Month: October 2025

Qeveria e Giorgia Melonit ka sulmuar një vendim të Donald Trump për të vendosur tarifa prej 92% mbi prodhuesit italianë të makaronave, duke u zotuar të ushtrojë presion mbi Uashingtonin që ta tërheqë këtë veprim.

SHBA-të kanë vendosur një taksë prej 92% mbi dy prodhues të mëdhenj italianë të makaronave, La Molisana dhe Garofalo, dhe dhjetra kompani të tjera mund të jenë gjithashtu të rrezikuara.

Tarifat, të cilat ka të ngjarë të hyjnë në fuqi janarin e ardhshëm, vijnë përveç tarifës prej 15% të Trump mbi pothuajse të gjitha mallrat e importuara nga BE.

Organizata italiane e bujqësisë Coldiretti tha të shtunën se tarifa totale prej 107% do t’i jepte një “goditje vdekjeprurëse” shitjeve vjetore të makaronave të Italisë në SHBA prej 670 milionë eurosh.

“Ky është një skenar që duhet shmangur”, tha presidenti i Coldiretti-t, Ettore Prandini. “Akuzat amerikane për dumping janë të papranueshme dhe instrumentale për planin e Trump për të zhvendosur prodhimin në Shtetet e Bashkuara.”

Ministria e Jashtme italiane iu përgjigj thirrjes së industrisë për veprim të shtunën në mbrëmje, duke deklaruar se kishte mbështetjen e Brukselit për të ushtruar presion ndaj Uashingtonit që të rishqyrtojë tarifën.

“Ministria e Punëve të Jashtme ka ndërhyrë zyrtarisht në procedura, si një ‘Palë e interesuar’, përmes ambasadës së saj në Uashington, për të ndihmuar kompanitë të kërkojnë të drejtat e tyre”, tha ministria në një deklaratë.

“Qeveria italiane shpreson që pala amerikane do të njohë integritetin dhe gatishmërinë e plotë të prodhuesve tanë për të bashkëpunuar në hetimin në vazhdim.”

Uashingtoni dhe Roma debatojnë rregullisht për çmimin e makaronave italiane të importuara në SHBA, por shumica e hetimeve të mëparshme të Departamentit të Tregtisë për dumping kanë prodhuar një tarifë prej vetëm disa pikësh përqindjeje.

Në tregti, “dumping” i referohet një vendi ose kompanie që shet mallra në një treg të huaj me çmime nën çmimin e tyre vendas ose koston e prodhimit, gjë që mund të dëmtojë industritë lokale.

Francesco Lollobrigida, ministri i bujqësisë i Italisë, e quajti përshkallëzimin e administratës Trump si “hiper-proteksionist”. “Ne nuk shohim as nevojë dhe as ndonjë justifikim”, tha ai.

Dashi

Do keni disa mosmarrëveshje te vogla gjate kësaj dite ne jetën tuaj ne çift megjithatë marrëdhënia do përmirësohet me kalimin e orëve. Beqaret nuk do jene ende gati për te filluar një histori dashurie kështu qe do vazhdojnë te qëndrojnë vetëm. Ne planin financiar do keni fat me shumice dhe gjendja do jete akoma me e mire sesa ju mendonit.

Demi

Ambienti ne çift do jete goxha i ngrohte. Ju dhe partneri do jeni si një ekip i forte dhe askush nuk do mund t’iu munde dot. Beqaret do e gjejnë me ne fund shpirtin binjak dhe do fillojnë një histori te bukur dashurie. Gjithçka do ndryshoje përfundimisht ne jetën e tyre. Te ardhurat ende nuk do jene ne gjendjen me te mire te mundshme. Kujdes me shpenzimet.

Binjaket

Do jeni shume idealiste sot ne dashuri dhe me te drejte. Partneri juaj është mjaft i përkujdesur dhe ju dashuron me shpirt. Për ju ai mund te lere çdo gjë pas dore. Beqaret do kenë një takim drithërues, por duhet te mendohen mire për hapat qe do hedhin me tej. Ne planin financiar ka rrezik te përballeni me disa probleme delikate.

