Author: admin

Gazetari Artan Hoxha ka treguar një ngjarje të pazakontë që ka ndodhur me një qen antidrogë të Policisë së Shtetit.

Sipas pretendimeve të gazetarit, qeni mori mbidozë kokaine gjatë procesit të stërvitjes, dhe më pas u dha lajmi se ai ngordhi pasi u hodh nga kati i tretë i një ndërtese.

Sipas tij, e gjitha ndodhi me qëllim pasi qeni po zbulonte më shumë ngarkesa me drogë se sa duhej, dhe në këtë mënyrë po i prishte punë policisë.

Artan Hoxha ndër të tjera tha:

“Qeni antidrogë po kapte më shumë. Por që qeni ta nuhasë, edhe atij i jepet lënda narkotike që t’i zhvillohet nuhatja. Pastaj pa pritur u dha lajmi që qeni u hodh nga kati tretë dhe ngordhi. Kishte marrë mbidozë. U gjet që qeni kishte përdor lëndë narkotike. Qeni u bë pengesë, se nuk reagonte pozitivisht. Nuk e hante urdhrin. Ca ti bënin, i dhanë mbidozë.”

‘Këngëtarja e njohur Irma Libohova ka folur mbrëmjen e sotme për familjen, ku rrëfeu edhe marrëdhënien që ka patur me bashkëshortin e ndjerë, i cili u nda nga jeta disa vite më parë për shkak të një sëmundje të rëndë.

Ajo u shpreh në “Dola te Ola” se i “mungon një botë e tërë dhe ka një boshllëk që asgjë nuk mund ta zëvendësojë”.

Këngëtarja kujtoi se në çdo rast kur ishte e lodhur, bashkëshorti i saj i ndjerë ka qenë gjithmonë aty për ta dëgjuar dhe mbështetur. E pyetur se si u njoh me Besnikun, ajo tregoi se janë parë në një shëtitore në Tiranë dhe ajo pëlqente tek ai faktin se ai vishte rroba me ngjyra. Më pas ata janë njohur në Estradë, dhe disa kohë më vonë mësimi i frëngjishtes i bëri bashkë, nga ku lindi një dashuri e madhe.

Nëse do të kërkonim një histori që përmbledh kaosin, pasionin, skandalin dhe më pas transformimin personal, Desara do të ishte një nga figurat që e mishëron më mirë këtë rrugëtim. Në moshën 23-vjeçare, ajo u bë një personazh mediatik mjaft i komentuar në vitet 2016–2017, pasi kryente një akt të paprecedentë që tronditi opinionin publik – i dogji 4 makina të të dashurit të saj, si pasojë e një zënke të radhës mes tyre.

Nga akti ekstrem te burgu: Pasoja të rënda ligjore

Ky akt i furishëm solli menjëherë reagimin e institucioneve të drejtësisë. Gjykata e Tiranës e dënoi Desarën me 3 vjet e 6 muaj burg, por duke përfituar nga gjykimi i shkurtuar, ajo vuajti 2 vjet e 4 muaj heqje lirie.

Rasti i saj u transmetua gjerësisht në media dhe rrjetet sociale, ku opinioni u ndau mes atyre që e panë si një rast ekstrem xhelozie dhe ata që ngritën pyetjen mbi shëndetin mendor dhe nevojën për ndërgjegjësim shoqëror.

Një kthesë e papritur në jetë: Gruaja e Kastro Zizos

Pavarësisht të kaluarës së bujshme, sot Desara është kthyer në një faqe të re të jetës së saj personale. Sipas ilirianews.al, ajo është bashkëshortja e këngëtarit të njohur Kastro Zizo dhe nëna e djalit të tij të vogël, Dante.

Lajmi për marrëdhënien e tyre u bë publik për herë të parë rreth vitit 2019, ndërsa në vitin 2020, çifti u bë prindër të një djali, duke e forcuar më tej lidhjen e tyre. Kastro, i njohur për stilin e tij të veçantë dhe për deklaratat shpesh të pazakonta, është gjithashtu baba i dy fëmijëve të tjerë nga marrëdhënie të mëparshme.

