Month: September 2025

Mariza Kola, motra e 34-vjeçarit Kristian Kola, i cili u ekzekutua pak ditë më parë në qendër të Shkodrës, ka rrëfyer ekskluzivisht për Euronews Albania, në emisionin Review me moderatoren Greta Topjana, dhimbjen dhe pasigurinë që përjeton familja pas kësaj ngjarjeje tragjike.

“Një ditë përpara vrasjes kam folur me të. Kam prit me fol në darkë dhe s’munda. Asnjë gjë nuk dimë, asnjë gjë nuk kanë thënë,” u shpreh ajo me lot në sy.

Mariza Kola theksoi gjithashtu mungesën e transparencës dhe vonesat në reagimin e institucioneve pas ngjarjes.

“Babën nuk e kanë lënë me pa vëllanë kur është transportuar. Është vonuar një orë ambulanca për të shkuar. Tërë Shkodrën për ta marrë në këmbë e merr për një orë,” tha ajo, duke ngritur dyshime për mënyrën se si është menaxhuar situata nga autoritetet.

Familja e Kristian Kolës kërkon drejtësi dhe përgjigje për rrethanat e vrasjes së 34-vjeçarit, ndërsa hetimet për zbardhjen e ngjarjes vijojnë.

Kosova është tronditur mbrëmjen e sotme nga një tjetër ngjarje e rëndë kriminale, ku një vrasje me armë zjarri është regjistruar rreth orës 19:30 në fshatin Llapashticë të Podujevës.

Mediat vendase raportojnë se viktima është shtetasi Arif Spahiu, rreth 43 vjeç, ndërsa si autor i dyshuar i krimi është shtetasi Arbër Havolli, rreth 32 vjeç, i cili vijon të jetë ende në arrati.

Ata kanë qenë brenda një automjeti tip “Opel”, ku kanë zbilluar një bisedë së bashku dhe duket se situata ka degraduar, duke bërë që gjatë konfliktit, Havolli të nxjerrë armën dhe të qëllojë për vdekje Spahiun.

Ende nuk dihen motive, por dyshohet se kemi të bëjmë me një vrasje pas një konflikti të çastit.

Policia e Kosovës po ushtron kontrolle në terren për të bërë të mundur kapjen e autorit, ku ka ushtruar kontrolle edhe në banesën e tij, por deri më tani pa rezultat.

Kreu i NATO-s, Mark Rutte, ka paralajmëruar Shtetet e Bashkuara të Amerikës se Kina po ndërton marinën e saj ushtarake e saj me një shpejtësi marramendëse, gati 200 herë më shpejt se SHBA-të.

Sekretari i përgjithshëm tha se Kina, në veçanti, po ndërton anije të pajisura me armë të sofistikuara shumë më shpejt se SHBA-të dhe aleatët e saj perëndimorë, gjë që e ka alarmuar atë.

Këto shqetësime të Rutte vijnë pasi presidenti i Kinës, Xi Jinping, organizoi një paradë të madhe ushtarake, ku morën pjesë presidenti i Rusisë, Vladimir Putin dhe diktatori i Koresë së Veriut, Kim Jong Un

Gjatë një samiti të mbrojtjes të NATO-s të mbajtur sot në Pragë, Rutte paralajmëroi se SHBA-të duhet të jenë shumë më të përgatitura ushtarakisht.

“Kur bëhet fjalë për ndërtimin e anijeve dhe marinën tonë dhe në veçanti për Marinën e SHBA-ve jam vërtet shumë i shqetësuar. Kina tani ka më shumë anije në det sesa SHBA-të, dhe ndërtimi i anijeve në SHBA nuk është në një nivel që mund të arrijë dot atë që po bën Kina për momentin”, tha Rutte.

Nick Childs, studiues i lartë për forcat detare dhe sigurinë detare në Institutin Ndërkombëtar për Studime Strategjike, që po organizon konferencën, e mbështeti shqetësimin e Rutte.