Gaforrja

Marrëdhënia ne çift nuk do jete aq e ngrohte sa disa kohe me pare kështu qe bëni kujdes me gjithçka qe do thoni. Një gabim sado i vogël mund te sjelle tronditje te mëdha. Beqaret do kalojnë një dite shume te këndshme dhe interesante edhe pse nuk do gjejnë princin e kaltër. Ne planin financiar do negocioni me disa te afërm dhe do e stabilizoni situatën.

Luani

Ka rrezik qe te krijohet njëfarë distance sot ne jetën tuaj ne çift. Asgjë nuk do ece ashtu si e kishit ëndërruar. Përfitoni për te reflektuar me kujdes dhe për te vene disa pika mbi “i”. Beqaret do kenë një dite te zakonshme dhe pa asgjë te veçante. Ne planin financiar mos u qani nëse keni vështirësi sepse gjithçka qe do ndodhe do jete pasoje e pamaturisë te treguar.

Virgjeresha

Jeta ne çift do jete thuajse ideale sot. Do flisni hapur për çdo gjë me atë qe keni ne krah dhe do zgjidhni me maturi edhe disa probleme te vogla qe ju kishin dale me pare. Beqaret gjithashtu do kenë një dite plot diell ne planin sentimental. Përfitoni sa te mundni! Gjendja financiare nuk do jete ashtu si e keni pritur. Mos ndërmerrni shume rreziqe.

Peshorja

Saturni nuk do ndikoje pozitivisht sot ne jetën tuaj ne çift kështu qe atmosfera ne çift nuk do jete aspak pasionante siç pritej. Beqareve nga ana tjetër do iu pëlqejnë qetësia dhe harmonia ne te cilën jetojnë dhe nuk do kërkojnë ndryshime. Ne planin financiar tregohuni te kujdesshëm me shpenzimet nëse nuk doni te keni probleme.

Akrepi

Ju qe jeni ne një lidhje as nuk duhet t’iu shkoje ndërmend për aventura gjate kësaj dite sepse situata ne një moment mund t’iu dale tërësisht jashtë kontrollit. Beqaret do e kenë te vështirë te gjejnë personin qe kane ëndërruar. Problemet financiare qe keni pasur kohet e fundit do ju motivojnë te tregoheni me te kujdesshëm dhe me te matur me shpenzimet.

Shigjetari

Çiftet do përballen me vështirësi gjate kësaj dite. Disa do kërkojnë me shume pavarësi e disa te tjerë gjera te pamundura te cilat partneri nuk do mundet t’ua plotësojë. Beqaret do jene te parrezistueshëm dhe do marrin ftesa pa fund. Për financat dita do jete paksa delikate. Megjithatë me pak durim dhe përkujdes mund te arrini ta stabilizoni situatën.

Bricjapi

Tregohuni sa me te sinqerte me partnerin tuaj gjate kësaj dite dhe mos i mbani atij te fshehta. Vetëm ne këtë mënyrë marrëdhënia mes jush do ketë përmirësime. Beqaret duhet te përgatiten për takime impresionuese vetëm se ato do ndodhin ne momentet qe ata me pak e presin. Ne planin financiar tregohuni sa me te rezervuar me shpenzimet.

Ujori

Dite mjaft e ekuilibruar dhe e këndshme kjo e sotmja për ata qe janë ne një lidhje. Do ndiheni mire pranë partnerit dhe se bashku do dashuroheni si adoleshente. Beqaret do ëndërrojnë me shume sesa duhet dhe realiteti do i zhgënjejë me shume sesa mendonin. Financat do kenë përmirësime te vogla. Duhet ende te prisni qe gjendja te jete aq e favorshme sa për te kryer investime.

