Month: March 2025

Në vendimin rreth 400 faqe të gjyqtarit Erjon Bani tregohen me fakte dhe prova të gjitha institucionet që kanë bekuar me fonde kompanitë e Ajola Xoxës. Një ndër këto institucione është edhe Ministria e Kulturës, e cila drejtohej nga Elva Margariti.

Në dosje rezulton që fondet publike në favor të OJF-ve kontrollohen faktikisht nga shtetasja Ajola Xoxa, ato nuk janë shpërndarë vetëm nga Bashkia Tiranë, por edhe institucione të tjera publike si Ministria e Kulturës po ashtu dhe Ministria e Turizmit, e cila drejtohet nga Mirela Kumbaro që nga viti 2021.

Kjo vlen për të kuptuar akoma më mirë mekanizmin e kalimit të të hollave nga Institucionet Publike tek OJF-të, prej tyre tek sh.p.k.-të dhe individët, të gjithë të kontrolluar, por edhe të lidhur ngushtë me shtetasen Ajola Xoxa dhe kryetarin e Bashkisë Tiranë Erion Veliaj.

Lidhjet Ministria e Kulturës me OJF e Ajola Xoxës

Konkretisht, me vendimin date 23.12.2024 të prokurorit, “Për Këqyrje/marrjen e dokumenteve”, janë administruar pranë Ministrisë së Ekonomisë, Kulturës dhe Inovacionit akte të cilat lidhen me:

1) Projektin “International Contemporary Dance Festival Tirana 2022”, ku përfshihen kontrata të lidhura, transaksione, pagesa e fatura.

2) Projektin “International Contemporary Dance Festival Tirana 2023”, ku përfshihen kontrata të lidhura, transaksione, pagesa e fatura.

3) Kontrata të lidhura ndërmjet Ministrisë së Ekonomisë, Kulturës dhe Inovacionit dhe shoqërisë “Rametal” sh.p.k., ku përfshihen transaksione, pagesa e fatura.

Nga këqyrja e dokumentacionit të administruar në fashikullin penal, ka rezultuar se me anë të procesverbalit nr. 6446/5 datë 11.02.2022, Drejtoria e Konceptimit dhe Fizibilitetit të Projekteve të Kulturës, ka dokumentuar shqyrtimin e projekteve të paraqitura.

Ndër to, në subjektin me numër 44 në renditje, konstatohet Subjekti “HARABEL – QENDRA E ARTIT BASHKËKOHOR”, për projektin “Digjitalizimi i artit bashkëkohor në Shqipëri”, në shumën 1,000,000 lekë.

Në vijim, më datë 14.06.2022, është nënshkruar Kontrata për Mbështetje Financiare me Fonde Publike, Nr. 3260 Prot, datë 14.06.2022, me palë Ministria e Kulturës, e përfaqësuar nga Arian AVRAZI, Drejtor i Drejtorisë së Konceptimit dhe Fizibilitetit të Projekteve të Kulturës, sipas Urdhrit të Ministrit të Kulturës nr. 93 prot., datë 21.02.2022, dhe Driant ZENELI, në cilësinë e përfaqësuesit të Qendres “HARABEL”.

Në këtë kontratë përcaktohet vlera e financimit në shumën 1.000.000 lekë, në të cilën është përfshirë TVSH, komisionet bankare dhe të gjitha detyrimet fiskale apo detyrime të tjera që njeh legjislacioni shqiptar. Të dhënat e llogarisë bankare të individit përfitues tregojnë që bëhet fjalë për “HARABEL”.

“Nga këqyrja ka rezultuar se për këtë rast është nënshkruar Urdhër-Shpenzimi Nr. 468 datë 17.06.2022 i Ministrisë së Kulturës me të dhëna: Kreditor Përfitues: Qendra Harabel. Objekti i shpenzimit: Projekti: Digjitalizimi i artit bashkëkohor në Shqipëri, 60% sipas kontratës. Shuma në lekë: 600.000. Bashkëlidhur Fatura elektronike nr.6/2022 date 15.06.2022, Me Shitës: Qendra Harabel dhe Blerës: Ministria e Kulturës. Vlera: 600.000,00 lekë. 76. Me datë 15.09.2022 Balkan Youth Link Albania (BYL-A) në bashkëpunim me D18 Paris i drejtohet Ministrisë së Kulturës për zhvillimin e festivalit të kërcimitKRE “International Contemporary Dance Festival in Tirana”.

