Month: September 2025

Programi i dashurisë, “Për’puthen”, ka startuar të hënën sezonin e shtatë, e menjëherë ka nisur prezantimi i djemve dhe i vajzave konkurrente.

Një prej konkurrenteve vajza është Katerina. Ajo është 30 vjeçe dhe jeton në Greqi.
Në klipin prezantues të saj, Katerina i kishte shumë të qarta kërkesat për djemtë. Ajo tha lidhjet e saj zakonisht kanë qenë me meshkuj problematik, ndërsa tregoi se pikë në zemër i kishte mbetur “tullaci nga Elbasani”.

“Në Për’puthen kam ardhur për hakmarrje nga një tullac nga Elbasani. Dashuria për mua është të më mbështesni shpirtërisht dhe ekonomikisht. Histori horrori. Unë e prisja veglën më të madhe po doli shumë e vogël. Nuk do falja kurrë dhunën. Flamur i kuq për mua është kur tjetri është brekëgrisur. Unë e ngre flamurin e bardhë kur banka është plot me lek. E meta më e madhe që kam në marrëdhënie është se dua shumë seks. Puthja e parë ka qenë kur isha 14 vjeçe në plazhin e Semanit, në det, prapa ca makinave të mos na shikojnë. Isha e vogël atëherë”, ka thënë Katerina në klipin e saj prezantues, duke i habitur të gjithë. Madje video e saj tashmë është bërë shumë virale në rrjet.

Duket se sinqeriteti i Katerinës i ka ‘trembur’ pak djemtë, të cilët thanë se u duket vajzë e vështirë për t’u përshtatur me të.

Një i ri është vendosur nën akuzë për shpërndarje kokaine mbasi u zbulua pas një sherri me një të sapo arrestuar, i cili rezultoi se i kishte një borxh.

Por prokuroria dyshon se Edison Ndoja të cilin gjykata e apelit e la nën arrest në burg ishte duke I kërkuar paratë e kokainës shpërndarësit Luan Hasi. Ky i fundit sipas informacioneve që kishte policia udhëtoi nga Tirana për të shpërndante doza kokaine në Klos. Gjatë ndërhyrjes së antidrogës Hasi braktisi makinën dhe 51 gramë kokainë dhe tentoi të arratisej.

Veprimet e mëpasshme hetimore zbuluan në telefonin e shpërndarësit të parë një mesazh nga një i panjohur ku shkruhej “o luan ato lekë do paguhen veçse nëse shuhemi ne si racë“. Një komunikim i tillë ka zgjuar kureshtjen e prokurorit, i cili ka pyetur të dyshuarin e parë Hasi, që pranoi se numri i telefonit i përkiste garantuesit të kokainës Ndoja dhe se atij duhet ti dorëzoheshin 2 mijë euro.

Po Ndoja insiston se nuk është shpërndarës dhe se i infiltruari Hasi i ngriti grackë për të shmangur borxhin.

Raportohet se përherë e më shumë po shtohen zbulimet e shpërndarësit
Policia e shtetit konfirmon se nga janari deri në shtator të këtij viti ka deleguar për hetime 2233 shtetas të dyshuar si shpërndarës droge, prej të cilëve 598 janë arrestuar në kushte flagrance.

1578 prej tyre janë proceduar në gjendje të lirë jo vetëm për shkak të moshës, por edhe sepse kanë rezultuar përdorues

Panorama.al ka siguruar programin që do të prezantohet ditën e nesërme (18 shtator) në seancën parlamentare në Kuvend.

Në kapitullin  “Puna dhe Kapitali” njerëzor të programit bëhet me dije se objektiv i qeverisë është që paga minimale të shkojë në 500 euro deri në 2026, ndërsa paga mesatare kombëtare 1,000 € deri në 2030, në sektorin publik 1,200 €.