Peshqit

Dite shume e paqëndrueshme kjo e sotmja për te dashuruarit. Here do dashuroheni plot pasion dhe here do keni konflikte te ashpra. Beqaret do pëlqejnë disa persona, por konkurrenca do jete e forte. Duhet te gjeni mënyrën e duhur se si ta joshni. Situata financiare do ketë vetëm disa luhatje te vogle, gjithsesi asgjë për t’u shqetësuar.

Aktori i njohur dhe aktivisti Florjan Binaj, ka shpallur zyrtarisht kandidaturën e tij për Kryetar të Bashkisë së Tiranës, në zgjedhjet e pjesshme që priten të mbahen në 9 nëntor.

Në një deklaratë publike të shpërndarë në rrjetet sociale, Binaj thekson se kjo është një nismë qytetare, e pavarur nga partitë politike dhe e përqendruar te nevojat reale të kryeqytetasve.

“Na duhet një drejtues qytetar, i zgjedhur nga qytetarët, për qytetarët. Asnjë nga ne nuk mund të presë edhe 34 vite të tjera për të parë ndryshimin,” shprehet Binaj në mesazhin e tij.

Ai nënvizon se kandidatura e tij nuk ka për qëllim ndarjen e qytetarëve, por bashkimin e tyre për një qëllim të përbashkët, përmirësimin e jetës në Tiranë dhe rikthimin e besimit tek institucioni i bashkisë.

Binaj i fton qytetarët, intelektualët, të majtë e të djathtë, si dhe partitë politike që sipas tij “duan realisht ndryshimin”, të mbështesin nismën e tij.

Binaj hyn në këtë garë duke pasur përballë kandidaten e Partisë Socialiste, Ogerta Manastirliu si dhe Arlind Qorin nga Lëvizja Bashkë.

Deklarata publike

Të dashur mikesha dhe miq, qytetarë të ndershëm punëshumë e fjalëpakë të kryeqytetit të Shqipërisë. Si një artist i përfshirë në çështje publike me interes Kombëtar prej 22 vitesh, si një kryefamiljar, i rritur në një kryeqytet i cili ka shkatërruar shumëçka në emër të zhvillimit dhe që shumë pak gjëra kanë mbetur ende pa u bërë ish, nisur nga nevoja e menjëhershme për të pasur në drejtim të kryeqytetit një figurë e cila nuk është gjymtyrë e asnjë partie pasi e kemi parë në 34 vite që kjo mënyrë jo e drejtpërdrejtë nuk ka qënë frytëdhënëse në përmirësimin e cilësisë së jetës tonë. Na duhet një drejtues qytetar i zgjedhur nga qytetarët për qytetarët sepse asnjë nga ne nuk mund të presë më edhe 34 vite të tjera. Prandaj kam vendosur, të shpall kandidaturën time për Kryetar Bashkie të Tiranës duke dhënë gjithë veten time për të përfaqsuar sa më denjësisht çdo qytetare dhe qytetar, me apo pa parti, elektoratin gri por pa i ndarë njerëzit në krahë, por si të barabartë, sepse asnjë qytet dhe aq më tepër kryeqyteti, nuk mund ti shërbejë vetëm palës politike që e drejton. Unë besoj se kontributi im do i shërbejë edhe pse gjysëm mandati, shpresës dhe bashkimit, përmirësimit të jetës të të gjithë kryeqytetasve.
Uroj dhe shpresoj që të gjitha partitë politike qe duan vërtet ndryshimin pavarësisht ngjyrave të bashkohen me këtë nismë dhe të kenë besim tek qytetarët ashtu siç qytetarët kanë pasur besim tek ta.
Ad
Shtëpi modulare në shitje – shiko tani opsionet e përballueshme
Shtëpi modulare | Reklama kërkimi
Këto janë prirjet e reja në dizajnin e kuzhinës për vitin 2025 (Kliko këtu për të parë)
Rimodelim Kuzhine | Kërko reklama
Qëllimi im është, që së bashku, ta nxjerrim bashkinë nga gjëndja në të cilën ndodhet për shkak të politikës dhe t’jua rikthejmë atë qytetarëve si një shtëpi për të gjithë ne. Të rikthejmë besimin tek institucioni i bashkisë në shërbim të komunitetit!
Ftoj të gjithë qytetarët, intelektualët të majtë dhe të djathtë të na bashkohen.
Faleminderit.

