Month: November 2025

Tiranë – Një lajm që ka surprizuar opinionin sportiv shqiptar është bërë i ditur nga legjenda e futbollit, Rudi Vata, babai i futbollistit të ri Rocco Vata. Pavarësisht debutimit të tij zyrtar me Republikën e Irlandës në Ligën e Kombeve, Rocco Vata, 20 vjeç, ka ende mundësinë ligjore për të zgjedhur të përfaqësojë Shqipërinë.

Klauzola E Vata: Një Ndeshje Nuk Mjafton
Në një intervistë për “RTSH Sport”, Rudi Vata konfirmoi se vendimi i djalit të tij për Irlandën nuk është përfundimtar, falë një klauzole të veçantë.

Situata Aktuale: Rocco Vata debutoi me Irlandën, duke luajtur 81 minuta kundër Bullgarisë në Ligën e Kombeve. Ky konsiderohej një debutim zyrtar që e digjte mundësinë e Shqipërisë.

Klauzola E Zbuluar: Rudi Vata tha se Rocco ka firmosur një klauzolë që e lejon atë të ndërrojë Kombëtare nëse nuk luan të paktën dy ndeshje zyrtare me një kombëtare të caktuar. Meqenëse Rocco ka luajtur deri tani vetëm një ndeshje, dera për Shqipërinë mbetet e hapur.

Rudi Vata (RTSH): “Rocco ka zgjedhur Irlandën, por mund të bëjë zgjedhje tjetër nëse dëshiron. Ka një klauzolë që duhet të bëj të paktën dy ndeshje zyrtare me Irlandën që të mos ndërrojë më Kombëtare.”

Profili I Rocco Vata: Potencial I Vlerësuar 2 Milionë Euro
Rocco Vata po zhvillon karrierën e tij në Angli dhe konsiderohet një lojtar me potencial të mirë:

Pozicioni: Është kryesisht sulmues krahu i majtë, por mund të luajë edhe si sulmues qendre.

Klubi: Aktualisht është pjesë e Watford-it, klub që garon në Championship (niveli i dytë i futbollit anglez).

Kontrata Dhe Vlera: Kontrata e tij skadon në vitin 2028, dhe vlera e kartonit në treg vlerësohet rreth 2 milionë euro.

Forma Aktuale: Ai ka shfaqur cilësi të mira, duke shënuar gol në ndeshjen e fundit kundër West Brom.

Rudi Vata theksoi se djali i tij mund të ishte një alternativë e mirë për Kombëtaren e Silvinjos, ndonëse nuk është ende plotësisht i pjekur për nivelin e lartë.

Sfida Tashmë Është Te Silvinjo
Ky lajm e kthen Rocco Vatën në një temë me interes për Shqipërinë. Tani mbetet të shihet nëse trajneri i Kombëtares, Silvinjo, do të ndërmarrë hapa konkretë për ta kontaktuar lojtarin dhe për ta ftuar për ndeshjet e ardhshme, siç janë ato të marsit, duke ofruar kështu një vlerë të papritur të shtuar për ekipin kuqezi.

Me tone të larta zëri dhe akuza të forta u shoqërua mbledhja e një dite më parë mes demokratëve në Degën e PD në Kamëz.

Ka qenë një prej anëtarëve të kësaj force politike ajo e cila u përfshi në një debat me deputetin dhe sekretarin, Flamur Noka, të cilit i kërkoi “llogari” për situatën në të cilën ndodhet Partia Demokratike dhe faktin e nevojës për një frymë të re udhëheqjeje.

Nga video e publikuar një ditë më parë, demokratja e cila thuhet në rrjet se është mbesa e shkrimtarit Martin Camaj ka hedhur dyshime mbi procesin e primareve në PD, ndërkohë që Noka me tone të larta i kërkoi që të lexonte statusin dhe që mendimi i saj nuk merrej për konsideratë.

“Statuti nuk të lejon ty me të pyet për primaret se i vendos unë. Ty nuk të pyesim fare”, iu drejtua Noka asaj.

Zonja në fjalë e cila deri në këto momente ka qenë enigmatike për publikun, thuhet se është mbesa e shkrimtarit dhe albanologut shqiptar, Martin Camajt. Ky fakt është bërë me dije në rrjetet sociale nga një ish-anëtar i bluve i cili po ashtu akuzon Nokën se e ka përjashtuar nga strukturat.