Sipas programit, qeveria ‘Rama 4’ synon që në mandatin e katërt të ulë papunësinë e përgjithshme në 6% deri në 2030 dhe papunësinë e të rinjve nën 15%.

Në vitin 2026 paga minimale në vend do të arrijë  në 500 euro. Në dokument theksohet se për 18 muajit e parë të aplikimit të kësaj rritjeje, nuk do të ketë asnjë taksë shtesë.

“Paga minimale në 500 euro deri në 2026, me 18 muaj pa asnjë taksë shtesë për punëmarrësit me paga të ulëta”, thuhet në dokument.

Ndërkohë që paga mesatare kombëtare do të arrijë  në 1,000 € deri në 2030 dhe në sektorin publik 1,200 €.

Pjesë nga programi

• Transformojmë shërbimet e punësimit me sistem të zgjuar orientimi karriere dhe platformë të dedikuar për emigrantët që duan të rikthehen e të punojnë në Shqipëri.
• Ulim papunësinë e përgjithshme në 6% deri në 2030 dhe papunësinë e të rinjve nën 15%.
• Paga minimale në 500 euro deri në 2026, me 18 muaj pa asnjë taksë shtesë për punëmarrësit me paga të ulëta.

• Paga mesatare kombëtare 1,000 € deri në 2030; në sektorin publik 1,200 €.
• Garancia Rinore ofron punë, trajnim ose arsim për mbi 40,000 të rinj brenda 4 muajve nga regjistrimi.
• Forcojmë barazinë në paga dhe politikat aktive për punësimin e grave. • Zgjerojmë modelin dual të arsimit profesional në partneritet me biznesin dhe certifikim ndërkombëtar të kualifikimeve.

• Deri në 2030, 1 në 3 nxënës ndjek arsimin profesional; shkollat profesionale kthehen në qendra multifunksionale me konvikte moderne dhe kurse afatshkurtra për profesione të kërkuara.
• Garantojme kushte të barabarta pune, trajtim dinjitoz, sistem social të qëndrueshëm dhe të besueshëm.
• Vijojmë me nënshkrimin e marrëveshjeve bilaterale për njohjen e pensioneve, duke siguruar kushte të barabarta pune dhe mbrojtje sociale të plotë për shqiptarët që jetojnë e punojnë jashtë vendit.
• Ndërtojmë programe të dedikuara për diasporën për rikthim të talenteve, transferim expertise dhe ndërmjetësim punësimi në sektorët prioritarë.

Programi i plotë

Gazetarja Esiona Konomi, përmes një statusi në rrjetet sociale, ka bërë me dije se me largimin e Elisa Spiropalit nga posti i kryetares së Kuvendit dhe ardhjen e Niko Peleshit, është shkarkuar në bllok i gjithë kabineti i ish-kryetares. Sipas gazetares, ky është momenti për të treguar sesi kabinetet e Kuvendit shpesh mbushen me emërime për “qokë”, ku një pjesë e mirë e personave të punësuar nuk kanë kryer funksione reale.

Konomi përmend disa shembuj konkretë:
Zëdhënësja e kabinetit, e cila sipas saj nuk ka komunikuar kurrë me gazetarët dhe është marrë vetëm me përgatitjen e materialeve vizuale për rrjetet sociale.

Ish-eurodeputeti Knut Frankestein, i cili ka përfituar 1600 euro në muaj nga buxheti i shtetit.

Edon Beci, djali i kryebashkiakut të Shkodrës, Benet Beci, me pagesë 1800 euro në muaj.

Ish-deputeti socialist i Vorës, Sadi Vorpsi, gjithashtu me pagesë 1800 euro në muaj, për të cilin gazetarja shprehet se nuk ka dhënë asnjë ekspertizë të dukshme.

Në këtë kabinet, sipas saj, mund të ketë qenë edhe ndonjë parukiere apo grimiere, duke ironizuar mënyrën si janë plotësuar pozicionet.