Një jetë e re, larg së kaluarës së turbullt

Ndonëse Desara mbetet një figurë që shumëkush e kujton për episodin dramatik të djegies së makinave, transformimi i saj në një bashkëshorte dhe nënë e përkushtuar ka qenë i dukshëm. Lidhja me Kastro Zizon duket se i ka dhënë stabilitet dhe qetësi, ndërsa tani ajo e ruan një profil të ulët në publik, larg skandaleve dhe titujve bombastikë.

Në rrjetet sociale, çifti është shfaqur në momente të ngrohta familjare, duke dëshmuar se, pavarësisht gabimeve të së shkuarës, njerëzit mund të ndryshojnë dhe të ndërtojnë jetë të reja me dashuri dhe përkushtim.

Një histori që na kujton se e kaluara nuk na përcakton përjetë – dhe se dashuria dhe familja mund të bëhen fillimi i një transformimi të vërtetë.

Hijet e djalit të Edi Ramës; manovrat me shoqërinë “Magenta” të pikturave dhe milionat si i papunë…

Kryeministri Edi Rama, ka udhëruar disa aksione kundër atyre që fshehin të ardhurat dhe i shmangen detyrimeve tatimore, duke bërë akrobaci me hapje e mbyllje biznesesh: por rasti i biznesit “Magenta Sh.p.k” të djalit të tij Gregor Rama, dëshmon të njëjtën gjë.

Më 18 prill 2018, shtetasi Gregor Edi Rama, regjistroi firmën “Magenta Sh.p.k” dhe filloi aktivitetin me objekt shit-blerje vepra arti, import, export, design, krijim vepra arti e konsulencë.

Biznesin e filloi në adresën: Kati i 5-të te pallati “Reli” në Farkë, pranë Kopshtit Zoologjik në Tiranë, por pa mbushur 1 muaj, në datën 11 maj 2028, Gregor Rama e transferoi bisnesin te një mjedis tjetër në adresën: Rruga “Dritan Hoxha”, Njësia Administrative Nr 7-Tiranë.

Më 1 nëntor 2018, shtatë muaj pas nisjes së biznesit, mbylli aktivitetin e prodhimit dhe shit-blerjes veprave të artit, me procedurën e likuidim-falimentim- ç’regjistrim i firmës “Magenta”, duke kryer procedurën në kohë rekord brenda 2 muajve, kur të tjerët zgjasin mbi 1 vit.

Madje, në Ekstraktin te Qendra Kombëtare e Biznesit, nuk ka deklaruar dokumentacionin ligjor, ekspertin kontabël, vendim gjykate e bilanc për 7 muaj aktivitet, ndërsa të dhënat i ka bllokuar.

Edhe pas mbylljes e ç’regjistrimit të biznesit “Magenta Sh.p.k” në nëntor 2018, Edi Rama, për vitet 2020-2024 ka deklaruar të ardhura të djalit, nga aktiviteti dhe shitja e veprave të artit.

Megjithëse në nëntor 2018, ka mbyllur biznesin, Gregor Rama ka deklaruar llogari bankare, blerje apartamentesh; zyrash, studiosh e garazhe te disa ndërtues, për të cilat, thotë se i ka me burim financiar nga të ardhurat e shitjes së pikturave e instalacioneve.

Sipas të dhënave nga Inspektorati i Lartë i Deklarimit të Pasurive e Konfliktit të Interesave për subjektin “Edi Rama-Kryeministër”, rezulton se gjatë vitit 2018, që Gregor Rama ka patur biznesin “Magenta Sh.p.k”, nuk ka deklaruar asnjë qindarkë të ardhur nga biznesi i pikturave, por vetëm 3.6 milionë lekë nga një kontratë qiraje, pa përcaktuar se çfarë lloji është pasuria.

