DASHI Venusi do jete shume i favorshem per ju sot. Marredhenia qe keni krijuar do jete me e qarte dhe do kuptoheni mjaft mire me njeri-tjetrin. Te gjitha keto do iu ndihmojne te merrni vendime te rendesishme. Beqaret duhet ta kerkojne ne cdo vend personin ideal. Do ta gjeni. Kujdes nga influenca negative e Marsit ne planin financiar. Shmangni me cdo kusht shpenzimet e tejskajshme.
DEMI Mos qendroni per asnje moment vetem sot sepse jo vetem qe do merziteni dhe do bini ne pesimizem, por mund te lindin edhe mosmarreveshje me partnerin. Beqaret do te perjetojne ndjenja te thella per dike qe e kane njohur rishtazi. Shprehuni sa me shume. Qe te mos perballeni me surpriza te pakendshme ne planin financiar duhet te tregoheni sa me te matur.
BINJAKET Do keni deshire te dilni e te argetoheni sot. Partneri do ua plotesoje qejfin, por tregohuni te vemendshem sepse ai mund t’i hedhe syte edhe diku tjeter. Mund te lindin edhe skena xhelozie. Beqaret nuk do deshirojne te krijojne nje lidhje. Shfrytezojeni sa me shume lirine tuaj. Ne planin financiar do kryeni transaksione te rendesishme dhe do i rregulloni problemet qe keni pasur kohet e fundit.
GAFORRJA Edhe sot lidhja juaj me partnerin nuk do jete e qendrueshme. Komunikimi do te zbehet dhe here pas here do e vini ne dyshim te ardhmen se bashku. Ambienti i beqareve do te favorizoje takimet. tregohuni me ta hapur dhe shprehni gjithmone ate qe mendoni per dike. Sinqeriteti do te vleresohet shume. Kujdes me financat. Duke dashur ta stabilizoni buxhetin mund te beni gabime te pafalshme.
LUANI Jeta juaj ne cift do jete shume e lehte per t’u jetuar dhe mjaft harmonike. Do jeni joshes dhe partneri nuk do rezistoje t’iu qendroje larg per asnje moment. Mund te beni plane edhe per ndonje udhetim se bashku. Beqaret eshte me mire te qendrojne edhe sot vetem sepse ne dashuri nuk do kene fat. As me financat nuk do i keni punet mire. Mos e teproni me shpenzimet.
VIRGJERESHA Beni kujdes gjate kesaj dite mos bini ne rrjeten e dikujt tjeter. Personi do jete mjaft simpatik dhe terheqes dhe mund t’ua prishe mendjen. Mos harroni se keni dike ne krah i cili iu dashuron marrezisht. Beqaret do kene nje jete sentimentale te mbushur me emocione. Pergatituni per momente te mrekullueshme. Planetet do jene te favorshem per financat. Buxheti do te permiresohet.
PESHORJA Marredhenia me partnerin do jete e mire. Do i kushtoni shume rendesi atij dhe do ia plotesoni te gjitha deshirat. Beqaret do joshin pa pushim dhe do arrijne ta bejne per vete ate qe deshirojne. Do kaloni momente te mrekullueshme dhe emocionet do jene te medha. Fati do iu buzeqeshe ne sektorin e financave. Do mund te beni transaksionet e nevojshme dhe te hiqni disa lek menjane.
AKREPI Jeta juaj sentimentale nuk do jete shume e qete per shkak te turbullirave planetare. Do keni aq shume kerkesa saqe ai qe keni ne krah nuk do dije cfare te beje me pare. Nga darka gjerat mund te ndryshojne nese ndryshoni sjellje. Per beqaret nuk do kete asnje te re. Te ardhurat financiare do te rriten. Do merrni iniciativa, do jeni te vendosur dhe do limitoni rreziqet. Ju lumte!
SHIGJETARI Kjo dite nuk do jete shume e favorshme per ata qe jane ne cift. Komunikimi do jete i veshtire dhe merzitja do te shtohet. Me shume sesa ndjenja reale do keni iluzione. Venusi do i ndihmoje beqaret te joshin dhe te krijojne nje lidhje me nje person inteligjent dhe qe do i beje te ndihen mire. Keshillohuni me dike per financat dhe do gjeni nje burim tjeter per te rritur te ardhurat. Ju mundeni!
BRICJAPI Nese jeni ne nje lidhje, jeta juaj nuk do jete dhe aq e qete. Ne fakt ndjeshmeria e tepert dhe etja per ngrohtesi do e nderlikojne marredhenien me partnerin tuaj. Do keni goxha keqkuptime! Nese jeni beqare nuk duhet te nxitoheni per asgje ne menyre qe mos zhgenjeheni nga dashuria. Do jeni shume te zotet me menaxhimin e financave dhe do kaloni me sukses nje prove me rrezik.
UJORI Nese keni pasur probleme me partnerin tuaj, kjo dite do jete mjaft e favorshme per te bere hapat e pare dhe per te vene cdo gje ne rregull. Do gjeni fjalet e duhura dhe cdo gje do rregullohet. Beqaret do jene te perkedhelurit e planeteve. Nje takim vendimtar do iu sjelle lumturine. Ne sektorin financiar do ndermerrni rreziqe por do ia dilni mbane me sukses. Besoni me teper tek fati!
PESHQIT Nese nuk fiksoheni shume pas defekteve dhe te metave te partnerit tuaj, kjo dite do jete shume e kendshme per t’u jetuar. Mundohuni sa te mundni! Ambienti yjor do e shtoje deshiren e beqareve per te rimuar dashurine me perjetesine. Planetet do bejne gjithcka per ta realizuar kete. Edhe ne planin financiar do keni fat, por duhet me patjeter te shmangni marrjen e rreziqeve te medha.
