Author: admin

Republika e prokurorëve po ngrihet pa votë, kur një masë sigurie bëhet akt qeverisjeje dhe gjykata tenton të zëvendësojë Kryeministrin në kufirin e parë të një grushti shteti pa tanke

Nesër Gjykata e Posaçme mund ta emërojë vetë zëvendëskryeministren e Edi Ramës. Sepse me vendimin nr. 118 datë 19 11 2025 ajo mori një kompetencë që nuk ia jep as Kushtetuta as ligji. Pezulloi numrin dy të qeverisë nga detyra sikur të ishte organ emërues. Sikur pushteti ekzekutiv të varej nga vula e gjyqtarëve dhe jo nga vota e qytetarëve. Dhe ky është thelbi. Jo fati penal i Belinda Ballukut. Por fakti që një gjykatë i tregoi Kryeministrit se kush komandon ekzekutivin.

Me një vendim të vetëm GJKKO i dërgoi një mesazh politik qeverisë. Ne vendosim kush rri dhe kush ikën nga kabineti. Ne vendosim kur qeveria mbetet pa numrin e saj dy. Ne vendosim kush mund të ushtrojë pushtet ekzekutiv. Sepse masa “pezullimi i ushtrimit të detyrës” për një zëvendëskryeministre nuk është masë sigurie. Është akt qeverisjeje. Është ndërhyrje në thelbin e pushtetit.

Vendimi në vetvete e pranon këtë. Në pikën e parë të tij thuhet qartë se gjykata ka vendosur “pezullimin nga detyra me funksione të larta shtetërore si Zv.Kryeministër i Republikës së Shqipërisë dhe Ministër i Infrastrukturës dhe Energjisë”. Pra gjykata e ka të qartë se çfarë funksioni po pezullon. Dhe pikërisht për këtë akti nuk është më juridik. Është politik. Është institucional. Është kompetencë që s’i takon.

Sigurisht që drejtësia ka të drejtë të hetojë ministra. Ka të drejtë të kërkojë masa sigurie ndaj kujtdo zyrtari publik. Por nuk ka asnjë të drejtë të zgjedhë qeverinë. Të marrë për vete rolin që Kushtetuta ua jep qartësisht tre institucioneve dhe vetëm atyre. Kryeministri propozon. Presidenti dekreton. Kuvendi miraton. Këtu fillon dhe mbaron skema e emërimit dhe shkarkimit të ministrave dhe të zëvendëskryeministrit. GJKKO nuk është as Kryeministër. As President. As Kuvend. Nuk ka mandat të ndërtojë qeveri paralele përmes masave të sigurimit.

Kjo nuk ka lidhje me fajësinë e Belindës. Kjo është çështje shteti. Sepse zëvendëskryeministri është njeriu që drejton vendin në mungesë të Kryeministrit. Nëse Kryeministri është i pamundur të ushtrojë funksionet e tij, vendi mbahet nga zëvendësi. Dhe nëse zëvendësi është pezulluar nga gjykata, zinxhiri i ushtrimit të pushtetit këputet. Pra vendi hyn në vakum ekzekutiv. Pra qeveria ngelet pa kokë rezervë. Pra gjykata ndërhyn në mekanizmin e vazhdimësisë së shtetit. Askush nuk e ka këtë të drejtë.

Dhe këtu qeveria nuk ka të bëjë vetëm me një emër. Ka të bëjë me funksionin. Me parimin. Me kufirin mes pushteteve.

Belinda Balluku nuk është vetëm ministre. Ajo është deputete e zgjedhur. Dekretuar si ministre nga Presidenti. Miratuar nga Kuvendi. E propozuar nga Kryeministri. Pra me dyfish imuniteti. Imunitet ekzekutiv dhe parlamentar. Imunitet që nuk e mbron personin por institucionin. Njeriun jo. Funksionin po.

Me masën “ndalim i daljes jashtë shtetit” gjykata ka futur parlamentin në një spirale si ajo e rastit Berisha ku vetë Kuvendi e konsideroi masën si formë të kufizimit të lirisë së një deputeti. Por në rastin e Ballukut kemi më shumë. Sepse nuk kufizohet vetëm liria e një deputeti. Kufizohet ushtrimi i pushtetit ekzekutiv. Dhe kjo nuk është më masë sigurie. Ky është akt me pasoja kushtetuese.

Drejtësia mund të kërkojë heqjen e imunitetit. Mund të kërkojë arrest me burg. Mund të kërkojë çdo masë tjetër që kufizon individin. Por nuk mund të japë masa që prekin ekzekutivin. Nuk mund të ndërhyjë në përbërjen e qeverisë. Nuk mund të sillet sikur është organ vendimmarrës i pushtetit ekzekutiv. Kjo është linja që nuk kalohet.

Edi Rama duhet të shkojë deri në fund në Gjykatën Kushtetuese. Sepse nëse sot pranon në heshtje që një gjykatë të pezullojë zëvendëskryeministren pa pëlqimin e Kuvendit, pa procedurë dhe pa dialog kushtetues, nesër e njëjta gjë mund të ndodhë me cilindo ministër. Madje edhe me vetë Kryeministrin. Mjafton një interpretim kreativ i nenit “rrezik për prishjen e provave”. Ky është mekanizëm që çmontuar pushtet. Ky është precedent.