“Kapaciteti i Kinës për ndërtimin e anijeve është rreth 200 herë më i madh se ai i Shteteve të Bashkuara”, tha Childs për BBC-në, duke shtuar se industria amerikane e ndërtimit të anijeve po përballet me kosto të larta dhe vonesa të shumta.

Edhe pse tregu i ndërtimit të anijeve në Evropë është në zgjerim, Rutte tha se “na duhet shumë më tepër nëse duam kolektivisht të mbushim atë boshllëk.”

Marina e SHBA-ve është një forcë dominuese detare në Perëndim, por aktualisht është e shpërndarë në shumë fronte dhe ka shpenzuar shumë për të mbajtur flotën funksionale, të pajisur mirë dhe stafin e trajnuar.

Në dhjetor, Pentagoni bëri të ditur se marina kineze është më e madhja në botë, me një “forcë luftarake prej mbi 370 anijesh dhe nëndetësesh, përfshirë më shumë se 140 mjete të mëdha luftarake sipërfaqësore.”

Sipas Pentagonit, shumica e flotës së Kinës përbëhet nga anije moderne që janë të afta të kryejnë misione të ndryshme, përfshirë edhe ato nënujore. Kina pritet gjithashtu të shtojë në flotën e saj këtë vit një aeroplanmbajtëse të tretë.

Si përgjigje ndaj rritjes së fuqisë ushtarake kineze, SHBA-të kanë vendosur të fokusohen më shumë në rajonin Indo-Paqësor.

“SHBA-të po prioritizojnë parandalimin e luftës me Kinën në Paqësor. Së bashku, mund të krijojmë një ndarje pune që maksimizon përparësitë tona krahasuese në Evropë dhe Paqësor”, tha Sekretari i Mbrojtjes, Pete Hegseth, për aleatët evropianë më herët këtë vit.

Jehona e surprizës për ditëlindjen e moderatores Luana Vjollca, ku vila ku ajo qëndronte u mbush me trendafila, ka zgjuar reagime të shumta në rrjet.

Njëri prej tyre ka ardhur nga moderatori Ronaldo Sharka, i cili ka vendosur t’i bëjë edhe llogaritë. Në një postim në Instagram, Sharka ka shkruar: “Luana mori 10 mijë trendafila dhuratë për ditëlindje. 10 mijë x 2 mijë lekë trendafili = 20 milionë lekë.

Shto këtu koston e dërgimit në Palasë. Nëse mendon që po bën një jetë shumë koti, do e besosh akoma më shumë pasi more vesh këtë informacion.”

Moderatori nuk është ndalur me kaq. Me ironi, ai ka lëshuar edhe një thirrje për vajzat e showbiz-it: “Nëse herës tjetër që merrni lule nuk janë më shumë se 10 mijë trendafila, as mos i postoni fare ato buqetat e lodhura. Faleminderit.”

Ky reagim ka bërë që ndjekësit të nisin valë diskutimesh.

Galeria fotografike (

1 / 15

)

Kreu i Partisë Demokratike, Sali Berisha, i ka bërë sërish thirrje FBI-së dhe Departamentit Drejtësisë në Shtetet e Bashkuara që të vijojnë hetimet në lidhje me dosjen “McGonigal” dhe përfshirjen e kryeministrit Edi Rama në të.

Berisha është shprehur se PD-ja është e gatshme të japë kontributin e saj me dëshmitarë, prova dhe fakte në vërtetimin e veprimtarisë kriminale që lidhet me këtë dosje.

“Duke vlerësuar, duke përshëndetur raportin e inspektorit të përgjithshëm, ftoj FBI-në, Departamentin e Drejtësisë, të vazhdojë hetimin ndaj kësaj organizate të tmerrshme kriminale”, ka thënë ai.

