Author: admin

Administrata Trump thuhet se po shqyrton mundësinë për t’u paguar banorëve të Groenlandës deri në 100.000 dollarë për person, në një përpjekje për t’i bindur ata të shkëputen nga Danimarka dhe të bashkohen me Shtetet e Bashkuara, sipas burimeve të cituara nga Reuters.

Edhe pse detajet rreth planit specifik nuk janë konfirmuar, zyrtarët amerikanë, përfshirë disa në Shtëpinë e Bardhë, kanë përmendur shuma që variojnë nga 10,000 deri në 100,000 dollarë për banor.

Më herët këtë javë, Sekretari i Shtetit i SHBA-së, Marco Rubio, përjashtoi mundësinë e përdorimit të forcës ushtarake për të pushtuar ishullin, duke theksuar se Uashingtoni do të preferonte të blinte këtë territor danez jashtë shtetit.

Megjithatë, kjo ide e veçantë mund të konsiderohet shumë “transaksionale”, madje poshtëruese, për një popull që ka kohë që diskuton pavarësinë e tij nga Danimarka.

“Mjaft më… Mjaft me fantazitë e aneksimit”, shkroi Kryeministri i Groenlandës në një postim të dielën, duke iu përgjigjur deklaratave të reja të Trump në lidhje me “blerjen” e ishullit nga SHBA-të.

Ndërsa sondazhet tregojnë se shumica dërrmuese e banorëve të Groenlandës janë në favor të pavarësisë, shqetësimet në lidhje me kostot ekonomike të shkëputjes nga Danimarka – ndër të tjera – i kanë penguar shumicën e deputetëve të Groenlandës të bëjnë thirrje për një referendum mbi pavarësinë.

Sondazhet tregojnë gjithashtu se shumica e banorëve të Groenlandës, ndërsa janë të hapur për shkëputje nga Danimarka, nuk dëshirojnë të bashkohen me Shtetet e Bashkuara.

Dashi

Ju pret një ditë e lodhshme, sidomos nga pikëpamja sentimentale. Momentalisht situata nuk paraqitet e qetë, madje mund të jetoni në dy histori paralele.

Demi

Mundohuni që të mos lodheni shumë dhe mos bëni më shumë se gjërat e domosdoshme. Dashuria do të jetë mjaft e favorshme, ku do të keni bashkëpunim. Në punë do të ketë ndryshime, ku disa prej tyre mund të kenë nisur tashmë.

Binjakët

Në sferën sentimentale duhet qartësi dhe sinqeritet i plotë. Ndërsa në punë mund të merrni propozime të papritura, të cilat nuk duhet ti injoroni.

Gaforrja

Nëse jeni përballur me shpenzime të tepërta, tashmë do ta gjeni veten duke debatuar me partnerin/en. Pavarësisht kësaj Hëna është në shenjën tuaj. Në këtë periudhë do të ndiheni disi të lodhur dhe nervoz. Mundohuni që të qetësoheni.

Luani

Nëse jeni vetëm, me gjasë nuk jeni në kërkim të lidhjeve apo angazhimeve të reja. Në raportet në çift mund të ketë grindje, të cilat duhen menaxhuar me kujdes.

Virgjëresha

Dashuria do të jetë disi problematike, ku do të jeni mjaft kërkues gjë që do të shkaktojë debate të forta. Ky është momenti i duhur për të çuar përpara disa çështje profesionale.

Peshorja

Hëna do të ketë ndikim të kundërt, ku tashmë duhet të rrini sa më larg debateve. Mos bëni gjëra vetëm për të kënaqur të tjerët. Në punë do të përballeni me dyshime, pasi nuk do dini si të veproni.

Akrepi

Dashuria më në fund do të shënojë përmirësim, në sajë të ndikimit të favorshëm të Hënës. Në punë ka nevojë për durim, veç mundohuni që të mos mendoni vetëm për anën ekonomike.

Shigjetari

Mundohuni që të rrini larg debateve. Kjo e mërkurë nuk do të jetë e favorshme sa i takon raportit sentimental, sidomos për ata që janë të dyjëzuar në dy lidhje, shkruan noa.al. Në punë, do të ketë përmirësim.

