Author: admin

Richard Grenell, i dërguari i posaçëm i presidentit amerikan, Donald Trump, për kriza globale, ka kritikuar ashpër shefen e Komisionit Evropian Ursula Von der Leyen pas vizitës së saj në Kosovë.

Përmes një postimi në platformën X, Grenell akuzon Von der Leyen si drejtuese e institucionit më të lartë evropian, se ka heshtur ndërsa Gjykata e Hagës po e mban ish-presidentin e Kosovës Hashim Thaçi prej 5 vjetësh në burg.

“Gjykata juaj e Hagës e ka mbajtur Presidentin Thaçi për 5 vjet. Si mund t’i shpërndani këshilla gjyqësore ndonjë vendi? Ju qëndruat të heshtur ndërsa Jack Smith arrestoi një President në detyrë, vetëm sepse ai ishte duke shkuar për të takuar Donald Trump për të krijuar një marrëveshje paqeje që përfshinte shpërbërjen e punës së Jack Smith/gjykatës. Është e turpshme se si media e ka injoruar këtë ndjekje penale politike”, shprehet Grenell.

Dielli pritet t’ia lërë vendin shiut. Nga enjtja meteorologët parashikojnë kthim të reshjeve në disa qytete për tu shtrirë në të gjithë territorin të premten.

Në jug dhe veri të vendit sipas Institutit të Gjeoshkencave reshjet do të shoqërohen me shtrëngata.

“Presim të kemi një ndryshim sa i përket kushteve atmosferike duke nisur nga e enjtja në drekë. Reshjet do të fillojnë të dobëta kryesisht në jug të vendit më pas të premten do të prekin të gjithë territorin.

Do të jenë Qarqet e veriut si Shkodra, Lezha, Kukësi të cilat presim reshje mesatare dhe me shtrëngata gjithashtu dhe Qarqet e jugut si Gjirokastër dhe Vlora presim reshje mesatare të shoqëruar me shtrëngata, pjesa tjetër e territorit presim reshje të dobëta.”

Po Tirana?

“Përgjatë mëngjesit të premtes deri në orën 14 reshjet në Tiranë do të jene te dobëta dhe te vazhdueshme ndërsa pas drekës presim reshje lokale.”

Reshjet parashikohet të largohen nga një pjesë e territorit duke filluar nga e shtuna ndërsa të dielën pritet rikthim i ditëve me diell.

“Do të jetë e shtuna që sjell ndërprerje të reshjeve në disa prej Qarqeve ku përfshihet dhe kryeqyteti ndërsa në jug do të vijojnë dhe për të shtunën, por me intensitet të dobët dhe lokale. Ditën e diel presim ndërprerje të reshjeve thuajse në të gjithë vendin.”

Sa i përket vlerave të termometrit parashikohet një rritje me rreth dy gradë celsius deri të diele kur pritet kthim në temperaturat deri në 10 gradë celsius në Tiranë e zonat e ulëta dhe 6 gradë celsius në zonat malore.

Dashi

Ka rrezik qe marrëdhënia ne çift te jete paksa delikate gjate kësaj dite. Do keni debate te forta ne disa momente dhe gjerat nuk do ecin ashtu si i kishit menduar. Beqaret do kenë takimet e ëndërruara dhe shume shpejt do mund te fillojnë një histori dashurie serioze. Financat do jene gjithë kohës te mbrojtura, prandaj nuk do keni për çfarë te shqetësoheni.

Demi

Dite mjaft premtuese kjo e sotmja për planin sentimental. Do kaloni çaste fantastike pranë atij qe dashuroni dhe do ndiheni për mrekulli pranë njeri-tjetrit. Beqaret ka gjasa te realizojnë disa takime, por nuk do mund te shkojnë me tej sesa një aventure momentale. Ne planin financiar do tregoheni shume te kujdesshëm dhe nuk do bëni asnjë çmenduri.

