Month: March 2025

Gazetari Endri Xhafo, i ftuar në studion e News 24 komentoi aktualitetin politik, pak përpara zgjedhjeve të 11 majit.

Duke folur për vizitën e LaCivita në Shqipëri, Xhafo tha se ekziston një alarm tek demokratët. Sipas tij, Rama ka paralajmëruar se do të bëjë vizitë në SHBA dhe se për këtë, po lobon. Për Xhafon, nëse Rama bën vizitë në SHBA, kjo do ishte “game over”.

“Rama ka thënë se do të kalojë Oqeanin dhe nëse Rama shkon në SHBA, do të zhvlerësonte vizitën e LaCivita, do zhvlerësonte pretendimet e demokratëve për ndikimin e Soros. Kjo do të ishte game over. Të gjitha do të zhvlerësoheshin. Të gjithë presin që Sali Berisha të shkojë në Amerikë, qoftë për një takim me emigrantët. Nëse Berisha shkon në SHBA, kjo do ishte rënia e non gratës. Ka alarm mes demokratëve se Rama se nuk po lë gur pa lëvizur për të shkuar në vizitë në SHBA”, tha Xhafo.

Duke folur për votën e diasporës, Xhafo u shpreh se regjistrimi i mbi 231 mijë shqiptarëve jashtë për të votuar në zgjedhjet shqiptare është një shifër tepër e lartë dhe e kënaqshme.

“Celibashi ka pasur pritshmëri diku tek 50 mijë emigrantë për regjistrim dhe një politikan ka thënë 10 mijë. Kjo shifër, 231 mijë është një shifër shumë e lartë. Kur ka pjesëmarrje të madhe në zgjedhje, shpesh ndodh që kjo votë është për opozitën. Por, vota e diasporës është një enigmë e madhe. PS dhe PD kanë punuar mirë edhe për votën e diasporës. Nuk mendoj se 231 mijë njerëz janë regjistruar se janë ftuar vetëm nga partitë politike. Emigrantët shohin lajmet dhe ndjekin aktualitetin e Shqipërisë. Nuk është risi që të vijnë nga Greqia e Italia të votojnë. Nga Greqia kanë ardhur më herët të votojnë me autobusë, organizuar nga partitë politike. Këtë herë nuk do votojnë në Shqipëri, por aty ku jetojnë”, deklaroi ai.

Teksa komentoi koalicionin e madh të PD-së, Xhafo u shpreh se shikon pragmatizëm politik, pasi çamët dhe grekët kanë hyrë në një koalicion. Ai shtoi se beson se Berisha po “shtrydh” çdo votë kundër Ramës.

“E quajnë edhe koalicion çamo-grek. Kjo është hipokrizi e Dules dhe Idrizit. Disa shikojnë hipokrizi dhe disa pragmatizëm. Është shprehja që ka thënë Mustafa Nano, “koalicioni i qelbësirave”. Mund të ketë demokratë që thonë “Ooo, prapë me Metën”. Berisha hyn me idenë që të gjithë duhet të bëhemi kundër Ramës. Unë shoh pragmatizëm të forcave politike. Berisha po tenton të ‘shtrydhë’ çdo votë kundër Ramës. Sali Berisha mund të kishte marrë edhe gjithë faktorin opozitar në vend. Nuk shoh ndonjë qamet të madh në këtë koalicion prej 26 partish që ka bërë Berisha. “Shqipëria madhështore” është thuajse njësoj si “Make Albania great again””, deklaroi ai.

Xhafo vlerësoi procesin e Primareve në Partinë Demokratike, duke thënë se është një proces i guximshëm në realitetin politik shqiptar.

“Myslym Murrizi tha se ka pakënaqësi. Primaret janë vetëm një kriter për kandidatët për deputetë të PD-së. Berishës i duhet jo vetëm figurë e dashur për demokratët, por edhe për elektoratin gri. I mbetet PD në dorë që të vlerësojë disa aspekte të tjera. Kryesia e PD do vlerësojë kriteret subjektive. Ka pasur shumë persona që kanë pasur rezerva për këtë proces. Unë mendoj se mbajtja e primareve është pozitive. Jo patjetër ai që do anëtarësia, e do edhe elektorati gri po themi. Kjo e ndihmon z Berisha për të kuptuar se kë do anëtarësia. Puna e vulës ka marrë fund. Historia e vulës është e mbyllur”, tha ai.

