Edhe pse larg partnerëve të tyre, gratë dhe vajzat e burgut të Pojskës në Pogradec shfrytëzuan rastin për të festuar në një atmosferë plot energji dhe shpresë.
Festa u mundësua nga një ish-e dënuar, e cila organizoi një DJ dhe një koktej për të burgosurat, duke krijuar një moment gëzimi në mes të rutinës së përditshme.
Institucioni i Ekzekutimit të Vendimeve Penale në Pojskë theksoi rëndësinë e dashurisë dhe shpresës, duke përmendur se aktivitete të tjera argëtuese do të vazhdojnë për të mbështetur gratë e dënuara në rrugëtimin e tyre drejt një të ardhmeje më të mirë.
Gjithashtu, organizata humanitare CFN dhuroi pako për të burgosurat, duke e bërë këtë festë edhe më kuptimplotë.
Gazetari Basir Çollaku ka ironizuar të gjithë artistët, këngëtarët, sportistët deri tek moderatorët të cilët me pafytyrësi më të madhe kanë lëshuar “lumë” statusesh në mbështetje të kryebashkiakut të Tiranës, Erion Veliajt.
Jo pak herë kryebashkiaku socialist është akuzuar se me paratë e taksave të qytetarëve paguan këta “vipa” të cilët do t’i shërbenin në një ditë të vështirë si këto të fundit ku Veliaj është arrestuar me urdhër të SPAK.
Çollaku ironizon se me burgosjen e Veliajt bankomati i këtyre “vipave” është jashtë shërbimit, prandaj së fundi po lëpihen dhe zvarriten njësoj si “kërmilli” në shërbim të kryebashkiakut socialist të akuzuar nga SPAK për vepra të rënda penale duke nisur nga “korrupsioni” deri tek “pastrim parash”. “Njoftim për disa artistë: bankomati i bashkisë Tiranë është përkohësisht jashtë shërbimit. Ju lutem provojeni më vonë!..”, shkruan me ironi Basir Çollaku.
Dita e sotme ka nisur me reshje shiu dhe gjatë pasdites ato do të përfshijnë të gjithë territorin. Meteorologia Tanja Porja, informoi mbi kushtet meteorologjike në vend, sipas të cilës reshjet më të shpeshta priten në veriperëndim e juglindje.
“Reshje në të gjithë territorin në zonat perëndimore e jug, gjatë pasdites në të gjithë territorin. Reshje më të shpeshta pritet në veriperëndim e juglindje. Reshje të pakta në zonat qendrore. Era do të jetë e fortë në hapësirat detare, vranësira në të gjithë territorin. Termometri shënon rritje, maksimumi në zonat malore do të jetë 8 gradë celsius në mesditë, ndërsa në zonat perëndimore 13-14 gradë”, tha Porja.
Sipas meteorologes moti i paqëndrueshëm do të vijojë deri të shtunën, ndërsa nga e diela ulen sërish temperaturat.
“Moti i paqëndrueshëm do të vijojë deri të shtunën. Të dielën, të hënën dhe në vijim ditë me diell në territor. Nesër rriten temperaturat. Gjatë orëve të para në zonat malore nesër do të jetë minus 1 gradë, ndërsa maksimumi ngjitet në 16 gradë. E diela dhe e hëna sjellin freskim të kushteve të motit. Mëngjesi i të dielës sjell rënie me 3 gradë. E hëna dhe e marta me vranësira të dukshme. Nga e marta e në vijim kemi sërish mot me diell, por me temperatura tipike të dimrit”, theksoi meteorologia.
Po kështu me reshje do të jetë edhe i gjithë Ballkani, ndërsa në veri do të ketë reshje bore.
“Reshje edhe në Ballkan, dëborë në veri të Ballkanit nga Budapesti afër Malit të zi. Mal i zi me reshje e rrebeshe. Reshje ne jug të Maqedonisë”, tha Porja.
Një individ përplasi automjetin e tij me turmën që demonstronte në qendër të Mynihut të enjten, duke plagosur 28 persona, përfshirë fëmijë, thanë autoritetet.
Zyrtarët thanë se besojnë se kanë të bëjnë me një sulm, ndërsa është arrestuar autori i dyshuar, azilkërkues nga Afganistani.
Punonjës të sindikatës “ver.di” po protestonin në një rrugë pranë qendrës së Mynihut rreth orës 10:30 të mëngjesit kur një automjet parakaloi një mjet të policisë që shoqëronte turmën. Shoferi shtoi shpejtësinë e makinës e cila goditi fundin e turmës së protestuesve.Zëvendës shefi i policisë, Christian Huber, tha se organet e rendit qëlluan me armë zjarri ndaj makinës para se të arrestonin të dyshuarin. Ai tha se besohet të jenë plagosur 28 persona, disa prej tyre në gjendje të rëndë. Një makinë e dëmtuar mund të shihej në vendngjarje si dhe këpucë.