Bricjapi

Mbrëmja do të jetë nën ritmin e duhur. Në dashuri Hëna do të ketë ndikim të kundërt, ku nuk përjashtohen debatet. Në punë do të ketë të reja të rëndësishme. Propozimet që do të merrni duhen analizuar me kujdes.

Ujori

Ju pret një ditë e tensionuar. Mirëpo pavarësisht kësaj në dashuri mund të ketë një ndjenjë të rëndësishme. Bëni kujdes ndaj debateve, pasi gjatë kësaj të enjteje do të jeni shumë konfliktual, por nuk është e thënë që keni të drejtë. Puna ju streson dhe jeni të lodhur.

Peshqit

Puna do të jetë mjaft stresuese, duke mos ju lënë të qetë. Nga ana tjetër keni dëshirë për të dashuruar, por Venusi ju krijon probleme. Në punë mund të keni probleme me eprorin.

Eksperti i sigurisë Dritan Goxhaj ka folur mbi operacionin amerikan në Venezuelë, duke hedhur dritë mbi mënyrën se si, sipas tij, u realizua kapja e presidentit Nicolás Maduro. I ftuar në emisionin “Oponencë” në News24, Goxhaj theksoi se çelësi i operacionit lidhet drejtpërdrejt me strukturat e sigurisë së brendshme të Venezuelës.

Sipas Goxhajt, Venezuela ka dy shërbime sekrete, një civil dhe një ushtarak sekret, të dyja nën varësinë e zv/presidentit. “Nëse blen këto dy struktura, pjesa tjetër është teatër,” u shpreh ai, duke lënë të kuptohet se operacioni u bë i mundur përmes bashkëpunimit të elementëve të brendshëm dhe jo vetëm nga forca të jashtme.

Ai foli edhe për rolin e Kubës në sigurinë e Maduros, duke përmendur deklaratën e qeverisë kubane, sipas së cilës 32 kubanezë që ruanin presidentin venezuelian u vranë gjatë ngjarjeve. Goxhaj theksoi se, sipas kubanezëve, këta persona nuk u vranë nga amerikanët, por nga vetë venezuelasit.

Eksperti i sigurisë e përshkroi skenarin si një veprim të koordinuar nga brenda. “Ata që u paguan hoqën barrierën dhe më pas morën këtë ‘pakon’ dhe i thanë: hajdeni merreni,” tha Goxhaj, duke e cilësuar këtë si momentin vendimtar të operacionit.

Sipas tij, nga pikëpamja ushtarake, operacioni ishte i përsosur. “Kjo është detyra: të penetrosh në zemër të armikut dhe të gjesh çdo mënyrë për të arritur qëllimin,” u shpreh ai.

Bota e rrjeteve sociale është tronditur nga lajmi i ndarjes nga jeta të influencueses italiane Yulia Burtseva, e cila ka ndërruar jetë në moshën 38-vjeçare pas disa ndërhyrjeve kirurgjikale estetike të kryera në Moskë.

Lajmi është bërë i ditur nga media të huaja dhe ka rikthyer vëmendjen publike mbi rreziqet që shoqërojnë operacionet plastike, veçanërisht kur ato kryhen jashtë vendit të origjinës.

Sipas burimeve paraprake, Burtseva kishte udhëtuar drejt Rusisë për të kryer disa procedura estetike. Pas ndërhyrjes, gjendja e saj shëndetësore u përkeqësua ndjeshëm për shkak të komplikacioneve post-operatore. Pavarësisht përpjekjeve të stafit mjekësor për ta stabilizuar, ajo nuk arriti t’u mbijetonte pasojave dhe ndërroi jetë pak kohë më vonë.

Ngjarja ka shkaktuar reagime të shumta në rrjetet sociale, ku ndjekësit e saj kanë shprehur trishtimin dhe ngushëllimet për familjen.

Yulia Burtseva ishte e njohur për përmbajtjet e saj mbi modën, udhëtimet dhe stilin e jetesës, duke ndërtuar një komunitet të gjerë ndjekësish, kryesisht në Itali. Ndarja e saj e parakohshme ka lënë pas dhimbje të madhe te familjarët, miqtë dhe fansat që e ndiqnin çdo ditë në platformat sociale.

