Month: March 2025

“Rama i korruptuar i shkatërroi marrëdhëniet me Greqinë me paraburgimin e Fredi Belerit, me dëshmitarë të rremë, pasi kishte përvetësuar një kanion (të Gjipesë) prej shumë hektarësh dhe iu bind oligarkëve”, thotë për Liberal, Sali Berisha, kreu i opozitës shqiptare.

Ai shpjegon pse Shqipëria nuk i plotëson kriteret për anëtarësim në BE dhe flet për mundësitë e bashkëpunimit në Ballkan.

nga Nikolas Tampakopoulos

Z.Berisha, çfarë ju shtyn të jeni kandidat edhe për këto zgjedhje?

Sali Berisha: Historitë e rikthimeve janë ekzotike, nuk janë të shpeshta. Pra, pas çdo rikthimi ka fuqi madhore. Dhe në këtë rast, Sali Berisha 8 vite pasi ishte larguar pothuaj nga skena politike, iu kërkua që të mos hyjë në parlament bazuar në një akt korruptiv. Bazuar në dezinjimin ‘non grata’ të Antoni Blinken, në aktin që vinte nga një lobim korruptiv i Edi Ramës dhe Xhorxh Sorosit.

Pra, jo vetëm u dezinjova, por u kërkua që të mos futem në parlament. Atëherë, qendrimi im ishte ky: askush përveç shqiptarëve nuk mund të bëjë listën e deputetëve, përderisa Shqipëria të jetë një vend sovran. Dhe, meqënëse ish-kryetari im që punonte me ligësi prapa shpinës sime, ishte pjesë e këtij qëndrimi, unë ndërmora procesin e rikthimit. Një proces që kaloi të gjitha etapat dhe që eci me sukses, me gjithë përpjekjet e jashtëzakonshme të qeverisë shqiptare dhe të DASH, diplomatë të cilët, ambasadori në Tiranë dhe i dërguari për rajonin kërkonin arrestimin, i bënin thirrje shqiptarëve të mos më mbështesnin, ajo ndodhi.

Pra, siç e sheh, rikthimi nuk është një akt individual, por është një akt shumë më i gjerë. Shumë njerëz mund të duan të rikthehen, por nuk rikthehen dot.

E provoi Papandreu të rikthehet. Mbeti me 3%. Po jap shembull për të krahasuar se, jo cilido që do mund të rikthehet. Pra, rikthimi është një thirrje, dhe unë iu përgjigja kësaj thirrje të vendit tim.

Si e vlerësoni rrugëtimin europian të Shqipërisë. Pra, rrugëtimin për në BE. Cilat janë reformat që ju do të donit të implementonit?

Sali Berisha: Në mënyrë absolute Shqipëria nuk plotëson asnjë kriter, përveç pozicionit gjeostrategjik, për të cilin unë e mbështes procesin. Por kriteret… Një vend që arreston në vitin elektoral 3 liderë të opozitës, e partive kryesore, një vend që u merr mandate me gjykata kundërshtarëve politikë, se i kontrollon ato, një vend që kontrollon mediat në mënyrë të pamëshirë dhe shpall se do mbyllë rrjetet sociale, Tik Tok-un, një vend që ka të burgosur, ka një drejtësi politike dhe mungesë të një procesi ligjor të drejtë.

Nuk duhet të harroni se në Shqipëri sot, 62% e të burgosurve janë në paraburgim. Se i marrin i plasin njerëzit në paraburgim dhe nuk merret kush me ta. Ky vend, me një shkallë të lartë korrupsioni më të paimagjinueshëm. Me afera korruptive, të cilat shkojnë miliarda. Ky vend, i cili është një narkoshtet. Narkoshteti i parë dhe i vetëm në Europë, ku përfaqësuesit e Sinaloas priten në zyrën e Edi Ramës dhe marrin licensa për kazino dhe resorte me 5 yje.

