Month: August 2025

Për herë të parë në histori, dy skuadra shqiptare do të luajnë në fazën e grupeve të një kompeticioni europian.

Kampionia e Kosovës, Drita ka siguruar kualifikimin për në fazën e grupeve të Conference League.

Gjilanasit eliminuan në “play off” skuadrën e Differdange, për të kaluar më tej. Drita bëhet skuadra e dytë nga Kosova, që prek grupet, pas Ballkanit.

Më herët, kualifikimin në grupe të Conference League e ka siguruar edhe Shkëndija e Tetovës. Megjithatë, kuqezinjtë tentuan grupet e Europa League, por u mposhtën në “play off” nga bullgarët e Ludogorets.

Tetovarët fituan 2-1 ndeshjen e parë në shtëpi, por u mposhtën me të njëjtin rezultat në ndeshjen e kthimit, në kohën e rregullt. Në shtesa vendasit shënuan edhe dy herë të tjera, për të kompletuar kualifikimin.

Sinpotikani i njohur grek Sakis Arnaoutoglou paralajmëron për fenomene të ekstreme të motit në orët e ardhshme në disa zona të Shqipërisë perëndimore dhe veriperëndimore.

Arnaoutoglou lajmëron banorët e zonave në fjalë në Shqipëri, por edhe turistët e shumtë, se priten sasi të mëdha shiu gjatë së shtunës, stuhi të forta me vetëtima dhe breshër të fortë, ashtu siç duket dhe në hartën që publikon.

“Nga mesdita e së shtunës dhe më pas shikoni si bëhen të errëta këto zona në Shqipëri prandaj ju që jeni ose do të shkoni në Shqipëri duhet të dini se fenomenet kohore atje do të kenë edhe forcë dhe kohëzgjatje dhe ndoshta do të ketë përmbytje të mëdha. Kujdes të gjithë ju që ndodheni atje”, shprehet ai.

Gjithashtu këto fenomene do të shfaqen edhe në veri të detit Jon edhe në zonat perëndimore të Greqisë në kufij me Shqipërinë, nga Janina e deri në Follorinë. Sinoptikani grek thekson se këto fenomene do te zgjasin nga mesdita e së shtunës do të vazhdojnë gjatë pasdites, në orët e vona të natës , deri të dielën në mesditë. Sipas tij duhet pasur kujdes tek zonat e ulta më të prekshme për përmbytje nga ora dy pas mesdite deri në mbrëmje.

Raportohet se fenomenet do të jenë lokale dhe nuk përjashtohen reshje shiu në Tiranë ose përreth saj, në Durrës, Shëngjin e Shkodër.

Si gjithnjë kujdesi më i mirë gjatë fenomeneve kohore është evitimi i qarkullimit gjatë stuhive dhe kalimi me makinë në rrugët me risk për përmbytje.

Dashi 

Do të ndjeni dëshirën për të rikuperuar kohën dhe terrenin e humbur në raport me partnerin/en. Kërkohen konfirmime por edhe sfida të reja në lidhjen në çift.

Demi

Mëngjesi i kësaj të premteje mund të shënojë një kthesë të bujshme. Venusi do të jetë në favorin tuaj dhe dashuria do të plotësojë tablonë. Kush ka pasur probleme ekonomike, tashmë mund të veprojë me qetësi, por duke u menduar mirë.

Binjakët

Kush është i rënë moralisht, do të përjetojë një ditë disi nervoze. Mirëpo fatmirësisht yjet favorizojnë fundjavën, e cila do të jetë më se e mirë.

Gaforrja

Ka ardhur koha për të vepruar! Mbani larg çdo dyshim, frikë dhe melankoli. Duhet të jeni më të fortë, pasi ky është një moment mjaft vendimtar.

Luani

Për të lindurit e kësaj shenje muaji është mjaft i rëndësishëm. Është një moment vendimtar lidhur me dashurinë dhe sferën profesionale.

Virgjëresha

Venusi do të jetë i favorshëm për të lindurit e kësaj shenje. Do të ketë rikuperim në sferën sentimentale dhe do të rifitoni kohën e humbur, duke dalë të fituar.

Peshorja

Kjo e premte do të jetë shumë më e mirë në raport me ditët e kaluara. Megjithatë duhet të kuptoni se kush është vërtetë nga ana juaj, kë keni armik dhe kush do që t’iu shfrytëzojë vetëm për të përfituar.