Në vitin 2019, Gregor Rama ka deklaruar 137 mijë lekë të ardhura, 42 mijë e 961 Euro llogari bankare, 12 mijë Euro nga shitja e makinës “Audi”, blerje makine “BMW” me vlerë 15 mijë Euro, 27 mijë e 500 Euro të ardhura nga shitja e pikturave dhe 36 mijë e 481 Euro nga likudimi i biznesit, kur gjatë këtij viti nuk ka kryer biznes e në QKB nuk ka pasqyruar bilanc.

Edhe pa aktivitet biznesi e i pa punësuar në shtet apo privat; për vitin 2020, Edi Rama ka deklaruar se i biri ka krijuar llogari bankare 715 mijë lekë, llogari bankare 8132 Euro, ka krijuar fond investimi 18 mijë e 500 Euro dhe 25 mijë Euro fitim nga shitjet e veprave të artit.

Për vitin 2021, Gregor Rama ka deklaruar 48 mijë e 300 Euro të ardhura nga veprimtaritë krjues ndër vite dhe 35 mijë Euro të ardhura nga një kontratë shitje, pa deklaruar se çfarë ka shitur.

Për vitin 2022, ka deklaruar blerje garazhi me vlerë 10 milionë lekë, pa deklarim burimin e të ardhurave; blerje apartamenti 99.5 m2 me vlerë 95 milionë lekë, me burim nga shitija e dy pikturave me vlerë 117 mijë e 483 Euro; si dhe 49 mijë e 980 Euro.

Ka deklaruar të ardhura nga shitja e 1 vepre arti instalacion, ndërsa më 31 dhjetor 202, investoi 7391 Euro, dhe bëri deklarim tjetër për 75 mijë Euro, të ardhuara nga shitja e 1 vepre instalacion.

Në vitin 2023, ka deklaruar 8000 Euro të ardhura; pakësim të llogarive me 745 mijë lekë dhe 40 mijë e 457 mijë Euro, të dhëna që kanë vazhduar edhe në deklarimin e vitit 2024.

Bën përshtypje, fakti që pas mbylljes së biznesit, djali i kryeministrit nuk figuron i punësuar; madje as kryeministri Edi Rama, nuk deklaron që ai të jetë i punësuar pas muajit janar 2019, kur mbylli biznesin./Pamfleti

Ish-deputeti Dashnor Sula, i ftuar në një studio televizive, ka deklaruar se situata politike në Tiranë është mjaft e ndërlikuar, duke theksuar përçarjet e brendshme në Partinë Socialiste dhe tensionet mes forcave kryesore politike.

Sipas Sulës, përveç kryeministrit Edi Rama që kërkon fitoren në kryeqytet, ekzistojnë figura brenda PS që nuk e mbështesin kandidaturën e Ogerta Manastirliut. Ai foli për një “komplot ndaj Ramës” dhe për konflikte të brendshme që ende nuk janë bërë publike.

Sula komentoi edhe qëndrimet e Partisë Demokratike dhe propozimin e Sali Berishës, duke e interpretuar si një lëvizje që, sipas tij, nuk i shërben më opozitës, por interesave personale të Berishës. Ish-deputeti theksoi se zhvillimet e fundit mes PS dhe PD pritet të zbulojnë shumë për dinamikat reale politike në ditët në vijim.

Situata në Tiranë është shumë më e komplikuar. Përveç Ramës që kërkon fitoren në Tiranë, ka të tjerë brenda PS që nuk duan triumfin e Manastirliut. Brenda PS ka probleme shumë të forta, pavarësisht nuk janë shfaqur. Ka një komplot ndaj Ramës. Rama kërkon kontrollon gjithçka, por që të ketë kontroll mbi drejtësinë dhe SPAK siç pretendon PD nuk ka sens.

