Month: April 2025

Dashi

Parashikohet një ditë disi e mbytur për ju, ku pozitiviteti dhe negativiteti do të jenë në luftë me njëra tjetrën.  Përpiquni të gjykoni me mendje të ftohtë se si të rregulloni gabimet tuaja. Përsa i përket dashurisë, jeni konfuz në lidhje me zgjedhjet që keni bërë. Një surprizë e bukur në mbrëmje, do i japë ngjyra lidhjes tuaj duke bërë që të besoni ëndrrat tuaja.  Beqarët duhet ti japin fund kritikave ndaj të gjithëve dhe ndaj gjithçkaje. Qendroni larg polemikave pasi rrezikoni të qendroni gjithnjë vetëm.  Në punë parashikohet një ditë e mirë, pasi yjet do të lehtësojnë çdo marrëveshje që do ndërmerrni.

Demi

Java do të nisë shumë mirë për ju ku çdo gjë do të jetë në përputhje me dëshirat tuaja. Në dashuri gjërat po shkojnë në relaks dhe qetësi të plotë. Në mbrëmje këshillohet që të dilni për një darkë romantike. Beqarët duhet ta shfrytëzojnë për mirë qetësinë që ua jep kjo ditë. Përsa i përket punës, do të keni rezultate të kënaqshme. Sidoqoftë merrni parasysh një këshillë: mos rrezikoni pa qenë e nevojshme pasi çdo gabim do të ishte fatal.

Binjakët

Parashikohet një e hënë e vështirë për ju. Disa peripeci nga rutina e përditshme do e bëjnë ditën të mërzitshme. Edhe në dashuri gjërat nuk po ecin mirë ku nuk do të mungojnë debatet me tone të larta. Beqarët do të jenë të perqendruar krejtësisht te vetja dhe interesat e tyre personale, duke lënë pas dore jetën sentimentale. Jepini hapësirë njerëzve që ju rrethojnë në mënyrë që të hapen shtigje të reja për ju. Në punë mos bëni më shumë se sa ju kërkohet. Kurseni energjitë tuaja pasi duke parë situatën e pafavorshme do të evitoni situatat e pakëndshme.

Gaforrja

Parashikohet një ditë e zakonshme për ju. Përqendrojeni vëmendjen tuaj në atë që mendoni se janë prioritetet tuaja në mënyrë që të merrni kënaqësitë që meritoni. Në dashuri shumë prej jush do të jenë entuziastë. Duke parë lidhjen e fortë në çift, do të keni objektiva që të realizoni dëshirat që keni në kokë. Një ditë e mirë edhe për beqarët, ku do të ketë njohje të reja për ju. Përsa i përket punës, merrni masat e nevojshme në mënyrë që gjithçka të mund të rrjedhë sipas pritshmërive tuaja.

Luani

Një ditë mesatarisht e mirë për ju. Si shpirti i mirë ashtu edhe fiziku, do të jenë në qendër të vëmendjes, ndersa ky do të jetë momenti për të dhënë më të mirën në gjithçka që ndërmerrni. Përsa i përket jetës në dashuri, duhet që të jeni më tolerantë në disa vendime. Jepni më shumë hapësira partnerit/es tuaj në mënyrë që lidhja juaj të ecë si duhet. Beqarët do të jenë shumë të frymëzuar në këtë ditë. Energjitë tuaja janë të qendrueshme në këtë periudhë, prandaj ka ardhur koha që të nisni një histori të re me dikë. Do të ketë surpriza pozitive për ju në punë. Është koha që të konkretizoni idetë tuaja që kanë qenë në pritje prej një kohe të gjatë.

Virgjëresha

Qielli për ju do të skëlqejë si asnjëherë më parë. Do të ndiheni mirë në disa situata pasi dita do të jetë në favorin tuaj. Në dashuri këshillohet që të uleni të bisedoni me partnerin tuaj në mënyrë që të sheshoni problemet që keni grumbulluar me kohën. Gjithashtu beqarët do të kenë si aletë të gjitha planetet. Një buzëqeshje e juaja mund të vlejë me shumë se 1000 fjalë. Shfrytëzoni mundësitë tuaja në këtë ditë. Përsa i përket punës, disa nga ju do të kenë lajme të mira.

Peshorja

Java për ju do të nisë në mënyrë të jashtëzakonshme. Në dashuri, ky do të jetë momenti i duhur për të zhvilluar pozitivisht marrëdhënien tuaj në çift. Do të jetë një ditë plot pasion dhe argëtim në çift. Beqarët do të jenë në një ditë të mirë dhe do të jetë në dorën e tyre nëse do të duan të përmirësojnë jetën sentimentale. Përfitoni në mënyrë që të krijoni njohje të reja duke hequr dorë nga zakonet e vjetra. Në punë dita nuk do të jetë aspak keq. Planetët janë në krahun tuaj dhe rezultatet do të jenë të kënaqshme.

Akrepi

Një ditë e zakonshme për ju ku në faza të veçanta do të jetë në përputhje me pritshmëritë tuaja. Nuk do të ketë surpriza të mëdha por as probleme të pakapërcyeshme. Në dashuri do të dominojë dialogu, ku ndoshta do të mund të zgjidhni edhe disa probleme aktuale. Beqarët mund të mësojnë nga eksperiencat sentimentale që kanë pasur në të kaluarën, në mënyrë që të shfrytëzohen pozitivisht për të ardhmen. Përdorni qetësinë e brendshme dhe do të keni mjaftueshëm sukses. Përsa i përket punës, këshillohet që të ndërmerrni eksperienca të reja. Duke dhënë më të mirën tuaj, do të mund të arrini lart.

