Month: April 2025

Personi që shihni në foto është Vladimir Topjana, 43-vjeçari që mbeti i vrarë mbrëmjen e së dielës në Itali. Në pranga si autor është vënë një 30-vjeçar, gjithashtu shqiptar.

Ngjarja e rëndë ka ndodhur para një lokali në Fontanafredda. Sipas informacioneve, autori është nga Fushë-Kruja, ndërsa është ndaluar edhe babai i tij.

Sipas asaj që bëjnë me dije mediat italiane, viktima Vladimir Topjana, kishte dalë për të parë ndeshjen Roma-Juventus në një lokal, së bashku me djalin e tij 17-vjeçar.

Autori i dyshuar, një 30-vjeçar shqiptar, mbërriti pranë lokalit me një “Audi” dhe në debat e sipër me Topjanën, e ka qëlluar me armë zjarri.

Klientët e lokalit ku ndodhi konflikti kanë tentuar të ndajnë dy shqiptarët, por më kot, pasi 30-vjeçari ka nxjerrë armën dhe ka qëlluar tre herë bashkatdhetarin e tij, duke e lënë të vdekur në vend, pasi një plumb e ka qëlluar në kokë.

Këtë fillim-javënë Qarkun e Elbasanit moti është i kthjellët dhe pa reshje, duke sjellë kushte më të favorshme për kryerjen e aktiviteteve të përditshme krahasuar me javën që kaloi ku mbizotëroi mot me reshje të dendura shiu e bore, të shoqëruar edhe me erë të fortë. Megjithatë reshjet e dendura që kanë rënë gjatë të dielës veçanërisht në zonat rurale dhe sidomos në ato malore, kanë shkaktuar probleme serioze në disa zona të Qarkut të Elbasanit. Situata ka qenë më problematike në bashkitë e Librazhdit, Prrenjasit, Gramshit dhe Elbasanit ku reshjet e dëborës kanë shkaktuar pasiguri dhe vështirësi në lëvizje dhe zhvillimin e aktiviteteve të zakonshme.

Trashësia e dëborës në këto zona ka arritur deri në 10-15 cm duke bërë që qarkullimi të bëhet i vështirë veçanërisht në rrugët malore. Ulja e menjëhershme e temperaturave ka shkaktuar ngrica, gjë që ka përkeqësuar situatën. Kjo ka vështirësuar jo vetëm lëvizjen e automjeteve dhe transportin e njerëzve, por ka sjellë dhe pasoja të tjera në sektorë të rëndësishëm si bujqësia dhe furnizimi me energji elektrike. Një nga pasojat më të rënda ka qenë dëmtimi i pemëtarisë, vreshtarisë dhe mbjellave të pranverës, të cilat ishin të ekspozuara ndaj kushteve të ftohta dhe ngricave. Kjo ka ndikuar negativisht në prodhimin e pritshëm të frutave dhe vreshtave duke i vënë në rrezik të ardhurat e fermerëve në këto zona, sidomos në Njësitë Administrative Stravaj ,Rrajcë,Hotolisht ,Polis ,Qendër,Labinot Mal,Lenie,Kukur etj . Ndërkohë dëmtimi i disa linjave elektrike ka rënduar edhe më tej situatën duke shkaktuar ndërprerje të furnizimit me energji elektrike në disa zona rurale çka ka ndikuar në jetën e përditshme të banorëve.

Kjo situatë ka krijuar nevojën për ndërhyrje të shpejta dhe efikase nga autoritetet lokale dhe kombëtare për të siguruar pastrimin e rrugëve, riparimin e linjave të energjisë dhe ndihmën për fermerët që janë goditur nga dëmet. Po ashtu situata e krijuar nga moti i keq kërkon vëmendje dhe mbështetje të shtuar për komunitetet rurale që ndodhen në këto zona të prekura nga moti i keq.

Kryedemokrati Sali Berisha ka deklaruar para mbledhjes së Partisë Popullore Evropiane se do të ketë zero tolerancë ndaj krimit. Duke folur në Strasburg, në takimin e PPE-së, Berisha tha se kjo është e vetmja mënyrë dhe rrugë, që Shqipëria të shpëtojë nga krimi. Sipas Berishës, transkriptet e grupeve kriminale tregojnë lidhjet e tmerrshme mes krimit dhe politikës në qeverinë e Ramës.

