Author: admin

Në disa operacione të rëndësishme goditëse të SPAK dhe Prokurorisë së juridiksionit të zakonshme ndaj grupeve kriminale, me arrestimet dhe sekustrim pasurie, në pah kanë dalë lidhje të vajzave të showbizit me figura të krimit të organizuar, jo vetëm si konsumatore e luksit me burim aktivitetin kriminal, por edhe duke mbuluar pasuritë produkt i veprimtarive të paligjshme.

Nëse SPAK dhe BKH-ja do t’i kushtonte vëmendje ekspozimit të luksit nga bukurosheve të showbizit apo vajzave të personazheve publikë, si pushime në Maldive dhe Dubai, ora dhe çanta të shtrenjta, udhëtime me helikopter, çarter dhe jaht, makina me vlerë mbi 150 mijë euro, posedim apo përdorim të vilave, hapjen e bizneseve dhe restoranteve elitare etj., ndoshta nuk do të priste zbërthimin e komunikimeve në Sky Ecc, rrëfimet e të penduarve të drejtësisë dhe dosjet e autoriteteve partnere për të zbuluar disa nga grupet kriminale, me veprimtari në trafikun e kokainës.

Për rëndësinë që ka vëmendja ndaj stilit të jetesës ndaj bukurosheve të ekranit dhe jo vetëm, si indicie për të zbuluar një aktivitet kriminal, po sjellim në vëmendje disa episode të ekspozimit të luksit, klasit dhe tranformimit, duke fshehur pas bosë të trafikut të kokainës dhe pastrimit të parave.

Në gusht të vitit 2024, vajza e ish-ministres dhe ish-deputetes demokrate Majlinda Bregu, Kejda Ajazi u shfaq duke ekspozuar jetën luksoze në Monaco. Ajo postoi një video në rrjetet sociale, duke u shfaqur krah partnerit të saj, me një çantë ‘Hermes Birkin’ në dorë dhe me një makinë luksoze me vlerë 500 mijë euro. Partneri i saj rezultoi që ishta Klevis Hoxhosmani, i arrestuar disa ditë më parë nga SPAK, si pjesë e një organizate kriminale që kishte mbushur Evropën me kokainë.

Ndërkaq, tezja e Kejda Ajazit, ish moderatorja e njohur Ornela Bregu është martuar me Ervis Gjeçajn, i lakuar për lidhje me Anxhelo Prudentinon, me të birin e bosit të Sacra Corona Unita-s Albino Prudentino dhe për mbulimin e pasurive të familjes mafioze. Gjeçaj është akuzuar edhe për organizimin e lotarive të palejuara, por ka përfituar nga amnistia. Vjehrri dhe kunati tjetër i Majlinda Bregu, përkatësisht Beqir dhe Hektor Ajazi, janë denoncuar për zaptimin e Kalasë së Prezës, plagosje të lehtë etj.

Pas vitit 2018, këngëtarja Elvana Gjata befas nisi të ekspozonte jetën luksoze në kontrast me të ardhurat e saj dhe jetën e mëprashme. Udhëtime me charter, helikopter, shtëpi përrallore, Porsche Macan s 95b, dyqan në ish Bllok, Ferrari, qëndrim në hotelin ‘’Shangri-La Hotel’’ të Parisit me 19 mijë euro nata, unazë diamanti, festa të çmendura në Mykonos etj. Në një dosje të SPAK rezulton se pas luksit të këngëtares qëndronte Ervin Mata, i njohur si ‘boli i kokainës’.

Madje SPAK nisi edhe një hetim pasuror ndaj këngëtares si person i lidhur me Ervin Matën, kreu i një prej grupeve më të fuqishme kriminale, që trafikon kokainë nga Amerika Latine drejt Evropës. Shkak u bë nxjerrja në publik e përgjimeve të telefonave të kriptuar SKY, në bisedat përmes të cilave i dashuri i këngëtares, Elvis Mata i thoshte Erzen Braçanit se do t’i dërgonte gjysëm milioni euro nga llogaria e Elvanës.

Ish missi Drilona Boçi, pronare e një nga atelietë më të njohura në Tiranë, “Altar”, që ia bleu Elvana Gjatës për 1.2 milionë euro, ka ekspozuar për vite me radhë jetën luksoze, mes makinash e veshjeve të shtrenjta apo dhe udhëtimet në vende të ndryshme me avion privat.