Shigjetari

Parashikohet një ditë e mirë për ju. Në dashuri, qetësia në familje është shumë e rëndësishme për ju. Bëni një dhuratë për partnerin/en tuaj në mënyrë që të krijoni emocione sentimentale gjatë ditës dhe ta bëni më të lumtur klimën në çift. Në këtë mënyrë do të hidhni pas ditët e kaluara me grindje. Beqarët duhet t’i japin më shumë rendësi intuitës së tyre dhe të mos bazohen gjithmonë te fjala e miqve. Bazohuni te kjo këshillë dhe do të keni një ditë të paharruar. Dita në punë do të jetë e jashtëzakonshme. Do të jetë e mbushur me kënaqësi dhe me iniciativa të veçanta. Do të jeni i mbushur me energji dhe shumë propozime tuajat, do të marrin rrugë.

Bricjapi

Parashikohet një ditë relativisht e mirë për ju. Duhet të tregoheni i kujdesshëm në marrëdhënien çift. Nëse uleni dhe bisedoni me qetësi, gjërat mes jush do shkojnë si duhet. Përsa i përket beqarëve, nuk duhet të pretendojnë shumë nga vetja. Këshillohet që të jeni të më të butë dhe më të qeshur. Vetëm në këtë mënyrë do të marrin zgjidhje disa tensione. Udhëhiquni nga intuita në lidhje me vendimet e rendësishme. Në punë situata po merr avancim pozitiv. Marrëveshje të reja në shteg për ju. Shfrytëzojini si mundësi.

Ujori

Edhe për personat që i përkasin kësaj shenje, dita do të jetë e mirë. Pjesa ku duhet të tregoni kujdes është në aspektin sentimental. Dëgjoni më shumë se sa flisni. Përpiquni të mos nervozoheni shumë, ndryshe problemet do jenë të pashmangshme. Beqarët nuk duhet të dyshojnë në aftësitë e tyre. Një njohje e re është në sfond, “hidhuni” me entuzizëm në këtë aventurë. Gjërat do të shkojnë mirë. Në punë nuk do të keni probleme. Shmangni projektet e shumta dhe përqendrohuni vetëm te ai që keni për zemër.

Peshqit

Kjo e hënë do jetë e shkëlqyer në çdo drejtim për ju. Qetësi familjare, sentimentale por edhe në miqësi parashikohet për ju. Marrëdhënia në çift do shkojë më së miri. E gjithë dita juaj do shkojë në harmoni të plotë. Mbrëmja premton të jetë plot pasion. Edhe për beqarët parashikohet një ditë fantastike dhe me njohje të reja në aspektin sentimental. Është momenti ideal për ta shijuar jetën maksimalisht, ndoshta siç nuk e keni bërë asnjëherë më parë. Edhe në punë koha juaj do të shkojë shumë mirë. Ambjenti dhe raporti me kolegët në mënyrë të shkëlqyer. Projekte të reja në sfond për ju

Një moment dramatik u transmetua live nga shtëpia e Big Brother VIP Albania, kur Jozi goditi me grusht Gjestin gjatë largimit nga formati.

Por ajo që ka tërhequr gjithashtu vëmendje, ishte reagimi – ose më saktë mungesa e tij – nga Rozana Radi.

Në videon që po qarkullon në rrjete sociale, shihet qartë se Rozana ndodhej shumë pranë Jozit në çastin e goditjes, por nuk bëri asnjë lëvizje, as para dhe as pas incidentit.

Për disa sekonda ajo qëndroi krejtësisht e palëvizur dhe indiferente, gjë që ka ngjallur kritika të shumta nga publiku.

Në kontrast me të, Gerta Gixhari reagoi menjëherë, duke bërtitur e tronditur nga ajo që ndodhi, dhe më pas ndaloi Jozin fizikisht duke e kapur nga dora.

A ishte Rozana e tronditur apo thjesht e ftohtë në situata ekstreme?

Ngjarja e fundit në spektaklin “Big Brother VIP Albania”, ku konkurrenti i eliminuar Jozefin Marku goditi fizikisht dhe rrëzoi në tokë Gjestin gjatë transmetimit live, ka nxitur reagime të shumta jo vetëm nga publiku dhe mediat, por edhe nga figura të politikës.

Një ndër komentet më të debatueshme vjen nga Eduart Ndocaj, kandidat për deputet në Koalicionin Euroatlantik të drejtuar nga Lulzim Basha.

Ai ka reaguar në rrjetet sociale me një koment që është interpretuar si mbështetje për aktin e dhunshëm të Jozit.

“Mos luj me kryqin e Krishtit o i pafytyrë”, shkruan Ndocaj në një postim ku publikohet momenti i sulmit.

Ky reagim ka shkaktuar kritika dhe indinjatë në opinionin publik, duke u cilësuar si i papërshtatshëm dhe nxitës i gjuhës së urrejtjes në një kontekst ku dhuna është dënuar gjerësisht nga të gjitha palët.

Deri tani, nuk ka pasur një sqarim apo distancim zyrtar nga ana e Koalicionit Euroatlantik apo liderit të tij lidhur me këtë deklaratë.

Shumë ngjarje të krijuara në shtëpinë e “Big Brother VIP Albania” janë në qendër të vëmendjes.

Ditën e sotme, banorët janë intervistuar ekskluzivisht nga moderatoret e Top Albania Radio, Elona Duro dhe Jonida Aliçkolli që i janë bashkuar shtëpisë që prej orës 15:00. Nëse jeni kuriozë se çfarë kanë thënë ata, na lejoni t’ju zbulojmë të pathënat  e Rozana Radit, e cila pohoi se ka gabuar qëllimisht në këtë lojë dhe mendimin e saj për çdo finalist.

