Month: February 2025

Është shpallur mbrëmjen e së mërkurës vendimi i GJKKO ndaj kryebashkiakut Erion Veliaj, bashkëshortes Ajola Xoxa dhe 5 biznesmenët. Sipas vendimit, ndaj kryebashkiakut Veliaj nuk ka ndryshuar masa e sigurisë, ndërsa ndaj gruas së tij, Ajola Xoxa ndryshon masa nga ‘arrest shtëpie’ në ‘detyrim paraqitje’.

Në vendim thuhet  se personi nën hetim Ajola Xoxa  do të paraqitet para oficerëve të policisë gjyqësore të Premten e parë dhe të tretë të çdo muaji, ora 11:00.

Gjithashtu ajo nuk lejohet të largohet nga territori i Republikës së Shqipërisë pa autorizimin e gjykatës. Nuk ka ndryshuar masa e sigurisë ‘arrest me burg’ për biznesmenin Elman Abule, ndërsa biznesmenët e tjerë  do të vijojnë me masën ‘detyrim paraqitje”.

REPUBLIKA E SHQIPËRISË

GJYKATA E POSAÇME E SHKALLËS SË PARË

PËR KORRUPSIONIN DHE KRIMIN E ORGANIZUAR

NJOFTIM PËR MEDIAT

1. Kërkuesi Prokuroria e Posaçme kundër Korrupsionit dhe Krimit të Organizuar

me datë 11.02.2025 ka paraqitur pranë Gjykatës kërkesën me objekt: “1. Marrjen në

pyetje dhe verifikimin e kushteve të zbatimit të masës së sigurimit dhe nevojat e sigurimit

personal të vendosur për personat nën hetim Erion Vliaj, Ajola Xoxa, Elman Abule,

Gentjan Sula, Meriman Palushi, Fatmir Bektashi dhe Shkëlqim Fusha me vendimin

Nr. 7 Akti, datë 09.02.2025, të Gjykatës së Posaçme të Shkallës së Parë për Korrupsionin

dhe Krimin e Organizuar; 2. Vazhdimin e zbatimit të masës së sigurimit me karakter

shtrëngues të vendosur ndaj këtyre shtetasve”.

2. Në përfundim të gjykimit, Gjykata e Posaçme e Shkallës së Parë për Korrupsionin dhe

Krimin e Organizuar me trup gjykues të përbërë nga gjyqtari Erjon Bani, bazuar në nenet

112, 248 dhe 260 të K.Pr.Penale, me vendimin Nr. 14, datë 12.02.2025, vendosi:

1. Vazhdimin e masës së sigurimit “Arrest në burg” parashikuar nga neni 238 i

K.Pr.Penale, caktuar ndaj personit nën hetim Erion Veliaj me vendimin Nr. 7,

datë 09.02.2025 të Gjykatës së Posaçme të Shkallës së Parë për Korrupsionin dhe

Krimin e Organizuar.

2. Zëvendësimin e masës së sigurimit personal “Arrest në shtëpi” caktuar ndaj

personit nën hetim Ajola Xoxa me vendimin Nr. 7, datë 09.02.2025 të Gjykatës

së Posaçme të Shkallës së Parë për Korrupsionin dhe Krimin e Organizuar, me

masën e sigurimit personal “Ndalimi i daljes jashtë shtetit” dhe “Detyrim për t’u

paraqitur në policinë gjyqësore” parashikuar nga nenet 233 dhe 234 i

K.Pr.Penale.

3. Urdhërohet personi nën hetim Ajola Xoxa që të paraqitet para oficerëve të

policisë gjyqësore A.H, S.G, R.N dhe B.K, të Premten e parë dhe të tretë të çdo

muaj, ora 11:00.

4. Urdhërohet personi nën hetim Ajola Xoxa të mos largohet nga territori i

Republikës së Shqipërisë pa autorizimin e gjykatës, në referim të nenit 233 pika

1 të K.Pr.Penale “Ndalimi i daljes jashtë shtetit”.

5. Ndalohet përdorimi i pasaportës dhe dokumenteve të tjerë identifikues të vlefshme

për daljen jashtë shtetit, për personin nën hetim Ajola Xoxa.