Akrepi

Ky është një moment disi i çuditshëm. Pesha e përgjegjësive dhe ndryshimeve po ju streson. Jeni nervoz dhe rrezikoni që të flisni në mënyrë shumë të nxituar, gjë që mund të ketë pasoja.

Shigjetari

Kjo periudhë është e mbushur me pasion. Por në raportin në çift, ka nevojë për të qenë më të kujdesshëm pasi rrezikoni të kaloni në mërzi, ose më keq akoma në ndjenjë faji.

Bricjapi

Do të ndiheni në kundërshti me veten, ndaj ka nevojë për të bërë qartësi, shkruan noa.al. Megjithatë Saturni do të sjellë zhvillime pozitive, të cilat do e ndryshojnë ditën tuaj.

Ujori

Intuita do të jetë mjaft e mirë gjatë kësaj të premteje, ku do të keni mbështetjen e të lindurve të shenjës së bricjapit, dashit dhe binjakëve. Mirëpo duhet të tregoheni shumë të kujdesshëm lidhur me shpenzimet e tepërta.

Peshqit

Është momenti që të viheni në kërkim të më shumë qetësie. Në punë duhet të merrni më shumë kohë dhe duhet të reflektoni para se të flisni.

Lim Hoti dhe Alba ishin pa dyshim një nga çiftet më të komentuar të reality show-t FermaVIP 2, ku lidhja e tyre krijoi polemika brenda fermës dhe shkaktoi shumë reagime në publik.

Pas daljes nga ferma, Alba dhe Limi njoftuan se kanë nisur bashkëjetesën në shtëpinë e këngëtarit, por shumë shpejt pas këtij lajmi njoftuan ndarjen.

Por së fundmi, dyshimet për një ribashkim janë rikthyer fuqishëm, pasi Alba ka publikuar disa pamje në rrjetet sociale, ku ndjekësit e vëmendshëm kanë vënë re detaje që përputhen me ambientet e shtëpisë së Limit.

Ky detaj nuk i ka shpëtuar fansave të çiftit, të cilët janë të bindur se dyshja mund të jetë rikthyer sërish bashkë. Deri tani nuk ka asnjë konfirmim zyrtar nga ana e tyre, por mbetet për t’u parë nëse do të kemi një deklaratë publike apo një dalje të përbashkët që do të zbulojë të vërtetën.

Rina Zaiti ka postuar një video në TikTok, ku shfaqet duke bërë një përshkrim të gjatë mbi tiparet që kërkon tek një partner ideal.

“Do të rri single derisa të gjej një burrë që nuk ndikohet nga shokët e tij, apo nga rrjetet sociale.

Është gazmor dhe i pëlqen të më dëgjojë të flas 24/7. E bën familjen time, familjen e tij. Pak xheloz, më respekton dhe gjithmonë është i sinqertë me mua.”

Me këtë koment, ajo tregon se është single, e se raporti i saj me Ledri Vulën ka marrë fund.

Ndjekësit nuk vonuan ta interpretonin këtë si një “kunjë” të drejtpërdrejtë ndaj ish-partnerit të saj.

Komentet shpërthyen me humor, ku njëri prej tyre shkruante: “Dmth kokan qel zyrtarisht aplikimet”, ndërsa një tjetër theksonte: “Rina woke up and chose violence.”

Vetë Rina i mori me sportivitet reagimet, duke kthyer përgjigje plot humor dhe duke lënë të kuptohet se nuk i shmanget aspak aludimeve.

Kjo lëvizje e saj vjen në një moment kur Ledri është përfolur gjerësisht për jetën e tij private pas ndarjes, duke i dhënë edhe më shumë peshë spekulimeve se postimi i Rinës mund të jetë një mesazh i koduar për reperin.

Kujtojmë se Ledri Vula përflitet për një romancë me këngëtaren e njohur Xhensila Myrtezaj, fotot janë shfaqur të të dyve, por ende asnjëri nuk ka konfirmuar asgjë.

Galeria fotografike (

1 / 3

)

Skemat piramidale online nuk janë shfaqur tani, ato kanë tre vite që operojnë në Shqipëri.

