Month: April 2025

Presidenti i SHBA-së, Donald Trump, po përballet me kritika pasi u bëri thirrje njerëzve të “blejnë” mes rënies së fundit të tregut të aksioneve, disa orë para se të njoftonte një ndërprerje të tarifave reciproke me mbarë botën (përveç Kinës).

Demokratët, së fundmi, kanë bërë thirrje për një hetim mbi “tregtimin e brendshëm”, teksa shumë kanë vënë re se një nga dy postimet e tij kishte përfshirë edhe simbolin e kompanisë së tij kur ai bënte thirrje për blerje aksionesh.

Një video e Donald Trump ku shfaqet duke bërë shaka se si bashkëpunëtorët e tij kishin fituar qindra miliona dollarë është bërë gjithashtu ‘virale’ në rrjetet sociale.

“Ai fitoi 2.5 miliard sot dhe ky fitoi 900 milion dollarë! Kjo nuk është keq”, dëgjohet të thotë Trump mes të qeshurave në klipin e shpërndarë gjerësisht.

Aksionet e tij prej 53% në Trump Media – tani në një fondacion i kontrolluar nga djali i tij më i madh Donald Trump Jr – u rritën me 415 milionë dollarë gjatë ditës. Trump Media u tejkalua, megjithëse vetëm me dyqind pikë përqindjeje, nga një tjetër partner i Trump – Tesla e Elon Musk.

Trump kishte këmbëngulur nëpërmjet një postimi në mediat sociale të mërkurën në mëngjes se kjo ishte një “kohë e shkëlqyer për të blerë”, ndërsa tregjet e aksioneve ranë dhe një luftë globale tregtare dukej se po afrohej. Postimi përfundoi me inicialet e tij “DGT” – që ndodh të jetë gjithashtu simboli i aksioneve për Trump Media (kompania që zotëron Truth Social). Ndërsa Trump e përdor shpesh në mediat sociale këtë akrionim, shumë në internet kanë sugjeruar se kjo ishte një thirrje mjaft personale nga Trump për blerjen e aksioneve të kompanisë së tij.

Pavarësisht qëllimit, kompania e tij shënoi një rritje mahnitëse ndërsa investitorët nxituan të blinin aksione të Trump Media. Kompania – ku Presidenti zotëron 53% të aksioneve pa një rritje të aksioneve. 22.67% — dyfishi i fitimit të tregut më të madh të mërkurën. Shtëpia e Bardhë nuk iu përgjigj pyetjeve nëse Presidenti i SHBA-së po i inkurajonte njerëzit të blinin aksione në përgjithësi apo konkretisht te Trump Media.

Gjithashtu mbetet e paqartë se kur vendimi për heqjen e tarifave u mor në të vërtetë nga Shtëpia e Bardhë. Ndihmësit e lartë kanë zgjedhur gjithashtu t’i përgjigjen kësaj pyetjeje duke këmbëngulur se ishte detyra e Presidentit të “siguronte tregjet dhe amerikanët për sigurinë e tyre ekonomike”.

“Tregtimi i brendshëm” apo “Insider Trading” është tregtimi i aksioneve të një kompanie publike ose i letrave me vlerë të tjera (siç janë obligacionet ose opsionet e aksioneve) bazuar në informacione materiale dhe jopublike në lidhje me kompaninë. Në vende të ndryshme, disa lloje tregtimi të bazuara në informacionin e brendshëm janë të paligjshme.

“He made 2.5 million today and he made $900 million. That’s not bad.”

Sounds like market manipulation to me. That’s bad. pic.twitter.com/1WYxcqam9O

— Outspoken™️ (@Out5p0ken) April 10, 2025

Presidenti Emmanuel Macron thotë se Franca mund të njohë shtetin palestinez në muajt e ardhshëm.

Macron i tha televizionit France 5 të mërkurën se ai synon ta finalizojë veprimin në një konferencë të Kombeve të Bashkuara mbi konfliktin Izrael-Palestinë, të cilën vendi i tij do ta bashkëdrejtojë me Arabinë Saudite në qershor.

“Ne duhet të shkojmë drejt njohjes dhe do ta bëjmë këtë në muajt e ardhshëm”, tha Macron. “Unë nuk po e bëj për të kënaqur askënd. Do ta bëj sepse do të jetë e drejtë,” tha ai.

