Month: September 2025

Prej shtatë vitesh, në fshatin Vllahinë të Vlorës jeton e punon Michele Ricci, një fermer italian i martuar me shqiptare. Ai investoi në Vllahine me shpresën për një të ardhme më të mirë por dy vitet e fundit nuk perfiton naften falas, duke vene ne veshtiresi aktivitetin e tij bujqesor.

“Deri 2 vite më parë kam marrë naftën. Vitin e kaluar ma dogjën kërkesën sepse AZHBR vlerësoi se dokumentet e bashkisë nuk ishin të vërteta por false dhe kështu më refuzuan kërkesën. Këtë vit po pres ende dokumentet, por ligji është njësoj. Shpresojmë për mirë, sepse në të kundërt duhet të largohem. Nuk kemi as shitje per prodhimin. Gruri dhe të gjitha produktet që kemi bërë i kemi ende ne magazina”, u shpreh Michele Ricci për Report TV.

Më tej, Ricci thotë se tashmë është i detyruar të ulë sipërfaqen e punuar me 70%, sepse nuk perballon dot koston.

“Unë kam marrë rreth 200 hektarë tokë me qira që e punoj dhe më duhet të zvogëloj sipërfaqen me 70 përqind sepse nuk ia dal dot me shpenzimet”.

Agjencia për Zhvillim Bujqësor dhe Rural ben te ditur për Report TV se ka refuzuar aplikimin e fermerit italian, duke listuar dhjetëra mangësi në dosje: Si mungesë kartash identiteti të qiradhënësve të tokes dhe kontrata të paplota me ta. Në dokument theksohet se problemi kryesor eshte se “per te njejten siperfaqe toke, ne 3 raste, eshte aplikur si nga Michele Ricci ashtu dhe nga pronaret e tokes”.

Ndersa fermeri pretendon se ka paguar taksen e tokës, ndaj duhet te jete perfitues i subvencionit.

“Jo te gjithë paguajne taksen e tokes. I kerkova nje liste komunes te personave qe nuk paguajne taksen por nuk mu dha. Une kam 3 vjet qe paguaj taksat e tokes sepse nuk mund te marresh dokumentet e vulosura pa to. Kete vit prita, bera nje paradhenie dhe nese do te me jepnin subvencione do paguaja edhe pjesen tjeter.

Vitin e kaluar paguajta 2.5 milion leke dhe nuk mora mbrapsht asnje qindarka. Kete vit dhashe parapagim 300 mije leke por ne baze te dokumenteve une me kaq pagese nuk mund te marre subvencion per naften”, shton më tej fermeri italian.

Nëse nuk gjendet një zgjidhje, Michele Ricci paralajmëron se do të mbyllë aktivitetin bujqësor e tregtar dhe do të largohet drejt vendit te tij, duke theksuar se s’mund t’u beje ballë burokracive në Shqiperi.

Gazetari shqiptar që jeton e punon në Francë, Genc Burimi ka komentuar thirrjen e Altin Dumanit në Departamentin e Shtetit, në takim me shefi i Byrosë për Europën dhe EuroAzinë, Brendan P. Hanrahan. Gjatë një interveste per nje emision televiziv, Burimi është shprehur se, thirrja e Dumanit ka të bëjë me dosjet e Sorosit, McGonigalit dhe zgjedhjet e 11 majit.

‘Për mua ishte çështje kohe që Trump të merrej me Shqipërinë. Kam qenë nga të parët që habitesha në fushatë se si, Chris LaCivita nuk godiste me emër dhe mbiemër Altin Dumani.

Shumë thonin se, s’ka të drejtë, ç’punë ka me drejtësinë. Po ku pyet Trumpi për drejtësinë e një vendi, nëse ja ka ngulur gozhdë vetes që me atë vend do të mbarojë punë. Ja ku ndodhi sot. Po e thërrasin si Çeço, si fëmijë të vogël dhe po e thërret një shef Byroje në orën 10 të darkës.

Tani ka shumë tema, kjo e Sorosit, që të gjitha bateritë e Trump janë kundër këtij personazhi në Amerikë, po i marrin dhe prokurorët, pra është tema e Soros.

Është tema e McGonigal, që nuk është larg me Sorosin.

