Author: admin

DASHI

Energjia juaj nuk kalon pa u vënë re: në punë, jeni të shtyrë të merreni me projekte të reja, por kini kujdes të mos jeni impulsiv. Në dashuri, sinqeriteti shpërblehet më shumë sesa pasioni i përkohshëm. Nëse jeni beqarë, një takim stimulues mund të lindë nga kontaktet e papritura. Kujdesuni për veten: pak pushim do të bëjë mrekulli.

DEMI

Sipas horoskopit të Paolo Fox (e shtunë, 20 dhjetor 2025), stabiliteti është çelësi. Në punë, gjërat po fillojnë të ngurtësohen: është koha e duhur për të planifikuar dhe për të vënë gjërat në rregull. Në dashuri, përpiquni të komunikoni nevojat tuaja pa u mbyllur në vetvete. Çiftet më të forta forcojnë lidhjet e tyre, ndërsa ata që kanë pasur vështirësi mund të kenë nevojë të adresojnë disa sqarime. Kujdes nga lodhja: pushimet e shkurtra ju ndihmojnë të rifitoni ekuilibrin.

BINJAKËT

Garat mendore dhe idetë tuaja janë të shumta. Kjo është një kohë e shkëlqyer për diskutime, projekte krijuese dhe bashkëpunime të reja. Në dashuri, qetësia është e rëndësishme, por mos e neglizhoni qartësinë në marrëdhënie. Beqarët mund të takojnë dikë përmes miqësive të papritura. Qëndroni të përqendruar: shumë shpërqendrime rrezikojnë t’ju ngatërrojnë.

GAFORRJA

Qielli kërkon vetëanalizë. Është koha të bësh paqe me të kaluarën dhe të shikosh përpara. Në punë, mund të ndihesh i nënvlerësuar, por mos u mbyll në vetvete: shpreh idetë e tua. Në dashuri, siguria emocionale është thelbësore. Çiftet e forta bëhen më të forta; ata që janë të pasigurt duhet të sqarojnë ndjenjat e tyre. Mbrojeni ndjeshmërinë tuaj; është një burim i çmuar.

LUANI

Sipas horoskopit të Paolo Fox (e shtunë, 20 dhjetor 2025), dëshira për të shkëlqyer kthehet. Pas një periudhe pritjeje, mund të shkëlqeni dhe të shfaqni aftësitë tuaja. Në punë, njohja u vjen atyre që janë të vendosur. Në dashuri, jeni pasionantë: kini kujdes të mos përpiqeni të kontrolloni çdo situatë. Beqarët kanë mundësi reale, veçanërisht nëse tregojnë autenticitet. Energjia është e lartë, por menaxhojeni atë për të shmangur teprimin.

VIRGJËRESHA

Qartësia mendore është forca juaj këtë javë. Kjo është një kohë e shkëlqyer për të zgjidhur çështjet praktike dhe për të organizuar punën dhe financat. Në dashuri, jeni më të hapur për dialog dhe kërkoni ndershmëri. Ata që kanë përjetuar zhgënjime mund të ecin përpara me sukses. Mos e neglizhoni pushimin: mendja funksionon edhe kur trupi kërkon një pushim.

PESHORJA

Yjet ju ftojnë të merrni vendime të rëndësishme. Oferta interesante ju presin në punë, por ato duhet të vlerësohen me kujdes. Në dashuri, nevojitet qartësi: ose rriteni së bashku, ose është koha të ndryshoni drejtim. Beqarët duhet të shikojnë përpara dhe të ndalojnë së jetuari në të kaluarën. Besojini intuitës suaj: ajo do t’ju udhëheqë drejt zgjedhjeve të duhura.

AKREPI

Sipas horoskopit të Paolo Fox (e shtunë, 20 dhjetor 2025), kjo javë sjell transformime të thella. Emocionet janë intensive dhe ju ndihmojnë ta kuptoni veten më mirë. Në punë, mund të arrini rezultate të shkëlqyera nëse ndaloni së dyshuari. Në dashuri, pasioni është i lartë, por transparenca është e nevojshme. Çiftet po rigjallërohen, beqarët po tërheqin njerëz intensivë. Gjeni momente relaksi për të menaxhuar stresin.

