Policia e Tiranës ka vënë në pranga 43- vjeçaren Alma Bime, drejtoreshe e Emigracionit në Ministrisë së Brendshme.
Bime dyshohet se ka thyer masën e sigurisë “Arrest në shtëpi” si dhe ka tentuar t’i djegë automjetin ish-bashkëjetuesit.
“Specialistët për Hetimin e Krimeve të Komisariatit të Policisë Nr. 4., arrestuan shtetasen A. B., 43 vjeçe, pasi dyshohet se ka thyer masën e sigurisë “Arrest në shtëpi” si dhe ka tentuar t’i djegë automjetin ish-bashkëjetuesit;”, njofton policia.
Drejtoresha e Ministrisë së Brendshme u shoqërua ne dhjetor nën dyshimet për kanosjen e një të huaji përmes mesazheve dhe djegien e orendive shtëpiake të ish-bashkëjetuesit të saj, Mareglen Tomori.
Tomori raportohet se ka një vilë tre katëshe në rrugën “Hysen Xhura” në Kinostudio dhe prej disa kohësh kishte punësuar një të huaj me leje qëndrimi në Shqipëri që jetonte në katin e parë të vilës dhe kujdesej për kopshtin.
Sipas News 24, Bime është zënë me ish-bashkëjetuesin kohë më parë, dhe i ka djegur krevatin në vilë. Më pas është konfliktuar edhe me të huajin, të cilin e ka akuzuar për bashkëpunim me ish-bashkëjetuesin e saj dhe se do t’ia hiqte lejen e qëndrimit.
Denoncimi është bërë nga Tomori, i cili ka marrë dëshmitarë edhe punëtorin e huaj për të provuar mesazhet kërcënuese të Bimes ndaj tij.
Daniel, një turist nga Zelanda e Re, rezulton se ka humbur kontaktet me familjen prej më shumë se dy ditësh në malin Gamti të Krujës. Ai ka ardhur për të vizituar Shqipërinë dhe bukuritë natyrore të vendit tonë, por prej 48 orësh është zhdukur.
Vëllai i tij Christopher Hughes, ka publikuar një fotografi të Daniel dhe kërkon ndihmën e shqiptarëve, nëse mund ta kenë parë apo dinë diçka për të riun, raporton newsbomb.al.
“Vëllai im Daniel është zhdukur jashtë shtetit. Ai është shtetas i Zelandës së Re. Vendndodhja e fundit e njohur: Mali Gamti, Shqipëri më shumë se 48 orë më parë”, thuhet në mesazhin e publikuar në një llogari në “Facebook”, e cila ndan informacione për turistët në Shqipëri.
Vëllai i tij ka publikuar një fotografi të Daniel dhe kërkon ndihmën e shqiptarëve Mali i Gamtit (1268m) ndodhet në mes të malit të Krujës dhe malit të Brarit (maja e Priskës së Vogël).
Vitet e fundit ngjitja në këtë mal është kthyer në një itinerar mjaft tërheqës ku mund të shfrytëzohet ecja alpine dhe ngjitja mbi Gamt, në livadhet karakteristike me një panoramë të shkëlqyer nga të gjitha drejtimet.
Si itinerar ndiqet rruga deri tek liqeni i Bovillës dhe nga aty fillohet ecja, e cila në total shkon rreth 5 orë ngjitje-zbritje.
E ardhmja e Kristjan Asllanit duket gjithnjë e më larg Interit. Pas ndërprerjes së parakohshme të huazimit te Torino, klubi zikaltër është në kërkim të një zgjidhjeje të re për mesfushorin shqiptar, i cili nuk pritet të rikthehet në Milano për të qenë pjesë e projektit të skuadrës së parë.
Interi po punon për ta sistemuar Asllanin gjatë kësaj merkatoje, me synimin që lojtari të gjejë vazhdimësi dhe hapësira që nuk i ka pasur në muajt e fundit. Në këtë kontekst, Paris FC ka shfaqur interes konkret, duke kryer një sondazh për kushtet e një transferimi të mundshëm në këtë afat kalimtar.