Rama nuk mund të thotë “e zgjidhim politikisht”. Sepse kjo nuk është çështje politike. Është çështje kushtetuese. Nëse sot nuk vihet kufiri, nesër SPAK e GJKKO do kenë de facto fuqinë për të projektuar qeveri të reja përmes dosjeve dhe masave të sigurimit. Dhe kjo nuk është më drejtësi. Është inxhinieri politike. Është rishkrim i sistemit përmes vendimeve penale. Jo përmes votës.

Këtu hyn edhe roli amerikan. Departamenti i Drejtësisë, OPDAT, Ambasada e SHBA-ve kanë investuar vite të tëra për SPAK-un. Kanë dhënë legjitimitet moral dhe politik. Kanë garantuar mbështetjen ndërkombëtare.

Por tani, pikërisht për këtë, duhet të jenë të parët që kërkojnë respektimin e procedurave. Sepse një drejtësi që perceptohet si e mbështetur nga amerikanët nuk mund të veprojë jashtë kornizës kushtetuese pa dëmtuar vetë reformën. SPAK nuk është projekt për të zgjedhur qeveritë e Shqipërisë. Është projekt për të gjykuar korrupsionin. Dhe këto dy role nuk duhen dhe nuk mund të përzihen. Vetëm nëse ajo ka lobuar dhe vendos që kështu të ndodh dhe shpeshherë nuk pyet fare për procedura.

Belinda Balluku nuk është problemi. Është shembulli. Është testi. Është kokë turku e një sistemi që kërkon të tregojë forcë duke kaluar përmes rrugës më të rrezikshme. Drejtësia nuk mund të jetë arkitekte e ekzekutivit. Nuk mund të jetë pushteti që shemb dhe ndërton qeveri. Kjo tingëllon si luftë ndaj korrupsionit por në thelb është përçarje e pushteteve. Është rrëshqitje në republikën e prokurorëve. Grusht shteti pa tanke. Grusht shteti me masa sigurie.

Në këtë moment nuk ka rëndësi nëse Belinda është fajtore apo jo. Këtë e thotë gjykata me proces. Rëndësi ka nëse pranojmë që gjykata të bëhet vetë proces politik. Rëndësi ka nëse pranojmë që një zëvendëskryeministër të pezullohet me një firmë gjykatësi pa autorizimin e atyre që Kushtetuta u jep kompetencën për ta bërë këtë. Rëndësi ka nëse i hapim rrugë një precedenti që nesër mund të përdoret kundër kujtdo. Edhe kundër atyre që sot brohorasin.

Dita e sotme nuk është dita e Belindës. Është dita kur u prek një gur themeli i shtetit. Është dita kur gjykata provoi të tregojë se kush zgjedh qeverinë. Dhe nëse nuk ka një reagim kushtetues menjëherë, atëherë vendi nuk po rrezikon një krizë. Vendi po rrezikon një model të ri pushteti. Pa votë. Pa debat. Pa parlamentarizëm.

Një republikë ku gjykata i tregon Kryeministrit se kush duhet të jetë zëvendëskryeministër.

Ky është kufiri. Dhe ky kufi s’mund të kalojë.

Prej disa orësh godina e Kryeministrisë është në fokusin e të gjithëve, pasi Belinda Balluku dhe Ulsi Manja ndodhen në një takim me të parin e qeverisë Edi Rama. Pas raportimit se zëvendësja e tij, Balluku është pezulluar nga detyra nga GJKKO si masë sigurie në kuadër të hetimeve që po zhvillohen kundrejt saj, reagimet kanë qenë të shumta në opinionin publik dhe jo vetëm.

Megjithatë pritet me interes të shihet nëse Kryeministria do të dalë me ndonjë vendim, gjë e cila deri më tani nuk ka ndodhur, ndërsa mësohet se mbledhja me dyer të mbyllura vijon. Në këtë mori lajmesh e tymnajash, lindin disa pyetje që mund të marrin përgjigje vetëm nga ana juridike.

Cilat janë skenarët që mund të ndodhin pas kësaj mbledhje? Nga mbajtja në detyrë e Belinda Ballukut e deri te një vendim i Ramës për të ndryshuar emra të rëndësishëm në kabinetin e tij qeveritar. Newsbomb.al ka analizuar shkurtimisht duke konkluduar në tre skenarë juridikë të mundshëm.

1.Kryeministri Edi Rama mund ta mbajë Belinda Ballukun në detyrë dhe firmat e saj si Ministre e Infrastrukturës dhe Energjisë t’i vendosë zëvendësministri. Por përtej kësaj, qeveria ka nevojë për zgjidhje më konkrete. Në mungesë të Kryeministrit Edi Rama, kush do të drejtojë kabinetin apo të marrë vendime në vend të të parit të qeverisë?

