Month: June 2025

Irani ka nisur një sulm të ri ndaj Izraelit, ku ka lëshuar një lumë raketash.

Mediat ndërkombëtare raportojnë se sirenat e alarmit kanë rënë në Tel Aviv dhe Jerusalem, ndërsa janë dëgjuar shpërthime të fuqishme dhe sistemi mbrojtës “Kupola e Hekurt” (Iron Dome) është aktivizuar për të ndaluar raketat që afrohen.

Ndërkohë, në qytetin verior të Haifës, një ndërtesë është goditur drejtpërdrejt nga një raketë, sipas organizatës izraelite të kërkim-shpëtimit ZAKA.

“Goditje direkte në një ndërtesë në Haifa. Ekipet tona nga Distrikti i Veriut janë në rrugë për në vendngjarje,” njoftoi ZAKA.

Edhe Reuters ka publikuar pamje të shpërthimit në qytet, me re tymi që ngrihen mbi horizontin e Haifës. Paralelisht, Shërbimi i Zjarrfikësve dhe Emergjencave në Izrael ka konfirmuar se ka marrë raporte për goditje të drejtpërdrejtë në një godinë banimi në Rrethin Bregdetar, me ekipet e zjarrfikësve që janë nisur drejt vendit.

Burime ushtarake raportojnë se disa nga raketat iraniane kanë kaluar përmes shtresave të mbrojtjes ajrore të Izraelit, megjithëse IDF nuk ka dhënë ende një koment zyrtar për penetrimin e sistemit të mbrojtjes.

Modelja e “She’s On Top” ka përlotur konkurrentet dhe jurinë me historinë e saj tragjike.

Me lot në sy, 22-vjeçarja, Marigona Halilaj, rrëfeu historinë më të dhimbshme të jetës së saj.

E reja nga Gjilani tha se mami i saj ka vrarë babin për hir fëmijëve, pasi i ati i Marigonës ushtronte dhunë dhe tentoi të vriste më thikë vëllain e saj.

“Jetoj në Gjilan me mamin. Vij nga një familje me shumë sakrifica në jetë, sidomos prej mamit. Është se, mami im ka pasur dhunë në familje. Dhunë të theksuar. Unë kam lindur në vitin 2002, nuk i kam përjetuar shumë se kam qenë e vogël ku babi më ka ndërruar jetë. Babi fatkeqësisht ka qenë person që ka dhunuar në familje. Dhunë nga më të këqijat.

Në vitin 2005 babi ka ndërruar jetë. Babi im ka jetuar në Zvicër, mami ka ndenjur në Kosovë edhe pse ka qenë e martuar dhe ka pasur dy fëmijë. Mami ka dashur të distancohej sa më shumë nga ai person. Shkaku i dhunës ka ardhur deri te vrasja. Kam qenë në atë kohë 2 vjeçe e gjysmë. Mami është munduar në krejt mënyrë ta denoncojë në polici. Shumë herë e ka denoncuar në polici, ka dashur të ndahej nga ai, por nuk ka funksionuar. Situata çdo herë e bëhej më keq, derisa përfundoi në tragjedi. Ka dashur të na vrasë të tërë si familje, ka dashur të vriste vëllain tim. Mami s’ka pasur zgjidhje tjetër. Babi kishte një thikë në dorë për të vrarë vëllain dhe ne çikat e tjera. Në qershor të vitit 2005 mami është denoncuar në polici vetë dhe neve na ka marrë shteti. Babi im ka qenë i martuar 3-4 herë më gra të tjera dhe me secilën ka pasur fëmijë. Mami s’ka pasur martesë ligjore me babin. Të gjitha gratë dhe fëmijët e babit kanë çuar letër në gjykatë dhe kanë kërkuar të lirohet mami.

Mamit i pëlqen që kam ardhur në “She’s On Top”, e di që mami beson shumë tek unë. Mamin e kam marrë me vetë në edicionet e para. Është shumë suportuese”, rrëfeu Marigona me lot në sy.

Një mori raketash iraniane janë lëshuar mbrëmjen e sotme ndaj qyteteve të mëdha të Izraelit teksa IDF njoftoi se kishte marrë “raporte për sulme” në disa qytete të gjithë vendin.

Edhe pse shumica e tyre u shkatërruan në ajër, shërbimet e emergjencës kanë marrë raportime për një raketë që ka goditur “një nga vendbanimet” në qytetin portual bregdetar verior të Haifës.

