Month: June 2025

Sipas studimeve dhe parashikimeve më të fundit të publikuara në mediat ndërkombëtare, vera e vitit 2025 pritet të jetë ndër më të nxehtat dhe më të thatat në dekadat e fundit, për shkak të ndryshimeve klimatike që vazhdojnë të përkeqësojnë kushtet atmosferike në të gjithë botën.

Instituti Ndërkombëtar për Studime Klimatike dhe agjencitë meteorologjike kryesore njoftojnë se rajone të ndryshme do të përjetojnë temperatura më të larta se mesatarja historike, sidomos në hemisferën veriore. Evropa dhe Amerika e Veriut pritet të kenë periudha të gjata thatësire, ndërsa Azia Juglindore dhe Afrika Veriore do të përballen me vala të nxehtësisë intensive.

Studimet gjithashtu paralajmërojnë për një rritje të frekuencës së stuhive dhe reshjeve të rrëmbyeshme në disa zona tropikale, si pasojë e ngrohjes globale dhe ndryshimeve në modelet e erërave dhe presionit atmosferik.

Ekspertët e klimës theksojnë rëndësinë e masave emergjente për adaptim ndaj këtyre ndryshimeve, duke përfshirë menaxhimin më të mirë të burimeve ujore, përmirësimin e infrastrukturës dhe ndërgjegjësimin e popullsisë për përdorimin racional të energjisë dhe ujit.

Në Shqipëri dhe rajonin e Ballkanit, parashikimet e motit tregojnë se vera 2025 do të jetë e nxehtë dhe e thatë, me rreziqe për periudha zjarresh dhe mungesë të ujit për bujqësinë dhe furnizimin e qyteteve.

Më poshtë do të gjeni disa këshilla për të përballuar temperaturat e larta:

Fëmijët dhe të moshuarit janë grupet më të ndjeshme ndaj temperaturave të larta dhe kanë nevojë për kujdes të veçantë gjatë valëve të nxehtësisë. Për t’u mbrojtur nga efektet e dëmshme të nxehtësisë, ata duhet të qëndrojnë kryesisht në ambiente të freskëta dhe të ajrosura mirë, duke shmangur daljet gjatë orëve më të nxehta të ditës, nga ora 11:00 deri në 16:00.

Hidratimi i duhur është thelbësor për parandalimin e dehidratimit. Është e rëndësishme që fëmijët dhe të moshuarit të pinë shumë ujë dhe të shmangin pijet me sheqer ose kafeinë, që mund ta përkeqësojnë gjendjen. Gjithashtu, veshja duhet të jetë e lehtë, me materiale natyrale dhe ngjyra të hapura, që ndihmojnë në reflektimin e rrezeve të diellit.

Për mbrojtjen nga dielli, përdorimi i kapelave dhe syzeve të diellit është i domosdoshëm, ndërsa aktivitetet fizike të rënda duhet të shmangen gjatë periudhave më të nxehta. Ushqimi i lehtë dhe i freskët, si fruta dhe perime, është më i përshtatshëm për këto ditë.

Në veçanti, të moshuarit duhet të jenë të kujdesshëm në monitorimin e shëndetit të tyre, duke marrë medikamentet rregullisht dhe duke kërkuar ndihmë mjekësore nëse ndihen të dobët, me marramendje apo të përziera. Kujdesi dhe mbikëqyrja nga familjarët dhe komuniteti janë të domosdoshme për të parandaluar incidente serioze gjatë periudhave të nxehtësisë ekstreme.

Reperi i njohur shqiptar Capital T dhe modelja e famshme Adrola Dushi kanë zgjedhur të kalojnë një fundjavë romantike së bashku në rajonin piktoresk të Toskanës, Itali.

Në disa fotografi që Capital T ka ndarë me ndjekësit e tij, çifti duket të ketë kaluar disa momente të afërta dhe intime. Imazhet e tij shfaqin bukurinë e Toskana dhe emocionet e thella mes dy artistëve të njohur.

“Çfarë fundjave”, ka shkruar Capital T në përshkrimin e fotos, duke lënë të kuptohet për një fundjavë të mbushur me dashuri dhe qetësi. Këto fjalë sinjalizojnë se si ai e vlerëson këtë kohë të kaluar me Adrolën, larg zhurmave të jetës moderno.

Adrola Dushi, e njohur për elegancën dhe karizmën e saj, duket se ka gjetur një mundësi të shkëlqyer për të kaluar koha me reperin. Kjo nuk është hera e parë që dy yjet e njohur kalojnë kohë së bashku, por këtë herë duket se romanca e tyre ka shkuar në një tjetër nivel.

Përveç kohës që kalojnë së bashku, dokumentimi i këtyre momenteve ka krijuar një lidhje më të fortë me ndjekësit e tyre. Çifti duket të jetë një frymëzim për ata që besojnë në dashuri dhe përkushtim, në një botë ku përkushtimi shpesh sfidohet nga norma të tjera shoqërore.