2.Padyshim që ka një skenar të dytë dhe jo vetëm kaq. Një rrugë e gjatë, një kalvar procedurash dhe pritjesh por që japin zgjidhje. Vendimi i GJKKO-së ndaj Belinda Ballukut mund të ankimohet në Gjykatën e Apelit. Pas kësaj në varësi të vendimmarrjes, lëvizja e radhës mund të jetë rruga drejt Gjykatës së Lartë, ndërsa më tej mund të përfundojë në Gjykatën Kushtetuese. Ajo që vlen të theksohet është se vendimi i pezullimit të saj ka fuqi vetëm tre muaj. Proceduralisht, Prokuroria dhe Gjykata mund të kërkojnë një shtyrje apo zgjatje të këtij vendimi, por vetëm me një muaj.

3.Një tjetër skenar që qëndron është dorëheqja e Belinda Ballukut ose Kryeministri Edi Rama ta shkarkojë atë. Në këtë mënyrë, detyrimisht në kabinetin qeveritar do të ketë ndryshime. Por i gjithë ky kalvar procedurash dhe vendimesh, nuk prek mandatin që Belinda Balluku ka si deputete e zgjedhur me vullnetin e qytetarëve, pasi pezullimi nga funksionet nuk të pezullon mandatin e fituar nga zgjedhësit.

Nga Elton Qyno

Një skemë e mirëfilltë korrupsioni dhe pastrimi parash është realizuar nga një rrjet zyrtarësh dhe biznesmenësh të lidhur me ish-ministren e Infrastrukturës, Belinda Balluku, përbën një rast tipik për rekord “Guinnes”.

E gjitha ka ndodhur brenda një guaske që ndërlidhej mes shoqërisë “DAAM” të themeluar në vitin 2017, Autoritetit Rrugor Shqiptar dhe Ministrisë së Infrastrukturës dhe Energjitikës.

Por tashmë SPAK përmes zbulimit të 5 kontratave të blerjeve fiktive dhe mesazhet telefonike, ka zbërthyer të gjithë skemën e vjedhjes, duke sjellë njëherësh dhe “vdekjen” e grupit të Belinda Ballukut në ARRSH dhe ministrinë e infrastrukturës.

Tashmë pjesa më e madhe janë të pandehur, disa janë arrestuar, ndërsa kryetarja e këtij grupi, Belinda Balluku, është pezulluar nga detyra dhe kufizuar dalja jashtë shtetit, e ka indicia të forta se në ditët në vijim mund të ketë dhe masë arrestimi.

Gazetari Elton Qyno ka mësuar se SPAK ka arritur të “çajë” këtë grup korrupsioni që vepronte në ARRSH dhe Ministri, duke ndjekur një strategji me zbulimin e kontratave fiktive që kryheshin në shit-blerjen e kompanisë “DAAM“, faturat fiktive të shoqërisë “Net Group” dhe mbi 6 mijë mesazhe të rikuperuara në telefonat e Evis Berberit dhe zyrtarëve të tjerë të ministrisë dhe ARRSH-së.

Përmes mesazhe, SPAK tashmë ka rregjistruar zyrtarisht 3 dosje penale kundër Belinda Ballukut, si ajo e tenderit 190 milion euro të tunelit të Llogarasë, tenderit 2 milion euro të supervizimit të punimeve të tunelit të Llogarasë dhe tenderit për ndërtimin e Lotit Nr.4 të Unazës së Jashtme të Tiranës.

Sipas dokumentave çelësi fillestar i korrupsionit ka qënë shoqëria “DAAM” e themeluar në 5 Tetor 2017 nga Valter Begaj. Emri fillestar i kësaj kompanie ka qënë, “ВVAAL ENGI-10”, ndërsa administrator është emëruar Ervis Lami, shok i ngushtë i Evis Berberit.

Por 11 muaj nga themelimi i kësaj shoqërie, në 7 shtator 2018, para noteres Violeta Sulkaj, biznesmeni themelues i kompanisë “DAAM” që tashmë ndodhet në burg, Valter Begaj nënshkruan një kontratë me Evis Berberin.

Valter Begaj, zotëronte në atë kohë 100 për qind në pjesë 1.00 të kuotave të kapitalit të shoqërisë “ВVAAL ENGI-10”.

Sipas kontratës, Valter Begaj, deklaron se i shet blerësit Evis Berberi 100 për qind të këtyre kuotave në shumën 1 milion lekë të vjetra, shumë e cila është likujduar jashtë kësaj zyre dhe pala shitëse i ka marrë të hollat në dorë dhe nuk ka asnjë pretendim për këtë vlerë të likujduar.

Edhe Ervis Berberi, deklaron se është dakort si më sipër, pra që ka blerë në masën 100 për qind kuotat e kapitalit dhe që e ka likujduar plotësisht shitësin Begaj, për vlerën 1 milion lekë të vjetra.

Me blerjen e shoqërisë “ВVAAL ENGI-10”, Evis Berberi në muajin Tetor 2018, vendos të ndryshojë emrin e saj, duke e quajtur “DAAM” ndërsa administrator vijon të qëndrojë Ervis Lami.

Ndërkohë 1 vit më pas, në 31 janar 2019, shoqëria “DAAM” e përfaqësuar nga pronari i saj Evis Berberi, shitet tek një vajzë nga Kavaja, e quajtur, Brunilda Buli.