Shërbimi i ambulancave të Izraelit tha se dy persona janë dërguar në spital ndërsa disa shpërthime u dëgjuan edhe në Jerusalem.

Televizioni shtetëror i Iranit tha se vendi ka sulmuar Tel Avivin, Haifën dhe qytete të tjera “me dhjetëra raketa dhe dronë iranianë”.

Kjo media gjithashtu raporton se raketat kanë tejkaluar “shtresat e sistemit mbrojtës izraelit”, por ushtria izraelite nuk e ka komentuar ende.

Videoja tronditëse e vrasjes së shqiptares Gentiana Hudhra në Itali, e publikuar nga Cronache Maceratesi, dokumenton momentet dramatike menjëherë pas ngjarjes së rëndë. 45-vjeçarja, nënë e dy fëmijëve u godit disa herë me thikë nga burri i saj, Nikollaq Hudhra në mes të rrugës.

Ai e goditi në qafë dhe shpatulla, duke i shkaktuar plagë brutale. Kur gruaja ishte shtrirë pa jetë në trotuar, burri e goditi me shkelma, një akt që i tronditi ata që e panë. Krimi ndodhi dje në mbrëmje, më 14 qershor, pak pas orës 19:45, në Viale Benadduci, në qendër të qytetit Marche, pranë një parku. Në video, mund ta shihet qartë burrin i ulur në një stol pas krimit.

Në ato momente, ai shqipton një frazë shqetësuese:

“Bëra atë që duhej të bëja” , pasi goditi gruan e tij, nga e cila ishte ndarë prej disa vitesh. Sipas rindërtimeve fillestare dhe dëshmive të mbledhura, ish-bashkëshorti, 55 vjeç, gjithashtu me origjinë shqiptare, arriti te viktima me një skuter pranë barit Chinatown.

Një debat i dhunshëm shpërtheu midis të dyve, i cili degjeneroi shpejt. Nikollaqi nxori një thikë dhe e goditi atë disa herë , përpara se ta godiste me shkelma trupin e pafuqishëm të Gentianës.

Kalimtarët e tronditur njoftuan menjëherë shërbimet e emergjencës. Karabinierët, 118 dhe forcat e rendit mbërritën në vendngjarje dhe e gjetën vrasësin ende të ulur në stol, me sytë e ngulur te gruaja. Nikollaq nuk rezistoi dhe u dërgua në komisariat për t’u marrë në pyetje para prokurorit publik Enrico Riccioni.

“Dëgjova britma dhe pashë burrin duke e goditur me shkelma gruan”, tha një dëshmitar.

“Ajo në një moment ra në tokë, e pafuqishme, ndërsa ai vazhdonte ta godiste me shkelma. Thirra menjëherë 118-in, iu afrova dhe pashë shumë gjak. Ai ishte ulur në një stol, pothuajse i kënaqur, dhe thoshte: Unë e bëra, jam mirë. Po pres”, shtoi dëshmitari.

Ministri i Jashtëm iranian, Abbas Aragchi, sinjalizoi të dielën gatishmërinë e Iranit për të ndaluar sulmet me raketa ndaj Izraelit.

Irani i ka kërkuar Qipros t’i përcjellë “disa mesazhe” Izraelit, tha të dielën presidenti qipriot Nikos Christodoulides , duke shtuar se pret të flasë me kryeministrin izraelit Benjamin Netanyahu më vonë gjatë ditës .

Ai nuk tha se nga kush i mori mesazhet ose për çfarë bëhej fjalë, megjithëse ato erdhën pasi ministri i jashtëm qipriot foli me homologun e tij iranian të premten në mbrëmje.

Christodoulides tha se nuk është i kënaqur me atë që e konsideron si reagim të ngadaltë të Bashkimit Evropian ndaj krizës në Lindjen e Mesme. Qiproja ka kërkuar një takim të jashtëzakonshëm të ministrave të jashtëm të BE-së, tha ai.

“BE-ja nuk mund të pretendojë se ka një rol gjeopolitik, të vëzhgojë të gjitha këto ngjarje pa thirrur të paktën një takim të Këshillit të Punëve të Jashtme”, u tha ai gazetarëve.

Qiproja ofroi ndihmë në evakuimin e shtetasve të vendeve të treta nga rajoni dhe u bëri thirrje të gjitha palëve të përmbahen nga përshkallëzimi i konfliktit.