Klubi francez, që synon të përforcohet në mesfushë, e sheh 21-vjeçarin si një profil interesant për të rritur cilësinë dhe konkurrencën në repartin qendror.
Për Asllanin, një kalim i tillë do të përfaqësonte një mundësi të rëndësishme për të rilançuar karrierën dhe për të fituar minutazh të rregullt, ndërsa për Interin do të ishte zgjidhja e duhur për një situatë që aktualisht mbetet e hapur.
Danimarka ka konfirmuar se një rregull ushtarak i vitit 1952 mbetet ende në fuqi dhe parashikon që trupat daneze të hapin zjarr menjëherë në rast të një pushtimi të huaj të territorit të saj, përfshirë edhe Groenlandën, pa pritur urdhra nga zinxhiri më i lartë komandues.
Lajmi është raportuar nga The Telegraph, duke cituar Ministrinë daneze të Mbrojtjes, e cila thekson se rregulli zbatohet ekskluzivisht në rast të një pushtimi ushtarak dhe jo për incidente diplomatike apo prani të zakonshme ushtarake.
Sipas këtij parimi, nëse trupa të huaja zbarkojnë në territor danez, ushtarët në terren kanë detyrimin ligjor të reagojnë menjëherë me forcë, pa pritur konfirmim apo udhëzime shtesë nga komanda qendrore. Doktrina përmblidhet qartë: “mbro fillimisht, heto më pas”.
Groenlanda në qendër të vëmendjes strategjike
Rikujtimi publik i këtij rregulli vjen në një kontekst të ndjeshëm gjeopolitik, ku Groenlanda ka marrë rëndësi të veçantë strategjike për shkak të pozicionit të saj në Arktik, burimeve natyrore dhe interesit në rritje të fuqive të mëdha, përfshirë Shtetet e Bashkuara.
Megjithëse Danimarka dhe SHBA-të janë aleate në kuadër të NATO-s, autoritetet daneze sqarojnë se ligji nuk bën përjashtime për aleatë, nëse skenari përfshin një pushtim të mirëfilltë ushtarak pa pëlqimin e Kopenhagenit.
Doktrinë e Luftës së Ftohtë, ende aktive
Rregulli daton nga periudha e Luftës së Ftohtë, kur frika nga një sulm i papritur e bënte të domosdoshme reagimin e menjëhershëm në terren.
Fakti që ai mbetet ende në fuqi tregon se Danimarka vazhdon ta konsiderojë sovranitetin territorial si një vijë të panegociueshme, pavarësisht ndryshimeve në arkitekturën e sigurisë globale.
Ministria e Mbrojtjes thekson se ky është një mekanizëm mbrojtës ekstrem, i projektuar për skenarë po aq ekstremë, dhe se politika zyrtare e Danimarkës mbetet bashkëpunimi dhe koordinimi me aleatët.
Megjithatë, mesazhi është i qartë: në rast pushtimi ushtarak, armët flasin para.
Teksa vendi është ‘pushtuar’ ditët e fundit nga moti i keq kryeministri Edi Rama, përmes një postimi në rrjetet sociale, shkruan se shoferët duhet të kenë kujdes të shtuar në rrugë.
Rama thotë se ARRSH po punon për të mbajtur akset rrugore të hapura e për të garantuar sigurinë e çdo qytetari
Në këto kushte të vështira moti, ekipet e Autoritetit Rrugor Shqiptar janë në terren pa ndërprerje, duke punuar ditë e natë për të mbajtur akset rrugore të hapura dhe për të garantuar sigurinë e çdo qytetari në lëvizje.
Drejtuesit e mjeteve të tregojnë kujdes të shtuar, të ulin shpejtësinë dhe të pajisen me goma dimërore dhe zinxhirë.
Fenomeni La Niña po dobësohet mbi Paqësorin ekuatorial, duke treguar se El Niño mund të afrohet gjatë verës 2026 dhe të konsolidohet deri në vjeshtë.