Një kontratë fiktive që Brunilda Buli merte përsipër tek noterja Rezarta Koçi, ti paguante Evis Berberit 500 mijë euro për ti blerë këtij të fundit 100 për qind të aksioneve. Berberi e bleu kompaninë në 2018 kundrejt 1 milion lekë të vjetra dhe për 1 vit e shiti të njëjtën kompani 500 mijë euro.

Në nenin 2 të kësaj kontrate të nënshkruar mes palëve në fillim të vitit 2029, thuhet se:

”…shitësi ia shet këto kuota blerësit kundrejt një çmimi 500 mijë euro, të vlerës nominale. Palët deklarojnë se kësti i parë në çmimin prej 8 mijë euro është paguar jashtë zyrës noteriale nga blerësja në favor të shitësit, të cilët nuk kanë asnjë pretendim ndaj njëri-tjetrit. Ndërsa pjesa tjetër e çmimit total do paguhet në 5 këste për një periudhë kohore prej 5 vjetësh, konkretisht nga 100 mijë euro çdo vit. Nëse pala shitëse nuk paguan vlerën totale të çmimit të shitjes brenda 5 vjetësh, shoqëria do i kthehet palës shitëse dhe pagesat e bëra gjatë kësaj kohe, nuk do i kthehen mbrapsht palës blerëse…”.

Por për të kuptuar se si kjo skemë funksionoi, SPAK iu desh të sekuestronte, celularët e drejtorit tashmë të arrestuar të ARRSH, Evis Berberi, hetime të cilat nisën në shtator të vitit 2023, pas të dhënave që u publikuan në media.

Një oficer i Byrosë Kombëtare të Hetimit, vuri më pas në lëvizje Prokurorinë. Por ajo çka e fundosi drejtorin e ARRSH, ishte zbërthimi i celularit Samsung, S 23 Ultra, në posedim të Ervis Lamit.

Aty nga ku u zbuluan edhe komunikimet midis tij, Evis Berberit, Valter Begaj dhe Brunilda Bulit. Biseda të cilat nuk linin asnjë hamendësim sipas SPAK, se Evis Berberi ishte pronari de fakto i kompanisë ‘DAAM’ dhe e kontrollonte atë në mënyrë të tërthortë, teksa si zyrtar i lartë në administratë çonte para në llogaritë e tij nga taksat e qytetarëve shqiptarë.

Në 16 gusht 2021 Brunilda Buli, i shkruan Ervis Lamit: “…Më fal që po të shkruaj në këtë orë. Doja të pyesja. Kemi hyrë në ndonjë tender në Kavajë me “DAAM”. Se kishte marrë babin tim në telefon njëri në Kavajë dhe i kishte thënë që ka një gabim në letra.

Ervisi i përgjigjet: Po, po. Sot kemi dorëzuar letrat. Në dijeninë time dokumentet kanë qenë në rregull.

Brunida i shkruan: Po çfarë tenderi është?

Ervis i dërgon sms: Është një objekt për realizimin e projekteve të ngrohjes me kaldajë, në 4 objekte”.

Ndërkohë sipas dokumentave të siguruara nga gazetari Elton Qyno, në 23 dhjetor 2021, vartësja e Evis Berberit Brunilda Buli, vendos t’ia shesë të gjitha aksionet e kompanisë “DAAM”, pronarit fillestar të kësaj shoqërie, biznesmenit Valter Begaj.

Sipas dokumentave fiktive që SPAK ka zbuluar, Valter Begaj që shiti kompaninë në 2018, tek Evis Berberi kundrejt vlerës financiare prej 1 milion lekë të vjetra, tashmë pas 3 viteve vetëofrohet të blerë këtë shoqëri, kundrejt 200 milion lekë të rinj (2 miliard lekë).

Kjo shifer e madhe, sipas kontratës do të paguhej nga blerësi në llogarinë bankare të shitësit dhe mandatet do të bashkangjiteshin kësaj kontrate.

Por çuditërisht, 2 muaj pasi Valter Begaj, ka blerë aksionet kundrejt 200 milion lekë të rinj të shoqërisë “DAAM”, ai në muajin shkurt 2021 vendos t’ia shesë këto aksione me të njëjtin çmim administratorit të shoqërisë “DAAM”, Ervis Lami, i cili është shok i ngushtë i Evis Berberit dhe Valter Begaj.

Sipas dokumentave të siguruara, në 21 shkurt 2022 firmoset një kontratë tjetër shitjesh të kapitalit të kompanisë “DAAM” mes Valter Begaj, gruas së tij Loreta Vallja që jep pëlqimin dhe Ervis Lamit, shokut të ngushtë të Evis Berberit.

Sipas kontratës të, çmimi i shitjes së 100 për qind të aksioneve, është fiksuar në 200 milion lekë të rinj.

