Month: September 2025

Vendimi i Londrës pritet të shkaktojë tensione me aleatët e saj më të ngushtë, përfshirë Shtetet e Bashkuara

Një zhvillim i madh diplomatik pritet të ndodhë nesër, më 21 shtator, kur kryeministri britanik, Sir Keir Starmer, do të njoftojë njohjen zyrtare të shtetit palestinez nga Mbretëria e Bashkuar.

Lajmi është raportuar nga prestigjiozja “The Times”, sipas së cilës vendimi i qeverisë britanike do të shoqërohet edhe me një dënim të ashpër ndaj operacionit tokësor të ushtrisë izraelite në Rripin e Gazës.

Ministrja e Jashtme britanike, Yvette Cooper, e ka përshkruar ndërhyrjen ushtarake të Izraelit si “të pamatur dhe të papranueshme”, ndërsa Starmer pritet të deklarojë se kjo ofensivë nuk i lë Britanisë “asnjë alternativë tjetër” përveçse të ecë përpara me njohjen e Palestinës si shtet të pavarur, shkruan Reuters.

Vendimi i Londrës pritet të shkaktojë tensione me aleatët e saj më të ngushtë, përfshirë Shtetet e Bashkuara dhe Izraelin. Presidenti amerikan Donald Trump, ka paralajmëruar se një akt i tillë “do të shihej si shpërblim për mizoritë e Hamasit”.

Sipas burimeve diplomatike, Franca, Kanadaja dhe Australia janë gjithashtu në përgatitje për të njohur shtetin palestinez, duke sinjalizuar një ndryshim të rëndësishëm në qëndrimin ndërkombëtar ndaj konfliktit izraelito-palestinez.

Dashi

Nëse jeni ne një lidhje do kaloni shume momente te lumtura gjate kësaj dite. Te gjithë planetët do iu nxitin te tregoheni sa me te hapur dhe gati për te provuar emocione te reja. Beqaret do kenë papritur një takim, i cili ne vend t’i emocionoje do i beje te ndihen keq. Do e zbuloni vete për çfarë behet fjale. Ne planin financiar do e gjeni çelësin e suksesit.

Demi

Ata qe kane tashme një lidhje do provojnë emocione edhe me te fuqishme gjate kësaj dite. Gjithçka do jete me ndryshe nga me pare. Beqaret nuk do e ndiejnë aspak nevojën e një personi ne krah sepse edhe ashtu si janë ndihen për mrekulli. Ne planin financiar do mbizotërojë rregulli dhe ekuilibri gjate gjithë kohës. Nuk pritet asnjë vështirësi.

Binjaket

Fale vizitës qe do beje Venusi sot ne jetën tuaj ne çift, ambienti nuk do jete aspak i trishte. Do ruani një komunikim te mire me partnerin dhe çdo gjë do shkoje për mrekulli. Beqaret do kenë vetëm disa takime sipërfaqësore dhe nuk do njihen aq sa duhet me ndonjë person te caktuar. Buxhetit duhet t’i kushtoni me shume vëmendje sa pa qene ende vone.

Gaforrja

te dashuruarit do kenë një dite te këndshme dhe pa probleme. Do jeni te kënaqur edhe pse jo te gjitha dëshirat partneri do mund t’ua plotësojë. Venusi do favorizoje takimet për beqaret, por ata duhet te tregohen ta gatshëm për t’u njohur me sa me shume persona. Gjithçka mund te ndryshoje nëse ata duan. Gjendja e te ardhurave do jete aq e mire sa mund te kryeni edhe investime.

Luani

Mos e acaroni partnerin tuaj sot duke i kërkuar gjera te pamundura apo duke e kritikuar për te gjitha gabimet qe ai ka bere ne te shkuarën. Mundohuni te shihni drejt se ardhmes sepse përndryshe do keni probleme. Beqaret duhet te jene sa me realiste dhe te mos kërkojnë dashuri si neper libra. Sot do ketë veçse takime. Gjendja financiare do lere për te dëshiruar.