Përbërja e plotë e kabinetit të Elisa Spiropalit

Evis Fico – Shefe Kabineti

Zhaklina Gjolla – Zëdhënëse
Boralda Lalollari – Këshilltare
Glen Mebelli – Këshilltar
Knut Frankestein – Këshilltar
Kosta Barjaba – Këshilltar
Ejona Isufaj – Këshilltare
Edon Beci – Këshilltar
Enilda Miftari – Këshilltare e jashtme
Liridona Limani – Këshilltare e jashtme
Erisjan Bregu – Sekretar
Danja Peza – Sekretare
Miranda Lila – Eksperte
Lidiana Dushku – Eksperte
Sadi Vorpsi – Ekspert
Megi Zonja – Eksperte e jashtme
Lorenc Vangjeli – Ekspert i jashtëm
si dhe dy pozicione eksperti vakant

Ky informacion, thotë gazetarja në statusin e saj, është siguruar nga një shkresë zyrtare drejtuar Kuvendit në muajin gusht. Përgjigjja erdhi vetëm pas ankesës te Komisioneri për të Drejtën e Informimit. Në reagimin e tij, Kuvendi i Shqipërisë ka bërë me dije:

“Aktualisht ky kabinet nuk është më në detyrë dhe pritet të zëvendësohet me kabinetin e kryetarit të ri të Kuvendit, z. Niko Peleshi”.

Në maternitetin “Geraldina” ka ndodhur një rast i rrallë dhe mjaft emocionues. 12 infermiere dhe mami janë njëkohësisht në pritje të ëmbël!

Një skenë sa e bukur, aq edhe simbolike për vendin ku lind jeta çdo ditë. Top Channel intervistoi dy prej tyre, Imeldën dhe Elonën, të cilat ndanë emocionet e këtij momenti të veçantë jo vetëm si profesioniste të shëndetit, por edhe si nëna të ardhshme.

Imelda, që po pret fëmijën e saj të parë, këtë të premte do të veshë fustanin e bardhë për një tjetër ditë të paharrueshme – dasmën e saj. Por surpriza më e ëmbël? Të gjitha gratë shtatzënë do të marrin pjesë në dasmë duke hedhur vallen bashkë!

“Emocion i paparë. Jam në shtatzëninë e parë dhe ky fakt na bën më të ndjeshme, më pranë edhe me nënat që i shërbejmë çdo ditë. Pjesë e dasmës jeni edhe ju!”, tha Imelda me një buzëqeshje të sinqertë.

Kur moderatorja Bieta Sulo e pyeti si ka mundësi që të gjitha keni mbetur shtatzënë në të njëjtën kohë, Imelda me humor u përgjigj: Po ta kishim ditur që lajmi do të bënte kaq bujë, do e kishim shtuar numrin!

Ndërkohë Elona, që po pret fëmijën e saj të dytë, tha se ndjenja e amësisë është edhe më e fortë këtë herë: Kam një djalë dhe tani pres një vajzë – jemi të kompletuar. Nuk e kishim menduar që ky lajm do të bëhej kaq i famshëm, ne punojmë aty ku lind jeta.”

Ky “baby boom” i mrekullueshëm në një nga maternitetet më të njohura të vendit është më shumë se një rastësi – është një dëshmi e jetës që rritet mes duarve që ndihmojnë çdo ditë në lindjen e saj.

Vallja e 12 nënave të ardhshme këtë të premte pritet të bëhet videoja më e ëmbël e javës!

Top Channel

Ledian Gjoka, shqiptari në Greqi i cili u shndërrua në hero pasi shpëtoi nga mbytja në lum 2 fëmijë të vegjël në muajin qershor 2025, më në fund ka marrë nënshtetësinë greke.

Shqiptarit i është dhënë nënshtetësia greke nga vetë Kryeministri i Greqisë, Kyriakos Mitsotakis, i cili e ka falenderuar publikisht për aktin heroik.