Nuk ka asnjë lidhje me kriteret që kërkohen për anëtarësimin në BE.

Gjithçka tjetër jashtë gjeopolitikës, jashtë kriterit gjeostrategjik nuk qëndron.

Sa i përket marrëdhënieve shqiptaro-greke si i vlerësoni ato, dhe cilat janë bazat për t’i përmirësuar këto marrëdhënie?

Sali Berisha: Mendoj se, marrëdhëniet shqiptaro-greke kanë bërë progres të ndjeshëm. Por, këto vitet e fundit kanë patur edhe përkeqësime krejtësisht për shkak të qëndrimeve të qeverisë së Edi Ramës.

Po marrim Marrëveshjen e detit. Kishim rënë dakord me qeverinë e qendrës së djathtë dhe të qendrës së majtë të Greqisë, që të shkonim në Hagë. Edi Rama hoqi dorë nga kjo dakordësi dhe deklaroi se do bëjë një marrëveshje më të mirë. Negocioi 2-3 vjet, dhe kur erdhi problemi për të firmosur marrëveshjen, Edi Rama tha se nuk e firmos dot për arsye se ekziston vendimi i Gjykatës Kushtetuese.

Ishte një gjë jashtëzakonisht joserioze. Se ti, në qoftë se uleshe për negociata, duhet t’u thoje që kam këtë vendim, dhe unë jashtë këtij vendimi nuk dal dot. Por jo, të negociosh 3 vite dhe pastaj të thuash: na doli vendimi! Pra, ishte shumë jo serioz.

Së dyti. Akt i pashembullt ishte marrja e mandatit nëpërmjet dëshmitarëve të rremë të Fredi Belerit. Fredi Beleri, anëtar i minoritetit grek në Shqipëri fitoi mandatin, u votua nga qytetarët e Himarës. Sipas Kushtetutës së Shqipërisë, ai ka të drejtë në qoftë se votohet, të jetë dhe president i këtij vendi. Ky është është ligji.

Kurse, Edi Rama i mori mandatin, vetëm e vetëm pse Beleri nuk do të lejonte Ramën të grabisë kanionin e Gjipesë. Kur u arrestua Beleri, unë deklarova publikisht që është arrestim politik dhe prapa këtij arrestimi qëndrojnë interesa mafioze direkte të Edi Ramës. Nuk e dija se, Edi Rama kishte pronësuar, pa asnjë dokument kadastral, pa asnjë dokument konfiskimi nga regjimi komunist, kanionin e Gjipesë, një nga kanionet më të bukura të Jonit dhe të Mesdheut, për nënën dhe kushërinjtë e tij. Kjo doli më vonë.

Sigurisht që, Fredi Beleri nuk mund të bënte kurrë një kompromis të tillë, të lumturonte Edi Ramën me 224 mijë m2 tokë në këtë zonë.

Megjithatë, arriti që të krijojë përshtypjen se Beleri nuk është njeri korrekt. Beleri nuk kishte bërë asnjë faj. Beleri ishte fajtor vetëm se ishte deklaruar anëtar i minoritetit grek dhe duhej që ky të pranonte t’i bënte Edi Ramës favoret mafioze që kërkonte.

Pra, marrin fund këto. As që do ndodhin dhe as kanë për të ndodhur. Çdo qytetar do të trajtohet sipas kushtetutës dhe ligjit. Mund të kemi raste, apo shembuj të tjerë.

Pra, janë një seri aktesh të cilat, sigurisht, nuk është se nuk ndikuan në marrëdhëniet negativisht.

Traktati i Miqësisë, një dokument themelor i firmosur në vitin 1996 u injorua totalisht dhe, faktikisht sot është i skaduar, kërkon të rinegociohet, të rishqyrtohet. Pra, marrëdhëniet me Greqinë u dëmtuan nga interesat mafioze të Edi Ramës.

