Month: December 2025

SPAK ka rënduar pozitën e zv/kryeministres Belinda Balluku, ndërsa po e heton edhe për një koncesion, përveç tunelit të Llogarasë dhe tenderave të ndryshëm në infrastrukturë.

Sipas shkresës së SPAK, dërguar deputetëve të Këshillit të Mandateve dhe Imunitetit, Balluku rrezikon të prishë provat.

Në arsyetimin e SPAK thuhet se gjendja e lirë e të pandehurës Balluku, paraqet rrezik real në mbledhjen e provave, për shkak të detyrës dhe funksionit që ushtron, si zëvendëskryeministër i Republikës së Shqipërisë dhe Ministër i Infrastrukturës dhe Energjisë.

Në shkresë nënvizohet se ekziston mundësia që ajo mund të ndërhyjë dhe të ndikojë në prishjen ose asgjësimin e provave apo në krijimin e rrethanave që vështirësojnë mbledhjen e provave dhe është evident sipas SPAK, fakti që tashmë e pandehura ka bërë përpjekje për të ndikuar tek dëshmitarët.

Pjesë nga shkresa e SPAK:

2. Deputeti nuk mund të arrestohet ose t’i hiqet liria në çfarëdo lloj forme apo ndaj tij të ushtrohet kontroll personal ose i banesës, pa autorizimin e Kuvend

3. Deputeti mund te ndalohet ose të arrestohet pa autorizim kur kapet ne kryerje e sipër ose menjëherë pas kryerjes se nje krimi te rende. Prokurori i Përgjithshëm me Drejtuesi Prokurorisë së Posaçme njofton menjehere Kuvendin i cili kur konstates se muk ka vend per procedim, vendos per heqjen e mases

4. Për çështjet e parashikuara në paragrafet 2 dhe 3 te ketij neni. Kuvendi mund të diskutoje në seance me dyer të mbyllura, per arsye te mbrojtjes se te dhenume. Vendimi merret me rom të hapur.

Ndodhur në këto kushte, vlerësohet se ekzistojnë kushtet dhe kriteret për zëvendësimin e masave të sigurimit.

Pasur parasysh parashikimet e neneve 228, 229, 230, 237, 238, 260 të Kodit të Procedures Penale, vlerësojmë se, pas momentit të caktimit të masës se sigurimit, nevojat e sigurimit janë rënduar për personin nën hetim dhe të pandehurën Belinda Balluku, pasi:

Po kryhen hetime për fakte penale të tjera në ngarkim të kësaj shtetaseje në lidhje me disa procedura prokurimi të tjera, si dhe po hetohen veprimet e saj në një procedure koncensioni;

Ekzistojnë shkaqe të rëndësishme që vënë në rrezik marrjen ose vërtetësinë e provës (Sjellim në vëmendje se vazhdimisht gjatë ketij hetimi administrohen prova nga institucione të ndryshme, dokumentacioni kryesor gjendet pranë Institucionit Qendror që drejton vetë kjo shtetase, Ministria e Infrastrukturës dhe Energjisë, pyeten dëshmitarë të ndryshëm, si persona zyrtare, vartës të kësaj të pandehure etj.).

Gjendja e lirë e të pandehurës, paraqet rrezik real në mbledhjen e provave, për shkak të detyrës dhe funksionit që ushtron, si zëvendëskryeministër i Republikës së Shqipërisë dhe Ministër i Infrastrukturës dhe Energjisë. Ekziston mundësia që ajo mund të ndërhyjë dhe të ndikojë në prishjen ose asgjësimin e provave apo në krijimin e rrethanave që vështirësojnë mbledhjen e provave. Eshtë evident fakti që tashmë e pandehura ka bërë përpjekje për të ndikuar tek dëshmitarët;

Largimi i të pandehurës ose rreziku që ajo të largohet (Ekziston rreziku i largimit të të pandehurës, nisur nga sanksioni dhe marzhi i lartë që parashikon ligji për vepren penale që dyshohet si dhe pasur parasysh rrethanën se këtë vepër penale dyshohet se e ajo e ka kryer disa herë dhe në bashkëpunim);

Rreziku se e pandehura për shkak të rrethanave të faktit dhe të personalitetit të saj, mund të kryejë krime të rënda ose të të njëjtit lloj me atë për të cilin procedohet (Për shkak të rrethanave të faktit dhe personalitetit të të pandehures, duke qene ne ushtrimin e funksioneve të saj, për shkak të detyrës, ekziston rreziku që ajo të kryejë krime të të njëjtit lloj me atë për të cilin po procedohet. Sillet në vemendje se po hetohen disa procedura prokurimi dhe se e pandehura menaxhon në vazhdim fondet publike për investimet publike të tjera, te parashikuara per Institucionet Qendrore qe ajo drejton). Bashkëlidhur, ju paraqesim:

Vendimin nr.118, datë 19.11.2025, të Gjykatës së Posaçme të Shkallës së Parë për Korrupsionin dhe Krimin e Organizuar.

Richard Grenell, i dërguari i posaçëm i Donald Trump për misione speciale, ka reaguar në lidhje me një postim të kryeministrit Edi Rama në Hagë, pas vizitës te ish-presidenti i Kosovës, Hashim Thaçi.

Grenell ka shpërndarë reagimin e Ramës dhe i jep të drejtë kreut të qeverisë shqiptare, teksa thekson se “Jack Smith është një turp”.

