Shpërthime të reja janë raportuar në zonën veriore të Teheranit.
Këtë e bën të ditur agjencia AFP, ndërkohë që përshkallëzimi ushtarak mes Izraelit dhe Iranit vazhdon, pas sulmeve ajrore të SHBA-ve ndaj tre objekteve bërthamore në Iran.
Ndërkohë Ali Shamkhani, këshilltar politik i Udhëheqësit Suprem të Iranit, Ali Khamenei, deklaroi sot se loja nuk ka mbaruar dhe së shpejti do të ketë surpriza.
“Edhe nëse objektet bërthamore do të shkatërroheshin, loja nuk do të kishte përfunduar. Materialet e pasuruara, njohuritë iraniane dhe vullneti politik do të mbeten. Iniciativa tani i takon atij që luan me zgjuarsi dhe shmang sulmet e verbra. Surprizat do të vazhdojnë!”./Top Channel
Ekspertët thonë se Irani është dobësuar ndjeshëm nga sulmet e Izraelit ndaj bazave të tij ushtarake deri më tani, si dhe nga çmontimi i aleatëve të tij rajonalë në Liban (Hezbollah), në Siri dhe në Gaza (Hamasi). Por Irani është ende i aftë të shkaktojë një sasi të konsiderueshme dëmesh.
Zyrtarët iranianë paralajmëruan SHBA-në kundër përfshirjes, duke thënë se do të pësonte “dëme të pariparueshme” dhe se rrezikonte një “luftë të përgjithshme” në rajon.
Ajo ka kërcënuar të shënjestrojë bazat amerikane në rajon në shenjë hakmarrjeje. SHBA-të operojnë me vende ushtarake në të paktën 19 rajone në Lindjen e Mesme, duke përfshirë Bahreinin, Egjiptin, Irakun, Jordaninë, Kuvajtin, Katarin, Arabinë Saudite dhe Emiratet e Bashkuara Arabe.
Ndër objektivat më të dukshme për Iranin është selia e Flotës së 5-të të Marinës Amerikane në Mina Salman në Bahrein.
Mund të synojë gjithashtu një rrugë kritike transporti detar të njohur si Ngushtica e Hormuzit, e cila lidh Gjirin Persik me Oqeanin Indian dhe përmes së cilës transportohet 30% e furnizimit botëror me naftë. Mund të sulmojë gjithashtu rrugë të tjera detare që rrezikojnë destabilizimin e tregjeve globale.
Irani mund të shënjestrojë gjithashtu asetet e vendeve fqinje që i percepton se po ndihmojnë SHBA-në, gjë që rrezikon përhapjen e luftës në të gjithë rajonin.
Tensionet në Lindjen e Mesme janë përshkallëzuar ndjeshëm pas sulmit amerikan mbi Iran.
Forcat Mbrojtëse të Izraelit (IDF) kanë konfirmuar se një numër raketash janë lëshuar nga territori iranian drejt Izraelit.
Sipas një deklarate zyrtare të IDF-së, sistemet e mbrojtjes ajrore janë aktivizuar për të ndaluar kërcënimin, ndërsa qytetarët janë paralajmëruar të hyjnë në hapësira të mbrojtura dhe të qëndrojnë aty deri në një njoftim të dytë.
“Alarme paralajmëruese janë aktivizuar në të gjithë vendin, duke përfshirë edhe qytetin e Jerusalemit,” thuhet në deklaratën e IDF. Dëshmitarë nga kryeqyteti raportojnë se kanë dëgjuar disa shpërthime të forta mbi qytet, të cilat besohet të jenë rezultat i aktivizimit të sistemit të mbrojtjes ajrore izraelite.
Nuk ka ende të dhëna për viktima apo dëme materiale, ndërsa situata mbetet e paqëndrueshme.
Presidenti i Iranit, Masoud Pezeshkian, deklaroi se vendi i tij është i gatshëm të japë garanci dhe të ndërtojë besim lidhur me aktivitetet bërthamore të Republikës Islamike.
Pezeshkian theksoi gjithashtu se Teherani nuk do të pranojë kurrë që aktivitetet bërthamore të reduktohen në zero.