Cilat janë sfidat dhe mundësitë për bashkëpunimin e vendeve të Ballkanit?

Sali Berisha: Mundësitë janë të mëdha. Së pari, Shqipëria duhet të luftojë me vendosmëri kriminalitetin me zero tolerancë.

Shqipëria ka shkatërruar sistemin e drejtësisë. Dhe në mungesë të një sistemi drejtësie, në mungesë të sigurisë juridike, unë nuk di ndonjë investitor të huaj apo grek serioz që të ketë ardhur gjatë këtyre viteve në Shqipëri. Di me dhjetëra dhe qindra që janë larguar nga Shqipëria.

Pra, kushti i të gjitha kushteve për këtë bashkëpunim është krijimi i një klime miqësore për biznesin. Nuk ka një kompani greke, apo të vendeve tjera që të fitojë në Shqipëri, se i fitojnë të gjitha oligarkët e Edi Ramës. Në një kohë kur, para vitit 2013, kompani greke, italiane, gjermane, amerikane ndërtuan projektet e mëdha dhe i fituan në tendera ndërkombëtare. Absolutisht, asnjë e favorizuar nga Sali Berisha, por me meritën e tyre në mënyrë transparente dhe kanë bërë punë të shkëlqyera.

Ikën. Jo vetëm që ikën, por disa prej tyre u ndanë me gjyqe me këtë qeveri për shkak të abuzimeve të qeverisë.

Dashi

Kush ka kaluar një gjendje debulese fizike, gjatë fundjavës do të ketë përmirësim. Do të ketë rizgjim ndjenjash dhe emocionesh pozitive për dashurinë. Po ashtu periudhë mjaft interesante parashikohet edhe për sferën profesionale, ndaj nuk duhet të izoloheni. Duhet të braktisni gjërat që nuk kanë më vlerë, pasi ka ardhur koha për t’ia nisur nga e para.

Demi

Kush ka një projekt nuk duhet të heqë dorë, pavarësisht se yjet nuk janë shumë të favorshëm. Edhe kush është në periudhë studimi, duhet të thellohet. Jeni natyrë që arrini ti pranoni ndryshimet, edhe pse të imponuara nga fati, pasi shikoni atë që mund përfitoni dhe jo atë që keni humbur.

Binjakët

Orët në vijim, do të kenë në qendër të tyre dashurinë. Kush është i dashuruar, mund të tregojë pasionin e tij të madh. Më në fund yjet po ju buzëqeshin çifteve. Edhe njohjet e reja janë mjaft të favorshme, gjatë kësaj fundjave.

Gaforrja

Është duke u mbyllur një fazë kaotike dhe tashmë do të kërkoni pak qetësi. Ndikimi negativ i Saturnit, ju fton që të lini pas krahëve atë që nuk duhet. Ka ardhur momenti për të vepruar ndryshe, në mënyrë që të mos përsërisni gabimet e së kaluarës. Flisni sa më pak që të jetë e mundur, pasi në të kundërt rrezikoni që të gaboni. Mundohuni që të mbani nën kontroll një fazë pakënaqësie në dashuri.

Luani

Do të jetë një e shtunë disi kontroverse. Nëse keni pasur shqetësime në punë apo në dashuri, do të keni përmirësime të situatës. Nëse shihni se diçka nuk shkon me ju, bëni mirë që të merrni më shumë kohë.

Virgjëresha

Është një ditë rikuperimi sentimental, ku po mundoheni të gjeni qetësinë, pas problemeve të kaluara së fundi. Keni nevojë për një mbështetje emocionale. Sidomos meshkujt, mendojnë se një dashuri e madhe është e tillë, vetëm nëse ka një stabilitet ekonomik dhe mirëqenie. Dita do të jetë e mirë, edhe për arritjen e marrëveshjeve.