Ky ndryshim i sistemit klimatik ENSO ka ndikime globale, përfshirë Europën dhe Ballkanin. Sipas Severe Weather gjatë pjesës së parë të këtij viti ndikimi i La Niñës do të vazhdojë, duke sjellë temperatura më të buta dhe mot relativisht të qëndrueshëm në Europën Perëndimore dhe Qendrore.
Ndryshimi kryesor pritet vetëm në gjysmën e dytë të vitit. Të gjitha modelet sezonale pohojnë se La Niña do të përfundojë relativisht shpejt, dhe se fenomeni El Niño mund të fillojë që gjatë verës. Për Europën, El Niño zakonisht sjell ndryshime më të theksuara në qarkullimin mbi Atlantikun e Veriut.
Të dhënat historike tregojnë se dimrat e tij shpesh karakterizohen nga kushte të paqëndrueshme të motit, stuhi më të ashpra dhe kontraste më të mëdha temperaturash.
Një element veçanërisht i rëndësishëm është se gjatë dimrit me El Niño shpesh formohet një “korridor i ajrit të ftohtë”, që mund të shtrihet nga pjesa jugore e Mbretërisë së Bashkuar, përmes Europës Qendrore, deri në juglindje të kontinentit.
Dhe për Ballkanin, afrimi i tij nënkupton një dimër më të ashpër vitin që vjen me mundësi më të mëdha për borë në brendësi të vendit, ndryshime më të shpeshta midis periudhave më të ngrohta dhe më të ftohta, si dhe situata cikloni, më të theksuara mbi detin Adriatik, teksa stabiliteti i gjatë ka gjasë t`ia lërë vendin ndryshimeve të papritura të motit.
Një ngjarje e rëndë ka ndodhur në Itali. Një shqiptar ka humbur jetën, pasi është shtypur nga makineria e përpunimit të mbetjeve.
Viktima është Zevxhet Halili, 59 vjeç, i cili jetonte në bashkinë e Ospedaletto Euganeo. Ngjarja ndodhi në Ospedaletto Euganeo në “Sesa”, një kompani e shërbimeve mjedisore Este.
Mediat italiane shkruajnë se nuk dihet për momentin nëse ai ishte viktimë e një pakujdesie të parëndësishme, një sëmundje apo një makinë ku punonte kishte një prishje. Ky është aksidenti i dytë fatal që nga fillimi i vitit në provincën e Padovës.
Shtetasi shqiptar, nga një rikonstruksion fillestar i kryer nga karabinierët e stacionit Este dhe nga teknikët e Spisal, ishte punonjës i Sesa, kompanisë së shërbimeve mjedisore Este.
Papritur, gjatë disa punëve të mirëmbajtjes, ai u shtyp brenda një shtypësi. Një skenë e tmerrshme që ndodhi para syve të kolegëve të shumtë që ngritën menjëherë alarmin.
Pas pak minutash punonjësit shëndetësorë Suem 118 mbërritën në Ospedaletto Euganeo. Përpjekjet për të ringjallur 59-vjeçarin që vdiq praktikisht në vend ishin të padobishme.
Prokurori i Prokurorisë Publike të Rovigo u vu në dijeni të aferës. Është sekuestruar zona ku ka ndodhur aksidenti, ndërsa trupi është transportuar në institutin e mjekësisë ligjore në dispozicion të autoriteteve gjyqësore.
I ftuar në Euronews Albania, në emisionin Balkan Talks me Franko Egron, ishte profesori Enver Bytyçi, i cili tha se Shtetet e Bashkuara të Amerikës nuk kanë qëndruar pa qëllim jashtë dialogut mes Kosovës dhe Serbisë, duke theksuar se roli i tyre ka qenë i pranishëm, por i deleguar te autoritetet e Brukselit.
