Month: September 2025

Sherebela, një nga bimët më të shëndetshme që shumë e konsiderojnë si antibiotikun dhe antiseptikun më të mirë natyror.

Emri latin i sherbelës, “Salvia officinalis”, vjen nga fjala “salvare”, që do të thotë të shpëtosh ose të shërosh, dhe të gjithë shkrimtarët e lashtë që merreshin kryesisht me tema mjekësore e përmendën atë në veprat e tyre. Edhe 2000 vjet më parë, romakët e vlerësonin shumë dhe e përdornin në mënyra të ndryshme për trajtim.

E gjithë bima është shumë aromatike dhe ka një erë karakteristike. Nga sherbela përdoret vetëm gjethja, dhe gjethja më medicinale merret kur sherbela fillon të lulëzojë, që është më shpesh në maj.

Në të kaluarën, njerëzit përdornin më shpesh fuqitë e bimëve, kështu që sherbela ishte përbërësi kryesor në përzierjet e balsamimit në varret e faraonëve.

Në Greqinë e lashtë, ajo përdorej për të trajtuar gjakderdhjen, ethet, gurët në veshka dhe menstruacionet e parregullta. Në të kaluarën, ajo mbillej në pothuajse çdo kopsht dhe, meqenëse besohej se shëronte pothuajse të gjitha sëmundjet, asaj iu dha statusi i një bime të shenjtë.

Nga rruga, sherbela përmban vajra esencialë salviol, pinen, cineol, borneol, kamfor, pastaj tanine, substanca të hidhura, proteina, niseshte, oksalat kalciumi, kripëra të acidit fosforik, kripëra kaliumi dhe kalciumi.

Shekuj më parë, sherbela përdorej kundër ngjirjes së zërit, inflamacionit të fytit dhe faringut, dhe çaji përgatitej për ata që vuanin nga tuberkulozi. Për shkak të efektit të saj të dobishëm në zgavrën orale, ekstrakti i sherbelës shpesh shtohet në pastat e dhëmbëve. Sherbela është gjithashtu efektive në sëmundjet e organeve të frymëmarrjes sepse nxit nxjerrjen e mukusit.

Sherbela si çaj është jashtëzakonisht efektive për diarrenë, dhimbjet dhe dhimbjet e stomakut. Gjithashtu, mund të ndikojë në trajtimin e reumatizmit, podagrës dhe çrregullimeve nervore që lidhen me këto sëmundje.

Në studimet mjekësore, u zbulua se kjo bimë pengon enzimën acetilkolinesterazë, e cila ndikon negativisht në kujtesë. Shkencëtarët besojnë se sherbela ka veti antioksiduese, anti-inflamatore dhe të ngjashme me hormonet që mund të ndihmojnë në trajtimin e demencës dhe sëmundjes së Alzheimerit.

Karli i Madh urdhëroi me ligj që rreth njëqind lloje të ndryshme bimësh medicinale duhej të kultivoheshin në çdo manastir, dhe sherbela ishte në vendin e parë.

Kjo është arsyeja pse sherbela përdoret në mjekësinë popullore për të forcuar nervat, por edhe për të pastruar gjakun dhe kundër reumatizmit dhe të gjitha inflamacioneve.

Nga rruga, sherbela mund të përdoret edhe në gatim si erëz sepse përmirëson tretjen, sekretimin e tëmthit dhe zvogëlon gazrat. Për shkak të efektit të saj antimikrobik, përdoret në pomada antivirale kundër herpesit.

Disa mjekë e përdorin sherbelën edhe për spazmat, sëmundjet e palcës kurrizore, sëmundjet e gjëndrave dhe dridhjet. Gjethet e shtypura të sherbelës mund të ndihmojnë edhe me pickimet e insekteve.

Në një studio televizive u diskutua mbi sigurinë e inteligjencës artificiale dhe rreziqet që ajo paraqet, bazuar edhe tek ministrja më e re, Diella.

Eksperti Gent Progni hodhi dyshime se pas Diellës është Mira Murati, ish drejtoresha e teknologjisë Open AI.

