Month: January 2026

Më 25 janar 1995, në kulmin e një dite dimri të acartë, bota u afrua më shumë seç duhet me një nga skenarët më të errët të Luftës së Ftohtë.

Një raketë e lëshuar nga Norvegjia për qëllime shkencore, për të studiuar Dritat Veriore (aurora borealis), u interpretua gabimisht nga sistemet ruse të paralajmërimit të hershëm si një raketë bërthamore në kurs të drejtpërdrejtë drejt Moskës.

Në radarët e stacioneve ushtarake në veri të Rusisë u shfaq një sinjal kërcënues, një objekt i nisur nga brigjet norvegjeze po ngrihej me shpejtësi të madhe.

Pyetja ishte dramatike dhe urgjente, ku po shkonte dhe a përbënte një sulm? Edhe pse rënia e Murit të Berlinit kishte ushqyer idenë se tensionet bërthamore i përkisnin së shkuarës, realiteti doli të ishte më i brishtë.

Për oficerët që monitoronin qiellin, pasojat e mundshme ishin tronditëse. Ata e dinin se një raketë e vetme e lëshuar nga një nëndetëse amerikane në ato ujëra mund të sillte tetë koka bërthamore në Moskë brenda 15 minutash. Informacioni u përcoll me urgjencë në majë të zinxhirit të komandës, deri te presidenti rus i asaj kohe, Boris Jelcin.

Jelcini u bë lideri i parë botëror që aktivizoi të ashtuquajturën “valixhe bërthamore”, pajisja që përmban protokollet dhe teknologjinë për autorizimin e një kundërsulmi bërthamor. Që nga fundi i Luftës së Dytë Botërore, fuqitë bërthamore kanë operuar mbi parimin e parandalimit: ideja se një sulm i madh do të sillte shkatërrim të ndërsjellë të sigurt. Në ato momente të ngrira nga ankthi, Jelcini dhe këshilltarët e tij duhej të vendosnin me shpejtësi nëse do të reagonin.

Siç dihet sot, kjo zinxhir ngjarjesh alarmante nuk përfundoi në katastrofë. Përkundrazi, historia u mbyll si një episod pothuajse ironik në fund të lajmeve të mbrëmjes.

Prezantuesi i BBC Newsnight, Jeremy Paxman, komentoi me sarkazëm se “lufta bërthamore nuk shpërtheu sot”, pavarësisht raporteve fillestare të agjencisë ruse Interfax, e cila kishte njoftuar gabimisht se Rusia kishte rrëzuar një raketë hyrëse.

Ndërkohë, tregjet valutore globale u lëkundën, ndërsa politikanë, gjeneralë dhe gazetarë kaluan mbi një orë në një gjendje konfuzioni dhe kërkimi të ethshëm për informacion. Vetëm në orën 14:52 GMT erdhi sqarimi vendimtar, Interfax korrigjoi raportimin, duke bërë të ditur se, edhe pse sistemi i paralajmërimit të hershëm kishte regjistruar lëshimin e një rakete, ajo kishte rënë në territor norvegjez.

Autoritetet në Oslo konfirmuan më pas se bëhej fjalë për një lëshim paqësor, pjesë e një programi rutinë kërkimor shkencor në një poligon civil. Raketës i ishte caktuar të mblidhte të dhëna mbi aurora borealis dhe ajo ra, sipas planit, në det pranë ishullit arktik Spitzbergen, larg hapësirës ajrore ruse. Megjithatë, burime anonime të mbrojtjes ruse deklaruan për Interfax se ishte “shumë herët për të thënë” nëse lëshimi kishte për qëllim testimin e radarëve rusë.

Ndjeshmëria ruse ndaj mbrojtjes ajrore ishte e rrënjosur thellë, veçanërisht pas incidentit të vitit 1987, kur adoleshenti gjerman Mathias Rust fluturoi mbi 750 kilometra përmes mbrojtjes sovjetike dhe u ul pranë Kremlinit. Edhe pse Lufta e Ftohtë kishte përfunduar, nervozizmi mbetej.

