Month: July 2025

Italia po përballet prej më shumë se një jave me një valë të rrezikshme të nxehti, që ka shkaktuar të paktën 18 viktima në mbarë vendin.

Shumica e atyre që kanë humbur jetën ishin punonjës që kryenin detyra fizike në ambiente të hapura gjatë orëve më të nxehta të ditës. Temperaturat ekstreme kanë vënë nën presion të madh edhe spitalet, ku shumica e të shtruarve janë të moshuar që vuajnë nga dehidratimi dhe goditjet e të nxehtit.

Meteorologët paralajmërojnë se këto fenomene nuk janë më të përkohshme, por një realitet i ri i lidhur me ndryshimet klimatike. “Roma dhe Parisi tashmë përjetojnë të njëjtat kushte klimaterike si Tunizia në verë,” thonë ekspertët, duke kërkuar masa të përhershme dhe strukturore për të mbrojtur qytetarët.Autoritetet italiane kanë nisur zbatimin e masave emergjente për të parandaluar viktima të tjera. Në disa rajone si Roma, Milano, Torino, Veneto dhe të tjera, është ndaluar puna në ambiente të hapura nga ora 12:30 deri në 16:30 në ditët kur shpallet alarmi i kuq për temperaturat.

Megjithatë, kjo masë nuk vlen për sektorin publik, ku vazhdon të mungojë kontrolli dhe ndërgjegjësimi i plotë. Një ngjarje tragjike ndodhi dje në qytetin e Frosinone, ku një punëtor humbi jetën teksa po vendoste fibra optike në rrugë. Ai pësoi një atak kardiak në mes të vapës. Po në të njëjtën zonë, një shofer kamioni humbi ndjenjat dhe u rrëzua pranë pikës së pagesës në autostradë. Edhe ai nuk arriti të mbijetonte.

Temperaturat brenda kabinave të kamionëve janë kthyer në “furrë” për shoferët, ndërsa situata është po aq alarmante edhe në burgje. Shumica e institucioneve nuk kanë ajër të kondicionuar dhe as ventilatorë, duke e bërë të papërballueshme ditën për të burgosurit në qeli të mbipopulluara.

Probleme të mëdha janë shfaqur edhe në sektorin industrial, sidomos në industrinë metalurgjike, ku në disa fabrika temperatura ka kaluar 40 gradë. Më shumë se 20 punëtorë janë larguar nga vendi i punës për shkak të gjendjes së rënduar shëndetësore.

Për fat të mirë, parashikimet e motit thonë se nga nesër pritet një rënie e lehtë e temperaturave, por ekspertët paralajmërojnë se valë të ngjashme të të nxehtit do të përsëriten gjatë gjithë verës.

Rodos: “Më preku në organet gjenitale” – Denoncimi i 16-vjeçarit çoi në arrestimin e një 94-vjeçari

Tronditje ka shkaktuar në Rodos të Greqisë denoncimi i një 16-vjeçari për ngacmim seksual nga një 94-vjeçar, i cili u arrestua të hënën në mesditë në zonën Mandraki.

Sipas dëshmisë së të miturit, ai ndodhej në një stacion autobusi për t’u kthyer në shtëpi, kur pa të moshuarin t’i sillesh rrotull në mënyrë të çuditshme.

Fillimisht përpiqej të kuptonte çfarë kërkonte i moshuari, por ai nuk fliste. Kur djali u largua, 94-vjeçari e ndoqi, iu afrua dhe i tha: “Je një djalë shumë i bukur”.

Sipas 16-vjeçarit, më pas i moshuari e preku në duar dhe më pas në organet gjenitale, sipër rrobave. Djali u largua menjëherë dhe njoftoi policinë.

Policia e arrestoi të moshuarin pak pas ngjarjes dhe ndaj tij u ngrit padi për shkelje të dinjitetit seksual.

Nga ana e tij, 94-vjeçari i mohoi akuzat, duke deklaruar se nuk e njeh të miturin dhe se nuk e ka prekur.