Aktorja e mirënjohur e Estradës së Durrësit dhe Kinematografisë Shqiptare, Aishe Stari, ishte e ftuara e radhës në rubrikën “Galeria” në emisionin “E Diell”, ku solli rrëfime të sinqerta dhe të paharruara nga jeta e saj dhe karriera në skenë.

Në bisedën me Ed Manushin, aktorja zbuloi se ka qenë shkuesja e martesës së aktorit të madh të humorit Fadil Hasa, duke treguar me humor dhe emocion lidhjen e gjatë që kishte me të.

“Unë jam shkuesi i Fadilit. I pata dhënë një gocë shumë punëtore, me një tip si Fadili se ai ishte çik tip i vështirë, ajo qe tamam, kapele për kokë,” tha ajo me buzëqeshje.

Aktorja tregoi edhe një moment prekës dhe gazmor pas vdekjes së bashkëshortes së Hasës:
“Pata nigju pas vdekjes së të shoqes që Fadili do me u martu, unë shkova e thërrita nga shtëpia e vet, zbrit njëher poshtë i thashë. Qyqa i thashë, ti do me u martu? ‘Qyqa mi Ishe’. E pra, i thashë, unë kujtova se ke lujt menç. Se ngaqë e njihja, jo çdo grua mund t’i përshtatej atij.”

Duke kujtuar vitet e rinisë, Stari shtoi: “E kam pas në gjimnaz, ka qenë tip i shkathët, gallataxhiu, përgjithësisht pozitiv.”

Në fund të rrëfimit, nuk mungoi edhe një batutë nga moderatori Ed Manushi, i cili e pyeti: “E more atë dhuratën meqë bëre shkuesi?”
Aktorja iu përgjigj: “S’e mbaj mend se unë në teatër kam bërë disa shkuesi, një ditë pati thënë të ngrihemi ne që na ka martu Ishja dhe t’i ngremë një monument se na ka rehatu.”

Një ndër fenomenet e Big Brother VIP Kosova dhe Albania ku këtë të fundit e fitoi Gjesti është parë sot në fshatin e tij në Pavlan. Ai ka publikuar një foto nga ky fshat derisa është shfaqur i lumtur. Në një motoçikletë, Gjesti është parë i lumtur derisa këndon këngën e tij të fundit.

“A po don shihemi më vonë në katun…” ishin fjalët e këngëtarit.

Nuk dihet nëse këto fjalë këngëtari ia ka drejtuar Eglit, e cila kohëve të fundit ka qenë në Kosovë ku ka xhiruar një klip të ri të një kënge të saj të re bashkë me Fifin dhe një reper të ri.

Për kënd ishte ftesa e Gjestit…?

Tre motra të mitura që u zhdukën teksa vizitonin babanë e tyre të pastrehë janë gjetur të vdekura pranë Leavenworth, në Qarkun Chelan, Uashington, konfirmoi policia të martën.

Ndërkohë, vijon kërkimi për babanë e tyre 32-vjeçar, i cili akuzohet për rrëmbimin dhe vrasjen e tyre.

Trupat e motrave Decker — Paitin, 9 vjeç, Evelyn, 8 vjeç dhe Olivia, 5 vjeç — u gjetën vonë të hënën mbrëma pranë kamionit të babait të tyre, në një kamping në Wenatchee. Në zonë po kërkonte edhe një helikopter i Sigurisë Kombëtare, sipas raportimeve nga KIRO 7.

Fillimisht, policia e Uashingtonit nuk lëshoi një alarm Amber, duke deklaruar se nuk plotësoheshin kriteret për një rrëmbim të dokumentuar apo rrezik të menjëhershëm për jetën. Në vend të tij, të shtunën u lëshua një alarm “Persona të Zhdukur në Rrezik”.

“Në këtë rast, bëhej fjalë për një prind me të drejta ligjore kujdestarie. Vonesa në kthimin e fëmijëve, ndonëse shqetësuese, nuk është në vetvete një tregues i rrëmbimit,” tha zëdhënësi i Policisë së Shtetit, Chris Loftis. Ai pranoi dështimin e sistemit duke deklaruar: “Padyshim, këtë herë nuk funksionoi. Kemi tre fëmijë të vdekur.”

Autoritetet po bashkëpunojnë tani me Marshallët e SHBA-së për të gjetur Deckerin. Një shpërblim deri në 20,000 dollarë është ofruar për informacion që çon në arrestimin e tij.