IZRAEL- Aktivistja suedeze Greta Thunberg, e cila mbetet e burgosur në Izrael pas arrestimit të saj me aktivistët e Flotiljes Global Sumud që lundronin drejt Gazës, po mbahet në kushte shumë të vështira për t’u dhënë shembull të tjerëve, thotë një aktivist turk.

Ersin Celik, sipas Anadolu, zbuloi se “ata e tërhoqën Gretën e vogël nga flokët para syve tanë, e rrahën dhe e detyruan të puthte flamurin izraelit”.

Ndërkohë, korrespondenca midis Ministrisë së Jashtme Suedeze dhe bashkëpunëtorëve të aktivistes, e parë nga Guardian, përshkruan gjithashtu kushtet e vështira të paraburgimit.

“Ambasada arriti të takohej me Gretën. Ajo raportoi dehidratim. Nuk ka marrë ujë dhe ushqim të mjaftueshëm. Ajo gjithashtu raportoi se kishte zhvilluar skuqje, të cilat dyshon se ishin shkaktuar nga pleshtat e shtratit. Ajo foli për trajtim të ashpër dhe tha se ishte ulur në sipërfaqe të forta për periudha të gjata”, tha ministria në një email dërguar njerëzve pranë Thunberg.

Një tjetër i paraburgosur thuhet se i tha një ambasade tjetër se e panë Thunberg “duke u detyruar të mbante flamuj ndërsa po fotografohej. Ajo pyeste veten nëse fotot ishin shpërndarë”. Nuk dihet se për cilët flamuj ishin këto. Kujtohet se aktivistët e arrestuar nga konvoji, përfshirë 27 grekë , po mbahen në burgun Ketziot në shkretëtirën e Negevit.

Sipas avokatëve të OJQ-së Adalah, të drejtat e anëtarëve të ekuipazhit të anijes janë “shkelur sistematikisht”, duke deklaruar se aktivistëve nuk u është dhënë ujë, ilaçe dhe qasje e menjëhershme te përfaqësuesit e tyre ligjorë, ndërsa kushtet sanitare ishin të këqija .

Ekipi ligjor italian që përfaqësonte konvojin konfirmoi se të ndaluarit u lanë “për orë të tëra pa ushqim dhe ujë – deri vonë natën e kaluar”, me përjashtim të “ një pakete me patate të skuqura që iu dha Gretës , siç u regjistrua në kamera”. Avokatët raportuan gjithashtu raste të abuzimit verbal dhe fizik.

Gjatë një vizite në Ashdod të enjten në mbrëmje, Ministri i Sigurisë Kombëtare i Izraelit, i ekstremit të djathtë, Itamar Ben-Gvir, u kap në video duke i quajtur aktivistët “terroristë” ndërsa qëndronte para tyre. Disa aktivistë u dëgjuan duke bërtitur për çlirimin e Palestinës.

Kjo është hera e dytë që Thunberg arrestohet së bashku me anëtarë të tjerë të flotiljes, pas një përpjekjeje të ngjashme për të thyer bllokadën.

SPANJË- Kryeministri Edi Rama ndodhet sot në Madrid, ku po ndjek nga afër ndeshjen ndërmjet Real Madridit dhe Villarealit, e cila luhet mbrëmjen e sotme në orën 21:00. Rama ka ndarë disa foto në llogarinë e tij në platformën Facebook, i shoqëruar nga presidenti i Real Madridit, Florentino Perez. Ai u shpreh në mbishkrimin e postimit të tij, se ndihet i privilegjuar nga mikpritja e presidentit, si edhe theksoi se kanë diskutuar për për sjelljen në Shqipëri të shkollës së futbollit dhe Universitetit të Sporteve.