“Republika Islamike e Iranit është e gatshme për negociata dhe dialog për zgjidhjen e çështjeve, por çdo bisedim apo parakusht do të pranohet vetëm në kuadrin e ligjeve dhe normave ndërkombëtare. Përballë agresionit të Izraelit, përgjigjja jonë do të jetë edhe më vendimtare dhe më e fuqishme. Që në fillim kemi synuar forcimin e bashkëpunimit me të gjitha vendet e botës, mbi bazën e besimit dhe respektit të ndërsjellë. Megjithatë, ishte regjimi sionist ai që e prishi këtë rrugë që në ditën e parë,”- u shpreh Pezeshkian.
Kujtojmë se më 13 qershor, Izraeli ndërmori një sërë sulmesh të mëdha ndaj Iranit, për të cilat pretendon se kishin në shënjestër objekte bërthamore dhe oficerë të lartë ushtarakë. Këto sulme shkaktuan kundërpërgjigje të menjëhershme nga Teherani, duke nxitur një javë përleshjesh intensive që tashmë kanë shkaktuar pasoja të rënda për civilët dhe infrastrukturën.
Irani ka ndërtuar infrastrukturën e tij bërthamore që nga vitet 1960, me disa nga objektet e vendosura nën tokë. Vendi zotëron kapacitetin për të gjitha fazat e prodhimit të uraniumit, nga nxjerrja deri tek pasurimi dhe ka këmbëngulur prej kohësh se programi është paqësor dhe i dedikuar prodhimit të energjisë për qëllime civile.
Agravon përplasja mes Ilir Metës dhe Endrit Braimllarit. Kreu i PL e sulmoi sot ish-Sekretarin e Përgjithshëm të LSI se për faj të tij ndodhet në qeli.
Sipas Metës, firmën për lobimet e LSI e ka hedhur Braimllari dhe ai nuk ka asnjë lidhje me këtë çështje. Vetë Braimllari reagoi duke u distancuar nga ai proces dhe duket se kjo gjë ka sjellë dhe reagimin e Partisë së Lirisë.
Zëdhënësja e Partisë së Lirisë Jasmira Memelli, nuk është kursyer në sulme e akuza ndaj Briamllarit dhe kushëririt të tij.
Palaçoja në shërbim të regjimit, xhepisti Endrit Braimllari, firmëtari i lobimeve për LSI në periudhën 2018-2019, sipas vetë dokumentit zyrtar të SPAK, vazhdon me paturpësi shpifjet e pacipa, sikur lobiment janë kryer vetëm në kohën kur Z. Ilir Meta ka qenë kryetar partie.
Ky mashtrues ordiner i nivelit ZH, që duhet të mbajë përgjegjësi penale për firmat e hedhura pa teklif, vijon të gënjejë dhe shpifë botërisht duke e cilësuar të ligjshme firmën e tij për lobimet, që vetë SPAK e cilëson të paligjshme, për periudhën 2018-2019, kur çdo shqiptar, i madh dhe i vogël, e di shumë mirë që Ilir Meta ka ushtruar detyrën e rëndësishme shtetërore të Presidentit të Republikës dhe jo të kryetarit të LSI-së.
I kujtojmë palaços, që mendonte se duke veshur kostum dhe kollare do mund të bëhej kryetar partie, që KURRË nuk ka për t’i shpëtuar NDËSHKIMIT LIGJOR për firmat dhe shkeljet që ka kryer.
Gjithashtu u bëjmë thirrje të gjithë socialistëve të ndershëm të kenë kujdes nga ky xhepist ordiner, që do na i lëvizë vetëm për të hedhur firma të paligjshme, që të na kthejë financiaren e partisë që na “rrëmbeu” ditën kur u konvertua në “rilindas”.
Një përgjigje edhe për palaçon tjetër, kushëririn e tij, Eriol Braimllarin, që pretendon se e ka takuar vetëm 1 herë shqiptaro-amerikano-dibranin, Adrian Shatkun, në praninë e Z. Ilir Meta.
E ftojmë Eriolin të kthjellohet dhe të kujtohet edhe 1 herë se na rezulton se e ka takuar mbi 100 herë Adrianin, se ai, njësoj si Endriti, mund ta ketë vesh mashtrimin, por TIMS-si, dëshmitë dhe dëshmitarët okularë dhe provat autentike nuk gënjejnë KURRË!
Një incident i rëndë ka ndodhur mbrëmjen e sotme në Kosovë, ku të përfshirë janë dy shqiptarë dhe një serb.
