Month: September 2025

Paraja jonë, leku, për herë të parë u fut në përdorim në vitin 1924, nga mbreti Ahmet Zogu.

Disa burime thonë se emërtimi i tij vjen për nder të Aleksandrit të Madh, mbretit shqiptaro-maqedonas, që ndryshe quhet edhe Leka i Madh ndër shqiptarët, kurse një burim tjetër thotë se emërtimi i tij vjen nga feudali shqiptar i shekullit XV, Lekë Dukagjini.

Dhe leku, paraja jonë, për pak vite mbush 100 vjet, një shekull…. Po, po, një shekull i shkruar gabim dhe askush nuk ka marrë mundimin të korrigjojë e t’i shkruajë saktë numrat te paratë tona

Një shekull që e qarkullojmë nëpër duar, që e kemi pjesë të pandarë dhe të rëndësishme të jetës sonë dhe askush nuk ka bërë përpjekje që, të paktën te prerjet e reja, të rregullohen këto gabime dhe ne të kemi një para dinjitoze.

Këtu nuk po flasim vetëm për mosshkrimin e “ë”-së dhe “ç”-së, sepse këtë mund ta justifikojmë me çështje dhe aftësi teknike, që në ditët e sotme edhe ky korrigjim është shumë i lehtë, por flasim për shkrimin gabim të numërorëve shprehje, si: “Pesë mijë lekë”, “Një mijë lekë”, “Dy mijë lekë”, që shkruhen ndaras, por që në paratë tona e gjejmë: “Pesëmijë lekë”, “Dymijë lekë”, “Njëmijë lekë” etj.

Ja rregulla se si shkruhen numërorët:

Numërori është pjesë e ligjëratës që tregon numra abstraktë ose sasi të caktuara sendesh a njerëzish. Ata janë:1) fjalë të parme (numrat nga 1 deri në 10): një, dy, tre, katër, pesë…2) të përngjitura (11 deri në 19), njëmbëdhjetë, tetëmbëdhjetë, nëntëmbëdhjetë…3) të përbëra (tridhjetë, pesëdhjetë… nëntëdhjetë, njëqind, dyqind etj.)

4) shprehje (njëzet e një…- 29; tridhjetë e një – 39… njëqind e një, një mijë, një mijë e një, pesë mijë, dhjetë mijë, njëqind mijë etj.).Pra, mbani mend, numërorët shprehje shkruhen ndaras. Vetëm kur dalin si mbiemra shkruhen bashkë. (Isha i njëqindedyti në radhë).Le të shpresojmë që leku ynë do të festojë 100-vjetorin e lindjes së tij “i pastër” nga ana drejtshkrimore

Kjo shtëpi ka bërë shumë persona kuriozë se përse është e vetmja e ndërtuar në një ishull të shkretë.

Ndodhet në një kodër të shtetit të Islandës. Thuhet se gjatë shekujve 18-19 në këtë zonë të shkretuar, kishte shumë banesa.

Por rreth viteve 1930, kur bota avash-avash po ndryshonte, edhe këta banorë synuan zbritjen në qendër në kërkim të një jete më të mirë.

Që atëherë, ishulli u braktis dhe e vetmja shtëpi që mbijetoi ndezi shumë teori.

Një nga këto ishte dhe historia e një miliarderi, i cili donte të strehohej në Elliaey për t’i shpëtuar apokalipsit të zombive.

Të tjerë sugjerojnë se është pronë e një vetmitari fetar.

Por në realitet është diçka mjaft e thjeshtë.

Në fakt është një kabinë roje e ndërtuar nga Shoqata e Gjahtarëve për t’u furnizuar mjaftueshëm me peshqit që enden në ujërat përreth.

Zbulim që ka mahnitur shqiptzarët, por ka shokuar grekërit dhe maqedonasit.

Edhe pse kanë kaluar mijëra vite, bëmat, fitoret dhe betejat e Aleksandrit të Madh vazhdojnë të bëjnë bujë dhe të tërheqin vëmendjen e shumë historianëve. Heroi Ballkanas u bë figura më madhështore dhe më stratege që ka njohur bota. Të gjithë kemi lexuar për bëmat e tij, por ajo që diskutohet sot ashpër në mbarë botën është origjina e tij.