Ke temën e zgjedhjeve në Shqipëri. Janë zgjedhjet, me dy nëntema që sot bën presion shtypi i majtë që Berisha të tregojë kontratën me LaCivitën. Harrojnë këta që LaCivita ishte ai që bëri fushatën e Trump.

Po ashtu vjedhja e zgjedhjeve. Si mbake zgjedhjet ti dhe ti si SPAK, nuk pate asgjë për të thënë?

Ke po ashtu dhe temën e zgjedhjes së kreut të ri të SPAK në fund të vitit. Mund ti bëhet një pazar i qartë Dumanit, siç bëri herën e kaluar pazarin e qartë për Arben Krajën, edhe ai u thirr dhe jam i sigurtë që Arben Kraja u thirrën nga administrata e kaluar që të hapte procesin kundër Berishës. Ai mbase nuk e mori përsipër dhe e humbi vendin.

Askush nuk e di, por edhe njëherë vjen ky lajm bombë për disa, sepse dihej. Është thënë shpesh që Trump nuk ka caktuar me Shqipërinë se ç’rrugë do marri. Se ka dhe në Uashington interesa të kundërta.

Ka interesa që lidhen me terrorizmin, me Rusinë, Serbinë. Ka shumë interesa dhe në një moment ai do vendosë.’, tha Genc Burimi.

Agjencia për Media dhe Informim bën me dije se në mbledhjen e sotme, Këshilli i Ministrave miratoi vendimin për shpërblimin me 1 deri në 3 paga mujore të efektivëve të Forcave të Armatosura, Policisë së Shtetit, Mbrojtjes Civile dhe shërbimeve zjarrfikëse, në varësi të kohëzgjatjes së angazhimit të tyre në operacionet e shuarjes së zjarreve gjatë verës 2025.

V E N D I M PËR DHËNIE SHPËRBLIMI PERSONELIT TË ANGAZHUAR NË OPERACIONET PËR SHUARJEN E ZJARREVE GJATË VITIT 2025

Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.115/2024, “Për buxhetin e vitit 2025”, të ndryshuar, me propozimin e ministrit të Mbrojtjes, Këshilli i Ministrave

V E N D O S I:

1. Dhënie shpërblimi personelit, punonjës shtetërorë, të angazhuar në shuarjen e zjarreve gjatë verës së vitit 2025.

2. Shpërblehen punonjësit e:

a) Forcave të Armatosura të Republikës së Shqipërisë;
b) Agjencisë Kombëtare të Mbrojtjes Civile;
c) Policisë së Shtetit;
ç) Drejtorisë së Përgjithshme të Mbrojtjes nga Zjarri dhe Shpëtimin;
d) Shërbimit të Mbrojtjes nga Zjarri dhe Shpëtimin në bashki.

3. Punonjësit e përcaktuar në pikën 2, të këtij vendimi, përfitojnë shpërblim, sipas kohëzgjatjes së angazhimit, si më poshtë vijon:

a) Për angazhim me kohëzgjatje, nga 1 (një) deri në 7 (shtatë) ditë, jepet shpërblim në masën e 1 (një) page mujore;
b) Për angazhim me kohëzgjatje, nga 8 (tetë) deri në 15 (pesëmbëdhjetë) ditë, jepet shpërblim në masën e 2 (dy) pagave mujore;
c) Për angazhim me kohëzgjatje 16 (gjashtëmbëdhjetë) ditë e më shumë jepet shpërblim në masën e 3 (tri) pagave mujore.

4. Shpërblimi llogaritet mbi bazën e pagës mujore bruto të punonjësit të angazhuar në operacionet e shuarjes së zjarreve.

5. Efekti financiar për strukturat e përcaktuara në shkronjat “a”, “b” dhe “c”, të pikës 2, të këtij vendimi, përballohet nga fondi rezervë i buxhetit të shtetit, i miratuar për vitin 2025.

6. Në buxhetin e Ministrisë së Mbrojtjes, në shpenzimet korrente, shtohet fondi prej 193 140 098 (njëqind e nëntëdhjetë e tre milionë e njëqind e dyzet mijë e nëntëdhjetë e tetë) lekësh, përkatësisht 145 809 950 (njëqind e dyzet e pesë milionë e tetëqind e nëntë mijë e nëntëqind e pesëdhjetë) lekë në programin buxhetor “Forcat e luftimit”, 43 408 127 (dyzet e tre milionë e katërqind e tetë mijë e njëqind e njëzet e shtatë) lekë në programin buxhetor “Mbështetja e luftimit” dhe 3 922 021 (tre milionë e nëntëqind e njëzet e dy mijë e njëzet e një) lekë në programin buxhetor “Emergjencat civile”.