Peshorja

Ndjeni se gjërat nuk po ecin siç doni dhe për këtë arsye ndiheni të lodhur dhe në siklet. Do t’iu duhet që të bëni një zgjedhje shumë të rëndësishme. Mundohuni që të shmangni peshën e angazhimeve që cilësoni të kota dhe që nuk ndiheni të mbrojtur. Keni ndjesinë se ambienti që ju rrethon ju shqetëson, ndaj mundohuni që të gjeni qetësinë në dashuri, pasi fundjava është premtuese.

Akrepi

Kjo e shtunë ju fton që të jeni të kujdesshëm, pasi mund të ketë polemika dhe tensione. Në mbrëmje mund të humbni durimin, ndaj bëni kujdes. Nëse në dashuri ka kontraste, këshillohet që të shmangni një konflikt të mundshëm. Mund të përballeni me ndonjë shqetësim në sferën profesionale.

Shigjetari

Jeni në një dyjëzim të madh, duhet të merrni disa vendime të rëndësishme, sidomos në dashuri, shkruan noa.al. Mundohuni të vlerësoni mirë se çfarë do të bëni si dhe shmangni situatat stresuese.

Bricjapi

Është momenti për të parë përreth dhe për të nisur aventura dhe bashkëpunime të reja, të cilat premtojnë sukses. Kjo është një periudhë e mirë, edhe për historitë e reja të dashurisë.

Ujori

Nuk ndiheni shumë më formë, pasi do të ndiheni disi të lodhur. Mundohuni që të përmbaheni dhe të shmangni sa më shumë të jetë e mundur diskutimet.

Peshqit

Ndjeni nevojën për të pushuar dhe për tu shkëputur nga gjithçka. Merreni me qetësi dhe përfundoni nga fundjava për të sistemuar disa çështje të mbetura pezull dhe të mundoheni që të rikuperoni raportet me personat që i keni përzemër.

Gara sapo ka nisur dhe sinjalet janë shqetësuese. Kryeministri polak, Donald Tusk, ka deklaruar se vendi i tij synon të krijojë një ushtri me 500 mijë trupa aktive dhe të marrë akses në arsenalin bërthamor.

“Ne duhet të vetëdijësohemi se Polonia duhet të synojë për kapacitetet më modern, gjithashtu lidhur me armët bërthamore dhe armët moderne jokonvencionale. Kjo është një garë për sigurinë, jo për luftën”, është shprehur Tusk në parlamentin polak.

Sipas tij, shembulli i Ukrainës, një vend që hoqi dorë nga arsenali bërthamor dhe mandej u sulmua nga Rusia ilustron sesa të nevojshme janë masat që duhen marrë. Ideja që qëndron pas kësaj politike është mobilizimi.

Tusk tha se Polonia aktualisht ka 200 mijë trupa aktive, që e bën atë ushtrinë e tretë më të madhe të NATO-s, pas SHBA dhe Turqisë. Ukraina ka 800 mijë trupa, kurse Rusia, 1.3 milionë trupa.

“Çdo mashkull i shëndetshëm duhet të stërvitet që të jetë i aftë të mbrojë vendin në rast nevoje. Ne do të përgatitemi në një mënyrë të tillë që të mos jetë barrë për popullin”, shtoi Tusk.

Tusk tha se gratë gjithashtu mund t’i nënshtrohen trajnimit ushtarak, por “lufta është ende në një masë më të madhe domeni i burrave”.

Kryeministri tha se qeveria e tij po “shqyrtonte me kujdes” propozimin e Francës për të përfshirë Europën nën ombrellën e saj bërthamore.

“Do të doja të dija para së gjithash në detaje se çfarë do të thotë kjo për sa i përket autoritetit mbi këto armë”, tha ai.

Tusk vuri në dukje se Ukraina u pushtua pasi hoqi qafe arsenalin e saj bërthamor, duke shtuar se Varshava do të donte të merrte armët e veta bërthamore, sado e largët të jetë kjo mundësi.