“Unë kam bërë gabime me vetëdije këtu. E kam ekzagjeruar me mënyrën e të bërit debate dhe të sulmuarit, gabime me vetëdije por që nuk vrasin. Ofendimet nuk i kam bërë me vetëdije, por gjuha e ashpër, që u afrohesha njerëzve… Fakti që unë jam tërhequr mbrapa dhe për ato gjëra që mendoja të bëja, më bëjnë kjo që jam unë sot…”.

Elona: Çfarë do të bëjë Rozana kur të dalë nga shtëpia?

Rozana: E para dua të bëhem mama… Janë të kota fjalët, jo mosha… fëmija në çfarëdolloj moshe është bekim. Nuk e di çfarë do të ndodhë, nuk kam patur pritshmëri nga jeta. Nëse e ka shkruar për mua që do të ndodhë diçka, le të ndodhë…

Elona më pas e ka pyetur se pse Rozana Radi ka ardhur nëse “Big Brother”, një pyetje së cilës banorja iu përgjigj kështu:

“Unë kam ardhur në “Big Brother” për të superuar veten, edhe besoj që në një far mënyre ja kam dalë. Kam ardhur në “Big Brother” për të gjithë ata që kanë pengje në jetë që t’i lënë të shkojnë… Një zemër e vrarë, mbetet e vrarë, por duke kujtuar momentet e bukur merr ngjyrë, por mos e ndalni hapin. Bota po ndaloi… unë e ti nëse ndalemi, njerëzit nuk do të ndalojnë së jetuari…”

Kujtojmë se më parë, në një intervistë para disa javësh në shtëpinë e “Big Brother” Rozana pohoi se dy personat me të cilët nuk do të mbante shoqëri jashtë, janë Gerta dhe Egli. Ajo është pyetur nga Elona nëse ky mendim ka ndryshuar apo vijon të mendojë njësoj.

“I qëndroj të njëjtit mendim. Egli më ka mërzitur shumë, i jam dhënë all-in Eglit… Ke dashur të tregohesh e fortë dhe ke thënë që do të rrish me të, e nëse ky djali ka të dashur jashtë… Egli duhet t’i thoshte vajzave që mos dashuroni njerëz që nuk ju duan. Gjesti nuk e ka dashur asnjëherë Eglin, ka dashur të pastrojë imazhin e tij për mënyrën se si u soll me Eglin. Sot gjithçka po bëhet për biznes, kur të dalim atje jashtë le të fitojmë dhe nga historitë e shpirtit”.

Prej kësaj bisede, lindi natyrshëm pyetja: A do jetë një lidhje normale në çift?

Rozana është përgjigjur duke thënë:

“Nuk mendoj që do të jetë një lidhje normale në çift, është një djalë i cili e vetmja gjë që ka bërë la qenë denigrimi i Eglit dhe momentin e parë që erdhi i tha ‘ti do të më ulësh jashtë…’ Kemi parë duke i thënë ‘nuk jam i sigurt’. Gjesti mendon se duke luajtur këtë djalin e mirë dhe të dashur, mendon se ka arritur për të pastruar imazhin e tij jashtë, perde nuk mund t’i vesh publikut”.

Blerja e pasurive të paluajtshme nga turqit shihet në Greqi, veçanërisht në ishujt e Egjeut Lindor, si një investim i mirëpritur. Por ka edhe mjaft shqetësime nga qytetarët dhe politikanët konservatorë.

Marrëdhëniet e Greqisë me fqinjët e saj turq kanë qenë gjithmonë të vështira dhe ndonjëherë ambivalente. Turqia përgjithësisht shihet si një fqinj i paparashikueshëm dhe agresiv ndaj të cilit Greqia duhet të mbrohet. Kjo është arsyeja pse Athina shpenzon më shumë se tre për qind të prodhimit të saj të brendshëm bruto (PBB) për armatim.

Fluks turqish në Greqi

Në të njëjtën kohë turqit janë të mirëpritur si turistë dhe investitorë pothuajse kudo. Sidomos nëse i shpenzojnë paratë në ishujt e Egjeut Lindor, pra në ngushticën midis Greqisë dhe Turqisë, në ishujt e të ashtuquajturit Dodekanez. Aty zakonisht nuk vijnë shumë turistë.

Në vitin 2024, numri i pasagjerëve që mbërrinin me traget nga Turqia në Greqi u rrit ndjeshëm në një milion e gjysmë. Në vitin 2023, kishte vetëm pak më pak se 800.000.

Fluksi në ishullin e vogël Leros në brigjet turke duket thuajse si një pushtim turk. Deri 20 vjet më parë, ky ishull nuk kishte reputacion të mirë, shkak ishte vendndodhja e një prej spitaleve psikiatrike më të këqija në Evropë. Sot ishulli është kthyer një parajsë pushimi për vizitorët nga Turqia. Nga Turgutreis në Turqi, afër Bodrumit, është vetëm një orë me traget për në ishull. Nga Pireu duhen gati dhjetë orë. E kuptueshme, pse çdo ditë vere, qindra turq vijnë në Leros. Disa madje kanë blerë edhe shtëpi pushimi në ishull. Vendasit i presin me padurim vizitorët me kuleta të mbushura nga bregu i kundërt i Egjeut, të cilët dinë ta vlerësojnë ushqimin dhe pijet e mira greke.

E ngjashme është situata edhe në Lesbos, Kios dhe Samos. Që nga hyrja në fuqi e programit të thjeshtuar të vizave turistike për dhjetë ishuj, një ujdi kjo mes kryeministrit grek Kyriakos Mitsotakis dhe presidentit turk Rexhep Tajip Erdogan në Athinë në fund të vitit 2023, turistët turq kanë vërshuar në ishuj. Dhe jo vetëm në verë. Mijëra njerëz zgjodhën Lesbosin në fund të marsit 2025 për të festuar Bajramin, festën që shënon fundin e Ramazanit.