7. Në buxhetin e Ministrisë së Brendshme, në shpenzimet korrente, shtohet fondi prej 69 615 100 (gjashtëdhjetë e nëntë milionë e gjashtëqind e pesëmbëdhjetë mijë e njëqind) lekësh në programin buxhetor “Policia e Shtetit”.

8. Efekti financiar për strukturën e përcaktuar në shkronjën “ç”, të pikës 2, të këtij vendimi, përballohet nga buxheti i miratuar për vitin 2025 për Ministrinë e Brendshme.

9. Efekti financiar për strukturat e përcaktuara në shkronjën “d”, të pikës 2, të këtij vendimi, përballohet nga buxhetet përkatëse të njësive të vetëqeverisjes vendore.

10. Ngarkohen Ministria e Financave, Ministria e Mbrojtjes, Ministria e Brendshme dhe njësitë e vetëqeverisjes vendore për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA

Pasi urdhëroi heqjen e tendave të lokaleve në kuadër të ashtuquajturit operacion për lirimin e hapësirave publike, ka paralajmëruar se do vendosë kushte të reja edhe për karriget jashtë.

Kryeministri Edi Rama nuk po u ndahet bizneseve.

Pasi urdhëroi heqjen e tendave të lokaleve në kuadër të ashtuquajturit operacion për lirimin e hapësirave publike, ka paralajmëruar se do vendosë kushte të reja edhe për karriget jashtë.

“Atyre që shqetësohen për karriget u them bëni durim, shpejt u vjen radha së bashku me kushtet e reja për vendosje karrigesh jashtë, por si fillim mund të them se për çdo karrige në hapësirën e kufizuar publike, do të duhet të kontribuohet me një pemë në Fondin e Gjelbërt që do të krijojë qeveria e re”, shkruan Rama në Facebook.

Gazetari Eni Ferhati komentoi në emisionin “NOW me Erla Mehillin” vizitën zyrtare të kreut të SPAK, Altin Dumani, në Departamentin Amerikan të Shtetit në SHBA.

Sipas Ferhatit, kreu i SPAK është zyrtari i parë shqiptar që viziton DASH-in pas ardhjes në pushtet të administratës së re Trump, një vizitë që ai e konsideron si një shenjë mbështetjeje dhe vlerësimi për punën e insitucionit dhe vetë Dumanit.

“Në listën e publikuar të agjendës së disa zyrtarëve të DASH-it është dhe prezenca e zotit Dumani, i cili nuk është hera e parë që viziton administratën amerikane. Unë e shoh këtë si një vijim të mbështetjes amerikane për SPAK-un dhe veçanërisht për zotin Dumani. Ky takim mbart një mesazh të qartë për pozicionin që ka SPAK sot dhe për vetë zotin Dumani. Kemi rënë dakord se Altin Dumani ishte një “investim” amerikan dhe nuk duhet harruar ndikimi i ish-ambasadores Kim. Ky është një mesazh i qartë në kontekstin e zhvillimeve të fundit, sidomos kur patëm ndërprerje të fondeve dhe asistencës për Prokurorinë e Posaçme, që u pezulluan për disa javë. Por menjëherë pas procedurave në SHBA, situata u kthye në pikën fillestare, me staf amerikan që konsulton dhe mbështet logjistikisht SPAK-un” tha gazetari Ferhati.

Ferhati tha se kjo vizitë nënkupton një vlerësim për Dumani dhe për punën e SPAK gjatë këtyre tre viteve. Sipas tij me zhvillimet e reja politike mund të shohim një trajektore të re për SPAK-un, por që do të shikohet hap pas hapi.

VIDEO

Një diplomat që punonte në ambasadën indoneziane në Lima u qëllua për vdekje jashtë shtëpisë së tij në një lagje të kryeqytetit peruan të hënën në mbrëmje.

Ministria e Rendit Publik tha se po zhvillohet një hetim për të përcaktuar rrethanat në të cilat diplomati u vra para derës së përparme të rezidencës së tij.

