Month: November 2025

Ndarja e parakohshme nga jeta e këngëtarit Shpat Kasapi ka prekur thellë kolegët e tij të skenës, mes të cilëve edhe vokalistin e grupit legjendar “Elita 5”, Arif Ziberi.

Në një lidhje direkte televizive, Ziberi nuk ka mundur t’i mbajë lotët ndërsa fliste për mikun dhe kolegun e tij të ndjerë.

Ai shprehu vështirësinë emocionale për të vazhduar me angazhimet profesionale në një moment kaq të rëndë. “Ky profesioni jonë është pak i vështirë, sepse ja përgatitem për të shkuar në rrugë se nesër kam koncert në Vlorë edhe në Shëngjin pasnesër… edhe nuk e di se si do të realizohet. Nuk kam ndonjë informatë, pres që të më informojnë dhe të dimë diçka dhe të shkojmë ta respektojmë për herë të fundit,” u shpreh ai mes dhimbjes.

Lidhur me ceremoninë mortore, Ziberi konfirmoi se ende nuk ka një datë të saktë, pasi edhe familjarët janë në pritje të procedurave. “Kam kontaktuar edhe familjarët e tij edhe ato nuk janë në dijeni. Shpresoj që së shpejti të kemi ndonjë informatë,” tha ai.

Në fund, ai dha një mesazh prekës për shpirtin e artistit: “Ai do të shkojë me siguri me shpirtin e tij që ka pas, do të shkojë në një botë më të mirë besoj.”

Video Player

Avokati i njohur, Spartak Ngjela ka reaguar lidhur me paraqitjen e ish-kryeministrit Sali Berisha disa ditë më parë në Prokurorinë e Posaçme, ku u pyet për rreth dy orë në kuadër të hetimeve për masakrën e “21 Janarit”. Ngjela u shpreh se thirrja e Berishës në SPAK është pjesë e një procedure penale që po ecën drejt fazave të rëndësishme. Ai theksoi se ish-kryeministri ndodhet në pozicion mbrojtës dhe jo në një rol pranues. Ai vuri në dukje se fakti që pyetjet e SPAK ndaj Berishës janë sekret, tregon se në dosje ka zhvillime që nuk mund të bëhen publike. Ngjela ngriti pikëpyetjen nëse Berisha është marrë edhe në cilësinë e të pandehurit, duke thënë se kjo mbetet për t’u parë kur SPAK të dalë me një vendim apo me një akuzë të mundshme për 21 Janarin. Ai tha se sipas të dhënave të tij, autoritetet amerikane disponojnë materiale të rëndësishme për këtë çështje. Sipas tij, prania e ekspertëve ndërkombëtarë në SPAK është një tregues se edhe dosja e 21 Janarit mund të jetë duke u trajtuar në nivele të avancuara.

Detajet e forta nga Ngjela:

“Po ajo është çështje penale. Do shikojmë se çfarë thotë gjykata kur të dali vendimi i gjykatës. Kjo është mbrojtja. Saliu është në mbrojtje. Nuk është në pohim  që pranon krimin. Jo, është në mbrojtje. Po ne themi se ç’duan ata që e thërresin atë, s’e dimë. Ju e patë që pyetjet e Saliut ishin sekret. Morët vesh gjë pse e pyetën? Atëherë çfarë luan në këtë mes? Pse është sekret? Sepse ka ngjarje të rëndësishme, nuk diskutohet, që nuk duhet t’i japin publikut në lidhje me Saliun. Kjo është çfarë ka ndodhur? Unë po të flas profesionalisht. E kanë marrë në pyetje. Po nuk e di, e kanë marrë të pandehur edhe për një vepër tjetër. Domethënë e kanë marrë të pandehur për 21 janarin? Nuk e dimë. Të shohim nëse do t’i ngrënë akuzë për 21 janarin.