“I privilegjuar nga mikpritja e Presidentit legjendar të Real Madridit, Florentino Perez, në Stadiumin “Santiago Bernabeu”, ku folëm për sjelljen në Shqipëri të shkollës së futbollit dhe Universitetit të Sporteve që janë krijuar e mbështeten nga Fondacioni i klubit prestigjoz spanjoll”, shkruan Rama.

https://www.facebook.com/ediramaal/posts/1355962089232782?ref=embed_post

Sigurohet dosja e SPAK për grupin e Avdylajve, të cilët porositën vrasjen e Edmir Bregut, për hakmarrje për tentativën e vrasjes së nipit të Astrit Avdylajt, Aldos.

Në një prej bisedave mes grupit që organizoi vrasjen e Bregut, zbulohet edhe një moment, ku njëri prej ekzekutorëve, Ermir Dedja duket se është në vështirësi ekonomike.

Ai i shkruan Aldo Avdylajt dhe i kërkon 2 mijë euro borxh dhe duket i nervozuar për shkak të situatës në të cilën ndodhet, madje edhe se përse ende nuk ka nisur plazhin. Në biseda, Dedja thotë se do ja bluaj kockat këtij vendi dhe se mezi pret të rifillojë loja.

Duket se këtu i referohet vrasjet së Edmir Bregit, ndërsa në dosje zbulohen biseda edhe mes Aldo Avdylit dhe Enea Kumes, vëllai i deputetit të PS, Loer Kume, i cili në vrasje ka pasur rolin e vëzhguesit.

Pjesë nga dosja e SPAK:

Në datën 02 korrik 2020, ora 15:20. Elidon allias Aldo Avdyli, bisedon me përdoruesin Ermir Dedja. Nga biseda rezulton se dërguesi i mesazheve (Ermir Dedja) ka nevojë për para borxh të cilat ia kërkon Elidonit. Nga konteksti i bisedës, Ermiri shfaqet i nervozuar dhe shprehet se me zor po pret që të bëjë plazhin dhe të fillojnë lojën dhe konkretisht, në orën 15:24, Ermir Dedja shkruan: “un per kok skinërit kam qy ndrek po them per dy mi euro iqelpta mei lon dhe makin qe bo 5 mi prap mthon skam kto e kam vendos sot rond fare kam bo be trond do i boj gjith me vujt rond maje men e byrazer do ja bluj kockat kti veni se jan gjith kot asnji smaro pun gjith kan lek rrin vetem qahen pisat….mthuj ca thoje, direkr e plazhin mezor po pres me e bo te rfillojm lojen…iher rond…se ky milet doka q…motra rond.”

Në datën 5 korrik 2020, në orën 15: 05, Enea Kume i shkruan Elidonit Avdulit se kishte folur me “Skavon” duke iu referuar shtetasit Arben Mërkuri, dhe e pyet a t’i thotë që do të shkojnë andej apo t’i dërgojë kontaktin e tij dhe të flasin vetë, dhe konkretisht ka shkruajtur: “Sa a lidha me skavon… Ti them qe do shkojm anej… Apo t sjell kontaktin ty… NBTA74… Coja fiesen skavos… Foli vet… Do vim anej n darke i thash… Ok m shkruj tha… Po se ka kuptu qe donikim bashk”.

Ne datën 5 Korrik 2020, në orën 15:40, Elidoni Avdyli i ka dërguar mesazh Arben Merkurit, dhe i ka thenë se është te Beni dhe në darkë do të takohen te Rumi duke iu referuar Aleksandër Lahos).

Elidon Avdyli-“O dak. Ca bahet. E vila. Mir e vila tu ke Beni jam sonte do vi ke Rrum takojm Sante do vi aty se majti ku, kam ardh me skaf.