Ish i përndjekuri politik në kohën e regjimit komunist Kujtim Çekani shkruan në rrjetet e tij sociale: “Flamur Noka debat të ashpër me Mbesën e Martin Camajt! Largohu nga PD i thotë Muli. E shikoni në çfarë derexheje kemi arritur”.

Teksa më tej në komente ka zbuluar faktin se ka qenë Flamur Noka ai i cili sipas tij e ka “përzënë” nga të djathtët.

Komenti i Kujtim Cakanit

Ndërkohë ky status i tij ka marrë të tjera reagime, ku një prej tyre ka qenë edhe doktori Ilir Allkja. Sipas mjekut, në mars të vitit 2021, rastësisht ka takuar deputetin Noka i cili vetëm një muaj para zgjedhjeve parlamentare i kërkoi që të largohej nga Shqipëria pasi “vendi nuk bëhej”.

“Në mars të vitit 2021, e kam takuar rastësisht te Kalaja në Tiranë. – Nuk paske ik ti, më tha, ik ore se nuk bëhet ky vend. Ishte 1 muaj para zgjedhjeve parlamentare që këta i shitën, ndërsa unë i varfri besoja se do fitonte opozita”, shkruan doktori në një prej komenteve të bëra në statusin e Kujtim Çekanit.

Komenti i doktorit

Ndërsa publiku ende është në shok nga lajmi i ndarjes së parakohshme nga jeta të Shpat Kasapit në moshën 40-vjeçare, një dëshmi e re hedh dritë mbi gjendjen emocionale të artistit vetëm pak ditë para tragjedisë.

Ish-missi Arbesa Rrahmani ka ndarë publikisht momentin e fundit kur e ka parë këngëtarin, krejt rastësisht, të hënën që lamë pas në Aeroportin e Shkupit, me gjasë pak para nisjes së tij fatale drejt Italisë. Ajo e përshkruan atë si një moment të heshtur dhe të rëndë.

Në postimin e saj, Rrahmani shkruan: “Shpatin e pashë rastësisht të hënën në Aeroportin e Shkupit, te zona ku pihet duhani! Të gjithë e shikonin, ai nuk shikonte askënd, la një cigare në gjysmë dhe u largua.”

Ajo thekson se, ndryshe nga imazhi i tij gjithmonë i qeshur, kësaj radhe dukej ndryshe. “Më besoni që nuk ia thashë askujt që e pashë! Ishte i rënduar emocionalisht, e tregonte fytyra e tij. Nuk e besova aspak kur dëgjova lajmin e trishtë sot! Nuk ka dy ditë që e pashë me sy,” përfundon ajo.

Kjo dëshmi shton një notë edhe më tragjike mbi ngjarjen, duke lënë të kuptohet se artisti ndoshta po kalonte një ngarkesë të fortë emocionale në orët e tij të fundit para se zemra t’i pushonte së rrahuri.

Lajmi tragjik i ndarjes nga jeta të Shpat Kasapit ka shkaktuar një valë të madhe reagimesh, por ka nxjerrë në pah edhe sjellje që po diskutohen gjerësisht në rrjetet sociale.

Ndërsa dhimbja për humbjen e artistit është e freskët, vëmendja është përqendruar te një statistikë e pazakontë në profilin e partneres së tij, Selvije Jao.

Brenda pak orësh nga tragjedia, llogaria e saj në Instagram ka pasur një rritje të menjëhershme, duke shtuar mbi 20 mijë ndjekës të rinj. Ky fluks kureshtjeje në moment zie ka ngritur pikëpyetje te shumë komentues nëse një reagim i tillë është normal.

Nga ana tjetër, situata është tensionuar edhe për mikeshat e artistit. Këngëtarja Adelina Tahiri, e cila bëri dedikime të ndjera për Shpatin, u kryqëzua nga ndjekësit pasi postoi një foto nga një darkë në “Instastory” ditën e vdekjes së tij.

Ajo u akuzua se nuk po tregonte respektin e duhur, por reagimi i saj ishte i ashpër, duke goditur hipokrizinë e atyre që “deri dje e shanin dhe ofendonin” këngëtarin.

Në reagimin e saj, Tahiri dënoi këtë sjellje të dyfishtë të publikut: “Njerëzit shpallen heronj vetëm pasi vdesin, ndërsa kur janë gjallë dhe në nevojë shpesh neglizhohen.”