SHIGJETARI

Dëshira juaj për liri është e fortë. Udhëtimi, ndryshimi dhe perspektivat e reja favorizohen. Në punë, jini të guximshëm, por shmangni bërjen e premtimeve të pamundura. Në dashuri, jeni të sinqertë: kini kujdes me fjalët tuaja në mënyrë që të mos lëndoni ata përreth jush. Beqarët përjetojnë takime stimuluese, shpesh të papritura. Energjia është pozitive, por kini kujdes të mos e shpërdoroni shumë.

BRICJAPI

Qielli kërkon përkushtim dhe përgjegjësi. Shpërblimi u vjen atyre që tregojnë këmbëngulje. Në dashuri, ju jeni më të rezervuar: të tregosh ndjenjat tuaja nuk është dobësi. Marrëdhëniet e forta po bëhen më të forta, ndërsa të tjerat kërkojnë dialog dhe vëmendje. Rimëkëmbja është e ngadaltë por e qëndrueshme: përmirësimet e vogla të përditshme bëjnë gjithë ndryshimin.

UJORI

Sipas horoskopit të Paolo Fox (e shtunë, 20 dhjetor 2025), ide të reja dhe një dëshirë për ndryshim karakterizojnë këtë javë. Mundësitë e karrierës favorizojnë ata që punojnë në fusha krijuese ose teknologjike. Në dashuri, ju dëshironi liri, por disa mund të kërkojnë më shumë prani. Beqarët përjetojnë takime të pazakonta. Menaxhoni shqetësimin tuaj: jo gjithçka duhet të ndryshojë menjëherë; jepini vetes kohë.

PESHQIT

L8Emocionet janë intensive dhe frymëzuese. Në punë, ndiqni intuitën tuaj, por qëndroni të qëndrueshëm. Në dashuri, marrëdhëniet e ëmbla dhe të sinqerta forcohen dhe beqarët mund të bien në dashuri. Mbrojeni ndjeshmërinë tuaj dhe zgjidhni mjedise që ju bëjnë të ndiheni mirë. Gjestet e vogla të përditshme përmirësojnë cilësinë e jetës suaj.

Burnley do të luajë në transfertë ndaj Bournemouth, në një duel që do të zhvillohet ditën e sotme në orën 16:00, në stadiumin “Vitality Stadium”. Një përballje e fortë dhe mjaft delikate për ekipin e Burnley-t, veçanërisht për trajnerin Scott Parker.

E ardhmja e Parkerit është në pikëpyetje për shkak të rezultateve jo bindëse në Premier League, të cilat kanë tronditur seriozisht stolin e tij. Ironikisht, fati i trajnerit anglez mund të varet nga paraqitja e një shqiptari: Armando Broja.

Sipas mediave angleze, konkretisht, Broja pritet të jetë sërish titullar në këtë sfidë. Sulmuesit të Kombëtares shqiptare, Parker do t’i besojë repartin ofensiv, duke shpresuar në “shpërthimin” e tij për ta udhëhequr Burnley-n drejt një rezultati pozitiv.

Për trajnerin e Burnley-t, kjo ndeshje është si një “bombë me sahat”, që mund të shpërthejë në çdo moment. Ndërkohë, nga ana tjetër, Broja thirret të marrë përgjegjësi, me shpresat e ekipit të përqendruara te këmbët e tij.

Kujtojmë se Broja ka qenë titullar në dy ndeshjet e fundit në Premier League. Megjithatë, situata e Burnley-t mbetet e vështirë, pasi skuadra ndodhet aktualisht në vendin e 19-të të renditjes.

Formacionet e mundshme:

Bournemouth (4-2-3-1): Giorgi Petrovic, Adam Smith, Bafodé Diakité, Marcos Senesi, Adrien Truffert, Alex Scott, Marcus Tavernier, Antoine Semenyo, Justin Kluivert, Alex Jimenez, Evanilson.

Burnley (4-3-3): Martin Dúbravka, Joe Worrall, Hjalmar Ekdal, Maxime Estève, Quilindschy Hartman, Lesley Ugochukwu, Josh Cullen, Florentino, Lyle Foster, Armando Broja, Jacob Bruun Larsen.