Ndërhyrja ushtarake e Presidentit amerikan Donald Trump në Venezuelë ka përmbysur brenda pak orësh një marrëdhënie që Kina kishte ndërtuar për dekada me Karakasin, duke futur Pekinin në një situatë pasigurie strategjike dhe diplomatike.

Vetëm pak orë para arrestimit të tij gjatë një operacioni të natës, Nicolás Maduro e kishte quajtur presidentin kinez Xi Jinping “vëlla më të madh” dhe “udhëheqës me mesazh të fuqishëm për botën”, në një takim me diplomatë të lartë kinezë. Pamjet propagandistike të mediave shtetërore kineze u zëvendësuan shpejt nga imazhe të Madurós i prangosur në një anije ushtarake amerikane.

Pekini reagoi ashpër, duke dënuar veprimin e SHBA-së si shkelje të sovranitetit dhe të së drejtës ndërkombëtare, por përtej deklaratave publike, Kina po llogarit me kujdes pasojat reale: si të ruajë interesat e saj në Amerikën Latine, pa përshkallëzuar një përplasje të drejtpërdrejtë me një Trump gjithnjë e më të paparashikueshëm.

Kina ka investuar mbi 100 miliardë dollarë në Venezuelë që nga viti 2000, kryesisht në këmbim të naftës.

Rreth 80% e naftës venezuelase përfundon në Kinë, megjithëse kjo përbën vetëm rreth 4% të importeve totale kineze. Megjithatë, asetet e kompanive kineze si CNPC dhe Sinopec tani rrezikojnë të margjinalizohen ose të preken nga kaosi politik dhe presioni amerikan.

Operacioni amerikan ka thelluar dyshimet e Pekinit mbi qëllimet e vërteta të SHBA-ve. Deklarata e Sekretarit të Shtetit Marco Rubio se “hemisfera perëndimore nuk do të lejohet të shërbejë si bazë për rivalët e SHBA-ve” u lexua në Pekin si një mesazh i drejtpërdrejtë: Kina duhet të tërhiqet nga “oborri i pasmë” i Washingtonit.

Megjithëse disa nacionalistë kinezë kanë spekuluar nëse precedenti venezuelas mund të aplikohet ndaj Tajvanit, analistët vlerësojnë se Pekini nuk e sheh këtë si një model të drejtpërdrejtë. Kina vazhdon të ndjekë strategjinë e presionit gradual ndaj Tajvanit, jo ndërhyrje të menjëhershme ushtarake.

Sfida më e madhe për Kinën është se kaosi në Venezuelë rrezikon strategjinë e saj afatgjatë për të fituar zemrat e “Jugut Global” – vende që e shohin Pekinin si një partner të qëndrueshëm, në kontrast me një SHBA gjithnjë e më impulsive. Frika është se shtetet e Amerikës Latine mund të hezitojnë të thellojnë bashkëpunimin me Kinën, nga shqetësimi se do të tërheqin vëmendjen e padëshiruar të Washingtonit.

Në fund, ndërhyrja e Trump shihet si një bast i madh gjeopolitik. Për Kinën, e cila tradicionalisht shmang rrezikun dhe preferon lojën afatgjatë, kjo është një situatë e padëshiruar, e mbushur me pasiguri dhe pasoja potencialisht të gjera për ekuilibrat globalë./BBC

Një incident tragjik ka ndodhur në Minneapolis të SHBA-ve, ku një oficer i Shërbimit për Kontrollin e Imigracionit dhe Doganave (ICE) ka qëlluar për vdekje një grua.

Policia lokale dhe zyrtarët federalë po hetojnë ngjarjen, ndërsa tensionet në qytet mbeten të larta.

Shefi i Policisë së Minneapolis, Brian O’Hara, tha se “e prisnin që një incident i tillë mund të ndodhte” dhe paralajmëroi për mundësinë e përshkallëzimit të situatës pas ngjarjes. Ai u bëri thirrje qytetarëve të protestojnë paqësisht dhe të respektojnë ligjin, duke shtuar se e kupton zemërimin e tyre.

Kryebashkiaku Frey, gjithashtu kërkoi që qytetarët të protestojnë në mënyrë paqësore. “Nëse jeni të zemëruar, unë jam gjithashtu. Le të marshojmë, të protestojmë dhe të përqafojmë njëri-tjetrin”, tha ai.