I dyshuari është azilkërkues 24-vjeçar nga Afganistani, tha zoti Huber.
“Dyshohet për sulm, duket i tillë”, tha për gazetarët në vendin e ngjarjes guvernatori i Bavarisë, Markus Soder.
Incidenti pas një sërë sulmesh gjatë muajve të fundit ku janë përfshirë emigrantët. Sulme të tilla e kanë nxjerrë këtë çështje në ballë të fushatës elektorale para zgjedhjeve të 23 shkurtit në Gjermani.
Një sulm me thikë në Aschaffenburg të Bavarisë la të vrarë një fëmijë dy vjeçar dhe një person tjetër.
Masat e sigurisë do të shtohen gjatë ditëve të vazhdim në kryeqytetin bavarez për shkak të Konferencës së Sigurisë së Mynihut. Takimi i përvitshëm, i cili fillon punimet të premten, mbledh udhëheqës ndërkombëtarë të politikës së jashtme dhe sigurisë.
Ministri i Brendshëm i Bavarisë, Joachim Herrman, tha se autoritetet nuk besojnë se përplasja e makinës ka lidhje me konferencën, por ende duhet të përcaktojnë motivin pas incidentit./zeri i amerikes
Egli dhe Krisa po diskutonin për videon e Gjestit dhe Xhenetës, të puthjes që ata dhanë kur ishin brenda shtëpisë së “BBV” në Kosovë.
Egli: Ai momenti i puthjes së tyre në ekran të ngelet si imazh.
Krisa: Mua më vrau kënga, ishte kënga e Ed Sheeran ne sfond.
Egli: Me vërtet e ke ti?
Krisa: Unë e dëgjova dhe mendova se e dëgjove edhe ti.
Egli: Me të njëjtën këngë ka bërë me mua një skenë aktrimi dhe nga ana tjetër ti ke bërë një puthje të ndjerë me dikë tjetër.
Krisa: U justifikua duke thënë është këngë dasmash. Ledioni nuk bën asnjë pyetje kot.
Egli: Kur Ledioni ia bëri pyetjen mendova se e pyeti ngaqë ai e kërkon gjithë kohës dhe bën demonstrime kur ajo këngë fillon. Tani që po më thua po e bëj lidhjen.
Krisa: Ai ka luajtur më të gjithë shtëpinë por me ty nuk duhet ta bënte sepse e pa që ti e kishe pikë të dobët.
Kreu i PD-së, Sali Berisha ka reaguar pasi kryeministri Edi Rama e quajti shpifje vizitën tek Erion Veliaj në burgun e Durrësit. Kryedemokrati u shpreh se Rama e anuloi vizitën tek kryebashiaku i Tiranës, pas denoncimit të tij publik.
Sali Berisha: Bota e krimit po zien. U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Velisë. Dhe unë jam paralajmërimin më të fortë Xhevdet Troplinit. të mos përzihet dhe të mos kërcënojë sepse do të ketë pasojat më të rënda. Nuk e çoi kot. E anuloi sigurisht sepse e denoncova unë para medias, sepse e dinte që do të shkonin dhe ju mbrapa atje.
Kryeministri Edi Rama përgënjeshtroi zërat se ishte nisur në Durrës për t’u takuar me kryetarin e bashkisë së Tiranës, Erion Veliaj, i cili u transferua në paraburgim pas masës së arrestit me burg. Me anë të një postimi në X, kreu i qeverisë tha se nuk i shkon në mendje të bëjë teatër me vizita nëpër burgje, ndërsa thekson se “beteja ligjore e Erionit është beteja e tij dhe e avokatëve të tij, jo e imja dhe e Partisë Socialiste”.
“Unë s’jam këneta dhe Zoti nuk më ka dënuar me zhubrazhgarravitje të surratit, duke më imponuar rolin e bufit të kënetës për të larë haqet e një jete të mbrapshtë publike! Dhe siç po e sheh në kanale e portale tërë Shqipëria unë jo SPAKUN që nuk e kontrolloj përderisa kam udhëhequr luftën për krijimin e tij si flamur pavarësie në territorin deri dje komplet të pushtuar të drejtësisë, po as nuk kontrolloj një media të vetme”, shkruan Rama.
Po ashtu, Rama dha lajmin se dje morën letrën e Presidencës Polake të BE, për çeljen e grupkapitullit 3 të negociatave “ndërkohë që në 29 janar kemi marrë letrën për çeljen e grupkapitullit 2, pra për hapjen e dy dyerve të tjera në korridorin drejt sallës së madhe të familjes së bashkuar europiane”, tha kryeministri.