6. Vazhdimin e masës së sigurimit “Arrest në burg” parashikuar nga neni 238 i

K.Pr.Penale, caktuar ndaj personit nën hetim Elman Abule me vendimin Nr. 7,

datë 09.02.2025 të Gjykatës së Posaçme të Shkallës së Parë për Korrupsionin dhe

Rruga “Jordan Misja” Nr.1, 1057 Tiranë; tel/fax 0035542231527; gjykata.gov.al

Krimin e Organizuar.

7. Vazhdimin e masës së sigurimit “Detyrim për t’u paraqitur në policinë

gjyqësore” parashikuar nga neni 234 i K.Pr.Penale, caktuar ndaj personit nën

hetim Gentjan Sula me vendimin Nr. 7, datë 09.02.2025 të Gjykatës së Posaçme

të Shkallës së Parë për Korrupsionin dhe Krimin e Organizuar, me këtë ndryshim:

8. Urdhërohet personi nën hetim Gentjan Sula që të paraqitet para oficerëve të

policisë gjyqësore A.H, S.G, Z. R.N dhe B.K, të Premten e parë dhe të katërt

të çdo muaj, ora 14:00.

9. Vazhdimin e masës së sigurimit “Detyrim për t’u paraqitur në policinë

gjyqësore” parashikuar nga neni 234 i K.Pr.Penale, caktuar ndaj personit nën

hetim Meriman Palushi me vendimin Nr. 7, datë 09.02.2025 të Gjykatës së

Posaçme të Shkallës së Parë për Korrupsionin dhe Krimin e Organizuar, me këtë

ndryshim:

10. Urdhërohet personi nën hetim Meriman Palushi që të paraqitet para oficerëve të

policisë gjyqësore A.H, S.G, Z. R.N dhe B.K, të Premten e parë dhe të katërt

të çdo muaj, ora 14:30.

11. Vazhdimin e masës së sigurimit “Detyrim për t’u paraqitur në policinë

gjyqësore” parashikuar nga neni 234 i K.Pr.Penale, caktuar ndaj personit nën

hetim Fatmir Bektashi me vendimin Nr. 7, datë 09.02.2025 të Gjykatës së

Posaçme të Shkallës së Parë për Korrupsionin dhe Krimin e Organizuar, me këtë

ndryshim:

12. Urdhërohet personi nën hetim Fatmir Bektashi që të paraqitet para oficerëve të

policisë gjyqësore A.H, S.G, Z. R.N dhe B.K, të Premten e parë dhe të tretë të

çdo muaj, ora 11:15.

13. Vazhdimin e masës së sigurimit “Detyrim për t’u paraqitur në policinë

gjyqësore” parashikuar nga neni 234 i K.Pr.Penale, caktuar ndaj personit nën

hetim Shkëlqim Fusha me vendimin Nr. 7, datë 09.02.2025 të Gjykatës së

Posaçme të Shkallës së Parë për Korrupsionin dhe Krimin e Organizuar, me këtë

ndryshim:

14. Urdhërohet personi nën hetim Shkëlqim Fusha që të paraqitet para oficerëve të

policisë gjyqësore A.H, S.G, R.N dhe B.K, të Enjten e parë dhe të katërt të çdo

muaj, ora 14:30.

15. Ngarkohet Prokuroria e Posaçme kundër Korrupsionit dhe Krimit të Organizuar

në bashkëpunim me policinë gjyqësore për ekzekutimin e këtij vendimi.

16. Kundër këtij vendimi mund të bëhet ankim në në Gjykatën e Posaҫme të Apelit

për Korrupsionin dhe Krimin e Organizuar brenda 5 (pesë) ditëve, duke filluar ky

afat nga e nesërmja e njoftimit të këtij vendimi.

Dashi                                      

Dashuria: Dita do të kalojë pa ndonjë risi të veçantë në dashuri, dhe ndoshta për këtë arsye filloni të tregoni shenja të padurimit. Mundohuni të merrni pak kohë. Beqarët duhet të mësojnë të presin për dashurinë e vërtetë dhe kurrë nuk detyrojnë askënd.

Puna: Marsi në shenjë do t’ju tërheqë për të mbajtur angazhimet e vendosura. Pak më shumë qëndrueshmëri do të ishte mirë.