Binjaket

Gjerat do ecin me se miri sot ne planin sentimental. Nuk do prekni ne asnjë moment temat delikate përkundrazi do preferoni vetëm te flisni për gjera pozitive dhe te dashuroheni me pasion. Beqaret ende do e kenë te vështirë te fillojnë një lidhje te qëndrueshme, megjithatë nuk duhet te refuzojnë ftesat qe do ju bëhen. Ne planin financiar duhet shtrënguar paksa rripi i shpenzimeve.

Gaforrja

Ka shume mundësi qe te bëni çmenduri gjate kësaj dite ne jetën tuaj ne çift ne mënyrë qe te dashuroheni plot pasion me personin qe keni ne krah. Beqaret do afrohen mjaft me një person qe ka kohe qe i josh, por qe atyre nuk ua kishte mbushur mendjen sa duhet. Financiarisht situata do jete delikate dhe do jeni gjithë kohës ne ankth.

Luani

Do jeni shume te arsyeshëm sot ne jetën tuaj ne çift dhe nuk do bëni asnjë lloj gabimi ne komunikimin me partnerin. Pritet qe dita te jete e qëndrueshme. Beqaret do jene te parrezistueshëm dhe nuk do mund t’iu shpëtojnë propozimeve te veçanta. Me pas çdo gjë do jete ne dorën e tyre. Financat do jene te mira dhe nuk pritet as problemi me i vogël.

Virgjeresha

Dite e përshtatshme për te folur gjere e gjate mbi lidhjen tuaj dhe për te marre vendime te rëndësishme kjo e sotmja. Yjet do krijojnë ambientin e duhur. Beqaret do jene gati te fillojnë histori dashurie me ata persona qe kane kohe qe ua kërkojnë këtë gjë. Financat nuk do kenë ndryshime te mëdha, megjithatë situata pritet te mos jete tejet problematike.

Peshorja

Do kërkoni te jeni gjate gjithë kohës dominues gjate kësaj dite ne jetën sentimentale dhe kjo gjë nuk do i pëlqejë aspak personit qe keni ne krah. Beqaret do kenë veçse mundësi për aventura kalimtare, asgjë me tepër sesa aq. Ne planin financiar do keni edhe ndonjë ulje dhe ngritje. Ne asnjë mënyrë nuk duhet te merrni para hua nga persona qe nuk ia keni besën.

Akrepi

Nëse doni qe lidhja juaj te jete sa me e bukur dhe me emocionuese duhet qe here pas here te toleroni dhe te bëni ndonjë çmenduri te vogël. Beqaret do kenë një dite te zakonshme dhe pa propozime. Nuk ka ardhur ende momenti qe ata te ndryshojnë status. Financat do jene goxha me te mira se disa dite me pare fale mbështetjes se te afërmve dhe menaxhimit tuaj te mire.

Shigjetari

Komunikimi ne çift do jete me i mire gjate kësaj dite dhe do kuptoheni për mrekulli me atë qe keni ne krah. Ne këtë mënyrë do mund te zgjidhni edhe ndonjë problem te vogël qe keni pasur. Beqaret do kenë takime emocionuese, por kur te njihen me mire me personat do zhgënjehen. Ne planin financiar do gjeni një mënyrë shume te mire për te rritur te ardhurat.

Bricjapi

Çiftet do i japin edhe me shume rëndësi jetës intime dhe do mundohen ta surprizojnë partnerin. Gjithçka do behet me emocionuese tashme. Beqaret duan apo jo do e ndryshojnë statusin. Kjo gjë është vendosur tashme nga planetët. Ne planin financiar do keni fat dhe do arrini ta përmirësoni gjendjen. Kjo do krijoje mundësi për te kryer edhe ndonjë investim.

Ujori

Nuk do mund ta duroni dot me rutinën e jetës ne çift gjate kësaj dite dhe ka rrezik te bëni ndonjë gabim te pafalshëm. Mos përfitoni nga liria qe ju ka dhënë partneri. Beqaret do realizojnë takime pa fund, por nuk do arrijnë dit te vendosin me ke do vazhdojnë me tej. Ne planin financiar mos kërkoni te pasuroheni me metoda te jashtëligjshme sepse keni për te humbur akoma me shume.