Virgjeresha

Çiftet nuk do kenë një dite te qëndrueshme dhe here pas here mund te ndodhin debate e mosmarrëveshje. Mundohuni te mos merrni vendime ekstreme ne gjaknxehtësi e sipër. Nëse jeni ende vetëm keni çdo te drejte te filloni aventura emocionuese edhe sikur ato te zgjasin pak. Mundësitë do ekzistojnë. Për financat do kujdeseni me shume se kurdoherë.

Peshorja

Dite fantastike dhe e mbushur me momente te lumtura kjo e sotmja për te dashuruarit. Do ndiheni me mire se kurrë me pare ne krahët e te dashurit te zemrës. Beqaret nuk duhet t’iu besojnë te gjithë personave qe do i joshin sepse mund te lëndohen me pas. Financat do i menaxhoni me inteligjence dhe maturi. Gjendja do jete edhe me e mire nga sa ju mendonit.

Akrepi

Me dëshirë dhe durim, mund ta kaloni fazën delikate qe ka ekzistuar ne jetën tuaj ne çift. Gjithçka do jete me ndryshe me vone. Beqaret do kenë takime interesante, por nuk do jene ne humorin e duhur për t’i çuar ato me tej. Për financat nuk do qaheni. Gjendja do jete me e mire sesa edhe ju vete e kishit menduar. Përfitoni për te shlyer borxhet dhe për te bere ndonjë investim me vlere.

Shigjetari

Mos e ofendoni partnerin tuaj sot ne sy te të tjerëve sepse do keni debate te ashpra dhe mund te shkatërroni çdo gjë qe keni ndërtuar deri me sot. As vete nuk do dilnit mire para te tjerëve. Beqaret do jene shume kërkues dhe nuk do kënaqen me takimet qe do realizojnë. Ne planin financiar priten disa vështirësi te vogla, prandaj duhet bere shume kujdes.

Bricjapi

Dite mjaft e favorshme kjo e sotmja për te marre vendime te rëndësishme mbi jetën tuaj ne çift. Do jeni te dy shume te qarte pe rate qe doni te bëni ne te ardhmen. Beqareve me shume gjase do iu ndryshoje rrënjësisht jeta. Për financat do tregoni një kujdes te veçante dhe do merrni masa para se gjendja te përkeqësohet. Bravo për maturinë dhe përkujdesin.

Ujori

Ambienti ne jetën tuaj ne çift do jete disi i ftohte sot. Nuk do arrini te kuptoheni si duhet me partnerin dhe kjo do sjelle edhe mosmarrëveshje. Beqaret as sot nuk do jene me fat, por yjet parashikojnë shume shpejt ndryshime fantastike. Ne planin financiar mos kërkoni ta përmirësoni menjëherë gjendjen, por mundohuni fillimit te vendosni ekuilibrin.

Peshqit

Asgjë e keqe nuk ka për te ndodhur sot ne jetën tuaj ne çift. te dy do i dini pikat e dobëta te partnerit dhe do mundoheni me sa te mundeni t’ia plotësoni dëshirat njeri tjetrit. Beqaret nuk do realizojnë takimet e ëndërruara, por gjithsesi do ndodhe diçka e papritur qe do ua ndryshoje te gjitha planet. Gjendja e te ardhurave do jete e shkëlqyer.

Një ngjarje tronditëse ka ndodhur në Selanik, ku një burrë 50-vjeçar ka mbytur motrën e tij 59-vjeçare dhe më pas ka telefonuar vetë Policinë për t’i rrëfyer krimin.

Vrasja ndodhi rreth orës 15:00 në një apartament në rrugën Aleksandri, në zonën Charilaou të Selanikut.

Sipas raportimeve, 50-vjeçari përdori një qese për të mbytur motrën, dhe menjëherë pas aktit të rëndë, ai kontaktoi Qendrën e Veprimit të Menjëhershëm, duke thënë: “E vrava motrën time”.