Demi

Dashuria: Sot do të ketë shumë gjëra të reja për të dashuruarit, si dhe disa diskutime me partnerin/en, i/e cili/a do të konfirmojë disa prioritete. Gjeni një pikë pajtimi dhe mos pretendoni të mos kuptoni. Beqarët do të duhet të vendosin se në cilën drejtim të shkojnë, të paktën të jenë të sigurt.

Puna: Shkoni përpara drejt qëllimeve që keni synuar për një kohë, nuk keni alternativë, është koha për të vepruar.

Binjakët

Dashuria: Përkundër angazhimeve sot, do të gjeni një mënyrë për t’u argëtuar dhe për të rimarrë një pasion të fjetur. Zgjohni marrëdhënien e çiftit me disa surpriza, partneri/ja do të jetë i/e lumtur! Nëse jeni vetëm dhe kërkoni dashurinë, duhet ta lini zemrën të hapur ndaj ndjenjave.

Puna: Sfera profesionale është e kënaqshme dhe sot gjithçka do të shkojë pa probleme. Do të vijnë gjithashtu çmime të papritura.

Gaforrja

Dashuria: Dashuria ju jep aq shumë për të menduar, por gjithashtu ju bën të ndiheni mirë! Duket një kontradiktë, por nuk është kështu, ju po kaloni një moment kur duhet të luftoni mes dy zjarreve. Beqarët do të duhet të përpiqen të mos izolojnë veten, edhe nëse kjo nuk është një kohë e lehtë për ta!

Puna: Yjet ju këshillojnë të prisni përpara se të merrni një vendim që mund të jetë vendimtar për punën.

Luani

Dashuria: Ju po kaloni një periudhë të vështirë, por jeni duke bërë mirë. Gjendja përmirësohet dhe madje edhe nëse dashuria nuk është në të mirë të saj, jeni po aq të lumtur. Beqarët do të duhet të kenë më shumë besim në veten e tyre dhe të bindin veten se herët a vonë dashuria do të vijë.

Puna: Në punë nxirrni karakterin dhe mos lejoni që këmbët tuaja të bien në kokë. Ata që ju njohin mirë e dinë sa jeni me vlerë!

Virgjëresha

Dashura: Ju jeni të rrethuar nga njerëz që ju duan dhe të cilët ju tregojnë me gjeste të vogla dhe kujdes që ju ti vini re. Për beqarët, pritet një ditë pozitive, periudha është padyshim shumë paqësore, shfrytëzoni mundësinë për të bërë zgjedhje.

Puna: Në punë dikush do t’ju zemëroj dhe ndjeshmëria juaj do të testohet ashpër. Mos u përfshi në debate.

Peshorja

Dashuria: Është gjithashtu një kohë pozitive për dashurinë, ju jeni kthyer me zjarr dhe keni sy vetëm për të dashurit tuaj. Plane udhëtimi në horizont! Interesi i zemrave të vetmuara do të synojë njohje të reja dhe njerëz të veçantë do të tërheqin vëmendjen.

Puna: Jini të kujdesshëm në zgjedhjet tuaja të punës, përpiquni të zgjidhni investime fitimprurëse dhe partneritete për të pasur sukses.

Akrepi

Dashuria: Periudha pozitive vazhdon për ju, problemet duket se janë zgjidhur, ndoshta ka disa pengesa, por asgjë që nuk mund të rregullohet. Beqarët mund të punojnë shumë për të kompensuar kohën e humbur, shpirti binjak është duke pritur për ju!

Puna: Mos e shtyni fillimin e një projekti që ju intereson, koha është e mirë dhe është momenti të pohoni ambiciet tuaja.

Shigjetari

Dashuria: Dashuria kalon nëpër një periudhë që nuk është saktësisht e shëndetshme dhe kjo ju shqetëson pak. Për beqarët, dashuria nuk është një përparësi për momentin, tani është thjeshtë kënaqësi.

Puna; Ju do të jeni në gjendje të gjeni armët për të luftuar dhe për të arritur qëllimet tuaja. Bashkëpunime të reja në horizont.