“Aleati i NATO-s dhe kryeministri i Shqipërisë, Edi Rama, e hedh poshtë çështjen ligjore të Jack Smith kundër ish-presidentit Thaçi në Hagë dhe turpëron europianët për lejimin e vazhdimit të kësaj padrejtësie. Jack Smith është një turp. Rama ka të drejtë”, shkroi ai në rrjetet sociale.

https://twitter.com/RichardGrenell?ref_src=twsrc%5Etfw%7Ctwcamp%5Etweetembed%7Ctwterm%5E2001681522781233379%7Ctwgr%5E8906c6a85f300f64a2ecf7d77fc99ad9896f6dcb%7Ctwcon%5Es1_&ref_url=https%3A%2F%2Fwww.voxnews.al%2Fpolitike%2Fhaga-teatri-i-turpit-te-drejtesise-nderkombetare-grenell-rama-ka-te-dre-i106602

Kujtojmë se më herët, kryeministri Rama e ka konsideruar procesin ndaj ish-krerëve të UÇK-së si një padrejtësi të rëndë në zemër të Europës.

Rama e përshkroi Gjykatën Speciale si godina ku luhet teatri i turpit të drejtësisë ndërkombëtare, duke theksuar se Thaçi u rrëmbye pa gjyq e as akuzë nga zyra e Presidentit të Republikës.

Ndërsa ish-prokurori special federal Jack Smith është prokurori që ngriti akuza ndaj Hashim Thaçit, por edhe ndaj Donald Trump kur ky i fundit përfundoi mandatin e parë.

Prokurori amerikan Jack Smith, i cili ishte prokuror i nivelit të lartë në Departamentin e Drejtësisë të SHBA-së, mori detyrën si kryeprokuror në Zyrën e Prokurorit të Specializuar në Hagë në shtator 2018 duke akuzuar Thaçhi për krime lufte dhe krime kundër njerëzimit.

Sakaq, ditën e djeshme Jack Smith, në një seancë të mbyllur para Komitetit Juridik të Kongresit amerikan, ka mbrojtur vendimet dhe hetimet e tij penale kundër presidentit Donald Trump.

Kryeministri Edi Rama ka deklaruar se Shqipëria është e gatshme të japë kontributin e saj për të forcuar Bashkimin Europian, duke theksuar se anëtarësimi i vendit është një domosdoshmëri strategjike. Në një intervistë për The Observer, të publikuar këtë të enjte, Rama thotë se Shqipëria ka qenë e detyruar “të gëlltisë shumë bretkosa” gjatë procesit të integrimit, por se objektivi mbetet i qartë: hyrja në BE deri në vitin 2030.

Rama kritikoi burokracinë e BE-së, duke thënë se Europa është jashtë ekuilibrit, e kritikoi për burokracinë dhe shtoi se kontinenti ka nevojë për “më shumë Europë, jo më pak Europë” dhe për një strategji të qartë për të ardhmen.

Kryeministri theksoi se Shqipëria është i gatshëm të heqë dorë nga e drejta e vetos dhe madje të mos ketë komisioner të vetin, si garanci për partnerët europianë.

INTERVISTA E PLOTË

Në zyrën e tij të mbushur me art, i ulur në një kolltuk lëkure të errët, Rama flet për “errësirën” që ka zbritur mbi Europën. I rizgjedhur për një mandat të katërt në maj dhe me Shqipërinë që ka marrë vlerësime për ecurinë në negociatat e anëtarësimit, ai nuk po kalon një vit të keq. Megjithatë, e shqetëson “mungesa e energjisë pozitive kudo” dhe ndjesia se kontinenti, pavarësisht “njerëzve të mëdhenj” që e udhëheqin, po zhytet më thellë në errësirë.

“Nuk shoh dritë,” thotë ai. “Ka një zymtësi në Europë dhe nuk shoh rrugëdalje. Ka njerëz që përpiqen të bëjnë gjënë e duhur, por nuk shoh strategji. Nuk ndihmon të mendosh se problemi është diku tjetër. Problemi është në Europë. Është tek ne.”

Rama, dikur piktor, ka sjellë reformime të gjera në një shtet dikur të izoluar nga komunizmi. Në Bruksel, socialisti 61-vjeçar shihet si një nga liderët më pragmatikë që ka dalë nga ish-Lindja. Në Tiranë, ambasadorët e BE-së vlerësojnë aftësinë e Ramës për “të menduar jashtë kornizës”, edhe pse korrupsioni endemik vazhdon ta mundojë vendin dhe së fundmi edhe nivelet më të larta të vetë qeverisë së tij. Ky vlerësim, shpjegon pse pikëpamjet e Ramës merren seriozisht.

“Vetë Evropa është jashtë ekuilibri: burokracia e saj peshon më shumë se politika dhe grindjet e brendshme duken më të mëdha se horizonti i përbashkët” thotë Rama.

Debati mbi migracionin ka qenë veçanërisht sfidues për një politikan anglofil, i detyruar sërish të denoncojë “stereotipizimin etnik” të shqiptarëve të shprehur një Sekretar i Brendshëm Britanik.