Në nenin 2 të kësaj kontrate thuhej se: “…pala shitëse Valter Begaj dhe dhënësja e pëlqimit Loreta Vallja deklaron se i shet blerësit Ervis Lami, gjithë kuotën që ajo zotëron, me pjesëmarjen në masën 100 për qind të kapitalit të shoqërisë kundrejt çmimit të sitjes 200.000.000 (dyqind milione) lekë të rinj. Kjo vlerë do të paguhet nga blerësi në llogarinë bankare të shitësit dhe mandatet do t’i bashkangjiten kësaj kontrate. Palët deklarojnë se çmimi është i vetëm, i pandryshuar dhe palët nuk kanë asnjë pretendim ndaj njeri-tjetrit në lidhje me vlerën dhe mënyrën e likujdimit si me poshtë përshkruar. Çmimi i shitje’s se kuotave te kapitalit do te paguhet me keste brenda nje periudhe kohore prej 3 (tre) vitesh nga dita e nenshkrimit te kesaj kontrate. Nese pala blerese nuk paguan vleren totale te cmimit te shitjes se kuotave te kapitalit brenda 3 vjetesh, shoqeria do t’i kthehet shitesit, pronarit aktual, pa asnjë detyrim shtesë.

Por habitë me shitje-blerje fiktive të kësaj kompani nuk kanë rreshtur sërisht. Pasi dy muaj pas shitjes 200 milion lekë të rinj, pronari i ri, Ervis Lami, në 4 Prill 2022 ka vendosur tia shesë të gjitha aksionet e shoqërisë, biznesmenit fillsetar të saj, Valter Begaj.

Kontrata e shitjes nuk është bërë tek asnjë noter ndërsa çmimi i shitjes së kësaj shoqërie është 0 lekë.

“…shitesi Ervis Lami, deklaron se i shet blerësit Valter Begaj, (pronar i mëparshëm i subjektit) 100 për qind të këtyre kuotave, kundrejt vlerës 0 lekë, pasi shitësi tërhiqet nga pronësia dhe të dy palët nuk kanë asnjë pretendim ndaj njeri-tjetrit…”-thuhet në kontratën e shitjes.

Tashmë kjo shoqëri është sekuestruar nga SPAK qysh prej 2 Prillit 2024 dhe ende vijon të jetë e sekuestruar.

Pas largimit nga “Wake Up”, Neada Mucaj ka reaguar për herë të parë në rrjetet sociale.

Moderatorja ka publikuar një foto me buqetë lulesh dhe një kartolinë, ku një person anonim i ka dërguar një mesazh mbështetjeje:

“Një kujtesë e vogël se edhe ditët e vështira mund të lulëzojnë në diçka më të mirë. Dikush këtu beson tek ti.”

Neada e ka shoqëruar postimin me fjalët: “Kushdo qofsh, faleminderit!”

Ky reagim i qetë dhe emocional vjen vetëm pak ditë pasi Neada dhe Enxhi Nasufi u larguan nga “Wake Up”, ndryshim që erdhi pas sherrit mes dy moderatoreve.

Nderkohe qe Tirana po zien per masat e SPAK ndaj Ballukut, dhe populli shqiptar mezi pret te marre dhe nje fare qendrimi per kete ceshtje, ka qene Ambasada e cila sapo ka postuar nje postim te thjeshte qe ska lidhje me situaten, por ku i dihet!

Ambasada e SHBA në Tiranë ka bërë një njoftim të rëndësishëm për qytetarët duke treguar se cilat janë kanalet e vetme zyrtare të saj.

Ambasada e SHBA përmes një postimi në rrjete sociale duket se tregon që i druhet sulmeve kibernetike ndërsa thekson se vlerëson angazhimin e vazhdueshëm me ndjekësit.

Sakaq, në postim Ambasada e SHBA në Tiranë paralajmëron që ndjekësit të jenë të kujdesshëm kur të ndërveprojnë me profile ose mesazhe që pretendojnë se përfaqësojnë vetë ambasadën.

“Ne e vlerësojmë angazhimin e vazhdueshëm me ndjekësit tanë. Për të siguruar një komunikim të sigurt, duam t’ju kujtojmë se kanalet tona të VETME zyrtare janë:
▪️Facebook: @usembassytirana
▪️Instagram: @usembassytirana

▪️X: @USEmbassyTirana
▪️Youtube: @USEmbassyTirana
▪️website: al.usembassy.gov
Ju inkurajojmë të jeni të kujdesshëm kur ndërveproni me profile ose mesazhe që pretendojnë se na përfaqësojnë ne. Siguria online ka rëndësi për të gjithë ne.”-shkruan Ambasada e SHBA në Tiranë.

Gazetari Almer Toska, i ftuar në një studio televizive ka folur për pezullimin nga detyra të Belinda Ballukut dhe bllokimin e pasaportës nga GJKKO, ndërsa ajo është marrë e pandehur prej javësh nga SPAK.

Toska u ndal te vizita e sotme e Ballukut në Kryeministri, ku ajo ndodhet prej dy orësh dhe besohet se po zhvillon një takim me kreun e qeverisë, Edi Rama.

Sipas tij ka një debat të fortë mes Ramës dhe Ballukut, pasi kryeministri i kërkon asaj dorëheqjen ose shkarkimin, ndërsa ajo e refuzon këtë gjë.