Me datë 31.10.2022, është nënshkruar Kontrata për Mbështetje Financiare me Fonde Publike, Nr.5801/6 Prot, datë 31.10.2022, me palë Ministria e Kulturës, e përfaqësuar nga Arian AVRAZI, Drejtor i Drejtorisë së Konceptimit dhe Fizibilitetit të Projekteve të Kulturës, dhe “Balkan Youth Link Albania” me Ina Goxhaj, përfaqësuese e Qendrës Drejtore Ekzekutive, në cilësinë e drejtuesit të projektit”, thuhet në dosjen hetimore.

Në këtë kontratë shpjegohet vlera e financimit në shumën 3.100.000 lekë, ku përfshihet TVSH, komisionet bankare dhe të gjitha detyrimet fiskale apo detyrime të tjera që njeh legjislacioni shqiptar. Pagesa do realizohet në 2 faza.

KOMUNIKIMET DHE DETAJET

Në faqen 1035 të komunikimeve rezulton se Adela njofton Ketrinën që leket e Ministrisë së Kulturës kanë kaluar te BYL-A dhe i thotë që të mbyllin pagesat të nesërmen.

Dorëzimi i lekëve tek shtetasja Ajola Xoxa nga OJF në fjalë provohen nga komunikimet e ndodhura në faqen 1050.

Shtetasja Adela Kondakçiu thotë: “Keti po për ato puantet nuk të ktheu me përgjigje ajo Alisa. Se une do t’ia dorëzoj cfare më ka mbetur Ajolës nesër”. Në fakt, përgjigjja e Alisës nuk pritet gjatë për pagesën e puanteve.

Në faqen 1063-1064, ndërsa Ketrina i thotë që po interesohet për puantet, Adela i përgjigjet se është vonë dhe shton: “Unë ja dorëzova Ajolës (lekët).” Në faqen 1065 Ketrina e pyet nëse mund t’ia merrte Xhoit (Skënderasi), por Adela i thotë se ajo nuk ka. Adela shton se duhet të flasë me Ajolën nëse është.

Nga këto komunikime rezulton e provuar se si fondet publike, të akorduara në këtë rast nga Ministria e Kulturës, fillimisht kalojnë në dy Organizata Jofitimprurëse nën kontrollin faktik të shtetases Ajola Xoxa.

Më pas, nga këto organizata fondet kalojnë te shtetasja Ajola Xoxa, “Arts Lab” sh.p.k. në pronësi ligjore të dajës së shtetases Ajola Xoxa (Erald Simixhiu), por në pronësi faktike të kësaj të fundit, tek shtetasi Valmir Xoxa, kushëri i afërt i shtetases Ajola Xoxa, dhe shtetasi Ergys Krisiko, njohje e afërt me shtetasen Ajola Xoxa.

Ministria e Turizmit

Kontrolli i plotë i shtetases Ajola Xoxa në çdo drejtim që lidhet me funksionimin e OJF-ve në fjalë, duke nisur që nga momenti i aplikimit për projekte në institucionet shtetërore, rezulton edhe nga komunikimet e faqe 1076.

Ketrina Braho i thotë Adelës: Më erdhi njoftimi nga Ajola të aplikojmë te Ministria e Turizmit. Adela i përgjigjet O zot i madh, duke shtuar se edhe Linda (Kazani) po aplikon. Po këtë herë, Adela i thotë Ketrinës se do merren vetë, pasi ato janë të tmerrshme.

Sipas të dhënave në vendimin e gjykatës rezulton që kompania “Harabel” e Ajola Xoxës është financuar nga Ministria e Kulturës dhe Ministria e Turizmit, dhe kontrollohet tërësisht nga Ajola Xoxa, bën pagesa në favor të “Ava Studio” shpk, në pronësi ligjore të nënës së saj.