Sipas mediave në Kosovë, ngjarja ka ndodhur në Mitrovicë, në urën kryesore mbi lumin Ibër, që ndan qytetin dhe simbolizon ndarjen etnike mes serbëve dhe shqiptarëve. Sipas burimeve qytetari serb me inicialet V.V, 30 vjeçar, i cili ishte turist në Kosovë, ka ndaluar tek ura për të bërë fotografi duke ngritur dorën me tre gishta, një gjest i njohur si simbol i nacionalizmit serb.
Kjo ka nxitur reagimin e dy qytetarëve shqiptarë, G.R, 64-vjeçar dhe A.Z, 60-vjeçar, të cilët, e kanë pyetur: “Pse po provokon?” dhe menjëherë më pas ka shpërthyer një konflikt fizik mes tyre.
Nga përleshja, njëri nga shqiptarët ka pësuar frakturë në hundë, siç konstatohet në raportin mjekësor. Ngjarja ka alarmuar autoritetet, të cilat kanë ndërhyrë dhe kanë siguruar pamjet nga kamerat e sigurisë që dokumentojnë incidentin.
Prokurori, pas shqyrtimit të videove, ka urdhëruar që ndaj dy shqiptarëve të ngrihet akuza për “Sulm fizik”, ndërsa shtetasi serb është liruar në procedurë të rregullt, me tiketë për “Prishje të rendit dhe qetësisë publike”.
Sipas vlerësimeve të fundit, Shtetet e Bashkuara mbajnë një prani të konsiderueshme ushtarake në Lindjen e Mesme, me mbi 51 mijë trupa të vendosura strategjikisht në të gjithë rajonin.
Kjo gjurmë e gjerë shtrihet nga Mesdheu në Detin Arabik, duke reflektuar interesin e vazhdueshëm të Washingtonit për stabilitetin rajonal, luftën kundër terrorizmit dhe mbrojtjen e rrugëve kritike globale tregtare.
Duke parë interesin e shtuar për shkak të përshkallëzimit të konfliktit mes Izraelit dhe Iranit, i cili potencial sjell pasoja në gjithë rajonin, Albanian Post sjell një zbërthim të kapaciteteve amerikane, në një kohë kur bombarduesit B-2 duket se janë vënë po ashtu në lëvizje.
Përmbledhje e Vendosjes Strategjike
Sipas të dhënave të marra nga Bloomberg, trupat amerikane janë të vendosura në të paktën 14 vende dhe territore në të gjithë Lindjen e Mesme.
Kët vendosje mbështesin një gamë të gjerë misionesh, duke përfshirë ushtrime të përbashkëta me aleatët, mbledhjen e inteligjencës, operacionet logjistike dhe përfshirjen e drejtpërdrejtë në konfliktet rajonale.
Dislokimet Kryesore
Kuvajti dhe Katari presin secili nga 10 mijë trupa, përqendrimet më të mëdha në rajon.
Këto baza shërbejnë si qendra logjistike dhe komanduese jetësore për operacionet amerikane.
Bahreini, vendi ku ndodhet Flota e Pestë e Marinës Amerikane, strehon 4 mijë e 700 trupa, duke nënvizuar rëndësinë e saj strategjike detare.
Emiratet e Bashkuara Arabe kanë 5 mijë trupa, duke reflektuar lidhjet e forta mbrojtëse SHBA-Emirate.
Xhibuti, i vendosur në grykëderdhjen e Detit të Kuq dhe pranë rrugëve kryesore të transportit detar, është shtëpia e 4 mijë trupave, shumë prej të cilëve janë të stacionuar në Kampin Lemonnier, një bazë e rëndësishme për luftën kundër terrorizmit në Afrikën Lindore dhe Gadishullin Arabik.
Jordania dhe Arabia Saudite presin secila rreth 2 mijë deri në 3 mijë trupa, duke ndihmuar misionet rajonale të trajnimit dhe përpjekjet kundër ISIS-it.
Iraku ka 2 mijë trupa, një numër që është ulur nga vitet e mëparshme, por ende luan një rol në trajnimin e forcave irakiane dhe këshillimin e operacioneve kundër mbetjeve të Shtetit Islamik.