Në një intervistë për The Observer, ai nuk e fsheh sa “shqetësuese” është që këtë herë akuzat për abuzim të ligjeve të azilit nga shqiptarët nuk vijnë nga një ministër konservator, por nga një qeveri laburiste e udhëhequr nga një njeri me të cilin ai thotë se ka marrëdhënie “shumë të mira”.

“Nëse veçon një komunitet, mund të presësh që anëtarët e atij komuniteti të lëndohen, të sulmohen, të plagosen, të rrihen,” thotë ai, ndërsa gishtat i lëvizin mbi një varg rruazash. “Ne e dimë nga historia se kështu ndodh.”

Partia Socialiste e Francës, shton ai, ka kryer një “vetëvrasje spektakolare” sepse ka tentuar të imitojë retorikën e ekstremit të djathtë për emigracionin. Sipas tij, ky është një mësim paralajmërues për liderët që të qëndrojnë besnikë ndaj bindjeve dhe vlerave të tyre.

“Kur hyn në garë me të djathtën ekstreme, humbet, sepse kur vjen puna për të zgjedhur kush është më i ashpër për çështje si migracioni, instinkti është të zgjedhësh origjinalin, jo kopjen,” thotë ai. “Mendon se mund të vallëzosh me djallin? Djalli fiton që në momentin që shkel në pistë.”

Rritja e populizmit të djathtë ekstrem, nacionalizmi patriotik, përçarja dhe përshpejtimi i militarizimit të Evropës janë, sipas Ramës, forca të fuqishme që e thellojnë këtë errësirë.

Por Rama nuk ka qenë kurrë i mendimit se presidenti amerikan, Donald Trump, është problemi i Evropës apo se strategjia e re amerikane e sigurisë kombëtare është veçanërisht befasuese.

Përkundrazi, ai e sheh zgjedhjen e Trumpit si një thirrje zgjimi; një goditje të nevojshme për ta nxjerrë Evropën nga inercia që e mban peng. Për një kohë shumë të gjatë, thotë Rama, BE-ja ka qenë e shkëputur nga realiteti dhe e penguar nga burokracia e vet.

“Urtësia e botës ka ecur shumë përpara pa ne dhe papritur po kuptojmë se kemi mbetur pas,” thotë ai. “Në këtë kohë sfidash të mëdha, na mungon forca politike; mbetemi në sipërfaqe, kur thellësia është ajo që momenti kërkon.”

Burokracia e rëndë e bllokut, sipas Ramës, është një pengesë kyçe. “Vetë Evropa është jashtë ekuilibri: burokracia e saj peshon më shumë se politika dhe grindjet e brendshme duken më të mëdha se horizonti i përbashkët.”

Nëse kontinenti do të bëhet më i fortë, duhet “më shumë Evropë, jo më pak Evropë”, dhe më shumë reflektim mbi politikat dhe veprimet që mund ta kenë penguar.

“Bëhet fjalë për mendim strategjik dhe politika të drejta dhe për atë se ku duam të jetë Evropa pas 10 apo më shumë vitesh,” thotë Rama. “Evropa duhet të ndryshojë dhe duhet të ndryshojë shpejt. Të gjithë e thonë, të gjithë janë të vetëdijshëm për këtë, dhe megjithatë të tjerët po ecin me një shpejtësi shumë më të madhe.”

Që nga fillimi i pushtimit të plotë rus të Ukrainës, Shqipëria, anëtare e NATO-s që nga viti 2009, e ka mbështetur fuqishëm aleancën euroatlantike. Tregues i entuziazmit të saj për atë që Rama e quan “i vetmi pozicion moralisht i qëndrueshëm” është një targë makine e vendosur dukshëm jashtë zyrës së tij, me fjalën “Ukraine” dhe e zbukuruar me zemra të kuqe.

“Na fusni në Evropë dhe jam gati të nënshkruaj një marrëveshje ku të thuhet qartë se nuk duam të kemi fuqinë e vetos”, tha Rama.

Në ish-shtetin stalinist nuk ka nostalgji për Rusinë e sotme, edhe pse intelektualët shqiptarë shprehin një dashuri për gjigantët e letërsisë ruse që lexoheshin dhe mësoheshin deri sa diktatori Enver Hoxha i preu lidhjet me Moskën.

“Çdo njeri që interesohet për botën mund të dojë shumë gjëra nga Rusia,” shton Rama. “Por jo politikën ruse. Në Shqipëri sigurisht që nuk na merr malli për faktin që nuk kemi pasur asnjë punë me Moskën që nga viti 1960.”

Gjashtë muaj pas nisjes së pushtimit të Ukrainës nga Putini në shkurt 2022, autoritetet bashkiake të Tiranës e riemëruan bulevardin ku ndodhej ambasada ruse në “Rruga Ukraina e Lirë”, duke bërë të qartë se çdo dërgesë postare do të drejtohej në adresën e re. Misioni diplomatik u detyrua shpejt të zhvendosej.

Megjithatë, Rama është gjithashtu kritik ndaj mënyrës se si Evropa ka trajtuar negociatat e paqes, duke i dhënë meritë Trumpit për çeljen e komunikimit me Rusinë dhe për sjelljen e “diçkaje të re dhe të rëndësishme në lojë”.