Këto platforma janë bërë aq shumë të besueshme sa vetëm gjatë muajit gusht, grupi TXEX ALBANIA ka grumbulluar nga qytetarët shqiptarë afërsisht 20 milionë dollarë, dhe këtë denoncim e bën eksperti i IT-së, Gent Progni, i cili ka zbuluar portofolin e tyre.

“Nga investigimi im, drejtuesi i kësaj platforme nuk është shqiptar. E njëjta platformë ka funksionuar edhe në shtete të tjera, në Bullgari dhe vende të BE-së, por në Shqipëri është për t’u shqetësuar pasi sasia e njerëzve është tepër e lartë, ku shkon diku te 10.000 persona, dhe nga investigimi im portofoli i kësaj platforme kishte diku te 20 milionë dollarë vetëm gjatë muajit gusht, dhe 80% e tyre janë hedhur nga shqiptarët”, shprehet Progni.

Por kjo nuk është platforma e vetme në Shqipëri. Monetarisht janë edhe 6 të tjera që po mundohen të joshin shqiptarët duke u premtuar dyfishimin e parave të hedhura, por me një kusht: çdo depozitë nuk është më e vogël se 1000 euro. Por që këto para t’i tërheqësh, mashtruesit vendosin një tjetër detyrim – të shtosh në grup pesë anëtarë të rinj.

E më pas, për të rritur besueshmërinë, të japin mundësinë të tërheqësh paratë. Dhe lokacionet nuk mungojnë – burime për Top Channel bëjnë me dije se në qytetin e Lushnjës, paratë e skemës piramidale qarkullojnë në një bar-kafe.

“Për tërheqjen e saj ka dy mënyra: të thonë shko në Kosovë, pasi atje mund t’i drejtohesh ‘exchange’, ose do pika fizike në Lezhë, Lushnjë, Rrogozhinë dhe Kavajë, ku i merr paratë cash, në dorë. Ka një problem – në varësi të user-ëve që shtohen ke dhe mundësi t’i tërheqësh. Pra kjo është piramida, ku sa më shumë veta të futen, disa kanë mundësi t’i tërheqin. Kjo është joshja që bëhet”, shton Progni.

Skema e mashtrimit pranohet edhe nga vetë AKSK dhe nga Policia e Shtetit, ku në një reagim zyrtar kjo e fundit thotë se është nisur një hetim penal mbi platformat që të ofrojnë para pa punuar.

Gent Progni thotë: “Ligjërisht, shteti ynë ka të drejtë t’u kërkojë kompanive bllokimin e portofoleve, pasi nëse bëhet kjo, është dhe mundësia për t’i kthyer paratë – ku gjendet edhe IP-ja, telefoni. Ajo që më shqetëson mua është që ne kemi një institucion për krimin kibernetik që quhet AKSK, dhe duhet ta kishte vënë re këtë gjë shumë kohë më parë.”

Edhe pse tashmë kjo skemë është bërë publike, ata vazhdojnë punën e tyre, duke u kërkuar qytetarëve shqiptarë 400 dollarë për të siguruar llogarinë e tyre – në të kundërt, nuk lejohet asnjë tërheqje./TCH

Një burrë nga Wisconsini, i cili u shtir se ishte mbytur ndërsa bënte kajak dhe la gruan dhe tre fëmijët e tij për të takuar një grua tjetwr në Gorgia, u dënua të martën për pengim të një oficeri policie dhe u dënua me 89 ditë burg – koha që ai me sukses i mashtroi forcat e ligjit në lidhje me vendndodhjen e tij.

Dënimi i dhënë Ryan Borgwardt ishte pothuajse dyfishi i dënimit të rekomanduar sipas një marrëveshjeje për pranimin e fajësisë të arritur me prokurorët.

Borgwardt, 45 vjeç, fillimisht u deklarua i pafajshëm për kundërvajtjen që rrjedhi nga arratisja e tij e ndërlikuar nga vendi gushtin e kaluar. Por sipas marrëveshjes së pranimit të fajësisë të zbuluar të martën, Borgwardt e ndryshoi pranimin e fajësisë në pa kundërshtim dhe pranoi të paguante 30 mijw dollarë dëmshpërblim për zbatimin e ligjit për të mbuluar shpenzimet e shpenzuara për gjetjen e tij. Një pranim pa kundërshtim nuk është një pranim faji, por trajtohet si i tillë për qëllimet e dënimit.