Rritje e investimeve turke

Jo vetëm turizmi turk po lulëzon në Greqi, por edhe investimet turke. Me 548 milionë dollarë në vitin 2024, ato janë ende të kufizuara (krahasuar me investimet gjermane në Greqi psh. prej 6.8 miliardë euro), por tendenca është në rritje, ato janë dhjetëfishuar që nga viti 2022, sipas Bankës Qendrore Turke.

Turqit investojnë kryesisht në prona të paluajtshme, sepse kjo u jep atyre mundësinë për të marrë të ashtuquajturën “Viza e Artë”, e cila u jep të drejtën të qëndrojnë në Greqi për pesë vjet dhe të lëvizin lirshëm brenda zonës Shengen. Pas kinezëve, janë turqit ata që janë më të interesuarit për këtë program investimi. Në vitin 2024 janë regjistruar gjithsej 9289 aplikime për leje qëndrimi të programit “Viza e Artë”, nga të cilat 1356 janë nga shtetas turq.

Liri lëvizjeje për të pasurit

Nga njëra anë program ka ndihmuar shumë qytetarë të pasur jashtë BE-së të kenë akses në Greqi dhe në Bashkimin Evropian (BE). Por në të njëjtën kohë ka bërë që çmimet e pronave të rriten jashtëzakonisht, veçanërisht në Athinë dhe Selanik, duke e bërë të vështirë për grekët me rroga mesatare të gjejnë apartamente me çmime të përballueshme. Kjo ka ndodhur edhe në Spanjë, për këtë arsye qeveria e Madridit hoqi dorë pak ditë më parë nga programi “Viza e Artë”.

Qeveria në Athinë, nga ana e saj e vazhdon programin ekonomik, por po rrit gradualisht pragun minimal të investimit. Fillimisht, investitorët e huaj duhej të blinin një pronë me vlerë të paktën 250 mijë euro për të marrë një leje qëndrimi pesëvjeçare në Greqi. Që nga 1 shtatori 2024, pragu i ri minimal i investimit është 800,000 euro për të gjithë rajonin e Atikës, Selanikut, Mykonos, Santorinit dhe ishujt me më shumë se 3.100 banorë. Për pjesën tjetër të vendit, pragu u vendos në 400 mijë euro.

Pavarësisht kësaj kërkesa mbetet e lartë, nga kinezët, amerikanët, rusët, izraelitët dhe turqit. Ka ende mjaft qytetarë turq që mund të përballojnë blerjen e pronave në Greqi, gjë që së fundmi po e rrit shqetësimin e disa qytetarëve dhe politikanëve konservatorë. Kritika ka sidomos për pronat e blera nga turqit në Trakinë verilindore greke ose në ishujt e Egjeut Lindor, dy rajone në afërsi të Turqisë.

Shqetësimet në Greqi

Një temë që tani po shfrytëzohet edhe politikisht brenda partisë qeverisëse Nea Dimokratia (ND). Një numër deputetësh, kryesisht të së djathtës tradicionale, janë të pakënaqur me politikën e kryeministrit Mitsotakis ndaj Turqisë. Ata besojnë se kryeministri është shumë miqësor ndaj presidentit turk Erdogan dhe po përpiqen të nxisin veprime më të ashpra.

Përveç kësaj, deputetët konservatorë janë edhe nën presionin e partive ekstremiste të krahut të djathtë. Këta të fundit po fitojnë terren në sondazhe, prandaj politikanët konservatorë të “Nea Demokratia” po përpiqen të paraqiten si patriotë edhe më të zjarrtë. Për shembull, në fund të marsit 2025, njëmbëdhjetë deputetë të ND në parlament pyetën me shqetësim se çfarë po ndodhte me “blerjet agresive të pasurive të paluajtshme” nga njerëzit me origjinë turke. Ata u bënë thirrje të gjitha ministrive përkatëse të regjistrojnë të gjitha blerjet e pronave në Traki, Lesbos, Lemnos, Kios dhe Dodekanezë.

Ekziston gjithashtu një shqetësim i përhapur në pjesë të opinionit publik, se mund të ketë spiunë turq ose mafioz në mesin e blerësve. Ende nuk ka asnjë konfirmim për këtë. Megjithatë, sipas informacioneve nga burime qeveritare, disa blerje të pasurive të paluajtshme janë duke u verifikuar nga afër nga shërbimi inteligjent grek (EYP).

Turq laikë në kërkim të qetësisë

Në realitet, shqetësimet rreth “blerjeve agresive të pasurive të paluajtshme” duken të ekzagjeruara. Sipas vëzhguesve, shumë nga pronarët e rinj turq në ishujt në fjalë janë individë të pasur, me mendje laike, të cilët ose duhej të largoheshin nga Turqia, ose duan të shijojnë pushimet e tyre në një vend fqinj laik, politikisht më pak të nxehtë ose po investojnë qëllimisht në Greqinë e qëndrueshme dhe relativisht të lirë.

Shumë nga blerësit e pronave relativisht të lira në Traki, në rajonin kufitar me Turqinë, janë myslimanë me origjinë turke me nënshtetësi evropiane, të cilët kanë punuar për një kohë të gjatë në Gjermani, Belgjikë apo Evropën Veriore. Ata nuk duan të gëzojnë pensionin e tyre në Turqi ku po rritet presioni politik dhe fetar, por më tepër në BE dhe me afërsi të sigurtë me atdheun e tyre të mëparshëm./DW

Pas incidentit të bujshëm që ndodhi në natën gjysmëfinale të Big Brother VIP Albania 4, ku Jozefin Marku (Jozi) goditi fizikisht artistin Besart Klemendi (Gjesti), ky i fundit është shfaqur për herë të parë me pasoja të dukshme fizike.