Julian Shehu pritet të jetë një nga emrat më të përfolur të merkatos së janarit, teksa një largim i mundshëm nga skuadra aktuale mbetet në tavolinë. Mesfushori shqiptar ka tërhequr vëmendjen falë paraqitjeve shumë pozitive si me Kombëtaren shqiptare, ashtu edhe me Widzew Łódź.

Sipas raportimeve më të fundit nga mediat polake, Shehu është futur në radarët e Panathinaikosit. Klubi grek po planifikon lëvizje të rëndësishme për të përforcuar organikën dhe lojtari shqiptar shihet si një profil interesant nga drejtuesit e klubit të Athinës.

Gjithsesi, interesimi për Shehun nuk ndalet vetëm në Greqi. Në garë për shërbimet e tij raportohet se janë futur edhe Valencia nga Spanja, si dhe disa skuadra nga MLS amerikane, çka e bën të ardhmen e mesfushorit një nga temat më të nxehta të merkatos së dimrit.

Pamje mbresëlënëse kanë qarkulluar në rrjetet sociale, ku deti pranë ishullit Hormuz në Iran shfaqet i ngjyrosur në të kuqe të errët, duke ngjallur reagime të forta dhe krahasime me profeci biblike për “fundin e botës”.

Fenomeni u regjistrua pas reshjeve të dendura të shiut, të cilat bënë që toka e kuqe karakteristike e zonës të derdhej drejt bregut, duke e kthyer ujin e detit në një ngjyrë të ngjashme me gjakun. Disa komentues në internet e lidhën pamjen me Librin e Zbulesës në Bibël, ku përmendet shndërrimi i deteve dhe lumenjve në gjak si formë ndëshkimi hyjnor.

Megjithatë, shkencëtarët sqarojnë se bëhet fjalë për një fenomen krejtësisht natyror. Plazhi i njohur si “Red Beach” në Hormuz është i pasur me oksid hekuri, i cili i jep tokës dhe shkëmbinjve ngjyrën e kuqe intensive. Gjatë reshjeve të forta, kjo tokë përzihet me ujin dhe përhapet në det, duke krijuar pamje dramatike dhe kontrast të fortë me ngjyrën blu të Gjirit Persik.

Studiues të NASA-s kanë shpjeguar se ishulli Hormuz është një formacion gjeologjik i rrallë, i përbërë kryesisht nga kripë guri dhe minerale të tjera, të cilat nën presion të lartë sillen pothuajse si lëng.

Toka e kuqe, e njohur lokalisht si “gelak”, përdoret në sasi të kufizuara për prodhimin e pigmenteve, kozmetikës dhe disa produkteve tradicionale. Ishulli ndodhet në Ngushticën e Hormuzit, një zonë strategjike ku takohen Gjiri Persik dhe ai i Omanit, dhe reshjet e shiut aty janë relativisht të rralla.

Ndërsa pamjet tërhoqën turistë, fotografë dhe vëmendje globale, reshjet e forta shkaktuan edhe përmbytje në provincën Hormozgan, duke detyruar autoritetet të mbyllin disa rrugë kryesore. Në pjesë të tjera të Iranit, shiu u prit me lehtësim pas muajsh mungese të theksuar të ujit.

Vrasja e profesorit Nuno F.G. Loureiro, një prej emrave më të respektuar në kërkimin global mbi energjinë e fuzionit, ka tronditur jo vetëm komunitetin akademik amerikan, por edhe qarqet shkencore anembanë Europës.

Loureiro, 47 vjeç, u qëllua disa herë me armë zjarri mbrëmjen e së hënës rreth orës 20:30 në banesën e tij në Gibbs Street, Brookline, Massachusetts, një lagje rezidenciale e konsideruar e sigurt.

Ai u gjet i plagosur në gjendje kritike, në hyrje të shtëpisë dhe ndërroi jetë të martën në Beth Israel Hospital. Prokuroria e Norfolk County ka konfirmuar se çështja po hetohet si vrasje, ndërsa deri më tani nuk ka të arrestuar, as motiv të shpallur zyrtarisht.

Policia konfirmoi se nuk ka shenja thyerjeje në banesë dhe se Loureiro nuk kishte raportuar më parë kërcënime apo konflikte.

