Month: September 2025

Duke shkuar për në Sarandë rrugës takuam një çoban. Besim Hysenbelliu, së bashku me djalin e tij dhe 800 dhentë është duke shkuar nga Skrapari në Livadhia të Sarandës.

Ka 7 ditë që ecën në këmbë dhe thotë se i duhen edhe 2 të tjera për të mbërritur pranë familjes.

Besimi thotë se kopeja e deleve e ka bërë milioner, vetëm në 6 mujorin e fundit ka fituar 65 milion lekë të reja.

Të jesh çoban në ditët e sotme sipas Besimit e ka një kosto, pasi djali i tij ka mbetur beqar, pasi vajzat sipas tij duan të jetojnë më Tiranë.

Pavarësisht vuajtjeve një gjë është e sigurt nga njerëz si Besimi, konsumatori ynë mund të ushqehet të shëndetshëm.

Një kontroll i papritur në zyrat e shërbimit civil nga sunduesi i Dubait rezultoi në atë që për sheikun Mohammed konsiderohej pamje e papranueshme dhe tepër shqetësuese.

Arsyeja është se ai u gjend përpara tryezave të boshatisura, të cilat normalisht duhej të ishin të zëna nga zyrtarë të niveleve të larta madje.

Ishte ditë e diel kur sheiku e kishte nisur turin e tij të papritur që prej orës 7 e 30 të mëngjesit duke pritur padyshim që të shihte zyrtarët më të lartë të ishin në punë në atë orar.

Por në fakt ndodhi e kundërta, sundimtari i Dubait është i vetmi person i pranishëm në njërën prej këtyre zyrave.

Normalisht ju do të pyesni se çfarë ndodhi më tej?
Plot 9 zyrtarë të lartë të Bashkisë së Dubait janë urdhëruar të japin dorëheqjen si pasojë e vizitës së papritur të sheikut.

Edhe pse asnjë prej “bosave” të shërbimit civil të shkarkuar nuk është identifikuar, Mona al­Marri, drejtor i përgjithshëm i

“Dubai Media Office” tha për gazetën “The National” se vendimmarrësi më i lartë i vendit “dëshironte të jepte një mesazh të qartë”.

“Rregullat vendosen për t’u respektuar dhe këtë duhet ta nisim me ata që janë lart fillimisht. Nuk mund të shkojmë e të ndjekim punonjësit, nëse drejtuesit e tyre janë të parët që mungojnë në punë dhe nuk respektojnë rregulloren”, ka thënë Al­Marri.

 SHIKO VIDEON

Ju ka ndodhur shpesh të mendoni se dikush po ju përgjon me anë të telefonit tuaj?

E nëse kjo është e vërtetë ka një mënyrë që të mos ta keni më këtë shqetësim, mjafton të ndiqni hapat në vijim, transmeton udhëzimin Shqip.

1. Shtypeni kodin *#06# në aplikimin për të bërë thirrje, pas së cilës do të shfaqet kodi IMEI

2. Pastaj në Settings, gjeni opsionin që përmban informacionet në lidhje me telefonin.

Për pajisje Android, ky opsion është në parametrat (Settings), nën “About device” (Rreth pajisjes) në të cilën ekzistoni opsioni “Status”.

Aty do të jenë të shënuar informacione të rëndësishme në lidhje me telefonin tuaj, duke përfshirë edhe kodin IMEI.

Nëse dy shifrat e fundit janë të njëjta si në kodin e mëparshëm, kjo do të thotë se ju, gjegjësisht telefoni juaj nuk është duke u përgjuar.

Nga ana tjetër, në qoftë se numrat tuaj ndryshojnë, kjo do të thotë që keni qenë apo edhe jeni nën vëzhgim të dikujt.

Në telefonat iPhone kodi IMEI është i vendosur nën “About” në rregullimet e përgjithshme.

Nëse telefoni juaj refuzon t’i përgjigjet këtyre hapave atëherë ju jeni përgjuar.

Nga Paolo Fox

DASHI

Kjo javë fillon me një bum: jeni të etur për të përfunduar gjërat, për të ndryshuar, për t’u përfshirë. Në punë, ka lajme që mund të nxisin një situatë të ngecur prej kohësh, por kini kujdes nga impulsiviteti: nëse vendosni shumë shpejt, rrezikoni të nxitoheni në diçka për të cilën nuk jeni vërtet të sigurt. Në dashuri, dëshironi qartësi dhe kjo është koha e duhur për të pasur një bisedë të sinqertë.