KOMUNIKIMET DHE DETAJET PER MINISTRINE E TURIZMIT

Në faqen 1769 të komunikimeve, Adela Kondakçiu njofton Ketrina Brahon se lekët kaluan, si nga Bashkia Tiranë ashtu edhe nga Ministria e Turizmit.

Në faqen 997 Ketrina njoftohen nga Adela se lekët e Ministrisë së Turizmit kishin kaluar, duke shtuar se: të paktën 1 u mbyll. Gjithashtu, i kërkon të bëjë të nesërmen ndryshimet te KRK të letrave me kokë që kishin bërë gabim, në mënyrë që dosja të çohej të premten.

Advertisements

Në faqen 1211 nis një komunikim që lidhet me projektin që po bëjnë me Ministrinë e Turizmit.

Adela pyet se kur mbaron projekti, por Ketrina i thotë që as ka nisur akoma. Në lidhje me këtë projekt, Ketrina shprehet se duhet të përcaktojnë me Ajolën kush do të jenë personat dhe kompanitë të cilat do të marrin pagesat që në atë moment.

Në këtë faqe përmbahet edhe një screenshot i një mesazhi të shkëmbyer mes Ketrina Brahos dhe një personi të regjistruar në telefon si ‘Enkeleda Ministria e Turizmit’.

Ketrina i bën një pyetje në lidhje me raportimet nga pagesat e personave që janë në buxhet. Ketrina vijon duke i thënë nëse mund të jenë personat të stafit dhe i deklarojnë si pjesë rroge.

Personi i cili duket se punon në Ministrinë e Turizmit i përgjigjet: do pyes dhe do të them. Më pas, i njëjti person i thotë: Po, mund të jenë por duhet të sillni një bordero të firmosur dhe vulosur.

Në lidhje me zërat, Adela i thotë Ketrinës se do jenë për kurator dhe menaxher produksioni. Pra, është e qartë se dhe vendosja e zërave por edhe personat që supozohet do kryejnë shërbimet, të cilët vendosen nga pjesa e stafit të “Harabel”, janë fiktive.

Si “lidhet” Mirela Kumbaro me drejtorin ekzekutiv të Harabel të Ajola Xoxës, Driant Zenelin
Në vitin 2018, në kohën që Mirela Kumbaro drejtonte ministrinë e Kulturës, shprehte bindjen për përfaqësimin e Shqipërisë në Bienalen e Artit 2019 me projektin e Driant Zenelit, që ishte drejtues i një prej komapnive të Ajola Xoxës.

“E bindur për përfaqsimin dinjitoz të Shqipërisë në Bienalen e Artit 2019, me projektin e Driant Zenelit

Si komisioner i pavijonit shqiptar, ia besuam projektin e artit, që do të përfaqsojë Shqipërinë në ngjarjen më të madhe botërore të Artit, artistit Driant ZENELI, me projektin me titull

“Maybethe cosmos is not so extraordinary” – “Ndoshta kozmosi nuk është aq i jashtëzakonshëm”.

Titulli merr shkas nga romani fantastiko-shkencor i autorit shqiptar Arion Hysenbegas, “Drejt Epsilonit të Eridanit”, i botuar në vitin 1983 (ribotuar i plotë në vitin 2018).

Drianti, i cili drejtoi me shumë sukses vitin e kaluar në Tiranë Bienalen e Mesdheut të Krijuesve të Rinj, ndërton skuadër me kuratoren Alicia KNOCK, kuratore në Qendrën e Artit Bashkekohor në Paris “Georges Pompidou”, në Departamentin e Artit Bashkëkohor, në Paris, të krijuar dhe drejtuar nga Christine MACEL.