Për shkak të moshës së thyer dhe pamundësisë për të ndjekur procesin, gjykata shtyu shqyrtimin e çështjes për më 7 korrik dhe urdhëroi kryerjen e një ekspertize psikiatrike. Deri atëherë, i akuzuari u la i lirë. /noa.al

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një ftesë dasme nga Amerika ka mbërritur pas 14 vitesh në kutinë postare të një qytetari nga Durrësi.

Arian Ndoni është befasuar kur këtë të shtunë ka marrë një ftesë për dasmë në kutinë e tij postare.

Deri këtu, gjithçka normale, pasi atij i pëlqen të mbajë korrespondencë me miq të huaj që i ka njohur gjatë qëndrimit të tyre në Shqipëri, por ajo që e bën këtë rast të pazakontë është se… dasma është bërë në qershor të vitit 2011.

“U habita kur pashë ftesën. Një ftesë për dasmë që vjen nga SHBA, por kur lexova datën, s’më besohej. Martesa ka ndodhur në vitin 2011. Sot jemi në 2025. Vetëm sot e gjeta në kutinë time të postës. 14 vite vonesë! Edhe në shishe po ta kishin futur e ta hedhnin në det, si në kohët e vjetra, ndoshta do të kishte ardhur më shpejt”, rrëfen jo pa humor Arian Ndoni.

Ai thotë se ftesa mban në pjesën e pasme qartësisht edhe vulën e tranzitit ku duket data e mbërritjes në Shqipëri, në janar 2011.

Kohë e mjaftueshme për t’u organizuar për të marrë pjesë në festën e kurorëzimit të tyre. Pra, ftesa ka mbërritur në kohë, por diçka ka ndodhur me shërbimin postar nga Tirana në Durrës dhe ftesa ka ngelur rrugëve për plot 14 vjet dhe vetëm tani e ka gjetur rrugën e ka mbërritur në kutinë e tij postare.

Në kohën e teknologjisë dhe komunikimit të menjëhershëm, duket se ftesat-kartolina ende mund të udhëtojnë me ritme “romantike”, por krejt jashtë kohe. “Ata janë martuar, ndoshta kanë bërë dhe fëmijë, ndoshta dhe janë… nuk e di, po nuk është korrekte. Unë sapo mora ftesën dhe kjo situatë ka cenuar dhe komunikimin e raportet e miqësisë për ne që ende e vlerësojmë këtë mënyrë komunikimi “, thotë Ndoni.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një raport sekret i botuar dy ditë më parë nga gazetari i “Ora News”, Elton Qyno, ku tregohej situata e rëndë e menaxhimit të sigurisë në burgun e Drenovës në Korçë, ka çuar 1 ditë më pas në shkarkimin e menjëhershëm të Drejtorit të Burgut, Fatjon Fasho dhe pezullimin e shefit të policisë së Burgut, Sokol Kaçoli.

Mësohet se Fatjon Fasho, të jetë referuar në prokurorinë e Korçës për ndjekje penale për akuzën e “Shpërdorimit të detyrës”, lidhur me kryerjen e veprimeve që kanë ulur sigurinë e brendshme të burgut dhe përqëndrimin e gjithë bandës së Lushnjës, si Laert Haxhiu, Orgest Bilbili dhe Anterio Kaloshit, në një sektor të vetëm dhe për më tepër me dhoma ngjitur nga njëra-tjetra.

Transferimi i Laert Haxhiut dhe dy anëtarëve të bandës në Burgun e Drenovës është kryer me vendim të Drejtorisë së Përgjithshme të Burgjeve.

Ndërsa akomodimin e të dënuarve nëpër dhoma dhe sektorë të ndryshëm, e ka koopetencë direkte Drejtori i burgut.

Të gjithë anëtarët e grupit vuanin dënimin në një sektor, dhe ishin të paisur me telefona modernë, karikues dhe kufje me bluetuth.