Në një intervistë për emisionin Shqip në Dritare TV, Aleksandër Jorgaqi, veteriner 92-vjeçar që jeton prej vitesh në Korfuz pranë familjes së vajzës, tregoi se si ishulli grek ka zgjidhur në mënyrë funksionale lidhjen mes bujqësisë, blegtorisë dhe turizmit – një model që Shqipëria ende nuk arrin ta kuptojë.
“Në Korfuz funksionon ekonomia e tregut,” – thotë ai.
Sipas Jorgaqit, atje gjen të gjitha nivelet e konsumit:
– Do mish organik? Ka.
– Do peshk të egër? Ka.
– Do qumësht të freskët apo produkte artizanale? Ka.
– Do të hash lirë? Mundesh.
– Do të paguash 3.000 euro për një pjatë elitarë? Edhe ajo ekziston.
“Peshku më i mirë në treg kushton sa një rrogë. Por është i egër, i kontrolluar, i certifikuar. Kjo është zgjedhje. Dhe çdo gjë shkon përpara sepse ekziston zinxhiri i plotë i prodhimit”, tha Jorgaqi.
Ai thekson se Greqia ka kuptuar një gjë që Shqipëria ende s’e kupton:
“Nuk ka turizëm pa produkt vendas. Nuk ka restorant pa fshat. Nuk ka shije pa tokë.”
Sipas tij, ndërsa në Shqipëri tokat po mbulohen me panele diellore apo po braktisen, në Korfuz kodrat janë të mbjella, stallet funksionojnë dhe të huajt blejnë dhe ndërtojnë aty sepse kanë siguri, rend dhe përfitim.
“Këtu nuk merret subvencioni për ta shitur tokën, por për ta shfrytëzuar. Dhe njerëzit nuk kanë frikë se nesër s’do kenë kujt t’i shesin.”
Jorgaqi bën thirrje që Shqipëria të mos shpikë modele abstrakte, por të mësojë nga ajo që ka përballë, vetëm pak milje larg:
“Kemi të njëjtin klimë, të njëjtat kodra, të njëjtin ujë. Por ata kanë vizion. Ne kemi vetëm premtime.”
Presidenti i Turqisë, Rexhep Tajip Erdogan, i është përgjigjur pyetjeve të gazetarëve që e shoqëronin në fluturimin e kthimit nga Azerbajxhani, lidhur me blerjen e avionëve F-35 nga SHBA dhe qëndrimin e Greqisë lidhur me këtë çështje.
Presidenti turk argumentoi se “shqetësimi i Greqisë për hapat që kemi ndërmarrë në sektorin e mbrojtjes është i papërshtatshëm dhe i pakuptimtë”, duke thënë se “Turqia nuk përbën kërcënim për asnjë vend që nuk kërcënon sigurinë dhe interesat e tij dhe nuk demonstron një qëndrim armiqësor ndaj tij”.
Ai përmendi gjithashtu se diskutoi çështjen e F-35 me Donald Trump në takimin e tyre në margjinat e Samitit të fundit të NATO-s dhe shtoi se shpresonte se Presidenti amerikan do t’i qëndrojë besnik marrëveshjes që ata bënë për këtë çështje.
Erdogan shtoi se shpresonte se dorëzimi gradual i F-35 në Turqi do të ndodhte gjatë mandatit të tij.
“Ne duam F-35 kryesisht për sigurinë tonë. Çështja e F-35 nuk është vetëm një çështje teknologjie ushtarake për ne, por edhe një çështje bashkëpunimi të fortë në nivel ndërkombëtar, siç është NATO. Sigurisht, kjo çështje na dha mundësinë të përshpejtojmë përpjekjet tona në industrinë e mbrojtjes. Forcimi i infrastrukturës sonë mbrojtëse nuk përbën kërcënim për askënd. Sidomos për miqtë dhe aleatët tanë.
Në Samitin e fundit të NATO-s, u mor vendimi për të rritur shpenzimet e mbrojtjes të aleatëve. Domethënë, u mor vendimi që ‘vendet e NATO-s duhet të forcojnë infrastrukturën e tyre mbrojtëse, për të mbuluar nevojat e tyre, në mënyrë që edhe mbrojtja e NATO-s të forcohet’. Prandaj, shqetësimi i Greqisë për hapat që kemi ndërmarrë në sektorin e mbrojtjes është i pavend dhe i pakuptimtë.
Turqia nuk përbën kërcënim për asnjë vend që nuk kërcënon sigurinë dhe interesat e saj dhe nuk demonstron një qëndrim armiqësor ndaj saj. Përkundrazi, Turqia është një vend që bën çdo përpjekje për të siguruar paqen, qetësinë dhe sigurinë në rajonin e saj dhe në botë dhe është jashtëzakonisht e besueshme ndaj miqve të saj.
Nuk ka konflikt në mjedisin tonë që Turqia nuk do të përpiqej ta përfundonte në mënyrë paqësore. Ne diskutuam çështjen e F-35 midis nesh dhe po e monitorojmë atë. Unë besoj se zoti Trump do t’i qëndrojë besnik marrëveshjes që bëmë për këtë çështje. Unë besoj se dorëzimi gradual i F-35 në Turqi do të ndodhë gjatë mandatit të tij”, tha mes të tjerash Erdogan.