Policia mbërriti shpejt në vendngjarje dhe gjeti trupin pa jetë të viktimës, ndërsa autorit i vunë prangat në vend. Rasti është duke u hetuar nga Departamenti i Policisë lokale.

Sipas informacioneve të para, 50-vjeçari dyshohet se po vuan nga probleme të shëndetit mendor, megjithatë ende nuk është bërë e qartë nëse ai jetonte në të njëjtën shtëpi me viktimën.

Kantautori i njohur amerikan, Brett James, ka humbur jetën në një aksident ajror në Karolinën e Veriut, së bashku me partneren e tij Melody Carole Wilson dhe vajzën e saj Meryl Maxwell Wilson, 28 vjeçe.

Sipas autoriteteve, avioni i vogël tip Cirrus SR22T, me të cilin po udhëtonin, u rrëzua të enjten pasdite pranë qytetit Franklin, rreth orës 15:00, në afërsi të shkollës fillore Iotla Valley Elementary. Fatmirësisht, askush në shkollë nuk u lëndua.

Brett James, 57 vjeç, ishte një ndër kantautorët më të suksesshëm në Nashville, duke shkruar këngë për emra të mëdhenj të muzikës, përfshirë edhe Taylor Swift. Ai lë pas katër fëmijë të rritur nga martesa e tij e mëparshme me Sandra Cornelius.
James dhe Melody jetonin së bashku në një vilë luksoze në Nashville dhe shpesh ndanin momente nga udhëtimet e tyre në rrjetet sociale.

Vetëm një ditë para tragjedisë, Melody kishte uruar vajzën e saj për ditëlindjen e 28-të me një mesazh prekës në rrjetet sociale:
“Gëzuar ditëlindjen, dashuria ime! Sa e bekuar jam që jam nëna jote. Ti je qenie e mrekullueshme brenda dhe jashtë. Faleminderit Zotit për dhuratën që je ti.”

Ndërkohë Administrata Federale e Aviacionit (FAA) dhe Bordi Kombëtar i Sigurisë së Transportit (NTSB) kanë nisur hetimet për shkaqet e rrëzimit të avionit.

Një ngjarje e trishtë ka ndodhur në një dhomë hoteli, ku shtetasi grek S. N., 72 vjeç, është gjetur pa shenja jete. Ai ishte i shoqëruar nga bashkëshortja e tij në momentin e ndodhjes së ngjarjes.

Autoritetet kanë kryer këqyrjen e trupit dhe nuk janë konstatuar shenja dhune. Nga hetimet e para, dyshohet se vdekja ka ndodhur për shkaqe natyrale.
Rasti po trajtohet nga policia dhe nuk ka dyshime për përfshirje të palëve të treta, ndërsa hetimet paraprake konfirmojnë mungesën e elementeve të dhunës.

Njoftimi i policise:

Më datë 20.09.2025, në një dhomë hoteli ka ndërruar jetë shtetasi grek S. N., 72 vjeç, i cili ishte i shoqëruar nga bashkëshortja. Nga këqyrja e trupit nuk janë konstatuar shenja dhune dhe, nga kryerja e veprimeve të para hetimore, dyshohet se ka ndërruar jetë për shkaqe natyrale.

Pas investigimit disa javor, në grackën e Piranjave ka rënë një 47-vjeçar, i cili ka nisur një komunikim intensiv me një vajzë 13-vjeçare dhe si pasojë e veprimeve të tij ka rënë në prangat e policisë.

E gjitha do të niste në Instagram kur një vajze ende pa i mbushur 14-vjeç, do ti vinin në celular mesazhet e një personi të panjohur.

Tekstet që ky person i shkruante të miturës, ishin të drejtpërdrejta dhe me përmbajtje të qartë erotike.