Në fund, Xhafo nënvizoi se Edi Rama nga 2013 kur PS erdhi në pushtet, e ka rinovuar partinë.

“Rama e ka rinovuar partinë, e ka pastruar dhe ka marrë njerëz të rinj. Ka zëra të rinj në Partinë Socialiste. Tek ‘Deputeti që duam’ duhet të shikojmë produktin”, përmbylli ai.

(BalkanWeb)

Sekretari i Përgjithshëm i Partisë së Lirisë Tedi Blushi, i ftuar në emisionin Open në News 24 deklaroi se presidenti i PL Ilir Meta do të jetë i lirë më 11 maj.

Blushi shtoi se më 11 maj, rikthehet liria për të gjithë shqiptarët. Sipas tij, zgjedhjet do të fitohen nga koalicioni opozitar, që përbëhet nga 26 parti.

Tedi Blushi: Më 11 maj Meta është i lirë. Më 11 maj rikthehet liria për të gjithë shqiptarët. Këtë mund t’iu them.

(Balkanweb)

Dashi

Dashuria: Një përmirësim në sferën sentimentale, por ju ende duhet të prisni për të marrë dashurinë tuaj mbrapa. Kini besim, çdo gjë do të zgjidhet së shpejti. Zemrat e vetmuara do të jenë në gjendje të shpresojnë për surpriza të reja.

Puna: Edhe nëse nuk ju pëlqejnë ndryshimet e programit, fatkeqësisht nuk do të keni zgjidhje. Mos i harroni qëllimet tuaja.

Demi

Dashuria: Nga sot do të jeni të vetëdijshëm se pasionet dhe emocionet bëhen më intensive. Ju do të jeni në gjendje të pranoni disa kompromise për dashurinë. Beqarët nuk duhet të nënvlerësojnë një takim, ky mund të jetë një pikë kthese për ta.

Puna: Shumë probleme pune nuk janë zgjidhur por ata që kanë filluar një rrugë të re do të gjejnë zgjidhje.

Binjakët

Dashuria: Pasuria dhe pozitiviteti do ta bëjnë këtë ditë shumë të këndshme. Ju do të jeni gati të përballeni me përgjegjësi të reja në dashuri dhe mund të planifikoni angazhime afatgjata! Për beqarët, personi i duhur mund të arrijë, të aftë për rrëmbimin e zemrës së tyre.

Puna: Lajme të shkëlqyera në frontin e punës, do të keni kënaqësi të mëdha. Vetëm përpiquni të vendosni besim tek njerëzit e duhur.

Gaforrja

Dashuria: Nëse jeni çift, sot mund të kaloni një ditë relaksuese, duke larguar mendimet e këqija dhe duke ndier emocione të mira. Mundohuni të rrethoheni me njerëz që mund t’ju japin më shumë energji! Ditë e madhe edhe për beqarët, shumë dëshira do të bëhen të vërteta!

Puna: Do të ndiheni pak të lodhur për shkak të shumë përgjegjësive mbi shpatullat tuaja, por rezultatet do t’ju ngushëllojnë.

Luani

Dashuria: Mos i dashuroni njerëzit që kanë tendencë të tregojnë gënjeshtra, prandaj tentoni t’i largoni. Sot ju do të shpëtoheni nga miqtë e rremë të cilët nuk bëjnë asgjë, por të ndërhyjnë në jetën tuaj private. Për zemrat e vetmuara do të vijnë surpriza të reja që do të mbushin zemrën.

Puna: Nëse po kryeni një projekt të rëndësishëm, çdo polemikë apo shqetësim sot do të jetë shumë i bezdisshëm.

Virgjëresha

Dashuria: Një fazë e rëndësishme vazhdon për të lindurit e shenjës, edhe nëse dashuria nuk është pikërisht në momentin e saj më të mirë. Megjithatë, është planifikuar një rikthim për historitë që kanë kaluar nëpër një krizë. Korniza astralike është e favorshme për beqarët, takime dhe flirtime të papritura.