Kryeministri i Shqipërisë, Edi Rama, gjen kënaqësi te vizatimi; veprat e tij me ngjyra të forta dhe ndjesi psikodelike ekspozohen në galeri ndërkombëtare – dhe kjo e ka kthyer atë në një figurë tërheqëse dhe të pazakontë në skenën botërore. Por kjo pamje artistike shpesh i shpërqendron njerëzit nga një realitet më kompleks: si politikan, Rama është gjithçka, vetëm jo i padiskutueshëm, shkruan gazeta e njohur gjermane “Suddeutsche Zeitung” që edhe ka provokuar duke ngritur pyetjen a mos duhet që Tirana të marrë emrin TiRama.
Më poshtë shkrimi i plotë
***
Kryeministri i Shqipërisë – Pikturë dhe pushtet
Edi Rama është i lodhur. Mbrëmjen e kaluar, ai u kthye nga SHBA-ja, ku kishte marrë pjesë në dasmën e miliarderit Alexander Soros dhe Huma Abedin, këshilltares politike dhe shoqes së besuar të Hillary Clinton. Në tavolinën përpara tij ndodhet një vizatim – vija dhe rrathë në të zezë dhe vjollcë. Këto të ashtuquajtura “vizatime të përditshme” janë markë tregtare e artistit Edi Rama, pozicioni kryesor i të cilit është kryeministër i Shqipërisë. Ato ekspozohen në të gjithë botën në muze dhe galeri. Ndonjëherë pikturat shumëngjyrëshe të kujtojnë korale, ndonjëherë pjesë bimësh në dekompozim – në çdo rast, ato janë diçka psikedelike, kaotike, madje edhe sensuale. “Por, nuk duhet të nxirrni përfundime për piktorin”, ka thënë dikur Rama.
Vizatimet e tij bëhen gjatë konferencave, takimeve apo bisedave. “Kështu e kaloj pjesën më të madhe të kohës sime. Pa laps në dorë, nuk mund të duroj”, thotë Rama, i cili ka qeverisur Tiranën që nga viti 2013. Një kryeministër që pikturon edhe kur bën diçka tjetër, dhe me sukses – një hobi mjaft i pazakontë për një politikan. Kështu, arti i tij është gjithashtu një tipar unik që e bën atë një figurë rrëzëllitëse. Dhe shpesh të shpërqendron nga fakti që Edi Rama është me të vërtetë kontrovers.
Një takim në qershor
Meqenëse Rama flet me kënaqësi për vizatimet e tij, në mesin e qershorit ka një audiencë në ndërtesën qeveritare në zemër të kryeqytetit shqiptar. Përpara krahut ku ndodhet zyra e tij, papagallët Lulu dhe Pippo ulen në një kafaz. Duket sikur janë vendosur qëllimisht për të përshëndetur vizitorët në hyrje – si frikësim: kur papagallët bërtasin emrat e tyre, britmat e tyre jehojnë nëpër korridoret e gjata. Përballë kafazit varet një vepër arti gjigante nga artisti gjerman Thomas Demand; në anën tjetër qëndron një dollap qelqi në të cilin çdo vizitor duhet të mbyllë telefonin e tij celular, para se të takojë kryeministrin.
Rama, me mjekër të bardhë, i veshur i gjithi me të zeza, duhet të përfundojë një mesazh me tekst para se të ngrejë kokën nga pas tavolinës së madhe. Ai buzëqeshi vetëm një herë, në fund të bisedës gati njëorëshe.
Zyra e tij si një deklaratë
Muret e larta të zyrës së tij janë të mbuluara me letër muri, të shtypur dendur me vizatimet e tij; aty varet një portret i madh i kryeministrit të parë të Shqipërisë, Ismail Qemali. Në shumë vitrina ndodhen dhurata të panumërta shtetërore, përfshirë një kuti koleksionuese të filmit “Kumbari”. Në një cep ndodhet një grumbull i pajisjeve të palestrës; mbi një raft rrobash, varen fanellat e basketbollit. Ka një tavolinë konferencash me karrige transparente prej pleksiglasi që paraqesin emblemën e vendit, shqiponjën, dhe një kënd me divanë prej lëkure për mysafirët zyrtarë shtetërorë. Dhe pastaj është tavolina e madhe prej druri të errët, pothuajse tërësisht e mbuluar me stilolapsa, lapsa me ngjyra, bojëra uji dhe furça. Çdo fëmijë që sheh një rrëmujë të tillë do të dëgjonte: Pastroje shpejt!
I përqendruar, edhe kur nuk shikon
Mos u shqetësoni nëse gjatë bisedës, ai nuk e shikon homologun e tij, thonë njerëzit që e kanë takuar. Nuk është e pahijshme, por më tepër një shenjë se sa i përqendruar është ai. Por, në këtë ditë, ai e lë vizatimin mënjanë, me sa duket shumë i lodhur për t’u përqendruar.
Rama, i martuar dhe me dy fëmijë, preferon të vizatojë në faqet e shtypura të agjendës së tij, të cilat stafi i tij i vendos mbi tavolinë. A i kontrollon një ndihmës për informacione konfidenciale para se t’ia dorëzojë ato? “Jo”, ankohet Rama. “Kjo ndonjëherë mund të jetë problem, sepse letrat për protokollin bëhen të papërdorshme kur vizatoj mbi to”. Ai flet butë sot, por dikush mund ta imagjinojë lehtësisht zërin e tij të thellë me volum të plotë.
Katër mandate, një rekord
Në mesin e majit, Partia Socialiste (PS) e Ramës u rizgjodh me 52 për qind të votave, duke siguruar një shumicë absolute – megjithëse vëzhguesit ndërkombëtarë të zgjedhjeve si OSBE-ja kritikuan fushatën, duke përmendur keqpërdorimin e burimeve publike nga partia në pushtet, ndikimin e padrejtë mbi votuesit dhe frikësimin e punonjësve publikë. Vetë votimi, thonë ata, u zhvillua në mënyrë korrekte. Ai shënoi mandatin e katërt të Ramës – duke e bërë atë kryeministrin më jetëgjatë në historinë e Shqipërisë, tani 12 vjet në detyrë.