Sipas tij, përgjegjësia dhe aktiviteti i këtij dialogu janë mbuluar nga autoritetet e Brukselit dhe jo nga Uashingtoni, ndërsa qëndrimi i SHBA-ve jashtë procesit do të sillte një moment në të cilin ato do të deklaronin qartë pozicionin dhe interesat e tyre jetike në Kosovë, duke çuar edhe në mënjanimin e një dialogu tashmë të përfunduar, pasi SHBA-të besojnë se procesi ka marrë fund që në Vjenë, me përcaktimin e statusit të Kosovës.
“SHBA kanë qëndruar jo pa qëllim jashtë dialogut mes Kosovës dhe Serbisë. Ata kanë qenë prezent, por përgjegjësia dhe aktiviteti i këtij dialogu është mbuluar nga autoritetet e Brukselit dhe jo Uashingtonit. Qëndrimi jashtë këtij dialogu do të sillte një moment ku SHBA-të do të deklaronin pozitën e tyre dhe interesat e tyre jetikë në Kosovë, dhe për pasojë edhe mënjanimin e dialogut tashmë të përfunduar, sepse SHBA-të besojnë se dialogu ka përfunduar në Vjenë për statusin e Kosovës.
Me lëshimet që janë bërë në Vjenë, lëshime kushtetuese për pozitën e minoritetit serb dhe minoriteteve të tjera në Kosovë. Janë lëshime që nuk i ka bërë asnjë vend tjetër evropian dhe demokratik. Ato lëshime do të mbeten në fuqi sepse kushtetuta nuk mund të ndryshohet pa 2/3 e pakicave. SHBA-të mendojnë se janë kundër çdo lëshimi tjetër përveç atyre çfarë përcakton kushtetuta e Kosovës.
Rekomandime dhe disa rregullime mund të bëhen, por pa cënuar sovranitetin, integritetin territorial dhe kushtetutën e Kosovës. Në këtë aspekt, është një hap pozitiv, por edhe një hap madhor në funksionimin e shtetit dhe në zhvillimin e shtetit të Kosovës. Problemi që qëndron është njohja reciproke e të dyja vendeve, kjo do të ndodhë sepse SHBA-të kanë përshpejtuar hapat për të vendosur autoritetin e tyre në disa vende, të cilat kanë qenë satelite të Rusisë edhe të Kinës.
Vendosja e autoritetit tek Venezuela, Siria, Irani dhe vende të tjera ka dërguar mesazhe të qarta dhe SHBA-të janë përpara një riformatimi të rendit botëror, e cila do të thotë që duhet të jesh real. Edhe ky dokument i SHBA-ve për Kosovën bëhet në këtë kuadër, që do të thotë se edhe Kosova, ashtu si vendet e tjera, është në interes të SHBA-së dhe do të jetë pjesë e ardhshme e rendit botëror”,u shpreh profesori.
“Kush qëndron realisht pas Lidl, le ta zbulojnë gazetarët. Kjo skemë duhet ndalur,” u shpreh ish-zëvendëskryeministri Arben Ahmetaj, teksa ngriti publikisht shqetësime lidhur me projektin e terminalit doganor të Lidl në Shqipëri, duke e cilësuar atë si një rast që kërkon hetim të thelluar publik dhe institucional mbi mënyrën e zbatimit të ligjit për investimet strategjike.
Duke i qëndruar pyetjes së Ahmetajt rezulton se “Lidl Shqipëria” SH.P.K. ka qenë duke operuar më herët nën emrin “LVM Real Estate Investments”, me administrator Ermir Bajramin dhe Gzim Sylën.
Ermir Bajrami është prej vitit 2022, zëvendës president i ‘Lidl Kosova’ dhe ‘Lidl Albania’ dhe anëtar bordi në Lidl International. Më herët nga viti 2019-2021, Bajrami ka qenë Drejtor i Operacioneve të Shitjeve në Lidl Zvicër. Ndërsa Gzim Syla rezulton Drejtor i Financave dhe Administratës të Lidl Kosova SH.P.K.