Luksi i saj rezultoi se buronte nga aktiviteti kriminal i Kristian Boçi si trafikan kokaine në disa vende të Evropës. Një personazh me disa emra dhe i dënuar për trafik kokaine në Belgjikë, Boçi hiqej si biznemen në Shqipëri. Vitin e kaluar, Prokuroria i sekustroi atij dhe pesë personave të tjerë një pasuri me vlerë 50 milionë euro.

“Miss Shqipëria 2005”, Suada Sherifi ka rrëfyer dhe ekspozuar jetën përrallore deri në vitin 2018, kur bashkëshorti i saj Eldi Dizdari (Matoshi) nisi të eskpozohej në dosje penale si kreu i parë shqiptar i një karteli kokaine. Në vitin 2016 ajo deklaroi në një intervistë se kishte gjetur djalin ideal, me të cilin ishte gati të martohej.

Por ndërkohë që të gjithë donin të shuanin kureshtjen se kush ishte i zgjedhuri i saj, ajo përpiqej ta mbante të fshehtë portretin duke i mbuluar fytyrën në çdo foto. Deri tani numërohen me gishtat e dorës fotot, që ajo ka postuar me partnerin që komentohej si biznesmen shumë i pasur dhe që i kishte siguruar asaj një jetë super luksoze.

Më pas, ajo me anë të postimeve që bënte, njoftonte ndjekësit për resortet e shtrenjta që kishte vizituar me familjen për pushim. Në një nga postimet e saj të fundit, ajo tregoi shtëpinë, e arreduar me shumë shije e luks. Disa vendime të drejtësisë kanë treguar se pas luksit të zonjës Sherifi qëndronte Eldi Dizdari allias Denis Matoshi kreu i kartelit të kokainës grupit “Los Blancos”. Me kërkesë të SPAK, janë sekustruar disa pasuri në emrin e ish missit Suada Sherifi.

Vitin e kaluar, me kërkesë të SPAK u sekustruan 9 pasuri të Redian Rrajës, me të cilave edhe një makinë luksoze Audi në pronësi të modeles Kejvina Kthella. Kjo e fundit nuk i ka shpëtuar tundimit pa ekspozuar jetën luksoze. Redjan Rraja është dënuar me burgim të përjetshëm për atentatin e mbikalimit të Shkozetit në 2019, ku mbetën të plagosur prokurori Arjan Ndoja dhe Aleksandër Laho, si njohur si rrumi i Shijakut, si dhe humbi jetën shoferi Andi Maloku.

Vite më parë moderatorja Viola Spiro befas la ekranin dhe nisi të shfaqej sa në Monte Carlo në Dubai. Veshje të shtrenjta, darka luksoze, dhe udhëtime ëndrrash ishin arsyeja pse ajo nuk u shfaq më në ekran.

Siç u zbulua më vonë nga drejtësia italiane, luksi i moderatores mundësohej nga bosi i kokainës Valentin Selaj, kreu i një bande mjaft të fuqishme ndërkombëtare, që sillte kokainë nga Shtetet e Bashkuara të Amerikës në Firenze, nëpërmjet Holandës.

Edhe ish missi dhe modelja Trejsi Sejdini njihet për jetën luksoze dhe udhëtimet e shumta që bën. Bukuroshja është shprehur se për financat e saj kujdeset vetë, e me raste e ka ndihmuar edhe familja. Por, modeles i doli emri në një dosje të SPAK, ku i dashuri i saj Leonard Duka, i dërgonte para. I konsideruar si kreu i Klanit Duka, Leonard Duka është arrestuar në Belegjikë dhe ekstraduar në Shqipëri, pasi akuzohet për vrasjen e Santiago Malkos.

Nga aleat me Vis Martinajn në trafikun e kokainës dhe pastrimin e parave, Duka dhe Martinaj u kthyen në rivalë, ku bënin plane për të eliminuar njëri-tjetrin.

Këtë të premte vendi ynë parashikohet me mot të paqëndrueshëm me vranësira mesatare deri ne reshje debore si dhe alternime kthjellimesh.

Sinoptikania e Meteoalb, Lajda Porja, në një lidhje me studion e lajmeve në “Ora News” u shpreh se sot do të kemi reshje shiu me intensitet të ulët në jug të territorit që në orët e para të mëngjesit, më pas reshjet parashikohen të prekin pjesën më të madhe të territorit.