Në orën 15:47, Elidon Avdyli ka komunikuar me Arben Mërkurin i cili e ka pyetur alevi te nisem… tani per lesh dhe Elidoni i është përgjigjur “Po hajde po deshe po mos na kapi kamera knej e vlla. Ne rrumit ja thash sa erdha”. Arbeni e ka pyetur se përse nuk e ka njoftuar nëpërmjet Pocit duke iu referuar Enea Kumes dhe Elidoni i ka shkrujatur se Poci (Enea Kume) ka dale në kërkim prej 20 ditësh. Biseda në lidhje me Enea Kumen është si vijon:

Elidon Avdyli- “Sot da vi ndark me Pocin vet a man e dak mos duk na vllain tat e ke direkt per pun ka dok k….Po ja ka dal kerkim e vila. Isha me Benin e sloshing si tlajmronin porsiti beni skai dje

Arben Merkuri- Po Pocin aty e ke.

Elidon Avdyli: Poci është në kërkim, ka 20 ditë.

Ndërkohë, Edmir Dedja i cili ishte ekzekutori i vrasjes së Bregut, është eliminuar në një atentat në maj 2025.

Në dosjen e SPAK për vrasjen e Edmir Bregut zbulohen edhe bisedat që bënin mes tyre anëtarët e grupit të Astrit Avdylajve. Ky i fundit, në një prej bisedave udhëzon nipin e tij Aldo Avdylaj që të tregojë kujdes kur përfshihet në ngjarjet kriminale. Kujdes mos u ekspozo, i thotë nipit, duke i thënë që kudo që shkon të mbajë në kokë maska.

“Co ben e budalli i Xhaxhit. Kujdes Mos u ekspozo, ok. Kujdes. Lenti ka bet. Knej. Osht. Jam dush. Me goj. Se ka shiet. Po. Meru me lacen. Mos te dall emri Olit. Jo me Olin. Kupto. Me ngjo ka ka nji her. Me lacen. Dhe duet kujdes. Mos bëj zhurm Kujdes, Lenti ku osht, ok. Bier fort. Lentit. Mos e ruj per asgje. Bjeri e ke ok ka mua Lentit. Ok, ca dush bej. Me durrsaket. Pe me men, Bleri lentit, Ne kok. Masken ne kok. kudo qe te shkosh. Dorezat. Mos hec shum Pes metra. Kupto, Kur te dalesh er pun. Me skafanta. Gjuj në bark. Foi me Lacen per plazhin. Shpin ja din. Kshu qe mos e von”, i shkruan Avdylaj nipit.

Në datën 11 korrik 2020, Elidon Avdyli bisedon me Astrit Balliun i cili e porosit që të bëjë kujdes, mos të vrasë njerëz kot, të mos ekspozohet dhe të bëjë gjuajtje fatale.

“Ca u ba.Per Lentin.Spo kuptoj Asgje rumi ka njerz kupto. Kshu qe te jemi te zgjuar. Mos te vresesh njerez kot. Per mendimin tim. Ok me terezi. Doli. Jepni drejtim. Te jeni te sigurt. Kaq. Lekt tern. Mos hej zhurm. Vepro.Dhe qet. A me ngjo. Mua. Ok. Mos u ekspozo. Dhe gjuajtje fatle. Duet kujdes. Thuj rumit. Kujdes. Kur ti gjumi. Ke poja. Asgje so kuptoj. Ca poja. Ca po thu. Pse nuk shkoni me poken. Kujdes Me goj. Poja nuk osht i keq…”, i shkruan Astrit Avdylaj- Aldo Avdylajt.

Më tej, ai i thotë që qëllimi i tyre është të mbarojnë punët dhe të vrasin “Malokun”, pseudonim me të cilin i referohen Edmir bregut të vrarë në 2021, me urdhër të vetë Astrit Avdylajt.

“Co po ben…si je..ti… Kupto ajo…se me cmen… Me muhabet…te folime… Shiko hallen fat… Se aty nuk po shikoj gje un vec plane….ngjove..ajo…ne duet te ishim ke punet tona… Jo ke premtimet…. Te bejm punet tona… Malokun… Plazh… Kto jan pun tona… Me ngio mua… Kur tna pugen Gjerat… Me kto tjert”, i shkruan Avdylaj-nipit.

