Fraksioni brenda Partisë Demokratike duket se është konfirmuar me takimin e parë të Ervin Salianjit me demokratët në qytetin e Durrësit, ku ka mbajtur një fjalim tepër të fortë dhe kritik ndaj drejtuesve aktualë të kësaj force politike.
Teksa theksin e vuri te degradimi i demokracisë në vend, sipas tij, nga Edi Rama, Salianji tha se përgjegjëse është edhe Partia Demokratike e cila me paaftësinë e saj është bërë shkak që Rama të “vrasë” zgjedhjet e lira dhe të ndershme në Shqipëri.
Salianji tha se me skandalin e Belinda Ballukut, e kapur në një vjedhje 50 milionë eurshe, në vend duhet të kishin vërshuar protestat masive për rrëzimin e qeverisë së korruptuar, por ai tha se PD nuk arrin të mbledhë numra të konsiderueshmë protestuesish rreth vetes.
Ai gjithashtu kritikoi mungesën e takimeve prej 7 muajsh me demokratët si dhe mosmarrjen e përgjegjësive për humbjen në zgjedhje. Salianji tha se ka ardhur koha që PD të hapet dhe t’i besojë brezit të ri për të bërë ndryshimin.
Pjesë nga fjalimi i Salianjit:
Sot pritshmëritë e shqiptarëve janë të mëdha. Do të na urrejë çdo demokrat nëse nuk u përgjigjemi në kohë. Është e vërtetë që Edi Rama nuk zhvillon zgjedhje të lira dhe të ndershme. Edi Rama përdor mjete të ndyra në politikë dhe e ka prishur procesin politik në Shqipëri.
Zgjedhjet janë si një luftë për bukën e gojës, shtrëngimin e vendit të punës. Por duhet ta themi hapur dhe me sinqeritet, një tjetër shkak është paaftësia e opozitës, e PD-së. Edi Rama arriti të nxirrte me të gjithë represionin 15 mijë votues në Vlorë, por ne nuk arritëm të nxjerrim as 2000, pse nuk i motivojmë ne demokratët të dalin të votojnë. T’i pyesim, pse?
Ne nuk mund t’i mbyllim as sytë e as veshët, kur kapja e ministres Belinda Balluku në vjedhje 50 milionë euro nuk bëri të dalin mijëra njerëz në shesh dhe ta rrëzojnë këtë qeveri siç bëjnë në Bullgari e vende të tjera. Partia Demokratike nuk rritet. Mostakimet 7 muaj pas zgjedhjeve, mosmbajtjen e asnjë lloj përgjegjësie, demokratët janë lodhur dhe ne nuk duhet të kemi frikë t’i themi të vërtetat ashtu siç janë. Çdo demokrat duhet të dëgjohet, mosdëgjimi i tyre është një gabim i rëndë.
PD-ja duhet të hapet, të besojë te brezi i ri, dhe pa diskutim të fitojë, freskia sjell shpresë. Duhet ta themi me zë të lartë dhe pa asnjë kompleks, ne e kemi forcën për ta sjellë rotacionin në këtë Shqipëri, ne e kemi forcën për ta fituar, dhe fitorja nuk është një opsion është një detyrim që i kemi demokratëve dhe shqiptarëve. Kjo është ora e kurajës, e përgjegjësisë, është ora ta themi me zë të lartë, PD duhet të hapet!
Luciano Spalletti e di mirë se Juventusi i tij ka nevojë për cilësi përveç, sigurisht, rezultateve. Sfida e Kupës së Italisë e fituar kundër Udineses ka treguar diçka pozitive për trajnerin bardhezi, i cili – sipas pranimit të tij – ka parë lojtarët e tij “më pak të shqetësuar”. Në këtë skenar, pas ndeshjes, Spalletti ka dashur të nënvizojë një aspekt që i ka bërë veçanërisht përshtypje, me një referim ndaj një futbollisti në veçanti.
Spalletti i habitur nga Zhegrova
Bëhet fjalë për Edon Zhegrovën, lojtarin që Spalletti po e përdor me pikatore për t’i lejuar të gjejë gjendjen më të mirë fizike pas një mungese të gjatë. Këtë herë, anësori ofensiv luajti vetëm një copëz në fund të ndeshjes, por megjithatë shfaqi cilësitë e tij. Veçanërisht, ai shkaktoi duartrokitjet e stadiumit me një shpërthim të ish-lojtarit të Lille, që tregoi potencialin e tij.