Po ashtu, Porja u shpreh se pavarësisht reshjeve që do të jenë prezente gjatë gjithë fundjavës, do të ketë një stabilizim të situatës hidrike në veri, teksa sqaroi se reshjet nuk do të jenë me intensitet shqetësues.

Ndërkaq, Porja bëri me dije se javën e ardhshme vendi do të përfshihet nga një mot i ngrohtë.

“Do të jetë një mot që do të na duket më shumë si pranverë, sepse sidomos intervali nga ora 10:00 deri në 14:00 temperaturat do të ngjiten në 19 apo 20 gradë dhe kjo është një temperaturë shumë e lartë”, u shpreh sinoptikania Lajda Porja.

Ka një moment kur një popull nuk duron më. Ka një pikë ku durimi kthehet në shpërthim, zemërimi në vendim, dhe heshtja në revoltë morale. Shqipëria sot është pikërisht aty.

Belinda Balluku.
 Mirlinda Karçanaj.
 Linda Rama.

Tre emra që nuk janë më thjesht pjesë e qeverisë — janë simboli i një shteti të përdhunuar, një republike të poshtëruar dhe një shoqërie të vjedhur deri në kockë.

Të treja në qendër të dyshimeve më të rënda që ky vend ka parë këto 35 vite.
 Të treja të mbrojtura me thonj e me dhëmbë nga një kryeministër që po fundoset bashkë me to.

Belinda – fytyra arrogante e abuzimit

Me tenderat që rëndojnë sa një tunel i Llogarës i mbushur me beton të vjedhur, me pushtetin që e ushtronte si pronë personale, me arrogancën që e kalonte kufirin e shantazhit moral ndaj të gjithëve — Belinda Balluku është përfaqësimi më brutal i një qeverie që nuk njeh turp, kufi, as përgjegjësi.

Dhe sot Rama lufton si i marrë për ta mbrojtur.

A e kupton sa rëndojnë këto dosje? 
A e kupton se kjo nuk është më politikë, por në zemër të shtetit? 
Apo thjesht ka frikë se rrëzimi i saj është zinxhir që ia çon SPAK-un në zyrë?

Mirlinda – skema e fshehtë e teknokracisë së vjedhjes

Karçanaj nuk ishte thjesht drejtoreshë. 
Ishte portë hyrëse për një sistem ku çdo tender kalonte si lumë ari drejt duarve të kompanive të preferuara.
 Tender pas tenderi, miliona pas milionësh, gjithçka e veshur me petkun e teknologjisë moderne, kur në fakt ishte teknologjia e grabitjes moderne.

Sot në arrest shtëpie.
 Por pas saj qëndron një mur i tërë sekretesh, marrëveshjesh, firmash, porosish.

Mur që Rama po përpiqet me çdo mënyrë ta mbajë në këmbë.

Linda – heshtja që peshon më shumë se çdo dosje

Nuk ka dosje të hapur ndaj saj.
Por çdo shqiptar e di peshën e influencës së saj.
 Çdo shqiptar e di rolin e zonjës së parë në një pushtet që s’ka pasur asnjëherë frikë nga etika dhe transparenca.

Linda është hija që nuk e prek askush, muri i padukshëm që SPAK-u e shikon, e ndjen, por ende nuk e sheh në letër.

Dhe kjo është vetë problemi: në Shqipëri jo gjithçka shkruhet, jo gjithçka hetohet, jo gjithçka lejohet. 
Por e vërteta e ka një zakon: rrëzon çdo mur, qoftë edhe të paprekshëm.

Rama – kapobanda që nuk lejon më as drejtësinë të marrë frymë

Sot kryeministri nuk vepron më si udhëheqës.
 Vepron si njeriu që mbron kështjellën e fundit të klanit të tij. Shan SPAK-un. 
Akuzon gjykatat.
 Shantazhon parlamentin.
 Shton roje, ul trimërinë dhe ngre zërin. Sepse nuk ka më asnjë aleat të sinqertë — vetëm frikën.

Frikën se goditja ndaj njërës prej tyre është goditja finale ndaj tij vetë. Tre gra, një kryeministër – dhe një popull që po acarohet çdo ditë.