Peshqit

Sot do i shihni gjerat me një sy tjetër ne planin sentimental. Partneri do ua shprehe pa fund ndjenjat dhe ju do e lini veten te lire duke përfituar kështu nga çdo sekonde. Beqaret nuk do e kenë shume mendjen tek dashuria duke qene se do kenë te tjera çështje me te rëndësishme. Financat do jene te stabilizuara dhe nuk do keni asgjë për çfarë te shqetësoheni.

Një emigrant nga Kosova u shtir si babai i 13 foshnjave shqiptare për t’u siguruar atyre pasaporta të paligjshme britanike në këmbim të shumave të mëdha monetare.

Petrit Musa, 38 vjeç, krijoi aplikimet mashtruese për pasaporta në emër të një bande kriminale për të siguruar shtetësinë britanike për fëmijët në këmbim të shumave të konsiderueshme parash, duke u lënë në burg për pesë vjet në Gjykatën Penale në Londër.

Musait, të cilit iu dha leje e pacaktuar qëndrimi në Mbretërinë e Bashkuar në vitin 2021, iu lëshuan me sukses gjashtë pasaporta për fëmijët përpara se mashtrimi i tij të zbulohej nga Ministria e Brendshme.

Sipas Daily Mail shqiptari u rekrutua nga banda pasi ra në borxhe të thella për shkak të problemeve me kokainën dhe lojërat e fatit. Meqenëse ai kishte leje qëndrimi të pacaktuar, fëmijët e tij do të ishin të kualifikuar për shtetësi britanike.

Musa e përdori këtë status për të siguruar pasaporta britanike për 13 foshnjat shqiptare – me asnjërën prej të cilave nuk kishte lidhje farefisnore. Foshnjat ishin fëmijë të nënave shqiptare që kishin udhëtuar ilegalisht në Mbretërinë e Bashkuar dhe i kishin paguar shuma të mëdha parash bandës për shërbimin.

Musa arriti të shlyente një borxh prej më shumë se 40 mijë paundësh përmes të ardhurave, por vazhdoi të përfitonte nga mashtrimi edhe pasi kjo çështje u zgjidh, thanë prokurorët.

Prokurori Oliver Pateman tha se në telefonin e Musës u gjetën selfie që e tregonin atë duke mbajtur sasi të mëdha parash dhe se ai kishte bërë disa depozita të mëdha parash në një bankë pranë Qendrës Tregtare Westfield.

“Ne do të sugjeronim që këto ishin pagesat që Musa mori nga skema”, tha prokurori.
Musa bëri aplikimet e rreme midis qershorit 2022 dhe tetorit 2024, pas të cilave Ministria e Brendshme vuri re se ai kishte pretenduar të ishte babai i disa foshnjave me data lindjeje të dyshimta të afërta.

“Kjo është një skemë relativisht e sofistikuar dhe ekziston një model i qartë që ndiqet në secilin prej 13 rasteve. Roli i tij, megjithëse i kufizuar në aplikimin për pasaporta, është thelbësor që skema të ketë sukses në përgjithësi”, deklaroi prokurori.
Patrick Maggs, duke mbrojtur Musën, tha se klienti i tij nuk po nxirrte pjesën më të madhe të fitimeve nga mashtrimi, i cili do t’u kishte shkuar atyre që ishin më të lartë në bandë.

“Roli i tij ishte të ishte personi që ia vuri fytyrën dhe emrin e tij ekskluzivitetit, i cili ishte gjithmonë i destinuar të dështonte.Pra, ai ishte gjithmonë personi për të cilin autoritetet do të vinin, jo ata që fitonin pjesën më të madhe të të ardhurave. Ai ishte kukulla”, tha avokati.
Regjistruesi i gjykatës James Thomas tha se pranoi që Musa nuk ishte truri i organizatës, por ai fitoi shuma të konsiderueshme parash nga mashtrimi.

Eftuar në këtë episod të “Vitality Vibes” me Ilvi Begollin, ka qenë mjekja toksikologe Suela Xhufi. Ajo ka folur më shumë për intoksikimin dhe substancat e dëmshme që janë konstatuar kohët e fundit në frutat dhe perimet që konsumojmë. Çfarë i shkaktojnë ato shëndetit të njeriut?