“Sot, është e qartë se ne do të ishim më të sigurt nëse do të kishim arsenalin tonë bërthamor, kjo është pa dyshim. Në çdo rast, rruga drejt kësaj do të ishte shumë e gjatë dhe gjithashtu do të duhej të kishte një konsensus,” tha ai.

Polonia tashmë po planifikon të shpenzojë 4.7% të prodhimit të saj ekonomik për mbrojtjen këtë vit, përqindja më e lartë në aleancën e NATO-s.

Të gjitha sëmundjet si artriti reumatoid, borsiti, menisqet, problemet e dhimbjeve lumbare, hernia diskale, pak a shumë kanë të njëjtën natyrë.

Në thelb ato janë veçse një infeksion alergjik që prek membranat sinoviale.

Këto membrana janë si qese që mbajnë lëngun sinovial, dhe ky i fundit ndodhet midis kockave dhe kyçeve e nuk i lejon ato që të fërkohen e të konsumojnë njëra-tjetrën.

Ky inflamacion alergjik që ndodh në kyçe prek mosha nga më të ndryshmet, duke filluar që nga moshat 20-30 vjeçe.

Fillimisht këto baktere qëndrojnë në gjendje pasive, por bëhen aktive në momentin që depozitohen në palcën e kuqe të kockave dhe nëpër kyçe e shkaktojnë dhimbje.

Format më të njohura janë disa, ku mund të përmend Shafarad Stilid, i cili shfaqet në moshat 3-7 vjeçare, si pasojë e një sëmundjeje të shpeshtë në bajame apo veshka.

Këto dhimbje bëhen aq të bezdisshme, sa fëmijët mund të arrijnë në atë pikë sa nuk lëvizin dot.

Një tjetër formë është artriti kronik, që përparon në mënyrë progresive në trupin e njeriut dhe dhimbja vjen duke u përshkallëzuar.

Ndërsa, poliartriti është një lloj tjetër i artritit, që fillon të lëvizë në pjesë të ndryshme të trupit, pra quhet ndryshe edhe artriti “shëtitës”, ku dhimbja në momente të ndryshme, lokalizohet në pjesë të ndryshme.

Ka dhe forma të tjera, si gonoartroza, e cila ndodh kur në pjesën e kupave të gjunjëve lëngu sinovial fillon të thahet, dhe këtu depozitohen stafilokokë.

Në rastet kur pacienti ka mungesë të theksuar lëngjesh, kjo shpeshherë, shoqërohet edhe me kërcitje të kockave. Një formë tjetër është dhe artriti urik, i cili lidhet drejtpërdrejt me sasinë e lartë të acidit urik në organizëm.

Shkaktarët

Në rastet kur tregoheni të pakujdesshëm në kurimin e bajameve, gjëndrat limfatike fillojnë të acarohen dhe prodhojnë limfocitet T, të cilat shumohen në numër dhe trupi prodhon antikorpuse kundër faktorit reumatoid që është shumuar. Këta stafilokokë që zhvendosen nga bajamet, shkojnë në veshka, e më tej hyjnë në qarkullimin e gjakut.

Nëse një trup nuk funksionon në mënyrë të sinkronizuar, duke përfshirë këtu gjëndrat endokrine dhe organet e tjera, është më i predispozuar për t’u prekur nga këta ngacmues të jashtëm, ku përfshihen edhe këto baktere që shkaktojnë sëmundjen e artritit.

Me kalimin e kohës fillojnë shqetësimet e para, që shoqërohen me ndjesi këputjeje, lodhjeje, temperaturë, dhimbje gjunjësh e kockash si dhe me mungesë oreksi. Këto shenja shfaqen kur stafilokokët hyjnë në gjak e fillojnë të bëhen aktivë, të shumohen dhe të përhapen në trup. Stadi i dytë i kësaj sëmundjeje progresive është që, nëse nuk kurohet, ai përparon në mënyrë të përshkallëzuar. Gjatë këtij momenti kemi përhapje simetrike në të dyja gjymtyrët, dhe fillon të japë dhimbje, dobëson enët e qarkullimit të gjakut dhe i hollon. Këto të fundit, me ndryshimin e shtypjes atmosferike bëhen të brishta dhe ulja e shtypjes shkakton çarjen e kapilarëve, çka jep shumë dhimbje te pacienti.