Ajo theksoi se dhimbjen për mikun e saj do ta mbajë përjetë në zemër, pavarësisht gjyqeve publike për një foto

Video Player

Një ngjarje tronditëse ka ndodhur në Gjermani, ku një 63-vjeçar dyshohet se ka vrarë katër anëtarë të familjes së tij në tre lokacione të ndryshme, përpara se të kryente vetëvrasje.

Lajmi u konfirmua përmes një deklarate të përbashkët nga Zyra e Prokurorit Publik të Tübingen dhe Policia e Reutlingen.

Sipas autoriteteve, fillimisht ai ka qëlluar për vdekje motrën e tij 60-vjeçare. Më pas ai shkoi në biznesin familjar ku vrau dy djemtë, 27 dhe 29 vjeç.

Viktima e fundit ka qenë gruaja e tij 57-vjeçare, e cila dyshohet se nuk ishte nëna biologjike e djemve. Pas këtij akti makabër, autori ka drejtuar armën kundër vetes.

Mjeti i krimit është gjetur pranë trupave të tij dhe bashkëshortes.
Mediat lokale raportojnë se 63-vjeçari ishte gjuetar, por ende nuk dihet nëse e posedonte armën me leje.

Policia ka përjashtuar dyshime për persona të tjerë të përfshirë, ndërsa hetimet vazhdojnë.

“Ende nuk është e qartë se kur saktësisht janë kryer vrasjet. Jemi në fazat e para të hetimit”, tha policia për agjencinë gjermane të lajmeve Bild

Në nisje të emisionit të sotëm, të “Opinion”, moderatori Blendi Fevziu shprehu ngushëllimet e tij për ndarjen nga jeta të këngëtarit të njohur Shpat Kasapi. Ky i fundit ndërroi jetë këtë të mërkurë në moshën 40 vjeçare prej një sulmi në zemër.

Nisur nga ky rast fatkeq, lind pyetja natyrshëm se pse janë shtuar kaq shumë sulmet në zemër, veçanërisht tek moshat e reja? Disa përgjigje lidhur me këtë i dha në studio kardiologu Indrit Temali.

Indrit Temali: Fatkeqësisht vdekjet e papritura nuk prekin vetëm moshat e mëdhaja, por edhe të rejat. Ka disa shkaqe, lidhen me zemrën, muskulin e zemrës, trashja e mureve të zemrës, infeksionet, sëmundjet të ventrikulit (barkushja) të djathtë, janë anomali strukturore të zemrës.

– Po pse tek mosha kaq të reja?

Indrit Temali: Disa janë gjenetikisht të përcaktuara. Ka lidhje edhe me stilin e jetësës, heteroskleroza në moshë të re është shtuar prej stilit të pashëndetshëm të jetesës, duhani, obeziteti, përdorimi i stimulantëve siç është kokainë që nxit aritmi të zemrës dhe mund të jetë fatale. Në moshë të re prevalojnë sëmundjet e lindura.

– Po a ka ndonjë masë mbrojtëse?

Indrit Temali: Duhet një lloj depistimi (kardiovaskular) të popullatës, një shiringë zemre mundësisht tek të gjithë.

– Ka ndonjë sinjal?

“Vdekje e papritur mund të jetë e beftë, pa shenja fare. Në raste të tjera mund të ketë që të ketë pasur dhimbje gjoksi, rrahje të shpejta zemre apo rënie të fikëti e që nuk janë vlerësuar, sidomos kur nuk ka një shkak të identifikueshëm”, tha kardilologu.

Kujtojmë se 1 vit më parë, pikërisht prej një ataku kardiak, vdiq në moshën 44 vjeçare edhe politikani i njohur Gerti Bogdani.

Humbja e parakohshme e këngëtarit Shpat Kasapi ka kaluar kufijtë e komunitetit shqiptar, duke prekur thellë edhe të huajt që janë njohur me muzikën dhe energjinë e tij.

Një vajzë nga Irani që jeton në Tiranë, Sara Paymán, ka bërë një dedikim tejet emocionues që po qarkullon me shpejtësi në rrjet.

Ajo ka marrë kitarën dhe ka interpretuar në gjuhën shqipe hitin e pavdekshëm të artistit, “Valle Kosovare”.