“Tolerancë zero ndaj krimit. Kjo është e vetmja rrugë për të shpëtuar vendin tim. Zonja dhe zotërinj, euro në Shqipëri është narko-euro. Euro është zhvlerësuar 35 përqind në krahasim me lekun tonë. Eksportet po vdesin nga viti në vit. Ato ranë 32 përqind. Mijëra shqiptarë humbën punën. 1 milion e 99 mijë shqiptarë u arratisën në zonën Shengen për shkak të varfërisë dhe humbjes së vendeve të punës. Zero tolerancë ndaj këtyre bosëve të krimit.

Kudo që të jenë, do i gjejmë, do i kapim dhe do i nxjerrim para ligjit. Po ashtu ne kemi kërkuar një Komision të të Vërtetës, me partnerët tanë. Sepse çfarë tregojnë këto 1 milion faqe? Tregojnë lidhje të tmerrshme mes krimit dhe politikës. Kemi ministra që u thonë vrasësve që unë do bëj këtë, ju duhet ta bëni këtë për votat. Ju do keni këtë, unë do bëj atë. Pazar i hapur. Këto transkripte duhet të shohin dritën e publikut. Duhet të jetë shumë ndihmuese edhe për vendet evropiane, përndryshe Shqipëria do të jetë një eksportuese e madhe e kriminalitetit në mbarë Europën dhe botën,” tha Berisha.

Drejtuesi i grupit të Partive Popullore Europiane në Strasburg, Pablo Hispan, garantoi kreun e opozitës shqiptare, Sali Berisha, se kanë mbështetjen e organizatës më të madhe politike të Europës. Hispan u shpreh i bindur se PD do fitojë zgjedhjet.

Ai tha se PPE do të sjellë në Shqipëri një delegacion të madh për të mbikëqyrur zgjedhjet.

“Faleminderit zoti Berisha për prezantimin. Siç e dini, ju keni mbështetjen tonë më të madhe dhe grupi ju uron suksese, me bindjen se do të fitoni në zgjedhjet e ardhshme. Ne do sjellim një delegacion të madh nga Partitë Popullore Europiane, që të mbikëqyrim zgjedhjet, për të mbështetur demokracinë dhe transparencën për popullin shqiptar,” tha Hispan.

Një 27-vjeçar rezulton i zhdukur që prej pasdites së të dielës, kur vendi u përfshi nga reshje të pazakonta bore.

Ajet Lleshi nga fshati Kishaj i Hasit ishte nisur drejt malit të Pashtrikut për për të prerë dru, në pyll që prej mëngjesit të djeshëm, por rreth orës 17:00 familjarët e tij denoncuan se kishin humbur kontaktet me të.

Në këto kushte, babai i të riut bashkë me tre xhaxhallarët e tij kanë dalë në mal për ta kërkuar, por janë ndarë në drejtime të ndryshme dhe që prej orës 2 të mëngjesit familja ka humbur kontaktet edhe me babain e 27-vjeçarit.

Menjëherë pas njoftimit, shërbimet e Policisë kanë nisur kërkimet në zonë, në bashkëpunim me Emergjencat Civile dhe banorë të fshatit.

Në ndihmë të tyre për kërkime ka ardhur edhe një helikopteri i Forcave të Armatosura, por pa rezultat.

I ftuar sot në “Big Brother VIP Fan Club” ka qenë Aldo Marku. Ish-banori përfundoi rrugëtimin e tij mbrëmjen e kaluar pas një televotimi të hapur gjatë ‘Prime’-t.

Disa ditë më parë Aldo bëri deklaratën brenda shtëpisë se ai ndjente për Danjën, në një diskutim me vetë banoren ku i tha se ndjenja lind, nuk ke çfarë i bën. Sot në Fan Club ai vendosi të sqarojë gjithçka.

“6 ditë përpara se unë t’i bëja disa deklarata Danjës, kam qenë me Kellyn dhe Gertën ku ju kam thënë atyre se ndihem shumë i zhgënjyer që ajo më ka akuzuar se e kam parë çuditshëm dhe ju kam thënë që do ta pranoj se e kam parë çuditshëm dhe akoma më shumë do t’i deklarohem se kam rënë brenda me të vetëm për të parë se si do të sillet me mua për të parë nëse do ta ruajë atë standardin që kishte vendosur me G Banin ku i tha se nëse dikush ndjen për mua dhe thotë më pëlqen unë e mbaj larg”, tha Aldo.

Një pjesë e publikut ka menduar se kjo është një deklaratë e vërtetë. Aldo e hodhi poshtë këtë duke thënë se:

“Jo, jo. Doja ta provoja duke i thënë të pëlqej, më shumë akoma të dua Danjës që nuk ka shanse, është e lidhur dhe nuk do ta bëja kurrë. Por ajo nuk më mbajti një distancë të caktuar dhe fillova të ndihesha keq sepse nuk doja ta nxirrja keq duke e sulmuar për atë pikë”.