Kjo ka përjashtuar, të paktën për momentin, pistën e një grabitjeje të dështuar dhe ka shtuar dyshimet mbi një akt të qëllimshëm.

FBI ka përjashtuar çdo lidhje me ngjarje të tjera të dhunshme në kampuse universitare, përfshirë një incident të fundit në Brown University.

Kush ishte Nuno Loureiro?

I lindur në Viseu të Portugalisë, Loureiro studioi fizikë në Lisbonë, mori doktoraturën në Imperial College London dhe punoi për vite me radhë në Institutin për Fuzionin Bërthamor në Portugali, përpara se t’i bashkohej MIT-së në vitin 2016.

Që prej majit të vitit të kaluar, ai drejtonte Plasma Science and Fusion Center të MIT-it, një laborator kyç me mbi 250 studiues, i fokusuar në dinamikën e plazmës, shpërthimet diellore, stabilitetin magnetik dhe zhvillimin e energjisë së pastër nga fuzioni – një teknologji që premton energji të pakufizuar, të lirë dhe pa ndotje.

Vetëm këtë vit, Loureiro ishte nderuar me Presidential Early Career Award for Scientists and Engineers, një nga çmimet më prestigjioze për kërkuesit në SHBA.

Reagimet

“Ai ishte një mendje e rrallë, i mprehtë, i sjellshëm dhe me një pasion që të përfshinte”, tha Stanislav Boldyrev, fizikan i plazmës në Universitetin e Wisconsin-Madison, me të cilin Loureiro kishte bashkëpunuar prej vitesh.

Dennis Whyte, ish-drejtues i qendrës së fuzionit në MIT, e përshkroi si “një lider të admiruar universalisht, mentor dhe mik”, ndërsa presidentja e MIT-së, Sally Kornbluth, e cilësoi vdekjen e tij si “një humbje shokuese për institucionin dhe shkencën”.

Në Portugali, reagimet erdhën nga universitetet, institutet kërkimore dhe autoritetet shtetërore, ku u mbajt edhe një minutë heshtje në Parlament.

Dyshimet

Paralelisht me hetimin zyrtar, në media ndërkombëtare dhe rrjete sociale janë përhapur spekulime për motive të mundshme gjeopolitike, për shkak të profilit të Loureiro-s, kërkimeve të tij në një fushë strategjike dhe kontekstit aktual të tensioneve ndërkombëtare.

Media izraelite, përfshirë Jerusalem Post dhe Maariv, raportuan se burime të inteligjencës po verifikojnë informacione paraprake, pa konfirmuar ndonjë pistë konkrete.

Ndërkohë, disa teori janë amplifikuar nga postime të fshira më pas dhe nga artikuj opinionistë, por asnjë institucion zyrtar amerikan apo izraelit nuk ka lidhur publikisht vrasjen me ndonjë shtet apo organizatë.

Fakti që një shkencëtar i këtij profili u qëllua për vdekje në shtëpinë e tij, pa shenja grabitjeje dhe pa autor të identifikuar, e ka kthyer çështjen në një enigmë që tejkalon kronikën e zezë.

Deri në përfundimin e hetimeve, rasti i Nuno F.G. Loureiro-s mbetet pezull mes fakteve të konfirmuara, boshllëqeve hetimore dhe dyshimeve që autoritetet ende nuk i kanë shpjeguar.

Një gjë, megjithatë, është e pamohueshme: me vdekjen e tij, shkenca humbi një nga mendjet më premtuese të brezit të tij.

Policia greke ka goditur një grup kriminal të trafikut të drogës në Athinë, duke arrestuar katër persona, mes tyre edhe këngëtarin shqiptar nga Tepelena, Kostandinos Jorgji, i njohur me emrin artistik “For3al”.

Operacioni u zhvillua mbrëmjen e 16 dhjetorit nga Nëndrejtoria e Narkotikëve, ndërsa të arrestuarit akuzohen për posedim dhe trafikim lëndësh narkotike.

Sipas hetimeve, grupi ishte i mirëorganizuar dhe kishte role të ndara, duke tregtuar marijuanë dhe hashash çokollatë me vlerë mbi 95 mijë euro.