Ministri i Jashtëm iranian, Abbas Aragchi, sinjalizoi të dielën gatishmërinë e Iranit për të ndaluar sulmet me raketa ndaj Izraelit, duke thënë se ato kryhen vetëm për vetëmbrojtje.

“Nëse agresioni ndalet, edhe përgjigjja jonë do të ndalet”, tha Aragchi të dielën në një takim të ambasadorëve të huaj në Teheran.

Aragchi shprehu gjithashtu keqardhje për anulimin e bisedimeve bërthamore të planifikuara për të dielën në Oman me Shtetet e Bashkuara. “Sot duhej të paraqisnim propozimin tonë për një marrëveshje bërthamore me SHBA-në, e cila mund të kishte hapur rrugën për një marrëveshje”, tha ai, duke vënë në dukje se Izraeli ishte kundër saj.

Në autostradën A22 të Brennerit në Bolzano të Italisë, një aksident i rëndë rrugor ndodhi të dielën në mëngjes, pak para orës 05:15. Mësohet se një person ka humbur jetën dhe pesë të tjerë kanë mbetur të plagosur.

Sipas të dhënave paraprake, një automjet ka hyrë në mënyrë të gabuar në autostradë nga pika e pagesës në Bolzano Jug dhe ka lëvizur në drejtim të kundërt (në drejtim veri), duke shkaktuar një përplasje frontale me një tjetër automjet që po vinte në drejtimin e duhur.

Në vendngjarje ndërhynë menjëherë zjarrfikësit e Bolzanos, policia rrugore dhe disa autoambulanca. Dy prej të plagosurve janë transportuar në spitalet e Bressanones dhe Trentos, ndërsa tre fëmijë të moshave 8, 11 dhe 14 vjeç u transportuan me helikopter në Klinikën Universitare të Innsbruckut, sipas njoftimit nga Qendra e Emergjencave të Bolzanos.

Si pasojë e aksidentit, në A22 u krijuan kolona të gjata, ndërsa trafiku u devijua drejt rrugës shtetërore pranë Brennerit.

“E bëra atë që duhej”, kështu është shprehur shqiptari i cili masakroi me thikë ish-gruan e tij mbrëmjen e sotme në qytetin Tolentino, në provincën e Maceratës në Itali, në sy të dhjetëra kalimtarëve.

Siç shkruajnë mediat italiane, autori, pasi kreu krimin makabër nuk u largua, por qëndroi i qetë i ulur në një stol aty pranë, deri sa u vu në pranga nga policia.

Kur mbërritën forcat e karabinierëve, nuk bëri asnjë përpjekje për t’u arratisur apo për të rezistuar. Përkundrazi, dëshmitarët thonë se ai e priti policinë i qetë dhe është dëgjuar të deklarojë: “E bëra atë që duhej.”

Sipas rekonstruksioneve të para hetimore, autori ka mbërritur në vendin e ngjarjes me monopatinë. Ai e ka ndjekur dhe më pas e ka sulmuar brutalisht me thikë, duke e lënë të pajetë në tokë.

Viktima është Gentiana Hudhra, nënë e dy vajzave të moshës 21 dhe 23 vjeç, e cila punonte si kujdestare.

Ajo po shkonte në punë, kur u sulmua papritur në parkun e Viale Benadduci, pak pas orës 20:00, nga ish-bashkëshorti i saj, një 55-vjeçar shqiptar me të cilin ishte e ndarë prej tre vitesh.

Burime të para nga autoritetet italiane bëjnë të ditur se autori dyshohet të ketë pasur probleme të natyrës psikike, edhe pse nuk kishte pasur më parë asnjë denoncim për dhunë apo precedent penal.

Ai aktualisht mbahet nën kontroll nga policia, në pritje të mbërritjes së prokurorit të çështjes dhe formalizimit të masës së sigurisë.

Një ngjarje e rëndë ka tronditur Italinë, ku një vajzë 24-vjeçare është përdhunuar në shtëpinë e saj në Biella. Ajo kishte shkuar që të shihte nga afër se si po shkonin punimet në banesën e saj, së bashku me djalin 4-vjeçar.

Por në momentin e mbërritjes, muratori egjiptian që kishte punësuar, mbylli derën dhe kërcënoi se do ta vriste.