Pas pesë edicioneve shumë të suksesshme,

në vijim të pavijoneve të realizuara nga artistë si Edi Hila e Adrian Paci, Armando Lulaj, Leonard Qylafi, por edhe nga arkitekte si Simon Battisti, apo skuadra energjike e arkitekteve te paviojnit #TiranaZeroSpace qe vijon te jete i hapur,

Shqipëria është e angazhuar të ndajë me publikun e kritikën ndërkombëtare pjesën e vet më të mirë: Artin dhe Kulturën.

Suksese me gjithë zemër Driantit në këtë sfidë të re të përbashkët në La Biennale di Venezia”, shkruante Mirela Kumbaro.

Pra duket qartë lidhja e ministres Kumbaro me njerëzit që punonin në kompanitë e Ajola Xoxës, në këtë rast Driant Zeneli, i cili rezulton të jetë drejtori i Harabel.

Presidenti gjerman, Frank-Walter Steinmeier kritikoi ashpër homologun amerikan, Donald Trump, për sjelljen e tij gjatë takimit me presidentin ukrainas, Volodymyr Zelensky, në Zyrën Ovale.

Takimi mes dy liderëve në Uashington u zhvillua në një atmosferë të tensionuar, me momente të dukshme të mosmarrëveshjeve dhe ftohtësisë mes tyre. Kjo situatë ka shkaktuar reagime të shumta nga liderë botërorë dhe analistë politikë, duke ngritur shqetësime për të ardhmen e mbështetjes ndërkombëtare ndaj Ukrainës në konfliktin e saj me Rusinë.

Steinmeier, i njohur për qëndrimet e balancuara në diplomacinë ndërkombëtare, nuk nguroi të shprehte zhgënjimin lidhur me mënyrën se si u trajtua gjatë takimit lideri ukrainas.

“Diplomacia dështon kur partnerët e negociatave poshtërohen para gjithë botës”, tha ai për agjencinë gjermane të lajmeve DPA, duke lënë të kuptohet se sjellja e presidentit amerikan ndaj liderit ukrainas ishte e papranueshme.

Presidenti gjerman shprehu habinë dhe shqetësimin për situatën aktuale, duke theksuar se Evropa po përballet me një realitet të ri gjeopolitik.

“Skena në Shtëpinë e Bardhë dje më la pa fjalë. Kurrë nuk do ta kisha besuar se do të vinte një ditë kur do të na duhej të mbronim Ukrainën nga SHBA-ja”, shtoi ai.

Komentet e Steinmeierit pasqyrojnë shqetësimin në rritje brenda Bashkimit Evropian për ndryshimet në politikën e jashtme amerikane dhe pasiguritë që mund të sjellin këto zhvillime për stabilitetin në Evropë.

Gjermania dhe vendet e tjera evropiane kanë rritur mbështetjen e tyre për Ukrainën, duke e konsideruar ndihmën e vazhdueshme jetike për të ruajtur stabilitetin dhe sigurinë në rajon.

Reagimi i Steinmeierit vjen në një moment kur marrëdhëniet transatlantike po përballen me sfida të mëdha dhe kur debati mbi rolin e SHBA-së në arenën ndërkombëtare po bëhet gjithnjë e më i ashpër.

Me situatën në Ukrainë ende të paqartë, mbetet për t’u parë se si do të evoluojë qëndrimi i Uashingtonit dhe çfarë ndikimi do të ketë në marrëdhëniet me aleatët evropianë.

Një bos shqiptar i krimit, i cili kontrabandoi qindra emigrantë në Britani, është kthyer fshehurazi në Angli pasi kreu gjysmën e dënimit me dhjetë vjet burg në Belgjikë. Kështu shkruan e përditshmja britanike Daily Mail në një artikull të botuar.

Alket Dauti, 36 vjeç ishte koka e një bande shqiptare që kontrabandonte emigrantë; përfshirë fëmijë më kamionë frigoriferikë nga Belgjika. Ai u arrestua në banesën e tij në Penge, periferi në Londrën Juglindore, në vitin 2018. Dauti u ekstradua në Belgjikë vitin e ardhshëm, ku tashmë ishte dënuar me dhjetë vjet në mungesë për drejtimin e operacionit të kontrabandës. Në seancën e tij gjyqësore u zbulua se Dauti, i cili mbërriti në Britaninë e Madhe në vitin 2009, jetonte me një vizë të skaduar në vitin 2018. Atij duhej t’i ndalohej rihyrja për shkak të veprës penale.