Gjatë kontrolleve u sekuestruan sasi të mëdha droge, para cash, automjete dhe pajisje të tjera, ndërsa të arrestuarit u dërguan në Prokurorinë kompetente.

Galeria fotografike (

1 / 3

)

Kryeministri Edi Rama thotë se Shqipëria nuk do ta zgjasë ndalimin 1-vjeçar të rrjetit social TikTok.

Në një intervistë për Politico, kreu i qeverisë bëri me dije se kanë arritur një partneritet me platformën dhe se së shpejti do t’i prezantojë publikut shqiptar masat e reja mbrojtëse.

“Jemi të kënaqur me rezultatin. E kemi bërë partneritetin dhe shpresoj që në javët ose muajt në vijim do t’ia zbulojmë planin popullit shqiptar, siç e premtuam”, ka kryeministri, duke shtuar se ishte shumë i befasuar nga reagimi i TikTok pas vendimit fillestar të Shqipërisë për të ndaluar platformën.

“Sepse në fillim, për shkak se ishte normale të mendonim se ata do të na luftonin, ata do të hakmerreshin ndaj nesh, do të na ngacmonin. I takova vetë dhe mbeta shumë i impresionuar nga qëndrimi i tyre. Ata po i dëgjonin me shumë kujdes pikat tona”, tha Rama nga margjinat e Samitit BE-Ballkani Perëndimor.

Rama pranoi se ndalimi nuk e ka zgjidhur plotësisht dhunën në shkolla, por tha se ka ndihmuar në vendosjen e mekanizmave të rinj mbrojtës me TikTok. Ai gjithashtu përjashtoi mundësinë që Shqipëria të mbështesë kufizime të përgjithshme të mediave sociale për të miturit, duke i quajtur ato joefektive, ndërsa riafirmoi synimin për anëtarësim në BE në vitin 2030.

“Këto janë budallallëqe. Kjo është diçka që Shqipëria nuk do ta marrë në konsideratë. Nuk funksionon”, tha ai, duke pranuar se qeveria e tij e ka shqyrtuar, por “nëse nuk ke një zbulim të plotë se kush fshihet pas kësaj, do të jesh gjithmonë viktimë e sulmeve nga trollët dhe robotët”, tha kryeministri.

Qeveria vendosi ndalimin e TikTok në mars të vitit 2025 pas rreth një viti bisedimesh me TikTok mbi abuzimin online.

Goditja fatale me thikë e Martin Canit jashtë një shkolle në Tiranë ishte pika e fundit dhe qeveria urdhëroi ofruesit e shërbimeve të internetit të bllokojnë aksesin në versionet e desktopit dhe të aplikacioneve.

Megjithatë, ky veprim shkaktoi reagime të ashpra nga partitë opozitare dhe OJQ-të, të cilat akuzuan qeverinë për censurë dhe për kufizimin e shprehjes politike në internet./Politico

Kryeministri Edi Rama thotë se ka pasur ulje të krimeve në shkolla, falë hyrjes së sistemit me kamera inteligjente.

Në fjalën e tij në projektin “Smart City Albania”, Rama u shpreh se personat problematikë rreth shkollave, do të shihen në kohë reale, përmes sistemit.

Ndërkaq, Rama deklaroi duke përdorur kamerat inteligjente, nuk do të ketë makina që shkojnë në drejtime të paditura, në rastet kur ka ngjarje kriminale.

Rama: Siguria në shkolla ndryshon rrënjësisht. Falë teknologjisë nga miqtë e Emirateve të Bashkuara Arabe, është teknologji e natyrës strategjike, është shembull kuptimplotë. Qysh se ky sistem ka hyrë në shkolla, ka rënë në mënyrë drastike krimet e çdo natyre, por janë rënë në mënyrë drastike mungesat në shkollë, kopjet në shkollë, shfaqjet e kthimit të klasës në një kënd lodrash.

Në momentin kur Policia e Shtetit ka nevojë të bëjë një verifikim, e ka të regjistruar. Kur një person i dyshuar i afrohet derës së shkollës, apo persona të padëshiruar vijnë rreth shkollës dhe tregtojnë lënë narkotike, punonjësit e policisë e shohin në kohë reale.