“PD-ja është e gatshme të japë kontributin e saj me dëshmitarë, me prova dhe fakte në mënyrë që veprimtaria e tyre kriminale në Shqipëri të marrë dënimin e gjithanshëm, njohjen e gjithanshme dhe dënimin e gjithanshëm”, tha kryedemokrati.

Berisha tha se Rama ka takuar tre herë Charles McGonigal dhe ka kryer me të disa veprimtari kriminale në luftë kundër opozitës.

Sipas tij, Rama kreun përdorimin e forcës së institucionit më të fuqishëm hetues në botë kundër kundër pluralizmit politik në Shqipëri.

“Inspektori i Përgjithshëm fakton se McGonigal është takuar në Shqipëri 2 herë dhe në Neë York dy herë me Ramën, për të cilën miqësia me McGonigal ishte krenari, në terma anglisht, mik. Ka kryer një veprimtari të përbashkët kriminale me Ramën në pagesat për luftën kundër opozitës shqiptare, në ndërhyrjet për ndryshimin e licencave të naftës kundrejt shumave marramendëse, në angazhimin e institucioneve amerikane për hetimet private për llogari të Ramës dhe Doshit në Vjenë”.

“Të përdorësh FBI kundër opozitës, ke kryer një krim të rëndë anti-kushtetues. Ke përdorur forcën e institucionit hetues më të fuqishëm në botë kundër pluralizmit politik në Shqipëri. McGonigal nuk është aspak më shumë fajtor se Ramaduro që mbrohet me fanatizëm nga Altin Troplini”, shtoi Berisha.

“Big Brother VIP Albania 5” ka rinisur përgatitjet dhe në fakt, ka gati edhe disa nga personazhet që përfliten se do t’i bashkohen garës për të fituar çmimin e madh.

Këtë radhë, kasti, siç po qarkullon nëpër medie të ndryshme, përbëhet nga më shumë të rinj, të cilët mund t’i japin dinamika interesante shtëpisë.

Kush thuhet se do të bëhet pjesë e “BBVA 5”?

Loré, këngëtare

Hilda Kërtalli, influencuese

Kleoniki Delijorgji, moderatore

Roerd Toçe, aktor

Kostana Morava, gazetare

Vitmar Basha, këngëtar

Renee Reffo, influencuese

Sigurisht, asgjë nuk është konfirmuar nga vetë produksioni, pasi si çdo vit, bëhet maksimumi që lista të jetë private dhe të vijë si surprizë për publikun.

Galeria fotografike (

1 / 7

)

“Faleminderit që jeni një president që mbështet biznesin dhe inovacionin. Është një ndryshim thelbësor që do të na mundësojë të ruajmë për një kohë të gjatë rolin udhëheqës në botë, gjë që nuk do të ndodhte pa lidershipin tuaj.” Këto ishin fjalët e Sam Altman, drejtuesit të OpenAI, gjatë një darke me Donald Trump-in.

Ndërsa për Tim Cook, drejtues i Apple, presidenti kishte luajtur një rol thelbësor për “të nxitur investime të reja në SHBA, për të rikthyer prodhimet strategjike në vend. Dhe kjo thotë shumë për lidershipin e tij dhe përqendrimin tek inovacioni.”

Dikur, më të fuqishmit në botë ishin drejtuesit e bankave dhe bursave në Wall Street. Pas krizës ekonomike të vitit 2008, ky rol kaloi tek kompanitë e teknologjisë si Apple, Google, Facebook (Meta) dhe Microsoft.

Mbrëmjen e kaluar, drejtuesit e këtyre kompanive morën pjesë në një darkë në Shtëpinë e Bardhë, të vetëdijshëm se Trump do ta shfrytëzonte si mundësi për t’u lavdëruar.

Është e habitshme të shohësh drejtues të cilët zakonisht janë afër ideve progresiste, të ulen pranë një presidenti konservator që po ndryshon mënyrën se si funksionon kapitalizmi në Amerikë, me më shumë ndërhyrje të shtetit.