Të dhënat e mia janë që amerikanët kanë materiale që urdhrin e ka dhënë ky. Po duhet t’i sjellin. Nuk e dimë nëse ia kanë dhënë SPAK-ut. Mendimi im është që do t’ia kenë dhënë SPAK-ut. Po SPAK s’po flet. Një provë kemi. SPAK thërriti Saliun befasisht. Por ama mbas sekretit se çfarë pyetje i ka bërë, ky doli i vrarë andej dhe s’na tha asgjë. Hodhi vetëm akuza. Rama kështu. Rama ashtu. Të gjitha broçkulla. A e kuptoni? Rama ka frikë SPAK-un më shumë se Saliu. Ikni në SPAK e do gjeni ekspertët e Washingtonit dhe ata janë me ekspertë ndërkombëtarë. Pra i ke në SPAK. Unë bëj gjyqe atje. I kam parë, atje janë. Vijnë me turne për çdo çështje. Tani problemi qëndron: A do vijnë për 21 janarin?  Ka dalë lajmi se amerikanët  kanë ardhur për 21 janarin. Në qoftë se kanë ardhur për 21 janarin, kjo dosje do shkojë deri në fund. Janë vrarë katër persona. Nuk është gjë e vogël. Gjë e rëndë shumë. Është gjë e rëndë për historinë e Shqipërisë. Ta dini, akoma nuk është zbardhur”.

Dosja “21 janarit”

Kujtojmë se SPAK po heton ngjarjen që sistemi i vjetër e drejtësisë e gjykoi si “vrasje nga pakujdesia”. Insistimi i familjarëve të Aleks Nikës, viktima e vetme pa autor, bëri që dosja të rikthehej në vëmendje. Ishte Gjykata e Strasburgut që e cilësoi 21 Janarin krim shtetëror dhe në vazhdë të këtij vendimi, Gjykata e Lartë më 12 mars 2024 urdhëroi SPAK të nisë hetimet dhe të zbardhë përgjegjësitë e drejtuesve të lartë, përfshirë Berishën, Bashën dhe Ndrea Prendin, për vrasjen e katër protestuesve Hekuran Deda, Ziver Veizi, Faik Myrtaj dhe Aleks Nika. Fillimisht, Prokuroria e Tiranës çoi në gjyq vetëm ish-komandantin e Gardës, Ndrea Prendi, dhe ish-efektivin Agim Llupo, të dënuar respektivisht me 1 dhe 3 vite burg, të cilët prej kohësh janë të lirë. Më korrik 2024, SPAK regjistroi procedimin penal për tre akuza: “vrasje në rrethana të tjera cilësuese” në bashkëpunim, “shpërdorim detyre” dhe “pengim të zbulimit të së vërtetës”, të gjitha të kryera në bashkëpunim.

Lajmi për vdekjen e Shpat Kasapit, të mërkurën, tronditi publikun shqiptar dhe la një boshllëk të thellë në komunitetin artistik. Këngëtari nga Tetova, i cili ndërtoi një nga karrierat më të qëndrueshme në muzikën moderne shqiptare, ndërroi jetë në moshën 40-vjeçare si pasojë e një arresti kardiak.

Pak orë pas lajmit, kolegë të tij ndanë jo vetëm ngushëllime, por edhe momente nga bashkëpunimet e fundit – fragmente pune që sot marrin një rëndësi të veçantë dhe një ndjeshmëri të pashmangshme.

Big Mama, e cila kishte xhiruar së fundmi me të për një program festiv të planifikuar për natën e ndërrimit të viteve, tregoi se ata kishin rikthyer në skenë këngën ikonike të Adelinës Ismaili dhe Elita 5, “Sajzezo”. Kënga ishte zgjedhur spontanisht, tha ajo, si një lloj përqafimi simbolik midis dy artistëve që vinin nga i njëjti qytet.

Në të njëjtin program, Mimoza Shkodra bëri të ditur se kishte realizuar një potpuri me këngë popullore së bashku me Kasapin, përfshirë “Jam deh me raki”. Ajo e përshkroi bashkëpunimin si të natyrshëm dhe të mbushur me energjinë e tij karakteristike – një performancë që tani merr ngjyrën e një momenti të fundit të gëzuar përpara tragjedisë.