Por të gjitha aludimet duket se do të marrin fund, pasi këtë javë studiuesja e shquar italiane Lucia Nadin ka zbuluar ‘testamentin’ e Aleksandrit të Madh në të cilin ai i drejtohet popullit të Shkodrës duke ju dhënë atyre një territor në administrim si dhe duke ju drejtuar me fjalën se ai është “pinjoll i farës së ilirëve”, raporton “Ina”.

Dokumenti është publikuar nga studiuesja italiane e cila ka bërë një hulumtim shkencor për Aleksandrin e Madh.

Ja çfarë shkruhej në letër:

Unë Aleksandri, bir i Filipit, mbretit të maqedonasve, mishërim i monarkisë, krijues i Perandorisë Greke, biri i Zeusit, bashkëbisedues i Brahamanëve dhe i Pemëve, i diellit dhe hënës, triumfues mbi mbretëritë e Persëve e të Medëve, Zoti i Botës prej ku lind dhe ku perëndon dielli, nga Veriu në Jug, pinjoll i farës së shquar të popujve Ilirikë të Dalmacisë dhe Liburnisë dhe të popujve të tjerë të së njëjtës gjuhë që popullojnë Danubin dhe zonën qendrore të Thrakës, u sjell dashurinë, paqen dhe përshëndetjet e mija dhe të të gjithë atyre që ndjekin sun.dimin e botës.

Duke qenë se ju gjithmonë me jeni treguar të besës dhe të fortë e të pathyeshëm në bet.ejat e bëra krah meje, u jap dhe u dorëzojë juve në zotërim të lirë gjithë hapësirën e Akuilonit e deri në skaj të Italisë së Jugut.

Dëshmitar të këtij akti janë Atleti, logotheti i im, dhe 11 princa të tjerë, të cilët unë po i emërojë si trashëgimtarë të mi dhe të të gjithë Botës, meqenëse po shuhem pa lënë pasardhës.

Testamenti është zbuluar dhe përkthyer nga studiuesja italiane Lucia Nadin, të cilin ajo e ka paraqitur në hulumtimin shkencor, “Statuti de Scutari, della prima meta del secolo XVI con le addizioni fino al 1469″.

Trupi i pajetë një gruaje në Brazil është zbuluar e varrosur brenda shkallëve prej betoni, pasi shefi i ndërtesës ka vënë re një erë të keqe që kutërbonte.

Pasi iu përgjigj ankesës, policia ka gjetur trupin e 25-vjeçares Joice Marie De Gloria Rodrigues, e zhveshur dhe me një bluzë të mbështjellë në qafë.

Një murator 54 vjeç ka pranuar vrasjen, kurse ka dyshime se ai edhe e ka përdhunuar.

Ngjarja ndodhi në Sao Vincente. Viktima, që ishte studente, jetonte me bashkëshortin dhe dy fëmijët.

Dashi

Do jeni shume përtacë gjate kësaj dite dhe do e lini rutinën ne çift t’iu pushtoje, Kjo ne fakt mund te jete aq e dëmshme saqë ju as nuk e kishit menduar. Beqaret duhet t’i bëjnë sytë katër sidomos ne orët e mesditës. Do ketë shume persona qe do i vrojtojnë. Financat do mbeten ne te njëjtën gjendje qe kane qene edhe kohe me pare. Ruajeni qëndrueshmërinë.

Demi

Priten disa ndryshime te vogla gjate kësaj dite ne jetën tuaj ne çift. Me ne fund do e kuptoni se edhe ju keni gabuar diku dhe do gjeni një mënyrë te veçante për te kërkuar falje. Beqaret ka rrezik te bien ne dashuri me persona me te vegjël se vetja dhe jo shume te pjekur. Te ardhurat do i menaxhoni me më tepër maturi se kurrë me pare.