Almer Toska: Ka një debat shumë të fortë mes Ramës dhe Ballukut. Rama i kërko nshkarkimin dhe dorëheqjen dhe ajo nuk e pranon. Duhet vlerësuar puna korrekte e prokurorit të çështjes dhe drejtësisë në këtë rast. Zyrtari i DASH Ian Flemmin i cili vizitoi SPAK, ka dhënë garancinë për ta cuar këtë çështje deri në fund.

Vendimi i GJKKO-së përtë ndaluar zv kryeministren Belinda Balluku për të hyrë në zyrë dhe për ti mbajtur asaj peng pashaportën, ndonëse në një farë mënyre u duk si një rufe në qiell të pastër, ishte parathënë në fakt nga një prej zërave më të fuqishëm propagandistikë të regjimit. Në pamje të parë dukej sikur, ndonëse SPAk e mori të pandehur, Rama nuk do ta shiste numrin dy të qeverisë. Ai dha shenja se do të vazhdonte ta mbante atë në detyrë edhe me çmimin e atij që i bën barrierrë drejtësisë. Këtë lojë vijuan edhe shume prej mediave pro qeveritare, që u vunë në mbrojtje të Belinda Ballukut, që i pasqyronin aktivitetet e saj normalisht sikur ajo të mos ishte tashmë një e pandehur.

ulisa, dukej se po luhej një lojë tjetër. Shikues të vëmendshëm të sinjaleve nën rreshta që jepen përmes mediave, kanë vënë re prej ditësh një ndryshim kursi editorial të TopChannel në raport me Ballukun. Në ekranin më të madh kombëtar të vendit u vunë re të thirreshin kritikë të ashpër të zv/kryeministres, ndërkohë që ata nuk gjenin pasqyrim në pjesën me të madhe të mediave. Edhe në përzgjedhjen e titujve të lajmeve kishte ndryshim.

Nëse shumëkund bëhej sikur marrja e pandehur e Ballukut nuk kishte ndodhur në titujt e Top Channel citoheshin opozitarët e PD-së me akuza kundër saj.  Kollaj edhe sot mund të shihen tituj që citojnë Klevis Balliun që ankohet se Balluku fshihet dhe nuk shkon në interpelanca, aspo se asaj po i kalon buxheti më i madh ngaqe është ministrja që vjedh më shumë. Aty bëhet lajm i veçantë bojkoti i deputetëve të BD-së kur balluku mban fjalën. Një titull i kushtohet kundërshtarit të saj të madh Gaz Bardhit: “Duartrokitje për të pandehurën e SPAK”. Një tjetër pasqyron Berishën që e akuzon Belën për ‘manipullim dokumetash”.

Mund të përmenden edhe plot raste të tjera të ditëve të fundit, kur më e pakta që mund të thuhet është se Top Channel nuk ka treguar të njëjtin kujdes si mediat e tjera për ta mbrojtur të pandehurën.

Në kushte normale kjo vijë editoriale, në dukje korrekte, nuk do duhej të kish lenë shenjë. Por shpesh Top Channel është akuzuar se ka bërë lojën e Ramës dhe ka organizuar fushta sulmesh me porosi të kryeministrit kundër ‘vëllezërve të tij armiq” brenda partisë apo qeverisë. Ish zv/kryeministri Ahmetaj ka pretenduar se një gjë e tillë ka ndodhur kundër tij. Ai ka pranuar gjithashtu se kur ka qenë pjesë e kabinetit ka qenë në djeni që Topi, me porosi, ka sulmuar Fatmir Xhafën apo Ditmir Bushatin. Prandaj pyetja që shtrohet është: A është ky dhe rasti i Ballukut? A është kjo shenja se Rama pranoi ta lëshojë numrin 2 të tij? Për sa kohë që nuk ka prova kjo mbetet vetëm një pandehmë. Ajo mund të jete edhe thjeshtë një sjellje korrekte profesionale të TV kombëtar. Por ama një gjë është e sigurtë. Duke ndjekur Top Channel e kuptoje që ditë më parë se Belinda Balluku ishte duke rënë.

©Lapsi.al

Egli Tako përflitet për një lidhje të fshehtë me biznesmenin e njohur Endri Topalli? Pamjet nga udhëtimet nxisin dyshimet në rrjet

Rrjetet sociale janë “përvëluar” nga komentet dhe aludimet e fundit rreth një historie të mundshme mes ish-banore së “BBVA”, Egli Tako, dhe biznesmenit të njohur Endri Topalli, i cili është baba i dy fëmijëve.

Gjithçka ka nisur nga disa postime në Instagram, ku të dy duket se ndajnë pamje nga vende pothuajse identike — fillimisht nga makinat respektive në trafik, e më pas nga i njëjti ambient luksoz me pamje nga ura e Bosforit në Stamboll. Ndjekësit vunë re detaje të përbashkëta, si këndet e fotove, oraret dhe lokacionet, duke ngritur dyshime mbi një udhëtim të përbashkët.