Sundar Pichai, drejtuesi i Google, një kompani tradicionalisht pro-demokrate është dorëzuar përballë realitetit dhe mori pjesë në darkë, ndonëse me siklet. Pichai është me origjinë indiane, dhe India së fundmi u godit me tarifa të larta nga SHBA-të, jo sepse blen naftë nga Rusia (që edhe Kina e bën), por sepse kryeministri indian Narendra Modi nuk pranoi të mbështeste kandidaturën e Trump-it për Çmimin Nobel për Paqe.

Gjatë fjalës së tij, Trump ia “shpërbleu” praninë Pichai-t duke i kujtuar që shpëtoi nga një vendim i rëndë në gjyqin për monopol ndaj Google-it, duke lënë të kuptohej se ai vetë ndikoi që kompania të mos ndëshkohej rëndë. Pastaj iu drejtua Pichai-t: “E di që ishe në telashe për një nismë të administratës Biden…”.

Edhe pse ishte e vërtetë që Biden rihapi çështjen antitrust, Trump harroi të përmendte se edhe administrata republikane kishte vazhduar hetimin e Google-it.

Në darkën që fillimisht ishte planifikuar të mbahej jashtë për inaugurimin e kopshtit të Shtëpisë së Bardhë (por u zhvendos brenda për shkak të shiut), Trump e kishte ulur në krahun e tij Mark Zuckerberg-un, drejtuesin e Facebook-ut, të cilin vetëm një vit më parë e kishte kërcënuar me burg nëse përdorte rrjetet sociale për të ndihmuar Kamala Harris-in në fushatë.

Zuckerberg e kishte pranuar situatën dhe e kishte vizituar Trump-in menjëherë pas zgjedhjeve, dhe gjithashtu ishte i pranishëm në ceremoninë e nisjes së mandatit të ri presidencial.

Trump, në mes të darkës, i tha: “Ky është fillimi i karrierës tënde politike”, gjë që e vuri Zuckerberg-un në siklet. Ai u përpoq ta mohojë me një buzëqeshje të zbehtë dhe tha: “Jo, nuk është kështu.”

Dëshira për të marrë favore ose për të shmangur ndëshkime, i ka shtyrë këta drejtues të mëdhenj të teknologjisë të harrojnë krenarinë e tyre.

Në darkë ishin edhe drejtori i IBM-së, Arvind Krishna, ajo e Oracle, Safra Katz, dhe vetë Bill Gates, që përfaqësonte Microsoft-in. Trump i “shpërbleu” me një koment: “Jam i lumtur që kam mbledhur përreth kësaj tavoline një grup njerëzish me koeficient inteligjence shumë të lartë.”

Kush mungoi

Dy mungesa të rëndësishme u vunë re: Elon Musk, i cili pas një përplasjeje të madhe me Trump, nuk i kanë të mira marrëdhëniet dhe tashmë sheh se si rivalët e tij Altman dhe Zuckerberg, janë më afër presidentit. Jensen Huang, drejtuesi i Nvidia, gjithashtu nuk ishte i pranishëm, por jo për arsye politike. Trump i ka lejuar së fundmi të shesë çipet e tij në Kinë, në këmbim të një përqindjeje nga fitimi. Por me fuqinë që ka Nvidia sot, Huang duket se nuk ka nevojë të jetë i pranishëm në darka të tilla, ai preferon takime personale me presidentin./ Corriere della Sera

Një avokat i quajtur Mark Zuckerberg po padit Facebook-un pasi rrjeti social ia ka mbyllur vazhdimisht faqen, duke pretenduar se ai po imitonte shefin e kompanisë, Mark Zuckerberg.

Mark Stephen Zuckerberg, avokat në shtetin amerikan të Indianës, thotë se ka shpenzuar mijëra dollarë duke promovuar shërbimet e tij në Facebook, por faqja e tij është bllokuar vazhdimisht nga rrjeti social.