Entuziazmi për Zhegrovën
Spalletti foli qartë, duke iu referuar në mënyrë të veçantë shpirtit të sakrificës së kosovarit, i cili ka kuptuar atë që kërkon trajneri. Trajneri gjithashtu pranoi se kishte bërë një gabim duke i dhënë ndoshta pak hapësirë: “Jam i kënaqur edhe me 10–15 minutat e Zhegrovës: vjen nga një periudhë e gjatë mosaktiviteti, ndoshta meritonte më shumë hapësirë. Bëri ndjekje deri brenda zonës sonë, gjë që nuk është cilësia e tij. Më pëlqeu shumë”.
I pashmangshëm pastaj vlerësimi për atë që mund të japë një lojtar me karakteristikat e Edon Zhegrovës për Juventus. Spalletti bën të kuptohet se beson shumë te cilësitë e tij: “Konfirmon fantazinë e jashtëzakonshme dhe saktësinë që ka: është një fitil i ndezur, mund të shpërthejë në çdo moment, sheh hapësira aty ku të tjerët shohin mure.”
Dhe tani, me fazën e nxehtë të sezonit dhe një tour de force në prag, një lojtar si ai mund të jetë shumë i vlefshëm për Juventus, që do të duhet të bëjë pa Dusan Vlahovic.
Agim Nuredini, shqiptar 56 vjeçar, banues në Wels të Austrisë që nga dita e shtunë është shpallur i zhdukur. Për herë të fundit është parë rreth orës 12:30 minuta të asaj dite, kur është dal nga shtëpia me veturën e tij Opel Mokka, ngjyrë të zezë.
Që nga ajo kohë, nuk ka asnjë gjurmë rreth fatit të tij, shkruan albinfo.
Familja dhe miqtë janë duke kërkuar ndihmën e qytetarëve dhe bashkatdhetarëve tanë në Austri. Në një prononcim për albinfo.at, një mik i Agimit thotë se janë lajmëruar edhe policia austriake por deri tash nuk kanë marr asnjë informatë. Madje, nuk është gjetur as vetura e tij.
Kushdo që e ka parë Agimin që nga e shtuna ose ka ndonjë informacion rreth vendndodhjes së tij, kërkohet të kontaktojë menjëherë stacionin më të afërt të policisë.
Ka dalë videoja e atentatit ku u ekzekutua biznesmeni 43-vjeçar Edmond Mëhalla, të dielën në mbrëmje në qytetin e Elbasanit.
Pamjet tregojnë momentin kur autori afrohet i vetëm pranë makinës së viktimës dhe qëllon disa herë. Personi i armatosur mban një kapuç në kokë për të shmangur identifikimin nga kamerat e sigurisë.
Vrasja ndodhi në lagjen “Emin Matraxhiu”. Viktima sapo kishte dalë nga zyra dhe u fut në makinën e tij “Range Rover”, kur u qëllua me 6 plumba, dy prej të cilëve në kokë, duke i shkaktuar vdekjen e menjëhershme.
Sipas policisë, pasi u sigurua se objektivi kishte ndërruar jetë, autori u largua me një makinë “Audi” të zezë në drejtim të rrugës Elbasan–Librazhd. Automjeti i marrë me qira u gjet të nesërmen i djegur në fshatin Mirakë. Qitësi mbetet ende i paidentifikuar.
Arrestimet dhe të kërkuarit
Hetimi çoi në arrestimin e Xhino Agos, ish-ortak i viktimës, banues në Elbasan, i dyshuar si bashkëpunëtor në krim. Ai akuzohet për veprat penale “Vrasje me paramendim”, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit”. Ai është personi që dyshohet se i dha autorit makinën e përdorur në krim.
Në pranga u vu edhe Kujtim Pisha, 52 vjeç, roje në një karburant, i cili akuzohet për “moskallëzim krimi”.
Autoritetet kanë shpallur në kërkim dy persona: Marselo Arani, 32 vjeç, banues në Elbasan, i cili ndodhej nën masën e sigurisë “arrest në shtëpi” për një tjetër vepër penale dhe Armando Kola, 35 vjeç, banues në Laç, i dyshuar për veprat “Vrasje me paramendim, kryer në bashkëpunim”, “Prodhimi dhe mbajtja pa leje e armëve”, dhe “Largimi i të burgosurit nga vendi i qëndrimit”
Policia ka vënë në pranga këtë të mërkurë një tjetër bashkëpunëtor në ngjarje. Ai është Nevzat Spaho, 29 vjeç nga Prrenjasi. I riu me precedent penalë ka pranuar se makina e ortakut të viktimës iu dha disa lezhjanëve para ngjarjes.