Më pas, siç raportojnë mediat italiane, ai e përdhunoi brenda në apartament. Gjithsesi viktima arriti ta bindte emigrantin egjiptian që të dilte dhe të blinte ushqim për djalin e saj, teksa më vonë tërhoqi vëmendjen e një roje sigurie dhe kërkoi ndihmë. Më vonë u bë i mundur dhe arrestimi i egjiptianit.

Prokurori publik, së bashku me policinë, dëgjoi rrëfimin e viktimës dhe menjëherë i kërkoi gjyqtarit masën paraprake të arrestit në burg, e cila u miratua.

Gëlltitje të forta dhe probleme me frymëmarrjen ka shfaqur Goga Levian, burri nga Shqipëria, i cili pa hezitim u hodh në lumin Arakhtos javën e kaluar për të shpëtuar dy fëmijë të mitur.

Goga Levian ka pasur një kollë të fortë dje dhe është paraqitur tek një mjek privat, i cili i rekomandoi të bëjë teste në spital.

Menjëherë pasi e mori vesh, Ministri i Shëndetësisë, Adonis Georgiadis, dha urdhër që një ambulancë nga EKA mund të merrte Levian dhe ta dërgonte në spital për ekzaminime të mëtejshme.

Goga Levian është duke u trajtuar në spitalin e Arta-s dhe ndodhet në ekzaminime të detajuara. Sipas mjekëve, gjendja e tij nuk është e rënduar dhe nuk ka shqetësime serioze.

Po ashtu, është konfirmuar se për aktin heroik të tij, Goga Levian do të shpërblehet me shtetësinë greke nderi.

Kush është “Leo i fshatit”, emigranti që hodhi veten në Arakhtos për të shpëtuar dy fëmijët?

Goga, ose “Leo” si e quajnë të gjithë në Neohori të Arta-s, nuk është shpëtimtar profesionist dhe nuk është dikush që kërkon vëmendje. Ai nuk kërkoi asgjë, nuk priste as një “falënderim”.

Në një bisedë telefonike me mediat greke, ai foli vetëm për fëmijët që kishte shpëtuar: “Fëmijët. Vetëm ata mendoj,” ishin fjalët e tij të para.

Historia e heroizmit

Goga Levian është një emigrant nga Berati i Shqipërisë. Ai erdhi në Greqi 24 vjet më parë, kur ishte vetëm 17 vjeç. Pa shumë informacion dhe pa ditur se çfarë e priste, kaloi kufirin dhe u vendos në Athinë. Atje, bëri çdo punë pa siguri dhe pa qetësi, por gjithmonë duke luftuar dhe punuar pa ndaluar.

Goga tani jeton në Arta me gruan dhe dy fëmijët e tij, të cilët janë dhjetë dhe gjashtë vjeç. Jeta e tyre ka qenë e qetë dhe e thjeshtë, derisa ditën e mërkurë, ngjarja e pazakontë i ndryshoi gjithçka.

Goga Levian kishte qenë në kafene kur një djalë i ri erdhi me motor dhe bërtiste se dy fëmijë po mbyteshin në lumin Arakhtos. Pa hezituar, ai vrapoi, mori makinën dhe u drejtua në vendin e ngjarjes. Pasi u fut në vegjetacion dhe kërkoi me shpejtësi, ai nuk pa asgjë. U ngjit në një varkë me disa të tjerë dhe u hodh në ujë.

Pas dy përpjekjesh pa sukses, në herën e tretë ai shkoi thellë në ujë dhe gjeti një fëmijë të shtrirë, i cili ishte i palëvizshëm dhe kishte fytyrën të errësuar. E shpëtoi dhe e nxori jashtë. Sapo nxori fëmijën, mori vesh që dhe fëmija tjetër ishte gjetur dhe shpëtuar.

“Ai fëmijë ishte në moshën e vajzës sime. Nuk kishte rëndësi kush ishin, çfarë etnie apo feje. Unë jam një i huaj, por jam njeri. I bëra atë që do të bëja çdo baba,” tregon ai për mediat me një zë të dridhur.

Goga Levian është një njeri i thjeshtë që nuk kërkon asnjë shpërblim për veprën e tij heroike. “Uroj që ata të jetojnë, të zgjohet dhe të jetojnë jetën e tyre,” thotë ai.