Forca më të vogla, por strategjike
Siria strehon rreth 900 trupa amerikane, kryesisht forca të operacioneve speciale, që ndihmojnë aleatët kurdë në verilindje.
Turqia ka 1 mijë e 700 trupa, kryesisht të lidhura me operacionet e NATO-s.
Deti Arabik mban 1 mijë personel detar për sigurinë detare.
Vetë rajoni i Gjirit (dislokimet në det të hapur) ka rreth 500 trupa.
Libani, Izraeli dhe Egjipti presin kontingjente të vogla (nga 76 deri në 426 trupa) kryesisht për misione paqeruajtëse dhe trajnimi.
Pse ka rëndësi
Prania e vazhdueshme e SHBA-ve në Lindjen e Mesme shërben për disa qëllime kryesore:
-Parandalimi kundër Iranit: Dislokimet në shkallë të gjerë në Kuvajt, Katar dhe Bahrein synojnë të pengojnë agresionin iranian dhe të ruajnë një aftësi reagimi të shpejtë.
-Kundërterrorizmi: Bazat në Siri, Irak dhe Xhibuti janë jetësore për operacionet e vazhdueshme kundër grupeve terroriste si ISIS dhe Al-Kaeda.
-Siguria Detare: Dislokimet detare mbrojnë korridoret kritike detare përmes të cilave rrjedh një pjesë e konsiderueshme e furnizimit me naftë në botë.
-Mbështetje për Aleatët: Trupat amerikane kontribuojnë në marrëveshjet e mbrojtjes me aleatët rajonalë, duke përforcuar partneritetet strategjike me Shtetet e Gjirit, Izraelin dhe Jordaninë.
Me 51 mijë e 400 trupa të stacionuara në të gjithë Lindjen e Mesme, Shtetet e Bashkuara vazhdojnë të luajnë një rol qendror në arkitekturën e sigurisë së rajonit.
Pavarësisht thirrjeve për një kthesë strategjike drejt Azisë ose për përcaktimin e përparësive të brendshme, dinamikat komplekse të Lindjes së Mesme – duke filluar nga konflikti sektar deri te rivalitetet gjeopolitike – sigurojnë që prania ushtarake amerikane të mbetet një element përcaktues i politikës së jashtme të SHBA-ve në rajon.
Sot, Këshilli i Ministrave miratoi një paketë masash që do ta forcojë administratën publike nëpërmjet rritjes së pagave dhe shtesave drejtuesve të lartë. Sipas Panorama, vendimi përfshin një shtesë mujore prej 65,000 lekësh për pozicionet e sekretarit dhe zëvendëssekretarit të përgjithshëm – transmeton Hilsn Media.
Përveç kësaj, rreth 12,120 punonjës të Gardës së Republikës dhe Policisë së Shtetit do të përfitojnë rritje pagash prej 21–35% gjatë vitit 2024, pas një rritjeje 7% fillestare në vitin 2023 .
Sipas Liberale.al, masa përfshin ndryshime në strukturën e pagave për zëvendësministrat, prefektët, nënprefektët dhe nëpunësit civilë. Përveç shtesës për drejtuesit, rriten bonuse për koordinatorë dhe funksionarë të pozicioneve kyçe, të mbuluara nga buxheti i Kryeministrisë për 2025 – shkruan Hilsn Media.
Në vijim, është bërë e qartë që nga 1 korriku, me zbatimin e këtij vendimi, edhe punonjësit e shëndetësisë, mjekët, infermierët dhe zjarrfikësit do të kenë shtesa nga 15,000 deri në 20,000 lekë në pagë, duke synuar që paga mesatare në administratë të arrijë rreth 105,000 lekë.
💡 Pse tani dhe çfarë do të ndodhë më tej? Qeveria argumenton se këto masa vijnë për të motivuar administratën publike dhe për të përmirësuar performancën.
Buxheti 2024–2026 parashikon mbulimin e kostove për këtë rritje, duke përdorur fondet e dedikuara për këtë strategji. Synohet që paga mesatare në administratë të arrijë në mes të 1000–1050 euro (rreth 130,000 lekë), për ta afruar me nivelet e pagave në sektorin privat.
🧭 Çfarë ndodh tani?
Këto rritje hyjnë në fuqi nga 1 korriku 2025, ndërsa vëmendja e qeverisë mbetet e përqendruar te fleksibiliteti i orarit dhe vlerësimi i performancës si pjesë e paketës së motivimit për administratën –Hilsn Media.