Një hetim i Mail on Sunday ka zbuluar se ai kreu vetëm pesë vjet burg në Belgjikë dhe u deportua në vendin e tij të lindjes. Por burime në Shqipëri thanë se ai u largua vitin e kaluar drejt Europës. Ndërkohë sipas llogarive të Dautit në TikTok , Instagram dhe Facebook tregoi se ai jeton në Mbretërinë e Bashkuar të paktën që nga nëntori i kaluar.

Fotot në Facebook e shfaqën atë në Penge ku jetonte me gruan dhe fëmijët e tij përpara arrestimit. Javën e kaluar, Dauti postoi një video në TikTok ku shihet duke vozitur në atë që duket të jetë një rrugë banimi në Londër. Dy ditë më vonë, ai hoqi videon e publikuar.

Kur u pyet nga Mail on Sunday, se si arriti të kthehej, Dauti tha:

“Kam dokumente… Çfarë do të thotë që nuk kam të drejtë të kthehem? Nuk kam bërë asnjë krim në Mbretërinë e Bashkuar.”

Kur iu tha se Home Office nuk ka asnjë të dhënë në sistemet e kalimit të kufirit për kthimin e tij në Britani, ai paralajmëroi gazetarët anglez të mos shkojnë më në shtëpinë e tij. Alket Dauti u tha gazetarëve të Mail on Sunday, se ka jetuar në Mbretërinë e Bashkuar “ligjërisht” që nga qershori i vitit të kaluar.

Zyrtarët e Home Office i thanë Mail on Sunday -së se nuk kanë asnjë të dhënë për hyrjen e Dautit në Mbretërinë e Bashkuar. Kjo u ka shërbyer gazetarëve të mbërrijnë në përfundim se ai është futur ilegalisht./Daily Mail

Gjesti ka nënshkruar një marrëveshje me Top Channel.

Ky lajm ka shkaktuar shumë reagime, duke u bërë pjesë e diskutimeve pas suksesit të Gjestit, i cili ka arritur një popullaritet të ngjashëm me atë të Luiz Ejllit.

Kontrata e nënshkruar është për një periudhë dyvjeçare dhe përfshin menaxhimin e karrierës së tij artistike, duke u përqendruar në zhvillimin e këngëve dhe projekteve muzikore, sipas prive.

Një detaj i rëndësishëm është ndryshimi i emrit të kanalit të Luiz Ejllit, tani Top Media Music, që mund të lidhet me këtë marrëveshje të re dhe planifikimin e një risie muzikore.

Projekti i parë i Gjestit, që pritet të publikohet së shpejti, do të shoqërohet me një videoklip të realizuar brenda shtëpisë së Big Brother VIP Albania.

Admirali James Stavridis, një amerikan që shërbeu si komandant i NATO-s për Evropën nga 2009-2013, tha se ne mund të jemi dëshmitarë të “ditëve të fundit” të aleancës dhe fillimit të një “Organizate të Traktatit Evropian”.

Bëhet e ditur se këmbëngulja e presidentit amerikan, Donald Trump, për liderët evropianë që të rrisin buxhetet e tyre të mbrojtjes, e kombinuar me mosmarrëveshjen e tij me Volodymyr Zelenskyn në Zyrën Ovale, ka ngjallur shqetësim tek anëtarët e aleancës.

“Ne mund të shohim ditët e fundit të NATO-s”, tha Admirali Stavridis.

“Kjo është një çështje e thellë se kë do të mbështesni? Një demokraci që është nën sulm, apo do të mbështesni një diktator në Moskë?”, shtoi ai.

“Ne mund të shohim fundin e NATO-s dhe fillimin e asaj që mund të quhet Organizata e Traktatit Evropian, ETO”, vazhdoi komandanti.