Ministri i Shtetit i Palestinës për Punët e Jashtme, Varsen Shahin, i tha agjencisë së lajmeve AFP se njohja e Francës do të ishte “një hap në drejtimin e duhur në përputhje me mbrojtjen e të drejtave të popullit palestinez dhe zgjidhjen me dy shtete”.

Një 33-vjeçar me origjinë nga Kosova (Samson K.) dyshohet se ka therur me thikë bashkëshorten e tij, Sabrina K. (31-vjeçare), duke i shkaktuar plagë të rënda trupore.

Sipas mediave gjermane, 31-vjeçarjqa ka marrë pesë goditje me thikë. Raportohet se rasti ka ndodhur në praninë e djalit të tyre 7-vjeçar.

Gazeta gjermane Bild shkruan se Samson dhe Sabrina ishin të martuar prej disa vitesh dhe kishin dy fëmijë, një vajzë 4-vjeçare dhe djalin.

I dyshuari, pas krimit është ndaluar pranë viktimës së lënduar rëndë dhe ka kryer një telefonatë. Një dëshmitar e ka fotografuar këtë moment.

Sipas Bild, Samson dhe Sabrina kanë qenë të martuar për disa vite, ndërsa raporti mes tyre ka qenë i tensionuar për vite, dhe thuhet të kenë pasur mosmarrëveshje të vazhdueshme.

Sipas informacioneve, Samson K. ka qenë i dënuar për sulm dhe dhunë. Më 17 janar, 2024, ai kishte goditur me shuplakë Sabrinën në fytyrë dhe ia kishte shkulur flokët. Për pasojë, viktima kishte përfunduar me buzë të ënjtur dhe e gjakosur, e me disa gërvishtje në fytyrë. Samsoni nuk ishte lejuar të kontaktonte bashkëshorten e tij pas një vendimi gjykate. Ai nuk ishte lejuar as t’i afrohet apartamentit më afër se 100 metra.

Këtë vendim, ai e kishte shkelur katër herë. Vendimi ka qenë në fuqi deri më 19 korrik, 2024. Ndërsa këtë të martë ndodhi sulmi brutal.

Si ndodhi sulmi?

Samson K. kishte dashur ta merrte të bijën nga kopshti. Por, drejtuesit e kopshtit nuk ia kishin dorëzuar atij 4-vjeçaren, e kishin informuar nënën e cila me shpejtësi kishte mbërritur në kopsht dhe e kishte marrë fëmijën. Sabrina K. e kishte dërguar të bijën te shtëpia e një mikeje, dhe kishte shkuar ta merrte të birin nga shkolla.

Kur ajo pothuajse mbërriti në prag të shtëpisë së saj bashkë me djalin 7-vjeç, bashkëshorti i saj duket se e kishte e përcjellë. Me një thikë të vogël, Samsoni thuhet ta ketë therur Sabrinën në sy të djalit të tyre.

E plagosur rëndë, Sabrina u rrëzua përtokë, bashkëshorti i saj qëndroi aty deri në arrestim. Thuhet se ai u tha dëshmitarëve: “Nuk e dini se çfarë më bëri ajo”.

Se çfarë ka dashur të thotë ai me këtë, nuk dihet. Një mike i tha BILD-it: “Kur u arrestua, më shikoi me fytyrë të ngrirë në sy”.

Një zyrtare policore u kujdes për fëmijët e çiftit. Ajo mori për dore vajzën e vogël dhe e çoi në një hapësirë me lodra.

Përfaqësuesi i Mbretërisë së Bashkuar në Këshillin e Sigurimit të Kombeve të Bashkuara tha se si përkrahës i shtetësisë së Kosovës, mirëpresin njohjen e pavarësisë së Kosovës nga Kenia, teksa i inkurajoi të gjitha shtetet që s’e kanë bërë, ta bëjnë sa më parë.

“Si përkrahëse e shtetësisë së Kosovës, e mirëpresim njohjen së voni të Kenias. Inkurajojmë të gjithë ata që s’e kanë njohur pavarësinë e Kosovës, ta bëjnë këtë sa më shpejt. Derisa raporti i Sekretarit të Përgjithshëm thekson shumë faktin që ka presion tek serbët në Kosovë, janë përpjekjet e suksesshme të Kosovës për të rekrutuar policë nga komuniteti serb. Shprehim keqardhje që gjyqtarët dhe prokurorët nga komunitetet joshumicë nuk kanë kërkuar që të rikthehen në institucionet e Kosovës”, tha përfaqësuesi britanik.