Gjithmonë në rreshtin e parë
Javën e kaluar, në samitin e NATO-s në Hagë, Rama qëndroi në rreshtin e parë për të bërë foto—krahas Donald Trump, Keir Starmer, Recep Tayyip Erdogan dhe sekretarit të përgjithshëm të NATO-s, Mark Rutte. Duke qenë gati dy metra i gjatë, është e vështirë të mos vihet re, madje as atletet e tij të bardha, të cilat i vesh shpesh dhe me kënaqësi. Në vitin 2023, ai i tha revistës italiane “Vogue” se sa e rëndësishme është pamja e jashtme.
Por, të qenit në rreshtin e parë në këtë grup të shquar është gjithashtu e habitshme për faktin se, që nga janari i vitit 2025, vendi i tij ka një popullsi prej pak më pak se 2,4 milionë banorësh – dhe një problem të madh emigrimi. Që nga fundi i diktaturës në vitin 1991, thuhet se rreth gjysma e popullsisë është larguar nga atdheu i tyre. Tani, ata duan t’i kthejnë ata, pasi gjërat më në fund po bëjnë përparim. Sipas Bankës Botërore, ekonomia e Shqipërisë është rritur më shpejt në vitet e fundit sesa ajo e vendeve të tjera të Ballkanit. Turizmi është veçanërisht në lulëzim: 11,7 milionë turistë të huaj mbërritën në vitin 2024, një shifër prej 15 për qind më shumë se një vit më parë. Pjesë të mëdha të bregdetit të Mesdheut po zhvillohen vrullshëm; dhëndri i Trump, Jared Kushner, po tregon interes për ishullin e Sazanit në jug, dhe një aeroport i ri është planifikuar për deltën e lumit Vjosa, një park kombëtar i mbrojtur.
A nuk duhet që qyteti të riemërtohet TiRama?
Edhe ndërtimi është i përhapur. Rama po përqendrohet në arkitekturë në një shkallë të madhe. Në kryeqytetin Tiranë, me një popullsi prej rreth 600 000 banorësh, po ndërtohet një ndërtesë e pazakontë pranë tjetrës, e projektuar nga firma arkitekturore si “Coop Himmelb(l)au”, Daniel Libeskind dhe Stefano Boeri – edhe nëse nuk është shumë e qartë se kush do të jetojë këtu. Sipas Zyrës Federale të Statistikave, të ardhurat kombëtare bruto për frymë të Shqipërisë në vitin 2023 ishin 7 680 dollarë. Në krahasim, në Gjermani janë 54 800 dollarë. Ballkonet e rrumbullakosura në Ndërtesën Skënderbeu 85 metra të lartë, të projektuar nga firma arkitekturore holandeze MVRDV, kanë për qëllim të përfaqësojnë kokën e heroit kombëtar Skënderbeu. Por, në Tiranë, thonë se ajo duket si Edi Rama!
Në përgjithësi: A nuk duhet që qyteti të riemërohet TiRama?
Që nga fillimi, qyteti ishte vitrina e tij. Në vitin 2000, Rama u bë kryetar bashkie i Tiranës dhe mbeti i tillë për 11 vjet. Ai solli ngjyra në sfondin gri socialist; artistë të njohur si Ólafur Elíasson dhe Liam Gillick morën pjesë në idenë e tij për të lyer dhjetëra shtëpi me ngjyra të ndezura, dhe për herë të parë, Rama provoi edhe sulmin e shtypit ndaj një politikani, i cili ishte edhe artist. Në vitin 2003, miku dhe ish-studenti i tij, Anri Sala realizoi filmin e shkurtër “Dammi i Colori” rreth ndryshimeve shumëngjyrëshe, i cili u shfaq në Bienalen e Venedikut. Që atëherë, bota e artit në veçanti ka pasur tendencën të mbyllë sytë ndaj Ramës, një artist që është gjithashtu politikan.
Sepse, pavarësisht gjithë simpatisë për kryeministrin ekstravagant, ka probleme të mëdha në vend me korrupsionin, trafikun e drogës, pastrimin e parave dhe nepotizmin – akuzat drejtohen si ndaj qeverisë ashtu edhe ndaj opozitës. Por, kritikat publike janë të rralla; raportimi i pavarur si gazetar është i vështirë në Shqipëri.
Aleksandër Çipa, kryetar i Unionit të Gazetarëve në Shqipëri, tha së fundmi se “pjesa më me ndikim e skenës mediatike ndikohet dhe kontrollohet nga autoriteti i qeverisë, veçanërisht nga autoriteti i vetë kryeministrit”.
Megjithatë, Rama konsiderohet një stabilizues në Ballkan brenda BE-së; Ursula von der Leyen e quan atë “i dashur Edi”. Qëllimi i tij: ta çojë Shqipërinë në BE deri në vitin 2030. Negociatat e pranimit kanë filluar që nga viti 2022, dhe sipas presidentit të Këshillit të BE-së António Costa, vendi ka perspektiva të mira.
Ekziston rreziku i “fshehjes pas artit”, shkruan një nga kritikët e Ramës
Kritikë si gazetari holandez Vincent W. J. van Gerven Oei, i cili jetoi në Shqipëri për disa vite, shqetësohen se profili i Ramës si artist shpërqendron shumë nga politika e tij. Ai argumenton se nuk është arti i tij, por të qenit artist, kjo është ajo që i sjell dobi politikisht.