Por incidenti i 29 qershorit 2025, ku një skuadër operacionale e Policisë së Burgjeve, gjeti 4 telefonë “Iphone-Samsung”, karikues dhe kufje me bluetuth në qelitë Nr.4, 5 dhe 6, ku vuajnë dënimin Laert Haxhiu, Anterio Kaloshi dhe Orgest Bilbili, është vetëm maja e ajsbergut e këtij skandali.

Problemi me këtë grup, që ende nuk dihet se kush zyrtar i ka bërë bashkë brenda në një sektor burgu, është më i rëndë se kaq.

Kjo pasi një raport shërbimi i Policisë së Burgjeve, nënvizon futjen e femvrave brenda në burgun e sigurisë së Lartë në Drenovë, për llogari dhe shërbim të Laert Haxhiut.

Një episod i tillë ka ndodhur pak muaj më parë, ku një vajzë me emrin Z…, është paraqitur në burgun e Drenovës, duke kërkuar takim me një të dënuar që mbahet i izoluar në sektorin Nr. 2, Godina “A” kati i parë.

Ky i dënuar që ishte planifikuar takimi nuk ishte Laert Haxhiu, por një person tjetër. Por raport-shërbimi nxjer në dritë se në takimin special nuk është paraqitur personi i planifikuar për takim nga vajza, por i dënuari me burgim të përjetshëm Laert Haxhiu.

Ky incedent ve në dukje futjen e femrave në burgun e sigurisë së Lartë në Drenovë, për llogari të kreut dhe anëtarëve të bandës së Lushnjës, të cilët çuditërisht dhe jashtë çdo rregullore, janë përqëndruar të gjithë në një sektor dhe në dhoma ngjitur me njëra-tjetrën.

Incidenti është vlerësuar shumë i rëndë duke sjellë dhe një përplasje mes shefit të policisë së Burgut Sokol Kaçoli dhe Drejtorit të Burgut Drenovë, Fatjon Fasho.

Pas këtij incidenti, regjistrohet skandali tjetër me bandën e Laert Haxhiut, ku gjatë një kontrolli blic të kryer në ambientet e sektori Nr 2 Godina “A” kati i parë në dhomat Nr. 4, 5 dhe 6, pasi në dhomën Nr. 4 banojnë të dënuarit Anterio Kaloshi dhe Orgest Bilbili.

Në këtë dhomë janë gjetur një palë kufje me kuti të markës “AWEI” me ngjyrë të zezë dhe një fishë karikimi me ngjyrë të bardhë.

Gjithashtu në pjesën e jashtme mes dritareve të dhomave Nr. 4 dhe Nr. 5, janë konstatuar 3 telefona celularë, 2 të markës “Iphone” në gjendje të rregullt dhe një i markës “Samsung” i ndezur por i dëmtuar me ekran të thyer.

Aparatet e telefonit janë hedhur nga të dënuarit nga dritaret e katit të parë në oborrin e burgut, pasi ata kanë parë futjen e skuadrës së operacionales për kontroll brenda në sektorin ku vuanin dënimin.

Për të hedhur dritë mbi këtë pjesë, policia e burgjeve ka sekuestruar pamjet filmike të datës 29 qershor 2025, pamje të cilat monitorojnë sektori 2 Kati 1, Godina “A” dhe ambientet e jashtme të dritareve të godinës “A”, me qëllim verifikimin se kush person i hodhi 3 telefonat nga dritarja e dhomës Nr.4 dhe dhomës Nr.5.

Ndërkohë në dhomën Nr. 6, ku vuan dënimin i dënuari Laert Haxhiu janë konstatuar në pjesën e krevatit, një karikues, një telefon i zi “Iphone”, një karikues dhe një palë kufje “Ipods” me ngjyrë të bardhë.

Menjëherë pas këtij konstatimi Drejtoria e Burgut të Sigurisë së Lartë në Drenovë të Korçës, në datën 29 qershor ka marë vendimin për mbylljen në izolim të Laert Haxhiut.

Ndërsa janë tërhequr dhe bërë pjesë e dosjes hetimore, çështjet penale të Laert Haxhiu,Vladimir Kurtit, Anterio Kaloshit, Orgest Bilbilit dhe Xhensi Lipos.