Kryebashkiaku i Tiranës, Erion Veliaj duket se ka nisur t’i përgjigjet akuzave të SPAUK-ut ndaj tij, duke analizuar dosjen me mbi 300 faqe të prokurorit Olsi Dado.
Veliaj e ka nisuru këtë duke reaguar lidhur me deshminë e tij të penalitetit, ku në dosje ai paraqitet si “i dënuar”. Ky detaj u bë pjesë e debatit dje në sallën e GJKKO-së, ku prokurori Dado u shpreh se bëhej fjalë për një lapsus, pasi Veliaj nuk rezulton të jetë i dënuar.
Por sipas Veliajt, nuk është thjesht një lapsus, “është një hije e madhe dyshimi mbi të gjithë atë që është gatuar kundër meje dhe bashkëshortes”, shprehet ai.
Reagimi i plotë i Veliajt:
Kurdisja e një paçavureje 1
Nuk mund të rri pa folur edhe për një skandal të rëndë që zbulova dje në sallën e gjyqit, e shkruajtur e zezë mbi të bardhë, që në faqen e parë të paçavures së hartuar me zell të madh nga prokurori Ols Dado.
U informova se në të gjitha gjirizet mediatike të PD-së na ishte publikuar se në dosjen time prokurori kishte shkruajtur: “Erion Veliaj është “i dënuar”, me shënimin “sipas Çertifikatës Elektronike të gjendjes gjyqësore Nr. 5488 Prot., datë 23.01.2025 të gjeneruar nga hetuesi i Byrosë Kombëtare të Hetimeve, e cila gjendet në fashikullin 63”.” Kur e mësova, ky detaj më tronditi edhe mua personalisht, ashtu siç mund të ketë tronditur jo pak njerez të tjerë sepse dëshmia ime e penalitetit është e pastër.
Dje në sallën e gjyqit, vetëm pasi unë deklarova që jam i padënuar dhe, si kryetar i Bashkisë së Tiranës, i zgjedhur me votë 3 herë radhazi nga qytetarët e mi, kam plotësuar formularin e dekriminalizimit, prokurori Ols Dado u detyrua ta verifikonte këtë me një telefonatë, (pasi siç duket, në mendjen e tij tashmë rezultoj një person i dënuar), dhe u përpoq ta kalonte këtë skandal, duke thënë se është thjesht një ‘lapsus’, që e paskan bërë shkruesit e dosjes time.
Pra, që në faqen e parë të akuzës të ngritur kundër meje na qenka bërë gabimisht një lapsus frojdjan kaq i rëndë, e njëkohësisht kaq qesharak, nga prokurori hartues i dosjes.
Po si mundet të bëhet një lapsus në një dosje hetimore? Si mund të luhet me jetë njerëzish duke e kaluar me fjalët “ishte lapsus”?
Ky ‘lapsus’, vetëm lapsus nuk është! Është një hije e madhe dyshimi mbi të gjithë atë që është gatuar kundër meje dhe bashkëshortes sime.
Tani është i qartë serioziteti me të cilin janë zhvilluar hetimet kundër familjes dhe personit tim: më e pakta, në dosjen time ka gabime trashanike, si kjo e faqes së parë, e të cilat do t’i publikoj një e nga një për publikun dhe qytetarët e Tiranës; por, rezervoj edhe dyshimet e mia mbi dëshirën e nxituar të prokurorit Ols Dado për të më shpallur fajtor ende pa nisur procesi i gjykimit.
Egli dhe Krisa po diskutonin për videon e Gjestit dhe Xhenetës, të puthjes që ata dhanë kur ishin brenda shtëpisë së “BBV” në Kosovë.
Egli: Ai momenti i puthjes së tyre në ekran të ngelet si imazh.
Krisa: Mua më vrau kënga, ishte kënga e Ed Sheeran ne sfond.
Egli: Me vërte e ke ti?
Krisa:Unë e dëgjova dhe mendova se e dëgjove edhe ti.
Egli: Me të njëjtën këngë ka bërë me mua një skenë aktrimi dhe nga ana tjetër ti ke bërë një puthje të ndjerë me dikë tjetër.
Krisa: U justifikua duke thënë është këngë dasmash. Ledioni nuk bën asnjë pyetje kot.
Egli: Kur Ledioni ia bëri pyetjen mendova se e pyeti ngaqë ai e kërkon gjithë kohës dhe bën demonstrime kur ajo këngë fillon. Tani që po më thua po e bëj lidhjen.
Krisa: Ai ka luajtur më të gjithë shtëpinë por me ty nuk duhet ta bënte sepse e pa që ti e kishe pikë të dobët.