Bricjapi

Dashuria: Dashuria, pasioni dhe optimizmi duket se e karakterizojnë këtë ditë, por mosbesues siç jeni, do ta keni të vështirë të besoni se është e vërtetë. E megjithatë erosi është në nivelet më të larta! Edhe beqarët do të bëjnë aq shumë pushtime, sot ata do të vënë shigjeta të ndryshme në harkun e tyre!

Puna: Sot ju do të përballeni me çdo problem me një buzëqeshje, asgjë nuk ju frikëson dhe ju do të jeni më këmbëngulës se kurrë!

Ujori

Dashuria: Është një kohë e emocioneve të mëdha, dashuria është e zjarrtë dhe “grindjet” e ëmbla sigurisht që nuk mungojnë për ta bërë ditën të shkëlqejë. Ju do të jeni veçanërisht aktiv! Do të ketë takime të reja dhe mundësi të reja për beqarët, ju do të jeni në dispozicion për aventura të reja.

Puna: Nuk jeni shumë i fokusuar dhe nuk mund të ballafaqoheni me probleme të caktuara me ftohtësi. Shtyj vendimet e rëndësishme!

Peshqit

Dashuria; Një situatë e veçantë sentimentale ju bën të mendoni. Dashuria vuan pak nga një melankoli e caktuar e përzier me humor të keq, dhe ata që janë pranë jush do ta kenë të vështirë të kuptojnë se çfarë po ndodh. Zemrat e vetmuara sot do të duhet të përqëndrohen në gjërat me të vërtetë të rëndësishme.

Puna; Detyra të reja të punës do të nxjerrin në pah cilësitë tuaja dhe do t’ju lejojë të përparoni në nivel.

Kryetari i PD, Sali Berisha, deklaroi mbrëmjen e së mërkurës në konferencën me gazetarët, se nuk do të bashkojë votat kurrë me një organizatë kriminale në pushtet.

Lideri i PD tha se, sapo të vijë në pushtet PD,  do të angazhojë ‘Komisionin e Venecias’ si institucionin më serioz në botë, më të ditur në ligjbërje dhe më të aftë.

“Kemi filluar njëfarë pune sa për dijeni, me ekspertë shumë të shquar europianë, që të bëjnë një lloj vëzhgimi të kësaj dhe të gjejmë rrugë sepse populli do zgjidhje, një shtet do zgjidhje. Nuk mund të rrijë Shqipëria pa proces civil, pa proces penal. E thoshte edhe OECD, nuk vjen kush në Shqipëri për të investuar”, u shpreh Berisha.

Pyetja nga gazetarët:

Z.Berisha, duket që pika politike që bashkon sot të gjitha partitë politike pa dallim krahu janë protestat anti-Spak. Pasi, pas PD dhe PL, sot ishte radha e mbështetësve të PS për të protestuar kundër arrestimit të Erion Veliajt. Ndërkohë, në mbledhjen e grupit parlamentar kryeministri Edi Rama paralajmëroi që 11 maji do të jetë mandati i standarteve demokratike të drejtësisë. Në rast të ndonjë reforme në drejtësi të miratuar me konsesus në vitin 2016, ju do i bashkoni votat në parlament, pasi edhe ju keni folur për zhbërje të kësaj drejtësie dhe ngritjen e një Komisioni të së Vërtetës, që në bashkëpunim me Komisionin e Venecias do të ndërtojë një drejtësi të re?

Berisha: E para, nuk është e vërtetë që sot protestoi partia aty. Protestoi administrata e bashkisë, punonjës të bashkisë, rrogëtarë të shtetit.

Se ç’bën PS, është punë e saj. Po sot, të jap po të duash mesazhe, dëshmitarë, se tek bashkia janë dërguar me detyrim. Me kërcënim se humbasin vendin e punës punonjësit e bashkisë

Pra, midis atyre që protestojnë sot atje për të mbrojtur kryehajdutin e tyre dhe qytetarëve të lirë të opozitës, që protestojnë, ekziston një ndryshim si nata me ditën

Nuk është e vërtetë se bashkohemi, jo, nuk bashkohemi.

E dyta, unë kam denoncuar dhe denoncoj Spakun si një organizatë kriminale dhe kam bërë sqarimet tuaja para jush.

