenda partisë dhe mbrojti udhëheqësin e krahut ekstremist të partisë, Björn Höcke. Shefi i AfD-së në Tyringi është dënuar disa herë për përdorimin publik të parullave naziste. Pavarësisht kësaj, Weidel pohon: “Elementi shumë provokues tek ai është zbutur. Ai po bën një punë të shkëlqyer në Tyringi. Proceset penale më duken qesharake dhe të diskutueshme.”
Weidel dikur donte ta përjashtonte Björn Höcke-n nga AfD-ja
Kështu flet politikania e lartë e AfD-së për një njeri që sipas një vendimi gjykate mund të quhet “fashist”. Për më tepër, vetë partia e tij e akuzoi atë në vitin 2017 për “afërsi ideologjike me nazizmin”. Për këtë arsye, Weidel ra dakord për një përjashtim të tij nga partia. Por kërkesa e kryesisë u refuzua nga komisioni i arbitrazhit i partisë.
Weidel pranon hapur që i pëlqen të provokojë. Në vitin 2018, ajo i quajti refugjatët dhe azilkërkuesit “burra të armatosur me thika” dhe fëmijët myslimanë “vajza me shami” në Bundestag. Për këtë, ajo u qortua publikisht nga kryetari i atëhershëm i parlamentit Wolfgang Schäuble.
“Polarizimi është një mënyrë për të nisur debatin,” – justifikoi ajo asokohe fjalorin e përdorur, në një intervistë me gazetën “Neue Zürcher Zeitung”. Me termin “vajza me shami”, ajo tha se donte të tërhiqte vëmendjen për një problem me Islamin konservator, i cili, sipas saj, është i papajtueshëm me Kushtetutën e Gjermanisë.
Weidel dhe kontradiktat e saj personale
Alice Weidel, provokatorja? Një grua që për shkak të jetës së saj private ndoshta përballet me paragjykime brenda partisë së saj? Sepse ajo është në një lidhje me një grua nga Sri Lanka dhe ka dy fëmijë të adoptuar. Kjo është shumë larg imazhit ideal të AfD-së. Në programin e saj, partia deklaron: “Në familje, nëna dhe babai kujdesen së bashku për fëmijët e tyre.”
Alice Weidel bashkëjeton me Sarah Bossard nga Sri Lanka dhe ka dy fëmijë të adoptuar.
Kandidatja e caktuar për kancelare e AfD-së, me rezidenca në Gjermani dhe Zvicër, nuk përfaqëson aspak botëkuptimin e partisë së saj. Për Alice Weidel, kjo nuk përbën problem, siç ka thënë vetë në vitin 2017: “Mund të ndodhë që dikush të ketë paragjykime, por kjo ndodh edhe në partitë e tjera.”/DW