Pjesë nga intervista:

Çfarë janë këto substanca dhe a janë të dëmshme për shëndetin?

Bëhet fjalë për një substancë që është e ndaluar në vendet evropiane dhe që është fosmati. Fosmati ka një efekt toksik shumë të rëndë. Ky efekt nuk është akut dhe mjeku nuk mund ta kuptojë menjëherë. E shohim tek një pacient me imunitet shumë të ulët. Kur përdorim këto substanca në kohë të gjatë, do të ndikojë dhe në rritjen e sëmundjeve psikike, që tashmë i kemi në rritje. Fosmati nuk duhet përdorur sepse ka efektin toksik të lartë dhe është afatgjatë.

Cilat janë shenjat që ka një person që konsumon fruta apo perime me toksina?

Një person nuk ka shenjë direkte përveç një fryrje barku, që është normale. Nuk ndodh menjëherë kur ha një apo dy mandarina, por kur i konsumon në kohë të gjatë. Një pacient do të ketë sindromë të zorrës së irrituar, do të ketë depresion, obezitet, sistem kardiak të dobësuar. Përdorimi në kohë të gjatë do të çojë në probleme të tilla.

A ka rrezik vdekshmërie nga konsumimi i këtyre substancave?

Risku është kronik. Të gjitha patologjitë që kemi sot në botë, vijnë nga konsumimi i këtyre substancave në kohë të gjatë. Por çfarë të bëjmë? Kur marrim perimet ose frutat, të marrim kripë ose sodë buke për të hequr një pjesë të këtyre substancave.

Pamela Genini, një modele 29-vjeçare dhe sipërmarrëse e re nga Strozza, u vra rreth orës 22:00 të së martës, më 14 tetor, në Milano.

Ajo u godit me thikë për vdekje në ballkonin e një apartamenti në katin e tretë në lagjen Gorla nga 52-vjeçari Gianluca Soncin, me të cilin kishte një lidhje jashtëmartesore.

Ky i fundit ndodhet në Spitalin Niguarda të Milanos, pasi u përpoq t’i jepte fund jetës duke goditur veten dy herë me thikë në fyt, pasi masakroi 29-vjeçaren.

Fqinjët e viktimës ishin dëshmitarë të vrasjes brutale.
Pamela Genini e ka kaluar jetën e saj mes Monte Karlos, Milanos dhe Dubait. Në internet, viktima e përshkroi veten si një “modele dhe sipërmarrëse e re”.

Së bashku me shoqen e saj Elisa Bortolotti, ajo kishte krijuar një linjë me bikini: “EP SheLux” shkruhet në faqen e internetit të markës.

Armando Broja shkëlqeu dje me Kombëtaren e Shqipërisë, ndërsa u luajt miqësorja ndaj Jordanisë. Silvinjo e aktivizoi në qendër të sulmit dhe Broja ia shpërbleu besimin gjatë pjesës së dytë.

Në harkun e 15 minuta, Broja fillimisht shënoi dhe më pas asistoi për Nedim Bajramin. Kështu edhe u vulos fitorja, ndërsa rezultatin përfundimtar ishte 4 me 2.

Bërnli ka reaguar me një postim të veçantë, që ia dedikon vetëm Brojës. “Një gol dhe asist për Armando Brojën në fitoren 4 me 2 të Shqipërisë kundër Jordanisë”, shkruan klubi i Premier Ligë.

Broja është në kërkim të golit në kampionatin anglez. Sfida e radhës për Bërnlin është në shtëpi ndaj Lids Junajtid.

Një ngjarje e rëndë ka ndodhur në Angli, ku dy persona janë gjetur të vdekur brenda një furgoni kampingu, pas pjesëmarrjes në një festival në parkun kombëtar, New Forest.

Mediat britanike shkruajnë se shërbimet e emergjencës dhe policia kanë njoftuar të dielën për një incident në rrugën Pound Lane në zonën Burley, ku u zbuluan trupat e pajetë të një gruaje 38-vjeçare dhe një burri 45-vjeçar, të dy me origjinë nga Blandford Forum, në Dorset.