“Ai solli komunikimin dhe diplomacinë në mes të një lufte që mund të ketë qenë e para ndonjëherë pa komunikim,” thotë ai. “Po, e bëri në mënyrë përçarëse sepse kështu vepron, por edhe këtu lind pyetja për ne: çfarë po bëjmë ne? Si ka mundësi që Evropa të mos ketë pasur kurrë një plan paqeje, apo komunikim të drejtpërdrejtë me Rusinë? A është kjo normale për atë që jemi si evropianë? Unë nuk mendoj kështu”, thotë Rama.

Në këtë boshllëk, thotë ai, Putini ka arritur të ketë sukses “si shahisti brutal që është” duke ushqyer një psikologji frike për sulme të mëtejshme, kur në realitet trupat ruse kishin kaluar vite duke u përpjekur të merrnin rajonin e Donbasit në Ukrainë.

Pushtimi ka nxjerrë në pah domosdoshmërinë gjeopolitike të përfshirjes së Ballkanit Perëndimor në bllokun me 27 anëtarë, thotë ai.

Rama e pranon hapur se, në dëshirën për t’u anëtarësuar në BE, Shqipëria është detyruar “të gëlltisë shumë bretkosa”.

Por anëtarësimi është gjithashtu ekzistencial. Pas më shumë se 500 vitesh si një cep periferik i Perandorisë Osmane dhe gati pesë dekadash nën një regjim komunist më brutal se çdo tjetër, asnjë synim nuk tingëllon më i suksesshëm se ky.

Gjeografia, thonë ata që janë ende mjaftueshëm të rritur për ta kujtuar, i bënte evropianë, por mizoria dhe paranoja e Hoxhës bënë që shqiptarët të mos ndiheshin kurrë pjesë e kontinentit.

Dekadat e tranzicionit të trazuar pas rënies së regjimit vetëm sa e kanë forcuar qëndrimin ndaj BE-së. Nga të gjithë kandidatët që presin në derën e Brukselit, asnjë vend nuk ka mbështetje më të lartë për anëtarësim se Shqipëria. Ky entuziazëm shpjegon pjesërisht pse Rama e ka vendosur vitin 2030 si objektiv për anëtarësimin e Shqipërisë në BE, me synimin që negociatat të mbyllen deri në fund të vitit 2027; një ambicie që kundërshtarët e tij e quajnë “krejtësisht jorealiste”, por lideri 2 metra i gjatë duket i vendosur të bëjë gjithçka që duhet.

“Na fusni në Evropë dhe jam gati të nënshkruaj një marrëveshje ku të thuhet qartë se nuk duam të kemi fuqinë e vetos,” thotë ai. “Ne kurrë nuk do ta përdorim votën tonë kundër shumicës. As nuk duam komisionerin tonë. Mund të bëjmë një marrëveshje me Italinë dhe komisioneri i Italisë të jetë komisioneri ynë. Jemi gati ta bëjmë këtë si garanci ndaj çdo frike se ndonjë tip i çmendur nga Ballkani do të hyjë në klub me fuqinë e vetos dhe do të fillojë të imponojë gjëra”.

Detaje të reja kanë dalë në dritë nga kërkesa e Prokurorisë së Posaçme (SPAK) drejtuar Kuvendit të Shqipërisë, në të cilat kërkohet heqja e imunitetit dhe arrestimi i zv/kryeministres dhe ministres së Infrastrukturës dhe Energjisë, Belinda Balluku.

Sipas raportimeve në media, SPAK ka argumentuar se situata penale ndaj numrit dy të qeverisë Rama është rënduar pasi po hetohet edhe për një procedurë koncesioni.

SPAK thotë se, nevojat e sigurimit për Belinda Ballukun janë ndjeshëm dhe se ekziston rrezik real që ajo të prishë provat, të ndikojë tek dëshmitarët dhe të kryejë vepra penale të tjera të ngjashme.

Pjesë nga kërkesa e SPAK në Kuvend:

Ndodhur në këto kushte, vlerësohet se ekzistojnë kushtet dhe kriteret për zëvendësimin e masave të sigurimit.

Korrupsioni i qeverisë kapërcen kufijtë/ Mediat e huaja jehonë skandalit të Ballukut
Pasur parasysh parashikimet e neneve 228, 229, 230, 237, 238, 260 të Kodit të Procedurës Penale, vlerësojmë se, pas momentit të caktimit të masës së sigurimit, nevojat e sigurimit janë rënduar për personin nën hetim dhe të pandehurën Belinda Balluku, pasi:

“Po kryhen hetime për fakte penale të tjera në ngarkim të kësaj shtetaseje në lidhje me disa procedura prokurimi të tjera, si dhe po hetohen veprimet e saj në një procedurë koncensioni;

Ekzistojnë shkaqe të rëndësishme që vënë në rrezik marrjen ose vërtetësinë e provës (Sjellim në vemendje se vazhdimisht gjate ketij hetimi administrohen prova nga institucione të ndryshme, dokumentacioni kryesor gjendet prane Institucionit Qendror që drejton vete kjo shtetase Ministria e Infrastruktures dhe Energjisë, pyeten dëshmitarë të ndrysheet, si persona zyrtare, vartës të kësaj të pandehure et Gjendja e lirë e të pandehurës, paraqet rrezik real në mbledhjen e provave, për shkak të detyrës dhe funksionit që ushtron, si zëvendëskryeministër i Republikës së Shqipërisë dhe Ministër i Infrastrukturës dhe Energjisë. Ekziston mundësia që ajo mund të ndërhyjë dhe të ndikojë në prishjen ose asgjësimin e provave apo në krijimin e rrethanave që vështirësojnë mbledhjen e provave. Eshtë evident fakti që tashmë e pandehura ka bërë përpjekje për të ndikuar tek deshmitarët;