Sepse i bie që Rama ka futur të gjithë të tijtë në burg dhe ka liruar Berishën. Berisha me këtë propozim që ka bërë sot do të thotë që nuk ka më opozitë, nuk i intereson më PD, vetëm interesat e veta. Ia bën këtë ofertë Ramës , i ofrohet Ramës ‘unë do të jem shpëtimtari jot’. Lëvizjet mes PS-PD mes këtyre ditëve, kemi për të kuptuar shumë”, tha Dashnor Sula.

Norvegjia po ndërton një nga veprat më ambicioze të inxhinierisë moderne. Projekti Rogfast, i cili tashmë është në fazë të avancuar pune, pritet të bëhet tuneli rrugor nën det më i gjatë dhe më i thellë në planet. Me një gjatësi prej 26.7 kilometrash dhe një pikë që zhytet deri në 392 metra nën nivelin e detit, tuneli do të lidhë zonat Randaberg dhe Bokn, duke eliminuar nevojën për lundrime me tragete në rajon.

Rogfast është pjesë kyçe e autostradës së ardhshme E39, një korridor strategjik prej 1.100 kilometrash që synon të lidhë jugun me veriun e Norvegjisë pa ndërprerje detare. Përmes dy tubave të veçantë me qarkullim në një krah, udhëtimi aktual do të shkurtohet në rreth 35 minuta.

Kostoja totale e projektit kap 20.6 miliardë korona norvegjeze (rreth 1.75 miliardë euro). Pas një pauze në vitin 2019 për shkak të mbi-kostove, punimet u rifilluan në vitin 2021 dhe vazhdojnë pa ndërprerje. Tuneli pritet të hapet për qarkullim në vitin 2031, ndërsa funksionimi i plotë mund të zgjasë deri në 2033.

Punimet zhvillohen në kushte ekstreme, përmes shkëmbinjve të fortë, duke përdorur metodën e shpimit dhe shpërthimit. Gjithashtu, po ndërtohet një nyje nënujore 250 metra e thellë që do të lidhë tunelin me ishullin Kvitsøy.

Pas denoncimeve të njëpasnjëshme dhe disa dosjeve të depozituara prej kohësh në SPAK, Prokuroria e Posaçme kundër Korrupsionit dhe Krimit të Organizuar ka marrë zyrtarisht të pandehur kryetaren e bashkisë së Roskovecit, Majlinda Bufin. Pas përfundimit të hetimeve, ajo akuzohet për veprën penale “përdorim i funksionit publik për veprimtari politike ose zgjedhore”. E gjithë kjo nisi pas një denoncimi të bërë publik në emisionin “Piranjat”, ku zonja Bufi urdhëronte qytetarin Gazmend Borgji të mos merrte pjesë në zgjedhjet e 14 majit 2023.

Mirëpo, në kohën kur është bërë ky regjistrim, zonja Bufi nuk ishte e vetme në zyrë, sepse pranë saj ishte edhe një tjetër personazh, asokohe jo shumë e njohur, deputetja aktuale e Kuvendit, Zegjine Çaushi. E pranishme në zyrën e kryetares, zonja në fjalë fillimisht ka marrë rolin e avokates mbrojtëse të Majlinda Bufit në përballjen me qytetarin. Gazmend Borgji akuzohej nga Majlinda Bufi se shtëpia e tij, e cila sipas qytetarit ishte ndërtuar nga vetë bashkia, cilësohej si një ndërtim pa leje.

Dhe duke qenë se Gazmend Borgji ishte shfaqur hapur në krah të kundërshtarit politik të Bufit, Zegjine Çaushi, që asokohe mbante postin e kryeinspektores së IMT-së në Bashkinë Roskovec, i bënte presion me prishjen e banesës. Duke parë që Gazmend Borgji nuk po i bindej urdhrave të kryetares së Roskovecit, Zegjine Çaushi fillon ta kërcënojë qytetarin me masa administrative, gjobë dhe dy vjet burg.“Vetëm me atë fiton ore, nuk fiton me ata të tjerët. Ndihmoje atë se nuk del keq, ndihmoje ore. Po të zbatojë ligjin ajo… dëgjoje atë se i thonë 5 milionë lekë minimalisht gjobën edhe vete bën një a dy vjet burg ore. Akoma nuk kupton ti? Për Zotin ti do vesh në burg ore”, i thotë Çaushi qytetarit në audiopërgjim.