Sipas pamjeve të publikuara në faqen zyrtare të reality-show-t, Gjesti shihet me sy të ënjtur dhe shenja në fytyrë, si pasojë e sulmit që ndodhi para kamerave dhe publikut mbarëkombëtar.

Edhe pse gjendja e tij shëndetësore raportohet si e mirë, gjurmët e dhunës janë të dukshme, duke ngritur shqetësime të shumta për sigurinë e banorëve brenda shtëpisë.

Pas këtij episodi të paprecedentë, rrjetet sociale janë përmbytur me mesazhe përkrahjeje për Gjestin.

Qytetarë, figura publike dhe fansa të reality-show-t kanë reaguar fuqishëm, duke dënuar aktin e dhunës dhe duke i qëndruar afër artistit të njohur përmes komenteve, postimeve dhe thirrjeve për drejtësi.

Ky incident ka ndezur një debat të gjerë publik mbi përgjegjësinë e produksionit për të garantuar sigurinë dhe mirëqenien emocionale të pjesëmarrësve, veçanërisht në momentet kur tensionet brenda lojës kalojnë kufijtë e tolerancës dhe shpërthejnë në agresion fizik.

DASHI

Kjo javë fillon me vrull: ju jeni të etur për të lëvizur, vendosur dhe vepruar. Por ka një tension delikate midis urgjencës dhe qartësisë. Përpara se të zhyteni me kokë, merrni një moment për të rivlerësuar qëllimet tuaja. Nxitimi mund të çojë në gabime të vogla që kushtojnë më shumë më vonë.

Në karrierën tuaj, njerëzit mund të mbështeten tek ju për përgjigje, por kjo nuk do të thotë që ju duhet të mbani çdo përgjegjësi. Do të tundoheni të thoni “po” për gjithçka, por vendosja e kufijve do t’ju sjellë më shumë respekt. Një mundësi e vonuar mund të kthehet përsëri – hidhini një sy të dytë.

Në dashuri, emocionet janë më të thella se ato që thuhen me zë të lartë. Nëse jeni në një lidhje, kushtojini vëmendje asaj që partneri juaj nuk thotë. Jini të hapur, por edhe pak më të vëmendshëm. Beqarët mund të zbulojnë se një takim i rastësishëm ndez diçka të papritur, mos e injoroni.

DEMI

Ju rrethon një qetësi e madhe këtë javë, por edhe një shqetësim në rritje nën sipërfaqe. Ju dëshironi siguri, por gjithashtu dëshironi diçka të re për të përfshirë shqisat tuaja. Ky kontrast mund t’ju shtyjë të rivlerësoni rutinat dhe vlerat tuaja.

Profesionalisht, këmbëngulja juaj shpërblehet, veçanërisht në çështjet nga të cilat të tjerët kanë hequr dorë. Ju sjellin stabilitet në kaos dhe kjo bën që eprorët t’ju vlerësojnë. Mos e nënvlerësoni se si qasja juaj e qëndrueshme mund të krijojë ndryshim të vërtetë, veçanërisht kur të tjerët po digjen.

Në anën romantike, ju tërhiqeni nga ngrohtësia dhe thellësia. Nëse jeni të përkushtuar, është një kohë e mirë për të forcuar intimitetin emocional me biseda të sinqerta dhe të buta. Për demët beqarë, dikush që e keni anashkaluar më parë mund të shfaqet papritur në një këndvështrim tjetër, besojuni instinkteve tuaja.

BINJAKËT

Mendja juaj është e mprehtë këtë javë, e mbushur me ide dhe mundësi. Ju mund të ndiheni të tërhequr në drejtime të shumta, sfida juaj është ta përqendroni atë energji pa e shpërndarë atë. Qëndroni fleksibël, por angazhohuni për të përfunduar të paktën një detyrë të rëndësishme që e keni shtyrë.

Nga ana e punës, kjo është një kohë e shkëlqyer për takime, prezantime ose negociata. Aftësitë tuaja komunikuese janë në pikën e duhur dhe njerëzit janë më të gatshëm të dëgjojnë se zakonisht. Vetëm kini kujdes që të mos premtoni tepër – entuziazmi juaj mund t’ju bëjë të thoni “po” përpara se t’i mendoni gjërat.

Sa i përket dashurisë, jeni kurioz dhe flirtues, por edhe më introspektiv se normalja. Nëse jeni beqarë, do t’ju pëlqejë të lidheni me dikë që mund t’ju sfidojë idetë, jo vetëm t’ju bëjë lajka. Nëse jeni në një lidhje, shumëllojshmëria dhe butësia do t’ju ndihmojnë të rilidhni me gëzim.

GAFORRJA

Jeni më të ndjeshëm se zakonisht, gjë që mund t’ju sjellë më afër të tjerëve ose mund t’ju bëjë të tërhiqeni nga brenda. Intuita juaj është e fortë këtë javë – besoni, edhe nëse logjika nuk pajtohet. Në karrierën tuaj ka nevojë të mbroni hapësirën tuaj. Ju mund të jeni duke bërë më shumë punë emocionale sesa është e drejtë, veçanërisht në dinamikën e ekipit. Bëni një hap prapa dhe sigurohuni që përpjekjet tuaja të njihen – nuk keni nevojë të mbani të tjerët për të provuar vlerën tuaj.