DEMI

Sipas horoskopit të Paolo Fox (e shtunë, 27 shtator 2025), ju pret një periudhë stabiliteti: yjet ju mbështesin në vendime praktike, perfekte për zgjidhjen e çështjeve financiare ose burokratike. Në punë, mund të vendosni themele të forta për projekte afatgjata, por shmangni mbajtjen me kokëfortësi të pozicioneve të vjetruara: një kompromis i vogël mund të sjellë përfitime të mëdha. Në dashuri, disa tensione të përkohshme: nuk duhet shumë për të sqaruar gjërat. Kjo është fundjava ideale për t’i kushtuar kohë vetes dhe për të rimbushur bateritë.

BINJAKËT

Kjo javë është e mbushur me emocione: telefonata, takime, ide të reja. Mendja juaj është tepër e shpejtë, por rrezikoni të bëni shumë gjëra në të njëjtën kohë. Vendosni prioritetet tuaja të sakta: përqendrohuni në atë që ka vërtet rëndësi. Dashuria është në qendër të vëmendjes, veçanërisht për ata që duan të flirtojnë ose të takojnë dikë të ri. Çiftet po përjetojnë një moment lidhjeje, por vetëm nëse shmangin debatet e panevojshme.

GAFORRJA

Po rifitoni vrullin pas një periudhe lodhjeje. Yjet po ju dhurojnë energji dhe vendosmëri: është koha e duhur për të guxuar më shumë, veçanërisht nëse keni në mendje një projekt ambicioz. Mundësi të paharrueshme ju presin në punë, por nevojitet diplomaci me kolegët dhe eprorët. Pasioni kthehet në dashuri: beqarët janë të favorizuar dhe marrëdhëniet e reja mund të kenë një fillim emocionues.

LUANI

Sipas horoskopit të Paolo Fox (e shtunë, 27 shtator 2025), kjo është një kohë vetëanalize: ndjeni nevojën për të kuptuar se çfarë dëshironi vërtet, veçanërisht në marrëdhëniet tuaja më të ngushta. Në punë, do të merrni konfirmimin e shumëpritur, por për të arritur më shumë, do të duhet të jeni të hapur ndaj një ndryshimi qasjeje. Në dashuri, mund t’ju duhet të përballeni me një sqarim të rëndësishëm: merreni ngadalë, pasi sjell rritje dhe qetësi. Është një fundjavë e përsosur për të kaluar kohë me të dashurit tuaj dhe për t’u ndjerë të sigurt.

VIRGJËRESHA

Këto janë ditë reflektimi dhe riorganizimi: ndjeni nevojën për t’u organizuar, planifikuar dhe për të kuptuar se ku po shkoni. Në punë, kini kujdes nga shpërqendrimet, por është një kohë e mirë për të finalizuar marrëveshjet ose për të mbyllur negociatat. Në dashuri, nevojitet më shumë durim: mos prisni përgjigje të menjëhershme, por dëgjoni më shumë ata përreth jush.

PESHORJA

Më në fund pak qetësi: tensionet e javëve të fundit po lehtësohen dhe ju mund të merrni frymë. Në punë, mbërrin konfirmimi, ndoshta një propozim interesant: mos kini frikë të thoni mendimin tuaj. Në dashuri, kjo është një kohë pozitive për çiftet, por edhe beqarët mund të bëjnë takime të veçanta.

AKREPI

Sipas horoskopit të Paolo Fox (e shtunë, 27 shtator 2025), emocionet janë intensive: mund të bini përsëri në dashuri ose të rizbuloni pasionin në një marrëdhënie që dukej se ishte zbehur. Në punë, kini kujdes nga debatet e nxehta: përdorni intuitën tuaj për të kuptuar se kush është vërtet në anën tuaj. Kjo është koha ideale për të bërë zgjedhje të guximshme dhe për të ecur përpara nëse diçka nuk po funksionon.

SHIGJETARI

Dëshira për ndryshim është e fortë: udhëtime të reja, kontakte të reja, ide të reja. Në punë, mund të vijë një propozim që do t’ju vërë në lëvizje, por merrni në konsideratë detajet me kujdes. Në dashuri, kthehet lehtësia: flirtimi dhe njohjet e reja favorizohen, veçanërisht nëse i lini pas mëritë e vjetra.

BRICJAPI

Kjo është një kohë përgjegjësie, por edhe kënaqësie të madhe. Mund të arrini rezultate të rëndësishme nëse qëndroni të përqendruar. Në punë, nevojitet qëndrueshmëri, por shpërblimet do të vijnë. Në dashuri, më pak ngurtësi: nëse e ulni vigjilencën, mund të përjetoni emocione intensive. Kjo fundjavë është ideale për një moment romantik.