Prokuroria që po ndjek rastin për “Futjen e sendeve të palejuara në burg”, po kryen një seri veprimesh hetimore me shpresën e gjetjes së personit që ka mundësuar furnizimin me telefona të qelive Nr.4, 5, dhe 6, ku vuajnë dënimin 4 personat me burgim të përjetshëm.

Ndërkohë që 4 telefonat janë kqyrur dhe njëherësh në ditët në vijim do dërgohen dhe për ekspertim kompjuterik, për të mësuar rreth komunikimeve me persona të tjerë.

Haxhiu, Orgest Bilbili dhe Anterio Kaloshi vuajnë dënimin me burg përjetë në burgun e sigurisë së lartë në Korçë, pasi janë dënuar të tre për akuzën e vrasjes së Jurgen Hoxhës dhe Zamir Latifit, ngjarje kjo që ka ndodhur në vitin 2017, ku mbetën të plagosur dhe dy persona të tjetër.

Ndërkohë ndaj Haxhiut dhe anëtarëve të tjerë të grupit të tij, janë dhe dy procese gjyqësore të hapura në prokurorinë e posaçme SPAK, ajo e vrasjes së Besnik Hidës, ku Laert Haxhiu ka vepruar së bashku me Orgest Bilbilin, Ardian Ahmetin i njohur si “Pepe” dhe persona të tjerë.

Ndërsa dosja tjetër që lidhet me Laert Haxhiun, është ajo e vrasjeve seriale, vjedhjeve, shkatërimit të pronës me ekspluziv të kryera në formën e “Grupit të strukturuar kriminal”, ku i penduar është bërë Artan Tafani.

Bahri Mblloshmi, personi që gjeti i pari 12-vjeçaren e abuzuar nga babai i saj në fshatin Sheqisht të Fierit tregoi se e mitura kishte hyrë në oborrin e shtëpisë së tij në orët e para të mëngjesit.

Ai tha në një intervistë se e mitura ishte e trembur dhe i kishte rrëfyer se nuk donte të kthehej më në shtëpinë e saj dhe se donte të kishte një familje tjetër.

“Ishte ora 6:00 kur në ballkon shoh një fëmijë. E pyeta se kush ishte më tha unë u hodha nga dritarja. E pyet je çun? Jam vajzë, më tha. Kush të ka qethur? Babi. Nuk dua të iki më në shtëpi, dua një familje tjetër.

Thirra nuset e djemve. E pashë ishte e trembur, në fillim mendova mos… Më pyeti cilën ke vajzë nga këto? Të dyja thashë.

Sa baba i mirë, më tha. Thoshte vazhdimisht nuk dua të shkoj në shtëpi. Iu thashë ta mbanin vajzën dhe shkova te kryetari i fshatit, thashë është e trembur. Policia erdhi vonë, po e kërkonin se kishte denoncuar i ati”, tregoi ai.

Shqipëria në këto tre dekada është sunduar nga krimi dhe korrupsioni dhe kjo ka disa persona, që duhet të mbahen përgjegjës. Kështu u shpreh avokati i njohur Idajet Beqiri, i cili ishte i ftuar në një emision televiziv.

Ai theksoi se ish-pushtetarët e lartë, konkretisht Berisha dhe Meta kanë vepruar në dëm të interesave të qytetarëve. Sipas tij, veprimtarinë e tyre e kanë bazuar në ideologjinë për t’u pasuruar vetëm për vete.

“Këto 30 e ca vjet, ky vend është sunduar nga krimi dhe korrupsioni dhe ka qenë i mbërthyer keq prej krimit të organizuar. Disa struktura të shtetit, në vend që të vepronin në bazë të ligjeve të shtetit dhe në prioritet të qytetarëve, në fakt janë kthyer në organizata, që kanë parë vetëm interesat e tyre dhe interesat e njerëzve rreth tyre, ky vend është grabitur, është vjedhur, ky vend është vrarë dhe për rrjedhojë shikojmë sot se më shumë pasuri kanë realisht krimi dhe kriminelët, pushtetarët e lartë që kanë qenë në krye të vendit sa sa ka vetë shtetit, tha ai.