Raportohet se komentet e tij vijnë ndërsa sekretari i përgjithshëm i NATO-s, Mark Rutte, lideri ukrainas, Volodymyr Zelensky dhe liderë të tjerë evropianë mblidhen për një samit në Londër, shkruan the Telegraph.

Por duket se bisedimet, të planifikuara nga Keir Starmer i Britanisë së Madhe për të përditësuar homologët e tij mbi diskutimet me Trumpin, janë lënë në hije nga takimi shpërthyes i presidentit amerikan në Shtëpinë e Bardhë me Zelenskyn të premten.

Zelensky kishte mbërritur në Uashington për të nënshkruar një marrëveshje mineralesh me Trumpin, por takimi u përcoll me debate të ashpra.

Ndryshe, spekulimet janë rritur në javët e fundit nëse Trump planifikon të tërheqë SHBA-në nga NATO.

Presidenti u ka bërë vazhdimisht thirrje anëtarëve që të rrisin shpenzimet e mbrojtjes në 2% të GDP-së.

Në muajin e kaluar, presidenti amerikan ka përshkallëzuar kërkesat e tij, duke inkurajuar anëtarët e NATO-s që të rrisin më tej shpenzimet e mbrojtjes deri në 5%.

Ndërkohë, samiti në Londër ka të ngjarë të mbizotërohet nga diskutimet mbi nevojën që Evropa të rrisë bashkëpunimin mes frikës nëse aleanca mund të vazhdojë “të mbështetet në mbështetjen e SHBA-së”.

Kryetari i Partisë Demokratike, Sali Berisha ka dhënë një intervistë me median greke “enikos.gr”, ku ka folur për tema të ndryshme mes tyre dhe për zgjedhjet parlamentare të 11 majit.

Lideri i opozitës ka hedhur akuza edhe ndaj kryeministrit Edi Rama për të cilin tha se do të përballet me drejtësinë sapo PD të marrë qeverisjen e vendit.

E keni quajtur Ramën narkodiktator. A keni ndërmend ta burgosni kur të vini në pushtet?

Sali Berisha: Dëmi që ka pësuar Shqipëria në vitet e narkodiktaturës është i jashtëzakonshëm. Dhe, unë nuk mund të them se përgjegjësit kryesorë, ndër të cilët është Rama, nuk do përballen me ligjin. Nuk është ndërmendja ime kjo. Por, pasojat e narkodiktaturës qenë të këtilla, saqë shumë vështirë të mendohet se do mund t’i shpëtojnë ligjit ata që vendosën narkodiktaturën në Shqipëri.

Narkodiktatura, thotë Samuel Huntington, është më e keqe se të gjitha diktaturat tjera, se diktatura komuniste, se diktatura naziste, se diktatura teokratike dhe se grushtet-shtetet ushtarake. Nuk besoj se, nuk mund të mendohet se nuk do të veprojë ligji për ata të cilët kanë vendosur diktatura.

Rama mban marrëdhënie miqësore me Erdoganin. A do ta mbani këtë miqësi dhe bashkëpunim të ngushtë me Turqinë?

Sali Berisha: Turqia është një aleat, një partner i Shqipërisë. Marrëdhëniet midis Shqipërisë dhe Turqisë nuk mund të jenë kurrë në dëm të një pale të tretë. Përkundrazi, Shqipëria do të ruajë marrëdhënie shumë të mira me fqinjët e vet, me Greqinë, me vende tjera, por natyrisht marrëdhënie me Turqinë do jenë marrëdhënie normale. Nuk mund të them se do të kenë karakterin e atyre marrëdhënieve që pati Rama-Erdogan, sepse nuk jam unë për ato lloj marrëdhëniesh. Jam për marrëdhënie normal, miqësore, dhe kjo është.

Cilat janë hapat e para që do të ndërmerrni për të forcuar lidhjet midis Greqisë dhe Shqipërisë?

Sali Berisha: Mendoj se, lidhjet midis Greqisë dhe Shqipërisë në tërësi kanë zhvillimet e tyre pozitive, por problemet e krijuara këto vite janë probleme të cilat në një farë mënyre i ngadalësuan këto marrëdhënie, por edhe i dëmtuan.