Binjaket

Periudha e debateve dhe konflikteve ne çift do përfundojë sot. Atmosfera do ngrohet mjaft dhe çdo gjë do vendoset ne vendin e duhur. Beqaret do mahniten dhe do drithërohen nga një person qe do i ftoje për te dale. Gjithsesi gjerat duhen marre shtruar. Ne planin financiar fati do jete me ta. Do dine ti bëjnë mire llogarite qe situata te mbetet e qëndrueshme.

Gaforrja

Paqja dhe harmonia do mbizotërojë sot ne jetën tuaj ne çift. Do ndiheni mire pranë personit qe dashuroni dhe do doni te kaloni sa me shume kohe pranë tij. Beqaret do kenë te tjera synime ne jete dhe nuk do e mbajnë mendjen tek dashuria. Te ardhurat fatmirësisht do jene goxha te mira. Do keni mundësi te kryeni edhe disa investime te nevojshme.

Luani

Do keni disa divergjenca me partnerin tuaj gjate kësaj dite dhe kjo do ju mërzitë tej mase. Do i kuptoni gabimet, por nuk do e ulni hundën dhe te kërkoni falje. Beqaret duhet t’i shprehin ato qe ndjenje dhe jo t’i mbajnë për vete. Vetëm ne këtë mënyrë do mund ta ndryshojnë jetën. Financiarisht do përballeni me momente te vështira. Kujdes!

Virgjeresha

Mos ëndërroni me shume sesa duhet sot ne jetën tuaj ne çift sepse realiteti mund t’iu duket edhe me i hidhur sesa mendonit. Beqaret nuk do i pëlqejnë aspak personat qe do i joshin dhe ne këtë mënyrë do ngelen serish vetëm. Gjendja e financave do varet tërësisht nga gjendja juaj. Po e tepruat me shpenzimet do keni goxha vështirësi. Ne te kundërt situata do jete e qete.

Peshorja

Merkuri ka mundësi ta turbulloje paksa jetën tuaj ne çift. Do reagoni ashpër pas çdo kritike qe do iu beje partneri dhe nuk do keni durim te dëgjoni shfajësimet e tij. Beqaret do njihen me persona te shumte gjate një mbledhjeje, mirëpo nuk do jene gati për te hedhur hapa me tej. Sido qe te jete gjendja juaj financiare nuk duhet te merrni para hua.

Akrepi

Do kaloni një dite te mrekullueshme sot pranë atij qe dashuroni. Ai do ua shpjegoje me detaje se perse kohet e fundit nuk iu ka kushtuar aq shume vëmendje sa ju do dëshironit. Beqaret ka rrezik te nxitohen dhe te bëjnë gabime sot. Te ardhurat do kenë përmirësime progresive. Po vazhduat kështu shume shpejt do keni rritje te ndjeshme.

Shigjetari

Do jeni me nerva gjate gjithë kësaj dite dhe gjerat mes jush dhe partnerit nuk do ecin shume mire. Mund te ketë edhe ndonjë debat te forte për shkak te impulsivitetit. Beqaret nuk duhet te joshin cilindo qe do iu dale përpara sepse mund te zhgënjehen e te lëndohen me vone. Financat nuk do jene aspak te këqija, përkundrazi mund te ketë edhe ndonjë përmirësim.

Bricjapi

Për njëherë te vetme do e merrni me seriozisht te ardhmen tuaj ne çift dhe do mundoheni te bëni zgjedhjet e duhura. Planetët fatmirësisht do iu gjenden pranë. Beqaret do kenë disa takime jo shume interesante. Edhe pse nuk do e ndryshojnë statusit, te paktën nuk do qëndrojnë mbyllur ne shpi duke menduar. Te ardhurat do i mbroni me çdo kusht.

Ujori

Venusi do jete i pozicionuar keq sot ne jetën tuaj ne çift. Ai do nxite debatet e njëpasnjëshme te cilat do ua prishin gjithë ambientin. As beqaret nuk do kenë një dite me fat kështu qe do ngelen serish vetëm. Nuk ka ardhur ende koha për dashuritë e mëdha. Financat mund ti stabilizoni me pak mençuri dhe maturi. kërkoni ndihme po nuk mundet.