Shqiptarët janë lodhur.
Janë varfëruar.
 U është vjedhur koha, shpresa, drita, fëmijët që ikin me gomone, dhe të ardhmen që u dogj si dokument i vjetër në zyrat e pushtetit.

Nuk është më çështje ideologjie. 
As politike.
 As partie. Është çështje gjaku, morali, ekzistence.

A duhet t’i shkojë drejtësia deri në fund? Jo vetëm duhet — është detyrim kombëtar.
 Të shkojë deri në fund të çdo kontrate.
 Çdo dokumenti.
 Çdo tenderi.
 Çdo telefonate.
 Çdo kompanie.
 Çdo urdhri politik.

Me të njëjtën forcë që u vodh vendi, me të njëjtën ashpërsi duhet të vijë drejtësia.

Ka ardhur ora që banda e grabitjes të shembet. Të gjitha. Pa përjashtim.**

Nuk ka më Belinda.
 Nuk ka më Mirlinda.
 Nuk ka më Linda. 
As Rama nuk del më i larë nga ky llum.

Sepse kur një shtet grabitet për vite, drejtësia nuk është më një opsion —
është hakmarrja morale e gjithë një populli.

/ Nga Muriel Bistro

Xhejk Pol pësoi humbjen e dytë në karrierën e tij profesionale dhe nokauti i tij i parë u shkaktua nga Anthony Joshua, i cili i dha fund luftës në Miami në raundin e gjashtë.

Fitorja e Joshuas ndaj Xhejk Pol nuk u vu në diskutim asnjëherë, por amerikani e pësoi keq nga goditjet e britanikut.

Pas ndeshjes, Pol konfirmoi se nofulla e tij është thyer, por kjo nuk e pengon që të kthehet përsëri në ring dhe të luftojë për tituj në pesha më të lehta.

“Ndihem mirë, e kalova shumë mirë. E dua këtë sport, i dhashë gjithçka. Anthony Joshua është një luftëtar i shkëlqyer. Ai më mundi, por ky është sporti. Do të kthehem dhe do të vazhdoj të fitoj. Kam fituar tashmë në çdo aspekt të jetës sime. Kam një familje dhe një të fejuar të bukur. Ky sport më ka ndihmuar shumë në jetën time. Ndryshe, mendoj se më theu nofullën”, shtoi amerikani dhe më pas pështyu gjak.

“Duhet të më ketë thyer nofullën. Ndeshja ishte e mirë, u munda nga një nga më të mirët e të gjitha kohërave dhe një ditë do të kthehem dhe do të fitoj një titull bote”, përfundoi ai.
VIDEO

Në një telefonatë për “UëTëFëShow” në Andale Media, Arbana Osmani ka folur për suksesin që ka përjetuar pavarësisht kalimit nga ekrani tradicional, televizioni, drejt YouTube-it. Deklarata e saj qe tashme po ben buje ne rrjet ka ardhur vetem pak ore nga nisja e spektaklit me te famshem ne Shqiperi, Big Brother Albania Vip 5.

Ndryshe nga ç’mund të na e priste mendja prej “ngacmimeve” t fundit, ajo foli shumë mirë për Top Channel-in.

“Unë në YouTube sot prezantohem si njeri që vjen nga televizioni, pas 25 viteve, mua televizioni më bëri të famshme. Pra, unë nuk jam një person që befas hapa një kanal në YouTube nga hiçi. Edhe sikur unë sot të marr 10-fishin, janë fitime dhe sukses që vijnë nga një jetë pune në televizion,” nisi Arbana të thoshte.

Numrin e lartë të klikimeve që merr sot programi i saj në YouTube, Arbana ia atribuon plotësisht njohjes që i dha puna për shumë vite në Top Channel, që është e logjikshme, ama pak e papritur që moderatorja të mos ngurronte ta pranonte.

“Une ne Top Channel jam njohur. Kush isha unë që dola befas me 1.7 milionë klikime?! Vëmendja ka qenë nga puna ime, por dhe nga fakti që kam shkuar në shtëpitë e gjithë shqiptarëve duke marrë programet më të rëndësishme për një kohë të gjatë në Top Channel.”