Lidhur me ngjarjen tronditëse ka reaguar policia e Hampshire Constabulary, duke thënë:

“Rreth mesditës të së dielës, më 12 tetor, morëm njoftim nga Shërbimi i Ambulancës së Qendrës Jugore për vdekjen e papritur të dy personave brenda një furgoni të parkuar në Pound Lane, Burley. Oficerët mbërritën menjëherë në vendngjarje, ku të dy u shpallën të vdekur”.

Autoritetet kanë njoftuar familjarët e viktimave, ndërsa po përgatitet dosja për të përcaktuar shkakun e vdekjes.

Nga ana tjetër, një përfaqësues i kompanisë New Forest Cider konfirmoi se të ndjerët kishin marrë pjesë në festivalin e cidres artizanale që u mbajt gjatë fundjavës.

“Jemi thellësisht të tronditur nga kjo tragjedi. Mendimet dhe ngushëllimet tona janë me familjen dhe miqtë e tyre në këtë moment të vështirë”, thuhet në reagimin e kompanisë.

Hetimet për ngjarjen vijojnë, ndërsa deri tani nuk ka dyshime për rrethana kriminale.

Gjykata Civile e Astit në Itali ka njohur në një vendim të shkallës së parë që lidhte vaksinimin kundër COVID-19 me dëmtimin serioz neurologjik që e pengoi një grua 52-vjeçare të ecte.

Mediat italiane raportojnë se gruaja një javë pasi mori dozën e dytë të vaksinës kundër Covid, kishte patur “simptoma të rënda neurologjike’. Sot 52-vjeçarja nuk është më në gjendje të ecë dhe filloi të përjetojë simptomat e para pasi mori dy doza të vaksinës Pfizer-Biontech: e para më 4 prill 2021 dhe e dyta më 28.

Dhjetë muaj pas shtrimit të saj në spital, letra e saj e daljes përfshinte këtë fjali: “Një rol shkaktar i vaksinës nuk mund të përjashtohet”.

Gjykata emëroi dy konsulentë teknikë, Agostino Maiello dhe Stefano Zacà, të cilët përjashtuan sëmundjen e 52-vjeçarit si shkaktar dhe deklaruan se ” në terma probabilistikë , duke marrë parasysh të gjithë elementët e përshkruar në raportin e ekspertit, seria e vaksinimit në fjalë shkaktoi gjendjen e mielitit/poliradikuloneuritit”.

Sipas Gjykatës, intervali i shkurtër kohor nga vaksinimi deri në fillimin e simptomave ishte një faktor vendimtar në vendim. Vendimi, i lëshuar më 26 shtator, citon gjithashtu bazën e të dhënave të AIFA-s, e cila liston 593 raste të mielitit transversal të regjistruara pas vaksinimit deri në vitin 2022, 280 prej të cilave ishin të lidhura me vaksinat mRNA.

Elseid Hysaj shkruan historinë në futbollin shqiptar. Mbrojtësi 31-vjeçar është bërë zyrtarisht lojtari me më shumë paraqitje në historinë e Kombëtares, duke arritur shifrën rekord prej 94 ndeshjesh me fanellën kuqezi.

Hysaj u fut në fushë në minutën e 77-të të miqësores ndaj Jordanisë, në “Air Albania”, duke kaluar në librin e artë të rekordeve dhe duke lënë pas Lorik Canën, i cili mbante rekordin me 93 ndeshje.

Që nga debutimi i tij në vitin 2013, Hysaj ka qenë sinonim i stabilitetit dhe profesionalizmit në Kombëtare, pjesë e skuadrës që ka bërë histori në Euro 2016 dhe Euro 2024. Me përvojën, karakterin dhe përkushtimin e tij, ai është kthyer në një figurë simbol të brezit të artë të futbollit shqiptar.

Mbrëmja e rekordit u shoqërua edhe me një fitore spektakolare: Shqipëria 4-2 Jordania, në një miqësore që do të mbetet në kujtesën e tifozëve jo vetëm për golat, por për momentin historik të një lideri që nuk ndalet.