“Ledian Goka në qershor të vitit 2025 rrezikoi jetën e tij për të shpëtuar nga mbytja dy fëmijë në ujërat e rrëmbyeshëm të lumit Arachthos. Një akt vetëmohimi që është një shembull i humanizimit dhe heroizmit. Sot atij iu dha nënshtetësia greke. E falenderojmë”, ka shkruar në Facebook Kryeministri Mitsotakis.

Shqiptari dy fëmijë të moshave 12 dhe 14 vjeç të cilët rrezikuan mbytjen në lumin Arachthos të Artës në Greqi. Madje, ai pësoi lëndime edhe vetë në këmbë gjatë tentativës për të shpëtuar dy të miturit.

Ledian Goga është nga Berati. Ai emigroi drejt Greqisë 24 vite më parë, kur ishte vetëm 17 vjeç.

Pesë vitet e fundit jeton në Artë me bashkëshorten dhe dy fëmijët, 10 dhe 6 vjeç. Gruaja e tij është rritur në Greqi dhe janë njohur përmes një krushqie.

Dasma madhështore e Genar Topallit dhe Cindy Marinës ka marrë një vëmendje të madhe për shkak të luksit. Madje është përfolur se ka kushtuar 500 mijë euro.

Vëmendje mori edhe deklarata e Eva Muratit, e cila teksa i kthente përgjigje një ndjekësi në “TikTok” përmendi fondet publike, duke thënë:

“Nuk dua që miliona shqiptarë të më dëshirojnë të vdekur sepse po mburrem me para që mund të jenë të vjedhura nga fondet publike”.

Producenti i njohur, Eduart Deda, ka zbuluar se kjo dasmë nuk ka kushtuar aq sa është përfolur, por ka qenë normale.

I ftuar në “Ftesë në 5”, Deda u shpreh se Cindy Marina vjen nga një familje milionerësh dhe se ajo është 50 për qind aksionere te klubi sportiv i nënës së saj.

“Ku e di ti se kush e ka paguar dasmën? Dasma ka qenë e përbashkët. Cindy Marina vjen nga një familje milionerësh. Babai i saj ka 120 punëtorë që punojnë për të sa i përket kompanisë së transportit.

E ëma ka klubin më të fortë në Los Angeles të volejbollit, që është klub sportiv që bën mbi 2 milionë dollarë të deklaruara në shtet në vit, e aty Cindy është 50 për qind aksionere. Nuk ka ngelur Cindy dhe as familja e saj për lekët e shqiptarëve.

Madje Jozefina, edhe te dasma e vajzës së vet ka qenë shumë e kujdesshme, modeste, se është natyra e vet. Kurse në Amerikë dasmat bëhen pomopoze, të bukura. Kjo dasmë nuk ka qenë aq e kushtueshme sa e kanë bërë, ka qenë normale”, tha Deda.

Më pas ai shtoi se ka qenë ‘dasma më e bukur që kam parë në jetë’:

“Ishin dy njerëz që po shijonin dasmën në mënyrën më të mirë të mundshme. Të bukurit e dheut të dy, Cindy si yll, Genari dy metër djalë. Çift i mrekullueshëm”.

Dasma madhështore e Cindy Marina dhe Genar Topallit, djalit të ish-kryeparlamentares Jozefina Topalli, ka qenë ngjarja më e komentuar e ditëve të fundit.

Ceremonia u zhvillua më 13 shtator në Bazilikën e Shën Marisë, te Altari i Qiellit në Romë, një vend i shenjtë e simbolik, ku sipas Genarit gjithçka ishte e organizuar me një donacion modest. Festa më pas vazhdoi me një darkë po në Romë, që sipas tij nuk kapte kosto më të larta se një dasmë e zakonshme në Shqipëri.