Sipas burimeve pranë studios, Kasapi kishte regjistruar disa këngë të reja në muajt e fundit, në disa ambiente të ndryshme muzikore. Ende nuk dihet nëse ato do të publikohen, por ekziston pritja që projektet të mund të shërbejnë si një kujtim i fundit për artistin, një vazhdimësi e heshtur e zërit të tij.

Për një publik që u rrit me këngët e tij, lajmi i humbjes së beftë solli rikthimin e një biblioteke kujtimesh: koncerte, balada, bashkëpunime dhe një zë që dukej i pandarë nga ritmi i dy dekadave të fundit. Në mungesë të tij, mbetet muzika – dhe çastet e fundit të regjistruara, të cilat sot duken si dëshmi të heshtura të një krijimtarie që nuk u mbyll kurrë në kohë.

Historiani dhe akademiku Pëllumb Xhufi ka sqaruar gjatë një interviste të dhënë disa kohë më parë për Dritan Hilën, tezën që është hedhur mbi Çamërinë, sipas së cilës Ismail Qemali ia dha Greqisë se kishte gruan greke.

Xhufi sqaron se ku u bazuan ata që hodhën këtë tezë.

Është hedhur një tezë së fundmi që Ismail Qemali e shiti Çamërinë sepse kishte gruan greke dhe në një farë mënyre ishte një koncesion që ai u bëri grekëve. Qëndron historikisht kjo?

Pëllumb Xhufi: Absolutisht nuk qëndron. Ishte e krishterë gruaja e Ismail Qemalit. Se ishte arvanitase, apo shqiptare e Çamërisë, apo greke, kjo nuk dihet dhe nuk është marrë njeri me këtë.

Ismail Qemali ka qenë një familje tradicionale me 9 fëmijë. Gruaja e tij nuk ka lënë gjurmë fare, si psh, Teodora e Justinianit, perandorit shqiptar të Bizantit e cila i fuste hundët në punët e shtetit.

Këta që hedhin këtë tezë, bazohen në një insinuatë shumë të keqe që e ka mbrojtur fort edhe një historian grek me origjinë korçare. Ai thotë që Ismail Qemali në 1907-ën, takoi në Greqi kryeministrin Georgios Theotokis. Që nga 1900-ta Ismail Qemali ishte arratisur nga Perandoria Osmane dhe tha që u mundua ta decentralizojë për t’u dhënë frymëmarrje shteteve që përbënin shtetin osman. Nuk e lanë.

Kryeministrin me të cilin do hartonte kushtetutën e varën në litar, rrezikuan ta varin edhe Ismail Qemalin. Ai iku nga Libani dhe erdhi në Evropë.

Historiani grek thotë që në 1907-ën Ismail Qemali takoi kryeministrin grek. Në atë bisedë thotë ai, është rënë dakord që Vorio-Epiri t’i kalonte Greqisë. Por nuk ka një dokument që ta vërtetojë këtë, e thotë vetëm në një libër, pa citime e pa fakte.

Por në të vërtetë Ismail Qemali pasi takoi Georgios Theotokis, takoi edhe një kryetar të shoqatës greko-shqiptare me një arvanitas në krye. Ai takua me Ismail Qemalin dhe nxorën në gazetë një material për të cilin kishin rënë dakord. Ata do të promovonin çështjen shqiptare në Greqi, shkrimin e gazetave në gjuhën shqipe.

Dhe në fund thuhej; “U ra dakord që kur të bëhet Shqipëria e pavarur, kufijtë me Greqinë do jenë kufij historikë. Kjo është fraza e shkruar, një ditë pasi takoi Georgios Theotokis.

Ismail Qemali nuk mund të thoshte tjetër gjë te Georgios Theotokis dhe tjetër gjë te ky njeriu që ishte i Georgios Theotokis, sepse ajo shoqata ishte një OJQ.