UJORI

Sipas horoskopit të Paolo Fox (e shtunë, 27 shtator 2025), kreativiteti është në kulmin e tij: ide të reja, projekte të reja, dëshirë për të eksperimentuar. Në punë, megjithatë, duhet të jeni më konkretë: mos e lini gjithçka përgjysmë. Në dashuri, ka lajme për beqarët: dikush mund t’ju godasë papritur. Çiftet duhet të gjejnë një ekuilibër të ri midis lirisë personale dhe jetës së përbashkët.

PESHQIT

Është një javë emocionale, por pozitive: ndiheni më të frymëzuar dhe të hapur. Në punë, vijnë njohuri që mund t’ju ndihmojnë të zgjidhni një problem kompleks. Në dashuri, ëmbëlsia kthehet: nëse ka pasur një grindje, tani është koha për të bërë paqe. Një fundjavë perfekte për të përkëdhelur veten dhe për të ndjekur pasionet tuaja krijuese.

Publikohet fotoja e çiftit që transportonin lëndën narkotike nga Sukthi në Tiranë.

Xhoi Zina dhe Anxhelina Koçi, të fejuar, dyshohet se me një automjet tip “Toyota Yaris” kanë marrë një sasi droge nga Sukthi dhe e kanë transportuar në Tiranë.

Ata e kanë fshehur në një magazinë pranë Tufinës, e cila është në pronësi të Redion Kuqit, i cili është i përfshirë në këtë veprimtari kriminale.

Erdi Gjiriti kishte rolin e rojës së magazinës, për të mos u vjedhur malli. Ai gjithashtu shoqëronte çiftin e të fejuarve kur transportonin drogën nga Sukthi në Tiranë.

Ardit Çitaku, në momentin e operacionit të Komisariatit nr. 4, ka qenë i pranishëm në magazinë, ku i janë sekuestruar disa doza kokaine.

VIDEO

Një ngjarje tronditëse ka ndodhur në Francë, ku një pacient 77-vjeçar është viktimë e një gabimi të rëndë mjekësor, pasi mjekët i kanë hequr gabimisht veshkën e shëndetshme, duke e lënë atë me një veshkë të vetme e cila fatkeqësisht është e sëmurë.

Rasti ka ndodhur në muajin korrik të këtij viti në Spitalin Universitar Henri Mondor në Créteil, një periferi e Parisit. Burri, emri i të cilit nuk është bërë publik, po i nënshtrohej një operacioni për heqjen e veshkës së prekur nga kanceri një procedurë e njohur si nefrektomi.

Sipas raportimit të Radio France, gabimi ka ndodhur pavarësisht se pacienti kishte kaluar me sukses të gjitha kontrollet paraprake të sigurisë, përfshirë listën e kontrollit që verifikon anën e trupit për ndërhyrje. Zbulimi i gabimit ndodhi vetëm pasi pacienti u zgjua nga narkoza.

Ndërsa jeta e të moshuarit aktualisht nuk është në rrezik të menjëhershëm, ai tani përballet me pasoja serioze, pasi i duhet të jetojë me një veshkë të vetme që është tashmë e sëmurë. Prognoza e tij është shumë më e keqe krahasuar me rastet normale të kancerit në veshkë, ku heqja e veshkës së prekur mund të japë një shkallë mbijetese pesëvjeçare mbi 90%.

Ky nuk është rasti i vetëm i tillë. Më herët këtë vit në SHBA, një grua 84-vjeçare, Wendy Rappaport, iu nënshtrua një operacioni në një spital të Minesotës, ku gabimisht iu hoq një veshkë e shëndetshme në vend të shpretkës. Si pasojë, ajo tani është e detyruar të bëjë dializë dhe është diagnostikuar me stadin më të avancuar të sëmundjes së veshkave.

Deputeti Klevis Balliu pranon hapur sfidën për të qenë kandidati i PD-së dhe opozitës përballë socialistes Ogerta Manastirliu.

Pas refuzimit të Jorida Tabakut dhe Ilir Alimehmetit për Bashkinë e Tiranës, deputeti demokrat vetëofrohet si kandidat

“Nuk kam marrë propozim konkret, por nëse e shohin të arsyeshme unë jam gati. Nuk ka të bëjë me Ogertën, nuk është me të përballja, por me sistemin. Përballja është me sistemin”, tha Balliu për “News 24”.