Duke marrë shkasë nga një deklaratë e Danjës në BBV ku u shpreh se nuk e di nëse Redi e pret jashtë apo jo, vetë partneri i saj ka reaguar sot në “Fan Club” duke thënë se:

“Danja është ajo vajza e cila ka arritur deri këtu prej vlerave të saj. Për këdo që përpiqet të përbaltë figurën e saj, veprat flasin më shumë se fjalët. Sikurse ka qenë e dukshme dhe në debatet që ka pasur brenda shtëpisë, ajo s’ka zgjedhur kurrë të ulë dikë, sikurse e kanë ulur atë.

Për më tepër ajo ka falur më shumë se kushdo në atë shtëpi, mendimi im gjithmonë. Jam krenar për të. Danja më ka mua, unë kam atë…

Kjo na mjafton!

Redi”

Kryeministri Edi Rama është nderuar me Medaljen Presidenciale të Nderit të akorduar nga Presidenti i Izraelit, Isaac Herzog.

Herzog në fjalën e tij vlerësoi kontributin e Shqipërisë dhe të kryeministrit Edi Rama. Ai tha se kjo medalje e nderit nderon personat që kanë ndriçuar botën dhe që kanë dëshmuar miqësinë me popullin hebre dhe shtetin e Izraelit.

Presidenti i Izraelit vleresosi gjithashtu qëndrimin e pa kompromis të kryeministrit Edi Rama kundër antisemitizmit dhe urrejtjes.

“Është një nder t’ju uroj mirëseardhjen ju kryeministri Edi Rama dhe zonjës Linda Rama dhe delegacionit tuaj dhe t’ju jap ju medaljen presidenciale të nderit të Izraelit

Kjo medalje nderon ata si ju që kanë ndriçuar botën me udhëheqjen e tyre të jashtëzakonshme, qartësinë morale, vlerat morale dhe demokratike dhe ata që kanë dëshmuar miqësinë e tyre të guximshme me popullin hebre dhe shtetin e Izraelit.

Kodi shqiptar i Besës, betimi i shenjtë i nderit, mbrojtjes, integritetit ndihet mjaft i pranishëm në këtë holl.

Besa ka udhëhequr kombin shqiptar dhe ka mbajtur pishtarin e dritës ne emër të njerëzit në orët më të errëta. Gjatë holokaustit populli shqiptar ishte një simbol nderi dhe kurajë. Me kurajë ata i dhanë strehë grave dhe burrave hebrenj, të cilët arratiseshin nga pjesë të tjera të botës dhe duke e bërë këtë ndihmuan në ruajtjen e njerëzimit përballë krimeve më të mëdha.

Kjo thirrje integriteti dhe nderi e rrënjosur thellë në popullin tuaj, gjen jehon në udhëheqjen tuaj, gjen jehonë në angazhimin tuaj ndaj tolerancës, humanizmit dhe gjen jehonë në qëndrimin tuaj të pa kompromis kundër antisemitizmit dhe urrejtjes.”, tha presidenti i Izraelit.

Një 43-vjeçar shqiptar është vrarë me armë zjarri nga një bashkatdhetar i tij mbrëmjen e 6 prillit, rreth orës 21:30 në një lokal në zonën Fontanafredda të Italisë.

Sipas mediave fqinje, viktima është identifikuar si Vladimir Topjana, i cili punonte shofer në një kompani dhe kishte dalë për të parë ndeshjen mes Romës dhe Juventusit, i shoqëruar nga djali i tij 17-vjeçar.

Bëhet me dije se autori i vrasjes, po ashtu shqiptar, 30-vjeç, është arratisur nga vendngjarja me një automjet tip “Audi” të bardhë, por është vënë në pranga disa orë më vonë.

Mësohet se vrasja e Topjanës erdhi pas një debati mes tij dhe autorit.

Klientët e lokalit ku ndodhi konflikti kanë tentuar të ndajnë dy shqiptarët, por më kot, pasi 30-vjeçari ka nxjerrë armën dhe ka qëlluar tre herë bashkatdhetarin e tij, duke e lënë të vdekur në vend, pasi një plumb e ka qëlluar në kokë.

Sot, më 7 prill 2025, dollari amerikan blihet me 90 lekë dhe shitet me 91.5 lekë.