Kufijtë historikë kanë qenë në Lepan, në Nafpaktos, deri aty ka qenë provinca e Epirit të vjetër, edhe Thema Bizantine kur u krijua në shekullin e 9-të e kishte qendrën pikërisht në Gjirin e Korintit.

Këtë e thoshte sjellja, deklaratat e tij në mes të Evropës, pasi ngriti flamurin Tha që nuk ka paqe Ballkani, pa marrë Shqipëria, Kosovën e Çamërinë.

Është edhe tentativa e tij për të mbrojtur Janinën. Në 1913-ën kur Janinën e kishin rrethuar trupat grekë të mbretit Konstantin, Ismail Qemali i bëri thirrje dhe aty bëri për herë të fundit një tentativë për t’u lidhur me klasën e vërtetë të pashallarëve shqiptarë, sepse ata kishin forca të gatshme, ndërsa Ismail Qemali nuk kishte ushtri.

Ndaj u bëri thirrje pashallarëve qe të merrnin ushtrinë e tyre e të shkonin në Janinë për ta mbrojtur, sepse kufijtë nuk ishin vendosur ende. Por pashallarët e lanë në baltë dhe bënë secili më vete marrëveshje të pista sepse kishin pronat e tyre në Greqi…

Analisti Andi Bushati, gjatë një lidhje direkte në emisionin Të Paekspozuarit në MCN TV, ka deklaruar se “pista amerikane” si aryse pse SPAK po godet Belinda Ballukun, nuk bazohet në ndonjë provë, por fakti që SPAK po heton procedura ku është i implikuar edhe Rama, krijon dyshime se ka një faktor tjetër që mund të ketë ndikuar.

Ylli Rakipi: Ka patur shumë aludime, kishe edhe ti dyshime, që te Balluku po hetohet se ka edhe ndërhyrje të huaj. Luajmë shumë me teori konspirative, amerikanët, etj…

Andi Bushati: E kam hedhur këtë dyshim, por e kam hedhur, për të qenë i ndershëm, pa patur fakt, por duke u nisur nga një logjikë, që deri tani SPAK nuk ka guxuar kurrë më parë, të prekë procedura ku është implikuar Edi Rama. E merr Veliajn për fustanet e Ajolës, Ahmetajn për vilat e grave, por jo për punët që kanë bërë në bashkëpunim me Ramën. Fakti që kemi një thyerje, ose risi, të lë të dyshosh, se në lojë është futur përdhunshëm një forcë tjetër. A janë europianë? A janë amerikanë? Ore, a janë këto banda kriminale që kanë paguar se kanë inat Ballukun? Nuk e di, por ka një forcë tjetër që ka bërë të lëvizë trajektorja që SPAK ndjek gjithë këto vite.

Andi Bushati: Kryeministri thotë po më vjedhin kompetencat, po cënohet imuniteti i deputetit, njëri pushtet po ndërhyn te tjetri. Në fakt, për mua kjo është të kërkosh gjilpëren në kashtë. Ky mund të jetë debat midis konstitucionalishtësh. Kur një ministër vjedh, çfarë duhet të bëjë? Duhet të qëndrojë në detyrë? Këtu po quhet grusht shteti kur pezullohet një njeri që dyshohet se ka vjedhur, të cili i kemi parë dhe lexuar mesazhet që bën nga fillimi në fund një tender. Ne këtu hyjmë, mos po i prishin Ramës qeverinë? Ta lënë qeverinë të vjedhin?

Denis Dyrnjaja: Ne kemi Ilir Metën që na tha gjykata nuk është është provë e vërtetë. Bushati thotë nuk i bëjmë gjyqin dhe i bëri gjyëin ndërkohë.

Andi Bushati: Balluku mundet që, vëllai, komshiu, i dashuri tja ketë shkruar ai dhe mund të mos jenë prova. Por nuk po diskutohet kjo. Asnjë nuk thotë Belinda Balluku nuk ka manipuluar tenderin, por po thonë duke pezulluar një njeri që prezumohet si hajdut, po bëjmë grusht shteti. Duke pezulluar një njeri që ka vjedhur duke shfrytëzuar zyrën, por vjedhim kompetencat e kryeministrit. Me sa duket, edhe mbrojtësit e Ballukut, ngaqë e dinë se është deri këtu, nuk bëjnë debat a ka apo jo prova, por a po na cënohet kushtetuta.