Decker, i cili është i pastrehë dhe i ndarë nga nëna e fëmijëve, njihej si një njeri që qëndronte nëpër kampe dhe hotele të zonës me qenin e tij, sipas policisë. Ai mori vajzat të premten dhe u pa më pas gjatë fundjavës në anën perëndimore të Leavenworth, duke nxitur një operacion policor në zonat pyjore përreth qytetit, sipas NCWLIFE.

Ekipi i Hetimit të Krimit nga Policia e Shtetit të Uashingtonit mbërriti të hënën për të kontrolluar kamionin e Deckerit dhe zonën përreth. Procesi pritet të përfundojë sot.

Decker është një ish-ushtar i Ushtrisë Amerikane dhe ka shërbyer së fundmi në Gardën Kombëtare të Shtetit. Sipas autoriteteve, ai nuk kishte marrë pjesë në stërvitjet ushtarake të detyrueshme për më shumë se një vit dhe ishte në proces të shkarkimit.

Komisioni i Punëve të Jashtme në Parlamentin Europian ka miratuar me 57 vota pro, 11 kundër dhe 6 abstenime raportin për Shqipërinë, i përgatitur nga Andreas Schieder.

Raportuesi austriak nënvizoi se Shqipëria është tashmë një shtet pararojë me reformat integruese me objektiv anëtarësimin e vendit në familjen evropiane brenda vitit 2030, megjithatë ende nuk është arritur vija e finishit.

Në raport bëhet thirrje për miratimin e reformave të rëndësishme, ndalimin e ndërhyrjeve të huaja – si ajo ruse – për frenimin e procesit të anëtarësimit të vendit në BE, si dhe për më shumë dialog politike. Sa i përket zgjedhjeve, përmendet fakti se ato ishin konkurruese, por të zhvilluara në një mjedis të thellësisht të polarizuar, me shqetësime për përdorimin e burimeve administrative.

Nevojë urgjente për thellimin e reformave

Duke përshëndetur synimin e Shqipërisë për të përmbyllur bisedimet e anëtarësimit deri në vitin 2027 dhe progresin e arritur deri tani, eurodeputetët theksojnë nevojën urgjente për të intensifikuar reformat. Prioritetet kryesore përfshijnë forcimin e pavarësisë së gjyqësorit, luftën kundër korrupsionit dhe krimit të organizuar, si dhe mbrojtjen e të drejtave themelore. Forcimi i pluralizmit mediatik dhe transparencës mbetet thelbësor për të ndërtuar besimin e publikut.

Dialog politik dhe lufta kundër ndërhyrjeve të jashtme

Raporti vëren se polarizimi politik vazhdon të jetë i theksuar dhe i shoqëruar me retorikë përçarëse, duke bërë thirrje për dialog politik më konstruktiv dhe gjithëpërfshirës. Eurodeputetët shprehin shqetësim serioz për ndikimin e huaj keqdashës, veçanërisht nga burime të lidhura me Kremlinin, që kërcënojnë institucionet demokratike të Shqipërisë dhe përpjekjet për anëtarësim në BE. Ata bëjnë thirrje për rritjen e qëndrueshmërisë institucionale ndaj abuzimeve me financimin politik, manipulimeve mediatike dhe kërcënimeve kibernetike.

Mbështetje përmes iniciativave të BE-së

Eurodeputetët përshëndesin instrumentin e ri të Reformës dhe Rritjes prej 922 milionë eurosh të dedikuar për Ballkanin Perëndimor, i cili do të mbështesë Agjendën e Reformës të Shqipërisë sapo të përmbushen kushtet. Hapja e zyrës së Parlamentit Evropian në Tiranë shihet si një hap thelbësor për të forcuar lidhjet mes BE-së, institucioneve vendore dhe partnerëve të shoqërisë civile në të gjithë rajonin.

Procesi zgjedhor dhe reformat në drejtësi

Raporti analizon zgjedhjet parlamentare të majit 2025, duke i përshkruar ato si konkurruese, por të zhvilluara në një mjedis të thellësisht të polarizuar, me shqetësime për përdorimin e burimeve administrative. Eurodeputetët u bëjnë thirrje partive politike shqiptare të angazhohen për reforma të plota zgjedhore, në përputhje me rekomandimet e OSBE/ODIHR dhe Komisionit të Venecias.

Përparimi i bërë në reformat gjyqësore dhe hetimet për korrupsionin në nivele të larta vlerësohen pozitivisht, megjithëse ndërhyrja politike mbetet një sfidë. Eurodeputetët bëjnë thirrje për përpjekje të vazhdueshme për të mbrojtur pavarësinë e gjyqësorit dhe për të rritur llogaridhënien.