Ekziston rreziku i larjes së artit, veçanërisht kur shihet nga jashtë, siç e përshkruan gazetari në tekstet e tij. Kur përballet me këtë kritikë, Rama shpreh moskuptim. Ai nuk e kupton se si arti mund t’i sjellë dobi në politikë. “Nuk kam qenë artist me kohë të plotë për një kohë të gjatë. Arti është streha ime, një kundërpeshë ndaj jetës sime të përditshme politike, në të cilën jam vazhdimisht i rrethuar nga të tjerë”. Për më tepër, arti dhe politika në Shqipëri kanë qenë të njëjta për një kohë shumë të gjatë, “të tmerrshme!” Ai e përjetoi këtë nga afër.
Rama pikturonte pa pushim që në moshën tre vjeç, dhe si adoleshent, ai filloi të zhvillonte një interes për historinë e artit. Jo aq e lehtë: “Thjesht u ndal me Gustave Courbet”, thotë Rama.
Çdo art përkatës që pasoi piktorin realist, i cili vdiq në vitin 1877, ishte tabu. “Kur kuptova se sa më shumë kishte, një botë e re u hap për mua”.
Për një kohë të gjatë, ai i kishte njohur veprat e artistëve të dashur si Salvador Dalí dhe Picasso vetëm si fotografi në libra të ndaluar. Rama hasi veprën e tij të parë origjinale të artit, një skulpturë nga Auguste Rodin, në vitin 1989. Në atë kohë, ai po udhëtonte për në Gjermani si lojtar në ekipin kombëtar të basketbollit të Shqipërisë. Për të vizituar “Kunsthalle” në Bremen, ai doli fshehurazi nga hoteli ku rrinte ekipi – një nga ditët më të lumtura të jetës së tij, tregoi ai më vonë. Në të njëjtën kohë, njohja e kësaj bote të re dhe të gjerë e bëri jetën më të vështirë, “sepse muret përreth meje papritmas u ndien më të trasha”. Ai aplikoi në shkollën e artit dhe filloi të luftonte kundër atyre mureve. “Arti më solli në politikë,” thotë Rama.
Një ditë, kryeministri i atëhershëm Fatos Nano telefonoi dhe e pyeti nëse do të donte të bëhej ministër i Kulturës.
Ai nuk kishte gjetur gjuhë të përbashkët politike me të atin, Kristaqin, i cili punonte për regjimin si skulptor. “Babai im ishte komunist, por për fat të mirë nuk më tha çfarë të bëja ose të besoja.” Pasi përfundoi studimet, Rama punoi si profesor arti në Tiranë dhe një bursë përfundimisht e çoi në Paris. Në vitin 1998, i ati vdiq. 34-vjeçari i atëhershëm në fakt donte të largohej nga vendi pas disa ditësh, por kjo nuk ndodhi kurrë. Ndërsa po përgatiste kafe për të gjithë pas funeralit, kryeministri i atëhershëm Fatos Nano telefonoi dhe e pyeti nëse do të donte të bëhej ministër i Kulturës. “Në rregull,” tha Rama. Në CV-në e tij, të cilën ministria e kërkoi më pas për hir të procedurës, ai thjesht shkroi: Edi Rama, i lindur më 4 korrik. Kjo duhej të mjaftonte; pjesa tjetër është histori.
Njerëzit që e njohin Ramën prej vitesh thonë se vitet e tij në pushtet e kanë ndryshuar atë. Politikat e tij kanë tiparet e autokracisë dhe duket se ai e ndryshon mendimin e tij edhe për çështje themelore në varësi të klimës politike, siç janë qendrat e azilit në BE, të cilat ai i refuzoi kategorikisht në vendin e tij në vitin 2018. Në vitin 2023, ai më pas lejoi Italinë të ndërtonte qendra të tilla, edhe nëse ato aktualisht përdoren ndryshe nga sa ishin konceptuar fillimisht nga kryeministrja, Giorgia Meloni. Aktualisht, ato strehojnë njerëz, kërkesat e të cilëve për azil janë refuzuar tashmë në Itali.
Për artistin Adi Dule, një shok fëmijërie, Rama ka mbetur po ai i dikurshmi. Ai ndan një studio me të në një zonë industriale në verilindje të Tiranës, ku punojnë së bashku me argjilë. Në dhomën me tavan të lartë, Rama gjithmonë ulet në kolltuk pranë oxhakut të hapur, i cili varet imponueshëm nga një tub, thotë Dule. Batanija me modele blu në kolltuk tregon se ai duhet të jetë ulur atje shumë herë.
Në fund, ai ju jep një album për artin e tij
Skulpturat e Ramës duken si versione 3D të pikturave të tij. “Baballarët tanë ishin të dy skulptorë, kështu që është në gjakun tonë.” Burrat e njohin njëri-tjetrin prej 50 vjetësh. “Një miqësi kaq e gjatë. Kush mund të mburret me këtë”, shprehet me buzëqeshje burri me këmishë të ngushtë, që i nxjerr në pah muskujt. Pavarësisht politikës dhe pavarësisht lidhjes së Ramës me njerëz të famshëm si Clinton-ët, afërsia e tyre nuk ka ndryshuar kurrë. “Edi është thjesht perfekt”, thotë Dule. Çfarë tjetër mund të thoshte ai në prani të një gazetari?