Dy banoret e “Big Brother VIP Albania” (BBVA), Rozana dhe Gerta, kanë shpërthyer në një debat të ashpër gjatë një momenti tensioni të krijuar brenda shtëpisë.
Pavarësisht moshës dhe eksperiencës, Rozana nuk përmbahet në fjalët që thotë
Debati ka shkaktuar shumë reagime në rrjetet sociale, ku fansat kanë komentuar intensitetin dhe përplasjen mes dy banoreve.
Ajo që ka tërhequr më shumë vëmendjen ka qenë një moment i veçantë, i cili u shpërnda në “Instastory” nga ish-banori i BBVA 2, Ronaldo Sharka.
Në videon e postuar, Rozana i drejtohet Gertës me fjalët: “Kë ke pasur para burrit?”.
Komisioneri Shtetëror i Zgjedhjeve, Ilirjan Celibashi, zhvilloi sot një takim zyrtar me Drejtuesin e Strukturës së Posaçme Kundër Korrupsionit dhe Krimit të Organizuar (SPAK), Altin Dumani, për të diskutuar mbi forcimin e mekanizmave institucionale në funksion të parandalimit dhe ndjekjes së krimeve zgjedhore.
Gjatë takimit, Dumani theksoi se SPAK synon një qasje më proaktive në trajtimin e rasteve me elementë penalë gjatë proceseve zgjedhore.
Ai nënvizoi rëndësinë e bashkëpunimit të ngushtë me KQZ-në dhe nevojën për ngritjen e një Protokolli të Koordinimit Institucional, i cili do të krijojë linja komunikimi të hapura 24/7 mes institucioneve.
Në kuadër të këtij protokolli, SPAK do të organizojë struktura të specializuara në nivel qendror dhe lokal, të përbëra nga prokurorë dhe hetues, të cilat do të punojnë në sinkron me përfaqësuesit e KQZ-së në çdo nivel.
Një tjetër pikë e diskutimit ishte përfshirja më e gjerë e institucioneve ligjzbatuese në monitorimin e procesit zgjedhor.
Sipas Drejtuesit Dumani, SPAK, në bashkëpunim me KQZ dhe Prokurorinë e Përgjithshme, do të ketë prani aktive në terren për të monitoruar nga afër situatën tre muaj para zgjedhjeve dhe deri në përfundim të procesit të numërimit. Për këtë qëllim, do të krijohen mekanizma të dedikuar për të garantuar raportime të menjëhershme dhe ndërhyrje të shpejta në rastet kur evidentohen shkelje.
SPAK kërkoi gjithashtu bashkëpunim në një sistem të unifikuar të denoncimeve, ku shtetasit dhe shoqëria civile apo edhe aktorë të tjerë të mund të raportojnë raste të mundshme të krimeve zgjedhore.
Të dhënat e mbledhura do të analizohen nga prokurorët dhe hetuesit për të verifikuar vlefshmërinë e pretendimeve dhe për të nisur hetimet në rastet e dyshuara.
Në këtë kuadër, Dumani i kërkoi KQZ-së organizimin e trajnimeve të përbashkëta mes prokurorëve të SPAK, hetuesve të Byrosë Kombëtare të Hetimit (BKH) dhe ekspertëve të KQZ-së, me fokus në identifikimin e veprave penale në zgjedhje dhe mbledhjen e provave për hetime të plota dhe efikase.
Një tjetër kërkesë e SPAK ishte aksesimi i Ndërfaqes së Raportimit të Aktiviteteve Publike (NIR) të KQZ-së, sistemi që mund të ndihmojë në evidentimin e shkeljeve të mundshme gjatë fushatës dhe administrimit të zgjedhjeve.
Nga ana e tij, Komisioneri Shtetëror i Zgjedhjeve, Ilirjan Celibashi, theksoi se përveç KQZ-së, edhe aktorë të tjerë të përfshirë në zgjedhje janë në mbështetje të krijimit dhe funksionimit të një mekanizmi të përqendruar të koordinimit ndërinstitucional mes KQZ, SPAK, Prokurorisë së Përgjithshme dhe Policisë së Shtetit.
Ai njoftoi gjithashtu ngritjen e Qendrës së Monitorimit të Procesit Zgjedhor pranë KQZ, e cila do të furnizohet 24/7 me informacione nga terreni nëpërmjet përdorimit të teknologjisë dhe burimeve nga komisionerët, monitoruesit dhe përfaqësuesit e autorizuar të KQZ-së në terren. Në këtë qendër do të mund të angazhohen edhe hetues të SPAK për të garantuar një ndjekje të menjëhershme të rasteve me elementë penalë.