Në bisedat e shkëmbyera, duket qartë që e mitura jo vetëm e njofton që është vetëm 13- vjeçare, por nuk i jep asnjë shkak për të vijuar më tej bisedën me të. Por kjo nuk e stepi aspak burrin e panjohur, i cili madje e shton dozën e ngacmimit, duke u treguar edhe më i drejtpërdrejtë.

Pas kësaj, nëna e alarmuar nga çfarë ka gjetur në celular, kontakton me Piranjat, dhe së bashku vendosin të vazhdojnë komunikimin me të panjohurin, duke ia bërë disa herë të qartë se vajza është minorene. Kjo në vend që ta frenojë, duket se ia shton edhe më shumë adrenalinën Dritanit 48-vjeçar, sepse pas teksteve provokuese, ai nis t’i dërgojë 13-vjeçares foto të organit gjenital, duke i shoqëruar me tekste të njëpasnjëshme.

Më pas maniaku, kërkon ta kalojë bisedën në një tjetër nivel, prandaj kërkon një numër telefoni dhe komunikon me vajzën. Vajza me të cilën maniaku po komunikon, është Viola, bashkëpunëtorja jonë e cila nga zëri dhe fiziku ngjan vërtetë e vogël pavarësisht moshës që ka. Pasi mendon që e ka bindur përfundimisht viktimën e tij, maniaku ka lënë takim në një lokal në periferi të Tiranës, aty ku kuptohet se i ka marrë masat që bashkë me 13 vjeçaren të përfundojë në hotel. Por edhe Piranjat i kanë marrë disa masa. Agjentët e komisariatit nr. 3 në kryeqytet janë së bashku me ta, në pritje për të ndërhyrë.

Në orën 8.00, 48 vjeçari shfaqet përballë Violës.Që në momentet e para të takimit, maniaku kërkon të tregohet i kujdesshëm duke kontrolluar me sy zonën përreth, ndërkohë në zërin që herë herë i dridhet, vërejmë shenja frike.Maniaku nuk e ka aspak problem moshën e një vajze e cila supozohet të luajë ende me kukulla.

Pavarësisht se në ndryshim nga chatet dhe fotot perverse që ka dërguar, në bisedë mundohet të jetë më i matur.

Ndjenjat, pasionet, dëshirat dhe eksperiencat e para për një vajzë, janë një etapë e rëndësishme e cila duhet ndarë me djem të së njëjtës grupmoshë, dhe jo me predatorë seksualë që përfitojnë nga momentet e dobësisë. Por këto gjëra, vështirë se i kupton një individ i tillë.

Maniaku 48 vjeçar tashmë i bindur se viktima ka rënë në kurth, niset drejt hotelit me qëllimin për të kryer marrëdhënie seksuale me vajzën e mitur. Por në recepsionin e hotelit Piranjat kapin mat maniakun 48 vjeçar. Jashtë godinës ndodhen agjentët e komisariatit nr.3 të kryeqytetit, të cilët falë bashkëpunimit dhe gatishmërisë së tyre bënë të mundur arrestimin e tij dhe çuarjen përpara drejtësisë./Emisioni “Piranjat”

Ukraina ka zbuluar dronin e saj më të ri inovativ, nënujor, që quajtur Toloka, në një ekspozitë të industrisë së mbrojtjes në qytetin e Lvivit. Ai do të jetë një shtesë e rëndësishme në arsenalin e Kievit për të përmirësuar aftësitë mbrojtëse, duke ofruar fshehtësi dhe rreze të zgjeruar për operacione me zbulim të ulët.

Droni i ri nënujor, TLK-150, u zhvillua për të kryer misione në zona të vështira për t’u arritur dhe për të depërtuar thellë në mbrojtjet e armikut. TLK-150, i cili funksionon me shtytje elektrike dhe ka një madhësi kompakte, mund të lëvizë pak nën sipërfaqen e detit, duke e bërë jashtëzakonisht të vështirë zbulimin e tij nga sistemet tradicionale të zbulimit.