Zuckerberg thotë se jeta e tij është përmbysur pasi ai ndan një emër me njeriun e tretë më të pasur në botë, duke përfshirë marrjen e kërcënimeve me vdekje dhe telefonatave të pandërprera të mbështetjes teknike.

“Nuk është qesharake,” i tha ai kanalit lokal të lajmeve WTHR. “Jo kur më marrin paratë.”

Ai tha se e kishte pasur emrin Mark Zuckerberg “shumë më gjatë” se Marku tjetër dhe po vuante pas viteve të mbylljes së padrejtë të llogarisë së tij.

Ai tha se kishte shpenzuar më shumë se 11,000 dollarë në reklama në Facebook për të promovuar praktikën e tij ligjore, por se si faqet e tij të biznesit ashtu edhe ato personale ishin hequr vazhdimisht për “imitim të një personazhi të famshëm”.

Zuckerberg tha se shpesh duhen muaj për të rikthyer llogarinë e tij, duke çuar në humbje të biznesit, dhe se kompania kishte shkelur ligjet e “marrëveshjeve të drejta”.

“Do të preferoja të mos zihesha me ta, por nuk di si t’i ndaloj”, tha ai. “Nuk di si tjetër t’ua tërheq vëmendjen.”

Zuckerberg ka ushtruar profesionin e avokatit për 38 vjet, kur Zuckerberg, më i ri dhe më i pasur, ishte tre vjeç.

Kompania Meta tha: “E dimë që ka më shumë se një Mark Zuckerberg në botë dhe po ia dalim ta zbulojmë këtë çështje.”

Zuckerberg tha se do të ishte i kënaqur nëse miliarderi i Metës do t’i ofronte një javë në superjahtin e tij. “[Nëse ai] do të më lejonte të kaloja një javë në varkën e tij për të kërkuar falje, ndoshta do ta merrja përsipër këtë,” tha ai.

Dy avionë luftarakë venezuelianë F-16 fluturuan mbi një destrojer të Marinës Amerikane në Karaibe të enjten, tha një zyrtar amerikan për Reuters, duke shkaktuar një paralajmërim të ashpër nga SHBA ndaj Venezuelës kundër ndërhyrjes në intensifikimin e operacioneve ushtarake amerikane në Karaibe.

Incidenti, të cilin Pentagoni tha se ndodhi në ujëra ndërkombëtare, rrit më tej tensionet vetëm dy ditë pasi një sulm amerikan vrau 11 persona në bordin e një anijeje nga Venezuela që Presidenti Donald Trump tha se po transportonte narkotikë të paligjshëm.

Ekspertët ligjorë kanë ngritur pyetje në lidhje me sulmin, pavarësisht argumenteve të administratës Trump se ajo ka autoritetin për të goditur anëtarët e dyshuar të bandës kriminale Tren de Aragua që trafikon drogë në Shtetet e Bashkuara, pasi Uashingtoni e shpalli atë një organizatë terroriste në fillim të këtij viti.

Në një deklaratë të shkurtër, Pentagoni e barazoi qeverinë e Presidentit Venezuelian Nicolas Maduro me një kartel trafikimi narkotikësh, akuza që Karakasi i mohon. Trump e ka akuzuar Maduron për drejtimin e kartelit Tren de Aragua.

“Sot, dy avionë ushtarakë të regjimit Maduro fluturuan pranë një anijeje të Marinës Amerikane në ujëra ndërkombëtare”, tha Pentagoni në një deklaratë, duke e quajtur atë një “veprim shumë provokues”.

“Kartelit që drejton Venezuelën i këshillohet fuqimisht të mos ndërmarrë asnjë përpjekje të mëtejshme për të penguar, ose ndërhyrë në operacionet kundër narkotikëve dhe terrorizmit të kryera nga ushtria amerikane.”

Një zyrtar amerikan, duke folur në kushte anonimiteti, tha se avionët ushtarakë venezuelas ishin F-16 dhe se ata fluturuan mbi USS Jason Dunham.