Kurse i pyetur për shkarkimin e kryebashkiakut Erion Veliaj nga Këshilli Bashkiak dhe Këshilli i Ministrave, ai e miratoi, duke shtuar se duhet të ishte bërë më herët.

“Mirë bëri që e shkarkoi Erion Veliajn qeveria. Ne bëmë 46 protesta kundër tij, madje u shkatërroi shtëpitë qytetarëve në Unazë apo te 5 Maji dhe ngazëllehej.

Ne e propozuam për shkarkim si opozitë, pse nuk e firmoste Rama? Sepse ishin në marrëveshje me tyre. Rama priste të jepte dorëheqjen, Veliaj nuk e dha dorëheqjen dhe ky e bëri nëpërmjet Këshillit Bashkiak”, tha Balliu.

Balliu nënvizoi se mazhoranca ka zgjedhur të përfaqësohet në Parlament me njerëz të krimit dhe korrupsionit, kurse fushatën në Tiranë ia kishte lënë në dorë një ministreje hajdute si Belinda Balluku, e cila sipas tij, e vetmja meritë që ka është të vjedhë dhe abuzojë.

Kartelet shqiptare në Amerikën Latine kanë marrë vëmendjen e botës në Organizatën e Kombeve të Bashkuara. Ka qenë Ministrja e Punëve të Jashtme të Ekuadorit, Gabriela Sommerfeld e cila i ka përmendur me emër kartelet shqiptare bashke me ato meksikane ‘Sinaloa’ dhe ‘Jalisco Nueva Generación’

Mediat e huaja shkruajnë se Sommerfeld bëri thirrje për reformë të sistemit shumëpalësh për të adresuar sfidat reale me të cilat përballen vendet në zhvillim, veçanërisht kërcënimin e krimit të organizuar transnacional si një rrezik për paqen dhe sigurinë ndërkombëtare .

“Multilateralizmi duhet të evoluojë për t’iu përgjigjur kërkesave aktuale të njerëzve dhe për t’u përballur me kërcënimet e reja”, tha Sommerfeld, i cili përfaqësoi Presidentin Daniel Noboa në Asamblenë e Përgjithshme të Kombeve të Bashkuara.

Sommerfeld argumentoi se: Koncepti i paqes dhe sigurisë ndërkombëtare duhet të zgjerohet për të përfshirë krimin e organizuar transnacional , një fenomen që minon qeverisjen, nxit korrupsionin, përjetëson dhunën dhe gërryen perspektivat për progres.

“Këto organizata shkaktojnë pasoja ekonomike, politike dhe sociale të ngjashme me ato të konflikteve të armatosura ndërkombëtare. Nuk po flasim për bandat lokale, por përkundrazi për rrjetet dhe zinxhirët logjistikë ndërkombëtarë që lëvizin mijëra ton drogë, shfrytëzojnë minierat ilegale, trafikojnë armë, njerëz dhe madje edhe organe njerëzore”, denoncoi ajo nga Nju Jorku.

Sommerfeld theksoi se Presidenti Noboa e shpalli Ekuadorin një “konflikt të armatosur jo-ndërkombëtar” në fillim të vitit 2024, me qëllim frenimin e përshkallëzimit të paparë të dhunës së lidhur me krimin e organizuar. Ky vendim çoi në klasifikimin e bandave kriminale si grupe terroriste, duke përfshirë organizatat e lidhura me kartelet meksikane Sinaloa dhe Jalisco Nueva Generación dhe mafian shqiptare në Evropë.

“Pa e kërkuar, për shkak të afërsisë me vendet kryesore prodhuese të kokainës në botë, Ekuadori është në vijën e parë të betejës kundër krimit të organizuar transnacional dhe po zhvillon një luftë ekzistenciale kundër narkoterrorizmit “, tha zyrtarja.

Ministrja deklaroi gjithashtu se vendi ka bërë përpjekje dhe burime të jashtëzakonshme për të mbrojtur sigurinë dhe për t’i vënë qytetarët në vend të parë, duke arritur një rekord prej 294 tonësh konfiskimesh droge në vitin 2023.

Sommerfeld përmendi gjithashtu referendumin e promovuar nga kreu i shtetit për të reformuar Kushtetutën, i cili përfshin mundësinë e lejimit të krijimit të bazave ushtarake të huaja.

“Reforma do t’u lejojë vendeve të tjera të ofrojnë pika strategjike që mund të përdoren për të kontrolluar dhe monitoruar aktivitetet kriminale në dobi të paqes dhe sigurisë ndërkombëtare,” tha ajo.