Diagnostikimi

Një pacient, i cili verifikon se ka disa nga simptomat e sipërpërmendura, mund të kryejë disa diagnostikime, si faktori reumatoid, fibrinogjenin, proteinën C reaktive dhe acidin urik. Në momentin që acidi urik rezulton i lartë, atëherë pacienti ka depozitime të larta të kalciumit në kocka, çka shkakton deformimin e kockave, që shfaqet më tepër në gishtat e këmbës dhe të dorës.

Trajtimi

Duke njohur shumë mirë vetitë kuruese të disa bimëve, ne filluam t’i testonim ato që para 10 vitesh dhe morëm rezultate tepër pozitive. Ne e dimë që artriti dëmton edhe zemrën, kështu që në kompozimet e çajit kurues shtuam edhe bimë që mbrojnë zemrën. Nuk përdorim vetëm një bimë, por duke ditur vetitë e përafërta të bimëve mjekësore, kemi kompozuar këtë çaj, që redukton acidin urik të ngritur, i cili jep edhe probleme në veshka, si dhe të sjellë një funksionim të mirë të qarkullimit të gjakut në arterie dhe vena. Aty ku gjaku qarkullon lirshëm, shkojnë edhe lëndët ushqyese dhe oksigjeni. Pacientët duhet të pinë një gotë çaj që ne e përgatisim me bimë mjekësore në çdo vakt. Ne në kompozimin e këtij çaji futëm bimë që të mbrojnë edhe zemrën. Lëvorja e shelgut është një tjetër trajtim që përdorim për pacientët, pasi hollon gjakun. Edhe vaji i sinapit është një preparat shumë i mirë, që nxit qarkullimin e gjakut dhe ndihmon në kurimin e artritit.
Zgjidhja e problemit të artritit reumatoid është e dukshme brenda një periudhe kohe shumë të shkurtër, pra brenda një jave.

Egli Tako është banorja që la mbrëmë shtëpinë e ‘Big Brother VIP Albania’ për arsye shëndetësore.

Ndonëse reagoj në rrjete sociale menjëherë duke thënë se këtë kohë po e shfrytëzon për te kaluar me personat e zemrës, shkruan “Kosovarja”.

Egli la mundësin për të fituar çmimin e madh, por në kombin të tij banorja po merr ndjekës të pafund në rrjete sociale.

Meteorologia Tanja Porja ka zbuluar në emisionin ‘Dita Jonë’ në A2 CNN se si do të jenë kushtet e motit gjatë ditëve në vijim.

Porja tha se nga dita e nesërme pritet të shtohen vranësirat në të gjithë territorin, dhe e marta sipas saj, do të sjellë reshjet e para të shiut, kryesisht në zonat veriore dhe veri-perëndimore.

Sipas meteorologes, dita e mërkurë do të sjellë reshje shiu në thuajse të gjithë territorin e Shqipërisë.

Ajo shtoi se dita e martë do të sjellë një rënie me 1-2 gradë të temperaturave, teksa shtoi se reshjet e shiut do te jenë me intensitet të ulët gjatë të martës dhe të mërkurës.

“Shtohen vranësirat në territorin shqiptar gjatë ditës së sotme, por edhe në ditët në vijim. Sot nuk presim reshje. Termometri shënon vlera mjaft të larta. Maksimumi i ditës së sotme shënon 22 gradë celsius, përgjithësisht në shumicën e qyteteve të shtrirjes perëndimore. Ndërkohë nga nesër dhe në vijim, temperaturat mbeten të larta, të paktën deri ditën e martë.