Më tej, ai tha se inkurajojnë Kosovën dhe Serbinë që të angazhohen në mënyrë konstruktive në dialog, për të arritur një marrëveshje normalizuese dhe ligjërisht obliguese.

“Mirëpresim pjesëmarrjen aktive të serbëve të Kosovës në zgjedhjet paqësore komunale në periudhën e ardhshme dhe inkurajojmë Kosovën dhe Serbinë që të angazhohen në mënyrë konstruktive me Sorensenin për të arritur një marrëveshje normalizuese dhe ligjërisht obliguese duke zbatuar plotësisht edhe marrëveshjet e Brukselit dhe Ohrit”, tha ai.

Më tej, përfaqësuesi i Britanisë i kërkoi Serbisë që të dërgojë para drejtësisë autorët e sulmeve të KFOR-it, atij në Banjskë dhe të bashkëpunojë me Kosovën për t’i identifikuar autorët sulmit në kanalin e Ibër-Lepencit.
“I kërkojmë Serbisë që të sjell para drejtësisë gjithë ata që janë përgjegjës për sulmet e KFOR-it dhe sulmin në Banjskë dhe të bashkëpunoj për të hetuar dhe identifikuar ata që e kanë kryer sulmin në Ibër-Lepenc”.

“Duke marrë parasysh kushtet në terren që s’janë aspak të afërta me vitin 1999, kërkojmë rishikimin e rolit të UNMIK-ut për të siguruar që të vazhdojë përkrahja për stabilitet dhe siguri në Kosovë, por që reflekton botën e vitit 2025”, tha ai.

Përfaqësuesi i Rusisë e akuzoi Kosovën për “vazhdimin e politikës së saj drejt dëbimit të banorëve serbë” pasi Kosova, ndër të tjera, ndaloi përdorimin e dinarit serb. Ai shtoi se Bashkimi Evropian nuk është në gjendje të ndikojë mbi Prishtinën, duke theksuar se ndërmjetësimi i BE-së ka dështuar plotësisht në dialog. Përfaqësuesi i Bashkimit Evropian u bëri përsëri thirrje Kosovës dhe Serbisë të fillojnë zbatimin e Marrëveshjes se vitit 2023 për rrugën drejt normalizimit të marrëdhënieve.

“BE-ja e mirëpret faktin që Kosova dhe Serbia ritheksuan përkushtimin e tyre ndaj dialogut të lehtësuar nga BE-ja dhe për procesin e normalizimit të marrëdhënieve dhe zotimin e tyre për angazhim konstruktiv në proces për të ecur përpara shpejt”, shtoi ai.

Ai shtoi se nga Kosova pritet themeli i Asociacionit, ndërsa nga Serbia njohja e dokumenteve dhe simboleve të Kosovës

U desh një dekadë për t’i dhënë fund kalvarit të një të miture, e cila u ankua se për një periudhë shtatëvjeçare, kur ishte vetëm shtatë vjeç, ishte viktimë e abuzimit seksual nga prifti i fshatit të saj.

Prifti 72-vjeçar është dënuar nga Gjykata e Janinës për përdhunim dhe joshje të një të miture me nëntë vite burg.

Sipas mediave greke, çështja ka mbërritur në organet e prokurorisë pas një denoncimi të dajës së fëmijës, në vitin 2015, kur vogëlushja kishte mbushur 14 vjeç.

Më herët, kumbari i fëmijës kishte vënë re se diçka e çuditshme po ndodhte me priftin, i cili hynte e dilte shpesh në shtëpinë e familjes që jetonte në një fshat të vogël të Artës.

E mitura ka treguar se çfarë ka vuajtur gjatë gjithë këtyre viteve, nga viti 2008 deri në 2015, nga prifti i fshatit, i cili ka përfituar nga pozita e pambrojtur e familjes dhe ka sjellë ushqime në shtëpi, por me qëllim shfrytëzimin seksual të të miturës, siç thuhet në gjykatë.