Kjo aftësi e fshehtësisë e bën TLK-150, sipas prodhuesve, jashtëzakonisht të dobishëm në skenarë lufte asimetrike, ku aftësia për të kryer sulme jokonvencionale mund të ofrojë një avantazh të rëndësishëm. Ai është gjithashtu versioni i parë i familjes “Toloka”, 2.5 metra i gjatë, ka një rreze veprimi deri në 100 kilometra dhe një kapacitet ngarkese prej 20-50 kilogramësh.

Versioni tjetër, TLK-400, arrin një gjatësi prej 4 deri në 6 metra dhe ka një rreze veprimi deri në 1,200 kilometra, me një kapacitet ngarkese deri në 500 kilogramë, ndërsa TLK-1000, më i madhi në seri, ka një gjatësi prej 4 deri në 12 metra, një rreze veprimi deri në 2,000 kilometra dhe një kapacitet ngarkese deri në 5,000 kilogramë.

Toloka u prezantua për herë të parë në Ukrainë më 24 shkurt, gjatë trevjetorit të pushtimit rus të Ukrainës. Në këtë aktivitet, Volodymyr Zelensky theksoi teknologjitë inovative të mbrojtjes të zhvilluara në vend, duke theksuar rëndësinë e kërkimit dhe zhvillimit vendas në forcimin e aftësive mbrojtëse të Ukrainës.

Në të njëjtën ekspozitë, kompanitë ukrainase të dronëve shfaqën edhe mjete të tjera ajrore pa pilot, që mbulojnë role të ndryshme në fushën e betejës. Këto variojnë nga dronët sulmues dhe transportues me rreze të gjatë veprimi deri te dronët zbulues me kosto të ulët dhe një “madh” që transporton dhe lëshon dronë sulmues FPV/a2

34-vjeçari u përplas nga një makinë ndërkohë që po kalonte rrugën, e pas 10 ditëve në koma ai nuk mundi të mbijetonte

Ndarja nga jeta e Kreshnik Tomanit një muaj më parë, baba i tre fëmijëve të mitur, ka prekur thellë zemrat e shumë shqiptarëve.

34-vjeçari u përplas nga një makinë ndërkohë që po kalonte rrugën, e pas 10 ditëve në koma ai nuk mundi të mbijetonte. Emisioni “Për Shqiptarët” në Top Channel ka nisur një fushatë për t’i ndihmuar e për të plotësuar amanetin e fundit të Kreshnikut, një shtëpi për fëmijët e tij.

Kreshniku ka qenë jo vetëm një bashkëshort i mirë, por një baba i jashtëzakonshëm për tre fëmijët e tij, e në mënyrë të veçantë për Nikitën, fëmija i tyre i parë. Ajo beson ende sot e kësaj dite se ai aksident është vetëm një ëndërr.

“Më plotësonte çdo dëshirë, nuk më thoshte kurrë jo për asgjë. Ka qenë baba shumë i mirë, kushdo do ishte me fat ta kishte një baba si ai. Nuk e shpreh dot të gjithë dashurinë që kam pasur për atë. Ishte shumë i veçantë për mua. Babain doja më shumë. Për ne erdhi në Fier, të realizonte ëndrrën time të isha këngëtare. Më thoshte gjithmonë mëso, kam në plan t’ja realizoj dëshirën babait. Do doja që këtë vit shkollor ta nisja me babin, por nuk ndodhi ashtu. Ndonjëherë mendoj se është ëndërr, por pastaj kuptoj që është realit. Na kishte premtuar një papagall, nuk na e bleu dot. Të kishim një shtëpi, dhe të jetonim të gjithë bashkë”.

Bashkëshortja e tij rrëfeu ditën kur mësoi për aksidentin, që do t’i ndryshonte gjithë jetën e saj.