Megjithatë, e njëjtë qe dhe mungesa e hezitimit për tv shpresur se, jo, Arbanës nuk i mungon më e shkuara në Top Channel, pavarësisht mirënjohjes për atë kohë:

“Jo. Jam shumë e kënaqur me jetën që kam tani se këtë jetë zgjodha dhe s’kam arsye pse të mos jem e kënaqur, po nuk është se nuk jam kënaqur atëherë kur i kam bërë [emisionet] dhe kam qenë pjesë e tyre, e kam shijuar shumë, pa fund.”

Një vajzë e quajtur Melissa, pas ndarjes, vendosi të shiste unazën që i kishte dhuruar ish-partneri. Ajo hyri në një dyqan bizhuterish dhe sapo bizhutieri e mori unazën në dorë, reagimi i tij ishte i pazakontë. Ai u largua në dhomën e pasme të dyqanit duke marrë me vete unazën. Pas disa minutash pritjeje, në dyqan hyri policia dhe Melissa u shoqërua për sqarime. Në komisariat, ajo mësoi se gjithçka lidhej me unazën.

Hetuesit i shpjeguan se bizhuteria ishte një artefakt historik me vlerë të jashtëzakonshme, i raportuar si i vjedhur nga një muze i njohur disa vite më parë. Bizhutieri kishte njohur menjëherë unazën nga publikime profesionale dhe kishte njoftuar autoritetet.

Melissa u përjashtua shpejt nga çdo dyshim, pasi hetuesit konstatuan se ajo nuk kishte dijeni për origjinën e vërtetë të sendit. Dyshimet u drejtuan te ish-partneri i saj, i cili më vonë u përball me prova të pakundërshtueshme dhe pranoi se e kishte vjedhur unazën.

Operacioni për kapjen e tij u finalizua pas një takimi të inskenuar, ku rrëfimi i tij u regjistrua dhe u përdor si provë. Unaza u rikthye në muze,

Ish-bashkëshorti i Belinda Ballukut, gazetari Sokol Balla, i njohur si megafon i Edi Ramës ka kërcënuar mbrëmjen e djeshme (18 dhjetor) në një editorial në hyrje të emisionit të tij drejtpërdrejt Edi Ramën se, nëse lëshon Belindën, do të të vijmë tek Linda.

Pavarësisht se ish-bashkëshorti i Belinda Ballukut mundohet të mbulojë mesazhin e tij me SPAK apo me opozitën e Sali Berishës, përfshirja e Linda Ramës, madje edhe me foto, me ish-gruan e tij dhe Milinda Kërçanajn e AKSHI-t, tregon qartësisht se Koli ka kërcënuar drejtpërdrejt Edi Ramën.

Mesazhi i Kol Ballës është i qartë dhe i drejtpërdrejtë për Ramën: Nëse e lëshon Belindën, ajo do ta orientojë SPAK-un për tek Linda dhe ti. Madje ai le të kuptohet se jo vetëm Belinda, por edhe Koli vetë do të flasë më shumë.

Dhe si për t’ia bërë më të qartë këtë Edi Ramës i ka përmendur botuesin e shqiptarja.com dhe Report Tv, Carlo Bollino, i cili del edhe në përgjimet e dosjes Balluku ku përmes personave të tretë kërkon paratë që i ka dhënë Belinda me udhër të Ramës. Koli në editorial shpreh mërzinë që edhe Carlo që ka marrë para nga Belinda me urdhër të Ramës, tani i kërkon dorëheqjen asaj.

Editoriali i fundit i Kol Ballës të enjten në mbrëmje tregon qartë se lufta mes ortakëve që kanë ndarë paratë e shqiptarëve po bëhet tepër agresive dhe tashmë ka dalë në sipërfaqe. Askush nuk po fshihet më në kampin e rilindjes.

Pjesë nga kërcënimi publik i Kol Ballës ndaj Ramës:

“Prokuroria i shpalli të martën një luftë frontale grave. Ndoshta nga frustrimi se me burrat nuk i ecën, prokurorët special u morën një ditë më parë me dy zonja, të dyja me emër të përafërt. Bile po t’i besosh Sali Berishës, SPAK po niset të kapet edhe me Lindën e tretë.

Por përtej batutave, SPAK të martën ndërmori një aksion të pastër politik. Për ta shpjeguar këtë argument, e dha po vetë, duke nisur nga rasti i Balluku. Për zëvendëskryeministren kërkoi një masë më të rëndë sigurie, një muaj pasi thjesht e pezulloi përkohësisht nga detyra. Nga 1 nëntori e deri dje, Balluku rrinte në shtëpi. U kthye në punë të hënën pas vendimit të Kushtetueses.