Ai theksoi se dyshja politike Berisha-Meta kanë bërë batërdi të madhe dhe kanë kthyer qeverisjen në funksion të xhepit të tyre dhe njerëzve të afërt, duke shkelmuar interesin publik.

“Familja Berisha dhe Meta kanë bërë batërdinë në këtë vend dhe e kthyen qeverisjen e vendit për të pasuruar familjet e tyre, njerëzit e tyre. Si PS dhe LSI e Ilir Metës u kthyen në organizata realisht kriminale, që mendonin se si do arrini që përmes privatizimeve të ndryshme, nga shitjet, asetet, nga një mori veprimesh të tjera të përfitonin vetë dhe kanë përfituar sa nuk ka ku të shkojë më”, theksoi ai.

Ai theksoi se afera “Partizani” për të cilën është marrë i pandehur Sali Berisha është vetëm një gjethe e vogël në malin e korrupsionit, që ka kryer ish-kryeministri, tashmë kryetar i Partisë Demokratike të Shqipërisë.

SPAK u mor dhe hetoi vetëm aferën “Partizani”, që është aferë, e rëndë është, por është një gjethe në morinë e një pylli të madh me krime korrupsioni që ka bërë Berisha dhe familja e tij. Janë të rënda sa nuk ka ku të shkojë më. Të gjitha llojet e privatizimeve në këtë vende janë bërë në mënyrë korruptive për të mbushur xhepat e tyre”, tha ai.

Ai tregoi numrin e dosjeve, që rëndojnë mbi Berishën, Ilir Meta dhe familjarët e tij.

“Vetëm për Ilir Metën kemi kallëzuar 31 afera korruptive. Për Sali Berishën dhe familjen e tij, Argita Berishën, Jamarbër Malltezin, Shkëlzen Berishën, Liri Berishën janë formësuar 51 dosja të ndryshme, që kanë të bëjnë më korrupsion pasiv, pastrim parash, privatizime dhe përfitime në rrugë kriminale.”, tha ai.

Avokati i njohur theksoi se Meta dhe Berisha kanë arritur të përvetësojnë një shumë monetare prej 200 miliardë eurosh, pasuri kjo e cila siç thotë ai gjysma ndodhet në Shqipëri dhe pjesa tjetër është jashtë vendit.

“Janë plot 200 miliardë euro të përvetësuara nga organizata kriminale që ka udhëhequr në këtë vend, Sali Beriasha dhe Ilir Meta, 100 miliardë ndodhen, qoftë në para të thatë, qoftë me asete të ndryshme në Shqipëri dhe 100 miliardë të tjera ndodhen jashtë vendit dhe Shqipëria nuk do t’i marrë kurrë pasi nuk i kanë në emrin e tyre, por i kanë vënë në emër të disa kriminelëve që i mbanin rreth vetes “, tha ai.

Rrjetet sociale, që dikur shërbenin vetëm si mjete argëtimi dhe vetë-prezantimi, janë kthyer tashmë në një terrën hetimi për prokurorët dhe hetuesit financiarë të SPAK.

Burimet e hapura në internet, përfshirë Facebook-un, Instagram-in, videot në YouTube apo postimet në blogje personale, etj po përdoren për të ndërtuar atë që quhet “profili financiar” i një personi nën hetim – një pamje e plotë e mënyrës se si jeton, krahasuar me atë që deklaron zyrtarisht.

Në një udhëzim të brendshëm të Prokurorisë së Posaçme shpjegohet se burimet e hapura janë bërë mjet kyç në hetimin e pasurive të pajustifikuara.