Dyshimet, mosmarrëveshje për borxhe të pashlyera
Burime pranë hetimit thonë se viktima dhe personat e dyshuar si autorë ishin të njohur mes tyre. Dyshohet se Mëhalla kishte pasur konflikte të zgjatura me disa prej tyre lidhur me borxhe të pashlyera, të dhëna me fajde, dhe se tensionet kishin agravuar prej muajsh.
Mësohet viktima kishte ushtruar presion dhe më herët kishte pasur konflikte verbale e fizike me disa prej personave të përfshirë, çka mund të ketë ndikuar për atentatin. Dyshohet se vrasja është kryer në kushtet e një hakmarrjeje të menjëhershme pas një konflikti, por rolet e secilit prej personave të arrestuar dhe të kërkuar mbeten për t’u përcaktuar nga policia dhe hetimi do përcaktojë autorësinë e secilit.
Policia Rrugore i ka bërë apel shoferëve të tregojnë kujdes të shtuar, teksa vendi po përfshihet nga temperaturat e ulëta që pritet të sjellin bor¡ dhe ngrica në rrugë.
Mesazhi i Policisë Rrugore:
Apel për më shumë kujdes nga përdoruesit e rrugës, kryesisht në zonat malore, për shkak të reshjeve të dëborës.
Policia Rrugore ka rritur prezencën e saj në të gjitha akset rrugore, me qëllim parandalimin e aksidenteve rrugore, lehtësimin e lëvizjes së automjeteve në akset ku ka ngarkesë dhe për të ndihmuar përdoruesit të rrugës, në raste nevoje.
Policia Rrugore apelon për drejtuesit e mjeteve që të bëjnë kujdes gjatë lëvizjes, pasi ka prezencë të lagështirës dhe në disa akse rrugore malore, prezencë të dëborës.
Drejtuesit e automjeteve dhe motomjeteve të respektojnë sinjalistikën rrugore, të përdorin zinxhirë dhe goma dimërore në akset ku është e nevojshme dhe të ndjekin udhëzimet e punonjësve të Policisë Rrugore në shërbim.
Të moderojnë shpejtësinë, të mbajnë distancën e duhur me mjetet e tjera, të mos kryejnë parakalime të gabuara, të vendosin rripin e sigurimit dhe kaskën mbrojtëse, dhe të mos përdorin celularin gjatë drejtimit të automjeteve dhe motomjeteve.
Në rast nevoje për ndihmë, telefononi në numrin pa pagesë 112.
Qe ne orët e para te mëngjesit do mundoheni te rivendosni komunikimin ne çift gjate kësaj dite. Edhe partneri sikundër ju do mundohet te beje me te mirën. Beqaret do realizojnë disa takime, por asnjeri nga personat nuk do ua mbushe aq shume mendjen sa për te filluar një lidhje. Ne planin financiar fati do ju buzëqeshë. Do mund te kryeni te gjitha shpenzimet qe doni.
Demi
Nuk do kuptoheni aspak sot me atë qe keni ne krah dhe nga momenti ne moment mund te lindin debate te forta. Asnjeri nuk do hape rruge. Beqaret edhe do duan edhe nuk do duan te ndryshojnë status. Mire do jete te mos hedhin hapa për te cilat te pendohen. Për financat do kujdeseni me shume se kurrë me pare dhe do ruani një gjendje te qëndrueshme.
Binjaket
Nëse kohet e fundit keni mundur te kaloni disa sfida te vështira ne jetën ne çift edhe sot keni për t’ia dale mbanë. Do bashkëpunoni fort me atë qe keni ne krah. Beqaret me mire te qëndrojnë edhe sot ashtu si janë sepse mundësitë për njohje nuk do jene te mira. Ne planin financiar do keni probleme goxha te mëdha te cilat nuk do mund t’iu zgjidhni dot menjëherë. Kërkoni sa me pare ndihme.
Gaforrja
Do kaloni çaste te bukura, por nuk do mungojnë as mosmarrëveshjet sot ne jetën tuaj ne çift. Asgjë nuk ka për te shkuar si e kishit menduar, megjithatë nuk duhet te bini ne pesimizëm. Beqaret do njihen me një person te cilin nuk e mbajnë mend se e njohin qe ne fëmijëri. Financat do ju mërzitin paksa. Do ju duhet përpjekje dhe maturi për ta ruajtur gjendjen te qëndrueshme.
Luani
Do jeni te disponueshem ndaj partnerit tuaj gjate kësaj dite dhe gati te bëni edhe sakrifica për te. Dita do jete e mbushur me emocione dhe kënaqësi. Beqaret sot do kenë vetëm njohje te cilat pas shume pak kohesh do shndërrohen ne diçka me tepër. Për financat është mire te kujdeseni me tepër sepse po i late pas dore dhe shpenzoni pa fund do keni vështirësi.
Virgjeresha
Ne pamje te pare jeta juaj ne çift do duket e qete, por ne fakt do jete farse. Secili prej jush do ketë hatërmbetje dhe pakënaqësi, por qe nuk do i shprehe me fjale. Kjo do jete pika me e dobët. Beqare do e kenë serish te vështirë ta gjejnë [personin e duhur. Gjendja financiare do ketë tronditje te vogla, por asgjë për t’u shqetësuar. Do mund t’ia dilni mbanë.
Peshorja
Sot do i jepni me shume prioritet se kurrë me pare jetës suaj ne çift. Nuk do e lini për asnjë moment partnerin te mërzitet përkundrazi do përgatisni surpriza për te. Beqaret do ja dalin te joshin dike, por kur ai t’iu kërkojë diçka me shume do stepen. Ne planin financiar duhet te bëni shume kujdes sepse gjendja nuk do jete aspak e mire si e kishit menduar.
Akrepi
Dielli do ndriçoje sot jetën tuaj ne çift dhe çdo gjë do ece për mrekulli mes jush dhe partnerit. Do përjetoni kënaqësi aq te mëdha saqë do ju duket vetja si ne ëndërr. Beqaret jo vetëm qe do fillojnë një histori dashurie, por do mendojnë menjëherë për bashkëjetesë. Ne planin financiar do jeni mjaft te organizuar dhe nuk pritet as problemi me i vogël.
Shigjetari
Gjerat do fillojnë te ecin ne drejtimin e duhur gjate kësaj dite. Do ndiheni mjaft mire pranë atij qe dashuroni dhe do mund te bëni edhe sakrifica nga me te ndryshmet. Beqaret me mire ta lënë veten te lire sesa te bëjnë gjera me nxitim. Do gabojnë rende. Ne planin financiar nuk duhet te bëni çmenduri. Gabimet e vogla sot mund te sjellin tronditje te mëdha nesër.
Bricjapi
Dite shume tensionuar kjo e sotmja për te dashuruarit. Nuk do arrini dot te merreni vesh me atë qe keni ne krah dhe kjo mund te jete shkatërruese. Beqaret do joshin gjithë kohës, por fatkeqësisht personat e gabuar. Kujdes! Gjendja e financave do jete delikate, prandaj bëni mire te shpenzoni me shume kujdes dhe maturi. Para hua mos jepni ne asnjë mënyrë.
Ujori
Ata qe kane pasur mosmarrëveshje dhe probleme ne çift mund te kenë vështirësi edhe sot nëse mungon dëshira e mire nga te dy. Beqaret nga ana tjetër do kenë një dite goxha pozitive dhe emocionet do jene te njëpasnjëshme. Gjendja financiare do ketë tronditje te mëdha për shkak se kohet e fundit keni bere goxha çmenduri me shpenzimet.
Peshqit
Dite shume e qete dhe e mire kjo e sotmja për te dashuruarit. Do ndiheni te dy me fat qe keni njeri-tjetrin ne krah dhe qe merreni vesh me se miri. Beqaret do e vuajnë shume vetminë. Sado qe do mundohen te gjejnë dike, nuk kane për t’ia dale mbanë. Gjendja e te ardhurave do jete goxha e mire. Përfitoni për te hequr disa para mënjanë dhe për te siguruar edhe te ardhmen.
Historia e tij ka diçka prej përralle, shkruan Corriere della Sera. Can Yaman ishte ende një avokat i ri kur u vu re në dasmën e një miku aktor, të mbajtur në Moskë disa vite më parë.
I propozuan një rol të vogël në televizion dhe aventura do të kishte mbaruar aty, po të mos ishte fakti që ai konsulent në Price Waterhouse Coopers në Stamboll, i diplomuar në Jurisprudencë dhe student shembullor ndihej i palumtur duke kaluar ditët para kompjuterit.
Në moshën 24-vjeçare vendosi kthesën që do ta çonte deri te Sandokan, seriali ku sot është protagonist, shkruan gazeta prestigjioze italiane.