Për mua, SPAK-u që të ishte laboratorisht korrekt dhe të bënte process të pasharë, duhet ta çonte për imunitet Ballukun. Çështja që ka zgjedhur për ta kapur veshin kështu… vjen se ka marrë mesazhin nga Rama, që unë Belindën nuk e dorëzoj, nuk ia heq imunitetin, është detyruar të gjejë artificën. Debati nuk është si po vepron SPAK. Puna është ta lëmë gënjimin e publikut se po shkelet Kushtetuta, se po rrëmbehen kompetencat e Edi Ramës, sepse ai ka kompetenca edhe mbi Federatën e Futbollit…
Kur secili mbrohet, ne marrim rast pas rasti, ka të drejtë filani mbi kauzën me të cilën po mbrohet. Nëse Veliaj, që për mua është hajdut recidivist si Balluku, mbrohet në GJK dhe thotë mua kryeministri nuk më shkarkon dot, kjo gjë ha diskutim dhe duhet gjykuar. Varet për cfarë shkon.

Teksa në media po qarkullon masivisht lajmi për një takim “sekret” të organizuar nga Ervin Salianji me disa nga ish-kandidatët e PD-së, në emisionin “Now” me Erla Mëhilli “plasi” menjëherë debati mes të ftuarve.

Aulon Kalaja i cili ishte pjesë e këtij takimi, tha se është diskutuar për çështje që shqetësojnë PD-në por në asnjë moment për një kryengritje apo diçka tjetër kundër Sali Berishës.

Ish-ministri i Drejtësisë, Ylli Manjani, tha në studio se Sali Berisha nuk e ka ditur që këta të rinj do të mblidhen se në të kundërt do të kishte dërguar Flamur Nokën për t’i shkrirë.

Në këtë moment ka ndërhyrë gazetari Lavdrim Lita i cili i tha Manjanit që nuk e njeh aspak mirë Sali Berishën. Sipas tij, ky i fundit ka çuar vetë disa persona në atë takim për të kuptuar se çfarë diskutohet.

Lita nënvizoi se menjëherë sapo ka mbaruar takimi, disa persona kanë raportuar tek Sali Berisha për të gjithë bisedën në tavolinë.

Biseda në studio

Bledian Koka: Këta që ti përmende, janë të gjithë te PD-ja. Saliu paska dhe disa të rinj.

Ylli Manjani: Saliu nuk e ka ditur që janë mbledhur ata se do kishte çuar Mulin (Flamur Nokën) dhe do i kishte shkrirë.

Gazetari Lavdrim Lita: E ke gabim. Nuk e njeh mirë Sali Berishën. Gjysmat ata i ka çuar Saliu për të kontrolluar se çfarë bisedohet, si bisedohet. Më lër të them unë çfarë ndodh. Sa kanë dalë nga takimi kanë raportuar tek Sali Berisha. I vetmi që mendon politikisht në atë parti është Sali Berisha.

Rritja e numrit të shqiptarëve nongrata në Greqi ka vënë në lëvizje socialistët për të mësuar sa është numri i personave të ndaluar.

Deputeti i PS, Ardit Bido i ka drejtuar zyrtarisht Ministrisë së jashtme greke dhe Ambasadës kërkesën për informacion për listën me emrat e shqiptarëve që nuk ju lejohet hyrja në territorin grek si dhe arsyet ligjore që kanë çuar në këto vendimmarrje.