Me këtë nuk nënkuptoj çdo punonjës në atë institucion, por nënkuptoj ata prokurorë që mbyllin krime, ata prokurorë që me dokumente zyrtare gjobisin kriminelë, vrasës për t’ua lehtësuar dhe manipuluar dosjet.

Po unë këto i kam dhe unë nuk mund të bëja kurrë deklarata të tilla pa prova dhe fakte të pakundërshtueshme.

Janë këto prova dhe fakte dhe interesi i qytetarëve të cilët i paguajnë aty për të luftuar krimin dhe jo për të vjelë gjoba tek kriminelët dhe për t’u pasuruar.

Nuk bashkoj vota kurrë me një organizatë kriminale në pushtet.

Kam deklaruar, shqiptarët do votojnë PD-në dhe qeveria e saj do angazhojë institucionin më serioz në botë, më të ditur në ligjbërje, më të aftë, që është Komisioni i Venecias.

Ne kemi filluar njëfarë pune sa për dijeni, me ekspertë shumë të shquar europianë, që të bëjnë një lloj vëzhgimi të kësaj dhe të gjejmë rrugë sepse populli do zgjidhje, një shtet do zgjidhje. Nuk mund të rrijë Shqipëria pa proces civil, pa proces penal. E thoshte edhe OECD, nuk vjen kush në Shqipëri për të investuar.

Dhe natyrisht me një prokurori politike që nuk bën ligjin, por zbaton urdhrat e ministrit. Urdhëro, thashë, sado që të duket si kështu puna e Veliajt, po ai u shkëmbye kokë më kokë, mori kokën e Olsit, la kokën e Erionit. Kjo është e vërteta Pse? Se me Olsin duhej të jepte dorëheqjen ai.

Çfarë i tha ai Altinit? Ore i tha, po e kape këtë, unë jap dorëheqjen dhe vjen Berisha.

Po unë do vij, nuk ka gjë që më pengon mua. Mori fund.

Unë po pres me padurim 11 majin.

Opozita do vijë në pushtet dhe të gjitha këto do i shkojnë kot atij.

Zbardhen detaje nga seanca me dyer të mbyllura për vleresimin e masës se sigurisë ndaj Erion Veliajt.

Kryebashkiaku i Tiranës i është drejtuar prokurorit Ols Dado duke i thënë se është në konflikt interesi.

“Ti je në konflikt interesi, e ke personale me mua. Më je paraqitur dhe ke perfituar leje ndërtimi, ke marrë leje ndërtimi nga ana ime. Pasi ke mbetur i pakënaqur më ke thënë “do ta mbash mend”. Ke dy rrugë, ose të largohesh nga kjo çështje, ose të rreshtohesh me ndërtuesit e tjerë këtu”.

Gjatë momentit që Veliaj ka mbajtur fjalën gjyqtari i Erjon Bani i ka tërhequr vëmendjen kryebashkiakut për tonin e zërit dhe ruajtjen e solemnitetit para gjykatës.

Teksa para Gjykatës së Posaçme po mbahet një protestë nga punonjësit e Bashkis së Tiranës dhe militantë të PS-së në pritje të vendimit të Erion Veliajt, brohoritje janë dëgjuar dhe nga qelitë e burgut “313” në kryeqytet.

Brohoritjeve të protestuesve “O Lali, o kampion, gjithë Shqipëria ty të don”, iu janë kundërpërgjigjur të burgosurit me thirrjet “O Erion, o hajdut, paret tona, ku i ke fut”.

Siç shihet edhe në videon e mëposhtme, të burgosurit, kanë dalë nga dritaret e qelive për të brohoritur, teksa ky episod ka tërhequr vëmendjen e gazetarëve të pranishëm, të cilët e kanë filmuar.

https://streamable.com/e/05nsq3?quality=highest

Gjirokastra u trondit dy ditë më parë nga vetëvrasja e 17-vjeçares, Irsa Muçollari, për shkak të bullizmit të vazhdueshëm që e reja përjetonte nga shoqëria e saj në shkollë.

Në ditën që ajo kishtë marrë vendimin për t’i dhënë fund jetës, Irsa ishte larguar 3 herë nga shkolla dhe ishte nisur për në shtëpi, ku çdo herë brenda në banesë kishte qenë babai i saj.