Raportuesi Andreas Schieder (S&D, Austri) tha:

“Shqipëria me të drejtë mund të quhet një ‘kandidate pararendëse’ për anëtarësimin në BE. Kjo edhe falë mbështetjes së gjerë nga populli shqiptar. Por ende nuk jemi në vijën e finishit. Është thelbësore të vazhdohet në këtë rrugë me të njëjtin ritëm dhe përkushtim, duke luftuar korrupsionin dhe forcuar shtetin e së drejtës. Duhet një fokus i qartë në zgjerimin e modelit ekonomik, krijimin e vendeve të punës dhe përmirësimin e modelit të mirëqenies sociale, si dhe në një reformë zgjedhore gjithëpërfshirëse dhe të plotë”.

Nisja e ndeshjes nga Paris Saint-Germain kundër Inter është bërë pjesë shoqëruese e një ndeshjeje triumfale për francezët në finalen e Champions League.

Topi i dërguar në anësore, pranë flamurit të këndit në gjysmën e fushës zikaltër, nuk ishte një gabim, por një hile e zgjuar strategjike që kishte (dhe ka) një qëllim të saktë taktik: të vendoste menjëherë presion të lartë mbi kundërshtarin, duke i çorientuar me atë zgjedhje që nuk ishte as gabim, as pa qëllim.

Nuk ishte as hera e parë që Luis Enrique kishte propozuar një zgjidhje të tillë, duke përdorur atë qasje të pazakontë edhe në raste të tjera gjatë sezonit, përfshirë edhe gjysmëfinalen e Kupës së fituar kundër Arsenal.

E vërteta – dhe kjo u pa edhe më pas, nga mënyra si mori drejtim ndeshja – është se trajneri spanjoll kishte në mendje një plan ndryshe nga ai i ndërtimit të lojës vetëm mbi zotërimin e topit dhe kontrollin e fushës.

Ai kishte ngritur një kurth dhe donte më shumë: të futej në mendjen e Inter dhe ta shkatërronte psikologjikisht.

Si?

Duke ushtruar ritëm dhe një prani mbytëse, të tillë që t’i detyronte zikaltërit të bënin pikërisht atë që ai kishte studiuar: t’u humbiste çdo pikë reference, t’i godiste në sigurinë e një formacioni të konsoliduar, me përvojë, të aftë të përmbyste aksionin falë shpejtësisë së anësorëve (Dumfries, Dimarco) ose futjeve të mesfushorëve të luftës dhe organizimit (Barella), të nxirrte jashtë loje sulmuesit (Lautaro dhe Thuram) duke neutralizuar edhe Calhanoglu dhe Mkhitaryan.

Look at PSG kick-off tactics 🙄🤔 pic.twitter.com/vWZ7EoJNnL

— 𝐀𝐬𝐚𝐤𝐲𝐆𝐑𝐍 (@AsakyGRN) June 2, 2025

Një ngjarje e rëndë është regjistruar ditën e sotme në qytetin e Elbasanit.

Referuar njoftimit të Policisë së Elbasanit, një shtetas 37-vjeçar me iniciale M. B., është gjetur i vetëvarur në banesën e tij.

37-vjeçari vuante nga probleme të shëndetit mendor. Sakaq, grupi hetimor ndodhet në vendin e ngjarjes ku po punohet për dokumentimin e plotë të rrethanave të rastit.

Njoftimi i Policisë:

Elbasan/Informacione paraprake

-Në lagjen “11 Nëntori”, është gjetur i vetëvarur, në banesë, shtetasi M. B., 37 vjeç. Ky shtetas vuante nga probleme të shëndetit mendor.

Meterologia Anira Gjoni thotë se muaji qershor do të karakterizohet nga temperatura të larta. Në NJë emsion, Gjoni u shpreh se e premtja e 6 qershorit, është dita më e nxehtë e muajit.

“Nis me temperatura shumë të larta. Temperaturat do shkojnë deri në 34 gradë të premten. 3 javët e mbetura do jenë me temperatura 2-3 gradë më të ulëta. Në përgjithësi do jetë muaj i thatë me temperatura të larta.

Nuk do kemi rrebeshe, të paktën sa i takon kësaj jave, nuk do të kemi reshje. Presim që kjo verë të jetë e nxehtë, e treta në radhë më e nxehtë në 5 vitet e fundit. Por do të jetë me temperatura 1 ose 2 gradë më ulët se ajo e vitit 2024.”, theksoi ajo.

Sot, më 4 qershor 2025, dollari amerikan blihet me 85.6 lekë dhe shitet me 86.6 lekë.

Euro blihet me 97.8 lekë dhe shitet 98.6 lekë.

Franga zvicerane këmbehet në blerje me 103.8 lekë, ndërsa në shitje me 105.2 lekë.

Paundi britanik blihet me 115.5 lekë dhe shitet me 116.8 lekë.

Dollari kanadez sot në blerje këmbehet me 62.1 lekë, ndërsa në shitje me 63.5 lekë.

Më poshtë, po sjellim të dhënat e këmbimin valutor, për të gjitha monedhat e huaja: