Month: January 2026

Një 30-vjeçar shqiptar u arrestua pasi akuzohet se gjatë një sherri në lokal gjatë fundjavës, ka goditur dhe plagosur me thikë pronarin e lokalit që punonte si barist dhe djalin e tij që punonte si kamerier.

Ngjarja ka ndodhur në një Bar-Pastiçeri “San Lorenzo”, në Via Roma në Occhiobello. Shqiptari doli dje në gjykatë, ku u konfirmua edhe masa e sigurisë së paraburgimit në Gjykatën e Rovigos, ndërsa ai akuzohet për vrasje të mbetur në tentativë në dy raste.

Sipas hetimeve paraprake rezulton se i dëmtuar më rëndë mbeti edhe babai i kamerierit, që është njëkohësisht pronari i lokalit ku ndodhi ngjarja, teksa përpiqej të mbronte të birin nga sulmi.

Policia tha se pronari ka plagë kritike në pjesën e gjoksit, të shkaktuara nga thika.

I dyshuari, nën avujt e alkoolit, kërkoi më shumë shërbim nga lokali. Pas një debati dhe refuzimit për t’i shërbyer më pije alkoolike, babë e bir e nxorën klientin jashtë, ku sherri u përshkallëzua në një therje me thikë.

Kur mbërritën oficerët, duke iu përgjigjur një raporti në 112, autori u gjet me dorezën e thyer të thikës ende në dorë, ndërsa tehu mbeti i ngulitur në trupin e pronarit të lokalit, i cili ishte qëlluar në gjoks pranë brinjëve.

Burri i plagosur u dërgua me urgjencë në Spitalin Rovigo dhe iu nënshtrua një ndërhyrjeje kirurgjikale: gjendja e tij mbetet serioze, por jo kërcënuese për jetën.

Gjatë ndërhyrjes, sulmuesi vazhdoi të shfaqte sjellje të dhunshme, madje edhe ndaj policisë, duke e bërë të domosdoshme imobilizimin e tij dhe më pas arrestimin e tij në flagrancë, informon media italiane.

Në fund shqiptari u arrestua dhe u mbyll në izolim.

Prokuroria e Durrësit ka nisur hetimet për përmbytjet masive që kanë prekur disa zona të qytetit. Organi i akuzës i ka nisur hetimet për veprën penale të shkatërrimit të pronës, pasi ka dyshime se situata të jetë shkaktuar për shkak të mosfunksionimit të hidrovorit që ka shkaktuar 19 milionë euro.

Tenderi për hidrovorin është fituar nga bashkimi i kompanive 2T, Adriatik dhe Vëllezërit Hysa. Kompania Adriatik zotërohet në masën 50% nga Petrit Kovaçi, i cili është babai i Spartak Kovaçit, ish-drejtor i Përgjithshëm i Ujësjellës-Kanalizimeve.

Sipas të dhënave publike, Petrit Kovaçi ka lidhje familjare me Ceno Klosin, ish-drejtor i Përgjithshëm i Tatimeve dhe aktualisht deputet i qarkut Fier. Ndërkohë, Spartak Kovaçi është pjesë e rrethit të personave të afërt me zëvendëskryeministren Belinda Balluku, e cila është marrë e pandehur për shkelje të barazisë në tendera.

Ndërsa kompania 2T zotërohet në masën 20% nga Artan Sako, vëllai i Gramoz Sakos, aktualisht kryetar i Bashkisë së Tepelenës dhe më herët drejtues i Gardës së Republikës.

Nga hetimet paraprake rezulton se përmbytjet dyshohet se kanë sjellë si pasojë edhe humbjen e jetës së shtetasit A.H., punonjës i Ndërmarrjes Komunale Plazh. Sipas informacioneve, ai ka shkuar në zonën e përmbytur për të verifikuar situatën e krijuar nga reshjet intensive dhe vërshimet e ujit, por dyshohet se është marrë nga rrjedha e fortë e ujit, duke humbur jetën.

Përmbytjet kanë shkaktuar dëme masive, ndërkohë që sot u konfirmua edhe një viktimë, një punonjës i Ndërmarrjes Komunale Plazh. Në këto rrethana, Prokuroria vlerëson se ekzistojnë dyshime të arsyeshme për konsumimin e veprës penale “Shpërdorimi i detyrës”, parashikuar nga neni 248 i Kodit Penal.

Po ashtu, në bazë të dëmeve të konsiderueshme të evidentuara deri më tani në infrastrukturën publike dhe pronën private, ekzistojnë dyshime të arsyeshme edhe për veprat penale “Shkatërrimi i pronës me përmbytje” dhe “Shkatërrimi i pronës nga pakujdesia”, të parashikuara përkatësisht nga nenet 153 dhe 161 të Kodit Penal.

“Big Brother VIP Albania 5” nuk rresht së prodhuari lajme, dhe këtë herë në qendër të vëmendjes është banori më i ri, Erik Lloshi, i cili iu bashkua shtëpisë vetëm dy ditë më parë.

Një bisedë mes Angelos dhe Lores ka ngritur dyshime të forta për statusin e tij martesor.

Angelo ka rikthyer në vëmendje një deklaratë publike që Eriku kishte bërë më herët në emisionin “Live From Tirana”, ku kishte zbuluar ultimatumin e bashkëshortes.

Sipas Angelos, këngëtari kishte rrëfyer se partnerja i kishte thënë shprehimisht: “Nëse do të hysh në ‘Big Brother VIP’, duhet të përgatitesh për divorc.”

Duke parë që Eriku tashmë është brenda shtëpisë, Angelo ka bërë një llogari të thjeshtë, duke aluduar se martesa mund të ketë marrë fund.

“Ky i bie që është ndarë, sepse e pati deklaruar vetë se çfarë i kishte thënë gruaja,” u shpreh ai, duke shtuar me bindje se i ka studiuar me kujdes të gjithë banorët para se të hynte.

U nda sot nga jeta, në moshën 80-vjeçare, prof. Roland Çene, “Mjeshtër i Madh”, një nga figurat më të shquara të muzikës dhe kulturës shqiptare.

Me largimin nga jeta të prof. Roland Çenes, qyteti i Gjirokastrës humbi një nga bijtë dhe personalitetet më të shquar në historinë e tij. Ai ishte nxitësi, zbuluesi dhe profesori i parë i mijëra talenteve të reja që mbushën radhët e orkestrave, shkollave dhe institucioneve kulturore.

Roland Çene la një gjurmë të pashlyeshme në jetën artistike të Gjirokastrës dhe të gjithë vendit si dirigjent, pedagog, muzikolog dhe publicist.

Ai themeloi korin miks të Gjirokastrës në vitin 1968, duke frymëzuar breza të tërë artistësh me ngritjen e koreve dhe ansamble muzikore në qytete të ndryshme të Shqipërisë.

Për kontributin e tij të jashtëzakonshëm, Roland Çene u nderua me titujt “Artist i Merituar”, “Mjeshtër i Madh”, si dhe me tituj nderi si “Qytetar Nderi” i Gjirokastrës dhe “Nderi i Qarkut Gjirokastër”.

Zyrtarë rusë sinjalizuan në vitin 2019 se Kremlini do të ishte i gatshëm të tërhiqej nga mbështetja e tij për Nicolás Maduron në Venezuelë, në këmbim të një dore të lirë në Ukrainë, sipas Fiona Hill, këshilltare e presidentit Donald Trump në atë kohë.

Rusët e hodhën vazhdimisht idenë e një “marrëveshjeje shumë të çuditshme shkëmbimi mes Venezuelës dhe Ukrainës”, tha Hill gjatë një seance dëgjimore në Kongres në vitin 2019. Komentet e saj dolën sërish në pah këtë javë dhe u shpërndanë në rrjetet sociale pas operacionit të fshehtë amerikan për kapjen e Maduro-s.

Hill tha se Rusia e shtyu këtë ide përmes artikujve në mediat ruse që i referoheshin Doktrinës Monroe, një parim i shekullit XIX sipas të cilit SHBA kundërshtonte ndërhyrjen evropiane në Hemisferën Perëndimore dhe, në këmbim, pranonte të mos ndërhynte në çështjet evropiane. Kjo doktrinë u përmend nga Trump për të justifikuar ndërhyrjen e SHBA-së në Venezuelë.

Edhe pse zyrtarët rusë nuk bënë kurrë një ofertë formale, ambasadori i atëhershëm i Moskës në Shtetet e Bashkuara, Anatoly Antonov, i la asaj shumë herë të kuptohej se Rusia ishte e gatshme t’i lejonte SHBA-së të vepronte si të donte në Venezuelë, nëse SHBA do të bënte të njëjtën gjë për Rusinë në Evropë, i tha Hill këtë jave agjencisë Associated Press.

“Para kësaj kishte një ‘nënkuptim pas nënkuptimi, shtytje e lehtë, shkelje syri, po sikur të bënim një marrëveshje?’ Por askush (në SHBA) nuk ishte i interesuar atëherë,” tha Hill.

Trump e dërgoi Hill-in, atëherë këshilltaren e tij të lartë për Rusinë dhe Evropën, në Moskë në prill 2019 për të përcjellë atë mesazh. Ajo tha se u kishte thënë zyrtarëve rusë se “Ukraina dhe Venezuela nuk kanë lidhje me njëra-tjetrën”.

Në atë kohë, tha ajo, Shtëpia e Bardhë ishte në një linjë me aleatët duke njohur liderin e opozitës venezueliane Juan Guaidó si president të përkohshëm të vendit.

Por, shtatë vjet më vonë, situata është ndryshe.

Pas rrëzimit të Maduro-s, SHBA ka thënë se tani do ta “drejtojë” politikën ndaj Venezuelës. Trump ka rinovuar gjithashtu kërcënimin për të marrë nën kontroll Groenlandën, një territor vetëqeverisës i Danimarkës dhe pjesë e aleancës ushtarake të NATO-s, dhe ka kërcënuar me veprime ushtarake kundër Kolumbisë për shkak të trafikut të kokainës.

Kremlini do të ishte “i entuziazmuar” nga ideja që vendet e mëdha, si Rusia, Shtetet e Bashkuara dhe Kina, të kenë sfera influence, sepse kjo provon se “forca bën ligjin”, tha Hill.

Veprimet e Trumpit në Venezuelë e bëjnë më të vështirë për aleatët e Kievit të dënojnë planet e Rusisë për Ukrainën si “të paligjshme”, sepse “sapo kemi pasur një situatë ku SHBA ka marrë kontrollin, ose të paktën i ka prerë kokën qeverisë së një vendi tjetër, duke përdorur trillim,” i tha Hill AP-së.

Administrata Trump e ka përshkruar operacionin në Venezuelë si një veprim të zbatimit të ligjit dhe ka këmbëngulur se kapja e Maduro-s ishte e ligjshme.

Ministria e Jashtme ruse nuk iu përgjigj menjëherë kërkesës për koment lidhur me rrëfimin e Hill-it.

Presidenti rus Vladimir Putin nuk ka komentuar për operacionin ushtarak për rrëzimin e Maduro-s, por Ministria e Jashtme lëshoi deklarata duke dënuar “agresionin” amerikan./Top Channel

Babai i Selin Bollatit, Jeton Bollati ka reaguar për herë të parë në një intervistë ekskluzive për “Shqipëria Live”.

Gjatë intervistës ai komentoi marrëdhënien mes Selin dhe Mirit, duke mos u kursyer aspak për këtë të fundit, të cilin e quan pervers dhe madje zhigolo.

“Unë kam gabimet e mia, por ajo më ka ndjekur në çdo hap nga mbrapa. Do ju lutesha shumë të kishim një sensibiltet. Nuk mund të merren gazetarët a u nda nga gruaja, a u nda nga burri.

Nuk është faji juaj, por është faji i sistemit. Ajo është jeta personale e çdo njeriu. Ajo femër, nuk është ajo femër që me aq pak mesazhe që kam lexuar, nuk është ajo femër dhe për këtë ju garantoj.

Absolutisht që nuk e ka kuptuar mesazhin. Ajo nuk e di çfarë dimë ne jashtë. Ajo nuk e ndjen atë që ndjejmë ne. unë mendoj se ajo nuk ka kuptuar asgjë. Ajo nuk kupton të parën që çfarë flitet jashtë. Duhet të kuptojë të parën, pastaj të dytën.

Vajza ime s’ka bërë asnjë krim për të dikur nga krevati. Kam besim të plotë te ajo. Vajza ime është burrneshë. Vajza ime nuk është future për lekë aty, pavarësisht halleve tona. Televizioni është një portë e madhe.

Për Mirin kam shumë mendime, por nuk mund t’i them ato mendime sepse nuk dua t’i degradoj motrën e Mirit, nënë e Mirit, vajzën e Mirit. Mirit do t’ia them ose s’do t’ia them, kjo mbetet për t’u parë në të ardhmen, nëse e takoj.

Duhet të merrni dy-tre psikolog për të matur perevrsitetin e atij mashkulli aty brenda.

Ai një punë zhigolo mund ta bënte shumë mirë. Ai për lekë mund të bëjë çdo gjë. Për famë ai është i gatshëm të bëjë çdo gjë”, tha ndër të tjera babai i Selin./Top Channel

Policia rrugore i ka bërë thirrje drejtuesve që të kenë kujdes në qarkullim për shkak të kushteve të rënduara në akset rrugore si pasojë e motit të keq.

Gjatë inspektimit të situatës në terren pasditen e sotme, drejtuesi i Policisë Rrugore Perlat Vatoci, iu ka bërë apel të gjithë drejtuesve të automjeteve të përdorin goma dimërore dhe pajisje antirrëshqitëse.

Njoftimi i Policisë Rrugore:

Drejtori i Policisë Rrugore, Drejtues i Parë Perlat Vatoci, gjatë pasdites së sotme ka inspektuar shërbimet e Policisë Rrugore në Rrugën e Arbërit, për të parë nga afër situatën dhe për të komunikuar me punonjësit e Policisë që janë të angazhuar në këtë aks rrugor dhe, nëpërmjet tyre, për t’iu përcjellë një mesazh të gjithë drejtuesve të automjeteve që qarkullojnë në zona malore ku ka prezencë të reshjeve të dëborës:

“Të gjithë drejtuesit e automjeteve të përdorin mjetet antirrëshqitëse (zinxhirë) dhe goma dimërore, pasi Policia Rrugore ka marrë detyrë dhe urdhër të prerë që të ndëshkojë çdo drejtues automjeti që nuk zbaton me rigorozitet rregullat e qarkullimit në raste të tilla.“

Drejtuesi Vatoci ka apeluar për zbatimin me rigorozitet të rregullave të qarkullimit dhe që, për çdo rast nevoje, të telefonojnë në 112 dhe të kontaktojnë me shërbimet e Policisë në terren. Ndërkohë, po bashkëpunohet me firmat kontraktore për mirëmbajtjen e akseve rrugore, me qëllim pastrimin në kohë dhe hedhjen e kripës.

Si pasojë e motit të keq, shërbimet e Policisë Rrugore janë 100% në detyrë, krahas shërbimeve të tjera të Patrullave të Përgjithshme, Forcës së Posaçme “Shqiponja” dhe Forcës Kombëtare të Sigurisë, të cilat vijojnë punën për t’iu shkuar në ndihmë qytetarëve në zona që kanë problematika për shkak të motit të keq me reshje shiu dhe dëbore, si dhe për të menaxhuar trafikun rrugor, me qëllim parandalimin e aksidenteve rrugore.

“Flori Official” është bërë prej dy ditësh pjesë e “Big Brother VIP” në Shqipëri, i prezantuar si personazh i njohur i rrjeteve sociale. Produksioni kishte vendosur që hyrja e tij në shtëpinë më të famshme të bëhej si në një nga reklamat e tij të shitjeve.

Mirëpo, askush nuk e dëgjoi emrin dhe mbiemrin e tij të vërtetë, por vetëm nofkën me të cilën njihet në internet.

Emri i vërtet i tij është Florian Prini dhe rezulton se është një person i skeduar nga autoritetet italiane si tutor prostitutash. Newsbomb.al sjell një kronikë të mediave në vendin fqinj në Shkurt 2015, kur rrjeti u godit nga Policia italiane.

Hetimi filloi më 16 qershor 2014, pasi policia ndërhyri në një përleshje të dhunshme midis prostitutave që përfundoi me një grua të re të plagosur me thikë në kofshë. Në muajt që pasuan, oficerët rindërtuan dinamikën e përballjes midis prostitutave “të pavarura” dhe atyre të menaxhuara nga një çift shqiptar.

Karabinierët arrestuan atëkohë si përgjegjës Florian Prinin dhe Fabiana Hoxhën, i pari rezident i ligjshëm në Itali dhe partnerja e tij, e regjistruar si emigrante. Rezidenca Torre Pedrera, ku u arrestuan, kishte qenë prej kohësh një qendër logjistike për biznesin e prostitucionit.

Nuk dihet nëse identiteti i Florit nuk u tha nga produksioni pikërisht për këtë arsye, apo as banori nuk e ka deklaruar të shkuarën e tij.

(VIDEO)

Administrata Trump thuhet se po shqyrton mundësinë për t’u paguar banorëve të Groenlandës deri në 100.000 dollarë për person, në një përpjekje për t’i bindur ata të shkëputen nga Danimarka dhe të bashkohen me Shtetet e Bashkuara, sipas burimeve të cituara nga Reuters.

Edhe pse detajet rreth planit specifik nuk janë konfirmuar, zyrtarët amerikanë, përfshirë disa në Shtëpinë e Bardhë, kanë përmendur shuma që variojnë nga 10,000 deri në 100,000 dollarë për banor.

Më herët këtë javë, Sekretari i Shtetit i SHBA-së, Marco Rubio, përjashtoi mundësinë e përdorimit të forcës ushtarake për të pushtuar ishullin, duke theksuar se Uashingtoni do të preferonte të blinte këtë territor danez jashtë shtetit.

Megjithatë, kjo ide e veçantë mund të konsiderohet shumë “transaksionale”, madje poshtëruese, për një popull që ka kohë që diskuton pavarësinë e tij nga Danimarka.

“Mjaft më… Mjaft me fantazitë e aneksimit”, shkroi Kryeministri i Groenlandës në një postim të dielën, duke iu përgjigjur deklaratave të reja të Trump në lidhje me “blerjen” e ishullit nga SHBA-të.

Ndërsa sondazhet tregojnë se shumica dërrmuese e banorëve të Groenlandës janë në favor të pavarësisë, shqetësimet në lidhje me kostot ekonomike të shkëputjes nga Danimarka – ndër të tjera – i kanë penguar shumicën e deputetëve të Groenlandës të bëjnë thirrje për një referendum mbi pavarësinë.

Sondazhet tregojnë gjithashtu se shumica e banorëve të Groenlandës, ndërsa janë të hapur për shkëputje nga Danimarka, nuk dëshirojnë të bashkohen me Shtetet e Bashkuara.

Dashi

Ju pret një ditë e lodhshme, sidomos nga pikëpamja sentimentale. Momentalisht situata nuk paraqitet e qetë, madje mund të jetoni në dy histori paralele.

Demi

Mundohuni që të mos lodheni shumë dhe mos bëni më shumë se gjërat e domosdoshme. Dashuria do të jetë mjaft e favorshme, ku do të keni bashkëpunim. Në punë do të ketë ndryshime, ku disa prej tyre mund të kenë nisur tashmë.

Binjakët

Në sferën sentimentale duhet qartësi dhe sinqeritet i plotë. Ndërsa në punë mund të merrni propozime të papritura, të cilat nuk duhet ti injoroni.

Gaforrja

Nëse jeni përballur me shpenzime të tepërta, tashmë do ta gjeni veten duke debatuar me partnerin/en. Pavarësisht kësaj Hëna është në shenjën tuaj. Në këtë periudhë do të ndiheni disi të lodhur dhe nervoz. Mundohuni që të qetësoheni.

Luani

Nëse jeni vetëm, me gjasë nuk jeni në kërkim të lidhjeve apo angazhimeve të reja. Në raportet në çift mund të ketë grindje, të cilat duhen menaxhuar me kujdes.

Virgjëresha

Dashuria do të jetë disi problematike, ku do të jeni mjaft kërkues gjë që do të shkaktojë debate të forta. Ky është momenti i duhur për të çuar përpara disa çështje profesionale.

Peshorja

Hëna do të ketë ndikim të kundërt, ku tashmë duhet të rrini sa më larg debateve. Mos bëni gjëra vetëm për të kënaqur të tjerët. Në punë do të përballeni me dyshime, pasi nuk do dini si të veproni.

Akrepi

Dashuria më në fund do të shënojë përmirësim, në sajë të ndikimit të favorshëm të Hënës. Në punë ka nevojë për durim, veç mundohuni që të mos mendoni vetëm për anën ekonomike.

Shigjetari

Mundohuni që të rrini larg debateve. Kjo e mërkurë nuk do të jetë e favorshme sa i takon raportit sentimental, sidomos për ata që janë të dyjëzuar në dy lidhje, shkruan noa.al. Në punë, do të ketë përmirësim.

Bricjapi

Mbrëmja do të jetë nën ritmin e duhur. Në dashuri Hëna do të ketë ndikim të kundërt, ku nuk përjashtohen debatet. Në punë do të ketë të reja të rëndësishme. Propozimet që do të merrni duhen analizuar me kujdes.

Ujori

Ju pret një ditë e tensionuar. Mirëpo pavarësisht kësaj në dashuri mund të ketë një ndjenjë të rëndësishme. Bëni kujdes ndaj debateve, pasi gjatë kësaj të enjteje do të jeni shumë konfliktual, por nuk është e thënë që keni të drejtë. Puna ju streson dhe jeni të lodhur.

Peshqit

Puna do të jetë mjaft stresuese, duke mos ju lënë të qetë. Nga ana tjetër keni dëshirë për të dashuruar, por Venusi ju krijon probleme. Në punë mund të keni probleme me eprorin.