Në dashuri, dobësia bëhet superfuqia juaj. Lejimi i dikujt të shohë anën tuaj më të butë mund të ndihet i rrezikshëm, por mund ta thellojë lidhjen. Për ata që nuk janë në një lidhje, një e tillë, emocionale e befasuese mund të lindë nga dikush që e keni njohur vetëm rastësisht.

LUANI

Karizma juaj do të zgjerohet këtë javë dhe njerëzit natyrshëm tërhiqen nga energjia juaj. Por me vëmendje të madhe vjen një përgjegjësi e madhe – jini të vetëdijshëm se si fjalët tuaja ndikojnë tek të tjerët. Jeni në një pozicion të fuqishëm për të ndikuar, ndaj përdoreni me mençuri.

Në punë, kjo është një kohë për të udhëhequr dhe jo për të ndjekur. Qoftë marrja në dorë e një projekti ose mbrojtja e ideve tuaja, guximi juaj mund të hapë dyert. Vetëm sigurohuni që besimi juaj të mos kalojë në arrogancë – bashkëpunimi do të sjellë rezultate më të mira sesa të shkoni vetëm.

Në jetën tuaj personale, romanca është lozonjare dhe pasionante. Nëse jeni partner, rindizni shkëndijën me një përvojë të përbashkët – diçka spontane dhe argëtuese. Beqarët mund ta gjejnë veten në qendër të vëmendjes – por një lidhje e veçantë dallohet nga turma.

VIRGJËRESHA

Ju dëshironi rregull dhe qartësi këtë javë, por gjërat mund të mos shkojnë siç i keni planifikuar. Mos lejoni që rrëmujat e vogla të prishin përparimin tuaj – ndonjëherë rezultatet më të mira vijnë nga fillimet e papërsosura. Jini të gatshëm të përshtateni pa humbur vëmendjen e qëllimeve tuaja.

Në punë, kjo është koha për të kontrolluar dy herë. Vëmendja juaj ndaj detajeve është pasuria juaj më e madhe, veçanërisht në situatat kur të tjerëve u mungon. Mund t’ju kërkohet gjithashtu të pastroni rrëmujën e dikujt tjetër – bëjeni nëse ju sjell dobi, jo vetëm nga detyrimi.

Në dashuri, jeni të zhytur në mendime, por ndoshta tepër të kujdesshëm. Nëse jeni në një lidhje, jini të kujdesshëm që të mos i analizoni shumë gjërat që në fakt po shkojnë mirë. Beqarët mund të takojnë dikë intrigues për shkak të një mjedisi pune ose arsimimi – mbajeni mendjen hapur, edhe nëse nuk i përshtatet “tipit” tuaj.

PESHORJA

Bilanci është misioni juaj këtë javë – dhe ju jeni duke u testuar. Konfliktet në rrethinën tuaj mund t’ju shtyjnë të merrni një anë, por forca juaj qëndron në aftësinë tuaj për të parë të dy këndvështrimet. Mos lejoni që njerëzit ta ngatërrojnë diplomacinë tuaj me pavendosmërinë.

Për sa i përket karrierës, bashkëpunimi do të sjellë rezultate më të mira sesa të shkoni vetëm. Aftësia juaj për të zbutur tensionet dhe për t’i mbajtur gjërat të drejta do t’ju bëjë një lojtar kyç në dinamikën e ekipit. Një takim i rastësishëm mund të çojë në një partneritet krijues – qëndroni të hapur ndaj aleancave të pazakonta.

Në çështjet e zemrës, po ndiheni më romantikë se zakonisht. Nëse jeni në një lidhje, është një javë e përkryer për të rindezur butësinë. Nëse jeni beqar, dikush me një prejardhje ose botëkuptim krejtësisht të ndryshëm mund të nxisë interesin tuaj.

AKREPI

Këtë javë jeni duke përpunuar shumë emocionalisht, edhe nëse askush nuk mund ta thotë. Dëshira për t’u tërhequr nga brenda është e fortë – jepini vetes leje të ‘rimbusheni’, pa ndjenja faji.

Në punë mund të dalin në dritë sekrete apo dinamika të pathëna. Përdorni njohuritë tuaja për të lundruar në situata të ndërlikuara – ju shihni më shumë sesa tregoni. Mund t’ju kërkohet të ndërmjetësoni ose udhëzoni të tjerët përmes diçkaje konfuze dhe intuita juaj do të jetë kyçe.

Në anën romantike, ndjenjat e thella rriten, edhe nëse nuk jeni gati t’i flisni me zë të lartë. Në marrëdhënie, ndershmëria (edhe nëse është e vështirë) do të çojë në rritje reale. Beqarët mund të përjetojnë një tërheqje të papritur emocionale ndaj dikujt misterioz – eksploroni ngadalë.

SHIGJETARI

Aventurat ju thërrasin, por këtë javë, udhëtimi është më shumë i brendshëm sesa i jashtëm. Ju po reflektoni se çfarë do të thotë me të vërtetë liria për ju – dhe nëse keni vrapuar drejt diçkaje apo larg diçkaje tjetër. Lëreni kuriozitetin t’ju udhëheqë nga brenda.

Profesionalisht, është një javë e mirë për të eksploruar strategji të reja ose për të marrë në konsideratë synime afatgjata. Nëse jeni ndjerë të ‘vakët’, një shkëndijë frymëzimi mund të vijë nga një burim i pamundur – ndoshta edhe përmes një bisede të rastësishme.

Në jetën tuaj të dashurisë, po kërkoni lidhje pa presion. Për çiftet, një vizion i përbashkët për të ardhmen mund të thellojë lidhjen tuaj. Beqarët tërhiqen nga njerëz me ide të mëdha dhe energji të guximshme – dikush që zgjeron pikëpamjen tuaj për botën mund të fitojë zemrën tuaj.