Ajo ka vrarë veten në dhomën e saj ndërsa pas ka lënë një letër ku shkruante se askush nuk e afron dhe se të gjithë e tallin për paraqitjen e saj.

“O Zot, perse po vuaj keshtu valle? Une jam kjo qe jam, dhe miqte dhe shoket kerkoj te me respektojne. Por ata tallen me mua. Une ndihem kaq e vetmuar dhe e mbytur ne vetmine time. Nuk me vjen turp per veshjen time. Kaq mundesi kane prinderit e mij, babi im qe kujdeset aq shume per mua aq sa dhe mami. Po perse u dashkam te jem kaq e veçuar? Ku te ankohem? Kujt t’i drejtohem? Kujt t’ja hap zemren time? Tek askush nuk kam besim. Madje as tek psikologia ndonese jam hapur. Perse u dashka te vuaj? Valle kjo eshte jeta?”, shkruante 17-vjeçarja.

Irsa Muçollari e ka shkruar këtë letër në anglisht dhe e kishte fshehur në kapakun e celularit të saj.

Kjo letër ka hedhur dritë mbi arsyet e tmerrshme që çuan 17-vjeçaren drejt marrjes së këtij akti ekstrem.

Tashmë autoritetet kanë marrë dëshmitë e të gjithë stafit të gjimanazit “Siri Shapllo” ku studionte 17-vjeçarja si të gjithë shoqërinë e saj.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Drejtuesi politik i PD për Tiranën, Belind Këlliçi, ka reaguar ndaj deklaratave të kryeministrit Edi Rama, i cili sot në mbledhjen e Grupit Parlamentar të PS-së, përmendi hetimin e tij nga SPAK për një diplomë të dyshuar si false.

I ftuar në News24, Këlliçi e quajti këtë një përpjekje për të mbrojtur dikë tjetër dhe jo një mbrojtje reale ndaj tij.

“Unë prej më shumë se dy muajsh jam nën hetim nga SPAK, jo për akuza, por për artikuj portalesh të përkthyera si akuzë nga Idajet Beqiri, një person i dënuar në katër shtete për krijimin e organizatave terroriste, falsifikim, mashtrim dhe gjenocid,” tha ai, ndërsa shtoi se “Rama e di mirë që unë nuk kam probleme. Të hetohen dëftesat e mia nga klasa e parë deri në diplomim”.

Më tej, teksa u ndal te arrestimi i kryebashkikut Erion Veliaj, ai tha se Nesti Angoni, personi i cili thuhet se ka denoncuar Veliajn, është nga oborri i kryeministrisë,.

“Edi Rama është shprehur dje që ‘kryetar Bashkia këtu jam unë’. Para një viti i hoqi kryetarit lejet e ndërtimit si kompetencë, i jep AZHT-ja. Para 6 muajsh e hoqi nga drejtimi politik i Tiranës, vendosi Manastirliun dhe Spiropalin, solli dhe Blendi Gonxhen, Erion Braçen dhe ministrin e Brendshëm.

Mos harroni retushimin nga fotot zyrtare, në asnjë aktivitet nuk e shihte Veliajn krah Ramës. Nesti Angoni në oborrin e kryeministrisë është. Rama e ka pasur projekt afatgjatë marrjen e Bashkisë Tiranë. Ai do që kur ta burgosë, të mos i bëj dëm”, tha ai.

Këngëtari dhe ish-konkurrenti i “Për’puthen”, Mevlan Shaba, ishte së fundmi i ftuar në emisionin Ndryshe, ku u diskutua edhe raporti i tij me Livian, e cila ndodhet brenda shtëpisë së Big Brother VIP Albania 4.