“Hapa telefonin dhe pashë që kishte ndodhur një aksident. Mora vesh që ishte burri im, kur shkova i gjeta shapkën. Nuk e njoha, ishte shpërfyturuar. Sa plagë ka marrë, çfarë ka ndjerë në ato momente. U dergjëm 10 ditë në spital, por nuk ia doli. Përse më la vetëm? Nuk e prisja të ndodhte kështu, nuk e kisha imagjinuar kështu. Më preu krahët. Vajzat çdo ditë kalojnë te vendi i aksidentit dhe kthejnë kokën, sepse është shenja atje”-tregoi ajo sonte./ Top Channel

Shërbimet e komunikimit në Shqipëri janë më të shtrenjta në raport me Bashkimin Europian. Sipas statistikave krahasuese të Eurostat, indeksi i çmimeve për shërbimet e komunikimit vitin e kaluar ishte 2.7% më i lartë krahasuar me mesataren e Bashkimit Europian.

Këto të dhëna konfirmojnë tendencën rritëse të çmimeve të komunikimit në Shqipëri, të lidhura veçanërisht me segmentin e shërbimeve celulare.

Tregu i telefonisë celulare në Shqipëri është rikthyer tashmë në të njëjtën strukturë të vitit 2008, me vetëm dy operatorë në treg. Hyrja në treg e operatorit të tretë Eagle Mobile (Albtelecom) dhe më pas e operatorit të katërt, Plus Communication, solli rritje të konkurrencës dhe ulje të ndjeshme të tarifave të komunikimit.

Por, këta dy operatorë nuk arritën asnjëherë të ishin fitimprurës. Plus Communication doli nga tregu në vitin 2018, ndërsa Albtelecom u shit vitin e kaluar te grupi hungarez 4iG, që paralelisht bleu edhe operatorin tjetër, ONE.

Ulja e numrit të operatorëve celularë në vend ka filluar që të ndikojë në shtrenjtimin e paketave të komunikimit. Nga ana tjetër, kalimi në teknologjinë 5G dhe nevojat e vazhdueshme në teknologji kanë ushqyer edhe më shumë presione rritëse mbi çmimet e operatorëve celularë në vend.

Shqiptarët konsumuan 2 miliardë GB internet në 2024

Tregu i komunikimeve elektronike është gjithnjë e më i orientuar në shërbimin e internetit.

Të dhënat nga AKEP tregojnë se konsumi i internetit shënoi rritje, si nga rrjetet fikse, ashtu edhe nga ato celulare dhe arriti volumin rekord të rreth 2 miliardë GB (gigabajt) për 2024.

Trafiku i internetit me brez të gjerë (broadband) nga rrjete fikse arriti në rreth 1.78 miliardë GB, ose rreth 41% më shumë se viti 2023.

Ndërsa trafiku i internetit nga rrjetet celulare arriti në 223 milionë GB, në rritje me 15.4% krahasuar me një vit më parë.

Sipas AKEP, këto shifra dëshmojnë rritjen e rolit të internetit për aksesimin e shërbimeve financiare, informative, sociale, shëndetësore, etj. Rritja e vrullshme e përdorimit të marrjes së shërbimeve nëpërmjet rrjetit të internetit ka sjellë gjithnjë e më shumë nevojën për lidhje që mundësojnë transmetim të dhënash broadband me shpejtësi dhe cilësi të lartë.

Struktura e pajtimtarëve me akses në shërbime interneti fiks po evoluon në mënyrë të pandërprerë drejt shërbimeve broadband me shpejtësi shkarkimi mbi 30 Mbps (megabit për sekondë).

Rreth 84% e pajtimtarëve kanë pasur në vitin 2024 akses në lidhje fikse të kësaj shpejtësie, nga 69% që kishte qenë ky tregues në fund të vitit 2023. Ndërkohë, 42% e pajtimtarëve zotërojnë lidhje me shpejtësi mbi 100 Mbps, nga 28% që kishte qenë ky tregues për vitin 2023.

Sipas AKEP, rritja e ndjeshme e numrit të pajtimtarëve që kanë akses në lidhje fikse me shpejtësi më shumë se 100 Mbps është një tregues mjaft pozitiv në funksion të arritjes së objektivave të

parashikuara në planin kombëtar për infrastrukturë dixhitale broadband të shpejtësisë së lartë dhe shumë të lartë në të gjithë vendin.