Largimi i të pandehurës ose rreziku që ajo të largohet (Ekziston rreziku i largimit të të pandehurës, nisur nga sanksioni dhe marzhi i lartë që parashikon ligji për vepren penale qe dyshohet se dhe pasur parasysh rrethanën se këtë vepër penale dyshohet se e ajo e ka kryer disa herë dhe në bashkëpun

Rreziku se e pandehura për shkak të rrethanave të faktit dhe të personalitetit të saj, mund të kryejë krime të rënda ose të të njëjtit lloj me atë për të cilin procedohet (Per shkak te rrethanave te faktit dhe personalitetit se te pandehures duke qenë në ulurimin e funksioneve të saj, për shkak te detyrës, ekziston rreziku që ajo të kryejë krime të se njëjtit lloj me ate per te cilin po procedohet. Sillet ne vemendje se po hetohen disa procedura prokurimi dhe se e pundeinira menachiun në vazhdim fondet publike për Investimet publike të tjera, të parashikuara per Institucioner Qendrore që ajo deuton.

Kërkesa për autorizimin e arrestimit:

Ilir Vrenozi, personazhi i njohur në rrjetet sociale dhe një nga kritikët më të mëdhenj të kryeministrit Edi Rama, të qeverisë, apo edhe të Partisë Demokratike, pritet që të jetë një nga banorët e “Big Brother VIP Albania 5”.

Vrenozi ka postuar disa video në rrjetet sociale, ku shfaqet duke takuar familjarët e tij, ku ka vizituar edhe varret e dy prindërve të tij, përpara se të nisej për Tiranë.

Janë komentuesit që kanë nxjerrë hapur Ilir Vrenozin, teksa i urojnë fat dhe mbarësi në këtë eksperiencë.

Ndërsa po ashtu në Tiranë, ai është takuar edhe me deputetin e PD-së në Korçë Fidel Kreka, i cili i ka uruar mbarësi dhe që ta marrë me qetësi këtë reality show.

Kujtojmë që Ilir Vrenozi është një nda mbështetësit më të mëdhenj në rrjetet sociale të Partisë Demokratike, teksa shpesh herë nuk i ka kursyer kritikat edhe për vetë këtë forcë politike. Tashmë, duket se ai do të përjetojë nga afër edhe botën e televizionit.

“Big Brother VIP Albania 5” do të startojë të shtunën në mbrëmje nën moderimin e Ledion Liços, teksa ende nuk dihen se cilët do të jenë konkurrentët e këtij viti.

Shqipëria ka hyrë në muajin e parë të dimrit, por kushtet atmosferike mbeten larg tipareve klasike të stinës së ftohtë.

Metereologia Rezarta Xhakollari, tha dimri astronomik nis më 21 dhjetor, ditën e solsticit, që shënon edhe ditën më të shkurtër dhe natën më të gjatë të vitit.

“Sapo kemi hyrë në muajin e parë të dimrit. Dimri astronomik nis tani më 21 dhjetor, solstici, që është dita më e shkurtër dhe nata më e gjatë. Më 21 dhjetor nis dimri parimisht dhe praktikisht, le të themi, pasi jemi në dimër meteorologjik. Ky do të jetë një dimër i butë dhe me temperatura të larta mbi normën dhe vazhdon të jetë i tillë”, – shprehet meteorologia për “Studio Live”.

Temperaturat e larta kanë qenë evidente edhe ditët e fundit, duke arritur deri në 20–21 gradë Celsius, vlera këto që zakonisht nuk janë tipike për muajin dhjetor.

“Dje është regjistruar 20 gradë, po edhe sot 21–21 gradë, temperatura të larta, jemi në dhjetor”, – thekson Xhakollari.

Sipas saj, shkak për këtë situatë mbetet prania e ciklonit afrikan, i cili vijon të ndikojë jo vetëm Shqipërinë, por një territor shumë më të gjerë.

“Sepse vijon të jetë ende ky cikloni afrikan, është prezent dhe ky është i shtrirë në të gjithë Ballkanin, për deri në pjesën e Rusisë, deri në Europën Verilindore. Vijon të kemi këtë anomali dhe këto temperatura”, – shpjegon ajo.

Në ditët në vijim pritet një ndryshim i lehtë i kushteve atmosferike, por pa rënie të ndjeshme të temperaturave.

“Para datës 23 na vjen një ciklon dhe do të ketë reshje shiu, me temperatura mesatare deri dhe në të larta, por nuk priten ende temperatura të zbresin. Do mbetet ende ky dhjetori i ngrohtë, reshje dëbore nuk duken në horizont”, – deklaron meteorologia.

Ndërsa pas Krishtlindjeve parashikohen reshje më të shpeshta, përfshirë edhe dëborë në zonat malore, bashkë me një valë të ftohti që pritet të vijë nga Rusia.

“Pas Krishtlindjeve do të fillojnë reshjet e shiut, që do të vijnë dhe me reshje bore në zona malore. Pritet të vijë i ftohti siberian nga Rusia, ku fundi i vitit, datat 29–31 do të mbyllen me mot të thatë dhe të ftohtë. Reshjet do të jenë nga data 23, në datën 27–28. Më vonë do të zbresë termometri në -7, -8 gradë në veri të vendit”, – përfundon Rezarta Xhakollari.