Ajo u prit në sallat e OKB-së nga Sekretari i Përgjithshëm i Kombeve të Bashkuara, António Guterres dhe më pas zhvilloi takime me përfaqësues të Paraguait, bllokut evropian, dhe mori pjesë në takimin e SHBA-së të quajtur “Shpërbërja e Organizatave Kriminale Transnacionale në Hemisferën Perëndimore”.

Pikërisht në ditën kur u bë e ditur se Departamenti i Drejtësisë ka udhëzuar prokurorët në mbarë Amerikën që të hetojnë rrjetin e miliarderit George Soros, vjen edhe një goditje tjetër e fortë. Presidenti Donald Trump firmosi një memorandum për të goditur dhe shkatërruar organizatat e të majtës ekstreme. Trump deklaroi se Soros është një nga emrat që do të hetohet

Presidenti Donald Trump nënshkroi një memorandum që mobilizon organet federale të zbatimit të ligjit për të hetuar “terrorizmin e brendshëm dhe dhunën politike të organizuar”.

“Kjo është hera e parë në historinë amerikane që ekziston një përpjekje për të shkatërruar terrorizmin e majtë,” tha Zëvendës Kreu i Shtabit të Shtëpisë së Bardhë, Stephen Miller, gjatë një eventi më 25 shtator në Shtëpinë e Bardhë.

Drejtori i FBI-së, Kash Patel, tha se organet e zbatimit të ligjit do të përqendrohen tek ata që financojnë këto grupe, duke shtuar: “Ne do t’i ndjekim siç duhet, si terroristë të brendshëm që janë”.

Memorandumi udhëzon Forcën Kombëtare të Përbashkët Kundër Terrorizmit, e cila është pjesë e FBI-së, të “koordinojë dhe mbikëqyrë një strategji kombëtare gjithëpërfshirëse për të hetuar, ndjekur penalisht dhe çaktivizuar entitete dhe individë që kryejnë akte dhune politike dhe intimidimi”.

Ai thekson gjithashtu se Forca Kundër Terrorizmit duhet të hetojë “financuesit institucionalë dhe individë, si dhe zyrtarët dhe punonjësit e organizatave” që “ndihmojnë dhe mbështesin” grupet e synuara.

Departamenti i Thesarit, Shërbimi i Brendshëm i të Ardhurave dhe agjenci të tjera federale të zbatimit të ligjit gjithashtu do të marrin pjesë në hetime, ndërsa Prokurorja e Përgjithshme, Pam Bondi, është udhëzuar të paraqesë një listë grupesh për t’u klasifikuar si organizata terroriste të brendshme.

Duke nënshkruar memorandumin, Trump përmendi dy donatorë kryesorë liberalë që mund të vihen nën hetim, George Soros dhe Reid Hoffman. Soros është një “kandidat i mundshëm” për hetim, tha Trump. “Mund të jenë shumë njerëz,” shtoi ai, duke paralajmëruar: “Nëse ata financojnë këto gjëra, do të kenë disa probleme, sepse janë agjitatorë dhe anarkistë”.

Rreth 20 persona të maskuar hynë me forcë në argjendarinë Heller Jewelers në San Ramon, duke thyer vitrinat e xhamit dhe duke marrë bizhuteri me vlerë të përafërt prej 1 milion dollarësh. Lajmi u konfirmua nga një njoftim për shtyp i Policisë së San Ramon.

Pamjet e kamerave të sigurisë së dyqanit kapën momentet dramatike të grabitjes. Sipas policisë, disa prej autorëve ishin të armatosur dhe të paktën njëri prej tyre qëlloi me armë zjarri drejt hyrjes kryesore të dyqanit. Fatmirësisht, nuk pati të lënduar.

Një tjetër video e publikuar nga policia tregon grabitësit teksa vraponin drejt makinave të parkuara pranë argjendarisë për t’u larguar me shpejtësi nga vendngjarja. Forcat policore ndoqën disa prej mjeteve, por për shkak të rrezikut për qytetarët, ndjekja u ndërpre. Deri tani disa prej të dyshuarve janë arrestuar, ndërsa hetimet e plota për identifikimin e autorëve të tjerë vijojnë.

Pas ngjarjes, Heller Jewelers publikoi një reagim në rrjetet sociale, duke falënderuar komunitetin për mbështetjen. “Jemi thellësisht mirënjohës që askush nuk u lëndua. Kjo është gjëja më e rëndësishme”, thuhej në mesazhin e kompanisë.