Peshqit

Gjate gjithë ditës do kaloni çaste te pafundme lumturie pranë atij qe dashuroni. Gjithçka do ndryshoje si me magji ne jetën tuaj ne çift dhe do iu duket si një ëndërr. Beqaret do kenë ndjenja kontradiktore dhe nuk do dine çfarë te bëjnë. Me mire qëndroni edhe sot ashtu si jeni. Financat do jene te stabilizuara dhe aspak problematike. Me ne fund!

Moderatorja sportive, Eva Murati, ka reaguar ndaj dasmës më të përfolur gjatë këtyre ditëve, atë mes prezantueses Cindy Marina dhe djalit të Jozefina Topallit, Genar Topalli. Ceremonia e veçantë, po aq edhe luksoze në Romë, tërhoqi jo pak vëmendjen e ndjekësve në rrjetet sociale me videot që qarkullojnë pa fund.

Ndjekës të shumtë kanë reaguar duke komentuar luksin që ‘veshi’ dasmën, ku ishin të ftuar yje të ekranit dhe figura të politikës. Reagimeve nuk i shpëtoi as Eva Murati, e cila dikur ka qenë në një lidhje me Genar Topallin. Një video e saj në TikTok ra menjëherë në syrin e ndjekësve, të cilët nuk vonuan që t’i komentonin duke për xhelozi e për zili, e të tjerë që thjesht e komplimentonit.

Komenti: Pra, po përpiqesh të na thuash që nuk e doje atë dasmë përrallore dhe një djalë të pashëm e të pasur. Gjithsesi kjo nuk është më pak në botën time.

“Nuk dua që milione shqiptarë të më dëshirojnë të vdekur sepse po mburrem me para që mund të jenë të vjedhura nga fondet publike. E di që më ndjek çdo ditë, por ta bësh këtë një ditë pas dasmës tënde është më shumë se patetike.“, përgjigjet moderatorja.

E megjithatë, ajo zgjodhi t’i përgjigjej një komenti në anglisht, sipas të cilit, moderatorja do ta donte vetë një dasmë të tillë përrallorë. Murati ka ka shpërthyer ndaj këtij komenti, duke thënë se nuk do të donte asgjë që vjen nga lekë të vjedhura nga para publike.

Modelja dhe prezantuesja sportive Cindy Marina dhe djali i Jozefina Topallit, Genar Topalli, kanë kurorëzuar dashurinë e tyre në martesë. 

Cindy Marina, kishte organizuar në shkurt të këtij viti një festë të madhe beqarie në Shtetet e Bashkuara të Amerikës./ZËRI

Një ngjarje e rëndë ka ndodhur në Milano mbrëmjen e djeshme.

Një i moshuar ka tentuar t’i japë fund jetës duke u hedhur nga ballkoni i banesës, por fati kishte rezervuar një ngjarje jo të zakontë.

70-vjeçari u hodh nga kati i katërt, por në vend që të përfundonte në trotuar, ra mbi një 83-vjeçare, e cila ndërroi jetë në vend.

Ndërkohë 70-vjeçari është ende gjallë. Pasi u transportua në spital dhe mori ndihmën mjekësore, raportohet se është jashtë rrezikut për jetën.

© BalkanWeb

Investimet e huaja në Shqipëri po kanalizohen veçanërisht në blerje pasurish të paluajtshme, dhe jo më në sektorët tradicionalë si energjia, apo industria nxjerrëse.

Banka e Shqipërisë thotë se në tremujorin e dytë të këtij viti vlera e investimeve të huaja direkte arriti në 398 milionë euro, me rritje prej vetëm 3 milionë euro në raport me të njëjtin tremujor të vitit të kaluar.

INVESTIMET E HUAJA DIREKTE

Prill-Qershor 2024 395 mln euro

Prill-Qershor 2025 398 mln euro

Rritja +3 mln euro

34% e këtyre parave u ‘hodhën’ në sektorin e pasurive të paluajtshme, ose gati 135 milionë euro. Praktikisht një në tre lekë të investuara në Shqipëri nga të huajt në periudhën prill-qershor 2025, shkoi për blerje pronash.