Dashi

Dite shume e qete dhe aspak problematike kjo e sotmja për ata qe janë ne një lidhje. Partneri do ju beje ta dashuroni edhe me tepër jetën. Beqaret do jene te fiksuar pas një personi dhe do mërziten tej mase kur te mos arrijnë ta bëjnë për vete. Neptuni do ju nxisë te bëni gabime ne planin financiar. Do kryeni shpenzime te pamenduara.

Demi

Pasioni do rindizet gjate kësaj dite ne jetën tuaj sentimentale dhe gjerat do ecin për mrekulli. Si ju ashtu edhe partneri juaj do i shprehni me më tepër pasion ndjenjat. Beqaret duhet te dalin sa me tepër dhe te frekuentojnë vende me shume njerëz. Kjo do iu japë mundësinë për te gjetur edhe princin e kaltër. Ne planin financiar duhet te ndiqni një strategji strikte ne mënyrë qe t’ia dilni.

Binjaket

Beni kujdes me ato qe do thoni gjate kësaj dite sepse ne një moment apo ne një tjetër situata mund t’iu dale tërësish jashtë kontrollit. Beqaret nuk duhet te tregohen impulsive sepse përndryshe do kenë probleme serioze. financat do vazhdojnë te mbeten te qëndrueshme për aq koha sa ju te vazhdoni te shpenzoni me kujdes e maturi.

Gaforrja

Ju qe jeni ne një lidhje do kaloni aq shume momente pasionante saqë mund te arrini edhe ne ekstaze. Çdo gjë do jete edhe me e bukur nga sa e kishit menduar. Beqaret do fillojnë një histori dashurie te bukur, por qe fundi do varet nga sjellja e tyre. Financat do vazhdojnë te mbeten ne një gjendje goxha delikate. Beni kujdes me çdo shpenzim qe do kryeni.

Luani

Ka shume mundësi qe te ketë konflikte te forta sot ndërmjet jush dhe atij qe keni ne krah. Secili do kërkojë te dale e tija dhe nuk do pranoje kurrsesi te beje lëshime. Kujdes edhe me autoritetin e tepruar. Beqaret do ndihen gati për te filluar një histori dashurie. Financat do vazhdojnë te mbeten te mbrojtura dhe aspak problematike.

Virgjeresha

Dite shume pozitive kjo e sotmja për ata qe janë ne një lidhje. Marrëdhënia me partnerin do mbetet e ngrohte dhe shume e mire. Beqaret nuk do mundin dot as sot te krijojnë një lidhje ashtu si e kane ëndërruar. Do ju duhet ende te presin edhe pak kohe. Ne planin financiar mos humbni optimizmin dhe mos e lëshoni veten. Me pak mund t’i kaloni vështirësitë.

PeshorjaZemra juaj nuk do përjetojë asnjë emocion te veçante gjate kësaj dite. Merrini gjerat si t’iu vijnë pa menduar për te ardhmen. Beqaret duhet te tregohen me te duruar ne mënyrë qe ta gjejnë personin qe do ju përshtatet me tepër. Gjerat e nxituara nuk janë te mira. Financat do jene goxha problematike. Nuk do arrini dot t’i vini fre vetes dhe do shpenzoni pa mase.

Akrepi

Do keni disa mosmarrëveshje sot ne jetën tuaj ne çift megjithatë nuk duhen dramatizuar gjerat. Gjithçka mund te rregullohet me pak qetësi dhe durim. Beqaret nuk do ndihen ende gati ta fillojnë një histori dashurie dhe do qëndrojnë ende vetëm. Situata e financave do mbetet mjaft e mire. Do arrini te kryeni te gjitha shpenzimet qe keni dashur.

Shigjetari

Do keni dëshira te çmendura gjate kësaj dite dhe partneri nuk do arrije dot t’ua plotësojë te gjitha. E mira do jete t’i merrni gjerat sa me shtruar. Beqaret do kenë mbështetjen e Jupiterit dhe do mund te realizojnë takimet e shumëpritura. Te ardhurat do kenë goxha përmirësime. Do arrini te kryeni te gjitha shpenzimet e nevojshme, madje edhe te hiqni disa para mënjanë.

Bricjapi

Gjendja e jetës suaj ne çift nuk do jete aspak ashtu si ju e kishit ëndërruar. Here pas here do keni edhe probleme apo debate te mëdha me partnerin. Beqaret duhet te ruajnë vetëkontrollin dhe te mos bëjnë hapa te nxituara. Ne planin financiar do jeni me shume fat. Gjendja do jete akoma me e mire nga sa mund ta kishit menduar ndonjëherë.

Ujori

Do jeni shume tolerante ndaj njeri-tjetrit sot juve qe jeni ne një lidhje dhe gjithçka do ece si duhet. Partneri ne disa momente do ju adhuroje. Beqaret do joshin persona te shumte sidomos ne pune, por serish nuk do ju mbushet aq shume mendja sa për te filluar një lidhje. Financat do jene problematike nëse shpenzoni pa mbarim. Tregohuni te kujdesshëm.