Ndërsa shtohen vranësirat gjatë ditës së shtunë. E diela do të ketë vranësira të lehta e kalimtare, ndërsa nesër janë shumë më të dukshme në territor. Sikundër dita e hënë dhe në vijim, e gjithë pjesa e parë e javës tjetër e cila sjell fuqizim të vranësirave në territorin shqiptar. E marta rreth paradites sjell një sistem të fuqishëm me vranësira.

Priten rrebeshe afatshkurtra fillimisht në veri-perëndim dhe veri dhe më pas edhe në zonat qendrore. Në jug të territorit priten pak reshje gjatë ditës së martë. Ndërsa dita e mërkurë sjell reshje në të gjithë territorin shqiptar. Reshjet do të jenë të lehta dhe afatshkurtra, por do të prekin gjithë Shqipërinë. E marta sjell 1-2 gradë rënie”, tha meteorologia Porja.

Një ngjarje e pazakontë u regjistrua pasditen e së enjtes në zonën e “Varrit të Bamit” në Tiranë, ku i riu Lilo Shehu, rrezikoi jetën e tij për të shpëtuar një person i cili u aksidentua pasi kishte humbur ndjenjat.

Neësbomb.al solli mëngjesin e sotëm momentin kur Shehu vrapoi për ta shpëtuar të shoferin, duke parandaluar kështu një ngjarje e cila mund të përfundonte në një tragjedi.

E së fundmi, Lilo Shehu ka folur për Euronews Albania ku dhe ka rrëfyer me detaje ngjarje, duke thënë se sapo dëgjoi zhurmë vrapoi dhe largoi këmbën e shoferit nga pedali i gazit dhe mbylli çelësin e makinës.

“Dëgjova një zhurmë të fortë, u nisa dhe pashë se kishte një zhurmë më të madhe dhe xhirim gomash. Atëherë kuptova që dikush kishte humbur ndjenjat dhe se instikti më tha të veproja.

Tani, kur e shoh videon, mendoj se si e bëra këtë gjë. Ndonjëherë, veprimet ndodhin vetë, kur të thërret ndërgjegjia, sepse pashë që ishte një situatë kritike, por instikti më tha të veproja. E dija që mund të ishte një katastrofë e mundshme dhe duhej ndërhyrë.

Gjithsesi, mund ta quajmë hero atë zotërinë që ishte përballë, i cili frenoi me makinën e tij duke e zbutur ngadalë shpejtësinë e automjetit të personit që kishte humbur ndjenjat. Unë ia hoqa këmbën nga pedali i gazit dhe fiku çelësin, duke i rikthyer situatën në normalitet, dhe ai filloi të merrte vetëdijen. Dëshiroj të theksoj se kishte edhe persona të tjerë që ndihmuan, dhe nëse ndonjë makinë do të kishte kaluar, mund të kishte shkaktuar një shpërthim. E nxorëm nga makina dhe i dhamë ujë; fatmirësisht ai u përmend dhe policia mbërriti shumë shpejt, brenda tre minutash, duke sqaruar situatën. Pas kësaj, e shoqëruan për kontrolle në spital”, tha i riu, teksa më tej theksoi se fatmirësisht gjendja shëndetësore e shoferit të aksidentuar është e mirë.

Egli Tako mbrëmë ka përfunduar rrugëtimin e saj në ‘Big Brother VIP Albania’ për shkak të gjendjes shëndetësore.

Pak minuta me parë faqja zyrtare e ‘Big Brother’ ka publikuar promon teksa shihet edhe momenti i fundit i Eglit në shtëpi, shkruan “Kosovarja”.

Ajo pak para daljes ka takuar Gjestin teksa nuk mungonin as lotët e saj.

Përqafim ky tejet i rëndë teksa reaguan edhe ndjekësit e dyshes.