Dhe si e shikon Edi veten? A është ai I njëjti si 27 vjet më parë, kur hyri në politikë, dhe që ata duan të dëgjojnë për të në fund të gjithë kësaj.”Jo, politika i ndryshon të gjithë. Por shpresoj se kam qëndruar thelbësisht besnik ndaj vetes.” Ai thotë se është bërë më i duruar me kalimin e viteve; përndryshe, nuk do të kishte shans të mbijetonte në cirkun politik. “Megjithatë, ndonjëherë kam përshtypjen se nuk jam më vetëm një person, por dy: politikan dhe artist.” Edhe pse ai ka pushuar së qeni një “artist me kohë të plotë”, siç e thotë ai, ai nuk dëshiron ta lërë plotësisht artistin si politikan. Burri i gjatë kërcen përpjetë, ndërsa takimi i tij i radhës po afron. “Vetëm një minutë,” thotë Rama, duke marrë një album për artin e tij dhe duke e shtrënguar në dorë. Edhe pse më parë kishte theksuar sa pak i interesonte se çfarë mendonin të tjerët për punën e tij, pak krenari artistike është e domosdoshme.
Miliarderi Elon Musk ka shpallur sot krijimin e një partie të re politike në SHBA, të quajtur America Party, duke e cilësuar atë si një alternativë ndaj sistemit aktual politik, që sipas tij është i kapur nga korrupsioni.
Njoftimi u bë përmes një postimi në rrjetin social “X“, në pronësi të vetë Musk.
“Donit një parti të re politike, do ta keni! Nëse vendi po shkon drejt falimentimit përmes korrupsionit dhe shpërdorimit, jetojmë në një sistem njëpartiak, jo në demokraci. Sot, lindi America Party, për t’ju kthyer lirinë,” deklaroi Musk.
Kjo lëvizje vjen në një moment tensionesh të hapura mes Musk dhe Presidentit amerikan Donald Trump. Së fundmi, dy figurat janë përplasur publikisht, pasi Trump e akuzoi Musk për “lojëra politike” dhe për mungesë besnikërie, ndërsa Musk është distancuar nga qëndrimet ekstreme të Presidentit, duke lënë të kuptohet se SHBA-të kanë nevojë për një qasje të re, përtej polarizimit të Trump dhe Biden.
Më 4 korrik, në Ditën e Pavarësisë, Musk zhvilloi një sondazh në “X”, duke pyetur amerikanët nëse dëshironin një parti të re politike. 65% e pjesëmarrësve votuan “po”, ndërsa 35% u shprehën kundër.
Lëvizja e Musk mund të trazojë më tej panoramën elektorale amerikane, ndërsa mbetet për t’u parë nëse America Party do të hyjë zyrtarisht në garë për zgjedhjet e ardhshme presidenciale.
Pas luftës kundër Iranit dhe aleatëve të tij, shumë analistë besojnë se Izraeli ka forcuar ndjeshëm pozitat e tij në Lindjen e Mesme. Megjithatë, pavarësisht fuqisë së treguar në fushën e betejës, Izraeli ende nuk plotëson të gjitha kushtet për t’u konsideruar një fuqi e plotë rajonale. Edhe nëse kemi hyrë në një epokë të “Pax Israelitica”, ajo mbështetet më shumë te forca ushtarake sesa te konsensusi diplomatik.
Ndryshe nga vizioni i presidentit amerikan, Donald Trump, për një Lindje të Mesme të fokusuar në paqe dhe zhvillim ekonomik, kryeministri Benjamin Netanyahu mban një qëndrim më të ashpër. Ai e sheh Izraelin si garant të sigurisë dhe rendit rajonal përmes forcës. Në fjalimin e fitores pas luftës me Iranin, Netanyahu deklaroi: “Nuk kemi ndërmend të heqim këmbën nga pedali. Duhet të përfundojmë fushatën kundër boshtit iranian, të mposhtim Hamasin dhe të kthejmë të gjithë pengjet – të gjallë e të vdekur.”
Fuqi ushtarake dhe teknologjike
Në renditjen e vitit 2025 të “Global Firepower”, Izraeli renditet i 15-ti në botë për kapacitete ushtarake, një arritje e konsiderueshme për një shtet me një popullsi relativisht të vogël. Në rajon, është i dyti pas Turqisë. Lufta me Iranin tregoi se në epokën e sotme të luftës së teknologjisë së lartë, numrat nuk janë gjithçka.
Shteti hebre ka gjithashtu një avantazh të dukshëm në fushën e teknologjisë ushtarake dhe zbulimit. Pavarësisht dështimeve në 7 Tetor, Izraeli u tregua efektiv në përballjen me Iranin dhe Hezbollahun. Sipas indeksit të vitit 2025 të “Belfer Center” mbi teknologjitë kritike dhe në zhvillim, Izraeli renditet i 19-ti në botë – më mirë se çdo vend tjetër në Lindjen e Mesme.
Ekonomia dhe qëndrueshmëria
Izraeli ka treguar qëndrueshmëri gjatë konflikteve të fundit, duke qëndruar ekonomikisht aktiv pavarësisht se ndodhet në luftë për më shumë se 20 muaj. Por mbajtja e një ushtrie të madhe dhe një ekonomie të luftës kërkon burime të konsiderueshme. Në vitin 2023, shpenzimet ushtarake përbënin 8.8% të Prodhimit të Brendshëm Bruto më shumë se çdo vend tjetër përveç Ukrainës. Këtë vit, me luftën kundër Iranit dhe ofensivën në Gaza, pritet që buxheti i mbrojtjes të tejkalohet me mbi 30 miliardë shekelë (rreth 9 miliardë dollarë). Kjo është një barrë që ekonomia izraelite nuk mund ta përballojë pafundësisht.
Varësia nga SHBA
Pavarësisht suksesit ushtarak, Izraeli nuk do ta kishte përballuar luftën pa ndihmën masive të Shteteve të Bashkuara. Në 12 muajt pas 7 tetorit, ndihma amerikane kap vlerën e 18 miliardë dollarëve – përfshirë armë, municione dhe ndihmë logjistike. Edhe pse Izraeli prodhon shumë nga armatimet e tij, mbetet i varur nga SHBA për pajisje të avancuara si avionët F-35 apo raketat për sistemet e mbrojtjes ajrore.