Sipas zyrtarëve të Sigurisë Kombëtare, përfshirë Sekretaren e Homeland Security, Kristi Noem, oficerët e ICE po zbatonin një urdhër federal, kur automjetet e tyre u bllokuan nga bora.

“Gruaja u përpoq të largonte automjetet e tyre, duke i përplasur, duke rrezikuar jetën e oficerëve dhe qytetarëve të tjerë. Për të mbrojtur veten dhe të tjerët, oficerët reaguan dhe qëlluan ndaj saj”, tha ajo. Sekretarja Noem e përshkroi incidentin si një akt të mundshëm “terrorizmi të brendshëm” dhe konfirmoi se mbi 2,000 agjentë shtesë janë dërguar në qytet për të siguruar rendin dhe mbrojtjen e oficerëve.

Shefi e policisë O’Hara tha se gruaja ishte ulur me automjet në Portland Avenue, duke bllokuar rrugën. Kur një oficer federal u afrua në përpjekje për ta larguar, ajo tentoi të përplaste automjetin ndaj tij dhe njerëzve përreth. Oficeri qëlloi të paktën dy herë drejt viktimës, duke dëmtuar automjetin. Gruaja u transportua menjëherë në spital, ku më pas u deklarua e vdekur.

Kryetari i bashkisë Frey bëri thirrje për unitet dhe kërkoi që qytetarët të mos provokohen nga veprimet e administratës Trump. Ai theksoi se prania e agjentëve të ICE po shkakton kaos dhe humbje jete dhe u bëri thirrje qytetarëve të tregojnë “trimëri, dashuri dhe mëshirë”.

Hetimi i incidentit tashmë është kaluar te FBI-ja dhe Byroja e Krimeve të Minnesota-s, për një hetim të mëtejshëm.

Galeria fotografike (

1 / 2

)

VLORË – Reshjet e dendura të shiut që kanë përfshirë qytetin e Vlorës dhe rrethinat gjatë orëve të fundit kanë krijuar situata problematike, duke sjellë në terren strukturat më të larta të emergjencave civile. Ministri i Mbrojtjes, Piro Vengu, ka zbritur personalisht në qytetin bregdetar për të monitoruar nga afër situatën dhe për të koordinuar ndërhyrjet e ushtrisë dhe pushtetit vendor.

Gjatë inspektimit në zonat më të prekura nga vërshimi i ujit, Ministri Vengu dha garanci të forta për të gjithë banorët që kanë pësuar dëme materiale. Ai bëri të qartë se qeveria ka të gjithë mekanizmat e nevojshëm financiarë për të përballuar pasojat e kësaj situate.

Dëmshpërblim i plotë për banesat dhe blegtorinë Ministri theksoi se procesi i vlerësimit të dëmeve do të nisë menjëherë sapo situata të stabilizohet dhe grupet e punës të kenë akses të plotë në çdo banesë. Ai specifikoi se dëmshpërblimi nuk do të kufizohet vetëm tek infrastruktura e shtëpive, por do të mbulojë edhe humbjet në blegtori, një zë i rëndësishëm për ekonominë e zonave rurale të Vlorës.

“Grupet e bashkisë dhe emergjencës do të ndërhyjnë dhe do të kompensojnë për shtëpitë, blegtorinë dhe bagëtinë, çka është një detyrim ligjor, dhe instrumentet financiarë janë të gatshëm,” deklaroi Vengu për mediat.

Pa përjashtime në ndihmë Një mesazh i rëndësishëm i Ministrit ishte gjithëpërfshirja në procesin e kompensimit. Ai siguroi qytetarët se nuk do të ketë burokraci të tepërta apo përjashtime selektive, por çdo dëm i evidentuar dhe i verifikuar nga grupet e terrenit do të rimbursohet sipas ligjit në fuqi.

“Nuk ka arsye për të bërë përjashtime,” shtoi ai, duke nënvizuar se fondet janë të disponueshme dhe strukturat shtetërore janë në gatishmëri të plotë për t’iu gjendur pranë qytetarëve në këto momente të vështira.