Shkencëtari norvegjez Kolbjørn Adolfsen, i përfshirë në projekt, tregoi se ishte tmerruar nga reagimi. Ai theksoi se Moska ishte njoftuar paraprakisht për lëshimin, që më 14 dhjetor, përmes kanaleve diplomatike. Sipas tij, reagimi rus mund të ishte nxitur nga fakti se raketa kishte arritur një trajektore balistike jashtëzakonisht të lartë, rreth 908 milje lartësi.

“Megjithatë, kjo nuk duhej të kishte qenë surprizë”, tha ai, duke shtuar se mesazhi duket se nuk kishte mbërritur kurrë në zyrat e duhura. Një kujtesë e ftohtë se sa katastrofike mund të jenë pasojat e një komunikimi të humbur.

Vetë Jelcini, një ditë pas incidentit, deklaroi për Interfax se kishte përdorur për herë të parë “valixhen e zezë”.

“Ndoshta dikush vendosi të na testojë”, tha ai, duke aluduar se perceptimi i dobësisë së ushtrisë ruse mund të kishte luajtur rol. Opinionet mbi rrezikun real të incidentit mbeten të ndara, disa ish-zyrtarë amerikanë e kanë cilësuar si “momentin më të rrezikshëm të epokës së raketave bërthamore”, ndërsa ekspertë të tjerë rusë e kanë minimizuar, duke e quajtur alarm të zbrazët.

Pesë ditë më vonë, Rusia e kishte cilësuar ngjarjen si “një keqkuptim” që nuk duhet të përsëritet. Ministria e Jashtme ruse theksoi se Norvegjia kishte vepruar sipas procedurave standarde dhe se nuk kishte vend për armiqësi.

Megjithatë, fakti mbetet shqetësues: një raketë e padëmshme meteorologjike mjaftoi për të sjellë botën në prag të një paniku bërthamor. Një episod që, edhe sot, shërben si paralajmërim i fortë për rreziqet e keqkomunikimit në një botë ende të armatosur me armë shkatërrimi masiv. /BBC

Ish-kryeministri britanik Tony Blair, i cili është emëruar në organin ekzekutiv të “Bordit të Paqes” të Donald Trump, është distancuar nga kërkesa e presidentit që vendet të paguajnë 1 miliard dollarë për anëtarësim të përhershëm.

Blair ka refuzuar të mbështesë kërkesën për këto fonde, e cila bazohet në një draft-kartë të organizatës së re. Ky qëndrim shihet si një tjetër sinjal se detajet e “Bordit të Paqes” po shkaktojnë kundërshti midis aleatëve dhe partnerëve të SHBA-ve ndaj projektit të Trump.

Një zëdhënës i Tony Blair deklaroi se ai nuk është i përfshirë në përcaktimin e përbërjes së bordit, duke lënë të kuptohet se nuk do ta mbështesë publikisht këtë propozim. Zëdhënësi shtoi se çdo pyetje lidhur me tarifën prej 1 miliard dollarësh duhet t’i drejtohet administratës Trump.

Bloomberg News shkruan se disa vende mund të refuzojnë anëtarësimin në bord për shkak të kushteve të vendosura nga Trump. Vende të tjera mund të pranojnë parimisht t’i bashkohen “Bordit të Paqes”, por pritet të refuzojnë pagesën e tarifës për anëtarësim të përhershëm.

Në këtë rast, ato ose do të përpiqen ta negociojnë tarifën ose mund të tërhiqen nga bordi nëse Trump insiston mbi këtë ide.

Kryeministri kanadez Mark Carney ka deklaruar se ka pranuar parimisht të bashkohet me bordin, por nuk ka rënë dakord për pagesën.

“Sa i përket detajeve të Bordit të Paqes, ende nuk kemi shqyrtuar strukturën, mënyrën e funksionimit, financimin dhe çështje të tjera. Do të punojmë për këto gjatë ditëve në vijim”, tha ai.

Një zyrtar kanadez theksoi se qeveria nuk do të paguajë për një vend në bord, dhe se draft-karta e organizatës është ende në diskutim. Sipas tij, pjesëmarrja e Carney bëhet edhe për të ndikuar në proces nga brenda.

Në intervistën e saj për emisionin “Aromë gruaje” në RTSH, Linda Rama ka bërë një skaner të hollësishëm të jetës publike në Shqipëri, duke analizuar raportin delikat mes politikës, filozofisë dhe medias.

Zonja Rama bëri një ndarje të qartë mes filozofisë, që kërkon kohë dhe jep ligjshmëri, dhe politikës, që është arti i të përditshmes dhe veprimit.

“Dinamika e politikës është tjetër nga ajo filozofike. Aq i larmishëm sa është realiteti, aq të larmishme janë edhe vendimmarrjet apo mënyrat që politika gjen. Është kollaj të kritikosh nga jashtë. Jeta pranë Edit më ka mësuar gradualisht se vërtet nuk i di të gjitha. Një njeri duhet t’i japë mundësi vetes që të mos e çojë gjykimin deri në ekstrem. Thjesht e kam mësuar: ti nuk i di të gjitha. Tani e kam bërë timen. Gjykimi i padrejtë është ngarkesë negative.“, tha ajo.

Sipas saj, kalimi nga bota e ideve në atë të vendimmarrjes shpesh shoqërohet me kompromise të dhimbshme për integritetin e mendimtarit.

“Kam parë filozofë që kanë hyrë në politikë, por që janë zhveshur si filozofë. Ata pranojnë deformimin për hir të politikës,” tha ajo, duke shtuar se personalisht nuk e justifikon këtë qasje as “për një të mirë të madhe”.

Pushteti, OJQ-të dhe Media

Në analizën e saj për aktorët shoqërorë, Linda Rama e cilësoi pushtetin si të dominuar nga egoja, ndërsa shoqërinë civile si “ndjeshmëri e shtuar” dhe një “zile” që pushteti duhet ta dëgjojë. Ndryshe nga shoqëria civile, për median ajo u shpreh:

“Shoqëria civile ka nevojë për pushtetin, sepse ajo është ndjeshmëri e shtuar. Kurse pushteti është i pushtuar nga egoja. Shoqëria civile është një zile që duhet ta dëgjojë pushteti. Ata mund të bashkëjetojnë duke u dëgjuar njëri me tjetrin. Nuk mund ta them këtë për median. Media, si pushtet, nuk është e zhveshur nga egoja.

Media e ka raportin me të vërtetën. Por janë edhe përgjegjësitë, si kodi në raport me ligjin, mjedisin, lirinë; dhe nëse ti i ke plotësuar këto, liria ka kuptim”, tha zonja Rama.

Denis Hajmerraj, babai i 3 fëmijëve të mitur që ishin prekur nga zgjebja, për shkak të kushteve jo të mira higjeno-sanitare që i kishte lënë nëna e tyre, Blerina Basha, i është drejtuar gjykatës së Durrësit duke kërkuar marrjen e kujdestarisë për 3 fëmijët e mitur.

Mësohet se kërkesë padia është depozituar në sekretarinë e gjykatës së Durrësit, ku babai i fëmijëve, ka kërkuar heqjen e kujdestarisë së fëmijëve ndaj nënës së tyre dhe kalimin e kujdesit tek babai i tyre, Denis Hajmerraj.

Në kërkesë padi, Hajmarraj ka ngritur një sërë pretendimesh të shoqëruara me prova konkrete, duke argumentuar se ish-gruaja e tij, Blerina Basha, nuk është në gjendje fizike, gjendje sociale, gjendje emocionale dhe gjendje ekonomike për ti shërbyer, kujdesur dhe prindëruar 3 fëmijët e tij.

Denis Hajmerraj, ka depozituar në gjykatë dhe një seri faturash financiare të kryera prej tij në institucione arsimore në Breshia të Italisë, duke shtuar se fëmijët kanë ndjekur rregullisht shkollën në Itali, gjatë kohës kur qëndronin me babain e tyre.

Ndërkohë një sërë videosh, të shkarkuara nga rrjetet sociale “Tik-Tok” dhe “Instagram”, i janë dërguar gjykatës si provë, që tregojnë se Blerina Basha, nuk kujdeset për fëmijët e saj për qëndron Live me burra të tjerë në “Tik-Tok” dhe rrjete të tjera sociale.

Një tjetër argument është dhe fakti i udhëtimeve të shpeshta jashtë shtetit të Blerina Bashës, e cila nuk ka qenë e shoqërua me 3 fëmijët, të cilët i ka lënë të vetëm në banesë dhe është larguar. Për këtë babai ka dorëzua provat nga sistemi TIMS, ku evidentohen udhëtimin e ish-gruas pa prezencën e 3 fëmijëve.

Lidhur me këtë çështje pritet që në ditët në vijim të hidhet shorti elektronik për zgjedhjen e gjyqtarit që do gjykojë rastin e kujdestarisë së fëmijëve të mitur.

Rasti i 3 fëmijëve të prekur nga zgjebja, mori vëmëndje të madhe publike dhe mediatike, pasi fillimisht ata u gjendën nga komshinjtë e pallatit dhe më pas ishte gjyshja e tyre që zbuloi kushtet e tmerrshme higjeno-sanitare, ku jetonin prej disa ditësh të vetëm 3 fëmijët e mitur.

Fëmijët kishin 1 muaj e gjysmë pa shkuar në shkollë. Pas skandalit nëna e tyre, Blerina Basha, u procedua nga policia e Durrësit për akuzën e “Keqtrajtimit të të miturve”.

Ndërkohë rasti ishte referuar më parë nga psikologia e shkollës “Bajram Curri” në bashkinë e Durrësit, për të marrë masa por kjo bashki deri në bërjen publik të rastit nuk mori asnjë masë për trajtimin social të fëmijëve.

Një ngjarje e paprecedent ka ndodhur në Lushnjë, ku një 52-vjeçare akuzohet se ka dhunuar burrin e vajzës së saj.

Pas hekurave ra shtetasja me inicialet L.Sh., ka dhunuar dhëndrin e saj, ndërsa ka ndërhyrë policia për të parandaluar më tej konfliktin.

“Specialistët për Hetimin e Krimeve në Komisariatin e Policisë Lushnjë kanë arrestuar në flagrancë shtetasen L. Sh., 52 vjeçe, banues në Tiranë, pasi dyshohet se ka ushtruar dhunë ndaj bashkëshortit të vajzës së saj. Sipas Policisë, 52-vjeçarja është konfliktuar dhe më pas ka përdorur dhunë fizike ndaj bashkëshortit të vajzës, duke shkaktuar shqetësim dhe rrezik për sigurinë e tij. Veprimi i saj u ndërpre nga punonjësit e Policisë, të cilët ndërhynë për të parandaluar përkeqësimin e situatës.”,-sqaron policia.

Të shtënat me armë zjarri në një bashki çeke lanë një person të vdekur dhe të paktën gjashtë të tjerë të plagosur, përfshirë tre oficerë policie, thanë autoritetet, duke shtuar se personi i armatosur kishte vrarë edhe veten.

Policia tha se kishte siguruar ndërtesën në Chribska, 110 km në veri të Pragës.

“Aktualisht, asgjë nuk sugjeron ndonjë motiv terrorist apo ekstremist. As nuk është një sulm i motivuar politikisht apo fetar – gjithçka tregon një motiv të bazuar në marrëdhënie”, tha policia në X.

Agjencia e lajmeve CTK citoi drejtorin e policisë së rajonit të thoshte se agresori kishte qëlluar veten dhe se kryetari i bashkisë së qytetit ishte midis të plagosurve.

Të paktën një grua u plagos rëndë, tha policia.

Policia tha se psikologët ishin dërguar në vendngjarje për të ndihmuar të prekurit.

Edi Rama inspektoi sot parkun e ri të ndërtuar në liqenin e Paskuqanit, pjesë e bashkisë së Kamzës.

Kryebashkiaku Rakip Suli, teksa prezantoi projektin e përfunduar, zbuloi se po planfikojnë ta betonizojnë së shpejti, ashtu si çdo hapësirë tjetër të gjelbër në Tiranë.

“Ka një interes të madh për ndërtime private. Janë menduar jo më shumë se 3 katë në afërsi të parkut”– tha Suli.

Më tej, teksa po fliste për parkun e liqenit dhe po i mburrej liderit se është i mbushur plot me fëmijë dhe të rinj që e thërrasin në emër për t’iu bashkuar dhe luajtur me to, me nota tallëse Rama iu drejtua “o Kipe o Kipe”, shkurtim i emrit të tij që shumë banorë të zonës e thërrasin në formë ulëse për kryebashkiaun socialist.

Por, në fakt teksa aj fliste me superlativa për parkun e mbushur me të rinj, realiteti është tejet i zymtë! Pjesa më e madhe e të rinjve në Kamëz dhe Paskuqan emigrojnë drejt vendeve të BE-së menjëherë sapo mbarojnë gjimnazin për shkak të mundësive të pakëta që ofron vendi për punësim dhe zhvillim.

Momenti në minutën 3:

VIDEO

Edhe pse ky sezon nisi me nota më të qeta, duket se paqja në shtëpinë e “Big Brother VIP Albania” ka marrë fund. Rrjeti është “pushtuar” nga pamjet virale ku dy banorët, Eriku dhe Angelo, shihen të përfshirë në një konfrontim fizik.

Në video, ata shfaqen duke u shtyrë me forcë me njëri-tjetrin, një skenë që ka alarmuar menjëherë pjesën tjetër të shtëpisë.

Ndërhyrja e banorëve ka qenë e menjëhershme për të shmangur përshkallëzimin, ndërsa në sfond dëgjohen thirrjet e dëshpëruara të një prej vajzave:

“Erik, jo, të lutem!”

Tensioni dukej tejet real, por ngjarja ka marrë një kthesë të papritur. Vetëm pak minuta pas kësaj skene kaotike, Erik dhe Angelo kanë qetësuar (ose konfuzuar) banorët duke deklaruar se e gjitha ishte thjesht një lojë e stisur prej tyre.

Mbetet e paqartë nëse ky ishte një aktrim i planifikuar për vëmendje apo një situatë reale që u mbulua me “shaka” pas reagimit të ashpër të shtëpisë.

VIDEO

Shqiptarët kanë mundur të mbledhin në kohë rekord 200.000 euro që i duhen familjes, për operacionin dhe rikuperimin e modeles dhe influenceres së njohur në internet, Dajana Kalo. 25 vjeçarja ka pësuar hemorragji cerebrale dhe ndodhet në QSUT prej 29 Dhjetorit.

Motra shkruan se Dajana ka pësuar hemorragjia në tru është shkaktuar nga Malformacioni Arteriovenoz (AVM), një gjendje serioze dhe kërcënuese për jetën, ku enët e gjakut në tru janë të formuara në mënyrë jonormale dhe mund të çahen pa paralajmërim.

Me mijëra shqiptarë i janë përgjigjur thirrjes për të ndihmuar Dajanën, pas apelit të motrës Bora dhe shumë personazheve të njohur të estradës dhe ekranit. Ndihmat kanë qenë të shumta dhe në pak orë janë mbledhur më shumë se 200.000 euro.

Dajana nuk do të jetë në gjendje të punojë për një periudhë të gjatë kohe, pasi aktualisht nuk është në gjendje të ecë dhe të lëvizë anën e djathtë të trupit, këmbën dhe dorën. Motra e saj, Bora shkruan se nga kjo situatë, ajo duhet të ndërpresë punën për t’u kujdesur për Dajanën.

Modelja dhe influencerja Dajana Kalo
Ndaj, familja ka kërkuar ndihmën e shqiptarëve, çdo donacion, pavarësisht shumës, sepse ata nuk kanë mundësitë financiare për operacionin e vështirë dhe fazën e rikuperimit të mëpasshëm. Fatmirësisht, brenda një kohe rekord, shuma pothuajse është mbledhur.

Ndërkohë, mësohet se vajza 25 vjeçare ndodhet e shtruar që prej 29 dhjetorit në pavionin e neurokirurgjisë në QSUT, ku raportohet se mjekët nuk kanë ndërhyrë ende, pasi për të vendosur për kirurgjinë, përfshirë edhe trombectominë, duhet më parë të kryhet ekzaminimi Arteriografi (DSA).

Një shqiptar është sulmuar për vdekje në burgun famkeq të Koridhalosit në Greqi.

Viktima është identifikuar si Jani Aliaj, me pseudonimin “Xheku”, i shumëkërkuar në Shqipëri për vrasje.

Autori i sulmit është një shtetas grek, po i dënuar për vrasje.

49-vjecari nga Tepelena, i cili ndodhej i arrestuar në Greqi prej 31 dhjetorit 2024, është vrarë sot në burgun e Koridhalos duke u goditur me thikë nga një i burgosur grek në sektorin 3 të burgut.

Edhe autori, ashtu si Aliaj, rezulton i dënuar për vrasje. Policia greke ka nisur hetimet për ngjarjen duke mos përjashtuar faktin që ngjarje të jetë vrasje me pagesë.

Jani Aliaj rezulton person i kërkuar në Shqipëri, i dënuar me burgim të përjetshëm për vrasjen e Elton Cicos në 1 maj 2016 në zonën e ish-Bllokut në Tiranë.

Gjithashtu ai rezulton i kërkuar edhe për një ngjarje të ndodhur në vitin 2015 në Përmet, ku tentativa e vjedhjes së një sasie të madhe marijuane përfundoi me të plagosur.

Për atë ngjarje Aliaj kërkohej për tre akuza.

Gjithashtu Jani Aliaj, i cili u arrestua në 31 dhjetor 2024 me identitetin e rremë Aleksan Kreshnik, kërkohej në Greqi pasi ishte arratisur nga burgu i Korfuzit ku vuante dënim me burgim të përjetshëm, plus 2 vjet plus 12 muaj për vrasjen e një shqiptari, plagosje të rëndë dhe armëmbajtje, ngjarje të ndodhura në Athinë në vitin 2006.

Dënimi i përjetshëm në maj 2018 nga Gjykata dhe si ndodhi atentati i bujshëm

Burg përjetë në mungesë vendosi Gjykata në muajin maj të vitit 2018 për Jani Aliajn, në akuzë si i dyshuar për ekzekutimin e Elton Çiços më 1 maj 2016 në Tiranë, pranë ish-Bllokut, në lokal “De Niro”, pranë Stadiumit Dinamo.

Pas hetimeve, në akuzë për vrasjen u vu Jani Aliaj, për shkak të mosmarrëveshjeve dhe hakmarrjes që dy personat kishin nisur mes tyre prej vitesh, që kur ishin në Greqi. Pista kryesore mbeten mosmarrëveshjet për çështjet e drogës dy dekada më parë. Dyshohet se Çiço kishte tentuar ta eliminonte disa herë Aliajn në Greqi dhe në Shqipëri. Në Tiranë dhe në Gjirokastër ai mbeti i plagosur dy herë.

Në dosjen e plotë të prokurorisë, theksohet se Jani Aliaj dhe Renato Milloshi ishin zyrtarisht dy personat e shpallur në kërkim për vrasjen e Elton Çiçës në atë kohë, i ekzekutuar mbrëmjen e 1 majit në një lokal në qendër të Tiranës. Aliaj u arratis deri në kapjen e tij në Greqi, më 2024, ku priste ekstradimin, por edhe atje akuzohej dhe ishte i dënuar për krime të rënda.

Elton Çiço sipas prokurorisë dyshohet se ka qenë autori apo porositësi i disa ngjarjeve në shenjë hakmarrje për dhunimin dhe grabitjen e prindërve të tij në qytetin e Tepelenës.