#SEKILASINFO : Momen Diplomat Indonesia, Zetro Leonardo Purba, tewas setelah menjadi korban penembakan di kawasan Lince, Lima, ibu kota Peru, pada Senin (1/9) malam. Zetro ditembak tiga kali oleh orang tak dikenal di dekat kediamannya lalu melarikan diri dengan sepeda motor. pic.twitter.com/Y2YeuLTX8Z

— Lelemuku.com | Lelemuku (@LelemukuCo) September 2, 2025

Shefi i policisë David Guivar, duke folur në transmetuesin publik TV Peru, tha se ishte e mundur që të ishte një “larje hesapesh”. Diplomati po kthehej në shtëpi me biçikletë kur u qëllua nga një burrë që iku me motoçikletë me një bashkëpunëtor, sipas pamjeve të transmetuara nga mediat lokale.

Zetro Leonardo Purba, 40 vjeç, jetonte në Peru me familjen e tij që nga prilli. Ministria e Jashtme tha se masat e sigurisë rreth misionit diplomatik indonezian do të shtoheshin dhe se ambasadës do t’i ofrohej “e gjithë ndihma dhe mbrojtja e nevojshme”. Peruja po përballet me një rritje të krimit, veçanërisht zhvatjes.

#SEKILASINFO : Momen Diplomat Indonesia, Zetro Leonardo Purba, tewas setelah menjadi korban penembakan di kawasan Lince, Lima, ibu kota Peru, pada Senin (1/9) malam. Zetro ditembak tiga kali oleh orang tak dikenal di dekat kediamannya lalu melarikan diri dengan sepeda motor. pic.twitter.com/Y2YeuLTX8Z

— Lelemuku.com | Lelemuku (@LelemukuCo) September 2, 2025

Elon Musk, miliarderi i njohur, u rikthye sërish te çështja e uljes së lindjeve në Greqi me një postim në platformën X.

Në postimin e tij, Musk e quajti këtë fenomen “vdekja e Greqisë” dhe shpërndau lajmin për 700 shkolla të mbyllura në vend.

Ky nuk është hera e parë që Musk merret me këtë çështje për Greqinë; më parë, në prill 2024, ai kishte shkruar se “Greqia po përjeton një kolaps demografik”, ndërsa në shtator të njëjtit vit shprehu habinë e tij për faktin që në vendin tonë numri i vdekjeve është dyfish më i madh se ai i lindjeve.

Kjo situatë e uljes së lindjeve dhe emigracionit po sfidon seriozisht strukturën demografike të Greqisë, duke sjellë pasoja të rëndësishme për shoqërinë dhe ekonominë e vendit.

https://x.com/elonmusk/status/1962901849172029859?ref_src=twsrc%5Etfw%7Ctwcamp%5Etweetembed%7Ctwterm%5E1962901849172029859%7Ctwgr%5Ea09b6ac2dbd8373e1d40ee5fc7f1560bc531c90e%7Ctwcon%5Es1_c10&ref_url=https%3A%2F%2Fshqiperia-ime.com%2F2025%2F09%2F02%2Fvdekja-e-greqise-elon-musk-jep-alarmin-per-vendin-fqinj%2F

Kreu i Strukturës së Posaçme Kundër Korrupsionit dhe Krimit të Organizuar (SPAK) Altin Dumani, pritet të zhvillojë sot një takim të rëndësishëm në Departamentin Amerikan të Shtetit në Uashington.

Në orën 16:30 me orën lokale, Dumani do të takohet me shefin për çështjet europiane dhe euro-aziatike në Departamentin e Shtetit Brendan P. Hanrahan.

Takimi do të mbahet me dyer të mbyllura dhe nuk do të ketë mbulim mediatik.

Ky takim i rëndësishëm vjen pak javë pasi KLP të zgjedh drejtuesi ne ri të BKH-së dhe të hapë zyrtarisht garën për kreun e ri të SPAK, ku mandati i Altin Dumanit mbaron në dhjetor të këtij viti.

Ky është takimi i nivelit më të lartë që ka pas një zyrtar shqiptar me administratën e Presidentit Trump.

Të dielën, më 7 shtator 2025, qielli do të na dhurojë një nga fenomenet më mahnitëse të vitit: eklipsin total të Hënës, i njohur gjerësisht si “Hëna e Kuqe”.