Dunham është një nga të paktën shtatë anijet luftarake amerikane të vendosura në Karaibe, duke transportuar më shumë se 4,500 marinarë dhe marinarë.

Fitim Dumani, vëllai i vogël i Nuredin Dumanit, rrëfen vrasjet e vëllait të tij, duke dhënë detaje dhe emra për ngjarje të caktuara, për të cilat ai është penduar dhe ka marrë statusin e bashkëpunëtorit të drejtësisë nën mbrojtjen e SPAK. Sipas Fitimit, i cili vetëm pak kohë më parë është liruar nga burgu, vëllai i tij nuk ka qenë “ushtar” i asnjë grupi kriminal, por një vrasës i kontraktuar nga grupe të ndryshme kundrejt pagesës.

Në episodin e tretë të MaShqip, gazetari Flamur Vezaj publikon edhe foto ekskluzive të deklaratës personale të Nuredin Dumanit, ku ai tregon të kaluarën e tij, si punëtor ndërtimi, mirëmbajtës shezlongësh, shitës i fruta-perimeve, grabitës dhe më pas vrasës me pagesë. Nga ana tjetër, Fitim Dumani tregon se vëllai i tij nuk donte të dorëzohej dhe po priste kirurgët nga Tirana për ta operuar, pas pritës që i bëri Suel Çela. Por e gjeti dhe e arrestoi policia përmes telefonit që Çela i kishte dhënë para atentatit. Sipas Fitimit, Nuredini pranoi të bashkëpunojë me drejtësinë pasi u tradhtua nga të gjithë shokët e tij dhe filloi të flasë, duke treguar pazaret, takimet dhe ngjarjet ku kishte marrë pjesë si autor apo bashkëpunëtor.

Në dëshminë e tij, ai ka përfshirë edhe vëllain tjetër, Dashnor Dumanin, i cili sipas Fitimit, ende nuk ka pranuar të bashkëpunojë me drejtësinë.

Vetë Fitimi tregon për njohjen e tyre me Talo Çelën dhe krimet që kanë kryer bashkë, duke mohuar kategorikisht se kanë qenë “ushtarë” të tij. Ai sjell raste ku Talo Çela ka kryer vrasje për llogari të tyre, si ekzekutimin e një gruaje në Durrës. Nga ana tjetër, rrëfen arsyet e armiqësisë mes tyre dhe deri te vrasja e Talo Çelës, duke akuzuar vëllezërit Hajdar e Franc Çopja për këtë ngjarje, “ata e vranë Talo Çelën duke ngrënë bukë, pasi nuk vrau vëllain tim dhe nga frika se mos fliste nëse kapet nga policia,” – thotë Fitim Dumani për zhdukjen e Talo Çelës.

Sipas tij, edhe vëllai tjetër ishte vrarë nga Talo Çela pasi përdorej për lëvizjet e tij dhe kishte numrin e tij kryesor. Fitim Dumani jep detaje edhe për pritën që Suel Çela i bëri vëllait të tij në bashkëpunim me vëllezërit Çopja.

Ai shton gjithashtu se Erjon Alibeaj është një dëshmitar “kot”, pasi sipas tij, SPAK nuk ka pse ta përdorë, sepse ai vetëm ka dëgjuar dhe tregon me thashetheme ngjarjet. Fitimi flet edhe për vendosjen e tritolit ndaj motrave në Elbasan, duke pretenduar se këtë atentat e ka kryer Suel Çela me njerëzit e tij, të cilët ende lëvizin lirshëm në qytet, ndërsa SPAK, sipas tij nuk po reagon, duke bërë “drejtësi selektive”. Sipas Fitimit, vëllai i tij përdorte drogë vetëm gjatë atentateve dhe ka punuar për të gjitha grupet kriminale në vend. Ai thotë se SPAK po bën “show” dhe çdo gjë e shpërndan me regji.