Ato shërbejnë për të identifikuar:

Llojin e jetesës që bën personi nën hetim (resorte luksoze, restorante të shtrenjta, udhëtime private)

Automjetet që përdor në realitet (edhe nëse nuk janë në emrin e tij)

Objekte luksi, si ora të shtrenjta, bizhuteri, veshje me vlerë të lartë

Vendbanimet reale krahasuar me adresat e deklaruara

Rrethin e ngushtë të kontakteve, bashkëpunëtorët, familjarët apo miqtë që mund të përdoren për të fshehur pasuri

Hetimi nuk ndalet me akuzën penale: Pas saj, vjen skanimi i jetës

Hetimet pasurore kryhen në mënyrë paralele me hetimin penal. Pra, edhe nëse një individ nuk është ende i pandehur për një vepër penale, SPAK mund të nisin hetimin e pasurive dhe jetës së tij, nëse lind dyshimi se ai apo familjarët e tij janë përfshirë në aktivitete të paligjshme ose kanë përfituar pasuri pa burim të ligjshëm.

Ky lloj hetimi kryhet në bazë të ligjit Anti-Mafia, i cili u jep autoriteteve të drejtësisë të drejtën të kërkojnë sekuestrimin dhe më pas konfiskimin e pasurive, edhe nëse nuk ka ende një dënim penal përfundimtar.

Statistika zyrtare: 65 milionë euro pasuri të sekuestruara vetëm në vitin 2024

Gjatë vitit të fundit, SPAK raportoi sekuestrimin e 65 milionë euro pasuri, ndërsa 36.7 milionë euro janë konfiskuar përfundimisht me vendim gjykate dhe i janë kaluar pronësisë së shtetit. Pasuritë e sekuestruara përfshijnë:

Apartamente dhe vila luksoze

Truall dhe prona në bregdet

Njësi tregtare në qytete të mëdha

Automjete të markave të shtrenjta

Ora, bizhuteri, flori dhe kriptovaluta

Pse rrjetet sociale janë provë?

Burimet e hapura ofrojnë një gjurmë digjitale, që shpesh zbulojnë më shumë se deklaratat zyrtare. Një foto në Instagram me një “Rolex” në dorë, një video në TikTok në një resort me pesë yje apo një koment në një faqe interneti, mund të jenë indikatorë të qartë të një stili jetese që nuk përputhet me të ardhurat e deklaruara. Hetuesit e SPAK analizojnë gjithashtu:

Postimet e personave të afërt (gruaja, fëmijët, të dashurit, bashkëpunëtorët)

Aktivitetet e biznesit të lidhura me ta

Interesat dhe lidhjet e mundshme me kompani, prona apo automjete të paluajtshme

Ligji Anti-Mafia dhe barrë prove për familjarët

Sipas ligjit, pasuritë e sekuestruara në kuadër të hetimeve financiare mund të merren edhe nëse janë në emër të të afërmve të të dyshuarit, përfshirë bashkëshortin/en, fëmijët, vëllezërit, motrat apo miq të ngushtë.

Avokatët kritikojnë këtë aspekt, duke e quajtur “një barrë disproporcionale për familjarët”. Ata theksojnë se shpesh, personat e afërt nuk kanë dijeni për origjinën e pasurive që mbajnë në emër, por mbeten të detyruar të provojnë burimin e tyre ligjor.

Një “Big Brother” i ri, por legal: Çfarë po ndryshon në hetimet moderne

“Bota po digjitalizohet, dhe hetimi gjithashtu”, tha një burim nga SPAK, duke theksuar se në kohën kur të gjithë jetojnë publikisht në rrjet, krimi nuk mund të fshihet më pas një perdeje të zakonshme.

Kjo metodë moderne e hetimit, e cila njihet ndërkombëtarisht si Open Source Intelligence (OSINT), përdoret nga shumë agjenci ligjzbatuese në Europë dhe SHBA.

Analizë: Krimi dhe korrupsioni nuk i besojnë më bankës – Por vila, kriptovalutës dhe Instagramit

Krimi i organizuar në Shqipëri, sipas SPAK, ka ndryshuar format e investimit. Në vend të pasurive të deklaruara apo llogarive të bankës, paratë “e pista” futen në ndërtim, blerje tokash, tregti makinash luksoze apo përdoren për blerje në kriptovaluta – të gjitha forma më të vështira për t’u gjurmuar tradicionalisht, por që lënë gjurmë digjitale.