Puna: Sot mund të dukesh pak nervoz dhe i lodhur, po reflekton për perspektivat e tua të ardhshme.

Peshorja

Dashuria: Ju po përjetoni paqartësi në dashuri që nuk ju pëlqejnë. Nëse keni marrëdhënie për disa vite mund të jetë se jeni të lodhur, por para se të bëni një zgjedhje, mendoni për këtë! Beqarët janë në kërkim për diçka alternative për aventurat. Mos i nënvlerësoni mbledhjet.

Puna: Sa i përket punës, yjet sigurojnë zgjedhje të menjëhershme dhe shumë të rëndësishme për shumë të lindur të shenjës.

Akrepi

Dashuria: Ju jeni mbështjellë nga një energji e bukur, por Hëna në opozitë në shenjën tuaj mund të krijojë një nervozizëm të pajustifikuar pak. Përkundër gjithçkaje, marrëveshja me partnerin/en do të jetë e përsosur! Beqarët do të duhet të mbajnë sytë të përqendruar në qëllimet e tyre.

Puna: Në përgjithësi nuk ju pëlqen të takoni njerëz që pyesin për atë që thoni, por ka përparësi në punë.

Shigjetari

Dashuria: Nëse jeni në bilanc mes dy zgjedhjeve të rëndësishme në dashuri ju do të duhet të përpiqeni të mos veproni instinktivisht, por të dëgjoni më së shumti zemrën. Bëni rrugën për ndjenjat e vërteta, nxirrni pasionin! Beqarët do të duhet të ulin armët me veten me durim për të hedhur dritë mbi një çështje të ndjeshme.

Puna: Jupiteri ju fton që të mos jeni të sigurt për pasiguritë, edhe pse shumë situata ende nuk janë zgjidhur.

Bricjapi

Dashuria: Një ditë reflektimi, veçanërisht në sferën sentimentale. Ata që sapo kanë filluar një marrëdhënie, do të gjejnë veten duke bërë një përmbledhje. Saturni në opozitë do të sjellë nervozizëm në marrëdhëniet familjare. Beqarët, nga ana tjetër, do të bëjë takime të reja interesante.

Puna: Në punë dëshira për të ndryshuar, për të zhvilluar ide të reja dhe për të dalë nga monotonia bëhet e fortë.

Ujori

Dashuria: Do të jetë një ditë interesante dhe gjithashtu do të keni rastin të argëtoheni. Ju gjithashtu mund të përjetoni një ndjenjë të sapolindur në një mënyrë më të thellë. Takime të këndshme për beqarët, edhe nëse do të ketë kontrast, mund të lindë një ndjenjë me një person në të ardhmen.

Puna: Me Jupiterin në anën tuaj ju mund të përballeni me ndonjë komplikacion në punë me pozitivitet të madh.

Peshqit

Dashuria: Jepni më shumë vëmendje në jetën tuaj private edhe nëse disa pasiguri vazhdojnë t’ju shqetësojnë. Një person do të përpiqet t’ju tërheqë ju vetë, mos u jepni atyre që nuk ju meritojnë. Beqarët do të jenë të zënë me zgjidhjen e disa problemeve në familje.

Puna: Mërkuri në opozitë e bën të vështirë dialogun me kolegët, dikush do t’ju vendosë shkopinj nën rrota.

Planet e Kroacisë për të vazhduar ndërtimin e autostradës nga Spliti në Dubrovnik janë të njohura për Podgoricën zyrtare, por pika e kontaktit ende nuk është rënë dakord.

Pasi u njoftua se Kroacia do të ndërtojë autostradën nga Spliti në Dubrovnik, u shtrua pyetja: a do të lidhet kjo rrugë me të ashtuquajturin Korridori Adriatiko-Jonian në vendet fqinje. E kjo çështje është shumë me rëndësi edhe për Malin e Zi.