Me dhimbje, lajmërohet ndarja nga jeta e gazetarit dhe mësuesit të njohur, Vehbi Furxhi, në moshën 84 vjeçare. Për shumë vite, Furxhi ka lënë një shenjë të pashlyeshme në jetën kulturore dhe mediatike të qytetit të Korçës.
Si drejtues i kulturës në këtë qytet, ai kontribuoi në zhvillimin e shumë aktiviteteve kulturore dhe artistike, duke sjellë edhe inovacione në fushën e gazetarisë. Më pas, Furxhi e udhëhoqi Radio Korçën për një periudhë të gjatë, duke bërë të mundur që ky institucion mediatik të bëhej një nga më të rëndësishmit në juglindje të Shqipërisë.
Pas daljes në pension, ai vazhdoi të kontribuonte në fushën e edukatës si mësues në shkollën e mesme bujqësore, duke ndihmuar breza të tërë të rinjsh të formoheshin dhe zhvillonin karrierën e tyre profesionale.
Vehbi Furxhi njihet për kontributin e tij si gazetar i guximshëm, veçanërisht për shkrimet e tij të mprehta në revistën Hosteni. Po ashtu, ai ka qenë botues i gazetës Korça, duke e bërë atë një platformë të rëndësishme për informacion dhe diskutime për qytetin dhe rajonin.
Vetëm disa ditë pasi Parlamenti grek ka miratuar me shumicë të gjerë votash Kodin e ri Rrugor i cili sjell ndryshime të rëndësishme për të përmirësuar sigurinë rrugore dhe për të reduktuar aksidentet fatale , policia rrugore ka filluar me seriozitet zbatimin e tij.
Ky kod prezanton dënime më të ashpra për shkelësit e përsëritur të rregullave të trafikut në një përpjekje për të përmirësuar sigurinë rrugore dhe për të zvogëluar vdekjet që lidhen me aksidentet. Midis tyre vecohen:Përdorimi i telefonit gjatë drejtimit të makinës që sipas ligjit të ri, shkelja e parë sjell një gjobë prej 350 eurosh dhe pezullim të patentës së drejtimit për 30 ditë, e dyta rezulton në një gjobë prej 1,000 eurosh dhe një pezullim prej 180 ditësh dhe shkelja e tretë rrit gjobën në 2,000 euro dhe heqje patente për një vit.
Përdorimi i telefonit në vitin 2024 ishte shkaku i 3-të i aksidenteve rrugore në Greqi.Gjithashtu drejtimi i mjetit në gjendje të dehur, i cili kontribuoi në rreth 25% të vdekjeve në rrugë në Greqi në vitin 2024, është një tjetër aspekt i kodit të ri. Ligji i rishikuar përcakton tre nivele të dehjes, me dënime që rriten sipas përqendrimit të alkoolit në gjak të shoferit duke filluar nga një gjobë 350 € dhe heqje patente për 30 ditë deri në 4000 euro gjobë dhe heqje patente për 10 vjet.
Shkelja mund të çojë gjithashtu në akuza penale në rast se ka vdekje, dëmtime të rënda trupore ose dëmtime të pronës publike.Dënime të rënda ka edhe për rastet e mospërdorimit të rripit të sigurimit me 350 € për shoferin dhe 150 € për pasagjerin,ndërsa në rast të përsëritur gjoba shkon deri në 2.000 € dhe heqje patente për 1 vit. Po ashtu edhe për shkelje të shenjave të semaforëve dhe tabelave STOP, rastet e drejtimit të mjetit pa patentë, parkimit në vendet e kalimit të perosnave me aftësi të kufizuara, shkeljes së e kufirit të shpejtësisë në zonat e banuara.
Sipas Autoritetit Satistikor Kombëtar (ELSTAT), 665 persona humbën jetën në aksidente trafiku në vitin 2024, ndërsa Greqia mbetet ndër vendet e Bashkimit Evropian me shkallën më të lartë të vdekjeve në rrugë. Të dhënat nga Këshilli Evropian i Sigurisë së Transportit (ETSC) e rendisin Greqinë të shtatën në të gjithë bllokun për vdekjet që lidhen me trafikun rrugor. /topchannel