Pra, përse SPAK kërkoi një masë më të rëndë kur nuk ishte ndryshuar diçka? Pra, vendimi erdhi si reagim ndaj Gjykatës Kushtetuese, ku padinë nuk e bëri Balluku, por Edi Rama. Edhe Berisha po thotë se pas goditjes së Lindës së AKSHI-t, është Linda Rama. Pra SPAK e ka me Edi Ramën.

Dhe nëse e ka me kryeministrin, sigurisht që sfida e këtyre prokurorëve është me shtetin, me Gjykatën Kushtetuese, me qeverinë dhe tashmë edhe me parlamentin. Kjo është një përballje serioze e cila premton luftë, sigurisht një luftë që nuk e dëshiron askush.”- thotë megafoni, deri dje, më i zellshmi pro Edi Ramës e pro SPAK.

Tani mbetet për t’u parë nëse në editorialin e radhës Kol Balla do të jetë qetësuar, pasi dihet që Edi Rama ka mekanizma të shumtë “qetësues” për zarat e tij, apo Koli do vijojë me kërcënime edhe më të forta.

Drejtuesi i Departamentit të Mjedisit në Partinë Demokratike Jamarbër Malltezi ka reaguar me një postim në faqen e tij në facebook pas akuzave dhumë të rënda që janë publikuar ndaj Ballukut dhe Karçanajt.

Malltezi ka ndarë më publikun një foto që gazetari Sokol Balla ka përdorur tek emisioni i vet dhe ku duket ne sfondin kryesor bashkëshortja e kreut të qeverisë Linda Rama.

“Kol Kyçi kërcënon Edi Ramën duke vendos foton e Lindës mbi Ballukun dhe Mirlindën për të treguar se kush i ka urdhëruar”, shkruan Malltezi në mesazhin e tij.

Postimi:

Kol Kyçi kërcënon Edi Ramën duke vendos foton e Lindës mbi Ballukun dhe Mirlindën për të treguar se kush i ka urdhëruar.

Pasi ish-deputeti Ervin Salianji mbajti një “Foltore” në qytetin e Elbasanit, duket se situata në Partinë Demokratike dhe në degën lokale në Elbasan mbetet e tensionuar, teksa nuk kanë munguar as akuzat e forta mes palëve.

Fillimisht ishte kryedemokrati Sali Berisha dhe Sekretari i Përgjithshëm Flamur Noka që hodhën akuza se pas takimit të Salianjit, qëndronte Suel Çela, i cili konsiderohet si i “forti” i Elbasanit. Akuzat u kundërshtuan nga anëtarët që morën pjesë në takim.

Në mbështetje të Berishës dhe Nokës doli edhe deputeti Blendi Himçi, i cili më parë ka qenë kreu i PD-së në Elbasan.

Por duket se demokratët në Elbasan janë hakmarrë ndaj Himçit. Gjatë orëve të fundit, në rethimin e degës së PD në Elbasan, janë vendosur të brendshme të kuqe.

Pikërisht për të ironizuar deputetin e PD-së, i cili gjatë përleshjeve në seancën e fundit në Kuvendit, iu zbuluan se kishte veshur të brendshme të kuqe.

Duket se situata në Partinë Demokratike në Elbasan vijon të jetë e tensionuar dhe duket se “Foltorja” i ka përçarë më keq demokratët.

Shqipëria humb një Hero: Ndërron jetë papritur Klevis Qato, zjarrfikësi që u bë shpresë në mes të flakëve
TIRANË – Një re e zezë trishtimi ka mbuluar sot repartin e zjarrfikësve të Tiranës dhe mbarë opinionin publik. Këtë mëngjes, në mënyrë të parakohshme dhe të papritur, është ndarë nga jeta Klevis Qato, një efektiv shembullor, një familjar model dhe mbi të gjitha, një njeri që rrezikoi jetën e tij për të shpëtuar të tjerët.