Ai ngriti shqetësime serioze mbi mënyrën se si një inteligjencë artificiale e re mund të sfidojë Diellën dhe të zbulojë informacione të shumta, përfshirë të dhëna mbi tendera, dokumente dhe lidhje të dyshimta brenda institucioneve shtetërore.

Pjesë nga biseda:

Progni: Mund të jetë edhe Mira Murati. Ne kemi bërë një investim tek kompania e saj, edhe pse është kundra ligjit. Ka marrë rrezik shumë të madh mbi supe.

Moderatorja: Pse?

Progni: Nuk është e vështirë të bësh një inteligjencë tjetër artificial dhe të ketë informacione më të shumta se Diella. Dhe t’a vendosesh në pyetje-përgjigje me Diellën. Ajo mund t’a thyejë logjikën e Diellës dhe të japi informacione që ndoshta këta nuk e kanë menduar që mund të dalin. Që do të thotë, nëse i bën pyetje: A ka vërtet korrupsion në ministrinë tënde dhe ajo të kthen përgjigje me emra me fakte, me shkresa. Mund të thotë që filani bën korrupsion me këtë tender, me këtë dokument etj etj.

Moderatorja: Arrin t’a bëj një filtrim të tillë informacioni nëse do duhet?

Progni: Nëse ajo është në mjediset e të gjithave ministrive, do të thotë se i ka informacionet. Pra ajo ka informacion kush është i punësuar, sa e ka rrogën, çfarë lidhje kanë të punësuarit me njëri-tjetrin. Kur ti bëhesh lajm botëror, jo vetëm vëmendja pozitive, por edhe negative është tek ty. Kështu që këto hakërime që kemi parë deri më sot me Diellën, mund të jenë burim informacioni dhe nxjerrje informacioni shumë i frikshëm.

Reperi i njohur, Mozzik është arrestuar sonte në aeroportin e Prishtinës.

IndeksOnline mëson se Mozzik është arrestuar nga policia doganore dhe është dërguar në mbajtje për 24-orë. Arsyeja e ndalimit lidhet me dyshimet e bazuara për prejardhjen e dy orëve luksoze, që kapin vlerë të larta.

Në rrjetet sociale ditën e sotme, ai ekspozoi një orë të markës së famshme Richard Mille, ku tha se i bëri vetes një dhuratë para ditëlindjes.

Njëra nga orët të cilat i bleu reperi, karakterizohet nga një kornizë transparente prej safiri kristali dhe një rrip i bardhë elegant. Sipas raportimeve të bëra, çmimi i kësaj ore kap vlerën e rreth 1.5 milionë eurove. /IndeksOnline/

Ky përllogaritje, sipas ekspertit, tregon se ngritja e një inteligjence artificiale që merr rolin e një drejtuesi politik nuk është vetëm një eksperiment teknologjik, por edhe një sfidë ekonomike e përmasave të mëdha.

“I bëra një pyetje të thjeshtë si user i thjeshtë. Më jep një mendim sa mund të kushtojë Diella, inteligjenca artificiale, e para ministër në botë. Ja si ndahet kostoja e përafërt:

infrastrukturë teknologjike (superkompjuterë, GPU farms, të tipit H100) çmimi nga 100 deri në 300 milionë euro vetëm për hardware. Cloud dhe server të dedikuara, çmimi është 20-50 milionë euro në vite.

100 milionë euro vetëm paga. Dhe duhet një ekip prej 300-500 personash. Fushata, edukimi dhe adaptimi social se duhet dhe kjo normale, 10-30 milionë euro. Ndërgjegjësim publik, 5-15 milionë euro.

Pra, totali i përafërt thotë, 400 milionë euro deri në 1 miliardë euro fillimisht, plus 100-200 milionë euro në vit për mirëmbajtje”, tha Progni.

Ditën djeshme në Gjykatën Speciale të Hagës ka dhënë dëshminë e tij James Rubin, ish-zyrtar i lartë amerikan dhe njohës i zhvillimeve në Kosovë gjatë periudhës së luftës, në mbrojtje të ish-krerëve të UÇK-së.

I ftuar në një studio televizive gazetari nga Kosova Behxhet Begu, bëri një analizë të shkurtër të dëshmisë së djeshme të dhënë në Hagë nga James Rubin duke theksuar se deklaratat e tij do të ndryshojnë rrjedhën e gjykimit.