Unë mendoj se, zgjidhja e Marrëveshjes së detit, rikthimi dhe vendosja e kësaj marrëveshje për zgjidhje është një nga objektivat e mia. Nuk mund të imagjinohet në një vend demokratik që t’i merret mandati cilitdo për përkatësinë e tij etnike. Çdo shtetas shqiptar, me Kushtetutë, ka të drejtë dhe do ketë të drejtë të marrë çdo funksion që i besojnë qytetarët shqiptarë me votën e tyre të lirë. Dhe kjo, besoj se është përgjigja më e drejtë ndaj aktit antikushtetues, antidemokratik të marrjes së mandateve, siç ndodhi me rastin Beleri.

Ju keni marrë Chris LaCivita menaxherin kryesor të fushatës së Donald Trump në skuadrën tuaj të fushatës. A e keni dhe mbështetjen e Presidentit Trump?

Sali Berisha: Unë nuk mund të them këtë. Kam mbështetje totale dhe të plotë të Chris LaCivita që bashkdrejtoi fushatën më të suksesshme të kohërave. Është kryetar i Komitetit Kombëtar Republikan, por nuk është i kontraktuar në emër të Presidentit Trump. Për shumë arsye, Partia Demokratike e Shqipërisë mbështeti Partinë Republikane Amerikane në zgjedhje, dhe në këtë aspekt ajo është një aleat shumë i çmuar i yni.

Çfarë do të bëni me qeverinë e Maqedonisë së Veriut dhe me pakicën shqiptare në këtë vend fqinj?

Sali Berisha: Ne jemi për marrëdhënie shumë të mira me fqinjët. Probleme nuk është se nuk janë krijuar këto kohë. Mendoj se, ne nuk do të pajtohemi me një regres të të drejtave të shqiptarëve në këtë republikë. Shpresoj që, dialogu, besoj gjithmonë tek dialogu, tek fryma konstruktive. Me dialog është plotësisht e mundshme të zgjidhim çdo problem që kemi.

Sa i takon bashkëpunimit me Italinë për emigracionin dhe për problemin e emigrantëve, marrëveshjes Rama-Meloni?

Sali Berisha: Ne, kemi qenë kundër kësaj marrëveshjeje. Natyrisht, e sanksionuar nga Gjykata Kushtetuese, ne do respektojmë këtë marrëveshje në afatin e vet 5-vjeçar.

Ky burim është thoriumi, një element radioaktiv që mund të përdoret për të krijuar një lloj centrali bërthamore me kripë të shkrirë…

Shkencëtarët në Kinë kanë deklaruar se kanë zbuluar një burim energjie “të pafund” që mund të furnizojë vendin me energji për të paktën 60,000 vjet.

Ky burim është thoriumi, një element radioaktiv që mund të përdoret për të krijuar një lloj centrali bërthamore me kripë të shkrirë, i cili mund të prodhojë sasi të mëdha energjie.

Sipas një studimi, kompleksi minierar i Bayan Obo në Mongolinë e Brendshme mund të ketë mjaft thorium për të plotësuar kërkesat energjetike të Kinës për një periudhë të jashtëzakonshme kohe.

Thoriumi është më shumë i pranishëm në natyrë se uraniumi dhe mund të prodhojë deri në 200 herë më shumë energji se uraniumi. Përdorimi i këtij elementi në reaktorët me kripë të shkrirë mund të reduktojë ndotjen dhe të eliminojë rrezikun e shpërthimit bërthamor. Kina ka nisur ndërtimin e centralit të parë bërthamor me thorium dhe planifikon ta ketë atë në funksion deri në vitin 2029, me qëllimin për të arritur pavarësinë energjetike.

Ky zbulim ka ngjallur shpresa për të ndryshuar mënyrën se si prodhohet energjia në botë, duke ofruar një alternativë të qëndrueshme ndaj karburanteve fosile. Kjo mund të revolutionarizojë industrinë e energjisë, duke ofruar një burim të pakufizuar energjie që mund të përdoret për shumë vite pa u shteruar.