Ikja e parakohshme e një “Engjëlli Mbrojtës”
Lajmi për vdekjen e tij ka tronditur kolegët e tij, të cilët çdo ditë ndanin me Klevisin rrezikun dhe sfidat e njërës prej profesioneve më të vështira. Ai nuk ishte thjesht një punonjës i bashkisë, por një simbol i forcës dhe humanizmit në radhët e forcave zjarrfikëse të kryeqytetit. Miqtë dhe të afërmit e përshkruajnë atë si një njeri me zemër të madhe, që buzëqeshjen dhe gadishmërinë për të ndihmuar nuk e humbi kurrë.

Heroizmi te “Fresku”: Momenti që mbeti në memorien e qytetit
Emri i Klevis Qatos do të mbetet i skalitur në kujtesën e qytetarëve të Tiranës, veçanërisht për një ngjarje heroike që ndodhi pak kohë më parë në zonën e Freskut. Në një mëngjes ku flakët po përpinin garazhet e një pallati dhe tymi mbytës kishte bllokuar shkallët, jeta e dhjetëra banorëve ishte në fije të perit.

Momenti më dramatik i asaj dite ishte shpëtimi i një foshnjeje vetëm 3-muajshe. Ndërsa asfiksia po bëhej një kërcënim serioz, Klevisi nuk hezitoi. Ai u ngjit në lartësi përmes autoshkallës, duke sfiduar nxehtësinë dhe tymin. Imazhi i tij, duke zbritur nga ballkoni me foshnjën e mbështjellë me batanije në krahë, u bë viral në atë kohë si dëshmia e gjallë e triumfit të jetës mbi vdekjen.

TIRANË – Shtëpia e “Big Brother VIP Albania 5” sapo ka mirëpritur banoren e saj të dytë, dhe ajo është padyshim një nga personazhet që ka nisur të trazojë rrjetin ende pa hyrë mirë në shtëpi. Brikena Selmani, modelja bukuroshe nga Kosova, ka bërë një deklaratë të fortë që ka lënë pa fjalë publikun: “Kam traumë nga meshkujt!”.

Nga arkëtare supermarketi në skenat ndërkombëtare

Përpara se të kthehej në një nga imazhet më të kërkuara të modelingut, rrugëtimi i Brikenës nuk ka qenë i shtruar me rreze ari. Ajo ka punuar për tre vjet si arkëtare në një supermarket

Bukuria dhe ambicia e saj e dërguan deri në Tajlandë, ku përfaqësoi me dinjitet Kosovën në “Miss Grand International 2025”. Ajo u bë virale në mbarë botën falë sfilatës me veshje tradicionale shqiptare, duke ndërthurur në mënyrë elegante krenarinë kulturore me sharmin e një modeleje moderne, por me shume per deklaraten e saj te rende ku tha qe dinte dy gjuhe, ate shqiptare dhe kosovare.

Misteri i deklaratës: Pse Brikena nuk ka fjetur kurrë me një mashkull?

Ndonëse cilësohet si një nga femrat më seksi të këtij edicioni, titulli që po qarkullon kudo është ai mbi “traumën nga meshkujt”. Sipas detajeve që po dalin në dritë, Brikena ka zgjedhur të mbajë një distancë të prerë nga marrëdhëniet intime, duke deklaruar se nuk ka fjetur kurrë me një mashkull.

Arsyeja duket se lidhet me përvojat e kaluara negative ose zhgënjimet që i kanë krijuar një barrierë mbrojtëse. Kjo “traumë” e ka bërë atë të jetë jashtëzakonisht përzgjedhëse dhe skeptike ndaj qëllimeve të gjinisë tjetër.

E vetme dhe në kërkim të “shqiptarit ideal”

Pavarësisht hijeve të së kaluarës, Brikena ka hyrë në shtëpinë më të famshme në Shqipëri si single. Ajo ka qenë e qartë në preferencat e saj: partneri ideal për të duhet të jetë shqiptar.

Pyetja që ngrenë të gjithë tani është: A do të arrijë ndonjë nga djemtë e shtëpisë ta thyejë këtë “traumë” të Brikenës? Brenda mureve të “Big Brother VIP 5”, ku emocionet janë të forta dhe izolimi bën të veten, mbetet për t’u parë nëse modelja do të hapë zemrën apo do të vazhdojë të mbajë fort muret që ka ndërtuar rreth vetes.

Një gjë është e sigurt: Brikena Selmani sapo ka dhënë “shkëndijën” e parë të një sezoni që premton të jetë i nxehtë dhe plot rrëfime personale.