Në Podgoricë thonë se janë informuar për idenë e Zagrebit, por nuk tregojnë se ku do të jetë pika e lidhjes së autostradës kroate me Malin e Zi, që është me rëndësi edhe për të gjithë ata që udhëtojnë nga Perëndimi për në vendet e tjera. Mali i Zi po përgatitet të ndërtojë pjesën e dytë të autostradës Bar-Boljare, përgjatë bregdetit malazez si dhe një autostradë për në Shqipëri.

Edhe pse Podgorica zyrtare është njoftuar me planet e Kroacisë për të vazhduar ndërtimin e autostradës nga Spliti në Dubrovnik, akoma nuk dihet ku do të lidhet kjo rrugë me ato në Malin e Zi.

“Aktivitetet janë duke u zhvilluar për të harmonizuar pikën ndërlidhëse me Kroacinë. Ne po përgatisim një projekt për një rrugë me shpejtësi të madhe kalimi përmes Gjirit të Kotorrit, e cila do të ndërlidhet me Kroacinë”, tha kompania shtetërore malazeze Monteput, duke shtuar se po përgatisin edhe dokumentacionin për një autostradë deri në kufirin me Shqipërinë. Pikat ndërlidhëse të autostradës do të koordinohen me Zagrebin dhe Tiranën.

Rrugët deri në Shqipëri

Plani hapësinor për vitin 2040 përfshin një rrugë me shpejtësi të lartë deri në kufirin me Kroacinë, si dhe një autostradë deri në kufirin me Shqipërinë.

Rruga e shpejtë përgjatë bregdetit malazez, e cila shkon nga kufiri me Kroacinë, lidhet me autostradën Bar – Boljare në zonën e gjerë të Gragjanit. “Është planifikuar një autostradë nga tuneli i Sozinës deri në kufirin me Shqipërinë, e pas hartimit të projekteve konceptuale, zbatimi i të cilave është duke u zhvilluar, këto korridore do të përfshihen në Planin e ri Hapësinor të Malit të Zi, i cili është në proces miratimi dhe do të jetë i vlefshëm deri në vitin 2040”, kumtoi Monteput.

Qëllimi është që të dyja rrugët të vlerësojnë potencialin turistik të Malit të Zi dhe të zgjidhin problemin e kahershëm të mbingarkesës në bregdetin malazez. “Kjo rrugë së bashku me autostradën Bar – Boljare është prioritet për ndërtim. Ministrja e Transportit Maja Vukiçeviq u takua me ministren e Infrastrukturës së Shqipërisë Belinda Baluku, ku kjo ishte një nga temat”, thanë për DW nga Ministria e Transporteve.

Tenderi për ndërtimin e rrugëve

Pas një viti është anuluar tenderi paraprak për ndërtimin e seksionit të dytë të autostradës Bar Boljare (Mateshevë – Andrijevica) dhe është shpallur një i ri.

“Ky është një tender që do të lejojë pjesëmarrjen e të gjithë ofertuesve, përfshirë edhe ata që morën pjesë në procesin paraprak”, thonë në Monteput për DW. Një tender i ri është kërkuar jozyrtarisht nga Delegacioni i Bashkimit Evropian në Podgoricë dhe Banka Evropiane për Rindërtim dhe Zhvillim (BERZH), të pakënaqur që asnjë kompani evropiane nuk iu përgjigj procesit.

Zyrtarisht, Monteput dhe Qeveria thonë se tenderi i ri është rezultat i një marrëveshjeje për të “mundësuar të gjitha kompanitë e interesuara të aplikojnë, jo vetëm atyre që aplikuan në fazën paraprake”. Arsyeja e dytë është se një pjesë e itinerarit është ndryshuar ndërkohë.

Rruga duhet të kalojë nga Kroacia deri në Shqipëri

Ambasadori i Bashkimit Evropian në Podgoricë, Johan Sattler, i pyetur nga TV Vijesti nëse presin që ndonjë kompani evropiane të aplikojë për tenderin e ri, tha se vendimi është në dorën e kompanive, por ata shpresojnë një gjë të tillë.

Tenderët dhe konkurrenca

“Ne mendojmë se është një gjë e mirë të kesh sa më shumë konkurrencë, në mënyrë që të marrësh ofertat më të mira të mundshme dhe zgjidhjet më të avancuara teknologjikisht,” tha Satler.