Pas vulës të ndalimit për gazetarin e Top Channel Marin Mema në 2011, rastet duket se nuk janë të izoluara. Në kufirin shqiptaro grek u pengua të kalojë edhe gazetari Artan Hoxha, ndërsa në një intervistë për Top Channel ish kandidati demokrat, gazetari Aulon Kalaja tregon se edhe ai është dënuar për të mosshkelur më në Greqi. Kalaja kujton se pushimet e planifikuara me familjen verën e 2019 në shtetin grek ju shkatërruan pasi pa pasur dijeni për vendimarrjen në kufi i është komunikuar shpallja person i padëshiruar, pa dhënë asnjë arsye mbi vendimin.

“Më ndaluan dhe më shpallën nongrata deri në fund të jetës. Më ndaluan dhe më dhanë një fletë ku kategorizohesha te H si person i padëshiruar. Pa më shpjeguar arsyet por unë besoj se ka të bëjë me dy momente protestat e organizuara nga unë kundrejt marrëveshjes së detit si dhe një dokumentar për vrasjet e shqiptarëve në Greqi. Është e padrejtë sepse veprimtaria ime nuk është kurrë ekstremiste”, u shpreh Aulon Kalaja.

Përpjekjet e Aulonit për të marr në dorëzim dosjen e ndalimit thotë që kanë qenë të kota. Është përballur me terr informacioni si dhe tërheqjen e avokatëve për të ndjekur çështjen gjyqësore në shtetin grek, për të pasur mundësi që të kërkojë madje pafajësinë më tej në Strasburg.

Transparenca për proceset e bllokimit të hyrjes së shqiptarëve po kërkohet edhe nga parlamentarët tashmë, por ende në pritje nëse do të kemi një përgjigje zyrtare nga institucionet greke.

Dashi

Do jeni te vendosur sot ta ndryshoni rutinën e jetës suaj ne çift ne mënyrë qe te ndiheni akoma me mire ne krahët e atij qe dashuroheni. Yjet do i keni pranë dhe do ja dilni mbanë me sukses. Beqaret do dashurohen koke e këmbë me një person qe sapo do e njohin. gjendja financiare do filloje dalëngadalë te përmirësohet. Do ndiheni edhe me te qete tashme.

Demi

Edhe pse keni një lidhje te qëndrueshme mire është te mos luani shume me zjarrin gjate kësaj dite. Pa e kuptuar situata mund t’iu dale jashtë kontrollit. Beqaret do ndihen me ne fund gati t’i pranojnë ftesat qe kane kohe qe ju bëhen dhe te fillojnë një lidhje. Gjendja financiare do jete përgjithësisht e mire. Nuk do ketë aspak probleme apo vështirësi.

Binjaket

Planetët do ndikojnë negativisht sot ne jetën tuaj ne çift prandaj është mire qe t’i bëni sytë katër dhe te tregoheni te kujdesshëm me ato qe do i thoni partnerit. Beqaret do kenë edhe takime edhe mundësi për aventura, mjafton qe t’i shfrytëzojnë ato sa me shume. Ne planin financiar mos prisni qe situata te përmirësohet menjëherë sepse kjo nuk ka për te ndodhur.

Gaforrja

Dite rutine do jete kjo e sotmja për ata qe janë ne një lidhje. Nuk do jeni ne humorin e duhur për te provuar eksperienca te reja. Beqaret nuk do e mbajnë për asnjë moment mendjen tek krijimi i një lidhjeje, por papritura do kenë surpriza. Ne planin financiar duhet te merrni disa vendime te cilat do ndikojnë mjaft tek e ardhmja. Do dini si t’i menaxhoni paratë.

Luani

Do merreni vesh me se miri me atë qe keni ne krah sot dhe se bashku do mendoni edhe për te ardhmen. Te gjithë do ju kenë zili për bashkëpunimin. Beqaret do tërheqin vëmendjen e te gjithëve, por nuk do ndihen ende gati te pranojnë propozime. Financat do jene te ekuilibruara për pjesën me te madhe. Mjafton një menaxhim me i mire qe situata te përmirësohet me tepër.