♈ Dashi
E hëna nis me ngarkesë emocionale pozitive. Do ndiheni energjikë dhe të gatshëm për të nisur një projekt të ri. Në punë, jeni në qendër të vëmendjes dhe kjo ju jep një mundësi për të bërë ndryshim. Fokusohuni tek detajet dhe shmangni vendimet impulsive. Në dashuri, një bisedë e hapur me partnerin do të krijojë stabilitet dhe do forcojë lidhjen mes jush.

♉ Demi
E hëna sjell mundësi interesante financiare, veçanërisht nëse zgjidhni të merrni hapin drejt bashkëpunimeve të reja. Vëmendje: mos nxitoni, analizoni me kujdes. Energjia juaj do të jetë e përqendruar tek stabiliteti personal. Një këshillë e dhënë nga një mik më i vjetër mund t’ju ndihmojë për një investim të zgjuar.

♊ Binjakët
Ky fillim jave është fantastik për ju: komunikimi luan rol kyç dhe ju jep mundësi për të zgjidhur situata komplekse. Një bisedë me një koleg mund të përcaktojë një rrugë të re për një projekt. Mos nënvlerësoni intuitën – ajo do t’ju orientojë drejt zgjedhjes së duhur.

♋ Gaforrja
Në këtë fundjavë të shkurtër, ndjeni se ndjeheni më emocionalë. Mund të lindë një çështje familjare që kërkon vëmendje. Mos e shtyni këtë ndjenjë — folini me gjakftohtësi dhe vendosni kufij të qartë. Një moment relaksimi jashtë do të rikthejë ekuilibrin psikologjik.

♌ Luani
Mëngjesi i hënës sjell energji të fortë dhe vëmendje nga të tjerët. Përdoreni këtë moment për të ndërtuar lidhje dhe për të nxitur projekte të reja. Nëse keni një partner, një situatë surprizuese do të intensifikojë emocionet. Kujdes me ego më vonë gjatë ditës nëse përplaseni me ide të kundërta.

♍ Virgjëresha
Roli juaj në punë bëhet thelbësor këtë fillim jave, falë organizimit dhe syrit të hollë për detaje. Financat kërkojnë kujdes – shmangni shpenzimet impulsive. Një bisedë me një koleg mund të sjellë ide për kursime efektive. Në dashuri, komunikimi i hapur do të forcojë marrëdhënien.

♎ Peshorja
E hëna është dita juaj për harmoni dhe kreativitet. Ide të reja po sjellin energji pozitive – mos i lini të kalojnë pa vepruar. Një gjetje estetike ose kreative do t’ju përfshijë emocionale. Në dashuri, një surprizë e vogël nga partneri do të sjellë buzëqeshje nën fytyrë.

♏ Akrepi
Fillimi i javës me intensitet emocional; është koha për të vepruar me vendosmëri në projektet afatgjata. Mbani parasysh se ndjeshmëria e tepërt mund të pengojë vendimmarrjen. Një bisedë e hapur me një mik të besuar do t’ju ndihmojë për ta vendosur gjithçka në vendin e duhur.

♐ Shigjetari
E hëna lind me dëshirë për larmi dhe udhëtime. Një projekt i ri ose një ide për të ndryshuar stilin e jetës do t’ju emocionojë. Mos lejoni që entuziazmi të largojë vëmendjen nga detajet praktike. Një takim me miqtë do t’ju ngrohë shpirtërisht dhe do u japë motivim për të vazhduar.

♑ Bricjapi
Ky fillim jave sjell një sfidë profesionale që kërkon strategji dhe fokus. Mos ngurroni të kërkoni ndihmë, por mbani përgjegjësitë të qarta. Koha për reflektim në mbrëmje do t’ju ndihmojë të përcaktoni hapat e radhës. Në dashuri, një fjalë mbështetëse nga partneri do të ndihmojë për të forcuar lidhjen.

♒ Ujori
Balancimi midis punës dhe jetës personale është i rëndësishëm sot. Një ide kreative do të sjellë progres në një iniciativë. Mos e neglizhoni partnerin – një bisedë e sinqertë mund të forcojë marrëdhënien. Energjia juaj mendore është e lartë, përdoreni për projektet që ju sjellin kënaqësi.

♓ Peshqit
Intuita është aleatja juaj më e fortë këtë fillim jave. Njohje të reja ose rikthim tek pasionet e vjetra mund t’ju sjellin kënaqësi. Mbani kontakt me realitetin dhe planifikoni një moment relaksimi në natyrë për t’u rigjeneruar.