Peshqit

Dite shume e veçante kjo e sotmja për ata qe janë ne një lidhje. Do bashkëpunoni për çdo gjë dhe gjithçka do shkoje me se miri. Beqaret do e kërkojnë kudo princin e tyre te kaltër, por serish nuk kane për ta gjetur dot. Financat do jene shume te paqëndrueshme dhe problematike. Duhet te mateni mire para se te shpenzoni ne mënyrë qe situata mos ju dale jashtë kontrollit.

Trekëndëshi i Bermudës vazhdon të jetë misteri më i madh i Atlantikut.

Shkencëtarët kanë zbuluar një strukturë masive dhe misterioze thellë nën Bermuda që sfidon të gjitha pritjet.

Një studim i ri i publikuar në Geophysical Research Letters thotë se shkencëtarët besojnë se kanë zbuluar pse Bermuda nuk u fundos kurrë pas shuarjes së vullkaneve më shumë se 30 milionë vite më parë.

Zakonisht, kur vullkanet shuhen, pllaka tektonike zhvendoset nga pika e mantelit dhe korja e vullkani fundosen ngadalë.

Por shkencëtarët kanë gjetur një shtresë shkëmbore të pazakontë nën koren oqeanike poshtë Bermudës që e shtyn ishullin sipër.

Shtresa është rreth 20 kilometra e trashë, gjë që nuk është parë te asnjë shtresë e ngjashme.

Ekipi i drejtuar nga sizmiologu William Frazer, shqyrtoi valët sizmike të 396 tërmeteve të largët, të cilët ishin të fortë mjaftueshëm për të përçuar dridhje përmes tokës.

Duke përdorur këto valë dhe çfarë ato kishin lënë pas, kërkuesit ia dolën të vizatonin një ilustrim vertikal të shkëmbinjve që shtrihen poshtë Bermudës, rreth 50 kilometra. Imazhi zbuloi një shtesë të trashë shkëmbore që është më pak e dendur sesa shkëmbi përreth.

Frazer tha se zakonisht, pas kores oqeanike qëndron manteli. “Por në Bermuda është kjo shtresa tjetër që është vendosur poshtë kores, brenda pllakës tektonike ku ndodhet Bermuda”, tha ai.

Bermuda qëndron mbi një gungë oqeanike ku korja është më e lartë sesa mjedisi përreth dhe ngrihet rreth 500 metra mbi shtratin e oqeanit.

Zbulimi tregon se shpërthimi i fundit vullkanik mund të ketë shpërndarë shkëmbinj nga manteli drejt kores ku kanë ngrirë dhe kanë krijuar këtë shtresë.

Pavarësisht 31 milionë viteve që vullkanet nuk janë aktivë, gunga oqeanike nuk është zhdukur. Mes gjithë diskutimeve për atë që ndodh nën sipërfaqe, në të nuk ka pasur shpërthime vullkanike.

Galeria fotografike (

1 / 3

)

Grida Duma ka qartësuar pozicionin e saj në lidhje me akuzat nga drejtues të Partisë Demokratike se ka negociuar me kryeministrin Edi Rama për Endri Shabanin si Avokatit të  Popullit dhe se është pas lëvizjes së Ervin Salianjit.

Nga studio e Top Story ajo deklaroi se nuk ka guxim askush që t’i bëjë pis emrin dhe reputacionin që ka ndërtuar ndër vite.

“Kur unë nuk shtrij dorën për gjëra të pushtetshme alla Edvin, nuk ka njeri guxim të më përdorë mua si vegël më të vogël për çështje alla Ervin, janë çështje minore në situatën time, nuk duhet absolutisht në publik të them një gjë që e kam parim, por besoj e kam përcjellë, unë humanen nga politikan ia unë e ndaj”, theksoi Grida Duma në reagimin e saj.

“Tani kam lobuar unë me Edi Ramën? Unë për gjërat e mia personale, për situata të miat personale, për goditje të mia personale, kam qenë në politikë rishtare dhe nuk kam kërkuar ndonjëherë për gjithë goditjet që ka bërë Rama dhe establishmenti i tij, t’i shtrij dorën, apo t’i drejtohem dhe t’i them ndalo se ka cak. Nuk më ke parë ndonjëherë të bëj viktimën në publik, t’i drejtohem audiencës shqiptare, se e bëjnë gjithë gratë në politikë, dhe t’i them si ka mundësi një grua, një nënë e copëtoni kështu në publik?! Unë për çështje personale me Edi Ramën, jo që nuk kam ofertuar unë të diskutoj, por nuk guxon njeri t’i afrohet, mua Grida Dumës, me ofertë sa i përket Edi Ramës.

Pa asnjë diskutim kur kam ardhur këtu, e kam ditur që nëse ka lobime dhe situata të kësaj natyre bëhen shumë mirë në politikë, atje ku je në politikë nuk të sheh njeri, këtu në publik na shohin të gjithë.

Nuk jam e qartë se pse kjo është paqartë.

Tani, kur unë, dhe nuk ka të bëjë me çështje personale të këtij viti, vitit tjetër etj, flas për çështje të miat personale, dhe nuk ka guxuar njeri të mendojë që bëhen pazare me Edi Ramën, sepse këtë personalitet e kam krijuar nga politika dhe vij këtu.