Kompanitë nga Turqia, Azerbajxhani dhe Kina aplikuan për tenderin paraprak për ndërtimin e pjesës së dytë, duke përfshirë CRBC, kompaninë që ndërtoi pjesën e parë të autostradës Smokovac-Mateshevo. Në fillim të vitit të kaluar, Komisioni Evropian njoftoi se do të marrë pjesë në ndërtimin e kësaj pjese të rrugës me një grant prej 100 milionë euro, ndërsa BERZH me një kredi të butë prej 200 milionë euro.

Pjesa e rrugës Mateshevë-Andrijevica është rreth 22 kilometra e gjatë, që është afër 14 për qind e rrugës totale të autostradës Tivar-Boljare. Nënshkrimi i kontratës së projektimit dhe ndërtimit ishte planifikuar për gjysmën e parë të vitit 2025, ndërsa përfundimi i punimeve pritet në vitin 2030. Monteput pretendon se po bën gjithçka për të përmbushur afatet e planifikuara./DW

Prime i sotëm i Big Brother Vip ka nisur krejtësisht ndryshe.

Banorët janë ngrirë dhe në shtëpi është futur Ledioni.

Ai i ka komunikuar G-Banit se babai i tij ka pëshuar ishemi cerebale por është në gjendje stabile.

‘mami dhe vëllai kanë kërkuar që në këto momente të vështira duan të të kenë afër. Produksioni të ka prerë biletën për t’u nisur që tani në Londër’.

Ai nuk ka pritur dhe ka dalë menjëherë nga shtëpia me Ledionin.

Por, pasi ka kaluar derën, me mikrofonin ndezur, G-Bani ka bërë një koment/pyetje që ka shtuar dyshimet.

Teksa qante, ai dëgjohet duke i thënë Ledionit: ‘Është rren për me më nxjerrë?’

Shumëkush në rrjet është shprehur i bindur që kjo mund të ketë qenë vetëm pretekst pavarësisht se me shëndetin e prindërve nuk bëhet show.

Nuk dihet nëse G-Bani e ka thënë në formë komenti apo pyetje fjalinë që u dëgjua e mbi zhvillimin e papritur të largimit që ka tronditur banorët. /Prive.al

Një pasagjer në një aeroplan të drejtuar nga linja ajrore spanjolle Plus Ultra shkaktoi panik në një fluturim nga Madridi në Karakas kur u përpoq të hapte derën ndërsa avioni ishte mbi Atlantik, raportuan sot mediat.

Sipas dëshmitarëve okularë, pasagjeri u hodh papritur nga vendi i tij dhe nxitoi drejt daljes, duke tërhequr dorezën e derës së avionit, sipas Daily Mail.

Pasagjerët e tronditur filluan të bërtasin dhe ekuipazhi i fluturimit reagoi shpejt dhe, me ndihmën e disa pasagjerëve, neutralizoi burrin.

Ai e kaloi pjesën tjetër të fluturimit në pjesën e pasme të aeroplanit, me duar të lidhura dhe nën mbikëqyrje të vazhdueshme nga anëtarët e ekuipazhit.

Incidenti ndodhi më 28 shkurt ndërsa Airbus A330 ishte mbi Atlantik, në gjysmë të rrugës për në kryeqytetin e Venezuelës.

Një punonjës i stafit u plagos gjatë një konfrontimi me pasagjerin që tentoi të hapte derën.

Mbesa e këngëtares së mirënjohur, Parashqevi Simaku, ka deklaruar se ka disa plane të mundshme për ardhjen e Parashqevisë në Shqipëri.

Por ajo theksoi se, për momentin, nuk mund të japë një përgjigje përfundimtare.

Ina Simaku ishte në një lidhje të drejtpërdrejtë me emisionin “Ftesë në 5” me Bieta Sulon, në Top Channel.

Simaku tha se megjithatë, ka ende shumë dyshime dhe biseda në lidhje me këtë çështje, dhe nuk është në gjendje të konfirmojë asgjë me siguri.