Aktualisht, ekipet e emergjencave civile dhe ato të Bashkisë Vlorë po punojnë me pompa thithëse për largimin e ujit nga banesat dhe rrugët, ndërsa monitorimi i situatës hidrike vijon me intensitet të lartë

I ftuar në një emision televiziv, gazetari Basir Çollaku paralajmëroi se rënia e kryeministrit Edi Rama është tashmë e pashmangshme dhe se drejtësia ka hyrë në fazën vendimtare të veprimit.

Sipas tij, dosjet e mëdha të korrupsionit dhe krimit të organizuar, të mbajtura të fjetura për vite me radhë, janë rihapur dhe ndodhen tashmë në duart e Prokurorisë së Posaçme, me mbështetje dhe vëmendje të drejtpërdrejtë nga partnerët ndërkombëtarë, përfshirë Shtetet e Bashkuara të Amerikës.

Çollaku deklaroi se kryeministri Rama pritet të thirret për t’u rrëfyer në SPAK që në muajin janar, ndërsa një valë hetimesh po afron edhe ndaj një sërë ministrash dhe zyrtarësh të lartë të qeverisë.

Ai foli për një sistem të strukturuar kriminal dhe elektoral, ku politikanë, ministra, deputetë, gjyqtarë, prokurorë, oficerë policie dhe biznesmenë funksionojnë si shtabe elektorale të lidhura me trafikun e drogës dhe pastrimin e parave, duke ndarë pushtet, pasuri dhe investime brenda dhe jashtë vendit.

Sipas Çollakut, paniku në majat e pushtetit është i dukshëm, pasi “magazina e informacionit” që i implikon këta emra nuk ndodhet më vetëm në Evropë, por edhe në duart e autoriteteve amerikane.

Pjesë nga deklarata:

Kishin aq garanci. Tani nuk e besojnë; tani kanë frikë. Tani janë duke u trembur, janë në panik. Të gjithë ata që janë zbuluar e dinë se çfarë kanë bërë dhe e dinë se këtë magazinë informative nuk e kanë vetëm evropianët, partnerët, por e kanë edhe amerikanët, të cilët e kanë marrë në nëntorin e vitit të shkuar. E dinë shumë mirë se kush janë pushtetarët.

Dhe kur vijmë ne këtu: gjykatë, prokurorë, ka gjyqtarë, ka oficerë policie, ka deputetë, ka ministra, ka bashkiakë, ka gazetarë, ka biznesmenë. Këta janë, përveçse grupe kriminale të përbashkëta, janë edhe grupe elektorale. Këta janë shtabe elektorale. Këta janë përgjegjës për qarqe të caktuara, për mandatet e fituara, që ia çojnë zotërisë që do të jetë i pandehur së shpejti, pra kryeministrit të vendit, dhe pastaj ndajnë plaçkën, ndajnë pasurinë, ndajnë zonat, ndajnë investimet dhe ndërtimet. Këto para të pastruara në Shqipëri i riinvestojnë edhe jashtë vendit, në Evropë dhe në Shtetet e Bashkuara të Amerikës.

Kjo gjurmë paralele, ne kishim jo më larg se para një muaji. Media Follow The Money u shpreh se ishte e shqetësuar. Ne kemi aksesuar dokumente zyrtare, ku Taulant Balla flet me trafikantët e drogës. Dhe gjithashtu, po, me referencën e tyre të dokumenteve zyrtare, ku Olsi Rama kuvendon, udhëzon, qëndron, vepron me trafikantët e drogës. Pra, jemi në këto nivele: trafik droge, vëllai, kryetari i grupit parlamentar, ministra. Kush duhet të jetë në këtë lëmë?

Dosjet që kanë katër vite, pesë vite që qëndrojnë aty, pak nga ngurrimi, pak nga trishtimi, pak nga pafuqia për t’i nënshkruar, tani janë pa pluhur. Tani janë nëpër duar veprimesh. Përmenda Venezuelën. Aruba është 30 km afër Venezuelës, aty ku u zhvillua samiti i kokainës me qeveritarë shqiptarë dhe trafikantë droge. Dhe ky samit kokaine ishte ndarje pasurie, ndarje investimesh për Shqipërinë, sepse nuk dimë me çfarë tagri shkonin zyrtarët e qeverisë shqiptare në atë takim. Janë me emra.