“James Rubin është personalitet i jashtëzakonshëm ai ka qenë zv,sekretar i Madeleine Albright. Ajo e kishte ngarkuar si njeriu kryesor që do merrej me marrëveshjen e Rambujesë dhe që do të bindte delegacionin shqiptar për të pranuar marrëveshjen. Ai ka rrëzuar pretendimin kryesor të prokurorisë.

Ai e përshkruajti Thaçin dhe Krasniqin si dy njerëz të moderuar që nuk kishin fuqinë në konferencën Rambujesë të firmosnin marrëveshje se komandantët e zonave kishin paralajmëruar që nuk do ta respektonin një marrëveshje të tillë. Thaçi kërkoi ndërprerje të konferencës për të shkuar në Kosovë për tu konsultuar me komandantët e zonave.

Dëshmia e Rubin është më e besueshme se të gjitha dokumentacionet e gjykatës Speciale në Hagë. Kjo ndryshon gjithçka, pasi trupi gjykues nuk mund të anashkalojë një dëshmi të një ish-zyrtari amerikan të shtetit.”

Sakaq, gazetari Behxhet Begu komentoi dhe protestën madhështore të mbajtur ditën e djeshme pranë selisë së Gjykatës Speciale në Hagë në mbrojtje të ish-krerëve të Ushtrisë Çlirimtare të Kosovës, të cilët prej vitesh po hetohen për krime lufte dhe krime kundër njerëzimit.

Behxhet Begu u shpreh se shqiptarët janë ndjerë të ofenduar nga tendenca e gjyqtarëve apo prokurorëve të Hagës të cilët përpiqen të barazojnë krimet serbe me luftën për mbrojtje të shqiptarëve të Kosovës.

“Njerëzit ndihen të ofenduar kur barazohet krimi. Shqiptarët e Kosovës ishin viktima. Rubi ne tha dje që ne ishim në anën e viktimës. Nga Kosova u dëbuan më shumë se 1 milion shqiptarë. Të ngrihet një aktakuzë dhe të tentohet të barazohet krimi që ka bërë Serbia me ne, i ka ofenduar shumë shqiptarët e Shqipërisë dhe Kosovës.”

Një shqiptar është vrarë me armë zjarri në një atentat në Toronto të Kanadasë. Viktima eshte identifikuar si Paulin Harusha, 43 vjeç.

Sipas njoftimit zyrtar, të autoriteteve 43-vjeçari Paulin Harusha ndërroi jetë në vendngjarje, pavarësisht përpjekjeve të ekipeve mjekësore për t’i shpëtuar jetën.

Harusha u gjet i qëlluar me armë brenda një automjeti, ndërsa ngjarja ndodhi pranë kryqëzimit të Victoria Park Avenue dhe Sheppard Avenue East, rreth mesnatës së të shtunës.

Sipas dëshmitarëve, autorët e dyshuar janë larguar nga vendngjarja me një automjet, përpara se të mbërrinte policia.

Në një konferencë për shtyp të dielën, Inspektori Jonathan Rose nga Shërbimi i Policisë së Torontos deklaroi se motivi i krimit mbetet ende i panjohur.

Hetimet vijojnë, ndërsa autoritetet u bëjnë thirrje qytetarëve që kanë informacion të kontaktojnë policinë.

Në një intervistë në DritareTV, Tërmet Peçi ka folur për herë të parë pas shpërthimit të lajmit për akuzat për abuzim seksual që dolën pak orë para zgjedhjeve të 11 majit.

Ai e ka konsideruar lajmin si “të shpifur” dhe ka treguar se publikimi i tij në atë moment ishte i qëllimshëm:

“Pak ora para kutisë së votimit nxorën një lajm shumë të shpifur. Kjo më ka ngacmuar. Mund ta kishin nxjerrë më parë, por pritën atëherë. Por ky lajm nuk ndikoi fare, sepse atje ku unë jetoj më njohin shumë mirë.”