“Më vjen thellësisht keq për veprimet që bëra atë natë dhe për të gjithë dhimbjen që u shkaktova familjes dhe miqve të mi”, tha Borgwardt në gjykatë para se të dënohej.

Prokurorët i kërkuan gjykatësit të qarkut ta dënonte Borgwardt me vetëm 45 ditë burg. Por gjykatësi pothuajse e dyfishoi dënimin, duke e dënuar me 89 ditë – i njëjti numër ditësh që nga koha kur u shpall i zhdukur deri kur departamenti i sherifit kontaktoi me të jashtë shtetit, tha gjykatësi.

Kolsum Akbari, një 56-vjeçare, akuzohet për helmimin dhe vrasjen e 11 bashkëshortëve gjatë 22 viteve, por ajo thotë se mund të ketë vrarë më shumë.

Ajo martohej me burra të moshuar, i helmonte me ilaçe dhe alkool industrial, dhe më pas trashëgonte pasuritë e tyre.

Vdekjet e burrave të saj nuk ngritën dyshime fillimisht, pasi ato shpesh ndodhnin për shkak të moshës dhe sëmundjeve.

Akbari ka vepruar në disa qytete për të shmangur hetimet. Vrasjet filluan në vitin 2000 dhe u zbuluan më vonë, kur djali i viktimës së fundit dyshoi.

Ajo pranoi vrasjet, por vazhdon të japë deklarata kontradiktore për numrin e viktimave.

Aktualisht, ajo është nën akuzë për vrasje me paramendim dhe mund të përballet me dënimin me vdekje. Gjykata pritet të japë vendimin pas dëgjimit të paditësve.

Ledion Liço do të moderojë sërish Big Brother VIP Albania, duke hyrë kështu në sezonin e tij të tretë si drejtues i spektaklit më të ndjekur televiziv në vend.

Lajmi u konfirmua në fund të promos së publikuar sot nga Top Channel, duke i dhënë fund thashethemeve për moderuesin e këtij sezoni.

Edhe këtë vit, si çdo sezon tjetër, janë përfolur disa emra të tjerë, përfshirë edhe atë të Arbana Osmanit, por Top Channel ka bërë të qartë se Ledioni do të mbetet në krye të formatit.

Për momentin nuk është zbuluar ende data e nisjes së sezonit të ri, por pritshmëritë janë të larta si për surprizat brenda shtëpisë së famshme, ashtu edhe për personazhët që do të bëhen pjesë e spektaklit.

Një tragjedi u shmang në minutën e fundit në një hotel në Heraklion të Kretës, pasi një shqiptare, nënë e dy fëmijëve të mitur u përpoq të binte nga ballkoni i dhomës së hotelit ku po qëndronte

Heraklion – Grua shqiptare kërcënoi të hidhej nga hoteli, shpëton në momentet e fundit. Një ngjarje e rëndë u regjistrua mesditën e djeshme në Heraklion, ku një grua 37-vjeçare nga Shqipëria, nënë e dy fëmijëve, kërcënoi se do të hidhej nga ballkoni i dhomës së hotelit ku qëndronte, në katin e dytë.

Ajo u gjet në gjendje të rënduar psikologjike dhe alarmoi autoritetet, të cilat ndërhynë menjëherë duke e parandaluar tragjedinë.

Fatmirësisht, situata u vu nën kontroll dhe gruas iu dha ndihma e parë.

Sipas informacioneve nga Patris, britmat e dy fëmijëve të mitur ishin ato që zgjuan banorët e hotelit. Dy fëmijë të vegjël, 6 dhe 14 vjeç, po përpiqeshin ta bindnin nënën e tyre të mos binte nga ballkoni i dhomës, ndërsa në përpjekje e tërhiqnin nga rrobat për ta futur më brenda.

Për fat të mirë, në katet e tjera jetonin praktikantë policie të cilët informuan Qendrën e Reagimit ndaj Emergjencave dhe, me ndihmën e kolegëve të tyre, arritën ta parandalonin tragjedinë.

Gruaja erdhi në Heraklion me dy fëmijët e saj të mitur për të kaluar disa ditë me bashkëshortin e saj, i cili aktualisht punon në Heraklion.

Gruaja thuhet se kishte konsumuar alkool. Policia e çoi atë në Klinikën Psikiatrike të spitalit PAGNI për trajtim dhe kujdes të specializuar. /noa.al