“Është folur për disa plane, por për momentin, nuk do të them 100 për qind”, tha mbesa e Parashqevisë Simakut.

Kurioziteti për një detaj të vogël fizik ka pushtuar rrjetet sociale dhe diskutimet në “Big Brother”. Gjithçka nisi nga një episod që për shumëkënd mund të duket i pabesueshëm: një nishan shkaktoi dramë, refuzim dhe lot.

Egli që flinte pranë Gjestit dhe Rizartës, u ndje e refuzuar pasi ky i fundit përdori jorganin si barrierë për të shmangur çdo kontakt fizik me të. Arsyeja? Një nishan në këmbën e Eglit, i cili, sipas Gjestit, i shkaktoi një ndjesi aq të çuditshme saqë nuk mundi ta kontrollonte neverinë e tij. Epo, misteri mori fund.

I hymë hulumtimeve në Instagram dhe e gjetëm nishanin e Eglit. Me gjithë respektin për dramën e krijuar, është e qartë se nishani në fjalë është – një nishan. Një shenjë e zakonshme, e pranishme në trupin e shumë njerëzve. Asgjë tronditëse, asgjë e pazakontë, asgjë që të meritonte një përplasje aq dramatike.

Thënë kjo, ndoshta është momenti që njerëzit si Gjesti të mos reagojnë sikur po përballen me një katastrofë kur shohin diçka krejt normale. Edhe sikur të mos jetë kaq “normale”, situata mund të trajtohet më me respekt nëse diçka në trupin e tjetrit të shkakton siklet. Askush nuk duhet të ndiejë turp apo pasiguri për shenja, nishane apo detaje të tjera të trupit. Fundja, nëse ka diçka vërtet të çuditshme në këtë histori, nuk është nishani – por fakti që po flasim për të si një ngjarje madhore!/Anabel.al

Ajsbergu më i madh në botë është rrëzuar në ujëra të cekëta në ishullin e largët britanik të Xhorxhias Jugore, aty ku ndodhet shtëpia e miliona pinguinëve dhe fokave.

Ajsbergu, i cili është rreth dyfishi i madhësisë së Londrës së Madhe (zonë administrative në Angli), duket se është ngecur dhe duhet të fillojë të shpërbëhet në brigjet jugperëndimore të ishullit, raporton BBC.

Peshkatarët kanë frikë se do të detyrohen të luftojnë me copa të mëdha akulli dhe kjo mund të ndikojë tek disa pinguinë që ushqehen në zonë.

Por shkencëtarët në Antarktidë thonë se sasi të mëdha të lëndëve ushqyese janë të mbyllura brenda akullit dhe ndërsa shkrihet, mund të krijojë një shpërthim në oqean.

“Është si të hedhësh një bombë në mes të një shkretëtirë të zbrazët”, thotë profesoresha Nadine Johnston nga British Antarctic Survey.

Ekologu Mark Belchier, i cili këshillon qeverinë e Xhorxhias Jugore, tha: “Nëse shpërthen, ajsbergët që rezultojnë ka të ngjarë të paraqesin një rrezik për anijet ndërsa lëvizin në rrymat lokale dhe mund të kufizojnë aksesin e anijeve në zonat lokale të peshkimit.”

HBA, 4 mars 2025 – Këngëtarja e njohur shqiptare, Bleona Qereti, ka tërhequr vëmendjen e të gjithëve me paraqitjen e saj mahnitëse në ceremoninë prestigjioze të Oscars. Pjesëmarrëse e rregullt në këtë ngjarje, Bleona ka briluar me një fustan të veçantë të mbushur me gurë dhe detaje interesante.

Ajo ka tërhequr gjithashtu vëmendjen për diamantet e saj të shtrenjta, të cilat kanë një vlerë të konsiderueshme dhe që i kanë dhënë një shkëlqim shtesë pamjes së saj.

Në postimin e saj në rrjetet sociale, Bleona ka ndarë emocionet e natës, duke shkruar: “Sa i përket natës së shkuar. Oscars 2025”, duke nënkuptuar kështu përvojën e paharrueshme që kaloi në këtë ngjarje të madhe të kinematografisë botërore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.