Një grabitje spektakolare ka ndodhur në orët e para të mëngjesit në Itali, ku një grup i armatosur bastisi një automjet të blinduar përgjatë një segmenti autostrade në provincën e Reggio Calabria-s.
Sipas vlerësimeve fillestare, sasia e parave që janë grabitur vlerësohet të jetë afërsisht dy milionë euro. Sulmi ndodhi brenda një tuneli të vendosur midis kryqëzimeve të Scilla-s dhe Bagnara-s, në drejtim të veriut, ku kriminelët sulmuan automjetin e blinduar.
Gjatë sulmit u dëgjuan disa të shtëna, por nuk u raportuan të lënduar midis personave që ndodheshin në furgon.
Për të penguar trafikun dhe për të pamundësuar hyrjen në zonë, grabitësit kishin vendosur dy makina të djegura në rrugë dhe kishin shtruar asfaltin me gozhda, duke krijuar një bllokim total të trafikut dhe duke parandaluar kështu çdo mundësi që automjeti i blinduar të arratisej. Zona u sigurua nga zjarrfikësit, të cilët ndërhynë së bashku me patrullat e policisë.
Një mësuese në një shkollë të mesme në Australi është arrestuar pasi dyshohet se ka kryer vazhdimisht marrëdhënie seksuale me një nxënës 15-vjeçar.
Karly Rae, 37 vjeç, u paraqit në gjykatë javën e kaluar me fëmijën e saj të porsalindur për t’u deklaruar fajtore për krime të shumta seksuale me fëmijë, raportoi Korporata Australiane e Transmetimeve.
Nuk është e qartë se kush është babai i foshnjës. Duke folur me zë të ulët, Rae tha se kishte kryer marrëdhënie seksuale me djalin e mitur në tetor 2024, të njëjtin muaj kur u arrestua për krimet e saj, në vende të ndryshme në qytetin e New South Wales, ku ajo punonte, shkruan New York Post.
Jurisë iu tha se mësuesja shkëmbente mesazhe në Snapchat dhe Instagram me të miturin.
“Ndoshta mund të kemi një takim të fundit para se të kthehemi në shkollë. Do të sjell lodrën time”, shkruhej në mesazhet e mësueses.
Pasi ishte liruar me kusht, ajo e telefonoi 15-vjeçarin disa herë për ta bindur të gënjente në gjykatë dhe më pas u arrestua përsëri në qershor, raportoi 7News .
“Gjatë këtyre telefonatave, pretendohet se ajo u përpoq ta bindte ankuesin të jepte një version të rremë të ngjarjeve”, tha gjyqtari Hament Dhanji në seancën dëgjimore për lirimin me kusht të Rae-s në qershor, siç raportohet nga 7News.
Adoleshenti i kishte treguar nënës së tij për telefonatat, ndërsa kushëriri i tij, i cili kishte parë shkëmbimet e mesazheve në rrjetet sociale midis tyre, njoftoi gjithashtu prindërit e të miturit.
Mësuesja, e cila pritej të dilte në gjyq në gusht 2026, pasi fillimisht u deklarua e pafajshme për të gjitha akuzat, tani do të dënohet në mars.
Ajo e ndryshoi deklaratën e saj si fajtore, ndërsa avokati i saj vuri në dukje se ajo kishte me vete në gjykatë një foshnjë 8-javëshe dhe kërkoi që çështja e saj të trajtohej me përparësi, raportoi Korporata Australiane e Transmetimeve.
Rae pretendoi se nuk ishte në dijeni se djali ishte i mitur, pavarësisht faktit se ai ishte nxënës në shkollën e saj, sipas raportimeve.
Ajo humbi punën dhe gjykatësi urdhëroi që të mos qëndronte vetëm në prani të asnjë personi nën moshën 16 vjeç.
Rae u deklarua fajtore për abuzim seksual ndaj një djali adoleshent, posedim materialesh abuzimi me fëmijë, përgatitjen e një fëmije për aktivitet të paligjshëm seksual dhe kryerjen e një akti me qëllim prishjen e drejtësisë.
Nga janari i vitit 2026 pritet që tarifat e siguracionit të automjeteve të pësojnë një tjetër rritje, e dyta kjo në harkun kohor të 12 muajve.
Vetë Autoriteti i Mbikqyrjes Financiare i justifikon ndryshimet që do të ndodhin me hyrjen ne fuqi të sistemit bonus malus, me të cilin sipas AMF do përfitojnë 96% e drejtuesve.