Krahas videos, Sara ka ndarë historinë prekëse se si kjo këngë e ndihmoi të integrohej kur sapo ishte zhvendosur në Shqipëri. “Herën e parë që e dëgjova këtë këngë, gati sa nuk qava, jo vetëm për shkak të zërit të bukur të Shpat Kasapit, por për mënyrën se si kjo këngë bëri bashkë një grup njerëzish pothuajse të panjohur,” shkruan ajo.

Ajo tregon se në atë kohë nuk dinte fjalët dhe nuk kishte miq, por ishte prekur nga fakti se si kjo këngë “thyente akullin” mes njerëzve. Sara zbuloi gjithashtu se kishte pasur fatin ta takonte Shpatin dhe ta dëgjonte live.

Mesazhi i saj u mbyll me fjalët e ndjera në shqip: “Ngushëllime të sinqerta për gjithë familjen dhe miqtë e tij”, duke dëshmuar se muzika e Shpat Kasapit ishte një gjuhë universale që bashkonte njerëzit pavarësisht kombësisë.

SHIKO VIDEON KËTU

Teologu dhe gazetari Arjan Curri, gjatë një interviste mediatike ka folur, ne lidhje për martesën dhe familjen.

Curri gjatë bashkëbisedimit pa filtra dhe plot provokime me gazetarin Ronaldo Sharka, tha se ka një “vajzë” 15-vjeçare, duke nënkuptuar se ka zgjedhur paqen, përpara martesës.

“Martesa që kam bërë unë, më jep një titull ‘babi’. Kam një fëmijë, por nuk mund të them më tepër. Është 15 vjeçe, është vajzë. E ka emrin Irini, ose Irena në shqip, ka lidhje me paqen. E dua pafund”, tha Curri.

Ndërsa në doza ironie tha se ‘Irini’ i ngjan atij.

“Më ngjan mua më shumë se është vajzë. Po të ishte djalë mund t’i ngjante lirisë, vazjat zakonisht i ngjajnë baballarëve”, tha Curri në Top Albania Radio.

I ftuar në “Live From Tirana” me Ronaldo Sharkën, ka qenë analisti dhe teologu Arjan Curri, për një bisedë pa filtra dhe plot provokime nëpërmjet deklaratave të tij të forta…

E mendon veten si baba?

Martesa që kam bërë unë, më jep një titull ‘babi’. Kam një fëmijë, por nuk mund të them më tepër. Është 15 vjeçe, është vajzë. E ka eamrin Irini, ose Irena në shqip, ka lidhje me paqen. E dua pafund.

Të ngjan ty më shumë apo lirisë?

Më ngjan mua më shumë se është vajzë. Po të ishte djalë mund t’i ngjante lirisë, vazjat zakonisht i ngjajnë baballarëve.

E do ajo këtë botën tënde të filozofisë?

E do, e do dhe kishën, e do dhe Zotin. Por ajo është e lirë të zgjedhë të bëjë çfarë të dojë në jetën e saj, të jetojë ku të dojë, me kë të dojë.

Është hera e parë që e them. Ky 95% e njerëzve sa më shumë t’u hedhësh, aq më shumë duan. Kështu që duhet t’i ruaj edhe nga kjo pjesë. Nuk dua që uria e tyre të jetë pjesa stomak e poshtë, le t’i çojmë drejt mendjes.

Të shoqëroi Irini sot?

Jo, është me nënën e saj.

Çfarë pasionesh ka ajo?

Nuk do flasim për të tani, se është minorene. Kur të rritet do të vendosë vetë nëse do t’i tregojë gjërat që do.

ftuar në “Live From Tirana” me Ronaldo Sharkën, ka qenë analisti dhe teologu Arjan Curri, për një bisedë pa filtra dhe plot provokime nëpërmjet deklaratave të tij të forta…

Ronaldo: Pse nuk je martuar?

Arjan Curri: Unë jam i martuar, me lirinë time. Kam bërë martesë në kishë. Kisha ka dy lloje martesash, ose të martohesh me një grua me të cilën do të bësh fëmijë dhe familje, ose të martohesh me një liri të pamatë dhe të pafund, me të cilën ti je i atashuar.

Ronaldo: Bashkëjetoni në një shtëpi?

Arjan Curri: Me lirinë unë jam dhe tani, këtu, në përjetësi. Jam një dashnor i llahtarshëm, një gjuajtës i përjetshëm i lirisë. Dhe aty ku e gjeta martesën me të, e bëra.