Dobësia në fuqinë e butë
Aty ku Izraeli ngec më shumë është në “fuqinë e butë”, ndikimi kulturor dhe perceptimi ndërkombëtar. Qeveria aktuale është kritikuar për retorikën dhe veprimet e saj, sidomos në Gaza, duke përkeqësuar imazhin e Izraelit në opinionin publik në Europë dhe Shtetet e Bashkuara. Kjo ka sjellë pasoja konkrete: embargo armësh, kërcënime për ndërprerje marrëdhëniesh dhe bojkot ekonomik. Në renditjen ndërkombëtare për “vendet më me ndikim kulturor”, Izraeli renditet i 46-ti.
Izraeli është më i fuqishëm se kurrë në aspektin ushtarak dhe teknologjik, por mbetet një vend i vogël për të marrë rolin e superfuqisë rajonale. Varësia nga ndihma amerikane, sfidat ekonomike dhe mungesa e ndikimit të butë janë pengesa thelbësore. Ndërsa Netanyahu premton vendosmëri dhe siguri, ka shenja të qarta se arroganca pas fitores mund ta çojë Izraelin drejt një angazhimi të gjatë e të lodhshëm në një rajon të paqëndrueshëm.
Mund ta quajmë si një nga emrat më të dashur për publikun, jo vetëm në Shqipëri, por edhe më tej.
E kemi fjalën për aktorin Nik Xhelilaj, që një karrierë të suksesshme ka ngritur edhe në Turqi, duke u bërë pjesë e disa serialeve shumë të suksesshëm atje.
Por teksa në Turqi angazhimi i tij vijon, aktori herë pas here gjen kohë për të ardhur në Tiranë, për të shijuar kohën e lirë, por edhe për t’u takuar me miqtë dhe familjarët.
Në këto vizita të tij në vendin tonë, shpesh herë e kemi parë të jetë i vetëm, ose në shoqërinë e ndonjë miku.
Por kjo duhet thënë se është hera e parë që fotografohet në shoqërinë e një femre. Paparaci ynë, ka mundur të shkrepë disa momente, nga një kafene që Niku ka qenë duke shijuar me një vajzë.
Nuk e dimë ende nëse vajza në fjalë është ndonjë e afërm e tij, mikeshë apo ndoshta dhe partnerja e aktorit.
Ajo që shohim është fakti se të dy duken shumë komod me njëri-tjetrin, por nuk ka asnjë sjellje që të tregojë se mes tyre ka një raport romantik.
I veshur sportiv dhe tërësisht i përqendruar herë tek telefoni e herë tek shoqëruesja e tij, Niku nuk e ka pasur aspak problem sytë e kureshtarëve që e ndiqnin përgjatë kafenesë.
Të dy duken se e kanë shijuar kafenë, dhe diçka i ka bërë për të qeshur edhe tek telefoni, duke marrë vëmendjen e tyre.
Me të përfunduar kafenë, aktori dhe vajza që e shoqëron, janë larguar së bashku, pa shumë zhurmë, duke preferuar që të ecin disa hapa në këmbë.
Jeta private e Nikut, ka qenë shpesh herë në qendër të vëmendjes, ndonëse vetë aktori nuk ka dashur që të flasë shumë rreth kësaj teme.
Një tjetër rast i rëndë bullizimi është raportuar, ku disa vajza adoleshente keqtrajtojnë një bashkëmoshataren e tyre.
Ngjarja ka ndodhur në Fier, dhe sipas pamjeve të publikuara nga JOQ, tre nga vajzat dhunojnë adoleshenten, duke e kapur për flokësh dhe qellu*r me pëllëmbë.
Në imazhet e publikuara detyrojnëbashkëmoshataren e tyr që t’u thotë fjalë ofenduese, madje dhe t’i kërkojë falje.
“Guxo përmendma emrin tim, thuaj ka thënë … kështu…unë do të rrj*p si pula. Do t’i heq këto leshtë e kokës, do të bëj tullace, do të qeth zero moj k*** femër. Unë të mbajta afër moj, të pranova si motrën time.”
Më pas vajzat marrin në telefon një djalë dhe detyrojnë adoleshenten t’i thotë fjalë banale.
Video e marrë nga joq:
Më pas një prej vajzave e qëllon me pëllëmbë dhe e hedh në ferra.
Shefi i NATO-s, Mark Rutte, bëri një parashikim të frikshëm, teksa tha se Lufta e Tretë Botërore do të fillojë me pushtime të njëkohshme nga Xi Jinping dhe Vladimir Putin.
Sipas Rutte-s, Kina do të fillojë duke kërkuar të pushtojë Tajvanin, ndërkohë që do të sigurojë që presidenti rus të sulmojë njëkohësisht territorin e NATO-s, mes frikës se Putini po i ka vënë syrin republikave baltike, të cilat më parë ishin pjesë e BRSS-së, Estonia, Letonia dhe Lituania.
Duke theksuar nevojën urgjente për riarmatim dhe forcimin e buxheteve ushtarake, Rutte i tha New York Times në një vizion të frikshëm për të ardhmen.