Altin Dumani dhe SPAK

Altin Dumani po bën epokën me të famshme dhe me të guximshme të hetimit kundra krimit të organizuar dhe korrupsionit. Një prokuror që nuk epet para presioneve dhe që ka futur teknologjinë me moderne të hetimit.

SPAK u krijua me themelet e gurta të Arben Krajës ndërsa sot është bërë ndërtesa me prokurorët më profesionistë e më kurajozë në saj të shembullit personal të Altin Dumanit. Në fakt duhet që politika t’ju jap mandat të dytë, kush dëshiron të vazhdojë. Por duket se PS dhe PD po merren vesh nën rrogoz që ti largojnë një nga një këta prokurorë të SPAK-ut, të cilët guxuan me patriotizëm dhe kurajo të penalizojnë kapot me të mëdha të krimit, si dhe nga politika e lartë.

Cristiano Ronaldo ishte një nga personat që mungoi në ceremoninë e lamtumirës së Diogo Jotas dhe vëllait të tij Andre, të cilët humbën jetën si pasojë e një aksidenti automobilistik.

Kjo gjë shkaktoi reagime të shumta, ku nuk munguan kritikat ndaj 40-vjeçarit, i cili sipas raportimeve ndodhet me familjen e tij në Majorka me pushime.

Pak orë pasi kjo u vu re, ishte vetë Ronaldo që reagoi në lidhje me mungesën në këtë ceremoni lamtumire të shokut të tij, duke pohuar se nuk ishte i pranishëm për shkak të popullaritetit, dhe kjo gjë do të shkaktonte incidente.

“Ronaldo zgjodhi të mos merrte pjesë në ceremoninë në Gondomar, Portugali, për shkak të statusit të tij si yll global. Ai vendosi se mund të ishte më e dëmshme sesa e dobishme për të që të ishte atje, pasi do të tërhiqte vëmendje të tepruar në një kohë kur familja është në zi”, deklarojnë mediat luzitane.

Ronaldo më tej thuhet se komunikoi me familjen e Jotas, prindërit dhe bashkëshorten, duke u bërë me dije arsyen e mungesës si dhe duke ofruar mbështetjen e tij.

Diogo Jota humbi jetën si pasojë e një aksidenti në Zamora të Spanjës, ku makina e tij shpërtheu në flakë pas përplasjes, ndërsa së bashku me të ndodhej dhe vëllai i tij Andre Silva, futbollist i Penafiel.

Çlirimi i tretë i Tiranës! Kryeministri nuk humb kohë, dhe e ka nisur vetë i pari aksionin e lirimit të hapësirave publike.

Me një thirrje të fundit, kryeministri Rama ka denoncuar dhe paralajmëruar këto kioska, lokale e dyqane te zona e 21 dhjetorit të lirojnë trotuare e lulishte, ose më pas nuk do kenë më kohë.

“Kush nuk do t’i tërheqë vetë nga hapësira publike e përbashkët barrikadat që u ka ngritur njerëzve me gjithëfarësoj objektesh, që nga tavolinat dhe frigoriferët në trotuarë e deri tek muret apo trarët e “doganave” rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cenim të shëndetit e sigurisë fizike të qytetarëve, krim mjedisor dhe me radhë”, tha ai.

Nga një vëzhgim i AbcNews, rezulton se jo vetëm 21 dhjetori por thuajse gjithë pjesa e unazës së re ka të njëjtën problematikë. Nuk mbeten pas as parkimet apo banesat private.

Kryeministri në një tjetër rast zbulon se janë qytetarët ata që po i sjellin vetë denoncime, si ky rast i këtij kompleksi privat në njësinë 3. Por një sy, e ka dhe nga Vlora. Tani bizneset në lungomare kanë një ultimatum, 48 orë për të hequr vetë pergolatat në Lungomare, ose do ndërhyjë shteti.