Presidenti rus, Vladimir Putin, deklaroi se nëse Shtetet e Bashkuara furnizojnë Ukrainën me raketa Tomahawk për sulme me rreze të gjatë në thellësi të territorit rus, atëherë kjo do të çonte në shkatërrimin e marrëdhënieve mes Moskës dhe Uashingtonit.

Më pak se dy muaj pas takimit mes Presidentit amerikan Donald Trump dhe Putinit në një samit në Alaskë, paqja duket edhe më e largët, me forcat ruse që avancojnë në Ukrainë, dronë rusë që pretendohet se po fluturojnë në hapësirën ajrore të NATO-s, dhe tani me Uashingtonin që diskuton për përfshirje të drejtpërdrejtë në sulme në brendësi të fuqisë më të madhe bërthamore në botë.

Trump është shprehur i zhgënjyer me Putinin për mosarritjen e paqes dhe e ka përshkruar Rusinë si një “tigër prej letre” për dështimin për të nënshtruar Ukrainën. Putin, javën e kaluar, reagoi duke vënë në dyshim nëse NATO nuk është “tigri prej letre”, pasi nuk ka mundur të ndalë përparimin e Rusisë.

Zëvendëspresidenti amerikan, JD Vance, deklaroi muajin e kaluar se Uashingtoni po shqyrton një kërkesë të Ukrainës për të marrë raketa Tomahawk me rreze të gjatë që mund të godasin thellë në territorin rus, përfshirë edhe Moskën, megjithëse ende nuk është e qartë nëse është marrë një vendim përfundimtar.

“Kjo do të çojë në shkatërrimin e marrëdhënieve tona, ose të paktën të trendeve pozitive që kanë nisur të shfaqen në këto marrëdhënie,” tha Putin në një klip video të publikuar të dielën nga gazetari i televizionit shtetëror rus, Pavel Zarubin.

Ditën e hënë vendi ynë do të ndikohet nga kushte atmosferike të paqëndrueshme, duke sjellë vranësira dhe reshje shiu në pjesën më të madhe të territorit.

Në Ultësirën Perëndimore, reshjet pritet të jenë me intensitet mesatar, në formën e shtrëngatave të shoqëruara me shkarkesa elektrike, kryesisht në disa qarqe të vendit.

Pas mesditës, reshjet do të zvogëlohen gradualisht, duke u lokalizuar vetëm në zonat qendrore dhe duke u ndërprerë plotësisht në mbrëmje.

Në zonat malore mbi 1000 metra, veçanërisht në veri dhe verilindje, priten reshje bore me intensitet të ulët.

Era do të fryjë nga juglindja në veriperëndim, me shpejtësi mesatare rreth 12 m/s, ndërsa në bregdet dhe lugina mund të arrijë deri në 25 m/s gjatë mesditës dhe pasdites.

Deti pritet të jetë me valëzim 4–6 ballë si në Adriatik, ashtu edhe në Jon. Sinoptikanët këshillojnë kujdes në zonat bregdetare dhe ato malore për shkak të erës së fortë dhe mundësisë së shtrëngatave afatshkurtra.

Kryeministri izraelit Benjamin Netanyahu deklaroi sot se Izraeli nuk do të zbatojë asnjë pjesë të planit të armëpushimit të propozuar nga presidenti Donald Trump, nëse nuk lirohen të gjitha pengjet që ndodhen ende në duart e Hamasit.

“Ne nuk do të zbatojmë asnjë nga 21 pikat e planit Trump derisa pengu i fundit të kthehet në tokën izraelite”, tha Netanyahu.

Gjithashtu ai shtoi më tej:”Vetëm atëherë do të kalojmë në fazën tjetër.

Deklarata e tij u bë gjatë një fjalimi në Forumin e Heronjve të Izraelit, një ngjarje ku morën pjesë familjarë dhe të afërm të viktimave të sulmeve të 7 tetorit nga Hamasi dhe luftës në Gaza.