Për më tepër, në profilin e Eglit vihet re se ajo ndjek Endri Topallin në Instagram, fakt që ka shtuar edhe më shumë “benzinë në zjarr”. Komentet e ndjekësve nuk kanë munguar, teksa spekulimet janë shtuar duke pyetur nëse mes tyre ka lindur një marrëdhënie.

Nga ana e tyre, as Egli Tako dhe as Endri Topalli nuk kanë bërë asnjë reagim apo deklaratë publike mbi këto thashetheme që po qarkullojnë me shpejtësi. Deri tani, gjithçka mbetet në kuadrin e aludimeve nga postimet në rrjete sociale.

Mbetet për t’u parë nëse dyshja do të vendosë të sqarojë publikun, apo do të vazhdojë ta mbajë këtë çështje në heshtje.

Çfarë mendoni ju? A është rastësi apo diçka më shumë?

Lala u shpreh se çështja e radhës në SPAK do të jetë aeroporti i Vlorës, por nuk dihet ende nëse do t’i faturohet Ballukut pasi është çështje nën hetim.

“Në komunikimet që Balluku kishte me ish-vartësin e tij Evis Berberi, lihet të nënkuptohet që ka komunikime paralelisht me Ramën, që e etiketon me terma jo etikë. E kam të konfirmuar këtë gjë, edhe pse disa prej nofkave të përdorura nuk qëndrojnë me thënë të drejtën.

Çështja e Rradhës në SPAK por që nuk di a do t’i faturohet Ballukut është Aeroporti i Vlorës. Rama hezitoi ta lëshonte direkt Ballukun, për herë të parë në një intervistë për DË përdori një gjuhë të drunjtë dhe të ftohtë, ndryshe nga gjuha e përdorur në rastet për Veliajn apo Tahirin”, tha ajo.

Prokuroria e Posaçme ka gjetur prova të reja gjatë hetimeve të zhvilluara, që çuan edhe në akuzën e re ndaj zv/kryeministres Belinda Balluku dhe vendosjes së masës së sigurisë ndaj saj prej GJKKO, me pezullim nga detyra dhe ndalim për të dalë jashtë vendit, duke i bllokuar pasaportën.

Gazetarja Klodiana Lala u shpreh se nga hetimet rezulton se edhe tenderi për Lotin 4 të Unazës së Madhe është paracaktuar nëpërmjet dokumenteve që ta fitonte konsorciumi i tre firmave të bashkuara që garuan.

“SPAK mund të ketë prova të reja. I ka shtuar akuzë të re, është për Lotin e 4-t në Unazën e Madhe përveç tunelit të Llogarasë. Akuza e re është po shkelje e barazisë në tenderë. Vendimi i GJKKO-së është marrë ditën e djeshme, por u konfirmua ditën e sotme. Momenti i parë është tuneli i Llogarasë dhe e dyta për një çështje që nuk dihej nga media, nuk kishte informacion, për Lotin 4 të Unazës së Madhe ku tre kompani janë bashkuar së bashku për të marrë dhe fituar këtë tender me një vlerë mbi 20 mln euro. Edhe këtu dyshohet se janë përshtatur kriteret, është ndërhyrë, me qëllim që të fitonte kjo kompani”, u shpreh gazetarja në “News 24”.

Madje ajo tregoi detaje nga aksionet dhe procedurat e prokurorëve dhe agjentëve të BKH-së, siç janë kontrolle banesash e zyrash të institucioneve. Kontrolle ka pasur edhe në Gjirin e Lalëzit, si dhe në banesën e drejtoreshës Juridike të Ballukut.

“Ka pasur kontrolle në Gjirin e Lalëzit dhe të banesave të njerëzve të besuar të Ballukut, sekuestruar telefona të tyre janë sekuestruar, si drejtoreshës juridike të zv/kryeministres. Madje është sekuestruar edhe telefoni i bashkëshortit të një prej të dyshuarve me të cilën besohet se fliste. Janë ushtruar kontrolle edhe në disa zyra, zyra juridike, ku besohet se janë bërë letrat apo procedurat për tenderët dhe janë sekuestruar materialet nga prokuroria”, vijoi Lala.

Gazetarja shpjegoi se përveç akuzës së shkeljes së barazisë në tenderë për tunelin e Llogarasë, Balluku ka akuzë të njëjtë për një vepër të njëjtë penale, pra e përsëritur dy herë. Kurse ekspertët po punojnë për të zbërthyer të gjitha komunikimet e telefonave.

“Edhe për Lotin nr. 4 është ngritur akuzë zyrtare, në vendimin e GJKKO gjendet, pra Balluku është nën akuzë për dy vepra penale, edhe pse është shkelje e barazisë së tenderëve, por janë dy tender të ndryshëm, pra dy herë nën akuzë për të njëjtën vepër penale. Ekspertët po vlerësojnë për të zbuluar se çfarë gjendet në telefonat e sekuestruar, komunikimet e kryera mes tyre”.

Seksioni i Hetimit të Krimeve Ekonomiko–Financiare, në bashkëpunim me Drejtorinë për Krimet në Volum pranë DPPSh, ka finalizuar një operacion të mirëorganizuar të koduar “Outlet”, pas sigurimit dhe administrimit të informacioneve në rrugë operative për kontrabandë mallrash në Tiranë.