Për ekspertët e tregut të pasurive të paluajtshme, Shqipëria është ende një treg me leverdi për të huajt, pasi çmimet e pronave për ata janë të përballueshme. Ndërsa vala e blerjeve të apartamentet nga shtetas jo rezidentë, po vijon të shtrenjtojë pronat në vend.

Praktikisht e gjithë rritja e investimeve ka ardhur nga sektori i pasurive të paluajtshme pasi të gjitha fushat e tjera janë në rënie referuar shifrave të bankës.

Sektori i dytë me vlerën më të madhe të investimeve është ai i aktiviteteve financiare dhe sigurimit me 67 milionë euro ndjekur nga industria nxjerrëse me 43 milionë euro dhe më pas energjia 23 milionë euro dhe komunikacioni me 8 milionë euro investime të huaja në këtë tremujor të dytë të vitit.

INVESTIMET SIPAS SEKTORËVE (T2)
Pasuri të paluajtshme 135 mln euro

Ndërmjetësimi financiar 67 mln euro

Hidrokarburet 43 mln euro

Sektori i energjisë 23 mln euro

Sektori i Komunikacionit 8 mln euro

Ndërsa në gjashtë muaj vlera e investimeve të huaja direkte rezulton 760 milionë euro, me rritje prej 11 milionë euro krahasuar me vitin 2024. Edhe si periudhë 6-mujore paratë e huaja dominojnë në sektorin e “real estate”.

INVESTIMET E HUAJA NË 6-MUJOR

Janar-Qershor 2024 749 mln euro

Janar-Qershor 2025 760 mln euro

Diferenca +11 mln euro

Irene Mourtzoukou, një grua 25-vjeçare nga Greqia, ka tronditur opinionin publik me rrëfimin e saj për vrasjen e katër foshnjave, përfshirë fëmijët e saj biologjikë.

Për muaj të tërë, ajo kishte mohuar akuzat përpara kamerave televizive, shpesh me lot në sy, duke kërkuar nga publiku që të besonte në pafajësinë e saj. Por në korrik të këtij viti, gjithçka ndryshoi.

Sipas policisë, Mourtzoukou pranoi se kishte mbytur motrën e saj 18-muajshe në vitin 2014, kur ishte vetëm 14 vjeç. Vdekja e fëmijës atëkohë u përshkrua si pasojë e “komplikimeve të frymëmarrjes” dhe nuk ngjalli dyshime. Ajo më pas rrëfeu se e kishte kryer aktin për t’u hakmarrë ndaj nënës së saj pas një konflikti.

Mourtzoukou më vonë pranoi edhe vrasjen e djalit të saj gjashtëmujor në vitin 2021, si dhe dy vajzave të porsalindura njëra 19 ditëshe dhe tjetra pak më pak se dy muajshe mes viteve 2022 dhe 2023. Të gjitha këto vdekje fillimisht u regjistruan si “natyrale”, përfshirë diagnoza si pneumoni dhe krizë epileptike. Por autopsitë e mëvonshme zbuluan shenja të asfiksisë.

Historia u bë edhe më e zymtë kur në vitin 2023, pas vdekjes së djalit të partneres së saj të atëhershme, nisi një hetim penal që çoi në arrestimin e Mourtzoukou. Mjekët ligjorë në raportin e tyre të hollësishëm vunë në dukje se vdekja e këtij fëmije ishte rezultat i hipoksisë mungesë oksigjeni dhe dyshohet si një akt i qëllimshëm kriminal.

Përveç këtyre, Mourtzoukou është gjithashtu nën hetim për një rast të vitit 2016, kur një foshnjë që ajo po e kujdeste, ndërsa nëna e saj ndodhej në verandë, u gjet pa ndjenja me buzët e nxira. Foshnja u dërgua me urgjencë në spital, ku u trajtua për episode të humbjes së vetëdijes. Edhe pse ky incident nuk është përfshirë formalisht në aktakuzë, ka ngritur dyshime serioze për një model të përsëritur sjelljeje.