Operatorët investuan 5.2 miliardë lekë

Sipas të dhënave të Autoritetit të Komunikimeve Elektronike dhe Postare (AKEP), vlerësohet se operatorët e shërbimeve celulare dhe fikse investuan rreth 5.2 miliardë lekë, në rritje me 16% krahasuar me një vit më parë.

Mbështetur në të dhënat e AKEP, gjatë vitit 2024, sipërmarrësit e shërbimeve celulare kanë investuar rreth 2.3 miliardë lekë, 29% më shumë krahasuar me një vit më parë.

Rreth 93% e vlerës së investimeve të raportuara kanë shkuar në funksion të përmirësimit të infrastrukturës së ofrimit broadband nga rrjetet celulare.

Shifrat e konsumit të shërbimeve celulare vazhdojnë të tregojnë një tendencë afatgjatë të përqendrimit të këtyre shërbimeve tek interneti dhe rënien e shërbimeve të thirrjeve zanore dhe mesazheve të shkruara.

Për tremujorin e parë të vitit 2025, trafiku i të dhënave (internetit) u rrit me 8.8% krahasuar me një vit më parë, ndërsa përdorimi mesatar mujor i të dhënave për përdorues u rrit me 8.6%.

Këto shifra tregojnë se edhe komunikimi po zhvendoset gjithnjë e më shumë tek aplikacionet OTT, të bazuara tek interneti.

Ndërkohë, numri i përdoruesve të internetit nga rrjetet celulare ka arritur në afërisht 2.1 milionë, në rritje të lehtë vjetore me 0.4%. AKEP vlerëson se shqiptarët konsumojnë mesatarisht rreth 9 GB internet në muaj nga rrjetet celulare.

Që prej fundit të vitit të kaluar, operatorët celularë kanë nisur ofrimin e shërbimit të internetit 5G në kryeqytet dhe në pika të veçanta të vendit. Rrjetet 5G kanë kapacitete më të larta transmetimi dhe pritet të sjellin rritje të volumit të të dhënave nëpërmjet rrjeteve celulare.

Ndërkohë, sipërmarrësit e rrjeteve fikse kanë kryer rreth 2.9 miliardë lekë investime në rrjetet e tyre, shifër kjo në rritje të lehtë me 5% krahasuar me një vit më parë.

Sipas raportimeve të operatorëve, edhe vitin e kaluar, investimet janë kanalizuar kryesisht në funksion të përmirësimit të aksesit të shërbimeve broadband rreth 87% e totalit, ku ndër investimet kryesore është fokusimi drejt zhvendosjes së rrjeteve të transmetimit nga teknologjia

DSL drejt teknologjisë me fibër. Tashmë, rreth 69% e lidhjeve të internetit nga rrjetet fikse mbështeten në teknologjinë e fibrës optike. Të dhënat më të fundit të AKEP tregojnë se numri i abonentëve të internetit nga linjat fikse për tremujorin e parë 2025 arriti në afërsisht 681 mijë, në rritje me 7.1% krahasuar me të njëjtën periudhë të një viti më parë./Monitor.al

“Ne nuk duhet të vendosim limit në ambicien tonë. Tërheqja ndaj Shqipërisë është edhe më e madhe, madje është rritur ditët e fundit, sepse pavarësisht se çfarë thuhet këtu, gjithë bota merret me ministren tonë jo njeri, por kjo në thelb e bën tërheqës vendin si një vend që ka arritur të ketë një ministër jo njeri dhe ku ambicia është e madhe, ku hapja ndaj teknologjisë është e plotë.

Ashtu sikundër kam çdo 3-4-5 kërkesa për intervista nga jashtë për të shpjeguar këtë fenomen, është krijuar interes. Ka impaktin e vet në imazhin e vendit”, tha Rama.