Nga ana tjetër, kur unë nuk shtrij dorën për gjëra të pushtetshme alla Edvin, nuk ka njeri guxim të më përdorë mua si vegël më të vogël për çështje alla Ervin, janë çështje minore në situatën time, nuk duhet absolutisht në publik të them një gjë që e kam parim, por besoj e kam përcjellë, unë humanen nga politikan ia unë e ndaj.

Nuk guxon njeri të më përmendë mua pazare të vogla, sepse unë qëndroj Big, dhe qëndroj Big së pari si njeri…

PD sot nga i vogli te i madhi, duhet të zhdukë foltoren 2.0, 2.1, 3.1, 7.4, dhe të vendoset në një pozicion krejt tjetër me vetveten dhe të brendshmen dhe të gjej mënyrën sesi në këtë moment nuk ka asnjë aksioner opozitar të cilin e ka tepër”, tha Duma.

Komisioni i Buxhetit i Bundestagut miratoi më shumë se 50 miliardë euro në kontrata të prokurimit ushtarak më 17 dhjetor 2025. Vendimi shënon një përshpejtim të madh të procesit të riarmatosjes së Berlinit, teksa vendi synon rritje të shpejtë të gatishmërisë nën epokën e pas-2022 të Zeitenwende.

Aprovimet u dhanë në një seancë me dyer të mbyllura të komisionit, që mbulonte kontrata të mëdha me vlerë mbi 25 milionë euro secila.

Ato mbështeten në përjashtimet nga frenimi i borxhit dhe në fondet e mbetura nga fondi special i mbrojtjes prej 100 miliardë eurosh i Gjermanisë.

Aprovim rekord nga komisioni

Komisioni i Buxhetit miratoi një paketë të vlerësuar në 50-52 miliardë euro, një nga miratimet më të mëdha të prokurimit në historinë e Gjermanisë pas Luftës së Dytë Botërore.

Pakoja përfshin rreth 30 kontrata të ndara që mbulojnë pajisje, sisteme, shërbime dhe përmirësime për Bundeswehr-in, duke reflektuar një përpjekje për të përshpejtuar vite të tëra prokurimesh brenda një kohe të shkurtër aprovimi.

Sipas praktikës gjermane, prokurimet mbi 25 milionë euro kërkojnë miratim nga komisioni, jo votim në seancë plenare.

Ky mekanizëm mundëson shpejtësi, por përqendron kontrollin në një grup të vogël ligjvënësish, një pikë që kritikët e ngritën duke pasur parasysh shkallën dhe ritmin e vendimeve.

Pajisje dhe mbrojtje ajrore

Alokimi më i madh i vetëm, 21-22 miliardë euro, është caktuar për pajisje bazë ushtarake, përfshirë pajisje mbrojtëse personale dhe uniforma, me synim adresimin e mungesave të kahershme që ndikojnë në gatishmëri.

Më shumë se 4 miliardë euro janë caktuar për mjete të tjera të këmbësorisë Puma, me disa raporte që flasin për rreth 200 njësi, pas problemeve të mëparshme të besueshmërisë dhe përmirësimeve.

Mbrojtja ajrore dhe raketore zë vend të rëndësishëm. Komisioni miratoi 3-4 miliardë euro për zgjerimin e sistemit Arrow 3, i zhvilluar bashkë nga Izraeli dhe SHBA, dhe rreth 2 miliardë euro për sisteme shtesë Patriot.

Investimet në artileri përfshijnë 3.4 miliardë euro për obusë vetëlëvizës, duke nënvizuar fokusin e ri te lufta tokësore me intensitet të lartë.

Hapësira, sensorë dhe industria

Përtej platformave, paketa përfshin 1.76 miliardë euro për Rheinmetall-in për një sistem zbulimi satelitor, i destinuar të mbështesë forcat gjermane të vendosura në Lituani.

Kontrata të tjera mbulojnë përmirësime të mjeteve të këmbësorisë, sisteme raketore, kapacitete satelitore dhe hapa përgatitorë për blerje të ardhshme dronësh.

Përfituesit e industrisë së mbrojtjes reaguan shpejt. Aksionet e kompanive si Rheinmetall dhe Hensoldt u rritën pas raportimeve për miratimet, duke reflektuar pritshmëri për porosi të qëndrueshme dhe siguri planifikimi.

Ministri i Mbrojtjes, Boris Pistorius, theksoi se “shpejtësia dhe shumat” i japin industrisë kërkesë të parashikueshme pas dekadash prokurimesh të ndërprera.

Konteksti strategjik dhe politik

Raportet tregojnë se Berlini planifikon të investojë deri në 650 miliardë euro në mbrojtje midis 2025 dhe 2030, rreth dyfishin e niveleve të mëparshme, për të përmbushur ose tejkaluar objektivin e NATO-s prej 2% të PBB-së dhe për t’u përgatitur për kërcënime të mundshme deri në 2029.

Ndërsa koalicioni qeverisës në përgjithësi e mbështet përshpejtimin, disa zëra të opozitës, përfshirë nga të Gjelbrit, vunë në dyshim nëse ligjvënësit patën kohë të mjaftueshme për të shqyrtuar një volum kaq të madh kontratash.

Megjithatë, miratimet nënvizojnë se si përmbajtja historike e Gjermanisë i ka lënë vend modernizimit të shpejtë, të nxitur nga lufta e Rusisë në Ukrainë dhe kërkesat e krahut lindor të NATO-