Por që prej janarit të këtij viti drejtuesit e mjeteve janë përballur me rritje deri në 30 përqind të tarifave për siguracionet e makinave, një rritje e kordinuar mes kompanive në treg dhe e miratuar nga Autoriteti i Mbikqyrjes financiare.
Me skepticizëm shihet sistemi bonus malus edhe nga ekspertët e sigurisë rrugore. Sipas Fadil Likajt, për 2025, siguracioni është prerë nga 2-5 mijë lekë të reja më shtrenjtë.
Nëse për një makinë me 2 mijë kuaj fuqi në 2024 siguracioni kushtonte 16 mijë lekë, për vitin 2025 fatura e siguracionit është jo më pak se 20 mijë lekë.
Pas ceremonisë mortore për këngëtarin Shpat Kasapi, miku i tij, gazetari Vlorijan Halili, ka zbuluar detaje rrëqethëse mbi gjendjen emocionale të partneres së Shpatit, Selvijes, me të cilën ai ka djalin trevjeçar, Roelin.
I ftuar në emisionin “Ora Shtatë”, Halili tregoi se e takoi Selvjen për t’i shprehur ngushëllimet dhe për t’i dhënë kurajo në këtë moment të vështirë.
Ai i kishte thënë se duhet të ishte e fortë për djalin, por përgjigjja e saj tregoi shkallën e vërtetë të shkatërrimit emocional.
Gazetari rrëfeu: “Selvisë, kur i kam shpreh ngushëllime, dhe kur e kam përqaf e di që i kam thënë bëhu e fortë se e ke tash një djalë, për të cilin ti duhesh me vazhdu e me qenë nënë e tij, edhe ma ka bë ‘nuk e di a kam me mujt me vazhdu’.”
Halili theksoi se ajo ishte tërësisht e shkatërruar, sidomos duke marrë parasysh afërsinë e tyre.
“Mundem me thënë që ka qenë e shkatërruar komplet, sepse nuk e ka pritur, qysh nuk e ka prit askush prej neve, ani pse kanë qenë bashkë ditë e natë.”
Drejtoria e Përgjithshme e Tatimeve, ka vendosur një dysheme pagash në lidhje me sektorin e ndërtimit, ku nuk do të ketë pagesa nën 80 mijë lekë të rinj. Administrata Tatimore i bën thirrje subjekteve që të sigurojnë deklarimin korrekt të pagave, për të shmangur kontrollet e thelluara dhe masat administrative që parashikon ligji.
Apeli u drejtohet të gjithë biznesmenëve dhe ndërtuesve të sektorit, që të bëjnë deklarimin e plotë dhe të saktë të pagave, duke pasur parasysh informalitetin dhe deklarimin e pagesës mujore.
Në kuadër të planit sektorial të ndërtimit dhe për të luftuar informalitetin në pagat e punonjësve, fokusi i Administratës Tatimore nga dhjetori 2025 e në vijim do të jetë ndërtimi, kryesisht në:
– Subjektet që deklarojnë paga më të ulëta se pagat indikative të publikuara nga Tatimet;
– Subjektet kur ndryshimi i profesionit përdoret për të ulur artificialisht nivelin e pagës.
Në listën e pagave indikative për sektorin e ndërtimit, paga më e ulët është ajo e sanitarit, 600 mijë lekë të vjetra, më pas bojaxhinjtë dhe pllakaxhinjtë, me 850 mijë dhe 900 mijë lekë, ndërsa pagat më të larta janë për arkitektët dhe menaxherët.
Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e ndërtimit sipas tabelës së mëposhtme.
NJOFTIMI:
Në kuadër të zbatimit të planit sektorial të ndërtimit dhe rritjes së pagesave për sigurimet shoqërore në funksion të rritjes së pensioneve, Administrata Tatimore informon të gjithë tatimpaguesit e këtij sektori se do të analizohen pagat e punonjësve të deklaruar në listëpagesat e këtij sektori.
Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e ndërtimit sipas tabelës bashkëlidhur këtij njoftimi. Kujdes.
Çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indikative, dhe që ndryshon profesionin me qëllim kategorizimin në pagën më të vogël do të konsiderohet me risk dhe do të jetë objekt kontrolli nga strukturat e specializuara të Administratës Tatimore.
“NATO po merr në konsideratë një sulm parandalues kundër Rusisë në përgjigje të sulmeve hibride. Ndoshta duhet të jemi më agresivë se kundërshtari ynë!” – Kështu ka deklaruar për Financial Times admirali Giuseppe Cavo Dragone, kreu i Komitetit Ushtarak të NATO?s.