Për një kohë të gjatë, Mourtzoukou ishte një figurë e shpeshtë në emisionet televizive greke, ku mohoi çdo përfshirje në vdekjet, shpesh duke debatuar ashpër me gazetarë dhe ekspertë mjeko-ligjorë. Ndërsa mjekët nxirrnin përfundime të qarta për asfiksinë si shkak vdekjeje, ajo i hodhi poshtë si të pabazuara. Megjithatë, rrëfimi i saj në korrik e përmbysi narrativën publike.

Nëna e saj, gjatë një paraqitjeje në televizion, kishte deklaruar më herët se besonte që vajza e saj ishte e dhunshme dhe kishte shfaqur sjellje delikuente që në fëmijëri. Ajo madje tha se Irene kishte sajuar rrëmbimin e vet në moshë të vogël dhe se kishte qenë e diagnostikuar me “personalitet të dyfishtë”.

Ndërkohë, Mourtzoukou ka pretenduar se ishte viktimë e abuzimeve të shumta dhe se ishte detyruar të prostituonte për të ushqyer familjen. Marrëdhënia e saj e trazuar me nënën, sipas saj, ishte arsyeja e prapavijës psikologjike që çoi në këto krime. “Sa herë që debatoja me nënën time, doja t’i bëja keq”, ka deklaruar ajo para autoriteteve.

Ditën e sotme ishte i ftuar në emisionin Breaking në Top News ish-presidenti Bamir Topi. Ai foli rreth zhvillimeve të reja politike në Shqipëri duke e cilësual si një qeveri e cila ka vazhdimin e asaj të parës.

Duke qenë se kryeministri i venditEdi Rama fitoi bindshëm zgjedhjet e 11 majit duke marrë mandatin e katërt të qeverisjes, ish-presidenti e quajti këtë gjë si një pushtet absolutnë duart e një njeriu të vetëm.

Gjithashtu ai theksoi se qeveria Rama 4 është inerci e Rama 3 pasi edhe ministritë e përrcaktuara nukkanë ndonjë risi gjithashtu ky pushtet është i frikshëm pasi të fitohen zgjedhjet sërish edhe mes shumë skandaleve sipas tij është diçka shumë e madhe.

“E kam parë dhe e kam thënë, e kam parë si një paradoks logjik, por edhe elektoral, faktin që një qeveri që lufton për mandatin e katërt dhe është aktualisht në mandatin e katërt, vjen me një fitore më të thellë se herët e tjera, ndërkohë, paralelisht kemi mjaft skandale.

Politika, ndonëse shpesh del nga rregulli, duhet të ketë një logjikë. Kemi një pushtet që rritet, që thellohet një pushtet absolut në çdo aspekt. Në këtë këndvështrim, nuk shoh asnjë element surprizues, por vetëm një inercí të frikshme.

Nga njëra anë, kemi një kryeministër që krenohet se janë shfrytëzuar disa elementë për t’ia çuar Brukselit atë që kërkonte, por realiteti është se ne jetojmë këtu, jo në Bruksel. Ata që e perceptojnë realitetin janë qytetarët shqiptarë që përballen çdo ditë me mijëra probleme.

Personalisht, unë do të doja që të ishim në Europë dje, jo sot as nesër, por nga një pikëpamje më realiste, ky proces duhet të bazohet si në dokumente, ashtu edhe në realitetin konkret.

Në lidhje me kabinetin qeveritar: ministritë kryesore janë përsëri në dorën e të njëjtëve persona si Ministria e Financave, ashtu edhe zëvendëskryeministrja. Ndër risitë nëse mund ta quajmë të tillë është kalimi i një zonje në krye të Ministrisë së Brendshme, dhe këtë mund ta marrim si një risi pozitive.

Në qeverisjen e z. Rama, ka një inerci: “Rama 3” ka pësuar ndonjë ndryshim të vogël, por pjesa më e madhe e atyre që janë larguar, janë vendosur në krye të komisioneve parlamentare.”, përfundoi ish-Presidenti Topi.