Deputetja aktuale ka qenë po aq e përfshirë sa edhe Majlinda Bufi me këtë rast. Është e qartë se synimi i Çaushit ka qenë të frikësonte Gazmend Borgjin e ta detyronte në këtë formë që të mos shkonte në zgjedhje, ashtu siç kërkonte kryetarja e Roskovecit.

Ndërkohë, deri më sot nga prokuroria nuk është ngritur asnjë akuzë për Zegjine Çaushin, e cila vazhdon e qetë spektaklin e saj në parlament. Megjithatë, faktet janë aty të qarta, tashmë pritet vetëm që drejtësia të veprojë dhe ta zbardhë plotësisht ngjarjen.

© SYRI.net

Kryetari i Partisë Demokratike, Sali Berisha, është zgjedhur Zv.President i CDI, Unionit më të madh të partive tër qendrës së djathtë në botë.

Në Asamblenë e CDI të zhvilluar në Sao Paolo të Brazilit është zgjedhur Presidenca dhe drejtuesit e rinj të CDI, dhe ndër ta edhe lideri i PD.

Në Presidencë nga Europa janë gjithashtu Kryeministri i Kroacisë Andrej Plenkovic, kryeministri i ardhshëm i Sllovenisë Janezs Jansa dhe Kryeministri i Hungarisë, Viktor Orban.

Sekretar i Përgjithshëm i CDI është zgjedhur Antonio Lopez-Isturiz White, ndërsa President i CDI u rizgjodh, Andres Pastrana.

CDI është e përbërë nga 115 parti të qendrës së djathtë nga Europa, Amerika e Veriut, Amerika e Jugut dhe Azia.

Anëtarë të saj drejtojnë disa prej vendeve kryesore të botës përfshirë Shtetet e Bashkuara të Amerikës.

Një ngjarje e rëndë është shënuar në Librazhd, ku dhëndëri u ka dhënë valium vjehërrve dhe ma pas u ka vjedhur një shumë të konsiderueshme parash.

Pas marrjes së njoftimit se dy bashkëshortë ishin dërguar fillimisht në spitalin e Librazhdit dhe më pas në QSUT, në gjendje të rënduar shëndetësore dhe të dyshuar për intoksikim, shërbimet e Komisariatit të Policisë Librazhd organizuan menjëherë punën për zbardhjen e rrethanave të ngjarjes.

Falë veprimeve të shpejta dhe të koordinuara hetimore, të kryera në bashkëpunim me specialistët e Seksionit për Hetimin e Krimeve kundër Personit në DVP Elbasan dhe nën drejtimin e Prokurorisë, në kuadër të operacionit “Opportunity”, u bë e mundur zbardhja e plotë e ngjarjes, si dhe identifikimi, kapja dhe arrestimi i autorit të dyshuar, shtetasit I. K., 36 vjeç.

Nga hetimet rezultoi se autori, i afërm familjar i çiftit të moshuar (dhëndri i tyre), dyshohet se u ka administruar atyre një dozë të lartë medikamenti qetësues, të dyshuar si valium, duke shkaktuar dëmtime të rënda shëndetësore, dhe më pas ka vjedhur një shumë parash në banesën e tyre. Të dy bashkëshortët ndodhen nën kujdesin e mjekëve dhe janë jashtë rrezikut për jetën.

Në cilësinë e provës materiale u sekuestruan shuma e parave të vjedhura dhe një celular.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Kur shpalosi Edi Rama qeverine e mandatit te tij te IV; nje kontakti im; dashamirese, me telefonoi disi e shqetesuar.

-Si e sheh?, – me pyeti.
-Çfare duhet te shoh?, – e kunderpyes.

-Ky e vendosi prape Belinden,- me tha, – e tmerrshme.