Sipas asaj që u raportua në seancën në Gjykatën Penale, prifti ka izoluar dhe dhunuar të miturën, qoftë në shtëpinë e saj, qoftë në një zonë pranë lumit të fshatit, madje edhe brenda një kishe që ka qenë e hapur vetëm në periudha të caktuara.

Prifti 72-vjeçar nga ana e tij mohoi akuzat, duke folur për një komplot kundër tij dhe se ai është vënë në shënjestër.

Megjithatë, ai nuk ka mundur të shpjegojë se cili mund të ketë qenë motivi i personave që e denoncuan.

Një aksident i pazakontë ndodhi në Indonezi, ku një shofer i besoi “verbërisht” udhëzimeve të Google Maps dhe përfundoi duke rënë nga një urë.

Ngjarja u regjistrua kur 61-vjeçari, i cili po udhëtonte me makinën e tij BMW, ndiqte udhëzimet në aplikacionin e GPS-së për të shmangur trafikun. Google Maps e udhëzoi atë përmes një rrugë të re, e cila nuk ishte e përfunduar.

Në vend që të ndiqte rrugën e bypass-it, ai kaloi nga një hendek dhe u përplas me një pengesë betoni, duke vazhduar përpara pa mundur ta frenonte makinën. Pamjet e kamerave tregojnë momentin kur BMW-ja, pas një përplasjeje, fluturoi dhe ra nga mbikalimi i papërfunduar.

Shoferi 61-vjeçar, i cili e mbante të gjithë përgjegjësinë për aksidentin, tha se nuk ishte fajtor pasi thjesht po ndiqte udhëzimet.

Ekipet e shpëtimit mbërritën menjëherë dhe i ofruan ndihmën e nevojshme për shoferin dhe pasagjerin e tij, një burrë 47-vjeçar, të cilët kishin pësuar lëndime të lehta. Të dy u dërguan në spital për trajtim të mëtejshëm.

“Inteligjenca Artificiale nuk është këtu për të marrë vendet e punës të programuesve, por për t’i transformuar ato. Ata që e adoptojnë si një mjet shtesë do të gjejnë se ajo zgjeron mundësitë e tyre dhe hap dyer të reja. Megjithatë, kjo kërkon përshtatje: të mësojnë rreth AI-së, të kuptojnë kufizimet e saj dhe ta përdorin strategjikisht”.

Bill Gates, një nga vizionarët më të mëdhenj të inovacionit, beson se profesioni i programuesve është një nga ato që nuk do të ndikohen negativisht nga zhvillimi i kësaj teknologjie.

AI ka ndryshuar mënyrën se si shkruhet dhe optimizohet kodi, duke sjellë mjete si GitHub Copilot që sugjerojnë linja kodesh dhe blloqe të plota, duke kursyer kohë në detyra rutinë.

Ky zhvillim ka rritur produktivitetin, duke mundësuar që programuesit të përqendrohen në zgjidhjen e problemeve më komplekse dhe kreative, ndërsa AI merr përsipër krijimin e dokumentacionit dhe testimin automatik. Gjithashtu, inteligjenca artificiale i ndihmon ata me më pak përvojë teknike të shkruajnë kode funksionale, duke rritur konkurrencën në tregun e punës.

Megjithatë, programuesit ende mbeten të domosdoshëm për projektimin e sistemeve, kuptimin e kërkesave dhe marrjen e vendimeve të rëndësishme.

Siç thotë Gates, programimi kërkon kreativitet, gjykim dhe një kuptim të thellë të problemeve reale, aftësi që AI ende nuk i ka integruar plotësisht.

Një nga futbollistët më simpatik të Kombëtares ka ndryshuar statusin.

Nedim Bajrami është duke kaluar një romancë me moderatoren e njohur në Kosovë, Lorina Dula.

Të dy janë munduar ta mbajnë sa më të fshehtë lidhjen e tyre, ndërsa gazeta zbulon që prej pak kohësh, mesfushori nuk është më beqar, shkruan panorama.

Lorina jeton në Prishtinë dhe është moderatore e një emisioni sportiv në “Klan Kosova”.

Ajo bëri bujë me emisionin “Euroshow” gjatë zhvillimit të Kampionatit Europian në Gjermani verën e kaluar.