Peçi ka kujtuar gjithashtu ngjarje të ngjashme që kanë ndodhur rreth 10 vjet më parë, kur portalet kishin publikuar lajme për fëmijët e tij asokohe adoleshentë:

“Para disa vitesh portalet po ngacmonin fëmijët e mi, që ishin adoleshentë. I gjeta numrin drejtuesit të portalit, e mora në telefon edhe më tha: ‘E di si është puna o kryetar, lajmi yt shitet.’ Pse ore me mua do bësh lekë ti? Këtu shteti vetë duhet të vërë dorë. Nëse ke diçka nxirre dhe unë përgjigjem. Por jo të më baltosësh vetëm për klikime.”

Ai ka theksuar se përdorimi i lajmeve të tilla për përfitime politike nuk është rruga e duhur:

“Kjo nuk është rruga e duhur, të baltosësh dhe të bësh politikë. Nëse do të bësh politikë, përballu me njerëzit.”/Marrë nga Dritare.net

Kujtojmë se para fushatës së 11 Majit, një histori mes një punonjëseje bashkie dhe deputetit, Termet Peçi, qarkulloi në rrjete, si një aferë seksuale.

Në media u raportuan variante të shumta, madje u tha se bashkëshorti i punonjës së Bashkisë kishte kryer edhe një kallëzim penal ndaj kandidatit për deputet.

Moderatorja e sportive, Eva Murati, ka bërë një reagim ekskluziv për “Live From Tirana” me Ronaldo Sharkën, rreth një komenti që ka bërë bujë për dasmën e ish-partnerit të saj, Genar Topalli.

Moderatori i njohur e ka kontaktuar Evën për të qenë pjesë e programit, për të folur rreth komentit të saj që tashmë është bërë viral në rrjetet sociale.

Në komentin e saj, Murati përmendte lekët e vjedhura nga fondet publike si dhe linte të kuptonte që Genari e ndiqte çdo ditë, madje një gjë të tillë e kishte bërë edhe një ditë para dasmës së tij me Cindy Marina.

Moderatorja nuk ishte e pranishme në studio me Sharkën, por ky i fundit lexoi një mesazh që Eva i ka dërguar në lidhje me këtë:

“Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”

Dhjetë ditë pas u dërgua me urgjencë në QSUT, i penduari i drejtësisë, Nuredin Dumani, u shfaq në Gjykatën e Posaçme për seancën e radhës të dosjes “Plumbi i artë”.

Në dukje Dumani nuk përcillte asnjë shqetësim, ndërsa u përshëndet mes buzëqeshjes dhe batutave me avokatët para nisjes së seancës.

Seanca nuk u zhvillua normalisht për shkak të mungesës së disa prej avokatëve në proces. Situata u tensionua kur palët diskutuan mbi zhvillimin ose jo 2 herë në javë të seancës. I pandehuri Petrit Qoli shpërtheu ndaj gjykatës, duke kërkuar ritëm të procesit.

“Po kryeni gjenocid individual nga padrejtësia e drejtësisë unë kam vetëm një hall zonja kryetare, infarktin. Ai nuk të pyet. Nuk vjen me zhurmë. Po na shkatërroni. Jam duke vdekur nga turpi, se na plasët.

O prokuror po na vrisni për së gjalli. Kam familje jashtë, kam biznese, po më shkatërroni. Kam dy vite në burg për shkak të Dumanit. Më falni për tonin, por po na vdisni”, tha Qoli.

Në përfundim, duke ju referuar Dumanit, Qoli shtoi:

“O prokuror mos i jep karkaleca këtij se ky maksimumi makarona ha”.

Seanca e radhës u shty për me 18 shtator.

Pas një sëmundje të rëndë dhe të shpejtë, në orët e para të mëngjesit të sotëm, pushoi së rrahuri zemra e një prej kameramanëve më të mirë të medias.

Ervin Hoti prej 22 vitesh kontribuoi në realizimin e qindra programeve televizive, duke nisur nga programet e thjeshta e deri te spektaklet.

Ai ishte një nga “sytë” më cilësor me anë të të cilit publiku ka parë dhe shijuar prodhimet e RTSH-së për më shume se dy dekada.

Ervini karakterizohej nga korrektësia dhe intuita krijuese në çdo aspekt të punës.