Artikulli i plotë:
Fillon karrierën në serialet turke që në vitet 2019–2020 u transmetuan në Canale 5 (Bittersweet – Përbërësit e dashurisë, Day Dreamer – Krahët e ëndrrës). Disa thonë se pamja e tij të kujton Kabir Bedi-n, aktorin indian të sagës së famshme të bazuar mbi veprën e Emilio Salgarit, të transmetuar në vitin 1976. Turmat e fansave, megjithatë, më shumë e krahasojnë me piratin e Karaibeve, Johnny Depp.
Pesëdhjetë vjet pas kolosalit të parë, Can shqiptohet “Zhan”, si në frëngjisht thirret të interpretojë Tigrin e Malajzisë në tetë episode të prodhuara nga Lux Vide (grupi Fremantle) dhe Rai Fiction, me regji të Jan Michelini dhe Nicola Abbatangelo.
Është një prodhim ndërkombëtar, me një kast po aq të gjerë: Alessandro Preziosi në rolin e Yanez De Gomera-s, Alanah Bloor si Perla e Labuanit, ndërsa John Hannah dhe Ed Westwick interpretojnë sergentin Murray dhe Lord Brooke.
Ngjarjet zhvillohen në Borneo, në vitin 1841, mes popujve që luftojnë për liri dhe fuqive koloniale shtypëse. “Ky serial zbulon të kaluarën e Sandokan-it, një pirat me zemër si Robin Hood dhe me një spiritualitet të fortë. Është një luftëtar që buzëqesh,” thotë Yaman.
“Kisha kohë të përgatitesha, sepse xhirimet u shtynë për shkak të pandemisë.”
Me këmishë pak të hapur dhe pamje joshëse, aktori 36-vjeçar bëhet tejet serioz kur flet për profesionin e tij dhe nuk pranon të vlerësohet vetëm për sex appeal-in. Që prej transferimit në Itali në vitin 2021, popullariteti i tij është rritur ndjeshëm. Për shkak të numrit të madh të admiruesve, ai është shfaqur publikisht me një partnere (Sara Bluma, DJ me origjinë algjeriane) vetëm disa muaj më parë.
A e kishte lexuar sagën e Sandokan-it?
“Në Turqi nuk njihet shumë. Fillova të lexoj Salgarin në vitin 2021 për Sandokanin. Isha i paduruar të hyja në set, por pritja më ndihmoi të përgatitesha: humba dhjetë kilogramë, mësova kalërimin, studiova skenarin në anglisht (në versionin italian dubl-het nga Adriano Giannini).”
Ndërkohë, jeni ambientuar plotësisht me Italinë.
“Kam punuar në seriale të tjera që më kanë ndihmuar të rritem profesionalisht (Viola come il mare, Il Turco). Projekti Sandokan më jepte ankth. Fillimisht kisha frikë nga skenat e aksionit, por u desh të përqendrohesha sidomos te zhvillimi emocional. Më mësoi të ruaj pozitivitetin edhe në momentet e vështira. Zbulova edhe një strategji: të mendoj vetëm për të tashmen.”
E fliste tashmë italishten. Pse zgjodhe liceun italian kur ishe adoleshent?
“Mamaja ishte shumë e përkushtuar ndaj arsimimit tim. Donte që të ndiqja shkollat më të mira dhe të rritesha si qytetar i botës. Deri në moshën 14-vjeçare kam studiuar në një shkollë ku flitej anglisht, dhe për të mësuar një gjuhë tjetër zgjodha liceun italian, një nga më elitarët. Përzgjidhnin vetëm 80 studentë; disa lëndë i studionim në italisht, të tjerat, si historia, në turqisht.”
A është e vërtetë që flet edhe gjermanisht, frëngjisht dhe spanjisht?
“Kam bazën shkollore, por nuk i kam praktikuar. Ndërsa spanjishten po e mësoj tani për një serial që do të xhiroj në Madrid, por nuk mund të zbuloj më shumë. Jam shumë i disiplinuar kështu jemi mësuar në Turqi: punojmë 16 orë në ditë, derisa regjisorët na dërgojnë në shtëpi. Ky mentalitet i habit italianët: kërkoj shumë edhe nga bashkëpunëtorët. Për mua, dhjetë orë punë janë pak.”
Si ishte fëmijëria e tij në Stamboll?
“Jam rritur në Suadiye, një lagje rezidenciale në pjesën aziatike të qytetit, me fusha futbolli e basketbolli për djemtë. Është një zonë e banuar nga emigrantë të gjeneratës së dytë e të tretë, si gjyshërit e mi janë me origjinë kosovare e shqiptare, që kishin ardhur në Turqi gjatë luftës. Ata mes tyre flisnin shqip.”