Ngjarja do të zgjasë rreth 5 orë e gjysmë, nga momenti i hyrjes së Hënës në hijen e Tokës deri në daljen e saj, ndërsa faza e plotë do të ketë një kohëzgjatje mbresëlënëse prej 82 minutash.

Sipas të dhënave nga TimeandDate, për Tiranën Hëna do të lindë mbi horizont rreth orës 19:30, tashmë e zhytur në fazën e plotë të eklipsit.

Kulmi i spektaklit pritet pak pas orës 20:10, ndërsa disku hënor do të mbetet i mbuluar nga hija e Tokës deri rreth orës 23:00, kur do të shfaqet sërish i plotë dhe i ndritshëm.

Ngjyra e kuqërremtë e Hënës gjatë eklipsit shpjegohet nga mënyra se si atmosfera e Tokës filtron dritën e Diellit: rrezet blu shpërndahen, ndërsa ato të kuqe dhe portokalli depërtojnë, duke i dhënë Hënës një pamje të zjarrtë.

Është i njëjti proces që i dhuron horizontit ngjyrat e forta gjatë lindjes dhe perëndimit të Diellit. Për më tepër, ky eklips përkon edhe me një superhënë, çka do të bëjë që disku të duket më i madh dhe më i ndritshëm se zakonisht, duke e bërë përjetimin edhe më të veçantë.

Fenomeni do të shihet qartë nga Europa, Azia, Afrika dhe Australia, ndërsa Amerika këtë herë nuk do të ketë mundësi ta vëzhgojë.

Astronomët kujtojnë se eklipset ndodhin vetëm kur Dielli, Toka dhe Hëna vendosen në një vijë të drejtë – një rreshtim i rrallë që ndodh disa herë në vit.

Këtë të diel, sytë drejt qiellit në orën 20:10: do të jemi dëshmitarë të një prej shfaqjeve më të bukura natyrore që universi na ofron.

Forcat e Mbrojtjes së Izraelit (IDF), në bashkëpunim me agjencinë e sigurisë Shin Bet, njoftuan se kanë vrarë në një sulm ajror në Gaza figurën më të njohur publike të Hamasit, Abu Obeida, zëdhënësin e krahut ushtarak të organizatës. Ministri i mbrojtjes Izrael Katz e quajti operacionin “të përsosur” dhe paralajmëroi se edhe drejtues të tjerë të lartë të Hamasit do të jenë në shënjestër teksa forcat izraelite po intensifikojnë ofensivën për marrjen e kontrollit të qytetit.

Nga ana tjetër, Hamasi nuk ka konfirmuar ende vrasjen. Megjithatë, burime lokale raportuan se gjatë bombardimeve në lagjen e populluar al-Rimal janë vrarë të paktën 7 persona dhe janë plagosur rreth 20 të tjerë, mes tyre edhe fëmijë.

Si u zhvillua operacioni

Sipas deklaratës së përbashkët të IDF dhe Shin Bet, operacioni u bazua në të dhëna të sakta të inteligjencës që zbuluan vendstrehimin e Obeidës. Objektivi ishte një pallat gjashtëkatësh, ku apartamenti i shënjestruar përdorej si klinikë dentare. Sulmi u krye me pesë raketa, të lëshuara njëkohësisht nga dy pozicione të ndryshme, duke goditur katin e dytë dhe të tretë të ndërtesës.

Dëshmitarë në vendngjarje thanë se menjëherë pas shpërthimit në ajër fluturuan shuma të mëdha parash, që më pas u morën nga banorë të zonës, por në fund u rikuperuan nga militantët e Hamasit.

Roli i Abu Obeidës

Obeida ishte një nga figurat më të spikatura të Hamasit në Lindjen e Mesme, i njohur për paraqitjet e tij të rregullta në video propagandistike, gjithmonë i maskuar me shall palestinez. Ai shihej si zëri dhe imazhi i brigadave të armatosura të Hamasit, duke shërbyer si simbol për përkrahësit e grupit.

Sipas Tel Avivit, eliminimi i tij përfaqëson një goditje të rëndë për aparatin propagandistik të Hamasit, pasi Obeida ishte ndër figurat e pakta të mbetura nga udhëheqësia ushtarake pas sulmeve të 7 tetorit 2023 kundër Izraelit.