Kjo është sfidë menaxhimi, unë e kam kuptuar mesazhin e atyre që duhet ta kishin çuar përpara këtë projekt. Është normale që një pjesë e policisë të mos e dojë këtë projekt, ato gjëra që janë shqetësim për ne, të bëhen të pamundura. Do jetë e pamundur që një makinë policie të përdoret për punë personale. Po flas për gjëra shumë të thjeshta. Ky projekt ndihmon të gjithë drejtuesit e ndershëm të Policisë së Shtetit. 

Nuk mund të ketë më makina që ikin në drejtime të paditura, bëhet e pamundur. Syri që fola, ka një rrjet mbulimi, që në 20 bashki me lëvizje domethënëse, futet kudo. Jo rastësisht, këto vende janë më të sigurta të botës. Ky është sistemi i monitrimit, në shërbim të shtetit dhe qytetarit. Tragjeditë që kemi pasur me shkollat, ka shumë arsye, por lidhen edhe me faktin që mospamja e pamjeve të qarta përpara, e vështirëson punën e hetuesve dhe policisë. Me këtë sistem, oborri është 24 në 24, sikur të kishte roje policie.

Këngëtarja shqiptare me famë botërore, Bebe Rexha, ka zgjedhur një mënyrë të veçantë për të folur për jetën e saj sentimentale.

Përmes një postimi në rrjetin social X (ish-Twitter), ajo i është drejtuar drejtpërdrejt ndjekësve të saj, të njohur si “Rexhars”, duke kërkuar ndihmë për të gjetur partnerin ideal.

Në postim, Bebe ka zbuluar hapur kriteret që sipas saj duhet të plotësojë mashkulli që do të ketë pranë.

Ndryshe nga pritshmëritë që shpesh lidhen me figurat publike, pamja perfekte nuk është vendimtare për të.

Ajo shprehet se një partner që vlerësohet si 6 apo 7 nga 10 në dukje është mëse i mjaftueshëm, për aq kohë sa ka personalitet të fortë dhe autenticitet.

Sa i përket gjatësisë, këngëtarja ka një kërkesë të thjeshtë: partneri të jetë mbi 173 cm, kryesisht që të jetë më i gjatë se ajo.

Një nga pikat që ka ngjallur më shumë reagime në rrjet ka qenë qëndrimi i saj ndaj financave.

Bebe thekson se kërkon një partner të suksesshëm dhe të pavarur ekonomikisht, duke nënvizuar se nuk pranon marrëdhënie ku ajo mban barrën financiare.

Përtej aspektit fizik dhe atij financiar, artistja thekson se karakteri dhe vlerat njerëzore janë thelbësore.

Ajo kërkon një person të zgjuar, me moral të mirë, ambicioz dhe të motivuar për jetën, që di çfarë dëshiron dhe punon për të.

Ky postim ka ngjallur menjëherë reagime dhe komente të shumta nga ndjekësit, duke e bërë Bebe Rexhën sërish qendër të vëmendjes së mediave dhe rrjeteve sociale.

Galeria fotografike (

1 / 8

)

Dalin të tjera detaje nga dosja hetimore e SPAK ndaj Belinda Ballukut. 

Nga komunikimet e zv/kryeministres me drejtorin e ARRSH, Evis Berberi, flitet për pagesa që u janë bërë në vijimësi mediave të caktuara.

“Pas këtij mesazhi, në orën 18:02, shtetasja Belinda Balluku i dërgon shtetasit Evis Berberi mesazhet në aplikacionin ‘Signal Private Messenger’, me tekst: ‘Çunat e tjerë janë duke i mbuluar nga xhepi vetë mediat, ty një të kam lënë, ngelën duke e bërë çorap’.”

“Në orën 18:02, Evis Berberi: ‘Kuptova’. Në orën 18:05, Belinda Balluku: ‘Ke një supervizion mirëmbajtje’. Në orën 18:05–18:06, Evis Berberi: ‘Po, më thuaj’. Në orën 18:07, shtetasja Belinda Balluku ka dërguar një fotografi, si ajo nga sistemi elektronik i prokurimeve …”

Ky paragraf është i mjaftueshëm për të kuptuar marrëdhënien që zv/kryeministrja e vendit, Belinda Balluku, krijonte me mediat.