Për herë të parë janë publikuar pamjet e kapërcimit të murit të shtëpisë së Big Brother nga Gjesti pak ditë më parë.

Mbrëmjen e sotme ai ka treguar arsyen se përse e bëri atë veprim.

“Ka ditë që jam i ngarkuar, kam më shumë ditë se të gjithë në izolim dhe njëkohësisht po mbaj dhe ngarkesën e dy banorëve brenda.

Është puna dhe me Eglin, që ka kanë bërë disa gjëra të ndjehem keq.

Ka qenë një moment shumë i vështirë që e bëra atë gjest. Nuk dua të shikoj një vajzë gjithë kohës që qan për mua dhe jepet pas meje.

Më bën të ndihem shumë keq. E kam pasur dhe jashtë një situatë me një vajzë, që ka shkuar dhe në një gjë edhe më të keqe.

Jam i ngarkuar dhe i lodhur, pata një ngushtim në zemër, doja thjeshtë për të parë më shumë. I kërkoj falje publikut dhe familjes time, keni marrë masat dhe ju, kam fol me psikologen”, tha ai.

Kryeministri britanik, Keir Starmer, ka njoftuar nga Lancaster House, ku u zhvillua një samit me liderët europianë, se Britania e Madhe, Franca dhe vendet e tjera do të hartojnë një plan për të ndaluar luftimet në Ukrainë, i cili do t’u paraqitet Shteteve të Bashkuara.

Starmer theksoi se qëllimi i takimit ishte bashkimi i aleatëve europianë për të adresuar këtë çështje të rëndësishme.

“Pika jonë fillestare duhet të jetë ta vendosim Ukrainën në pozicionin më të fortë të mundshëm tani,” u shpreh ai, duke theksuar se “çdo marrëveshje duhet të mbështetet nga forca”.

Ai theksoi se “çdo komb duhet të kontribuojë në mënyrën më të mirë të mundshme, duke sjellë aftësi dhe mbështetje të ndryshme në tryezë, ndërsa të gjithë duhet të marrin përgjegjësinë për veprim dhe të rrisin pjesën e tyre të barrës.”

Starmer njoftoi disa hapa të rëndësishëm që u ranë dakord gjatë takimit:

Të vazhdohet rrjedha e ndihmës ushtarake dhe të rritet presioni ekonomik ndaj Rusisë për të forcuar Ukrainën.

Çdo paqe e qëndrueshme duhet të sigurojë sovranitetin dhe sigurinë e Ukrainës, dhe Ukraina duhet të jetë pjesë e tryezës.

Në rast të një marrëveshjeje paqeje, do të vazhdojë rritja e aftësive mbrojtëse të Ukrainës për të parandaluar çdo pushtim të ardhshëm.

Do të zhvillohet një koalicion i gatshmëve për të mbrojtur një marrëveshje në Ukrainë dhe për të garantuar paqen.

Starmer përfundoi duke shprehur angazhimin për të ndihmuar Ukrainën në këtë moment të vështirë.

Duket se në shtëpinë e “Big Brother Vip” po lind një histori e re “rozë”. Ditën e sotme, Aldo, teksa ka qenë duke bisedua me Mikelën ka shprehur se ka një simpati për Rizartën.

“E simpatizoj. Fjala admiroj është shumë e madhe por për moshën që ka, e admiroj. Dhe nëse ka diçka, nëse do ketë diçka, do jetë e vërtetë. Kështu 100 %. Por nuk është prioritet, nëse lind diçka, lind”– tha Aldo.

“Kështu duhet të jetë”- iu përgjigj Mikela e cila më pas e pyeti: “Si të duket nga ana tjetër deri tani, meqë thua e kupton?

Aldo u përgjigj se i duket që simpatia e Rizartës për të është reciproke, duke shtuar “Për më shumë nuk e di, për këto vlerësimet që po flisja, më duket reciproke”.

A do ia kthejë Rizarta ndjenjat Aldos?