BRICJAPI

Keni gjithçka nën kontroll, por kjo javë ju sfidon të lironi pak kontrollin. Kontrolli është i dobishëm – por fleksibiliteti është ai që hap dyert. Ju mund të ndiheni sikur gjërat po lëvizin nën këmbët tuaja, por kjo nuk do të thotë që nuk jeni ende në tokë të fortë.

Në punë rriten përgjegjësitë, por edhe mundësitë për rritje. Jeni duke u vënë re nga njerëzit e duhur, edhe nëse nuk e kanë thënë ende. Mos kini frikë të avokoni për veten tuaj – historia juaj e qëndrueshme flet shumë, por edhe zëri juaj ka rëndësi.

Emocionalisht, mund ta gjeni veten duke rivlerësuar një marrëdhënie ose lidhje të kaluar. Është në rregull të rishikoni ndjenjat e vjetra, për sa kohë që nuk ngecni në to. Fillimet e reja janë të mundshme, veçanërisht nëse lironi pritshmëritë e vjetruara për dashurinë.

UJORI

Mendimet tuaja po rrotullohen këtë javë – po bëni pyetje të mëdha dhe po kërkoni mirëkuptim më të thellë. Ju mund të ndiheni të shkëputur nga rutina e zakonshme, dhe kjo është në rregull. Është një shenjë për të kërkuar më shumë kuptim në atë që bëni dhe me kë kaloni kohë.

Në karrierën tuaj, kjo është një kohë e mirë për të menduar në mënyrë jokonvencionale. Largohu nga “duhet” dhe përqafo një rrugë më vizionare. Njerëzit mund t’u rezistojnë ideve tuaja në fillim, por këmbëngulja dhe qartësia do t’i fitojnë ato me kalimin e kohës.

Në dashuri, ju nuk po kërkoni për ndërveprime të cekëta – dëshironi lidhje të vërtetë, edhe nëse është e pathëna. Çiftet mund të përfitojnë duke folur për ëndrrat e përbashkëta ose planet e së ardhmes. Beqarët mund ta gjejnë veten të tërhequr nga dikush që stimulon intelektualisht, ndoshta në një mjedis dixhital ose në grup.

PESHQIT

Këtë javë ju jeni më intuitiv se kurrë, duke marrë energji delikate rreth jush. Ju mund të ndiheni ekstra kreativ ose të frymëzuar, por bazimi i këtij frymëzimi në veprim do të jetë sfida juaj. Gjeni kohë për të ëndërruar dhe për të bërë.

Nga ana e punës, ndjeshmëria juaj mund të jetë një dhuratë – ju jeni në gjendje të ndjeni atë që nuk thuhet, gjë që ju bën një anëtar të vlefshëm të ekipit. Vetëm kini kujdes që të mos thithni emocionet e të gjithëve; mbroni energjinë tuaj duke vendosur kufij të qartë.

Në dashuri, butësia dhe ndjeshmëria sundojnë botën tuaj. Jeni në harmoni me nevojat e partnerit tuaj, ose nëse jeni beqarë, po rrezatoni një bukuri të qetë që i tërheq njerëzit. Një takim kuptimplotë mund të fillojë me një gjest të thjeshtë – besoni zemrën tuaj që ta njohë atë kur të mbërrijë.

Policia ka dërguar një komunikatë për mediat në lidhje me ndëshkimet ndaj drejtuesve të automjeteve që shkelin rregullat e qarkullimit rrugor në tunelin e Murrizit të Rrugës së Arbërit.

Bëhet me dije se përgjatë dy javëve të fundit, në atë segment rrugor janë ndëshkuar 165 drejtues automjetesh me masë administrative 400 mijë lekë të vjetra dhe me zbritje prej 15 pikësh nga leja e drejtimit.

Në tunelin e Murrizit është i ndaluar parakalimi dhe kjo shkelje është konstatuar përmes kamerave të vendosura në tunel.

Autoritetet bëjnë me dije se gjobat shoferëve u janë pasqyruar në portalin e-Albania, në adresën e drejtuesit të automjetit apo subjektit që është konstatuar në shkelje të Kodit Rrugor.

VIDEO

Baronesha Anna Malfatti, e lindur në vitin 1936, ndërroi jetë në vitin 2023, në moshën 87-vjeçare. Ajo vendosi që gjithë pasurinë e saj t’ia linte pastrueses shqiptare: përveç rreth një milion eurosh në para të gatshme, trashëgimia përfshin edhe gjashtë apartamente, për një vlerë totale prej afro pesë milionë eurosh.

Megjithatë, tetë nipërit e baroneshës — të përfaqësuar nga avokati Claudio Malfer — kanë vënë në dyshim testamentin dhe kanë nisur një proces gjyqësor. Ata kanë hapur një çështje civile duke kërkuar anulimin e testamentit dhe, paralelisht, kanë bërë edhe kallëzim penal kundër kujdestares 44-vjeçare — e mbrojtur nga avokati Nicola Canestrini — duke e akuzuar se e ka mashtruar dhe manipuluar baroneshën.

Akuzat

Sipas Prokurorisë së Roveretos, gruaja 44-vjeçare ka përfituar nga gjendja e rënduar mendore e baroneshës, në një fazë që sipas tyre e pengonte atë të kuptonte dhe të vendoste me vetëdije. Në aktakuzë thuhet se në mars të vitit 2022, ajo e ka bindur baroneshën të hartojë një testament ku e shpallte vetë kujdestaren trashëgimtare të vetme, dhe një muaj më vonë, ka marrë edhe një prokurë të përgjithshme noteriale, që i jepte kontroll mbi pasurinë.