VIDEO

Egli Tako ka ndërmarrë hapin e parë, pasi ndërpreu rrugëtimin e saj në Big Brother Vip Albania.

Deri pak minuta më parë, Egli kishte “privat”, llogarinë e saj në Instagram, ndërkaq tani e ka rikthyer në llogari publike.

Duket se interesimi për të ndjekur aktivitetet e Eglit ka qenë i madh, andaj edhe Egli ka vendosur që profili i saj të jetë i hapur. Ky veprim vjen pas një periudhe intense në emisionin e njohur, ku ndjekësit dhe fansat janë të etur për të parë çfarë do të bëjë ajo tani që është jashtë shtëpisë së Big Brother-it.

Në këto momente, shumë prej ndjekësve po e përshëndesin këtë vendim, duke shprehur dëshirat e tyre për ta parë Eglin aktive në rrjete sociale.

Shumë komente pozitive janë shprehur në postimet e saj të fundit, disa madje sugjerojnë se ajo duhet të nxjerrë më shumë përmbajtje, si videobloga apo live streaming.

Pjesëmarrësja nga Big Brother Vip është bërë një emër i njohur në Shqipëri, dhe pas përfundimit të shfaqjes, fansat janë të interesuar për çdo lëvizje të saj. Një pjesë e madhe e ndjekësve janë duke pritur me padurim të dinë për planet e saj të ardhshme, si dhe për projekte të reja të mundshme, qoftë në muzikë, aktorësi, apo ndonjë format tjetër entertainment.

Egli është shquar edhe për personalitetin e saj të gjallë dhe energjinë që sjell në çdo ambient. Ajo ka shkaktuar diskutime të shumta gjatë qëndrimit të saj në shtëpinë e Big Brother-it, dhe tani që është jashtë, është e qartë se ndjekësit e saj do të përpiqen të mbajnë një lidhje të afërt me të.

Bashkia e Tiranës, nën drejtimin e ish-kryebashkiakut të arrestuar Erion Veliaj, ka financuar me 320 mijë euro shoqatën “Bash-Art” të drejtuar nga Altin Basha, një shifër që barazohet me buxhetin tre-vjeçar të Teatrit Kombëtar. Kjo zbulim është bërë publik nga gazetarja Beti Njuma përmes një postimi në rrjetet sociale.

Financimi vjen në fokus të vëmendjes pasi lidhet direkt me çështjen e diskutueshme të shembjes së Teatrit Kombëtar. Sipas gazetares, ky financim ndodhi pasi Basha, i cili fillimisht ishte kundër shembjes së ndërtesës historike, ndryshoi qëndrim dhe u bë mbështetës i projektit të Bashkisë për prishjen e godinës.

Njuma nënvizon se ky rast përbën një shembull të qartë të mënyrës së veprimit të ish-kryebashkiakut Veliaj, ku përmes financimeve publike është tentuar të ndikohet në qëndrimin e figurave të rëndësishme të komunitetit artistik lidhur me çështjen e Teatrit Kombëtar.

Zbulimi i këtij financimi shton listën e pagesave të diskutueshme të bëra nga Bashkia e Tiranës ndaj regjizorëve dhe aktorëve që ndryshuan pozicionin e tyre lidhur me projektin e shembjes së Teatrit Kombëtar, një nga objektet më të rëndësishme të trashëgimisë kulturore të kryeqytetit.

Postimi i plotë:

Pasi ia mbylli gojën për prishjen e Teatrit Kombëtar duke e bërë drejtor, Erion Veliaj financoi me 320 mijë euro (sa buxheti i 3 viteve të TK) shoqatën “Bash-Art” të Altin Bashës! Dhe pastaj habitemi si u ble kauza e Teatrit Kombëtar dhe se si aktorët e regjisorët u bënë palë me talebanët e trashëgimisë. Kush nuk blihet me para, blihet me SHUMË PARA!