Por nëse në Vlorë, Rama is shkuli veshin kryebashkiakut Dredha, në Tiranë ai nuk ka një kryebashkiak te zgjedhur në zyrë. Ndaj dhe ashtu si 20 vite më parë, kur herë me fadroma e herë vetë me sëpatë hoqi kioskat e çliroi Tiranën nga çdo ndërtim i mundshëm edhe në mes të rrugës, tani po merr përsipër t’i rikthehet kohërave të vjetra.

“Ka Tiranë dhe Tiranë. Ajo nga lart e dronëve dhe kjo poshtë e kamerave të telefonave të qytetarëve. Edi Rama e di me mire se kushdo se kryeqyteti është qendra politike e vendit dhe lista e tij e 11 majit dinakërisht e provoi këtë. Tirana i dha një mandat me shume por vota me pak socialisteve, ndërkohë që asnjë person nga bashkia apo këshilli bashkiak, nuk doli dot deputet. Si dhe asnjë nga njerëzit e afërt të kryetarit, prej 7 muajsh ne gjendje izolimi në Durrës.

Tirana nuk qeveriset dot në mënyre teknike. Ndaj dhe sulmi i kryeministrit për të rimarrë Tiranën edhe një herë në zgjedhjet e parakohshme lokale, po nis nga ata që folën të fundit: tiranasit në 11 maj. Dhe pas kësaj caktimi i datës së zgjedhjes se kryetarit të ri, është vetëm një formalitet”, raporton gazetari i ABC News, Andon Kello

Shumica e njerëzve mendojnë se një dush i ftohtë do t’i ndihmojë të përballojnë valët gjithnjë e më intensive të të nxehtit, por ekspertët paralajmërojnë se kjo mund të bëjë më shumë dëm sesa dobi. Edhe pse uji i ftohtë mund të ofrojë një ndjesi lehtësimi, trupi mund të mos jetë duke e ulur temperaturën, shpjegon për The Conversation Adam Taylor, profesor i anatomisë në Universitetin e Lancaster në Mbretërinë e Bashkuar.

Të bësh një dush me ujë të ftohtë rrezikon të anashkalosh mekanizmat e brendshëm që i ndihmojnë njerëzit të ftohen. Për shembull, kur nxehemi shumë, truri u thotë enëve të gjakut të zgjerohen dhe të lejojnë më shumë gjak të rrjedhë më afër sipërfaqes, gjë që nga ana tjetër na ftoh. Megjithatë, kur ekspozohemi ndaj të ftohtit, enët e gjakut pranë lëkurës ngushtohen dhe rrjedha e gjakut zvogëlohet.

“Pra, për sa i përket ftohjes së trupit, bërja e një dushi të ftohtë ka efektin e kundërt të asaj që synohet, pasi më pak gjak do të rrjedhë në sipërfaqen e lëkurës. Kjo do ta mbajë nxehtësinë brenda dhe përreth organeve në vend që ta heqë atë”, thekson Taylor.

“Në thelb, po e mashtroni trupin tuaj duke e bërë të mendojë se nuk ka nevojë ta ulë temperaturën, por përkundrazi ta mbajë atë”, shton ai.

Në një rast më ekstrem, mund të shkaktoni pa dashje një reaksion nga shoku i të ftohtit. Kjo mund të nënkuptojë ndryshime dramatike në frymëmarrje, rrahje të zemrës dhe presion të gjakut.

“Bën që enët e gjakut në lëkurë (ato që vijnë në kontakt me ujin e ftohtë) të ngushtohen me shpejtësi dhe të rritet presioni i gjakut, pasi zemra duhet të pompojë gjak me rezistencë më të madhe. Taylor shtoi duke vënë në dukje se kjo mund të jetë veçanërisht e rrezikshme për njerëzit me sëmundje të arteries koronare dhe probleme të tjera shëndetësore të zemrës.

Sigurisht, dushet me ujë të ftohtë kanë përfitimet e tyre. Është treguar se ato forcojnë imunitetin ndaj ftohjes së zakonshme, përmirësojnë qarkullimin e gjakut, zvogëlojnë inflamacionin dhe rrisin metabolizmin. Por ato mund të mos jenë zgjidhja më e mirë për një valë të nxehti.