-Perkundrazi, ky eshte hap qe e le zbuluar Belinden, – ja kthej.

-Nuk po te kuptoj fare, -me thote zonja e çoroditur.

-E tmerrshme do ishte sikur Balluku te merrte privilegjin e Kryetares se Parlamentit ose teorikisht te Presidentes se Republikes; sepse pikerisht kjo do i jepte guacke mbrojtese ndaj inkursionit qe ka nisur matane oqeanit.

-E mire mire; ajo eshte me e fuqishme se kurre me thote tjetra.

-Gabim. Eshte me e dobet dhe me vulnerabel se kurre, you will see. Por ka diçka tjeter qe une e quaj te tmerrshme dhe makabre, e qe ka lidhje direkt me ty, -i them zonjes.

-Ça na qenka kjo?

-Eshte e tmerrshme se si te gjithe ju mendoni mengjes dreke darke per Belinden ndersa akti me i rende eshte emerimi i Mirela Kumbaros ministre e Arsimit. Demet qe ka bere Belinda; sado te medha qofshin; rikuperohen maksimumi per 7-8 vite. Ndersa kostoja e vendosjes se Kumbaros ne krye te arsimit do jete me efekte 40-50 vjeçare. Belinda maksimumi demton bythen tuaj ca vite; por shkaterrimi dhe stanjacioni i arsimit i know how dhe i novacionit merr me qafe te ardhmen e femijeve tane se te tonen po e po. Kjo eshte teper e rende; kjo eshte e pafalshme dhe kjo eshte krim., – i them, duke vijuar:

Ti duhet ta kuptosh ne kete menyre ate qe po ndodh sepse jeni te gjithe njerez te manipuluar nga shoku Rrapi; ne nje gare perverse me njeri tjetrin brenda nje sistemi qe mbahet ne 2 kollona, ne 2 kembe:

Njera kembe jane kapriciot perverse te Rrapit, kemba tjeter jane frikerat e tij, ndersa te kemba e mesit jeni te gjithe ju qe luftoni njeri tjetrin se kush do jete te maja e kembes apo se kush kape me shume centimetra aty te kemba e mesit. Kaq jeni.

Fakti qe ti shqetesohesh per karrieren dhe karrigen e Beles kaq shume por s’ke asnje shqetesim per arsimin per know how; tregon shume. Madje tregon qe ti personalisht s’ke asnje parameter qe te ben ndryshe apo me te mire nga Bela, – i them.

-Ndoshta ke te drejte me thote.

-Ndoshta? Sigurisht qe kam te drejte; por ende s’te kam thene demin me te madh qe i ka bere kryetari yt ketij vendi; dhe ky nuk eshte dem strukturor por eshte dem kolosal ne nivel vetedije shoqerore. Dhe vetedija apo nen-vetedija eshte e rrenjosur shume thelle dhe eshte teper e veshtire te shkulet.

-Çfare demi?

-Marredhenia me punen dhe produktin. Askush nuk beson me ne kete vend se mund te jetosh mire e me dinjitet duke punuar. Se mund te pasurohesh duke punuar.

Zhvatja dhe plaçkitja ordinere eshte shnderruar ne kult ne fe, ne kredo absolute te subkoshiences; dhe kanceri ka hyre shume thelle, sepse nuk eshte vetem administrata shteterore qe e ka kete kredo, por tashme eshte dhe klasa e biznesit dhe e sipermarresve qe nuk besojne me te puna dhe te produkti. Biznesi i cili duhet te jete promotori i punes; i ideve i novacionit; ka busull vetem plaçkitjen ordinere; ka humbur vetedijen se me pune dhe produkt cilesor ti fiton me shume dhe je me sigurt.

-Kur e kemi lene ate kafen?, – me thote zonja.

-Kur te doje bytha ty, -ja kthej, mjafton qe kur te ulesh me mua; te kesh zbritur nga ajo kemba e trete e Rrapit dhe te jesh me kembet e tua.