Kjo është arsyeja përse ai u ekzekutua me plumb në kokë në një nga zonat më të populluara të Tiranës teksa ishte në shoqërinë e një oficeri policie, një gazetari dhe një mjeku. Për fshehjen e armës së viktimës policia arrestoi oficerin e policisë dhe mjekun, por ata u lanë të lirë nga gjykata pak kohë më parë.D

isa nga provat e krimit sipas prokurorisë janë gjetur në një automjet tip “BMW X6” që përdorte Jani Aliaj dhe në shtëpinë me qira të të dashurës së tij në Tiranë. Sipas dosjes së prokurorisë rezulton se 36-vjeçari nga Tepelena është ekzekutuar me dy plumba ndërsa lidhur me personalitetin e tij prokuroria e dyshohen atë si autor ose porositës i një sërë ngjarjesh të rënda kriminale.

Zanafilla e këtyre ngjarjeve është dhunimi dhe grabitja e prindërve të Çiçës në Tepelenë më 30 mars të vitit 2015. Disa persona të maskuar kanë hyrë në banesën e prindërve të shtetasit Elton Çiça dhe pasi kanë ushtruar dhunë ndaj tyre u kanë vjedhur një sasi prej 5000 Eurosh dhe janë larguar. Gjatë hetimeve në lidhje me këtë ngjarje janë identifikuar autorët e kësaj ngjarje të cilët kanë rezultuar të jenë shtetasit Ervis Imeri, Robert Rama, Sokol dhe Arben Jella.

Pas kësaj ngjarje dyshohet se shtetasi Elton Çiça ka nisur të hakmerret ndaj personave që dhunuan dhe grabitën prindërit e tij. Më 08.06.2015, rreth orës 20:00, në lagjen nr.17/1 të qytetit të Durrësit është vrarë me armë zjarri Robert Rama. Më 12.07.2015, në automjetin e markës “Fiat”, model Cinquecento, me targa “AA 021 HD”, në përdorim të shtetasit Ervis Imeri është vendosur një sasi prej 600 gr lëndë eksplozive (tritol) e lidhur me një telefon, e gatshme për t’u shpërthyer. Aktivizimi i lëndës plasëse nuk është kryer sepse Ervisi Imeri e ka diktuar lëndën shpërthyese.

Më 07.12.2015, në Kombinat, si pasojë e shpërthimit të një lënde eksplozive është shkatërruar automjeti i “Golf”, me targa “AA 880 BX”, ku brenda ishte pronari, Elton Imeri, vëlla i Ervis Imerit. Si pasojë e shpërthimit Elton Ymeri është gjymtuar duke humbur një nga këmbët.

Sipas prokurorisë dyshohet që këto ngjarje të rënda kriminale e kanë pikënisjen nga ngjarja e datës 30.03.2015 e ndodhur në qytetin e Tepelenës, dhe se sipas tyre është hakmarrja e Elton Çiçës. Në vijim të hetimeve policia ka njoftuar që viktima ka pasur një konflikt serioz me shtetasin Jani Aliaj, i plagosur me thikë në një burg në Greqi nga Çiça.

Jani Aliaj është tentuar të vritet rreth një javë para vrasjes së Elton Çiços, ngjarje e ndodhur në Gjirokastër. Sipas informacionit të policisë autori i vrasjes së Elton Çiçës, ka zbritur nga një automjet Ford Focus, ngjyrë e errët, me targa të palexueshme. Në parkingun e kompleksit të pallateve te ish-Parku është konstatuar e braktisur autovetura Ford Focus me targa AA560NX, për të cilën nuk interesohet njeri.

Këto prova janë konfirmuar edhe nga analizat e AND-së së një bishti cigareje të gjetur pranë vendit të ngjarjes si dhe nga qelizat e antenave telefonike. Por pavarësisht prove, policia nuk ka mundur të gjejë ende autorët e dyshuar të vrasjes se Elton Çiçës.