Në pritje të vendimit gjyqësor, prokuroria ka kërkuar dhe ka marrë miratimin e gjykatës për sekuestrimin parandalues të gjithë pasurisë. Kujdestarja, ndërkohë, nuk e ka pranuar ende trashëgiminë, pasi thotë se nuk dëshiron ta marrë atë pa u sqaruar nëse ka të drejtë ligjërisht.

Proceset gjyqësore

Janë në zhvillim dy procese: ai civil dhe ai penal. Seanca paraprake u mbajt më 10 prill, por për vendimin final do të duhet të pritet 8 maji, kur gjyqtarja hetuese, Consuelo Pasquali, do të vendosë nëse do të pranojë palën civile — nipërit — që është kundërshtuar nga mbrojtja e të pandehurës. Pas kësaj, gjykatësja do të shprehet mbi kërkesën e prokurorisë për ta çuar çështjen në gjyq, me akuzën e mashtrimit ndaj një personi të paaftë (circonvenzione d’incapace).

Mbrojtja e kujdestares

Avokati i kujdestares, Nicola Canestrini, ka ngritur edhe një shqetësim tjetër:

“Në këtë proces shoh rrezikun e racizmit, edhe në mënyrë të pavetëdijshme,” — thotë ai. “Në argumentet e palës kundërshtare përmendet ‘tradita familjare’ dhe ‘gjakun që duhet respektuar’, sikur klientja ime të mos kishte pasur rëndësi në jetën e baroneshës.”
Sipas tij, është krejt e kundërta. Ai tregon se kujdestarja vazhdonte të frekuentonte shtëpinë e baroneshës edhe pasi nuk punonte më aty, vetëm sepse baronesha kërkonte që të ishte pikërisht ajo që e ndihmonte të shkonte në shtrat.

Canestrini shton edhe diçka tjetër:

“Në 25 vite karrierë, nuk më ka ndodhur ndonjëherë që të më telefononin vetë dëshmitarët: mike të baroneshës dhe pronarë dyqanesh që ajo frekuentonte me klienten time. Të gjithë më kanë thënë se kujdestarja ishte më shumë viktimë sesa përfituese e situatës.”
Videoja e testamentit

Mbrojtja ka në dorë edhe një tjetër provë të fortë: një video që tregon momentin kur është hartuar testamenti, përpara noterit më 21 mars 2022.

“Në këtë video,” — thotë Canestrini — “baronesha e korrigjon vetë noterin, duke i thënë saktësisht emrin e kujdestares. Kjo tregon qartë se ajo ishte plotësisht e vetëdijshme për atë që po bënte.”

Ekspertiza mjekësore

Ndërkohë, prokuroria ka paraqitur një ekspertizë psikiatrike, të përpiluar mbi bazën e dokumentacionit të mbledhur pas vdekjes së baroneshës, sipas së cilës gjendja e saj mendore kishte filluar të përkeqësohej disa muaj para vdekjes, që ndodhi në nëntor të vitit 2023.

Të gjitha provat janë paraqitur tashmë. Tani i mbetet gjykatëses Pasquali të vendosë: a do të shkojë çështja në gjyq, apo do të vendoset që nuk ka vend për ndjekje penale ndaj kujdestares shqiptare./Corriere della Sera

Një trafikant shqiptar i qenieve njerëzorë nga Belgjika në Angli u deklarua fajtor për hyrjen ilegalisht në Mbretërinë e Bashkuar pasi një investigimi të Mail on Sunday çoi në arrestimin e tij.

Home Office mbrëmë përshëndeti ‘gazetarinë e shkëlqyer investigative’ të kësaj gazete që bëri që Alket Dauti, i cili futi ilegalisht qindra emigrantë në Britani me kamionë, të dilte para gjykatës.

Sipas gazetës Mail on Sunday të cilës i referohet Top Channel, Dauti, 38 vjeç, u arrestua një javë pasi zbuloi se si ai hyri fshehurazi në Mbretërinë e Bashkuar disa muaj pasi u lirua nga burgu në Belgjikë dhe u ekstradua në Shqipëri.

Ai postoi video në TikTok ku shihet duke ecur me makinë nëpër Londër, ndërsa të afërmit ngarkuan foto të tij duke dërguar dy vajzat e tij në shkollë, pranë shtëpisë së këshillit familjar në Penge, Londra juglindore.

Kur Daily Mail kontaktoi me Home Office, zyrtarët nuk kishin të dhëna për hyrjen e Dautit në vend.

Por një javë pasi gazeta publikoi historinë muajin e kaluar, ai u arrestua.

Në Gjykatën e Kurorës Woolwich të premten, ai u deklarua fajtor për “hyrjen pa leje në MB” dhe do të dënohet më 12 maj.

Ai mund të dënohet me katër vite burg dhe më pas ka të ngjarë të dëbohet.

Ai ishte njeriu kyç i një bande shqiptare që sillte emigrantë nga Belgjika në MB, duke paguar 8,000 £ për udhëtim në pjesën e pasme të kamionëve dhe 13,000 £ për një vend në pjesën e përparme.

Dauti u arrestua në banesën e tij në Penge në vitin 2018 dhe u deportua në Belgjikë, ku ishte dënuar në mungesë me dhjetë vite.

Ai u lirua dhe u deportua në Shqipëri vitin e kaluar, por besohet se ka mbërritur në Britani në nëntor.

Ministria e punëve të brendshme tha se është “e vendosur” për të larguar kriminelët e huaj, duke shtuar: “Ne të gjithë kemi një rol për të luajtur… qoftë gazetaria e shkëlqyer investigative e kryer nga gazetarët e Mail on Sunday, apo mijëra që telefonojnë linjën tonë të Emigracionit”./Top Channel