Që nga muaji nëntor, Lorina ka ndjekur nga afër ndeshjet e Kombëtares shqiptare dhe siç duket nuk mungojnë pozimet edhe me fanellën kuqezi, e cila me shumë mundësi është dhuruar nga djaloshi që i ka rrëmbyer zemrën.

Të dy janë treguar të kujdesshëm dhe nuk kanë publikuar asnjë foto bashkë në rrjetet sociale.

Inter Miami ka marrë një biletë për në gjysmëfinalet e Champions Cup në SHBA.

Skuadra nga Florida fitoi 3-1 kundër Los Angeles, duke përmbysur humbjen e parë 1-0 të pësuar në Californi.

Protagonist në këtë përballje ishte Lionel Messi me dy gola dhe një asist.

Ndeshja nisi malore për Interin, me Long që pas nëntë minutash lojë shënoi për miqtë.

Pas golit të pësuar Interi “u shkund” dhe ishte Lionel Messi që shënoi në minutën e 35-të, teksa përpara i ishte anuluar një gol nga VAR.

https://twitter.com/i/status/1910148699604333021

Pjesa e parë u mbyll 1-1, teksa në atë të dytë vijoi spektakli.

Duhej minuta e 61 që Messi të shërbente për Allen, me këtë të fundit që i dha epërsinë të tijve.

https://twitter.com/i/status/1910144224110186935

Gjashtë minuta nga fundi tifozët shpërthyen në festë pasi Lionel Messi ktheu në gol një penallti, për ta dërguar rezultatin në 3-1 dhe atë të përgjithshëm në 3-2.

Kësisoj Inter Miami merr biletën për në gjysmëfinalet e Champions Cup dhe gjen Vancouver Uhitecaps.

Në shtëpinë e familjes Pinderi në Taç të Ersekës dhimbja është ulur këmbëkryq. Rrjedha e jetës së kësaj familje të varfër, do të tronditej keqas në Dhjetor të vitit 2024. Vajza e familjes, Rafaela, ndërroi jetë papritur nga një atak kardiak.

Ajo ishte fëmijë i vetëm, si një rreze shprese për familjen. E lumtur, e qeshur dhe pa pretendimet tipike të moshës, Rafaela gëzonte shëndet të plotë dhe kishte një lidhje të veçantë me prindërit dhe familjen.

‘Ishte e gëzuar tërë kohën, nuk ishte ankuar asnjëher, vetëm gripë dhe bajamet’ u shpreh mamaja vogëlushes, Arjana Pinderi

‘U bë çupa 14 vjet e gjysëm nuk dinim të na intaosoej, unë e kam çupë jo mbesë, ishte shumë e përsosur’ u shpreh gjysha e 14-vjeçares

Fshati Taç, ndodhet vetëm 2.3 km larg nga qyteti i Ersekës. Dikur një ndër fshatrat më të populluar. Sot, është braktisur thuajse plotësisht. Si pasojë edhe shkolla e fshatit, ku Rafaela ka bërë filloren, tashmë është mbyllur. Ajo e ndiqte shkollën 9-vjeçare në qytet.

‘Kur vinte çupa unë fluturonja, të keqen nëna të të fut nëna në shpirt’ u shpreh gjyshja e 14-vjeçares

Të premten e datës 20 dhjetor 2024 Rafaela 14-vjeçare u nis gjithë gëzim në shkollë. Ishte dita e fundit e mësimit për atë vit. Të nesërmen kishte planifikuar me gjyshen të bënin bakllavanë. Më pas do të kërkonin një dhuratë për të atin, pasi donte tia bëntë surprizë për ditëlindje. Por të gjitha këto mbeten vetëm ëndrra.

Ashtu si ditët e tjera, hipi në biçikletën modeste të të atit gjithë entuziazëm dhe udhëtoi drejt Ersekës, ku ndiqte shkollën. Ajo, nuk mund ta dinbte se kjo do të ishte dita e fundit për të.

‘Foli e gëzuar, si gjithnjë sic ikte përditë. S’ka qenë e sëmurë asnjëherë’ u shpreh Arjana Pinderi, mamaja 14-vjeçares

‘Iku e gëzuar atë mëngjes. Fluturonte, u ngrit në ora 6 të mëngjesit..më përqafoi, më puthi tha nëna iku e putha në ballë’ u shpreh gjyshja e 14-vjeçares.