“Le të mos bëhemi naivë për këtë. Nëse Xi Jinping sulmon Tajvanin, ai së pari do të sigurohet që të telefonojë partnerin e tij shumë më të vogël në të gjithë këtë, Vladimir Vladimirovich Putin, i cili banon në Moskë, dhe t’i thotë: ‘Hej, unë do ta bëj këtë dhe kam nevojë që ti t’i mbash të zënë Evropën duke sulmuar territorin e NATO-s. Ndoshta kështu do të shkojë kjo dhe për t’i penguar ata, duhet të bëjmë dy gjëra. Një gjë është se NATO, kolektivisht, është aq e fortë sa rusët nuk do ta bëjnë kurrë këtë. Dhe së dyti, partneriteti Indo-Paqësor, diçka që Presidenti Trump po e promovon shumë, sepse ne kemi këtë lidhje të ngushtë, duke punuar së bashku në industrinë e mbrojtjes, inovacionin midis NATO-s dhe Indo-Paqësorit.”– tha ai.
Rutte paralajmëroi se Putini po riarmatoset me një ritëm të shpejtë, duke këmbëngulur që vendet perëndimore duhet të rrisin shpenzimet e mbrojtjes.
“Kemi një sfidë të madhe gjeopolitike përpara nesh. Dhe kjo është para së gjithash Rusia, e cila po rindërtohet me një ritëm dhe shpejtësi të paparë në historinë e kohëve të fundit”, tha ai.
Rutte e vlerësoi Trumpin për përpjekjet e tij për të bërë përparim me Putinin.
“Ai është personi që e theu bllokimin me Putinin. Kur u bë president në janar, ai i nisi këto diskutime me Putinin dhe ishte i vetmi që ishte në gjendje ta bënte këtë”, tha shefi i NATO-s.
Megjithatë, kjo ende nuk kishte çuar në një marrëveshje paqeje.
“Nuk e kemi arritur ende dhe kjo do të thotë që ndërkohë duhet të siguroheni që Ukraina të ketë atë që i nevojitet për të qëndruar në garë”, tha ai.
Mbikqyrja e autostradave kryesorë në Shqipëri me kamera vëzhgimi po kthehet në një kurth për qytetarët të cilët po gjobiten pa u vendosur në dijeni dhe pa u njoftuar.
Tre muaj pas vendosjes së kamerave në autostradat kryesore të vendit, shqetësimet e qytetarëve janë rritur pasi ata penalizohen pa u njoftuar, cka krijon premisa që gjoba të mos paguhet dhe drejtuesit e mjeteve jo vetëm të jenë debitorë për shlyerjen e saj por të paguajnë edhe kamatën që nis nga dita e 15.
Rasti i denoncimit të mbërritur në redaksi, është ai i një qytetari të gjobitur në Unazën e re të Tiranës, në datën 18 qershor 2025, në ora 06.22 të mëngjesit. Plot 17 ditë më vonë, në datën 5 korrik 2025, ai rastësisht hyri në platformën e-albania për një arësye tjetër dhe u vu në dijeni të gjobës së vendosur nga policia rrugore.Për shkak të mos shlyerjes në afat, gjoba kishte nisur të llogariste edhe kamatën me 120 lekë të reja për vetëm dy ditë!
Masa administrative e vendosur nga polici rrugor Artan Malasi, konsiderohet abuzive nga qytetari i cili thekson se është ndëshkuar me 2000 lekë, për tejkalim të shpejtësisë në Unazën Veriore të Tiranës, por fleta e gjobës në e-albania nuk ka asnjë shpjegim detajues, sa ka qenë shpejtësia me të cilën ai po lëvizte në momentin e shkeljes, dhe cila është diferenca e kësaj shpejtësie me atë të lejuarën në aksin ku është vendosur gjoba.
Mos dhënia e detajeve të tilla në një fletë gjobe ku policia vendos dorën mbi pasurinë e qytetarit është mungesë transparence dhe profesionalizmi, por edhe padrejtësi, pasi përsa kohë qytetari penalizohet financiarisht, masa duhet të jetë e detajuar me fakte dhe prova për të mos lënë vend për abuzime de hamendësime.
Një tjetër abuzim sipas qytetarit është fakti se mos-njoftimi i tij për gjobën, e cila i është vendosur pa u ndaluar fare nga efektivi i policisë Artan Malasi, i ka hequr qytetarit të drejtën për të kryer pagesën e saj brenda afatit 5-ditor, cka sipas vetë ligjit në fuqi i krijon mundësinë kundravajtësit që të përfitojë zbritjen e 50 për qind të vlerës së gjobës.
Duke qenë se nuk ishte në dijeni të penalitetit, qytetari ka vazhduar të lëvizë cdo ditë, duke qenë i rrezikuar edhe për ndalim nga patrullat e policisë dhe penalizim për gjobën e pa shlyer tashmë prej 17 ditësh.
Një tjetër shkelje është fakti se përvec hamendësimeve, askush nuk e di cilat janë akset e monitoruara me kamera, në një kohë kur Greqia apo edhe Italia, i njoftojnë drejtuesit e mjeteve me tabela e sinjale të dukshme se po hyjnë në rrugë të monitoruara.
Italia madje, në rrugët ku ka fotografim të kundravajtjeve, e përsërit lajmërimin për qytetarët disa herë duke vendosur sinjalizime me tabela të dukshme 5 kilometër para cdo stacioni fotografimi.
Qartësisht kjo praktikë, tregon se vendet fqinje të BE-së kanë si synim ti parandalojnë kundravajtjet dhe jo të penalizojnë qytetarët sic ndodh në Shqipëri, pasi asnjë prej akseve rrugore të monitoruara me kamera, nuk ka njoftime dhe sinjalistikë që tu bëjë me dije qytetarëve një fakt të tillë.
Një tjetër shkelje në këto raste është edhe fakti se drejtuesit të mjetit, duke mos u njoftuar në kohë për gjovën, i hiqet edhe mundësia dhe e drejta për ta apeluar atë tek organet institucionale.