Por kjo martesë përrallore nuk kaloi pa polemika. Ish-partnerja e Genarit, moderatorja sportive Eva Murati, u bë pjesë e një debati të nxehtë pas një videoje të saj që qarkulloi në TikTok. Komentet e ndjekësve aluduan për xhelozi dhe dëshirë për një dasmë luksoze të ngjashme, gjë që e detyroi Evën të reagojë ashpër me fjalë të forta, duke hedhur poshtë çdo aludim për ndjenja të pazgjidhura por foli për dasëm me para që mund të jenë nga ‘fondet publike’

Në këtë situatë, Genar Topalli ka zgjedhur të japë një reagim publik përmes një postimi në Facebook. Ai shpjegoi se ceremonia dhe festa janë menduar e financuar prej tij dhe Cindy-t me mbështetjen e prindërve të saj, të cilët prej më shumë se 30 vitesh jetojnë e punojnë në SHBA, ku kanë ngritur biznese të suksesshme në transport dhe sport, me mbi 150 të punësuar. Sipas tij, dasma nuk kishte kosto të ekzagjeruara dhe çdo informacion i kundërt është spekulativ.

“Ky sqarim bëhet vetëm për të shmangur çdo shifër krejtësisht të pavërtetë e spekulative,” shkruan Topalli, duke falënderuar të gjithë për urimet e marra në këtë ditë të shenjtë për familjen e tij./Prive By Liberta Spahiu

Ish-prokurori Ervin Karanxha, teksa ka komentuar hapjen e garës për kreun e SPAK, ka deklaruar se ajo do të jetë më e lirë se 3 vite më parë.

Në një studio televizive Karanxha tha se mund të ketë rekomandime nga SHBA, por nuk do të ketë ndikime si më parë.

“Mendimi im është që rekomandime mund të ketë. Është strukturë që ka pasur gjithë kohë asistencën e SHBA-ve. Duke pasur parasysh ndryshimin e politikës së jashtme të SHBA, nuk do të jenë ndikime siç kanë qenë më parë, që erdhi ambasadori që bëri takim kokë më kokë me anëtarët e KLP-së. Mund të ketë një farë sugjerimi, rekomandimi, por jo ndërhyrje ndikuese. Do të jetë gara më e lirë. Dhe kandidatët vetë do të bëjnë lobime të ligjshme. Kandidatët do të bëjnë fushatë. Gara është e fortë. Prokurorët e SPAK kanë pasur çështje të rëndësishme. Kandidatët i plotësojnë kriteret”, tha ai.

Karanxha tha se dhe pas largimit të Dumanit institucioni do të vijojë punën.

“Çdo kërkesë që bëhet fizikisht, bëhet publike, emra që qarkullojnë. Të drejtën për të garuar e kanë të gjithë prokurorët e SPAK. Ka dhe prokurorë që nuk dua të bëhen në shef, se është më rrallë në gjyq dhe merren me problematika administrative”, vijoi Karanxha.

Gjashtëmbëdhjetë persona dhe katër kompani janë në bankën e të akuzuarve nga SPAK, për skemën kriminale të “mikrokredive”, ku pre e mashtrimit ranë rreth 100 mijë shtetas shqiptarë. Megaprocesi ka nisur këtë të mërkurë, në orën 11:00.

Akuzohen 16 shtetas dhe 4 persona juridikë, si pjesë e një grupi të strukturuar kriminal, me aktivitet të paligjshëm në fushën e mikrokredisë dhe mbledhjes së detyrimeve financiare.

Pavarësisht mijëra personave që janë mashtruar duke humbur gjithçka, SPAK ka përfshirë në procesin para Gjykatës së Posaçme vetëm 31 prej tyre, të quajtura “Viktima të veprave penale”. Ky gjyq pritet të shndërrohet në një maratonë, për nga numri i të akuzuarve dhe viktimave.