I pyetur nëse do të bëhej pjesë e këtij edicioni të BB VIP, Mevlani pranoi se dikur kishte pasur shumë dëshirë, por tani është i dyzuar nëse hyrja e tij do të kishte ndonjë vlerë:

“Unë kam pasur shumë dëshirë me thënë të drejtën. Nuk e di në këtë pikë të lojës sa do t’ja vlente sepse edhe lojtarët kanë marrë pozicionet e tyre. Dihet që janë disa personazhe drejt finales dhe nuk e di sa do të më shërbente kjo hyrja ime. Kur them jo, më qan shpirti. Nuk e di”

Nga ana tjetër, gjatë rubrikës Big Love, Livia mori një mesazh nga dikush që u prezantua me emrin Melo, ashtu siç ajo e thërret Mevlanin. Kjo gjë ngjalli diskutime në rrjet, ku shumë ndjekës spekuluan nëse ishte vërtet ai që e kishte dërguar mesazhin apo dikush tjetër.

Mevlani reagoi ndaj këtyre aludimeve, duke u shprehur se nuk dëshironte që kjo histori të përmendej brenda shtëpisë, pasi mund të përdorej kundër Livias:

“Mendoj që do të ishte mirë që kjo histori të mos përmendej fare aty brenda, por banorët shohin lajmet e showbiz-it se çfarë ndodh dhe sigurisht që do t’ja përdornin këtë gjë Livias. Mua nuk më pëlqen aspak me thënë të drejtën sepse duhet të merren me personazhin që është aty brenda, jo çfarë ka ndodhur jashtë. Është e gabuar sepse lëndohen njerëzit.”

Pas publikimit të videos së Xheneta Fetahut në Big Brother VIP Albania, banori Gjesti ka reflektuar për situatën dhe ka shpërthyer duke shprehur gjithçka që mendon. Gjatë një bisede me banorët e tjerë në oborr, ai ka pohuar se produksioni në Kosovë e ka tradhtuar dhe ia ka futur pas shpinës. Për më tepër, Gjesti ka folur për këtë ngjarje edhe në Shqipëri, duke theksuar se kur të dalë nga shtëpia, do t’i tregojë të gjitha.

Reagimi:“Nuk dëshironi të keni mëshirë asnjëri për mua, dëshironi të më shkelni a, okej e vazhdojmë. Pikën e problemit nuk e kam. Jo more, kam parë gjëra më zi më të rënda se kaq. Si këtu si atje, njëjtë për juve lajmërimi.

Atë punë nuk e kam lënë me kaq, pasi hyri edhe këtu. Nuk ndodh kjo gjë. Pse ma bëtë shumë me hile, të gjithë bashkë më keni futur pas shpinës. Hajt se mbreti ju tregon juve. Prapë mua nuk më intereson, nuk ma ndjen. Prapë unë jam ky Besarti. Nuk dëshiron t’i shikosh ndjenjat pare famë, t’i shkelësh ndjenjat e të tjerëve. Të tregoj si është paraja e fama. Së pari duhet të jesh njeri. Famën sot e ke nesër se ke.

Njerëzit mendojnë që, ju ka shkuar si kanë dashur. Do të flas shumë, çfarë kam parë e dëgjuar. Vetëm sa të dal, akoma kam mllef. Për të gjithë ata që më kanë bërë pas shpinës. Nuk kam dështuar, kurrë në jetë. Kur të dalësh jashtë, e sheh”

https://www.tiktok.com/?referer_url=sot.com.al%2Fgossip%2Fvetem-sa-te-dal-jashte-gjesti-ben-paralajmerim-e-forte-ndaj-produksionit-te-kosoves-dhe-shqiperise-video%2F&refer=embed&embed_source=121374463%2C121468991%2C121439635%2C121433650%2C121404359%2C121497414%2C73319237%2C121477481%2C121351166%2C121487028%2C73347566%2C121331973%2C120811592%2C120810756%2C121503376%3Bnull%3Bembed_discover_button

Janë publikuar pamjet nga qelia e paraburgimit ku u mbajt Kryetari i Bashkisë së Tiranës, Erion Veliaj prej datës 10 shkurt, i cili akuzohet nga SPAK për korrupsion pasiv dhe abuzim me fondet publike së bashku me bashkëshorten e tij Ajola Xoxa. Në videon e publikuar më poshtë nga Xhungle.al shihet edhe qelia ku ka ndenjur për dy ditë kryebashkiaku Veliaj.
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Po ashtu, në GJKKO është paraqitur edhe bashkëshortja e kryebashkiakut, Ajola Xoxa, e cila është lënë në masë sigurimi “arrest shtëpie”.

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga peronat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.