“Po shqyrtojmë mundësinë për të vepruar në mënyrë më agresive dhe parandaluese, në vend se thjesht të reagojmë”, ka theksuar Dragone.
Disa diplomatë, veçanërisht nga vendet e Evropës Lindore, i kërkojnë Aleancës të mos mjaftohet më vetëm me reagime, por të kundërpërgjigjet.
Sipas admiralit italian, një “sulm parandalues” mund të konsiderohet si një “veprim mbrojtës”.
Megjithatë, “kjo shkon përtej mënyrës sonë të zakonshme të të menduarit dhe vepruarit”, ka nënvizuar ai.
“Ndoshta duhet të jemi më të ashpër se kundërshtari ynë. Pyetjet që lindin kanë të bëjnë me kuadrin ligjor dhe juridiksionin: kush do ta ndërmarrë?”, ka shtuar ai.
Financial Times përmend misionin e NATO?s Baltic Sentry, i cili patrullon Detin Baltik dhe ka parandaluar përsëritjen e incidenteve si ato të prerjes së kabllove.
“Që nga fillimi i operacionit ‘Baltic Sentry’ nuk ka ndodhur asgjë. Kjo do të thotë se parandalimi po funksionon”, vlerëson Dragone. Megjithatë, ai pranon se një nga problemet është se vendet e NATO?s kanë “shumë më tepër kufizime krahasuar me kundërshtarët, për shkak të etikës, ligjeve dhe juridiksionit”.
“Nuk dua të them që ky është një pozicion i humbur, por është më i ndërlikuar se ai i kundërshtarit”, ka shtuar admirali.
“Duhet të analizojmë me kujdes se si arrihet parandalimi: përmes veprimeve hakmarrëse apo përmes një sulmi parandalues?”, ka përfunduar kreu i Komitetit Ushtarak të NATO?s.
Një karton i kuq në minutat e fundit të Getafe–Elche, ndeshje e vlefshme për javën e 14-t të La Liga u drejtua nga pankina e vendasve nga gjyqtari Alejandro Hernández Hernández. Por jo ndaj trajnerit José Bordalás, një anëtari të stafit të tij apo ndonjë lojtari tepër të zhurmshëm në pankinë. Përkundrazi ndaj Enrique Mejuto González, ish-arbitër me karrierë të gjatë në Spanjë dhe në arenën ndërkombëtare dhe aktualisht delegat i Getafe. Arsyeja? Nuk kishte menaxhuar siç duhet grupin e topa-mbledhësve, për të cilët duhej të kujdesej gjatë ndeshjes, autorë të vonesave të përsëritura dhe të qëllimshme në rifillimin e lojës.
Çfarë ndodhi në minutat e fundit të Getafe–Elche: vendimi i Hernández
Një “premierë” absolute, kurrë e parë në një fushë futbolli ku sanksionet nga ana e arbitrit janë gjithmonë të drejtuara ndaj protagonistëve të drejtpërdrejtë: lojtarëve dhe trajnerëve (dhe zëvendësve të tyre). Përkundrazi, Alejandro Hernández Hernández, arbitri i Getafe–Elche, hyri në mënyrën e tij në historinë e futbollit spanjoll – dhe jo vetëm – për një vendim krejt të paprecedentë, kur vendosi, në minutat e fundit të një ndeshjeje me tension të lartë agonistik, të nxirrte një karton të kuq kundrejt pankinës së vendasve, duke ndëshkuar Enrique Mejuto González, një legjendë e futbollit spanjoll, me mbi 260 ndeshje të arbitruara në LaLiga dhe sot delegat i vlerësuar i klubit për marrëdhëniet e tij të shkëlqyera me botën e arbitrimit.
Arsyet e përjashtimit të Mejuto González: topmbledhësit po vononin lojën
“Faji” i González ka qenë një dhe u zbulua vetëm pas raportit të arbitrit të dorëzuar te delegatët e Federatës Spanjolle të Futbollit. Asnjë fjalë jashtë vendi apo e tepruar, as qëndrime ofenduese apo provokuese: kartoni i kuq i drejtpërdrejtë erdhi sepse topmbledhësit në vijën anësore, nën kontrollin e drejtpërdrejtë të vendasve, nuk po kryenin siç duhet detyrën e tyre. Përkundrazi, u bënë në mënyrë të përsëritur protagonistë të vonesave të qëllimshme në dorëzimin e topit dhe në rifillimin e rregullt të lojës. Habia dhe tronditja në pankinën e Getafes dhe në sytë e Mejuto González, i cili u detyrua kështu të braktiste fushën.