Virgjeresha

Nëse keni nevoje për me shume ngrohtësi ne jetën tuaj ne çift duhet qe t’ia thoni partnerit tuaj dhe jo te prisni qe ai ta kuptoje vete. Si do jete plot me angazhime dhe nuk do mendoje detajet. Beqaret do takojnë disa persona qe do iu sjellin lumturinë dhe begatinë ne jetën e tyre. Për te përmirësuar financat nuk duhet te luani me zjarrin apo me lojërat e fatit.

Peshorja

Te dashuruarit do ndihen mire ashtu si janë dhe nuk do kërkojnë asgjë me tepër. Partneri do ju përgatisë edhe disa surpriza te vogla. Për beqaret klima yjore do jete shume me e ngrohte se kohet e fundit dhe mundësitë për te krijuar një lidhje goxha te mëdha. Nëse doni qe financat te jene te mira, duhet t’i dëgjoni me kujdes këshillat qe do iu jepen nga te afërmit.

Akrepi

Do ndiheni me te dashuruar se kurrë me pare gjate kësaj dite dhe do i bëni disa propozime te çmendura personit qe keni ne krah. Edhe beqaret me ne fund do e bëjnë për vete atë qe kane pëlqyer prej kohesh. Çdo gjë do iu duket me e bukur sot. Me financat tregohuni te kujdesshëm sepse ne një moment ose ne një tjetër do përballeni me vështirësi.

Shigjetari

Dite shume e mire kjo e sotmja për ata qe janë ne një lidhje. Do kaloni çaste te lumtura me partnerin dhe asgjë nuk ka për te shkuar keq. Beqaret do kenë mundësi pa fund për njohje te reja, por asnjeri nuk do iu pëlqejë aq sa duhet. Ne planin financiar do kryeni transaksione dhe investime te rëndësishme duke qene se gjendja do jete e favorshme.

Bricjapi

Sot do filloje një etape shume e bukur për jetën tuaj sentimentale. Do merreni vesh për mrekulli me atë qe keni ne krah dhe do ndiheni gati te ndërmerrni sfida. Beqaret ende nuk do jene gati te ndryshojnë status, prandaj do mbeten vetëm. Financat do jene me te mira. Me ndihmën e disa familjareve do arrini t’i kaloni edhe vështirësitë e dikurshme dhe do jeni te qete.

Ujori

Do jeni te vendosur te bëni ndryshime rrënjësore sot ne jetën tuaj ne çift dhe keni për t’ia dale mbanë. Si ju ashtu edhe ai qe keni ne krah do jeni ne humorin e duhur. Beqaret do ndihen gati për te pranuar ftesat qe do ju bëhen edhe sikur te jene vetëm për aventura kalimtare. Ne planin financiar do e keni shume te vështirë te ruani ekuilibrin.

Peshqit

Fale ndikimit dhe shtysës qe do iu japë Merkuri, sot do bëni disa ndryshime rrënjësore ne jetën tuaj ne çift. Sigurisht për gjithçka do bini njëherë dakord me partnerin. Beqaret do takojnë qe ne mëngjes persona qe do ua shtojnë dëshirën për te krijuar një familje. Ne planin financiar mund te përballeni me vështirësi te mëdha për shkak te pamaturisë kohet e fundit.

Artur Xhemal Alibashi, një tifoz futbolli nuk do mundet të futet në asnjë stadium të Shqipërisë.

Komisioni i Disiplinës dhe Etikës pranë Federatës Shqiptare të Futbollit ka dënuar tifozin për një afat të pacaktuar, kjo pasi u konstatua se shkaktoi dhunë gjatë ndeshjes Partizani – Vllaznia.

“Komisioni i Disiplinës dhe Etikës pasi u njoh me relacionin e Sekretariatit Teknik, korrespondencën me Drejtorinë Vendore të Policisë Tiranë lidhur me aktet e dhunës në ndeshjen e kampionatit “Abissnet Superiore” FK Partizani-KF Vllaznia të zhvilluar më datë 23.11.2025 ora 16:30 në Kompleksin Partizani, ku janë konstatuar shkelje të parashikimeve ligjore të nenit 48 e vijues të Ligjit 79/2017 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE,

VENDOSI:

 1. Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe shtetasit Artur Xhemal Alibashi.

2. Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.

3. Një kopje e këtij vendimi t’i përcillet Policisë së Shtetit”, thuhet në vendim.

Ndërkohë, klubi i Partizanit është dënuar me 50 mijë lekë gjobë për sjelljen e tifozëve në ndeshjen e fundit kundër Vllaznisë. Bie në sy se zyrtari i AF Elbasanit, Elton Guranjaku, për kërcënim të zyrtarëve të ndeshjes është pezulluar me dhjetë ndeshje. Pezullim edhe për Kleo Laskën, zyrtarin e Laçit. Pezullime edhe në ligat më të ulëta.

Vendimet e plota:

FK Partizani, për sjellje të gabuar të spektatorëve, duke ndezur flakadanë dhe mjete të tjera piroteknike, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.
Zyrtari i AF Elbasani, Elton Guranjaku, për kërcënim ndaj zyrtarëve të ndeshjes, në bazë të nenit 14/1/k të KDE dënohet me 10 (dhjetë) ndeshje pezullim nga aktiviteti. Në zbatim të nenit 6/2/b të KDE, zyrtarit i ndalohet hyrja në dhomat e zhveshjes dhe ambientet e brendshme të stadiumit, deri në përfundim të dënimit.
Zyrtari i KF Laçi, Kleo Laska, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
AF Luftëtari, për mos respektimin e detyrimeve dhe rregulloreve të aktivitetit duke shkaktuar vonesa gjatë zhvillimit të ndeshjes, në bazë të neneve 8/1 dhe 13/2/a të KDE, dënohet me gjobë në masën 100.000 (njëqind mijë) lekë. Sipas nenit 76/1/a të KDE, gjoba të aplikohet në masën 50%.
Zyrtari i KF Naftëtari, Eldison Kapo, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
Zyrtari i KF Gramshi, Andrit Bici, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 8 (tetë) ndeshje pezullim nga veprimtaritë.
Lojtari i Adriatiku, Ernest Gjoka, për sulm ndaj zyrtarëve të ekipit kundërshtar, në bazë të nenit 14/1/i të KDE, dënohet me 4 (katër) ndeshje pezullim nga veprimtaritë.
Lojtari i KF Vora U-18, Ergi Lushaj, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.
Zyrtari i KF Skënderbeu U-18, Entjel Bilo, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
Pranimin e kërkesës së zyrtarit të KF Vllaznia, Edi Martini, për konvertimin e pjesës së mbetur të dënimit, bazuar në nenin 75 të Kodit të Disiplinës dhe Etikës.
Pranimin e kërkesës së lojtarit të KF Maliqi, Enrik Agolli, pezullimin e pjesës së mbetur të dënimit. Periudha e pezullimit me kusht, në zbatim të nenit 34/1 të KDE, do të jetë 6 (gjashtë) muaj.
Kundër vendimit lejohet ankim brenda 3 (tre) ditëve përpara Komisionit të Apelit.

Tre shtetas janë gjobitur dhe u janë sekuestruar makinat pasi kryen manovra të gabuara gjatë festimeve të Ditës së Flamurit, duke rrezikuar veten dhe përdoruesit e tjerë të rrugës.

Shërbimet e Policisë Rrugore të Tiranës, gjatë kontrolleve të ushtruara në disa akse të kryeqytetit, konstatuan tek Bulevardi i Ri tre automjete që po kryenin manovra të gabuara në rrugë, duke krijuar situata të rrezikshme për qarkullimin.

Menjëherë, efektivët ndërhynë, ndaluan mjetet dhe kryen veprimet administrative e procedurale.

“Nga veprimet hetimore u identifikuan shtetasit S. M., F. D. dhe A. T., të cilët u ndëshkuan secili me masat përkatëse administrative, në zbatim të Kodit Rrugor. Në vijim, të tre automjetet u bllokuan, në funksion të procedurave të mëtejshme”, njofton Policia e Tiranës.  

VIDEO