Ronaldo: Ka erotizëm mes teje dhe lirisë tënde?

Arjan Curri: Patjetër. Zoti një nga cilësitë që ka, është liria dhe erotizëm duhet të ketë mes njeriut dhe Zotit, mes njeriut dhe krijesës, mes njerëzve me njëri-tjetrin. Pra, liria është një dimension që nuk ka as masë, as kufij, as kohë, as hapësirë. Është gati-gati të bërit një me Zotin. Unë këtë martesë e kam bërë dhe i kam qëndruar deri tani besnik. Mund të ndërroj nesër, kur të ndërroj do ta them, por deri tani nuk kam ndërruar akoma.

Ronaldo: Mund ta tradhtoje?

Arjan Curri: Mund ta tradhtoja nëse do të gjeja një më të mirë se ajo, deri tani nuk kam gjetur.

Ronaldo: Ka më të mirë se liria?

Arjan Curri: Nuk besoj se ka. Ka ose liri, ose burg, nuk ka një gjë në mes. Nuk mund të jesh dhe i lirë dhe në burg. Unë e kam gjetur lirinë, jam i martuar me të, në kishë madje.

Ronaldo: Ka pasur të ftuar në ceremoni?

Arjan Curri: Patjetër, kishte plot. Që nga Kryepeshkopi, deri te ai që fik dhe ndez qirinjtë. Ishte mamaja ime, miq, kolegë. Kisha veshjen time të martesës dhe u martova në kishë. Më bekoi Kryepeshkopi. Dhe kjo është martesë e përjetshme.

Ky është varri i Petro Markos, njërit prej shkrimtarëve më të mëdhenj dhe figurave më dinjitoze të atdhetarisë shqiptare.

Autori i “Hasta la vista”, zë i lirisë, i idealeve dhe i shpirtit shqiptar, prehet sot në një varr të rrënuar, mes barishtesh dhe harresës.

Kjo pamje nuk i takon Petro Markos dhe as neve si shoqëri.

Ju bëj thirrje të gjithë biznesmenëve shqiptarë, veçanërisht atyre të Vlorës dhe Labërisë, që me kontributin tuaj të ndershëm, të bashkohemi për të rindërtuar këtë varr, për ta bërë atë të denjë për njeriun që i dha letërsisë dhe kombit tonë aq shumë.

Rindërtimi i këtij varri nuk është thjesht një akt bamirësie, por është një detyrim moral, një mirënjohje për penën dhe zemrën që i dha dinjitet gjuhës shqipe dhe emër vendit tonë.

Petro Marko nuk kërkoi asgjë për veten; ai i dha gjithçka Shqipërisë. Të paktën, ne le t’i kthejmë nderimin që meriton.

Mos ta lëmë Petro Markon në harresë.

Ta ngremë sërish nderin aty ku i takon! (Laureta Petoshati)

Emisioni i radhës i Robert Berishës, i cili transmetohet këtë të dielë, pritet të thyejë rekordet e shikueshmërisë, pasi e ftuara speciale është askush tjetër veçse ish-bashkëshortja e tij, këngëtarja Nora Istrefi.

Promo e emisionit ka zbuluar se kimisë mes ish-çiftit nuk i mungojnë ngacmimet. Nora shihet teksa hyn në studio nën tingujt e hitit të saj “Natën”, pikërisht në momentin e vargut kuptimplotë: “A po të mungoj, oh natën natën”, detaj ky që nuk u ka shpëtuar ndjekësve.

Por, momenti që ka “ngrirë” buzëqeshjen e Norës dhe ka ndezur rrjetin është veprimi i papritur i Robertit. Ai i ka zgjatur asaj një kuti me unazë dhe i është drejtuar me pyetjen: “A je e lirë me 4 shtator se jam tu u martu?”.

Ndonëse nuk është e qartë nëse bëhet fjalë për ndonjë skeç humori, lojë apo një provokim të qëllimshëm, ky fragment ka mjaftuar që rrjeti të shpërthejë në aludime për një ribashkim të mundshëm apo për kuptimin e fshehur pas datës 4 shtator.

Për të mësuar përgjigjen e Norës dhe të vërtetën e unazës, publikut do t’i duhet të presë transmetimin e plotë të dielën.

VIDEO