Arrestimi

Si rezultat i operacionit u arrestua shtetasja:

• Estela Kapo, 49 vjeçe, banuese në Tiranë, e cila ishte bërë personazh i njohur në rrjetet sociale, veçanërisht në TikTok, ku reklamonte veshje dhe produkte të ndryshme që tregtonte në biznesin e saj.

Estela kishte krijuar një komunitet ndjekësish duke promovuar video të shpeshta të produkteve “outlet”, çmimeve të ulëta dhe ofertave të përditshme.

Policia e Tiranës  ka arrestuar një 49-vjeçare, e cila shiste rroba të kontrabanduara te dyshuara të vjedhura në Greqi.

Sipas njoftimit të policisë, në pranga ka rënë shtetasja Estela Kapo, 49 vjeçe, banuese në Tiranë.

Gjatë kontrollit në subjektin tregtar që administronte kjo shtetase, në rrugën “Demneri”, Yzberisht, u gjet dhe u sekuestrua një sasi e konsiderueshme veshjesh të ndryshme, për të cilat ajo nuk dispononte dokumentacion doganor apo fatura blerjeje.

https://www.facebook.com/plugins/video.php?height=316&href=https%3A%2F%2Fwww.facebook.com%2Freel%2F1307692424467294%2F&show_text=false&width=560&t=0

Njoftimi i Policisë:

Tiranë

Finalizohet si rezultat i bashkëpunimit të strukturave të DVP Tiranë me Drejtorinë e Hetimit të Krimeve në DPPSh, operacioni policor i koduar “Outlet”.

Goditet një rast i kontrabandimit në Shqipëri, të mallrave të dyshuara të vjedhura në Greqi.

Zbulohet dhe bllokohet dyqani në Yzberisht, ku shiteshin mallrat (veshjet) e kontrabanduara.

Vihet në pranga administratorja e dyqanit.

Vijojnë hetimet për identifikimin e shtetasve të tjerë të përfshirë në këtë veprimtari.

Seksioni i Hetimit të Krimeve Ekonomiko-Financiare, në bashkëpunim me Drejtorinë për Krimet në Volum në DPPSh, si rezultat i administrimit të informacioneve të siguruara për një rast të kontrabandës së mallrave, organizuan dhe finalizuan operacionin policor të koduar “Outlet”, si rezultat i të cilit u vu në pranga shtetasja:

-E. K., 49 vjeçe, banuese në Tiranë.

Gjatë kontrollit në subjektin tregtar që administronte kjo shtetase, në rrugën “Demneri”, Yzberisht, u gjet dhe u sekuestrua një sasi e konsiderueshme veshjesh të ndryshme, për të cilat ajo nuk dispononte dokumentacion doganor apo fatura blerjeje.

Materialet procedurale i janë referuar Prokurorisë së Tiranës, për veprime të mëtejshme.

Ogerta Manastirliu është caktuar drejtuese politike për qarkun e Tiranës. Kjo është lëvizja e radhës e bërë nga kryeministri Edi Rama, i cili e bëri publike vendimin duke u shprehur:

“Ne e mbështesim Bashkinë që të bëjë më të mirën për buxhetin dhe për këtë arsye menduam për Ogertën si drejtuese politike të qarkut, por edhe si deputete të Tiranës.”

Kujtojmë se Ogerta Manastirliu ishte kandidate për Bashkinë e Tiranës, por Gjykata Kushtetuese pezulloi zgjedhjet në kryeqytet, duke lënë në detyrë kryetarin aktual, Erion Veliajn.

Shkarkimi i tij u shpall i kundërligjshëm nga Kushtetuesja dhe për pasojë, Manastirliu do të vijojë punën si deputete e Kuvendit të Shqipërisë, ndërkohë që merr përsipër edhe detyrën e re politike në kryeqytet.

Drejtuesja Politike e Partisë Socialiste për Tiranën, Ogerta Manastirliu, së bashku me Ministren e Ekonomisë Delina Ibrahimaj, deputetët e zonës dhe drejtues të Bashkisë së Tiranës, zhvilluan një takim me banorët e Njësisë 4, në vijim të turit të dëgjesave publike për Buxhetin 2026 që po zhvillohen në të gjithë territorin e Tiranës.

Gjatë takimit me komunitetin e Njësisë 4, Ogerta Manastirliu vuri theksin te politikat e reja për strehimin dhe krijimin e Agjencisë së Strehimit për strehimin social dhe të përballueshëm.

“Qeveria po punon për të krijuar Agjencinë e Strehimit për strehim social dhe të përballueshëm. Përpos asaj që Bashkia sot jep në programet e saj të strehimit social, kreditë sociale apo banesat sociale me qira apo vetë ndërtimet që realizohen në kuadër të programeve të strehimit, qeveria është duke punuar për një tjetër program që lidhet me këtë Agjenci që do të krijohet për t’iu dhënë mundësi çifteve të reja, familjeve të reja për të pasur banesën e parë dhe për t’iu krijuar mundësinë e një strehimi të përballueshëm”, tha Manastirliu.