E flet edhe shqipen?
“Jo. Babai ka lindur në Turqi dhe unë jam rritur si një djalë tipik i Stambollit, edhe pse mes njerëzve nga çdo vend. Nuk na habisin kulturat e ndryshme ato janë pjesë e historisë së Perandorisë Osmane. Turqia ka shumë migrantë, dhe vendndodhja jonë mes Lindjes, Europës dhe Afrikës së Veriut ndikon shumë në këtë. Si i rritur, mund të zgjedhësh vetë nëse do të jesh më perëndimor apo më lindor.”
Ke zgjedhur të jetosh në Itali. Çfarë përfaqëson Italia për ty?
“Një kulturë që e njoha për herë të parë falë liceut italian. Në moshën 14-vjeçare kalova verën me një familje në Livorno. U ktheva në 16 dhe tashmë e flisja shumë mirë. Çdo vit shkolla shpërblente nxënësit më të mirë dhe unë fitoja gjithmonë: një herë një laptop, një herë një shumë parash. Kur i thashë drejtoreshës se doja të studioja Jurisprudencë, ajo më këshilloi të përdorja paratë për të vizituar universitete si Padova, Siena dhe Bolonja.”
Por u diplomove në Turqi.
“Për arsye kohe. Në Itali do të më duheshin pesë vjet studim dhe dy të tjerë praktikë, plus dy të tjerë nëse do të kthehesha në Turqi. Më mirë ta përfundoja atje.”
A ishte me të vërtetë ëndrra jote të bëheshe avokat?
“Duhej të zgjidhja një profesion. Më pëlqente të lexoja dhe të mësoja gjuhë, dhe babai më tha: ‘Mund të bëhesh avokat ndërkombëtar’. Ai është shumë bindës dhe ideja e një karriere jashtë më pëlqente. Pas diplomimit u punësova në Price Waterhouse Coopers dhe, falë një mentori që u bë edhe miku im, fillova të shkruaja për revista të specializuara në financë dhe çështje ligjore.”
Si e pritën prindërit kalimin e tij në aktrim?
“Ndoshta fillimisht nuk e kuptonin, por e pranuan. Ata kanë pasur gjithmonë shumë besim tek unë.”
Ky është momenti i ekzekutimit të biznesmenit Edmond Mëhalla mbrëmjen e së dielës, përpara karburantit të tij, në lagjen Emin Matraxhiu, të qytetit të Elbasanit.
Kjo foto e publikuar është bërë pikërisht në momentin kur autori i krimit e qëllon 43-vjeçarin.
Ai është me kapuç në kokë, me armën drejtuar nga makina tip Range Rover e biznesmenit, ndaj të cilit qëllon 6 herë. 2 plumba e kapin në kokë, ndërsa të tjerët përfundojnë në trupin e 43-vjeçarit duke i shkaktuar vdekjen e menjëhershme.
Pak metra më tutje gjendet makina tip Audi me portobagazh, me të cilën ai kishte mbërritur në vendin e ngjarjes dhe u largua pas krimit, fare i vetëm. Deri tani, policia nuk ka mundur ta identifikojë.
Makina që u gjet e djegur në Mirakë, të Librazhdit, ishte marrë në Tiranë një ditë përpara vrasjes.
Ekziston edhe një video e omentit kur mjeti nxirret nga shtetasi Marsel Arani, nga një garazh në zonën e 21 Dhjetorit. Arani, banues në Elbasan, është shpallur në kërkim nga policia, i dyshuar si autor i ngjarjes, së bashku me shtetasin Armando Kola, nga Laçi, por rolet e tyre nuk janë përcaktuar ende.
Por dy persona të tjerë u arrestuan: Xhino Ago, 32-vjeç, ish-ortak i biznesmenit të vrarë, i cili rezulton se i ka dhënë hua makinën e përdorur në vrasje Marsel Aranit, dhe Kujtim Pisha, 52-vjeç, roje i karburantit në pronësi të viktimës, i dyshuar për moskallëzim krimi.
Marsel Arani ishte në arrest shtëpie për një tjetër vepër penale.
Nga hetimet e deritanishme, hetuesit dyshojnë se ngjarja ka si prapavijë një mosmarrëveshje mes dy ish-ortakëve, Edmond Mëhallës, që mbeti i vrarë, dhe Xhino Agës, të vënë në pranga nga policia e Elbasanit.