Kush është Mejuto González, ish-arbitri i përjashtuar
Lajmi bëri xhiron e Spanjës dhe ngjalli polemika jo vetëm për zgjedhjen të paktën të çuditshme të Hernández, të justifikuar me një arsye po aq të pazakontë ndaj një ish-kolegu, por edhe sepse Mejuto González ka qenë gjithmonë i konsideruar si një nga arbitrat më të mirë dhe më të njohur në futbollin iberik: përpara se të bëhej në vitin 2019 delegat i Getafes për marrëdhëniet me kategorinë, ai kishte arbitruar mbi 260 ndeshje në divizionin e parë, si dhe kishte qenë një gjyqtar i nderuar ndërkombëtar ku arbitroi edhe dramën sportive të Milanit në Champions 2004-2005 me rimontën e pabesueshme të Liverpoolit në Stamboll, që më pas fitoi Kupën me penallti.
Ushtria spanjolle është mobilizuar këtë të hënë për të frenuar një shpërthim të etheve afrikane të derrave pranë Barcelonës. Zyrtarët thonë se rasti mund të jetë shkaktuar nga një derr i egër që hëngri ushqim të kontaminuar, siç është një sanduiç, duke shkaktuar një zinxhir ngjarjesh që tani po prish një industri multimiliardë euroshe të eksportit të mishit të derrit.
Spanja konfirmoi të premten se dy derra të egër të gjetur të ngordhur në parkun Collserola, 21 km nga Barcelona, ????kishin rezultuar pozitivë për sëmundjen, duke nxitur krijimin e një zone karantine prej 6 km rreth zonës së prekur në Bellaterra.
Autoritetet tani po analizojnë raste të tjera të dyshuara në zonë dhe presin shfaqjen e rasteve të tjera.
“Hipoteza më e mundshme… është që mishi i ftohtë, një sanduiç, ushqim i kontaminuar, mund të ketë përfunduar në një kosh plehrash. Duhet të marrim parasysh se Bellaterra është një zonë me shumë trafik nga e gjithë Evropa dhe pastaj një derr i egër mund ta ketë ngrënë atë dhe të jetë infektuar”, tha sot ministri i Bujqësisë Katalanase, Oscar Ordeig, për Catalunya Radio.
Murtaja afrikane e derrave është e padëmshme për njerëzit, po përhapet me shpejtësi midis derrave dhe derrave të egër, duke paraqitur një rrezik të konsiderueshëm ekonomik për Spanjën, një nga eksportuesit më të mëdhenj të mishit të derrit në botë.
Zona e kontaminuar ndodhet pranë autostradës AP-7, një rrugë kryesore transporti që lidh Spanjën dhe Francën. Ordeing tha se mungesa e derrave të egër të infektuar diku tjetër në Katalonjë dhe Francë do të thotë se transporti i ushqimit të kontaminuar nga njerëzit mund të ketë sjellë virusin.
Përpjekjet për të kontrolluar sëmundjen u intensifikuan të dielën, me 300 policë dhe roje bujqësore katalanase të vendosur në terren, të ndjekur nga 117 anëtarë të njësisë ushtarake të emergjencës (UME).
Ministri i Bujqësisë i Spanjës, Luis Planas, tha të shtunën se rreth 1/3 e certifikatave të eksportit të mishit të derrit në vend ishin sekuestruar si rezultat i shpërthimit, megjithëse deri më tani nuk ishte prekur asnjë fermë. Fermat e derrave brenda një rrezeje prej 20 kilometrash nga shpërthimi fillestar po përballen me kufizime në operacionet dhe shitjet e tyre.
Një burrë 39 vjeçar ka rrëf.yer për ‘The Sun’ hi storinë e tij të d hi.m.bsh.me me gruan e tij, e cila në të vërtetë doli të ishte motra e tij.
Ai ka thënë se ka jetuar i lumtur me të pa e ditur se ishte vëllai i saj dhe ka një djalë me të, por me të marrë vesh të vërtetën, kanë ndryshuar të gjitha gjërat.
Unë jam 39 vjeç ar dhe u martova vonë në moshën 35 vjeç are.
Unë e dija që kur isha fëmijë se isha i ado ptuar. I kam dashur prindërit e mi që më ada ptuan, por gjithmonë e n djeja veten të pa lotësuar.
Unë kam provuar ta bind atë që ne jemi ende të njëjtët njerëz që si të çm endur ramë në dashuri, por ajo thjesht nuk do të dëgjojë dhe më f ajëson mua për tërë këtë rr ëmujë.
Ne jemi të di vorcuar dhe ajo është larguar nga rrethina, duke marrë djalin tonë me vete.