Euro blihet me 98.7 lekë dhe shitet 99.5 lekë.

Franga zvicerane këmbehet në blerje me 104.1 lekë, ndërsa në shitje me 105.1 lekë.

Paundi britanik blihet me 116 lekë dhe shitet me 117.5 lekë.

Dollari kanadez sot në blerje këmbehet me 63 lekë, ndërsa në shitje me 65 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Kjo letër u shkrua nga një grua e cila zbuloi se burri i saj kishte një femër tjetër të dashur 30 vite më të vogël:

Zonjëzë e dashur, Po ju shkruaj t’ju pyes se si ju ka shkuar ndër mend që ta përfshini burrin tim në tundim. Ai është një shpirt kaq i brishtë, aq sa të mos jetë në gjendje të thotë jo. Ai, me një tru që i funksionon aq keq, vendosi të zgjidhte madje shtratin tonë si një vend tra.dhtie.

Ai, aq i frustruar nga përparimi i moshës së tij, filloi të vishej si i ri që pasi ju takoi ju. Ai, aq i pavetëdijshëm, sepse nuk e kuptonte sa qesharak dukej i veshur në atë mënyrë anakronike për moshën e tij.

Por pas këtyre reflektimeve, unë gjithashtu pyes veten se si ajo arritët të binit në dashuri me një tip të tillë!

U dashurova me të tridhjetë vjet më parë, kur ishim të rinj dhe të papërvojë, kur trupi i tij ishte i fortë dhe i fuqishëm dhe mendja e tij ishte e ndritshme dhe plot iniciativa. Kur kalonim netët duke folur dhe duke bërë dashuri.

Tani ju, zonjëzë e mirë, jeni “dashuruar”, nëse mund të flasim për dashuri, me një burrë në të gjashtëdhjetat e tij, gjithë komplekse dhe sëmundje, i lodhur gjithnjë, me dëshirën për t’u ndjerë më i ri dhe i pavd.ekshëm.

Me një burrë me një tullë që i dallohet kilometra larg, me rrudha në fytyrë dhe qafë, me barkun e stërmadh që nuk do t’i bjerë ndonjëherë sepse nuk mund të heqë dorë nga gatimet e shkëlqyera që gruaja e tij, unë vetë, ka përgatitur gjithmonë për të gëzuar fytin e tij, kuptimi i vetëm i mbetur nga martesa tashmë… dhe për çfarë grua e dashur tridhjetë vjeçare?

Për s eks? Unë nuk mendoj kështu, meqë tani standardi i tij ka rënë shumë saqë më shumë mund të shkaktojë telashe pasi tashmë ka një fiziologji të tillë që vetëm njerëzit e një moshe të caktuar e dinë.

Ndoshta për shkak të tregimeve të tij të bukura? Unë nuk besoj, zonjëzë e dashur, ai e kaloi jetën duke punuar për të paguar huanë që së bashku, me një mijë sakrifica u munduam ta pagonin për blerjen e shtëpisë sonë. Ndoshta për një tekë, për të patur një përvojë shtesë, një tjetër eksperiencë.

Megjithatë, faleminderit, sepse i kam hapur sytë, sepse tani e shoh qartë “rënien” e atij njeriu, të cilit i kam premtuar dashurinë e përjetshme tridhjetë vjet më parë, por tani e kuptoj se të premtosh dashuri të përjetshme është një e madhe, gënjeshtër.

Kjo sepse kur martohesh, injorohet fakti se shpesh aksidentet mund të ndodhin dhe ju përfaqësoni këtë për mua, kështu që ju mund të vazhdoni. Unë po ju shkruaj në fakt për t’ju falënderuar dhe për të bërë një akt bujarie me ju, kështu që ju lutem, nëse ju vlerësoni më shumë se unë, të gjitha karakteristikat e renditura më lart, atëherë është e drejtë që ta mbani ju burrin tim. Ua kam falur!

Ama mbani mend se çdo ditë ka nevojë që t’i lahen mbathjet dhe këmishat t’i hekurosen. Gjithashtu mos harroni t’ia kujtoni çdo ditë që të marrë pilulën për tensionin dhe atë të ulçerës së stomakut.

Ah, se harrova, në fund të muajit ai ka një takim me dentistin për të rregulluar dhëmbët e përkohshëm që ai tani ka në gojën e tij prej eksperti tregimesh. Tani po e mbyll këtë shkrim, sepse duhet të shoh serialin e preferuar dhe pastaj të dal për pazar me shoqet e mia. Me nderim, një Grua Mirënjohëse.