Si e mori ai Tahiri 400 mijë euro ministri shqiptar atje, dhuratë? Është në dosjen Black Eagle, e cila është në apel në Bruksel dhe po shqyrtohet. Dhe janë shumë të tilla atje, që nga salla e gjyqit dhe nga shkrimet që dalin, por edhe nga komunikimet që kemi me kolegë, me miq e të tjerë.

Unë po them: vetëm në dy-tre dosje janë rreth 10 miliardë euro që qarkullojnë. Dhe prokurorët dhe njerëzit e drejtësisë që janë në proces, vetëm në dy qëndrime që kanë mbajtur, kanë theksuar se janë shumë të alarmuar, sepse vetëm te njëra janë 3 miliardë euro të investuara në Tiranë. Në një dosje. Gjysma e buxhetit iku.

Tani këtu, Rama kur shkon atje te ata zotërinjtë, se me biletë pa laps është, aty e pret inceneratori, aty e pret Çarli. A i di që një politikan i paguan, pra sipas pretendimeve të akuzës, 8 milionë euro lobim? Vetëm një politikan shqiptar, te Çarli. Janë rreth 40 milionë euro gjoba biznesmenëve, politikanëve, prokurorëve, gjyqtarëve. Se ka edhe në Kosovë, Maqedoni. Shifra shkon në rritje.

Ka spiunë kinezë, rusë; çfarë kanë marrë? Kanë marrë biznese në Shqipëri: naftë, rindërtim, koncesione, çdo lloj shërbimi. Pra, është një lloj çorbe, e cila dihet çfarë është, dihet se kush e ka bërë, por nuk ka marrë ndëshkimin dhe nuk ka dhënë llogari.

Atëherë e pret inceneratori, e pret aksi Thumanë–Kashar, ku ne njohim 5% të historisë se çfarë ka ndodhur. Vetëm 5%. Ajo zyrë aty ishte bërë një kuplara që… e ka nëpër duar. E ka nëpër duar dhe SPAK-u e ka seriozitetin amerikan të pranishëm.

Pa bërë profetin dhe pa nxjerrë fall, unë them që ai ka rënë; pyetja është kur do ta marrim vesh ne. Dhe unë i qëndroj asaj që kam deklaruar dhe do ta përsëris sërish, janari do ta gjejë Ramën duke u rrëfyer në strukturën e posaçme.

Në shkurt do të ndodhë ajo që nis në janar. Pra, ata do t’i bien në shkurt, në janar. Nuk është vetëm Rama. Ngarkesa, siç thatë me të drejtë, është shumë e madhe. Ata janë 20 prokurorë dhe 60 oficerë të BKH-së, me një ngarkesë ekstreme. Dy operacionet e fundit nuk kanë përfshirë Policinë e Shtetit; i kanë bërë vetëm agjentët. Kjo është edhe për arsye sigurie, besueshmërie dhe mosdekonspirimi, që herë të tjera ka çaluar.

Por ke të paktën gjashtë-shtatë ministra që i kanë dosjet gati. Taulant Ballën mund ta arrestosh që javën tjetër, nëse ata kanë kohë të merren me dosjen, sepse e kanë bërë me radhë: Rama, Balluku, pastaj i vjen radha mbrapa. Balla, Xhaçka, Gjiknuri, Mazniku, Gonxhja, Spiropali, që i shkon bashkëshorti te SPAK-u. Sepse personat e lidhur duhet të rrëfehen.

Unë nuk gjej dot aktualisht një ministër: Peleshi, historia e inceneratorëve, ka edhe disa shpjegime për të dhënë. Nuk po gjej dot një nga oborri i Ramës që nuk e ka taksinë e SPAK-ut te dera. I thashë njërit: “Ore, kur t’i bjerë dera komshiut, dil jashtë se mos janë për ty.” Se këta të BKH-së edhe mund ta kenë lënë GPS-in nja pesë metra gabim.

Vijon operacioni policor i koduar “Stolen line”, kundër trafikimit në Shqipëri, të automjeteve luksoze të vjedhura jashtë shtetit.

Shkon 5 numri i automjeteve të sekuestruara që nga nisja e operacionit.