Kalimi i “LVM Real Estate Investments” në “Lidl Shqipëria” SH.P.K. është shoqëruar edhe me ndryshime në poste, ku brenda një periudhe 3-vjeçare, administratorët kanë ndryshuar disa herë. Referuar dokumentit të publikuar nag Ministria e Ekonomisë, Kulturës dhe dhe Inovacionit në lidhje me historikun e regjistrit të pronarit përfitues, rezulton se ‘LVM Real Estate Investments’ u bë ‘Lidl Shqipëria’ në shkurt të vitit 2023.
Asakohe pati ndryshime në drejtim, ku nga Boris Lozic dhe Dalibor Bosnjak, të cilët ishin administratorë, në vend të tyre u vendosën ‘NIKOLAOS Dr. iur. ATHANASIADIS, MBA, PRZEMYSLAW ROBERT PAKULA, Adriatik Dedej, Dragos Ionescu, Marc. Dy vite më vonë në mars të vitit 2025, ‘Lidl’ kaloi në administrim të Ermir Bajramit dhe Gzim Sylës. Në po të njejtën periudhë pati një sërë ndryshimesh në pronarët indirektë dhe në përqindjen e pronësisë.
Në intervistën për “Çim Peka Live”, Ahmetaj deklaroi gjithashtu se kompania “Lidl” ka marrë një koncesion për një terminal doganor me ekskluzivitet 35-vjeçar, me të drejtë rinovimi për 35 të tjerë edhe pse porti i ri ende nuk është ndërtuar. Ahmetaj theksoi se kjo ka sjellë shpronësime masive të pronarëve privatë, jo në funksion të një interesi të gjerë publik, por në favor të drejtpërdrejtë të një subjekti privat, çka sipas tij duhet të jetë objekt hetimi. Ahmetaj deklaroi se shpronësimet janë kryer praktikisht për llogari të Lidl, duke vënë seriozisht në dyshim konceptin e “interesit publik” që përdoret për të justifikuar ndërhyrjen e shtetit.
Por çfarë thotë statusi “Investim/Investitor Strategjik Procedurë e Veçantë”
Komiteti i Investimeve Strategjike në mbledhjen e datës 10 prill 2025 miratoi dhënien e statusit investitor strategjik për “LIDL – Shqipëria Qendër Logjistike” me subjekt “Lidl Shqipëria” sh.p.k. Projekti i investimit strategjik parashikon realizimin e investimit mbi 105 milionë Euro. Ai do të zhvillohet brenda gjurmës së Projektit të Ri Tregtar të Integruar të Durrësit me Zhvillues Autoritetin Portual Durrës, sipas Vendimit të KKTKU me nr. 09, datë 27.07.2022. Investimi synon të zhvillohet në një sipërfaqe totale prej 200 mijë m2, e cila ndodhet pranë zonës logjistike portuale në Porto Romano, Durrës.
Lidl është një zinxhir ndërkombëtar gjerman i shitjeve me pakicë me zbritje, me mbi 12,000 dyqane, të pranishme në çdo shtet anëtar të Bashkimit Evropian, Serbi, Zvicër, Mbretërinë e Bashkuar dhe Shtetet e Bashkuara. Aktualisht Lidl numëron mbi 376 mijë të punësuar në të gjithë botën dhe vitin e kaluar realizoi një xhiro prej 125.5 miliardë dollarësh.
Teksa ardhja e ‘Lidl’ ka ngritur dyshime dhe thashetheme mbi aktorët që qëndrojnë realisht pas tij, deri tani emrat e lartë përmendur janë ata të cilët u takon administrimi./Zëri.al
Lëkundjet patën një fuqi me magnitudë 6.8 ballë të Shkallës Rihter.
Autoritetet thanë se tërmeti goditi brigjet e kompleksit ishujsh Talaun dhe kishte një thellësi fokale prej 77 kilometrash.
Qendra Gjermane e Kërkimeve për Gjeoshkencat (GFZ) konfirmoi forcën e lëkundjeve, ndërsa ende nuk ka informacione për dëmet e shkaktuara dhe për të lënduar.
Por ka pasur panik të madh të qytetarëve për shkak të rrezikun nga një tsunami.