Skema e “mikrokredive” e krijuar fillimisht nga Arben Meskuti, pronar i disa kompanive përmbarimi, avokatie dhe mikrokredie, dhe Olsi Ibro, i cili u vetëvra në rrethana të dyshimta më 20 korrik 2024, u hetua fillimisht nga Prokuroria e Tiranës, ndërsa 5 vite më pas dosja kaloi për kompetencë në SPAK.

Prokurori Edvin Kondili, ish-kandidat për kreun e SPAK, pas disa muajsh hetime, dërgoi si të pandehur në GJKKO këta persona me akuza të rënda që kalojnë 15 vite burgim:

1. Arben Meskuti, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e krijuesit, organizuesit dhe drejtuesit dhe “Kryerje e veprave penale nga organizata kriminale dhe grupi i strukturuar kriminal”.

2. Elda Ibro, e akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grup i strukturuar kriminal”.

3. Alban Kote, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, kryer nga personi që ka për detyrë lëshimin e dokumentit, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

4. Aldo Daka, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

5. Albert Gega, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grup i strukturuar kriminal”.

6. Andis Gjoka, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

7. Vasil Bakallbashi, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

8. Yliana Sejfo, e akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

9. Indrit Çuberi, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

10. Rigels Bejko, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, kryer nga personi që ka për detyrë lëshimin e dokumentit, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

11. Altin Vako, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

12. Helidon Xhindi, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

13. Fatos Alimadhi, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

14. Lefter Canaj, i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

15. Roland Deda i akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal” – parashikuar nga nenet 143/3; 186; 333/a/2 dhe 334, paragrafi i parë, të Kodit Penal.

16. Endri Myftari, i akuzuar për kryerjen e veprave penale “Mashtrim me pasoja të rënda”, “Falsifikim i dokumentave”, kryer nga personi që ka për detyrë lëshimin e dokumentit, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

17. Personi juridik “Micro Credit Albania” sh.pk., akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit dhe “Kryerje e veprave penale nga organizata kriminale dhe grupi i strukturuar kriminal”.

18. Personi juridik “ADCA” sh.p.k., akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

19. Personi juridik “Final” sh.p.k., akuzuar për kryerjen e veprave penale: “Mashtrim me pasoja të rënda”, “Falsifikimi i dokumentave”, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

20. “Zyra e Përmbarimit Privat TDR Group”, akuzuar për kryerjen e veprave penale: “Mashtrim me pasoja të rënda”, “Falsifikim i dokumentave”, kryer nga personi që ka për detyrë lëshimin e dokumentit, “Grup i strukturuar kriminal”, në rolin e ekzekutorit, dhe “Kryerje e veprave penale nga organizata kriminale dhe grupi i strukturuar kriminal”.

Gjyqtarja e seancës paraprake që do vlerësojë nëse çështja do vijojë gjykimin ose do rikthehet për hetime të tjera është Flojera Davidhi.

Sipas dosjes voluminoze që SPAK ka përcjellë në GJKKO, ka rezultuar se të pandehurit dhe shoqëritë e sipërcituara kanë vepruar si shoqëri e vetme me karakteristika të qarta të një grupi të strukturuar kriminal, duke futur qytetarët në vështirësi ekonomike sipas një skeme përmes shtrëngimit, përdorimit në kundërshtim me ligjin të të dhënave personale të familjarëve të debitorëve dhe keqbesimit e fakteve të pavërteta.

SPAK ka vërtetuar realizimin e mijëra ankandeve fiktive nga përmbaruesi Rigels Bejko, i cili ka kaluar dhjetëra pasuri/prona të paluajtshme në pronësi të Micro Credit Albania.

Pritet që në megaprocesin e “mikrokredive” të dëshmojnë dhjetëra qytetarë të mashtruar, ndërkohë që një hetim paralel në SPAK po zhvillohet për Guvernatorin e Bankës së Shqipërisë, Gent Sejko, që shihet si iniciator i kësaj skeme e që pritet të dalë në gjykim në GJKKO përgjatë muajit tetor.