Sekuestrohet 1 automjet tip “BMW M-8”, me vlerë rreth 140 000 euro, i dyshuar i vjedhur në Gjermani.

Procedohet penalisht blerësi i automjetit të trafikuar, njëkohësisht drejtues i tij, në momentin e ndalimit në Vorë.

Identifikohet dhe shpallet shtetasi kosovar që dyshohet se ka trafikuar këtë automjet, në Shqipëri.

Si rezultat i punës hetimore, të kryer në kuadër të operacionit “Stolen line”, me objektiv goditjen e rasteve të trafikimit në Shqipëri, të automjeteve luksoze, të vjedhura jashtë shtetit, specialistët e Seksionit për Hetimin e Trafiqeve të Paligjshme konstatuan një tjetër rast në këtë fushë.

Në vijim të veprimeve procedurale u sekuestrua 1 automjet tip “BMW M-8”, me vlerë rreth 140 000 euro, i cili nga verifikimet rezultoi i vjedhur në Gjermani.

Në lidhje me këtë rast u identifikua dhe u shpall në kërkim shtetasi që dyshohet se ka sjellë automjetin në Shqipëri, me qëllim shitjen, F. H., 42 vjeç (shtetas kosovar), si dhe u procedua penalisht blerësi i automjetit (njëkohësisht drejtues i automjetit, në momentin e ndalimit), shtetasi E. D., 39 vjeç.

Punohet për kapjen e 42-vjeçarit.

Materialet procedurale iu referuan Prokurorisë së Tiranë, për veprime të mëtejshme, për veprën penale “Trafikimi i mjeteve motorike”.

Administrata e Donald Trump ka konfirmuar se Nicolás Maduro dhe bashkëshortja e tij, Cilia Flores, u plagosën gjatë një operacioni të forcave speciale të SHBA-së, të cilat po përpiqeshin të arrestonin çiftin presidencial në rezidencën e tyre në Karakas. Sipas raporteve të CNN, gjatë përpjekjes për t’u fshehur në një pjesë të sigurt të kompleksit, të dy vrapuan drejt një dhome me një derë të rëndë çeliku, por përplasën kokat duke shkaktuar lëndime. Ata u neutralizuan nga njësia elite ‘Delta Force’, e cila i dërgoi ata për ndihmë të menjëhershme mjekësore pas nxjerrjes nga godina.

Cilia Flores u paraqit në gjykatë me fasha në kokë, ndërsa avokati i saj theksoi se ajo ka pësuar dëmtime të rëndësishme, përfshirë plaga në kokë dhe mundësi thyerje të brinjëve, duke kërkuar ekzaminim të detajuar mjekësor.

Operacioni, që zgjati dy ditë, u shoqërua me luftime të ashpra mes forcave amerikane dhe një grupi të forcave speciale kubane, të cilat ndodheshin në afërsi të kompleksit të Maduros. Sipas autoriteteve amerikane, disa marinsa u plagosën nga plumbat dhe copëzat e predhave, por lëndimet e tyre nuk janë të rrezikshme për jetën.

Rreth 200 efektivë amerikanë morën pjesë në këtë aksion, të cilin Sekretari i Mbrojtjes, Pete Hegseth, e cilësoi si një operacion të mirëorganizatë për zbatimin e sanksioneve dhe hetimeve për trafik droge dhe armësh.

Sipas administratës Trump, kjo operacion nuk ka pasur si qëllim ndryshimin e regjimit, megjithatë, shumë analistë e kanë interpretuar atë si një goditje direkte ndaj liderit të Venezuelës. Pas arrestimit të Maduros, Uashingtoni ka ndarë një strategji të re për të punuar me zëvendëspresidenten Delcy Rodríguez, të cilën e konsideron si një udhëheqëse më pragmatike dhe të gatshme për bashkëpunim, sidomos në fushën e naftës.

Shtetet e Bashkuara po shpresojnë që presioni ushtarak dhe kontrolli mbi burimet e naftës të sanksionuara të shërbejnë si një levë për të rikthyer Venezuelën në ndikimin amerikan dhe për të rinovuar sektorin energjetik të vendit, që ka pësuar dëme të mëdha në vitet e fundit.